— ᠨᠠᠮᠲᠠᠶᠢᠰᠦ᠋ᠷᠥᠩ | | ᠭᠠᠷᠤᠲᠢ ᠪᠤᠯ ᠦᠵᠡᠰᠭᠦᠯᠡᠩ ᠬᠠᠴᠢᠨ ᠰᠤᠨᠢᠨ ᠠᠪᠤᠷᠭᠤ ᠰᠢᠪᠠᠭᠤ ᠶᠤᠮ᠃ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ | ᠨᠦᠭᠦᠳ ᠭᠠᠷᠤᠲᠢ ᠢ ᠰᠢᠳᠦᠭᠡᠨ ᠲᠤᠲ᠋ᠧᠮ ᠪᠤᠯᠭᠠᠵᠤ᠂ ᠭᠠᠷᠤᠲᠢ ᠢ ᠭᠡᠷᠡᠯ ᠭᠡᠭᠡ ᠶᠢ ᠠᠪᠴᠢᠷᠠᠳᠠᠭ ᠦᠯᠵᠡᠢ ᠪᠡᠯᠭᠡ ᠶᠢ | ᠭᠦᠷᠭᠡᠵᠤ ᠦᠭᠳᠡᠭ ᠭᠡᠵᠤ ᠦᠵᠡᠳᠡᠭ᠃ ᠭᠠᠷᠤᠲᠢ ᠪᠤᠯ ︿︿ᠵᠢᠭᠦᠷᠳᠡᠨ ᠤ ᠬᠠᠭᠠᠨ﹀﹀ ᠪᠦᠭᠡᠳ ᠦᠵᠡᠰᠭᠦᠯᠡᠩ | ᠰᠠᠶᠢᠬᠠᠨ ᠲᠤᠯᠠ ᠭᠦᠮᠦᠰ ︿︿ᠭᠠᠷᠤᠲᠢ ᠢᠯᠡᠷᠡᠪᠡᠯ ᠲᠡᠭᠷᠢ ᠶᠢᠨ ᠳᠤᠤᠷᠠ ᠡᠩᠭᠡ ᠲᠠᠶᠢᠪᠤᠩ ᠤᠨ ᠪᠡᠯᠭᠡ ᠢᠯᠡᠷᠡᠵᠤ᠂ | ᠠᠷᠠᠳ ᠲᠦᠮᠡᠨ ᠠᠮᠤᠷ ᠮᠡᠨᠳᠤ ᠵᠤᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠬᠤ ᠪᠤᠯᠤᠨᠠ﹀﹀ ᠭᠡᠵᠤ ᠦᠵᠡᠳᠡᠭ᠃ ᠡᠶᠢᠮᠤ ᠠᠴᠠ ᠠᠯᠢ | ᠡᠷᠳᠡᠨ ᠠᠴᠠ ᠠᠪᠤᠭᠠᠳ ᠭᠦᠮᠦᠰ ᠭᠠᠷᠤᠲᠢ ᠶᠢᠨ ᠵᠢᠷᠤᠭ ᠲᠦᠷᠰᠦ ᠢ ᠤᠷᠳᠤᠨ ᠤ ᠳᠤᠳᠤᠷᠠ ᠪᠤᠯᠤᠨ ᠠᠷᠠᠳ | ᠢᠷᠭᠡᠳ ᠤᠨ ᠡᠯᠡ ᠵᠦᠢᠯ ᠤᠨ ᠤᠷᠠᠯᠢᠭ ᠤᠨ ᠪᠦᠳᠦᠭᠡᠯ ᠳᠡᠭᠡᠷᠡ ᠵᠢᠷᠤᠵᠤ ᠤᠷᠠᠯᠠᠬᠤ ᠪᠤᠯᠪᠠ᠃ ᠭᠦᠮᠦᠰ ︿︿ | ᠭᠠᠷᠤᠲᠢ ᠭᠠᠯᠪᠢᠩᠭᠠ ᠶᠢ ᠭᠤᠶᠤᠬᠤ﹀﹀ ᠭᠡᠳᠡᠭ ᠦᠭᠡ ᠪᠠᠷ ᠵᠠᠯᠠᠭᠤ ᠡᠷᠡᠭᠲᠠᠢ ᠡᠮᠡᠭᠲᠠᠢ ᠶᠢᠨ ᠢᠨᠠᠭ ᠲᠤᠷᠠᠯᠠᠯ ᠢ | ᠳᠦᠷᠰᠤᠯᠡᠬᠦ ᠪᠤᠯᠤᠭᠰᠠᠨ ᠶᠤᠮ᠃ ᠠᠷᠠᠳ ᠢᠷᠭᠡᠳ ᠪᠠᠰᠠ ︿︿ᠪᠠᠭᠴᠠ ᠪᠢᠰᠭᠢᠭᠦᠷ ᠦᠯᠢᠶᠡᠨ ᠭᠠᠷᠤᠲᠢ ᠢ | ᠪᠦᠵᠢᠭᠯᠡᠭᠦᠯᠭᠦ﹀﹀᠂ ︿︿ᠪᠢᠰᠭᠢᠭᠦᠷ ᠦᠯᠢᠶᠡᠨ ᠭᠠᠷᠤᠲᠢ ᠢ ᠭᠦᠭᠵᠢᠭᠡᠭᠦ﹀﹀᠂ ︿︿ᠭᠠᠷᠤᠲᠢ ᠭᠠᠯᠪᠢᠩᠭᠠ ᠬᠠᠮᠳᠤᠷᠠᠨ | ᠲᠤᠩᠭᠤᠳᠬᠤ﹀﹀᠂ ︿︿ᠲᠤᠭᠤᠷᠤᠤ ᠨᠢᠰᠴᠦ ᠭᠠᠷᠤᠲᠢ ᠪᠦᠵᠢᠭᠯᠡᠭᠦ﹀﹀᠂ ︿︿ᠵᠢᠭᠦᠷᠳᠡᠨ ᠰᠢᠪᠡᠭᠤᠳ ᠭᠠᠷᠤᠲᠢ ᠲᠠᠢ | ᠵᠤᠯᠭᠤᠬᠤ﹀﹀᠂ ︿︿ᠯᠤᠤ ᠭᠠᠷᠤᠲᠢ ᠦᠯᠵᠡᠢ ᠢᠯᠡᠷᠡᠭᠦᠯᠭᠦ﹀﹀᠂ ︿︿ᠭᠠᠷᠤᠲᠢ ᠮᠠᠨᠲᠠᠷᠠᠸᠠ ᠴᠡᠴᠡᠭ ᠢ ᠪᠠᠭ᠋ᠠᠷᠬᠠᠬᠤ﹀﹀ | ᠵᠡᠷᠭᠡ ᠲᠤᠮᠤᠭᠯᠢᠭ ᠦᠯᠵᠡᠢ ᠪᠡᠯᠭᠡᠳᠦ ᠤᠷᠠᠨ ᠵᠢᠷᠤᠭ ᠢ ᠵᠢᠷᠤᠵᠤ ᠪᠦᠳᠦᠭᠡᠭᠰᠡᠨ ᠶᠤᠮ᠃ ᠭᠠᠷᠤᠲᠢ ᠶᠢᠨ ᠦᠯᠢᠭᠡᠷ | ᠵᠢᠷᠤᠭ ᠨᠢ ᠤᠳᠤ ᠨᠢᠭᠡᠨᠳᠡ ᠠᠮᠢᠳᠤ ᠴᠤᠪᠤᠭᠤᠯᠢᠭ ᠤᠷᠠᠯᠢᠭ ᠤᠨ ᠲᠦᠷᠢ ᠲᠦᠷᠰᠦ ᠪᠤᠯᠵᠤ᠂ ᠮᠠᠨ ᠤ ᠤᠯᠤᠰ ᠤᠨ | ᠡᠯᠡ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠭᠠᠷ ᠤᠷᠠᠯᠠᠯ ᠤᠨ ᠤᠷᠠ ᠮᠡᠷᠭᠡᠵᠢᠯ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠦᠭᠡᠳ | ᠪᠡᠯᠭᠡ ᠲᠡᠮᠳᠡᠭ ᠤᠨ ᠨᠢᠭᠡᠨ ᠪᠤᠯᠤᠭᠰᠠᠨ ᠶᠤᠮ᠃ | ᠮᠤᠩᠭᠤᠯ ᠭᠠᠵᠠᠷ ᠤᠨ ᠭᠦᠮᠦᠨ ᠤ ᠨᠡᠷᠡ ᠪᠤᠯᠤᠨ ᠠᠭᠤᠯᠠ ᠶᠢᠨ ᠨᠡᠷᠡ ᠳᠤ ᠭᠠᠷᠤᠲᠢ ᠭᠡᠰᠡᠨ ᠨᠡᠷᠡ ᠶᠢ ᠤᠯᠠᠨ | ᠭᠡᠷᠡᠭᠯᠡᠳᠡᠭ᠃ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠮᠡᠭᠲᠠᠶᠢᠴᠤᠳ ᠤᠨ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠪᠤᠯᠤᠨ ᠬᠤᠪᠴᠠᠰᠤ ᠬᠤᠨᠠᠷ | ᠳᠡᠭᠡᠷᠡ ᠭᠠᠷᠤᠲᠢ ᠶᠢᠨ ᠭᠡ ᠤᠭᠠᠯᠵᠠ ᠶᠢ ᠠᠷᠪᠢᠨ ᠵᠢᠷᠤᠵᠤ ᠭᠡᠷᠡᠭᠯᠡᠳᠡᠭ᠃ ᠲᠡᠤᠭᠡᠨ ᠳᠡᠭᠡᠷᠡ ᠤᠯᠠᠭᠠᠨᠬᠠᠳᠠ ᠤᠷᠤᠨ | ᠪᠤᠯ ᠳ᠋ᠦᠩᠭᠡᠦ᠂ ᠰᠢᠶᠠᠨᠪᠢ᠂ ᠭᠢᠳᠠᠨ ᠭᠦᠮᠦᠨ ᠤ ᠠᠮᠢᠳᠤᠷᠠᠨ ᠤᠷᠤᠰᠢᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠦᠭᠡᠳ ᠮᠥᠨ ᠴᠤ | ᠱᠠᠩ ᠠᠶᠢᠮᠠᠭ ᠤᠨ ᠭᠦᠮᠦᠨ ᠤ ᠡᠭᠦᠰᠦᠯ ᠤᠨ ᠭᠠᠵᠠᠷ ᠪᠤᠯᠬᠤ ᠶᠤᠮ᠃ ᠯᠤᠤ ᠭᠠᠷᠤᠲᠢ ᠶᠢᠨ ᠰᠤᠶᠤᠯ ᠪᠤᠯ ᠪᠠᠯᠠᠷ | ᠡᠷᠳᠡᠨ ᠤ ᠱᠠᠩ ᠠᠶᠢᠮᠠᠭ ᠠᠴᠠ ᠢᠷᠡᠯ ᠲᠠᠢ ᠶᠤᠮ᠃ ᠲᠡᠤᠭᠡᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠶᠤᠸᠠᠨ ᠤᠯᠤᠰ ᠤᠨ | ᠦᠶᠡ ᠳᠤ ᠮᠤᠩᠭᠤᠯ ᠭᠦᠮᠦᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠳᠤ ᠯᠤᠤ ᠭᠠᠷᠤᠲᠢ ᠶᠢᠨ ᠭᠡ ᠤᠭᠠᠯᠵᠠ ᠶᠢ ᠤᠯᠠᠨ ᠭᠡᠷᠡᠭᠯᠡᠵᠤ | ᠪᠠᠶᠢᠪᠠ᠃ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠠᠬᠠᠮᠠᠳ ᠪᠤᠭᠤᠷᠤᠯᠴᠤᠳ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ ︿︿ᠶᠤᠸᠠᠨ ᠤᠯᠤᠰ ᠤᠨ | ᠦᠶᠡ ᠳᠤ ᠯᠤ᠋ ᠸᠠᠩ ᠤᠨ ᠬᠤᠳᠠ ᠶᠢᠨ ᠡᠭᠡᠴᠢᠮᠡᠳ ᠭᠦᠩᠵᠤ ᠨᠠᠷ ᠤᠳᠤ ᠶᠢᠨ ᠪᠤᠷᠤᠬᠤᠳᠠ ᠪᠠᠯᠭᠠᠰᠤ ᠶᠢᠨ ᠠᠷᠤ | ᠳᠠᠬᠢ ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠵᠤ ᠪᠠᠶᠢᠵᠠᠢ ᠭᠡᠨᠡ᠃ ᠢᠩᠭᠢᠭᠰᠡᠨ ᠢᠶᠠᠷ ᠡᠨᠡ ᠭᠠᠵᠠᠷ ᠲᠤ ᠭᠤᠸᠠ ᠦᠭᠢᠳ | ᠤᠯᠠᠨ ᠮᠡᠨᠳᠦᠯᠡᠵᠤ᠂ ᠬᠠᠭᠠᠨ ᠤ ᠬᠠᠳᠤᠨ ᠠᠷᠪᠢᠨ ᠭᠠᠷᠤᠯᠠ ᠭᠡᠳᠡᠭ᠃ ᠡᠨᠡ ᠠᠭᠤᠯᠠ ᠶᠢ ᠬᠤᠵᠢᠮ ᠨᠢ ᠴᠢᠩ | ᠤᠯᠤᠰ ᠤᠨ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤᠯᠵᠤ ᠮᠡᠳᠡᠭᠡᠳ ᠠᠳᠡ ᠠᠴᠠ ᠬᠠᠭᠠᠨ ᠤ ᠬᠠᠳᠤᠨ ᠭᠠᠷᠬᠤ ᠠᠴᠠ | ᠰᠡᠷᠭᠡᠶᠢᠯᠡᠵᠤ ᠭᠦᠮᠦᠨ ᠲᠤᠮᠢᠯᠡᠨ ᠡᠪᠳᠡᠯᠡᠭᠡ ᠭᠢᠵᠤ ᠭᠡᠨᠡ᠃ ᠲᠡᠭᠦᠨ ᠠᠴᠠ ᠠᠪᠤᠭᠠᠳ ᠭᠠᠷᠤᠲᠢ ᠠᠭᠤᠯᠠ ᠶᠢᠨ | ᠳᠠᠭᠢᠯᠭᠠ ᠳᠠᠰᠤᠷᠠᠵᠤ᠂ ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠨᠡᠷᠡ ᠶᠢ ︿ᠴᠤᠭᠤᠷᠬᠠᠢ ᠬᠠᠳᠠ﹀ ᠭᠡᠵᠤ ᠨᠡᠷᠡᠯᠡᠭᠦ ᠪᠤᠯᠤᠭᠰᠠᠨ | ᠭᠡᠨᠡ﹀﹀ ᠭᠡᠳᠡᠭ᠃ ᠦᠨᠦ ᠪᠢᠳᠡ ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠶᠢ ᠳᠠᠭᠢᠨ ᠰᠡᠷᠭᠦᠭᠡᠵᠤ ᠪᠠᠶᠢᠬᠤ ᠨᠢ ᠡᠨᠡᠭᠦ | ᠠᠯᠢ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠢᠶᠠᠨ ᠬᠠᠮᠠᠭᠠᠯᠠᠨ ᠤᠯᠠᠮᠵᠢᠯᠠᠵᠤ ᠵᠤᠭᠠᠴᠠᠯ ᠤᠨ ᠦᠢᠯᠡᠰ | ᠲᠤ ᠦᠢᠯᠡᠴᠢᠯᠡᠭᠦᠯᠭᠦ ᠶᠢᠨ ᠲᠦᠯᠦᠭᠡ ᠶᠤᠮ᠃ | | | ᠨᠢᠭᠡ᠂ ᠲᠠᠭᠢᠯᠭᠠ ᠶᠢᠨ ᠡᠮᠦᠨᠡᠭᠢ ᠪᠡᠯᠡᠳᠭᠡᠯ ᠠᠵᠢᠯ ᠢ ᠰᠠᠶᠢᠳᠤᠷ ᠭᠢᠨᠡ | | | 1᠂ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠪᠤᠰᠬᠠᠵᠤ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠢ ᠰᠠᠶᠢᠳᠤᠷ ᠭᠢᠨᠡ᠃ | ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠤᠨ ᠲᠤᠭᠤᠷᠢᠨ ᠳᠤ ᠡᠯᠡ ᠵᠦᠢᠯ ᠤᠨ ᠭᠠᠷᠤᠲᠢ ᠶᠢᠨ ᠤᠷᠠᠨ ᠵᠢᠷᠤᠭ ᠰᠡᠶᠢᠯᠦᠮᠡᠯ ᠤᠳ ᠢ | ᠡᠯᠭᠦᠵᠤ ᠴᠢᠮᠡᠵᠤ ᠵᠠᠰᠠᠨᠠ᠃ ᠲᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠵᠡᠷᠭᠡ ᠪᠠᠨ ᠠᠷᠢᠭᠤᠳᠬᠠᠯ ᠭᠢᠨᠡ᠃ | 2᠂ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠤᠨ ᠡᠮᠦᠨᠡᠭᠢ ᠳᠠᠭᠢᠯᠭᠠ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠳᠠᠭᠢᠯᠭᠠ ᠶᠢᠨ ᠪᠤᠳᠠᠰ ᠢ | ᠲᠦᠭᠦᠷᠡᠳᠡᠯᠡ ᠤᠪᠤᠭᠠᠯᠠᠵᠤ ᠲᠠᠯᠪᠢᠨᠠ᠃ | 3᠂ ᠳᠠᠭᠢᠯᠭᠠ ᠶᠢᠨ ᠰᠢᠷᠡᠭᠡᠨ ᠤ ᠡᠮᠦᠨᠡ ᠲᠤᠮᠤ ᠱᠠᠩᠯᠦ ᠲᠠᠯᠪᠢᠵᠤ᠂ ᠠᠷᠴᠠ ᠭᠦᠵᠢ ᠤᠩᠭᠠᠰᠬᠠᠨ ᠰᠠᠩ | ᠲᠠᠯᠪᠢᠨᠠ᠃ | 4᠂ ᠭᠠᠷᠤᠲᠢ ᠳᠠᠭᠢᠬᠤ ᠳᠠᠭᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠡᠮᠡᠭᠲᠠᠶᠢᠴᠤᠳ ᠠᠯᠢ ᠴᠢᠳᠠᠬᠤ ᠪᠠᠷ ᠭᠠᠷᠤᠲᠢ ᠶᠢᠨ ᠭᠡ | ᠤᠭᠠᠯᠵᠠ ᠤᠨ ᠤᠷᠠᠨ ᠬᠠᠳᠬᠤᠮᠠᠯ ᠲᠠᠢ ᠬᠤᠪᠴᠠᠰᠤ ᠬᠤᠨᠠᠷ ᠡᠮᠦᠰᠴᠦ᠂ ᠭᠠᠷ ᠲᠠᠭᠠᠨ ᠮᠠᠨᠲᠠᠷᠠᠸᠠ ᠴᠡᠴᠡᠭ | ᠠᠳᠬᠤᠵᠤ᠂ ᠭᠠᠷᠤᠲᠢ ᠪᠦᠵᠢᠭ ᠪᠦᠵᠢᠭᠯᠡᠨᠡ᠃ | | | ᠬᠤᠶᠠᠷ᠂ ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠬᠤ ᠳᠤ ᠴᠡᠭᠡᠷᠯᠡᠭᠦ ᠵᠦᠢᠯ | | | 1᠂ ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠬᠤ ᠦᠶᠡ ᠳᠤ ᠫᠤᠤ ᠲᠤᠤᠭᠠᠷᠭᠠᠬᠤ ᠪᠤᠶᠤ ᠫᠤᠤᠵᠠᠩ ᠲᠠᠯᠪᠢᠵᠤ ᠪᠤᠯᠬᠤ | ᠦᠭᠡᠢ᠃ ᠡᠰᠡ ᠲᠡᠭᠡᠪᠡᠯ ᠮᠠᠭᠤ ᠢᠷᠸᠠ —— ᠭᠠᠷᠤᠲᠢ ᠰᠠᠭᠢᠭᠤᠯᠰᠤ ᠴᠤᠴᠢᠨᠠ ᠭᠡᠳᠡᠭ᠃ | 2᠂ ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠤᠷᠴᠢᠨ ᠠᠬᠤᠢ ᠶᠢ ᠡᠪᠳᠡᠵᠤ ᠪᠤᠯᠬᠤ ᠦᠭᠡᠢ᠃ ᠡᠪᠳᠡᠪᠡᠯ ᠮᠠᠭᠤ ᠢᠷᠸᠠ | —— ᠡᠪᠡᠳᠴᠢᠨ ᠤᠷᠢᠶᠠᠨᠠ ᠭᠡᠳᠡᠭ᠃ | 3᠂ ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠬᠤ ᠳᠠᠭᠢᠯᠭᠠ ᠶᠢᠨ ᠲᠠᠯᠠᠪᠠᠢ ᠶᠢ ᠪᠤᠵᠢᠷᠲᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ | ᠳᠠᠭᠢᠯᠭᠠ ᠶᠢᠨ ᠲᠠᠯᠠᠪᠠᠢ ᠶᠢᠨ ᠡᠷᠭᠢᠨ ᠲᠤᠭᠤᠷᠢᠨ ᠳᠤ ᠬᠠᠶᠠᠭᠳᠠᠮᠠᠯ ᠡᠳ᠋ ᠬᠠᠶᠠᠬᠤ ᠪᠤᠶᠤ ᠰᠢᠭᠡᠵᠤ ᠪᠠᠭᠠᠵᠤ ᠪᠤᠯᠬᠤ | ᠦᠭᠡᠢ᠃ ᠬᠤᠭ ᠨᠤᠪᠰᠢ ᠬᠠᠶᠠᠬᠤ᠂ ᠰᠢᠭᠡᠵᠤ ᠪᠠᠭᠠᠬᠤ ᠳᠤ ᠡᠷᠭᠡᠪᠰᠢ ᠲᠤᠭᠳᠠᠭᠰᠠᠨ ᠭᠠᠵᠠᠷ ᠲᠤ ᠶᠠᠪᠤᠬᠤ ᠭᠡᠷᠡᠭᠲᠠᠢ᠃ | ᠡᠰᠡ ᠲᠡᠭᠡᠪᠡᠯ ᠮᠠᠭᠤ ᠢᠷᠸᠠ —— ᠡᠪᠡᠳᠴᠢᠨ ᠤᠯᠤᠨᠠ ᠭᠡᠳᠡᠭ᠃ | 4᠂ ᠳᠠᠭᠢᠯᠭᠠ ᠶᠢᠨ ᠪᠤᠳᠠᠰ ᠲᠤ ᠵᠢᠭᠦᠷᠲᠡᠨ ᠤ ᠮᠢᠬᠠ ᠪᠠ ᠦᠨᠳᠡᠭᠡ ᠶᠢ ᠤᠷᠤᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ | ᠵᠦᠷᠢᠴᠡᠪᠡᠯ ᠮᠠᠭᠤ ᠢᠷᠸᠠ —— ᠭᠠᠷᠤᠲᠢ ᠰᠠᠭᠢᠭᠤᠯᠰᠤ ᠳᠠᠭᠢᠯᠭᠠ ᠳᠤ ᠢᠷᠡᠭᠦ ᠦᠭᠡᠢ᠂ ᠠᠶᠤᠯ ᠵᠤᠪᠠᠯᠠᠩ | ᠪᠤᠯᠤᠨᠠ ᠭᠡᠳᠡᠭ᠃ | | | ᠭᠤᠷᠪᠠ᠂ ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠬᠤ ᠠᠯᠬᠤᠮ ᠳᠠᠷᠠᠭᠠ | | | 1᠂ ᠳᠠᠭᠢᠯᠭᠠ ᠶᠢᠨ ᠳᠠᠭᠠᠭᠠᠮᠠᠯ ᠠᠴᠠ ᠭᠠᠷᠤᠲᠢ ᠶᠢᠨ ᠰᠤᠶᠤᠯ ᠪᠤᠯᠤᠨ ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠢᠷᠡᠯᠳᠡ ᠪᠠ | ᠭᠠᠷᠤᠲᠢ ᠠᠭᠤᠯᠠ ᠶᠢ ᠳᠠᠭᠢᠵᠤ ᠬᠠᠮᠠᠭᠠᠯᠠᠨ ᠠᠰᠢᠭᠯᠠᠬᠤ ᠶᠢᠨ ᠠᠴᠢ ᠬᠤᠯᠪᠤᠭᠳᠠᠯ ᠵᠢᠴᠢ ᠴᠡᠭᠡᠷ ᠵᠠᠩᠰᠢᠯ ᠵᠡᠷᠭᠡ ᠶᠢ | ᠲᠠᠨᠢᠯᠴᠠᠭᠤᠯᠤᠨᠠ᠃ | 2᠂ ᠳᠠᠭᠢᠯᠭᠠ ᠶᠢᠨ ᠳᠠᠭᠠᠭᠠᠮᠠᠯ ᠠᠴᠠ ᠬᠠᠷᠢᠭᠤᠴᠠᠨ ︿︿ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠰᠤᠶᠤᠯ ᠢ ᠬᠠᠮᠠᠭᠠᠯᠠᠵᠤ᠂ | ᠠᠰᠢᠭᠯᠠᠬᠤ ᠲᠤᠬᠠᠢ ᠲᠤᠭᠳᠠᠭᠠᠯ﹀﹀ ᠢ ᠨᠡᠶᠢᠳᠡᠯᠡᠵᠤ ᠭᠠᠷ ᠡᠷᠭᠦᠨ ᠪᠠᠳᠤᠯᠠᠨᠠ᠃ | 3᠂ ᠭᠦᠳᠦᠯᠦᠭᠴᠢ ᠪᠤᠶᠤ ᠭᠡᠯᠡᠮᠦᠷᠴᠢ ︵ᠡᠰᠡᠭᠦᠯᠡ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠯᠠᠶᠢᠴᠢᠩ︶ ᠠᠴᠠ ᠭᠠᠷᠤᠲᠢ ᠶᠢᠨ | ᠢᠷᠦᠭᠡᠯ ᠮᠠᠭᠳᠠᠭᠠᠯ ᠢ ᠤᠩᠰᠢᠵᠤ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷᠤᠲᠢ ᠠᠭᠤᠯᠠᠨ ᠳᠠᠭᠠᠨ ᠮᠦᠷᠭᠦᠨ ᠳᠠᠭᠠᠳᠬᠠᠨᠠ᠃ | 4᠂ ᠭᠦᠳᠦᠯᠦᠭᠴᠢ ᠶᠢᠨ ᠳᠠᠭᠠᠭᠤᠯᠭᠠ ᠳᠤᠤᠷᠠ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷᠤᠲᠢ ᠠᠭᠤᠯᠠ ᠪᠤᠯᠤᠨ ᠳᠠᠭᠢᠯᠭᠠ | ᠶᠢᠨ ᠮᠠᠨᠳᠠᠯ ᠳᠤ ᠰᠠᠴᠤᠯᠢ ᠪᠠ ᠡᠷᠭᠦᠴᠡ ᠡᠷᠭᠦᠨᠡ᠃ | 5᠂ ᠭᠦᠳᠦᠯᠦᠭᠴᠢ ᠶᠢᠨ ᠳᠠᠭᠠᠭᠤᠯᠭᠠ ᠳᠤᠤᠷᠠ ᠤᠯᠠᠨ ᠢᠶᠠᠷ ᠢᠶᠠᠨ ᠲᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠢ ᠨᠠᠷᠠᠨ ᠵᠦᠪ | ᠢᠶᠠᠷ ᠡᠷᠭᠢᠨ ᠪᠢᠰᠭᠢᠭᠦᠷ ᠦᠯᠢᠶᠡᠨ ᠠᠨᠳᠠᠢ ᠪᠦᠵᠢᠭ ᠪᠦᠵᠢᠭᠯᠡᠨ ᠭᠠᠷᠤᠲᠢ ᠪᠠᠨ ᠪᠠᠶᠠᠰᠬᠠᠨᠠ᠃ | 6᠂ ᠭᠠᠷᠤᠲᠢ ᠶᠢᠨ ᠤᠷᠠᠨ ᠵᠢᠷᠤᠭ ᠵᠢᠷᠤᠬᠤ᠂ ᠭᠠᠷᠤᠲᠢ ᠦᠰᠦᠭ ᠤᠨ ᠤᠷᠠᠨ ᠪᠢᠴᠢᠯᠭᠡ ᠪᠢᠴᠢᠭᠦ᠂ ᠭᠠᠷᠤᠲᠢ | ᠪᠦᠵᠢᠭ ᠪᠦᠵᠢᠭᠯᠡᠭᠦ ᠵᠡᠷᠭᠡ ᠡᠷᠡᠭᠦᠯ ᠴᠢᠭᠢᠷᠠᠭ ᠡᠯᠪᠡᠭ ᠪᠠᠶᠠᠯᠢᠭ ᠤᠳᠬᠠ ᠠᠭᠤᠯᠭᠠ ᠲᠠᠢ ᠤᠯᠠᠨ ᠲᠦᠮᠡᠨᠴᠢ ᠨᠠᠶᠢᠷ | ᠨᠠᠭᠠᠳᠤᠮ ᠢ ᠦᠷᠨᠢᠭᠦᠯᠦᠨᠡ᠃ | 7᠂ ᠳᠠᠭᠢᠯᠭᠠ ᠶᠢᠨ ᠦᠯᠡᠳᠡᠭᠳᠡᠯ ᠵᠦᠢᠯ ᠢ ᠳᠠᠭᠢᠯᠭᠠ ᠶᠢᠨ ᠳᠠᠭᠠᠭᠠᠮᠠᠯ ᠤᠨ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠤᠯᠠᠨ ᠢᠶᠠᠷ | ᠢᠶᠠᠨ ︿︿ᠭᠠᠷᠤᠲᠢ ᠠᠭᠤᠯᠠᠨ ᠤ ᠠᠳᠢᠰ﹀﹀ ᠭᠡᠵᠤ ᠬᠤᠪᠢᠶᠠᠨ ᠠᠪᠴᠤ ᠶᠠᠪᠤᠨᠠ᠃ | 8᠂ ᠳᠤᠰ ᠤᠳᠠᠭᠠᠨ ᠤ ᠳᠠᠭᠢᠯᠭᠠ ᠶᠢᠨ ᠳᠠᠭᠠᠭᠠᠮᠠᠯ ᠠᠴᠠ ᠳᠤᠤᠷᠠ ᠤᠳᠠᠭᠠᠨ ᠤ ᠳᠠᠭᠢᠯᠭᠠ ᠵᠢᠨᠲ᠋ᠠᠭᠠᠭᠠᠮᠠᠯ | ᠤᠨ ᠨᠡᠷᠡ ᠪᠤᠯᠤᠨ ᠳᠠᠭᠢᠯᠭᠠ ᠳᠠᠭᠢᠬᠤ ᠡᠳᠦᠷ ᠢ ᠤᠯᠠᠨ ᠳᠤ ᠨᠡᠶᠢᠲᠡᠯᠡᠨᠡ᠃ | | | ᠲᠦᠷᠪᠡ᠂ ᠭᠠᠷᠤᠲᠢ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠢᠷᠦᠭᠡᠯ ᠮᠠᠭᠳᠠᠭᠠᠯ | | ᠵᠧ︕ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠭᠠᠷᠤᠲᠢ ᠰᠠᠭᠢᠭᠤᠯᠰᠤ ᠢᠪᠡᠭᠡᠨ ᠳᠡᠳᠭᠦᠭᠦ ᠪᠤᠯᠳᠤᠭᠠᠢ︕ | ᠭᠠᠷᠤᠲᠢ ᠲᠠ ᠪᠤᠯ ᠬᠤᠷᠮᠤᠰᠳᠠ ᠲᠡᠭᠷᠢ ᠶᠢᠨ ᠡᠯᠴᠢ ᠪᠢᠯᠡ᠂ | ᠭᠠᠷᠤᠲᠢ ᠲᠠ ᠪᠤᠯ ᠤᠯᠠᠭᠠᠨ ᠠᠭᠤᠯᠠᠨ ᠳᠤ ᠨᠤᠳᠤᠭ ᠲᠠᠢ ᠪᠢᠯᠡ᠂ | ᠭᠠᠷᠤᠲᠢ ᠲᠠ ᠪᠤᠯ ᠦᠷᠯᠦᠭᠡ ᠶᠢᠨ ᠨᠠᠷᠠ ᠶᠢ ᠲᠠᠭᠤᠳᠠᠨ ᠰᠡᠷᠭᠦᠭᠡᠳᠡᠭ ᠪᠢᠯᠡ᠃ | ᠭᠠᠷᠤᠲᠢ ᠲᠠ ᠲᠠᠭᠢᠶᠠ ᠶᠢᠨ ᠲᠤᠯᠤᠭᠠᠢ ᠲᠠᠢ᠂ | ᠭᠠᠷᠤᠲᠢ ᠲᠠ ᠬᠠᠷᠢᠶᠠᠴᠠᠢ ᠶᠢᠨ ᠬᠤᠩᠰᠢᠶᠠᠷ ᠲᠠᠢ᠂ | ᠭᠠᠷᠤᠲᠢ ᠲᠠ ᠮᠤᠭᠠᠢ ᠶᠢᠨ ᠭᠦᠵᠦᠭᠦᠦ ᠲᠠᠢ᠂ | ᠭᠠᠷᠤᠲᠢ ᠲᠠ ᠶᠠᠰᠤᠳᠤ ᠮᠡᠯᠡᠭᠡᠢ ᠶᠢᠨ ᠨᠢᠷᠤᠭᠤ ᠲᠠᠢ᠂ | ᠭᠠᠷᠤᠲᠢ ᠲᠠ ᠵᠢᠭᠠᠰᠤᠨ ᠤ ᠰᠡᠭᠦᠯ ᠲᠠᠢ᠂ | ᠭᠠᠷᠤᠲᠢ ᠲᠠ ᠰᠤᠯᠤᠩᠭᠠ ᠶᠢᠨ ᠦᠩᠭᠡ ᠲᠠᠢ᠃ | ᠭᠠᠷᠤᠲᠢ ᠲᠠ ᠡᠷᠭᠢᠮᠰᠦᠭ ᠠᠷᠢᠭᠤᠨ ᠵᠠᠩ ᠲᠠᠢ᠂ | ᠭᠠᠷᠤᠲᠢ ᠲᠠ ᠦᠷ ᠤᠨ ᠰᠢᠭᠦᠳᠡᠷᠢ ᠤᠨ ᠤᠮᠳᠠᠭᠠᠨ ᠲᠠᠢ᠂ | ᠭᠠᠷᠤᠲᠢ ᠲᠠ ᠨᠢᠷᠠᠢ ᠬᠤᠯᠤᠰᠤ ᠤᠨ ᠢᠳᠡᠭᠡᠨ ᠲᠠᠢ᠂ | ᠭᠠᠷᠤᠲᠢ ᠲᠠ ᠭᠦᠭᠰᠢᠨ ᠤᠶᠠᠩᠭᠠᠳᠤ ᠮᠤᠳᠤᠨ ᠳᠤ ᠡᠭᠦᠷ ᠲᠠᠢ᠃ | ᠦᠨᠦᠳᠦᠷ ᠤᠨ ᠦᠯᠵᠡᠶᠢᠳᠦ ᠰᠠᠶᠢᠨ ᠡᠳᠦᠷ | ᠦᠷᠭᠡᠨ ᠤᠯᠠᠨ ᠦᠷᠡ ᠭᠡᠤᠭᠡᠳ ᠴᠢᠨᠢ ᠠᠳᠡ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠵᠠᠰᠠᠵᠤ | ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠭᠢᠰ ᠤᠨ ᠭᠠᠷᠤᠲᠢ ᠰᠠᠭᠢᠭᠤᠯᠰᠤᠨ ᠢ | ᠲᠦᠷᠭᠡᠨ ᠳᠠᠭᠢᠯᠭᠠ ᠳᠤ ᠭᠦᠷᠦᠯᠴᠡᠨ ᠢᠷᠡᠭᠦ ᠶᠢ ᠭᠦᠰᠡᠨ ᠵᠠᠯᠠᠵᠤ ᠪᠠᠶᠢᠨᠠ︕ | ᠭᠠᠷᠤᠲᠢ ᠰᠠᠭᠢᠭᠤᠯᠰᠤ ᠤᠨ ᠠᠶᠢᠮᠠᠭ ᠨᠤᠭᠤᠳ ᠮᠤᠷᠢᠯᠠᠨ ᠢᠷᠡᠭᠦ ᠪᠤᠯᠪᠠᠤ︕ | ᠤᠯᠠᠭᠠᠨ ᠱᠠᠭᠠᠵᠠᠭᠠᠢ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠭᠦᠭᠡ ᠭᠠᠯᠪᠢᠩᠭᠠ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠰᠢᠷᠠ ᠭᠠᠷᠤᠲᠢ ᠭᠡᠷᠤᠲᠢ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠴᠠᠭᠠᠨ ᠬᠤᠨ ᠭᠠᠯᠠᠭᠤ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠪᠤᠷᠤ ᠴᠠᠬᠤᠯᠠᠢ ᠰᠢᠪᠠᠭᠤ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠲᠦᠷᠪᠡᠨ ᠵᠦᠭ ᠤᠨ ᠭᠠᠷᠤᠲᠢ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠨᠠᠢᠮᠠᠨ ᠵᠤᠪᠭᠢᠰ ᠤᠨ ᠭᠠᠷᠤᠲᠢ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠭᠡᠷ ᠤᠨ ᠡᠵᠡᠨ ᠭᠠᠷᠤᠲᠢ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ ᠳᠤ ᠵᠠᠯᠠᠷᠠᠨ ᠰᠠᠭᠠᠳᠠᠭᠠᠴᠢ︕ | ᠪᠢᠳᠡ ᠠᠮᠳᠠᠳᠤ ᠢᠳᠡᠭᠡᠨ ᠪᠡᠯᠡᠳᠭᠡᠵᠤ ᠲᠠᠨᠠᠷ ᠢ ᠵᠠᠯᠠᠵᠤ ᠪᠠᠶᠢᠨᠠ᠂ | ︵ᠳᠠᠭᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠨ ᠠᠷᠠᠳ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷᠤᠲᠢ ᠠᠭᠤᠯᠠ ᠪᠤᠯᠤᠨ ᠳᠠᠭᠢᠯᠭᠠ ᠶᠢᠨ ᠮᠠᠨᠳᠠᠯ | ᠳᠤ ᠰᠠᠭᠠᠯᠢᠨ ᠠᠷᠢᠭᠢ ᠪᠤᠯᠤᠨᠬᠤᠷᠤᠳᠤᠨ ᠡᠷᠭᠦᠯᠳᠡ ᠡᠷᠭᠦᠵᠤ᠂ ᠦᠨᠢᠶᠠᠨ ᠰᠦ ᠶᠢᠨ ᠰᠠᠴᠤᠯᠢ ᠰᠠᠴᠤᠨᠠ᠃︶ | ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ︕ | ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ︕ | ᠭᠠᠷᠤᠲᠢ ᠰᠠᠭᠢᠭᠤᠯᠰᠤ ᠮᠠᠨ ᠢ ᠢᠪᠡᠭᠡᠭᠦ ᠪᠤᠯᠳᠤᠭᠠᠢ︕ | ᠮᠠᠨ ᠳᠤ ᠢᠳᠡᠵᠤ ᠡᠮᠦᠰᠭᠦ ᠶᠢ ᠡᠯᠪᠡᠭ ᠳᠡᠯᠪᠡᠭ ᠰᠤᠶᠤᠷᠬᠠᠨ ᠦᠭᠭᠦ ᠪᠤᠯᠳᠤᠭᠠᠢ︕ | ᠮᠠᠨ ᠳᠤ ᠭᠡᠷᠡᠯ ᠭᠡᠭᠡ ᠶᠢ ᠭᠦᠢᠴᠡᠳ ᠢᠪᠡᠭᠡᠨ ᠦᠭᠭᠦ ᠪᠤᠯᠳᠤᠭᠠᠢ︕ | ᠮᠠᠨ ᠳᠤ ᠦᠯᠵᠡᠢ ᠪᠡᠯᠭᠡ ᠶᠢ ᠪᠠᠭᠤᠯᠭᠠᠨ ᠦᠭᠭᠦ ᠪᠤᠯᠳᠤᠭᠠᠢ︕ | ᠮᠠᠨ ᠳᠤ ᠤᠯᠤᠰ ᠭᠡᠷ ᠠᠮᠤᠷ ᠲᠦᠪᠰᠢᠨ ᠭᠡᠷ ᠡᠷᠦᠭᠡ ᠠᠮᠤᠷ ᠵᠢᠷᠭᠠᠯᠲᠠᠢ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠨ ᠦᠭᠭᠦ | ᠪᠤᠯᠳᠤᠭᠠᠢ︕ | ᠮᠠᠨ ᠤ ᠦᠭᠢᠳ ᠭᠡᠤᠭᠡᠳ ᠢ ᠨᠡᠩ ᠰᠡᠴᠡᠨ ᠰᠡᠷᠭᠦᠯᠡᠩ ᠭᠤᠸᠠ ᠦᠵᠡᠰᠭᠦᠯᠡᠩ ᠪᠤᠯᠭᠠᠬᠤ ᠪᠤᠯᠳᠤᠭᠠᠢ︕ | ᠮᠠᠨ ᠠᠴᠠ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠦᠭᠦᠯ ᠤᠨ ᠠᠶᠤᠯ ᠢ ᠵᠠᠶᠢᠯᠠᠭᠤᠯᠵᠤ ᠦᠭᠭᠦ ᠪᠤᠯᠳᠤᠭᠠᠢ︕ | ᠮᠠᠨ ᠤ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠢ ᠨᠡᠩ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠤᠯᠭᠠᠬᠤ ᠪᠤᠯᠳᠤᠭᠠᠢ︕ | ᠮᠠᠨ ᠢ ᠬᠠᠪᠰᠤᠷᠠᠨ ᠡᠪᠡᠳᠴᠢᠨ ᠭᠢᠵᠢᠭ ᠢ ᠦᠯᠳᠡᠨ ᠭᠦᠭᠡᠭᠡᠵᠤ᠂ ᠲᠠᠪᠤᠨ ᠲᠠᠷᠢᠶᠠ ᠡᠯᠪᠡᠭ ᠬᠤᠷᠢᠶᠠᠨ᠂ ᠲᠠᠪᠤᠨ | ᠬᠤᠰᠢᠭᠤ ᠮᠠᠯ ᠦᠨᠢᠷ ᠦᠰᠴᠤ᠂ ᠠᠵᠤ ᠠᠬᠤᠢ ᠭᠦᠭᠵᠢᠨ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠰᠠᠶᠢᠵᠢᠷᠠᠵᠤ᠂ ᠭᠦᠮᠦᠨ | ᠠᠷᠠᠳ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠦᠨᠳᠦᠰᠦᠳᠡᠨ ᠪᠦᠭᠦᠨ ᠡᠶᠡ ᠪᠦᠯᠭᠦᠮᠳᠡᠯ ᠲᠠᠢ᠂ ᠡᠭᠡ ᠤᠯᠤᠰ ᠨᠡᠩ ᠭᠦᠴᠦᠷᠭᠡᠭᠵᠢᠭᠦ | ᠪᠤᠯᠭᠠᠬᠤ ᠪᠤᠯᠳᠤᠭᠠᠢ︕ | ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ︕ | ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ᠂ ᠤᠮ ᠠ ᠬᠤᠩ︕ | | | 2016 ᠤᠨ ᠤ7 ᠰᠠᠷᠠ ᠶᠢᠨ28 ᠤ ᠡᠳᠦᠷ | | | |