ᠭᠤᠷᠪᠠ | | ᠪᠤᠯᠵᠤᠭᠠ ᠶᠤᠰᠤᠭᠠᠷ ᠤᠷᠤᠢ ᠶᠢᠨ ᠵᠢᠷᠭᠤᠭᠠᠨ ᠴᠠᠭ ᠲᠤ ᠠᠮᠤᠷᠰᠠᠨᠠᠭᠠ ᠭᠤᠶᠤ ᠰᠠᠶᠢᠬᠠᠨ ᠮᠡᠯ ᠬᠠᠷᠠ | ᠦᠡᠭᠭᠡᠳᠦ ᠤᠥ ᠳ᠋ᠢ ᠵᠦᠭᠡᠯᠡᠨ ᠮᠠᠰᠢᠨ ᠬᠦᠳᠡᠯᠭᠡᠵᠤ᠂ ᠲᠡᠷᠭᠡᠯ ᠤᠨ ᠰᠠᠭᠤᠭᠠ ᠭᠡᠷ ᠤᠨ ᠵᠠᠬᠠ ᠳᠤ ᠬᠦᠷᠴᠦ᠂ | ᠲᠡᠷᠭᠡᠯ ᠳᠤ ᠤᠳᠠᠰᠤ ᠠᠪᠴᠤ ᠲᠡᠷᠭᠡᠨ ᠲᠤᠳᠤᠷᠠ ᠪᠠᠨ ᠶᠠᠩᠵᠤᠥᠷ ᠲᠠᠮᠠᠬᠢ ᠭᠤᠵᠤᠶᠢᠯᠭᠠᠨ ᠲᠡᠷᠭᠡᠨ ᠤ ᠴᠤᠩᠬᠤ ᠪᠠᠷ | ᠤᠳᠤᠭᠠ ᠪᠠᠭᠠᠬᠢᠭᠤᠯᠤᠨ᠂ ᠲᠡᠷᠭᠡᠯ ᠪᠤᠯᠤᠨ ᠲᠤᠯᠮᠠ ᠶᠢ ᠬᠦᠯᠢᠶᠡᠨᠡ᠃ ᠤᠳᠤᠬᠢ ᠴᠠᠭ ᠡᠷᠡᠨ ᠳᠤ ᠰᠠᠶᠢᠨ ᠡᠷᠡ | ᠤᠥ ᠳ᠋ᠢ ᠮᠠᠰᠢᠨ ᠲᠠᠢ᠂ ᠵᠠᠷᠤᠬᠤ ᠵᠤᠭᠤᠰ ᠲᠤᠳᠠᠬᠤ ᠦᠭᠡᠢ᠂ ᠰᠠᠶᠢᠨ ᠡᠬᠡᠨᠡᠷ ᠬᠠᠷᠢᠨ ᠤᠯᠠᠭᠠᠨ ᠦᠩᠭᠡᠳᠡᠢ ᠪᠤᠥᠮᠠ | ᠲᠡᠷᠭᠡ ᠲᠠᠢ ᠶᠠᠪᠤᠬᠤ ᠨᠢ ᠨᠢᠭᠡᠨᠳᠡ ᠴᠠᠭ ᠦᠶᠡ ᠶᠢᠨ ᠤᠷᠠᠰᠬᠠᠯ ᠪᠤᠯᠵᠠᠢ᠃ ᠲᠠᠪᠤ ᠵᠢᠷᠭᠤᠭᠠᠨ ᠮᠢᠨᠦ᠋ᠲ ᠶᠢᠨ | ᠲᠠᠷᠠᠭᠠ ᠲᠡᠷᠭᠡᠯ ᠲᠤᠯᠮᠠ ᠲᠦᠷᠭᠡᠯᠡᠨ ᠨᠠᠭᠠᠰᠢ ᠶᠠᠪᠤᠨᠠ᠂ ᠲᠤᠯᠮᠠ ᠠᠮᠤᠷᠰᠠᠨᠠᠭᠠ ᠶᠢᠨ ᠲᠡᠷᠭᠡᠳᠡ ᠢᠷᠡᠮᠡᠭᠴᠡ | ᠵᠤᠷᠢᠭᠤᠳᠠ ᠪᠠᠷ᠄ ᠴᠢ ᠪᠠᠰᠠ ᠳ᠋ᠠ︕ ᠰᠢᠭᠤᠳ ᠬᠤᠭᠤᠯᠠᠨ ᠭᠡᠷ ᠲᠡᠭᠡᠨ ᠬᠦᠷᠪᠡᠯ ᠪᠤᠯᠤᠯᠠ ᠳ᠋ᠠ︕ ᠡᠶᠢᠮᠦ | ᠬᠤᠯᠠ ᠢᠷᠡᠵᠤ ᠮᠠᠨᠤᠰ ᠢ ᠲᠤᠰᠬᠤ ᠴᠢᠬᠤᠯᠠ ᠦᠬᠡᠢ ᠰᠢᠦ ︕ | ᠠᠮᠤᠷᠰᠠᠨᠠᠭᠠ᠄ ᠬᠦᠢ︕ ᠴᠢᠨᠦ ᠨᠦᠬᠦᠷ ᠲᠡᠷᠭᠡᠯ ᠴᠢᠨᠢ ᠬᠡᠷᠪᠡ ᠮᠠᠨ ᠤ ᠲᠡᠮᠦᠷ ᠰᠢᠭ ᠲᠡᠩᠭᠢᠮ ᠤᠨ ᠲᠡᠰ | ᠤᠨ ᠲᠠᠷᠤᠭᠠ ᠪᠤᠯᠤᠭᠰᠠᠨ ᠶᠤᠮ ᠪᠤᠯ ᠨᠠᠳᠠ ᠶᠢ ᠲᠤᠰᠬᠤ ᠪᠠᠷ ᠢᠷᠡ ᠭᠡᠪᠡᠯ ᠪᠢ ᠬᠠᠷᠢᠨ ᠢᠷᠡᠭᠦ ᠦᠭᠡᠢ ᠳ᠋ᠠ︕ | ᠭᠡᠶᠡ︕ ᠨᠠᠳᠠ ᠰᠢᠭ ᠡᠶᠢᠮᠦ ᠨᠢᠭᠡᠨ ᠵᠢᠵᠢᠭ ᠠᠷᠠᠯᠵᠢᠶᠠᠴᠢᠨ ᠬᠠᠷᠢᠨ ᠵᠡᠭᠡᠯᠢ ᠶᠢᠨ ᠬᠦᠮᠦᠰ ᠠᠴᠠ ᠪᠠᠰᠠ ᠢᠯᠡᠭᠦᠥ | ᠪᠠᠶᠢᠨᠠ ᠰᠢᠦ︕ ᠬᠠᠷᠢᠨ ᠲᠠᠨ ᠤ ᠲᠡᠷᠭᠡᠯ ᠴᠢᠨᠢ ᠰᠠᠶ᠋ᠢ ᠨᠠᠳᠠ ᠪᠠᠷ ᠲᠤᠰᠤᠭᠤᠯᠬᠤ ᠨᠢᠭᠡᠨ ᠵᠠᠪᠰᠢᠶᠠᠨ ᠤᠯᠭᠤᠵᠠᠢ | ᠃ ᠲᠠᠬᠢᠭᠠᠳ ᠬᠡᠯᠡᠪᠡᠯ ᠲᠠᠨ ᠤ ᠲᠡᠷᠭᠡᠯ ᠴᠢᠨᠢ ᠨᠠᠰᠤᠨ ᠲᠤᠷᠰᠢᠳᠡ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠤᠶᠢᠯᠡᠰ ᠤᠨ ᠲᠦᠯᠦᠭᠡ | ᠭᠤᠶᠤᠴᠢ ᠦᠭᠡᠢ ᠵᠢᠳᠭᠦᠵᠤ ᠰᠤᠳᠤᠨ ᠪᠦᠳᠦᠭᠡᠯ ᠭᠠᠷᠭᠠᠬᠤ ᠪᠠᠷ ᠰᠦᠪᠡᠭᠴᠢᠯᠡᠨ ᠤᠷᠤᠯᠳᠤᠭᠠᠳ ᠂ ᠬᠠᠷᠢᠨ ᠴᠠᠯᠢᠩ | ᠠᠴᠠ ᠪᠠᠨ ᠦᠭᠡᠷᠡ ᠶᠠᠭᠤ ᠴᠦ ᠦᠭᠡᠢ ᠲᠡᠭᠡᠭᠰᠢ ᠪᠠᠨᠡᠷᠭᠡ ᠴᠦ ᠤᠯᠤᠭᠰᠠᠨ ᠦᠭᠡᠢ ᠂ ᠮᠠᠰᠢᠨ ᠲᠡᠷᠭᠡ ᠴᠦ ᠦᠭᠡᠢ | ᠶᠤᠮ ᠴᠢᠨᠢ ᠂ ᠬᠠᠮᠳᠤ ᠰᠤᠷᠤᠭᠴᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠪᠢ ᠲᠠᠨ ᠢ ᠲᠤᠰᠬᠤ ᠦᠭᠡᠢ ᠦᠭᠡᠷᠡ ᠴᠤᠬᠤᠮ | ᠬᠡᠨ ᠲᠠᠨ ᠢ ᠢᠷᠡᠵᠤ ᠲᠤᠰᠬᠤ ᠶᠤᠮ ᠪᠤᠢ︖ | ᠲᠤᠯᠮᠠ ᠦᠭᠡ ᠶᠢ ᠨᠢ ᠡᠯᠭᠦᠨ ᠠᠪᠴᠤ᠄ ᠬᠠᠰᠢᠯᠠ ᠮᠠᠨ ᠤ ᠠᠮᠤᠷᠰᠠᠨᠠᠭᠠ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠵᠤᠵᠠᠭᠠᠨ | ᠬᠦᠢ︕ ᠰᠠᠶᠢᠨ ᠳᠠᠭᠠᠨ ᠮᠠᠨ ᠤ ᠨᠢᠭᠡ ᠪᠦᠯᠦᠭ ᠬᠠᠮᠳᠤ ᠰᠤᠷᠤᠭᠴᠢ ᠨᠠᠷ ᠲᠤᠳᠤᠷᠠ ᠠᠴᠠ᠂ ᠲᠡᠷᠭᠡᠯ ᠶᠡᠷᠦᠳᠡᠭᠡᠨ | ᠲᠠᠨ ᠢ ᠠᠬᠢᠨ ᠲᠠᠬᠢᠨ ᠶᠠᠷᠢᠭᠠᠳ ᠯᠡ ᠪᠠᠶᠢᠳᠠᠭ ᠶᠤᠮ ︕ | ᠠᠮᠤᠷᠰᠠᠨᠠᠭᠠ ᠬᠠᠳᠠᠭᠠᠨᠠᠳᠠᠯᠠ ᠪᠠᠨ ᠢᠨᠢᠶᠡᠭᠰᠡᠭᠡᠷ᠄ ᠪᠢ ᠲᠠᠨ ᠢ ᠢᠷᠡᠵᠤ ᠲᠤᠰᠬᠤ ᠨᠢ ᠪᠠᠰᠠ ᠨᠢᠭᠡᠨ | ᠤᠳᠬᠠ ᠠᠭᠤᠯᠭᠠ ᠪᠠᠶᠢᠨᠠ ᠰᠢᠦ ᠳ᠋ᠠ︕ ᠲᠡᠷᠡ ᠨᠢ ᠲᠠᠷᠤᠢ ᠲᠤᠬᠠᠢ ᠶᠢᠨ ᠵᠢᠯ ᠳᠤ ᠬᠠᠮᠳᠤ ᠰᠤᠷᠤᠭᠴᠢ | ᠪᠠᠶᠢᠭᠰᠠᠨ ᠦᠶᠡ ᠳᠤ ᠲᠠᠨ ᠢ ᠬᠡᠳᠦᠢ ᠶᠡᠭᠡ ᠰᠠᠨᠠᠭᠰᠠᠨ ᠪᠤᠯᠪᠠᠴᠤ᠂ ᠬᠡᠯᠡᠬᠦ ᠦᠭᠡ ᠬᠡᠳᠦᠢ ᠠᠷᠪᠢᠨ ᠪᠠᠶᠢᠭᠰᠠᠨ ᠴᠦ | ᠬᠡᠯᠡ ᠲᠠᠩᠨᠠᠢ ᠲᠤᠯᠤᠭᠠᠳ ᠠᠳᠠᠭ ᠲᠠᠭᠠᠨ ᠲᠠᠨ ᠳᠤ ᠬᠡᠯᠡᠵᠤ ᠭᠠᠷᠭᠠᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠰᠠᠨᠠᠭᠠᠨ | ᠳᠤ ᠦᠭᠡᠢ ᠪᠠᠷ ᠪᠤᠰᠤᠳ ᠲᠤ ᠪᠤᠯᠢᠶᠠᠭᠳᠠᠭᠰᠠᠨ ᠰᠢᠦ ᠳ᠋ᠠ︕ ᠤᠳᠤ ᠶᠢᠨ ᠪᠡᠶᠡ ᠲᠡᠩᠭᠡᠯᠡᠭᠦᠨ ᠴᠠᠭ ᠶᠢᠨ ᠠᠮᠵᠢᠵᠤ | ᠂ ᠦᠡᠭᠭᠭᠡᠷᠡᠭᠰᠡᠨ ᠤᠴᠢᠷ ᠢᠶᠠᠨ ᠪᠤᠳᠤᠨ ᠪᠤᠳᠤᠨ ᠪᠠᠶᠢᠵᠤ᠂ ᠪᠢ ᠴᠢᠮᠠᠶᠢ ᠳᠤ ᠶᠠᠭ ᠯᠡ ᠨᠢᠭᠡ ᠪᠠᠭᠠ ᠦᠶᠢᠯᠡᠴᠢᠯᠡᠭᠦ | ᠳᠤ᠂ ᠲᠡᠷᠡ ᠨᠢ ᠬᠠᠷᠢᠨ ᠮᠢᠨᠦ ᠬᠢᠪᠡᠰᠦ ᠵᠤᠬᠢᠬᠤ ᠠᠵᠢᠯ ᠭᠡᠵᠤ ᠪᠢ ᠦᠵᠡᠨᠡ ᠃ | ᠲᠤᠯᠮᠠ ᠴᠦ ᠰᠡᠳᠭᠢᠯ ᠲᠤᠳᠤᠷᠠ ᠪᠠᠨ ᠶᠡᠬᠡᠯᠡ ᠲᠠᠭᠠᠯᠠᠮᠵᠢᠲᠠᠢ ᠪᠠᠶᠢᠵᠤ᠂ ᠨᠢᠭᠤᠷ ᠴᠢᠷᠠᠢ ᠳᠠᠭᠠᠨ | ᠢᠨᠢᠶᠡᠳᠦ ᠢᠯᠡᠷᠡᠭᠦᠯᠦᠭᠰᠡᠭᠡᠷ ᠪᠠᠶᠢᠵᠤ᠄ ᠮᠠᠨ ᠤ ᠡᠮᠡᠭᠳᠡᠢ ᠬᠦᠮᠦᠨ ᠭᠡᠵᠤ ᠳ᠋ᠡ︕ᠡᠶᠢᠮᠦ ᠯᠡ ᠠᠮᠠᠷᠬᠠᠨ ᠰᠡᠳᠭᠢᠯ | ᠬᠦᠭᠰᠡᠳᠡᠭ ᠰᠠᠨ︕ ᠬᠡᠨ ᠬᠡᠷᠪᠡ ᠮᠠᠨᠤᠰ ᠢ ᠬᠡᠳᠦᠢ ᠦᠳᠡᠯᠦᠭᠰᠡᠨ ᠴᠦ ᠬᠠᠷᠢᠨ ᠪᠢᠴᠢᠬᠠᠨ ᠬᠡᠥᠬᠡᠳ ᠰᠢᠭ ᠭᠡᠪᠡᠯ | ᠂ ᠲᠤᠥᠷᠠ ᠪᠠᠨ ᠶᠡᠭᠡᠯᠡ ᠪᠠᠶᠠᠷᠯᠠᠳᠠᠭ ᠶᠤᠮ ᠳ᠋ᠠ︕ ᠲᠤᠯᠮᠠ ᠵᠤᠷᠢᠭᠤᠳᠠ ᠪᠠᠷ ᠠᠮᠤᠷᠰᠠᠨᠠᠭᠠ ᠶᠢᠨ ᠵᠦᠭ | ᠬᠠᠨᠳᠤᠵᠤ ᠂ ᠴᠢᠨᠦ ᠠᠮᠠᠨ ᠠᠴᠠ ᠴᠢᠨᠢ ᠶᠤᠰᠤᠳᠠᠢ ᠮᠤᠭᠠᠢ ᠮᠡᠯᠡᠭᠡᠢ ᠴᠤᠪᠤᠷᠠᠨᠠ︕ ᠡᠳᠡᠭᠡᠷ ᠤᠨ ᠵᠢᠯ ᠳᠤ ᠴᠢ | ᠲᠠᠭᠠᠭᠠᠮᠠᠯ ᠰᠠᠭᠤᠭᠠᠳ᠂ ᠭᠡᠷ ᠲᠡᠭᠡᠨ ᠨᠡᠷᠡ ᠲᠠᠢ ᠬᠠᠳᠤᠨ ᠲᠠᠢ᠂ ᠭᠠᠳᠠᠨᠠ ᠪᠠᠰᠠ ᠨᠡᠷᠡ ᠦᠬᠡᠢ ᠬᠠᠳᠤᠨ᠂ | ᠤᠯᠠᠨ ᠠᠪᠬᠠᠢ ᠨᠠᠷ ᠲᠠᠢ ᠵᠢᠷᠭᠠᠭᠠᠳ ᠶᠤᠰᠤᠳᠠᠢ ᠬᠠᠭᠠᠨ ᠤ ᠵᠢᠷᠭᠠᠯ ᠠᠴᠠ ᠪᠠᠰᠠ ᠲᠤᠳᠠᠭᠤ ᠦᠭᠡᠢ ᠪᠠᠶᠢᠨᠠ ᠰᠢᠦ︕ | | ᠠᠮᠤᠷᠰᠠᠨᠠᠭᠠ᠄ ᠪᠢ ᠡᠳᠡᠭᠡᠷ ᠦᠭᠡ ᠶᠢ ᠵᠦᠪᠭᠡᠨ ᠴᠢᠮᠠ ᠳᠤ ᠯᠡ ᠬᠡᠯᠡᠵᠤ ᠪᠠᠶᠢᠨᠠ ᠰᠢᠦ︕ ᠬᠠᠷᠢᠨ | ᠴᠢ ᠢᠳᠡᠭᠡᠭᠦ ᠦᠭᠡᠢ ᠳᠤ ᠪᠤᠯᠤᠨᠠ᠃ ᠭᠡᠪᠡᠴᠦ ᠪᠢ ᠬᠦᠮᠦᠨ ᠦᠵᠡᠪᠡᠯ ᠬᠡᠯᠡᠵᠤ᠂ ᠮᠤᠳᠤ ᠦᠵᠡᠪᠡᠯ ᠪᠢᠴᠢᠳᠡᠭ | ᠦᠭᠡᠢ ᠶᠤᠮ︕ ᠴᠢ ᠢᠳᠡᠭᠡᠭᠦ ᠦᠭᠡᠢ ᠶᠤᠮ ᠪᠤᠯ ᠲᠡᠷᠭᠡᠯ ᠠᠴᠠ ᠠᠰᠠᠭᠤᠵᠤ ᠦᠵᠡ︖ ᠪᠢ ᠲᠡᠭᠦᠨ ᠤ ᠡᠮᠦᠨᠡ | ᠲᠠᠨ ᠢ ᠴᠤᠬᠤᠮ ᠬᠡᠴᠦᠨᠡᠨ ᠬᠡᠯᠡᠭᠰᠡᠨ ᠴᠦ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠳ᠋ᠠ︖ ᠪᠤᠳᠠᠭᠠᠨ ᠤ ᠲᠠᠷᠠᠭᠠ᠂ ᠪᠢ ᠲᠡᠷᠭᠡᠯ ᠢ | ᠠᠪᠤᠭᠠᠳ ᠲᠠᠭᠤᠨ ᠤ ᠲᠠᠩᠭᠢᠮ᠂ ᠪᠡᠶᠡ ᠤᠬᠢᠶᠠᠬᠤ ᠭᠠᠵᠠᠷ ᠬᠦᠷᠴᠦ ᠪᠠᠶᠢᠭᠠᠳ ᠲᠡᠭᠦᠨ ᠳᠤ ᠭᠠᠯ ᠵᠠᠯᠠᠭᠤ ᠬᠡᠳᠦᠨ | ᠦᠬᠢᠳ ᠲᠠᠭᠤᠳᠠᠨ᠂ ᠲᠡᠭᠦᠨ ᠳᠤ ᠮᠦᠨ ᠬᠠᠭᠠᠨ ᠤ ᠵᠢᠷᠭᠠᠯ ᠡᠳ᠋ᠯᠡᠭᠦᠯᠦᠨᠡ ᠃ | ᠲᠤᠯᠮᠠ ᠬᠠᠷᠢᠨ᠄ ᠴᠢ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠦ ᠠᠴᠠ ᠠᠶᠤᠬᠤ ᠦᠭᠡᠢ ᠤᠤ︖ ᠮᠠᠨ ᠤ ᠲᠡᠷᠭᠡᠯ | ᠬᠠᠷᠢᠨ ᠲᠡᠳᠡᠭᠡᠷ ᠡᠪᠡᠳᠴᠢᠨ ᠳᠤ ᠬᠠᠯᠳᠠᠪᠤᠷᠢᠯᠠᠭᠳᠠᠬᠤ ᠠᠴᠠ ᠠᠶᠤᠨᠠ ᠰᠢᠦ︕ ᠠᠮᠤᠷᠰᠠᠨᠠᠭᠠ᠄ ᠴᠢᠨᠦ | ᠬᠡᠯᠡᠵᠤ ᠪᠠᠶᠢᠬᠤ ᠲᠡᠷᠡᠭᠦ ᠡᠪᠡᠳᠴᠢᠨ ᠴᠢᠨᠢ ᠲᠠᠷᠤᠢ ᠡᠩ ᠤᠨ ᠡᠪᠡᠳᠴᠢᠨ ᠪᠦᠭᠡᠳ ᠲᠡᠷᠡ ᠨᠢ ᠬᠠᠷᠢᠨ ᠡᠪ ᠡᠩ ᠤᠨ | ᠬᠢᠮᠤᠷᠭᠠ ᠰᠢᠭ᠋ ᠶᠤᠮ ᠳ᠋ᠠ︕ ᠴᠢ ᠢᠳᠡᠭᠡᠭᠦ ᠦᠭᠡᠢ ᠶᠤᠮ ᠪᠤᠯ ᠨᠢᠭᠡ ᠲᠤᠷᠰᠢᠵᠤ ᠦᠵᠡ︕ ᠴᠢᠨᠦ ᠮᠡᠳᠦ | ᠶᠠᠭᠤᠮᠠ ᠪᠦᠬᠦᠨ ᠠᠴᠠ ᠠᠶᠤᠨ ᠰᠦᠷᠳᠡᠭᠡᠳ ᠶᠠᠮᠠᠷ ᠬᠡᠷᠡᠭ ᠲᠠᠢ ᠪᠤᠢ︕ ᠬᠦᠴᠦ ᠲᠤᠷᠪᠢᠲᠠᠢ ᠵᠠᠯᠠᠭᠤ ᠨᠠᠰᠤᠨ | ᠳᠠᠭᠠᠨ ᠵᠢᠷᠭᠠᠬᠤ ᠦᠭᠡᠢ ᠴᠤᠬᠤᠮ ᠬᠡᠷᠡᠮ ᠤᠨ ᠰᠡᠭᠦᠳᠡᠷ ᠢ ᠴᠦ ᠦᠵᠡᠪᠡᠯ ᠠᠶᠤᠭᠠᠳ ᠶᠠᠭᠠᠬᠢᠬᠤ ᠪᠤᠢ︕ | ᠠᠮᠤᠷᠰᠠᠨᠠᠭᠠ ᠪᠠ ᠲᠤᠯᠮᠠ ᠬᠤᠶᠠᠷ ᠬᠡᠯᠡ ᠶᠢᠨ ᠪᠠᠶᠢᠯᠳᠤᠭᠠᠨ ᠪᠤᠯᠵᠤ ᠪᠠᠶᠢᠬᠤ ᠳᠤ᠂ ᠲᠡᠷᠭᠡᠯ ᠬᠠᠷᠢᠨ | ᠬᠡᠵᠢᠶᠡᠨᠡᠢ ᠲᠡᠷᠭᠡᠨ ᠳᠤ ᠭᠠᠷᠤᠭᠠᠳ ᠰᠡᠮᠡᠬᠡᠷ ᠠᠮᠤᠷᠰᠠᠨᠠᠭᠠ ᠶᠢᠨ ᠵᠦᠭ ᠬᠠᠨᠳᠤᠵᠤ ᠲᠡᠭᠦᠨ ᠳᠤ ᠤᠶᠢᠷᠠᠳᠤᠨ | ᠲᠡᠷᠭᠡᠨ ᠳᠤ ᠭᠠᠷᠭᠠ᠂ ᠲᠡᠷᠡ ᠭᠡᠳᠡᠭ ᠴᠢᠨᠢ ᠬᠦᠮᠦᠨ ᠦᠵᠡᠪᠡᠯ ᠦᠭᠡ ᠤᠯᠠᠨ ᠪᠤᠯᠬᠤ ᠵᠠᠩ ᠲᠠᠢ ᠶᠤᠮ᠂ ᠨᠡᠩ | ᠴᠦ ᠬᠠᠮᠳᠤ ᠰᠤᠷᠤᠭᠴᠢ ᠨᠠᠷ ᠲᠠᠢ ᠤᠴᠠᠷᠠᠪᠠᠯ ᠬᠡᠯᠡᠬᠦ ᠦᠭᠡ ᠨᠢ ᠬᠡᠯᠬᠢᠶᠡ ᠬᠡᠯᠬᠢᠶᠡ ᠪᠠᠷ ᠴᠤᠪᠤᠷᠠᠭᠠᠳ ᠯᠡ | ᠪᠠᠶᠢᠳᠠᠭ ᠶᠤᠮ ᠃ | ᠠᠮᠤᠷᠰᠠᠨᠠᠭᠠ ᠲᠡᠷᠭᠡ ᠪᠠᠨ ᠵᠠᠯᠠᠵᠤ ᠠᠯᠭᠤᠷ ᠢᠶᠠᠷ ︽ᠨᠠᠶᠢᠷᠠᠮᠳᠠᠯ ᠬᠤᠭᠤᠯᠠᠨ ᠭᠡᠷ ︾ ᠤᠨ ᠡᠭᠦᠳᠡᠨ | ᠡᠮᠦᠨᠡ ᠵᠤᠭᠰᠤᠵᠠᠭᠠᠵᠤ᠂ ᠠᠮᠤᠷ ᠢ ᠬᠠᠮᠠᠭᠠᠯᠠᠭᠴᠢ ᠶᠢ ᠲᠠᠭᠤᠳᠠᠨ᠂ ᠡᠭᠦᠳᠡ ᠨᠡᠭᠡᠯᠭᠡᠨ ᠲᠤᠳᠤᠭᠰᠢ ᠪᠠᠨ ᠤᠷᠤᠪᠠ᠃ | ᠠᠮᠤᠷᠰᠠᠨᠠᠭᠠ ᠲᠡᠷᠭᠡᠨ ᠲᠦᠯᠬᠢᠭᠦᠷ ᠢᠶᠠᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠭᠴᠢ ᠶᠢᠨ ᠭᠠᠷ ᠲᠤ ᠰᠢᠳᠡᠮᠡᠭᠴᠡ ᠶᠠᠭᠤ ᠴᠦ | ᠬᠡᠯᠡᠭᠰᠡᠨ ᠦᠭᠡᠢ ᠪᠠᠷ ᠲᠡᠷᠢᠭᠦᠨ ᠡᠷᠭᠦᠨ ᠰᠢᠭᠤᠳ ᠬᠤᠭᠤᠯᠠᠨ ᠭᠡᠷ ᠤᠷᠤᠭᠤ ᠠᠯᠬᠤᠨ᠂ ᠶᠠᠮᠠᠷ ᠨᠢᠭᠡᠨ ᠬᠤᠳᠠ ᠶᠢᠨ | ᠲᠠᠷᠤᠭᠠ ᠠᠴᠠ ᠴᠦ ᠲᠤᠳᠠᠭᠤ ᠦᠭᠡᠢ ᠰᠦᠷ ᠰᠦᠯᠳᠡ ᠲᠠᠢ᠂ ᠴᠡᠭᠡᠵᠢ ᠲᠦᠷᠢᠨ ᠤᠷᠤᠯᠠ ᠃ ᠤᠳᠤ ᠶᠢᠨ ᠴᠠᠭ | ᠲᠤ ᠲᠠᠷᠤᠭᠠ ᠪᠤᠯᠤᠭᠰᠠᠳ ᠤᠨ ᠰᠦᠷ ᠰᠦᠯᠳᠡ ᠨᠢ ᠬᠠᠷᠢᠨ ᠬᠤᠭᠤᠯᠠᠨ ᠭᠡᠷ ᠪᠤᠶᠤ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠤᠷ ᠲᠤ | ᠢᠯᠡᠷᠡᠳᠡᠭ ᠰᠠᠨ︕ ᠡᠭᠦᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠲᠡᠷᠭᠡᠯ ᠪᠠ ᠲᠤᠯᠮᠠ ᠶᠢᠨ ᠬᠦᠮᠦᠨ ᠤ ᠡᠮᠦᠨᠡᠬᠢ ᠢᠯᠡᠷᠡᠯ ᠨᠢ | ᠬᠠᠷᠢᠨ ᠡᠶᠢᠮᠦ ᠶᠡᠭᠡ ᠪᠢᠰᠢ ᠪᠦᠭᠡᠳ ᠨᠢᠷᠤᠭᠤ ᠨᠢ ᠴᠦ ᠭᠡᠳᠡᠶᠢᠬᠦ ᠦᠭᠡᠢ᠂ ᠲᠡᠷᠢᠬᠦᠨ ᠡᠷᠡᠭᠦᠯ ᠦᠭᠡᠢ᠂ ᠭᠡᠳᠡᠰᠦ ᠨᠢ | ᠴᠦ ᠤᠷᠤᠭᠰᠢ ᠪᠠᠨ ᠲᠡᠭᠡᠵᠤ ᠭᠦᠳᠦᠶᠢᠭᠰᠡᠨᠦᠭᠡᠢ ᠪᠢᠯᠡ᠃ ᠬᠤᠭᠤᠯᠠᠨ ᠭᠡᠷ ᠤᠨ ᠡᠭᠦᠳᠡᠨ ᠬᠤᠶᠠᠷ ᠲᠠᠯᠠ ᠪᠠᠷ | ᠠᠷᠪᠠ ᠭᠠᠷᠤᠢ ᠬᠡᠥᠬᠡᠨ ᠬᠤᠶᠠᠷ ᠮᠦᠷᠯᠡᠨ ᠵᠤᠭᠰᠤᠵᠤ᠂ ᠴᠦᠮ ᠤᠯᠠᠭᠠᠨ ᠲᠤᠷᠭᠠᠨ ᠲᠡᠪᠡᠯ ᠬᠡᠳᠦᠷᠴᠦ᠂ | ᠵᠤᠷᠢᠭᠤᠳᠠ ᠪᠠᠷ ᠨᠢᠴᠦᠭᠦᠨ ᠭᠤᠶᠠ ᠪᠠᠨ ᠭᠠᠷᠭᠠᠨ᠂ ᠤᠯᠠᠨ ᠬᠦᠮᠦᠰ ᠲᠤ ᠦᠵᠡᠭᠦᠯᠦᠨᠡ ᠳ᠋ᠡ ︕ ᠲᠡᠳᠡᠨᠡᠷ ᠢ | ᠠᠪᠤᠨ ᠠᠵᠢᠭᠯᠠᠪᠠᠯ᠂ ᠴᠢᠷᠠᠢ ᠶᠢᠨ ᠦᠡᠭᠭᠡ ᠵᠢᠰᠦ ᠨᠢ ᠭᠢᠯᠪᠠᠯᠵᠠᠵᠤ ᠡᠪᠴᠢᠭᠦᠥ ᠴᠡᠭᠡᠵᠢ ᠨᠢ ᠤᠷᠤᠭᠰᠢ ᠪᠠᠨ | ᠲᠡᠨᠡᠶᠢᠵᠤ᠂ ᠨᠢᠷᠤᠭᠤ ᠨᠢ ᠴᠦ ᠮᠤᠰᠭᠢᠷᠠᠨ᠂ ᠪᠦᠭᠰᠡ ᠨᠢ ᠤᠯᠠᠮ ᠬᠤᠶᠢᠰᠢ ᠪᠠᠨ ᠲᠦᠨᠳᠡᠶᠢᠵᠤ ᠂ ᠦᠪᠴᠢ ᠪᠡᠶᠡ | ᠠᠴᠠ ᠨᠢ ᠤᠥ ᠡᠩᠭᠢᠰᠭᠡ ᠶᠢᠨ ᠦᠨᠦᠷ ᠠᠩᠭᠢᠯᠠᠨ᠂ ᠶᠤᠰᠤᠳᠠᠢ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠠᠪᠬᠠᠢ ᠨᠠᠷ ᠤᠨ | ᠲᠦᠷᠢ ᠪᠠᠶᠢᠳᠠᠯ ᠢ ᠬᠠᠷᠠᠭᠤᠯᠤᠨᠠ ᠳ᠋ᠠ᠃ ᠭᠠᠳᠠᠨᠠ ᠠᠴᠠ ᠰᠠᠶ᠋ᠢ ᠤᠷᠤᠭᠰᠠᠨ ᠲᠡᠷᠭᠡᠯ ᠨᠡᠷ ᠲᠡᠳᠡᠨᠡᠷ ᠤᠨ | ᠲᠡᠷᠭᠡᠳᠡᠭᠦᠷ ᠦᠩᠭᠡᠷᠡᠨ ᠭᠠᠷᠬᠤ ᠳᠤ᠂ ᠡᠳᠡᠭᠡᠷ ᠲᠤᠰᠬᠠᠢ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭᠰᠡᠨ ᠭᠤᠶᠤ ᠠᠪᠬᠠᠢ ᠨᠠᠷ ᠵᠡᠷᠭᠡ | ᠪᠠᠷ ᠬᠤᠭᠤᠯᠠ ᠨᠡᠶᠢᠯᠡᠭᠦᠯᠦᠨ ᠦᠨᠦᠳᠦᠷ ᠲᠠᠭᠤᠨ ᠢᠶᠠᠷ ︽ᠪᠠᠶᠠᠷᠯᠠᠨ ᠤᠭᠳᠤᠶᠠ ︕︾ ᠭᠡᠵᠤ ᠬᠠᠰᠭᠢᠷᠤᠨᠠ᠃ | ᠡᠳᠡᠭᠡᠷ ᠠᠬᠤᠢ ᠪᠠᠶᠢᠳᠠᠯ ᠢ ᠠᠪᠤᠨ ᠦᠵᠡᠬᠦ ᠳᠤ ᠪᠡᠭᠡᠵᠢᠩ ᠳᠤ ᠪᠤᠯᠤᠭᠰᠠᠨ ᠠᠽᠢᠶᠠ ᠲᠢᠪ ᠤᠨ ᠪᠡᠶᠡ ᠲᠠᠮᠢᠷ ᠤᠨ | ᠤᠷᠤᠯᠳᠤᠭᠠᠨ ᠳᠠᠬᠢ ᠤᠭᠳᠤᠯᠭᠠ ᠶᠢᠨ ᠦᠬᠢᠳ ᠠᠴᠠ ᠴᠦ ᠲᠤᠳᠠᠭᠤ ᠦᠭᠡᠢ ᠰᠦᠷ ᠬᠦᠴᠦᠨ ᠲᠠᠢ ᠲᠠᠭᠤᠨ | ᠬᠠᠩᠭᠢᠨᠠᠭᠤᠯᠵᠤ ᠯᠡ ᠪᠠᠶᠢᠯᠠ᠃ ᠲᠡᠭᠦᠨ ᠤ ᠲᠤᠳᠤᠷᠠᠬᠢ ᠬᠠᠮᠤᠭ ᠲᠡᠷᠢᠬᠦᠨ ᠳᠤᠨᠢ ᠲᠠᠭᠠᠭᠤᠯᠵᠤ ᠪᠠᠶᠢᠭᠰᠠᠨ ᠨᠢᠭᠡᠨ | ᠭᠤᠶᠤ ᠬᠡᠥᠬᠡᠨ ᠰᠢᠭᠤᠳ ᠠᠮᠤᠷᠰᠠᠨᠠᠭᠠ ᠶᠢᠨ ᠲᠡᠷᠭᠡᠳᠡ ᠬᠦᠷᠴᠦ ᠢᠷᠡᠨ᠄ ᠠᠪᠤᠭᠠᠢ ᠲᠠᠨ ᠤ ᠤᠷᠢᠳᠴᠢᠯᠠᠨ | ᠵᠠᠬᠢᠶᠠᠯᠠᠭᠰᠠᠨ ᠴᠢᠨᠢ ᠴᠤᠬᠤᠮ ᠠᠯᠢ ᠨᠢᠭᠡ ᠦᠷᠦᠭᠡ ᠶᠤᠮ ᠪᠤᠢ︖ ᠠᠮᠤᠷᠰᠠᠨᠠᠭᠠ ᠲᠤᠯᠤᠭᠠᠢ ᠪᠠᠨ ᠡᠷᠭᠢᠯ ᠦᠭᠡᠢ | ᠪᠠᠷ ᠄ ︽ ᠵᠢᠷᠭᠠᠯᠠᠩᠳᠦ ᠤᠷᠳᠤᠨ︾ ᠰᠢᠦ ᠳ᠋ᠡ︕ ᠲᠡᠭᠦᠨ ᠤ ᠬᠡᠯᠡᠭᠰᠡᠨ ᠦᠭᠡᠨ ᠤ ᠤᠮᠤᠭ ᠰᠦᠯᠳᠡ ᠠᠴᠠ | ᠲᠠᠷᠤᠢ᠂ ᠬᠡᠷᠪᠡ ᠲᠤᠰ ᠬᠤᠭᠤᠯᠠᠨ ᠭᠡᠷ ᠲᠤ ︽ᠵᠢᠷᠭᠠᠯᠠᠩᠳᠦ ᠡᠭᠦᠳᠡ︾ ᠠᠴᠠ ᠪᠠᠰᠠ ᠰᠠᠶᠢᠨ ᠦᠷᠦᠭᠡ ᠪᠠᠶᠢᠬᠤ | ᠶᠤᠮ ᠪᠤᠯ ᠲᠡᠷᠡ ᠯᠠᠪ ︽ᠵᠢᠷᠭᠠᠯᠠᠩᠳᠦ ᠤᠷᠳᠤᠨ ︾ ᠪᠠᠷ ᠯᠡ ᠵᠤᠭᠰᠤᠬᠤ ᠦᠭᠡᠢ ᠂ ᠡᠩ ᠰᠦᠷ ᠵᠢᠪᠬᠤᠯᠠᠩᠳᠠᠢ | ᠨᠢᠭᠡ ᠶᠢ ᠨᠢ ᠰᠤᠩᠭᠤᠬᠤ ᠨᠢ ᠲᠡᠷᠡ ᠪᠠᠶᠢᠯᠭᠦᠢ ᠳ᠋ᠠ︕ ᠡᠭᠦᠨ ᠳᠤ ᠲᠡᠷᠡᠭᠦ ᠤᠭᠳᠤᠨ ᠭᠠᠷᠴᠤ ᠢᠷᠡᠭᠰᠡᠨ ᠠᠪᠬᠠᠢ | ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠴᠡᠭᠡᠵᠢᠨ ᠲᠤᠥᠷᠠ ᠪᠠᠨ ᠬᠦᠨᠳᠡᠯᠦᠨ ᠢᠶᠠᠷ ᠭᠡᠳᠡᠰᠦ ᠲᠠᠢ ᠪᠠᠨ ᠨᠠᠭᠠᠯᠳᠤᠭᠤᠯᠵᠤ ᠨᠢᠷᠤᠭᠤ | ᠪᠦᠬᠦᠶᠢᠨ᠂ ᠵᠡᠭᠦᠨ ᠭᠠᠷ ᠢᠶᠠᠷ ᠢᠶᠠᠨ ᠲᠤᠬᠢᠶᠠᠯᠠᠭᠰᠠᠭᠠᠷ᠂ ᠶᠡᠬᠡᠯᠡ ᠶᠤᠰᠤᠷᠬᠠᠭ ᠢᠶᠠᠷ ︽ ᠨᠠᠳᠠ ᠶᠢ ᠲᠠᠭᠠᠭᠠᠳ | ᠢᠷᠡ︕ ︾ ᠭᠡᠬᠦ ᠳᠤ ᠠᠮᠤᠷᠰᠠᠨᠠᠭᠠ ᠴᠦ ᠲᠡᠷᠡᠭᠦ ᠠᠪᠬᠠᠢ ᠶᠢ ᠲᠠᠭᠠᠭᠠᠳ ᠶᠠᠪᠤᠬᠤ ᠳᠤ ᠂ ᠬᠤᠶᠢᠨᠠ ᠠᠴᠠ ᠨᠢ | ᠲᠡᠷᠭᠡᠯ ᠲᠤᠯᠮᠠ ᠴᠦ ᠰᠠᠨᠠᠭᠠᠨ ᠤ ᠠᠶᠠ ᠪᠠᠷ ᠲᠤᠳᠤᠭᠰᠢ ᠮᠤᠷᠢᠯᠠᠨ ᠂ ᠴᠠᠬᠢᠯᠭᠠᠨ ᠱᠠᠳᠤ ᠪᠠᠷ ᠲᠦᠷᠪᠡᠳᠦᠭᠡᠷ | ᠠᠰᠠᠷ ᠲᠤ ᠭᠠᠷᠤᠯᠠ᠃ ᠴᠠᠬᠢᠯᠭᠠᠨ ᠱᠠᠳᠤᠨ ᠲᠤᠳᠤᠷᠠ᠂ ᠲᠠᠭᠠᠭᠤᠯᠤᠭᠴᠢ ᠠᠪᠬᠠᠢ ᠤᠳᠠᠰᠤ ᠦᠭᠡᠢ ᠬᠠᠷᠢᠯᠴᠠᠭᠤᠷ | ᠪᠠᠷᠢᠨ᠂ ᠲᠦᠷᠪᠡᠳᠡᠭᠡᠷ ᠠᠰᠠᠷ ᠲᠠᠬᠢ ᠦᠢᠯᠡᠴᠢᠯᠡᠭᠴᠢᠳ ᠲᠠᠢ ᠬᠠᠷᠢᠯᠴᠠᠵᠤ᠂ ᠵᠤᠴᠢᠨ ᠨᠢᠭᠡᠨᠳᠡ ︽ᠵᠢᠷᠭᠠᠯᠠᠩᠳᠦ | ᠡᠭᠦᠳᠡᠨ︾ ᠳᠤ ᠢᠷᠡᠯᠡ︕ ᠭᠡᠵᠤ ᠮᠡᠳᠡᠭᠳᠡᠪᠡ᠃ ᠠᠮᠤᠷᠰᠠᠨᠠᠭᠠ ᠴᠦ ᠴᠠᠬᠢᠯᠭᠠᠨ ᠱᠠᠳᠤᠨ ᠠᠴᠠ ᠭᠠᠷᠴᠤ ᠢᠷᠡᠭᠦ | ᠳᠤ᠂ ᠠᠯᠢ ᠬᠡᠳᠦᠶᠢᠨ ᠠᠴᠠ ᠲᠡᠳᠡᠨᠡᠷ ᠢ ᠤᠭᠳᠤᠬᠤ ᠪᠠᠷ ᠪᠡᠯᠡᠳᠭᠡᠵᠤ ᠪᠠᠶᠢᠭᠰᠠᠨ ᠠᠪᠬᠠᠢ ᠨᠠᠷ ᠴᠦ ᠵᠡᠷᠭᠡ ᠪᠠᠷ ᠪᠡᠶᠡ | ᠮᠡᠬᠦᠶᠢᠨ ᠲᠤᠶᠢᠯ ᠤᠨ ᠶᠤᠰᠤᠷᠬᠠᠭ ᠢᠶᠠᠷ ᠮᠡᠨᠳᠦᠴᠢᠯᠡᠵᠤ᠂ ᠲᠠᠭᠤᠥ ᠪᠦᠵᠢᠭ ᠤᠨ ᠬᠠᠩᠭᠢᠨᠠᠮᠠ ᠰᠠᠶᠢᠬᠠᠨ ᠠᠶᠠᠰ ᠤᠨ | ᠲᠤᠮᠳᠠ ᠬᠠᠮᠳᠤ ᠪᠠᠷ᠄ ᠪᠠᠶᠠᠷᠯᠠᠨ ᠤᠭᠳᠤᠶᠠ︕ ᠪᠠᠶᠠᠷᠯᠠᠨ ᠤᠭᠳᠤᠶᠠ︕ ᠭᠡᠵᠤ ᠲᠡᠳᠡᠭᠡᠷ ᠠᠪᠬᠠᠢ ᠨᠠᠷ | ᠬᠤᠭᠤᠯᠠ ᠨᠡᠶᠢᠯᠡᠭᠦᠯᠦᠨ ᠦᠨᠳᠦᠷ ᠲᠠᠭᠤᠨ ᠢᠶᠠᠷ ᠬᠠᠰᠬᠢᠷᠬᠤ ᠳᠤ ᠂ ᠲᠤᠳᠤᠷᠠ ᠦᠷᠦᠭᠡᠨ ᠠᠴᠠ ᠵᠠᠯᠭᠠᠪᠡᠷ ᠵᠠᠯᠠᠭᠤ | ᠠᠪᠬᠠᠢ ᠨᠠᠷ ᠴᠤᠪᠤᠷᠠᠯᠳᠤᠵᠤ ᠯᠡ ᠪᠠᠶᠢᠪᠠ᠃ ᠪᠠᠷᠤᠭᠯᠠᠪᠠᠯ᠂ ᠡᠳᠡᠭᠡᠷ ᠵᠣᠴᠢᠨ ᠤᠭᠳᠤᠬᠤ ᠠᠪᠬᠠᠶᠢᠴᠤᠳ ᠤᠨ | ᠲᠤᠳᠤᠷᠠ᠂ ᠵᠠᠷᠢᠮ ᠨᠢ ᠪᠠᠷᠤᠭ ᠤᠯᠤᠰ ᠤᠨ ᠲᠡᠰ ᠤᠨ ᠵᠤᠴᠢᠨ ᠤᠭᠳᠤᠬᠤ ᠲᠤᠰᠬᠠᠢ ᠪᠤᠯᠪᠠᠰᠤᠷᠠᠯ ᠢ | ᠬᠦᠷᠳᠡᠭᠰᠡᠨ ᠪᠠᠶᠢᠵᠤ ᠮᠡᠳᠡᠨᠡ᠃ᠲᠡᠳᠡᠨᠡᠷ ᠤᠨ ᠶᠤᠰᠤᠷᠬᠠᠭ ᠡᠶᠡᠯᠳᠡᠭ ᠂ ᠪᠤᠯᠪᠠᠰᠤᠷᠠᠩᠭᠤᠢ ᠰᠠᠶᠢᠬᠠᠨ ᠤᠶᠢᠯᠡ | ᠬᠦᠳᠡᠯᠭᠡᠭᠡᠨ ᠨᠢ ᠠᠳᠡ ᠢᠷᠡᠭᠰᠡᠨ ᠤᠯᠠᠨ ᠵᠤᠴᠢᠳ ᠤᠨ ᠪᠠᠭ᠋ᠠᠷᠤᠯ ᠢ ᠲᠠᠳᠠᠵᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠶᠢ | ᠪᠠᠶᠠᠰᠬᠠᠨᠠ᠃ | ᠭᠤᠶᠤ ᠠᠪᠬᠠᠶᠢᠴᠤᠳ ᠬᠤᠭᠤᠯᠠᠨ ᠤ ᠦᠷᠦᠭᠡᠨ ᠳᠤ ᠤᠷᠤᠬᠤ ᠳᠤ᠂ ᠠᠮᠤᠷᠰᠠᠨᠠᠭᠠ ᠠᠴᠠ ᠲᠡᠷᠭᠡᠯ | ᠢ ᠤᠷᠢᠨ ᠲᠡᠷᠢᠬᠦᠨ ᠰᠠᠭᠤᠳᠠᠯ ᠳᠤ ᠵᠠᠯᠠᠬᠤ ᠳᠤ ᠲᠡᠷᠭᠡᠯ ᠬᠠᠷᠢᠨ ᠪᠤᠰᠤᠳ ᠤᠨ ᠠᠷᠤ ᠳᠤ ᠪᠡᠶᠡ ᠲᠠᠯᠳᠠᠯᠠᠵᠤ | ᠪᠠᠶᠢᠭᠰᠠᠭᠠᠷ᠄ ᠴᠢ ᠲᠡᠮᠦᠷ ᠲᠠᠢ ᠬᠤᠶᠠᠭᠤᠯᠠ ᠪᠠᠨ ᠰᠠᠭᠤᠪᠠᠯ ᠰᠠᠶ᠋ᠢ ᠲᠠᠭᠠᠷᠠᠨᠠ᠂ ᠤᠴᠢᠷ ᠨᠢ ᠨᠢᠭᠡ ᠨᠢ ᠵᠤᠭᠤᠰ | ᠮᠦᠩᠭᠦ ᠲᠠᠢ᠂ ᠨᠢᠭᠡ ᠨᠢ ᠡᠷᠭᠡ ᠠᠰᠢᠭ ᠲᠠᠢ ᠲᠤᠯᠠ ᠬᠠᠮᠢᠭᠠ ᠠᠴᠠ ᠪᠠᠰᠠ ᠨᠠᠳᠠ ᠳᠤ ᠲᠡᠷᠢᠭᠦᠨ ᠰᠠᠭᠤᠳᠠᠯ ᠳᠤ | ᠰᠠᠭᠤᠬᠤ ᠬᠢᠷᠢ ᠬᠡᠮ ᠬᠡᠵᠤ ᠪᠠᠶᠢᠬᠤ ᠳ᠋ᠠ︖ | ᠠᠮᠤᠷᠰᠠᠨᠠᠭᠠ ᠬᠠᠷᠢᠨ ᠲᠡᠷᠭᠡᠯ ᠤᠨ ᠭᠠᠷ ᠠᠴᠠ ᠵᠢᠭᠤᠷᠠᠵᠤ᠄ ᠦᠨᠦᠳᠦᠷ ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢ | ᠶᠢᠨ ᠴᠤᠭᠯᠠᠭᠠᠨ ᠪᠤᠯᠬᠤ ᠳᠤ ᠴᠢ ᠪᠤᠯ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠠᠨ ᠤ ᠠᠩᠭᠢ ᠶᠢᠨ ᠲᠠᠷᠤᠭᠠ ᠪᠠᠶᠢᠭᠰᠠᠨ ᠰᠢᠳᠡ | ︕ ᠬᠠᠷᠢᠨ ᠲᠡᠮᠦᠷ ᠪᠢᠳᠡ ᠬᠤᠶᠠᠭᠤᠯᠠ ᠴᠢᠨᠢ ᠶᠠᠭᠤ ᠴᠦ ᠪᠢᠰᠢ ᠪᠠᠶᠢᠭᠰᠠᠨ ᠰᠢᠦ︕ ᠡᠶᠢᠮᠦ ᠠᠴᠠ ᠴᠢ ᠵᠠᠪᠠᠯ | ᠲᠡᠷᠢᠬᠦᠨ ᠰᠠᠭᠤᠳᠠᠯ ᠳᠤ ᠰᠠᠭᠤᠬᠤ ᠨᠢ ᠵᠦᠢ ᠶᠤᠰᠤᠳᠠᠢ ᠰᠢᠦ︕ ᠲᠡᠮᠦᠷ ᠢᠷᠡᠭᠰᠡᠨ ᠴᠦ ᠲᠡᠷᠡ ᠮᠢᠨᠦ ᠰᠠᠨᠠᠭᠠ | ᠲᠠᠢ ᠠᠳᠠᠯᠢ ᠶᠤᠮ᠃ | ᠲᠡᠳᠡᠨᠡᠷ ᠶᠠᠭ ᠰᠠᠶᠢᠬᠠᠨ ᠬᠠᠷᠢᠯᠴᠢᠨ ᠲᠦᠯᠬᠢᠯᠴᠡᠵᠤ ᠪᠠᠶᠢᠳᠠᠯᠠ ᠂ ᠨᠢᠭᠡᠨ ᠠᠪᠬᠠᠢ ᠲᠡᠮᠦᠷ ᠢ ᠭᠠᠳᠠᠨᠠ | ᠠᠴᠠ ᠲᠠᠭᠠᠭᠤᠯᠤᠨ ᠤᠷᠤᠵᠤ ᠢᠷᠡᠭᠦ ᠳᠤ ᠂ ᠲᠡᠮᠦᠷ ᠴᠦ ᠰᠠᠯᠤᠭᠠᠳ ᠤᠳᠠᠭᠰᠠᠨ ᠬᠡᠳᠦᠨ ᠬᠠᠮᠳᠤ ᠰᠤᠷᠤᠭᠴᠢ ᠲᠠᠢ | ᠪᠠᠨ ᠠᠭᠤᠯᠵᠠᠭᠠᠳ ᠦᠨᠡᠭᠡᠷ ᠮᠠᠩᠨᠠᠢ ᠲᠡᠨᠢᠭᠦᠨ ᠪᠠᠶᠠᠷᠯᠠᠨᠠ᠂ ᠰᠠᠶ᠋ᠢ ᠶᠢᠨ ᠠᠮᠤᠷᠰᠠᠨᠠᠭᠠ ᠪᠠ ᠲᠡᠷᠭᠡᠯ ᠤᠨ ᠪᠤᠳᠠᠭᠠᠨ | ᠰᠢᠷᠡᠭᠡᠨ ᠲᠡᠭᠡᠷᠡᠬᠢ ᠡᠶᠢᠮᠦᠷᠭᠦ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠳ᠂ ᠤᠳᠤ ᠶᠢᠨ ᠲᠠᠷᠤᠭᠠ ᠨᠠᠷ ᠴᠢᠨᠢ ᠶᠠᠪᠤᠳᠠᠯ ᠤᠴᠢᠷ ᠢ ᠪᠠᠷᠤᠭ | ᠴᠠᠭᠠᠨᠠ ᠨᠢ ᠭᠠᠷᠳᠠᠯᠠ ᠪᠠᠨ ᠭᠠᠳᠠᠷᠯᠠᠭᠠᠳ ᠂ ᠤᠷᠢᠳᠠᠪᠡᠷ ᠲᠡᠷᠭᠡᠯ ᠤᠨ ᠭᠠᠷ ᠠᠴᠠ ᠲᠠᠳᠠᠵᠤ ᠲᠡᠷᠢᠭᠦᠨ | ᠰᠠᠭᠤᠳᠠᠯ ᠳᠤ ᠰᠠᠭᠤᠯᠭᠠᠪᠠ᠃ ᠲᠡᠷᠭᠡᠯ ᠬᠡᠳᠦᠢ ᠬᠦᠴᠦᠯᠡᠭᠰᠡᠨ ᠴᠦ ᠲᠡᠳᠡ ᠬᠤᠶᠠᠷ ᠤᠨ ᠲᠦᠷᠪᠡᠨ ᠭᠠᠷ ᠤᠨ | ᠬᠦᠴᠦ ᠶᠢ ᠬᠦᠴᠦᠯᠡᠵᠤ ᠲᠡᠶᠢᠯᠬᠦ ᠦᠭᠡᠢ ᠲᠤᠯᠠ ᠬᠠᠰᠢᠯᠠ ᠲᠡᠷᠭᠡᠯ ᠢ ᠲᠡᠷᠢᠭᠦᠨ ᠰᠠᠭᠤᠳᠠᠯ ᠳᠤ ᠰᠠᠭᠤᠯᠭᠠᠪᠠ᠃ ᠭᠡᠶᠡ | ︕ ᠡᠨᠡᠬᠦ ᠰᠠᠭᠤᠳᠠᠯ ᠳᠤᠨᠢ ᠶᠠᠭ ᠯᠡ ᠱᠤᠷᠤ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠭᠰᠠᠨ ᠮᠡᠳᠦ ᠪᠠᠷ ᠲᠡᠷᠭᠡᠯ ᠢ ᠨᠢᠭᠡ | ᠰᠧᠺᠤᠨᠲ ᠴᠦ ᠠᠮᠤᠷ ᠵᠢᠮᠤᠷ ᠰᠡᠳᠭᠢᠯ ᠲᠠᠯᠪᠢᠭᠤ ᠪᠠᠶᠢᠯᠭᠠᠭᠰᠠᠨ ᠦᠭᠡᠢ ᠰᠢᠭ ᠵᠢᠨᠡ ᠲᠡᠷᠭᠡᠯ ᠤᠨ ᠲᠤᠳᠤᠷᠠ | ᠪᠠᠴᠢᠮᠳᠠᠭᠤᠯᠤᠨᠠ ᠳ᠋ᠠ︕ | ᠲᠡᠳᠡᠨᠡᠷ ᠲᠤᠶᠢᠯ ᠤᠨ ᠬᠦᠥᠷ ᠬᠦᠭᠵᠢᠶᠡᠨ ᠲᠠᠢ ᠪᠠᠶᠠᠷᠯᠠᠯᠳᠤᠵᠤ ᠪᠠᠶᠢᠳᠠᠯᠠ ᠂ ᠤᠶᠢᠯᠡᠴᠢᠯᠡᠭᠴᠢ ᠬᠡᠥᠬᠡᠨ | ᠪᠠᠰᠠ ᠬᠤᠶᠠᠷ ᠵᠤᠴᠢᠨ ᠤᠭᠳᠤᠨ ᠠᠪᠴᠢᠷᠠᠯᠠ᠃ ᠲᠡᠷᠤᠢ ᠲᠡᠳᠡᠨ ᠤ ᠬᠠᠮᠳᠤ ᠰᠤᠷᠤᠭᠴᠢ ᠪᠠᠳᠤ ᠬᠢᠭᠡᠳ ᠤᠶᠤᠨᠠ | ᠪᠤᠯᠤᠨᠠ᠃ ᠪᠠᠳᠤ ᠡᠭᠦᠳᠡ ᠤᠷᠤᠵᠤ ᠢᠷᠡᠮᠡᠭᠴᠡ ᠲᠡᠷᠭᠡᠯ ᠤᠨ ᠵᠦᠭ᠄ ᠲᠡᠷᠭᠡᠯ ᠡ ︕ ᠦᠷᠯᠦᠭᠡ ᠲᠡᠮᠦᠷ ᠠᠴᠠ | ᠮᠠᠨ ᠳᠤ ᠤᠳᠠᠰᠤ ᠢᠷᠡᠵᠤ᠂ ᠴᠢ ᠬᠠᠷᠢᠨ ᠮᠠᠨ ᠤ ᠡᠳᠡᠭᠡᠷ ᠬᠠᠮᠳᠤ ᠰᠤᠷᠤᠭᠴᠢ ᠨᠠᠷ ᠢ ᠶᠡᠬᠡᠯᠡ ᠰᠠᠨᠠᠭᠠᠯᠵᠠᠵᠤ | ᠪᠠᠶᠢᠨᠠ ᠭᠡᠨᠡᠥ︖ ᠪᠢ ᠶᠠᠭ ᠰᠠᠶ᠋ᠢᠬᠠᠨ ᠲᠤᠷᠤᠭᠰᠢ ᠪᠠᠭᠤᠵᠤ᠂ ᠦᠳᠡ ᠶᠢᠨ ᠪᠤᠳᠠᠭᠠ ᠪᠠᠨ ᠢᠳᠡᠵᠤ ᠪᠠᠷᠠᠮᠠᠭᠴᠠ | ᠭᠡᠷ ᠲᠡᠭᠡᠨ ᠴᠦ ᠬᠠᠷᠢᠭᠰᠠᠨ ᠦᠭᠡᠢ᠂ ᠪᠠᠶᠠᠷᠯᠠᠭᠠᠳ ᠠᠳᠡ ᠰᠢᠭᠤᠳ ᠲᠠᠯᠪᠢᠭᠠᠳ ᠢᠷᠡᠯᠡ︕ ᠦᠨᠡᠨᠳᠡᠭᠡᠨ ᠮᠠᠨ | ᠤ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠦᠳᠡᠰᠢ ᠶᠢᠨ ᠬᠤᠷᠠᠯ ᠳᠤ ᠪᠠᠰᠠ ᠲᠠᠶᠢᠯᠠᠯᠭᠠ ᠲᠠᠢ᠂ ᠪᠢ ᠬᠠᠷᠢᠨ ᠲᠡᠭᠦᠨ ᠢ ᠨᠢ ᠨᠢᠭᠡᠴᠦ | ᠬᠠᠮᠢᠶᠠᠷᠤᠭᠰᠠᠨ ᠦᠭᠡᠢ︕ | ᠤᠶᠤᠨᠠ ᠬᠠᠷᠢᠨ᠄ ᠪᠢ ᠬᠠᠷᠢᠨ ᠦᠳᠡᠰᠢ ᠪᠤᠯᠪᠠᠯ ᠬᠠᠷᠢᠵᠤ ᠦᠳᠡᠰᠢ ᠶᠢᠨ ᠵᠠᠬᠠ ᠲᠡᠯᠭᠡᠭᠦᠷ ᠲᠤ | ᠪᠠᠷᠠᠭᠠ ᠪᠠᠨ ᠬᠤᠳᠠᠯᠳᠤᠨᠠ ᠰᠢᠦ︕ ᠭᠡᠶᠡ︕ ᠲᠡᠷᠭᠡᠯ ᠤᠨ ᠤᠳᠠᠰᠤ ᠶᠢ ᠲᠤᠰᠤᠮᠠᠭᠴᠠ᠂ ᠪᠢ ᠬᠠᠷᠢᠨ ᠲᠡᠳᠡᠭᠡᠷ | ᠠᠵᠢᠯ ᠢᠶᠠᠨ ᠡᠬᠡᠨᠡᠷ ᠲᠡᠭᠡᠨ ᠲᠤᠰᠢᠶᠠᠮᠠᠭᠴᠠ᠂ ᠠᠳᠡ ᠲᠠᠯᠪᠢᠭᠠᠳ ᠢᠷᠡᠯᠡ ᠰᠢᠦ ᠳ᠋ᠡ︕ ᠲᠡᠮᠦᠷ ᠪᠤᠰᠴᠤ | ᠵᠤᠭᠰᠤᠨ᠄ ᠪᠠᠳᠤ ᠤᠶᠤᠨᠠ ᠲᠠᠢ ᠭᠠᠷ ᠠᠳᠬᠤᠯᠴᠠᠨᠠ᠂ ᠠᠮᠤᠷᠰᠠᠨᠠᠭᠠ ᠬᠠᠷᠢᠨ ᠪᠠᠳᠤ ᠶᠢᠨ ᠵᠦᠭ ᠬᠠᠨᠳᠤᠨ᠄ ᠲᠠᠨ | ᠤ ᠬᠤᠷᠠᠯ ᠤᠨ ᠴᠢᠨᠢ ᠲᠠᠶᠢᠯᠠᠯᠭᠠ ᠶᠠᠭᠤ ᠯᠡ ᠪᠠᠶᠢᠨᠠ ᠳ᠋ᠠ︖ ᠬᠠᠷᠢᠨ ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢᠳ ᠤᠨ ᠨᠠᠶᠢᠷ | ᠤᠨ ᠬᠢᠷᠢ ᠴᠢᠬᠤᠯᠠ ᠪᠠᠶᠢᠨᠠ ᠤᠤ︖ ᠴᠢᠨᠦ ᠡᠨᠡᠬᠦ ᠪᠠᠭᠠ ᠲᠠᠰᠤᠭ ᠤᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠬᠡᠯᠡᠬᠦ ᠦᠭᠡᠢ | ᠳᠤ ᠮᠠᠨ ᠤ ᠲᠡᠮᠦᠷ ᠲᠠᠩᠭᠢᠮ ᠤᠨ ᠲᠠᠷᠤᠭᠠ ᠬᠠᠷᠢᠨ ᠤᠯᠤᠰ ᠤᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠᠨ ᠤ ᠪᠠᠴᠢᠮ ᠮᠡᠳᠡᠭᠳᠡᠯ | ᠢ ᠬᠠᠮᠢᠶᠠᠷᠤᠭᠰᠠᠨ ᠦᠭᠡᠢ᠂ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠪᠡᠭᠡᠵᠢᠩ ᠳᠤ ᠬᠦᠷᠴᠦ᠂ ᠠᠵᠤ ᠠᠬᠤᠢ ᠶᠢᠨ ᠡᠬᠡ ᠲᠦᠰᠦᠯ | ᠶᠠᠷᠢᠯᠴᠠᠬᠤ ᠴᠢᠬᠤᠯᠠ ᠬᠤᠷᠠᠯ ᠢᠶᠠᠨ ᠲᠠᠬᠢᠨ ᠲᠤᠬᠢᠷᠠᠭᠤᠯᠵᠤ᠂ ᠮᠠᠷᠭᠠᠰᠢ ᠶᠠᠪᠤᠬᠤ ᠪᠠᠷ ᠪᠤᠯᠤᠭᠰᠠᠨ ᠰᠢᠳᠡ︕ | ᠲᠡᠭᠷᠢ ᠭᠠᠵᠠᠷ ᠬᠡᠳᠦᠢ ᠶᠡᠭᠡ ᠪᠤᠯᠪᠠᠴᠤ᠂ ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ ᠭᠦᠨ ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯ | ᠤᠨ ᠬᠢᠷᠢ ᠶᠡᠭᠡ ᠦᠭᠡᠢ ᠰᠢᠦ︕ᠠᠪᠤ ᠡᠵᠢ ᠬᠡᠴᠦᠨᠡᠨ ᠲᠤᠳᠤᠨᠤ ᠪᠤᠯᠤᠭᠰᠠᠨ ᠴᠦ ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ | ᠨᠦᠬᠦᠷᠯᠡᠯ ᠤᠨ ᠬᠢᠷᠢ ᠭᠦᠨ ᠲᠤᠳᠤᠨᠤ ᠦᠭᠡᠢ ᠰᠢᠦ︕ ᠮᠠᠨ ᠤ ᠦᠨᠦᠳᠦᠷ ᠠᠳᠡ ᠴᠤᠭᠯᠠᠷᠠᠭᠰᠠᠨ ᠪᠦᠬᠦᠨ ᠵᠠᠪᠠᠯ | ᠠᠷᠢᠬᠢ ᠶᠢ ᠭᠡᠵᠢᠭᠡ ᠪᠠᠨ ᠤᠳᠤᠶᠢᠳᠠᠯᠠ ᠪᠠᠨ ᠰᠠᠶᠢᠨ ᠤᠥᠭᠤᠵᠤ᠂ ᠨᠤᠭᠤᠭᠠ ᠪᠤᠳᠠᠭᠠ ᠶᠢ ᠭᠡᠳᠡᠰᠦ ᠪᠠᠨ | ᠭᠤᠯᠤᠶᠢᠳᠠᠯᠠ ᠰᠠᠶᠢᠨ ᠢᠳᠡᠭᠦ ᠬᠡᠷᠡᠭᠳᠡᠢ ᠰᠢᠦ︕ ᠲᠡᠶᠢᠮᠦ ᠪᠢᠰᠢ ᠪᠤᠯ ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢ ᠪᠤᠯᠵᠤ | ᠶᠠᠪᠤᠭᠰᠠᠨ ᠳᠠᠭᠠᠨ ᠤᠰᠤᠯᠳᠤᠨᠠ ᠰᠢᠦ︕ ᠪᠢ ᠦᠨᠦᠳᠦᠷ ᠲᠤᠰᠬᠠᠶᠢᠯᠠᠨ ᠨᠢᠭᠡ ᠬᠠᠶᠢᠷᠴᠠᠭ︽ᠮᠠᠥ ᠲᠠᠢ ︾ | ᠠᠷᠢᠬᠢ ᠶᠢ ᠮᠠᠨ ᠤ ᠠᠳᠡ ᠴᠤᠭᠯᠠᠷᠠᠬᠤ ᠬᠠᠮᠳᠤ ᠰᠤᠷᠤᠭᠴᠢᠳ ᠲᠤ ᠵᠤᠷᠢᠭᠤᠯᠤᠨ ᠦᠢᠯᠡᠳᠪᠦᠷᠢ ᠶᠢᠨ ᠬᠢᠨᠢ | ᠲᠠᠷᠤᠭᠠ ᠪᠠᠷ ᠨᠢ ᠵᠦᠪᠰᠢᠶᠡᠷᠡᠭᠦᠯᠵᠤ ᠠᠪᠴᠢᠷᠠᠯᠠ ᠰᠢᠦ︕ ᠠᠮᠤᠷᠰᠠᠨᠠᠭᠠ ᠶᠠᠷᠢᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ | ᠪᠠᠰᠠ ᠵᠠᠯᠭᠠᠭᠠᠳ ᠤᠶᠤᠨᠠ ᠶᠢᠨ ᠵᠦᠭ ᠬᠠᠨᠳᠤᠵᠤ᠄ ᠮᠠᠨ ᠤ ᠡᠳᠡᠭᠡᠷ ᠤᠯᠠᠨ ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ ᠲᠤᠳᠤᠷᠠ᠂ | ᠴᠢ ᠪᠠᠭ᠋ᠠᠨ ᠬᠠᠷᠠᠮᠰᠠᠯᠳᠠᠢ ᠪᠠᠷ ᠡᠳᠦᠷ ᠬᠤᠨᠤᠭ ᠢ ᠦᠡᠭᠭᠡᠷᠡᠭᠦᠯᠵᠤ ᠪᠠᠶᠢᠨᠠ᠂ ᠪᠤᠰᠤᠳ ᠨᠦᠭᠦᠳ ᠲᠤ ᠡᠶᠢᠮᠦ | ᠰᠢᠷᠡᠭᠡ ᠪᠤᠳᠠᠭᠠ ᠤᠯᠠᠨᠳᠠ ᠲᠤᠬᠢᠶᠠᠯᠳᠤᠭ᠍ᠰᠠᠨ ᠴᠦ ᠂ ᠴᠢᠮᠠᠶᠢ ᠳᠤ ᠬᠠᠷᠢᠨ ᠲᠤᠶᠢᠯ ᠤᠨ ᠬᠤᠪᠤᠷ ᠲᠤᠬᠢᠶᠠᠯᠳᠤᠬᠤ | ᠶᠤᠮ᠂ ᠦᠨᠦᠳᠦᠷ ᠬᠡᠳᠦᠶᠢᠪᠡᠷ ᠨᠡᠷᠡ ᠲᠡᠭᠡᠷᠡ ᠪᠠᠨ ᠬᠠᠮᠳᠤ ᠨᠦᠬᠦᠳ ᠤᠨ ᠭᠡᠳᠡᠭ ᠪᠤᠯᠪᠠᠴᠤ᠂ ᠨᠢᠳᠡᠷ ᠲᠡᠭᠡᠷᠡ | ᠪᠠᠨ ᠬᠠᠷᠢᠨ ᠭᠤᠥᠯ ᠨᠢ ᠲᠠᠨ ᠢ ᠵᠤᠴᠢᠯᠠᠵᠤ ᠪᠠᠶᠢᠨᠠ ᠰᠢᠦ︕ | ᠤᠶᠤᠨᠠ᠄ ᠲᠡᠶᠢᠮᠦ ᠪᠤᠯ ᠪᠢ ᠯᠠᠪᠳᠠᠢ ᠰᠠᠶᠢᠨ ᠤᠥᠭᠤᠨᠠ᠂ ᠪᠢ ᠯᠠᠪ ᠡᠷᠢᠶᠡᠯᠡᠬᠦ ᠦᠭᠡᠢ ᠶᠤᠮ ᠳ᠋ᠡ ︕ | ᠪᠢ ᠶᠡᠷᠦᠳᠡᠭᠡᠨ ᠶᠠᠭᠠᠷᠠᠭᠠᠳ᠂ ᠵᠠᠷᠢᠮ ᠦᠶᠡᠰ ᠲᠤ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠭᠡᠳ ᠶᠠᠭᠠᠷᠠᠪᠠᠯ ᠪᠤᠳᠠᠭᠠ ᠢᠳᠡᠬᠦ | ᠴᠢᠯᠦᠭᠡ ᠴᠦ ᠤᠯᠳᠠᠬᠤ ᠦᠭᠡᠢ ᠲᠤᠯᠠ ᠦᠯᠦᠰᠪᠡᠯ ᠮᠢᠶᠠᠨᠪᠤᠥ ᠡᠨᠡ ᠲᠡᠷᠡ ᠪᠠᠭᠠ ᠰᠠᠭᠠ ᠢᠳᠡᠭᠡᠳ ᠪᠠᠶᠢᠳᠠᠭ᠂ | ᠬᠠᠷᠢᠨ ᠲᠡᠳᠡᠭᠡᠷ ᠠᠷᠰᠠᠷ ᠢᠳᠡᠭᠡᠨ ᠢ ᠤᠳᠠᠭᠠᠨ ᠡᠳᠦᠷ ᠢᠳᠡᠭᠡᠳ ᠢᠷᠡᠪᠡᠯ ᠭᠡᠳᠡᠰᠦᠨ ᠳᠤ ᠪᠠᠰᠠ ᠬᠤᠥᠷ ᠲᠠᠢ ᠶᠤᠮ | ᠪᠠ︖ ᠤᠷᠴᠢᠮ ᠪᠤᠯᠵᠤ ᠢᠷᠭᠡᠳ ᠪᠢ ᠲᠡᠳᠡᠭᠡᠷ ᠠᠷᠰᠠᠷ ᠢᠳᠡᠭᠡᠨ ᠢ ᠴᠦ ᠢᠳᠡᠭᠡᠳ ᠤᠷᠤᠬᠤ ᠦᠭᠡᠢ ᠪᠠᠶᠢᠨᠠ᠃ | | ᠲᠤᠯᠮᠠ᠄ ᠪᠤᠯᠤᠨᠠ︕ ᠪᠤᠯᠤᠨᠠ︕ ᠡᠳᠡᠭᠡᠷ ᠦᠭᠡᠳᠡ ᠦᠭᠡᠢ ᠶᠠᠪᠤᠳᠠᠯ ᠤᠴᠢᠷ ᠢ ᠪᠢᠳᠡ ᠬᠠᠰᠢᠯᠠ | ᠲᠤᠲᠠᠭᠤ ᠰᠢᠭ᠋ ᠶᠠᠷᠢᠶᠠ᠃ ᠬᠠᠷᠢᠨ ᠠᠷᠢᠭᠤᠨ ᠴᠡᠪᠡᠷ ᠠᠮᠢ ᠪᠡᠶᠡ ᠳᠤ ᠲᠤᠰᠠᠳᠠᠢ ᠶᠠᠪᠤᠳᠠᠯ ᠵᠤᠶᠢᠯ ᠢᠶᠠᠨ ᠢᠯᠡᠭᠦᠥ | ᠶᠠᠷᠢᠯᠴᠠᠶᠠ︕ | ᠤᠶᠤᠨᠠ ᠢᠨᠢᠶᠡᠭᠰᠡᠭᠡᠷ᠄ ᠪᠤᠯᠤᠨᠠ︕ ᠪᠢ ᠪᠠᠰᠠ ᠲᠡᠭᠡᠶᠡ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠭᠰᠠᠨ︕ ᠲᠤᠯᠮᠠ | ᠪᠤᠯ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠵᠤ᠂ ᠠᠵᠢᠯᠴᠢ ᠰᠤᠷᠳᠠᠯ ᠲᠠᠢ ᠬᠦᠮᠦᠨ᠂ ᠡᠯᠳᠡᠪ ᠡᠰᠡ ᠶᠢᠨ ᠦᠭᠡ ᠶᠠᠷᠢᠶᠠ ᠶᠢ | ᠰᠤᠨᠤᠰᠬᠤ ᠲᠤᠷᠡ ᠦᠭᠡᠢ ᠃ ᠪᠢ ᠠᠳᠡ ᠤᠯᠠᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠳᠤ ᠨᠢᠭᠡ ᠤᠴᠢᠷ ᠨᠠᠶᠢᠳᠠᠶᠠ ︕ | ᠬᠡᠨ ᠬᠡᠷᠪᠡ ᠭᠤᠰᠢᠭᠤᠨ ᠠᠮᠳᠠ ᠲᠠᠢ ᠱᠦᠯᠦ ᠤᠥᠭᠤᠶᠠ ᠭᠡᠪᠡᠯ ᠤᠷᠢᠳᠴᠢᠯᠠᠨ ᠨᠠᠳᠠ ᠳᠤ ᠤᠳᠠᠰᠤ ᠢᠷᠡᠭᠦᠯ︕ | ᠪᠢ ᠬᠠᠷᠢᠨ ᠨᠤᠭᠤᠭᠠᠨ ᠤ ᠲᠡᠯᠭᠡᠭᠦᠷ ᠠᠴᠠ ᠵᠢᠩᠭᠢᠨᠢ ᠶᠢ ᠨᠢ ᠲᠠ ᠨᠠᠷ ᠲᠤ ᠤᠯᠵᠤ ᠦᠭᠭᠦᠶᠡ︕ | ᠠᠮᠤᠡᠰᠠᠨᠠᠭᠠ ᠠᠴᠠ ᠤᠯᠠᠨ ᠤ ᠨᠠᠮ ᠵᠢᠮ ᠪᠤᠯᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ᠂ ᠤᠶᠢᠯᠡᠴᠢᠯᠡᠭᠴᠢ ᠬᠡᠥᠬᠡᠨ ᠤ | ᠵᠦᠭ᠄ ᠴᠢ ᠮᠢᠨᠦ ᠲᠡᠷᠭᠡᠨ ᠳᠤ ᠭᠠᠷᠤᠭᠠᠳ ︽ᠮᠠᠥ ᠲᠠᠢ ︾ ᠠᠷᠢᠬᠢ ᠶᠢ ᠠᠪᠴᠤ ᠢᠷᠡ︕ ᠮᠢᠨᠦ ᠲᠡᠷᠭᠡ ᠪᠤᠯ | ᠬᠠᠷᠠ ᠦᠩᠭᠡ ᠲᠠᠢ᠂ ᠲᠡᠷᠭᠡᠨ ᠨᠤᠮᠧᠷ ᠤᠨ ᠰᠡᠭᠦᠯ ᠤᠨ ᠭᠤᠷᠪᠠᠨ ᠤᠷᠤᠨ ᠨᠢ ︽888︾᠂ ᠲᠡᠷᠭᠡᠨ ᠲᠦᠯᠬᠢᠭᠦᠷ | ᠠᠮᠤᠷ ᠢ ᠬᠠᠮᠠᠭᠠᠯᠠᠭᠴᠢ ᠳᠤ ᠪᠠᠶᠢᠨᠠ᠃ ᠪᠠᠰᠠ ᠲᠡᠮᠦᠷ ᠤᠨ ᠵᠦᠭ᠄ ᠲᠡᠮᠦᠷ ᠡ︕ ᠦᠨᠦᠳᠦᠷ ᠤᠨ ᠮᠠᠨ ᠤ ᠤᠯᠠᠨ | ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ ᠴᠤᠭᠯᠠᠷᠠᠭᠰᠠᠨ ᠨᠢ ᠴᠤᠬᠤᠮ ᠲᠡᠭᠡᠭᠰᠢ ᠪᠠᠨ ᠵᠡᠷᠭᠡ ᠵᠢᠩᠰᠡ ᠲᠡᠪᠰᠢᠬᠦ ᠶᠢᠨ ᠵᠠᠭᠠᠭ | ᠱᠤᠭᠤᠮ ᠲᠡᠭᠡᠷᠡ ᠪᠠᠶᠢᠬᠤ ᠲᠤᠯᠠ ᠠᠯᠢ ᠶᠢ ᠨᠢ ᠠᠪᠤᠭᠠᠳ ᠬᠡᠷᠡᠭᠯᠡᠪᠡᠯ ᠴᠦᠮ ᠨᠢᠭᠡᠨᠡᠷᠭᠡ ᠲᠤᠰᠢᠶᠠᠯ ᠲᠠᠢ ᠨᠤᠶᠠᠨ | ᠪᠤᠯᠵᠤ ᠪᠤᠯᠤᠨᠠ ᠰᠢᠦ︕ ᠤᠳᠤ ᠴᠢ ᠮᠠᠨ ᠤ ᠤᠯᠠᠨ ᠳᠤ ᠨᠤᠭᠤᠭᠠ ᠲᠠᠭᠤᠳᠠ᠂ ᠴᠢ ᠬᠠᠷᠢᠨ ᠡᠳᠦᠷ ᠪᠦᠷᠢ | ᠬᠤᠭᠤᠯᠠᠨ ᠭᠡᠷ ᠪᠠᠶᠢᠳᠠᠭ ᠲᠤᠯᠠ ᠮᠠᠨ ᠤ ᠤᠯᠠᠨ ᠳᠤ ᠨᠤᠭᠤᠭᠠ ᠶᠢ ᠨᠢᠭᠡ ᠰᠠᠶᠢᠬᠠᠨ ᠲᠤᠬᠢᠷᠠᠭᠤᠯᠬᠤ ᠴᠢᠬᠤᠯᠠ ᠲᠠᠢ | ᠰᠢᠦ︕ ᠲᠠᠷᠤᠢ ᠴᠢᠨᠦ ᠤᠨᠴᠠᠭᠠᠶᠢᠯᠠᠨ ᠴᠢᠳᠠᠪᠤᠷᠢ ᠪᠠᠨ ᠤᠳᠤ ᠨᠢᠭᠡ ᠭᠠᠷᠭᠠᠵᠤ ᠦᠵᠡ︕ ᠤᠯᠠᠨ ᠢᠶᠠᠷ ᠢᠶᠠᠨ | ᠪᠢᠳᠡᠬᠡᠢ ᠵᠤᠴᠢᠨᠰᠠᠭ ᠪᠠᠢ︕ ᠵᠠᠪᠠᠯ ᠦᠨᠡ ᠦᠷᠳᠡᠭ ᠲᠠᠢ ᠂ ᠠᠮᠳᠠ ᠲᠠᠢ ᠠᠴᠠ ᠨᠢ ᠲᠠᠭᠤᠳᠠᠬᠤ ᠬᠡᠷᠡᠭᠳᠡᠢ᠃ | ᠦᠨᠦᠳᠦᠷ ᠨᠠᠳᠠ ᠳᠤ ᠤᠯᠳᠠᠰᠢ ᠦᠭᠡᠢ ᠠᠵᠠ ᠵᠠᠪᠰᠢᠶᠠᠨ ᠲᠠᠭᠠᠷᠠᠵᠤ᠂ ᠬᠠᠮᠳᠤ ᠰᠤᠷᠤᠭᠴᠢ ᠪᠠᠨ ᠦᠨᠡᠨ ᠰᠡᠳᠭᠢᠯ | ᠠᠴᠠ ᠪᠠᠨ ᠨᠢᠭᠡ ᠵᠤᠴᠢᠯᠠᠶᠠ︕ ᠲᠠᠨᠠᠷ ᠴᠦ ᠪᠢᠳᠡᠬᠡᠢ ᠨᠠᠳᠠ ᠳᠤ ᠵᠤᠭᠤᠰ ᠠᠷᠪᠢᠯᠠᠵᠤ ᠦᠭ︕ | ᠲᠡᠮᠦᠷ ᠨᠤᠭᠤᠭᠠᠨ ᠺᠠᠷᠲ ᠶᠢ ᠤᠷᠪᠠᠭᠤᠯᠵᠤ᠂ ᠨᠢᠭᠡ ᠬᠤᠪᠢ ᠵᠢᠰᠦᠮᠡᠯ ᠬᠤᠷᠤᠳ ᠰᠢᠷᠠ ᠲᠤᠰᠤ ᠨᠢᠭᠡ | ᠫᠢᠯᠡ᠂ ᠰᠢᠷᠠᠭᠰᠠᠨ ᠬᠤᠨᠢᠨ ᠭᠤᠶᠠ᠂ ᠴᠢᠳᠬᠤᠭᠰᠠᠨ ᠢᠮᠠᠭᠠᠨ ᠭᠡᠳᠡᠰᠦ᠂ ᠡᠧᠥᠷᠦ᠋ᠪ ᠮᠠᠶ᠋ᠢᠭ ᠤᠨ ᠬᠠᠭᠠᠷᠢᠭᠰᠠᠨ | ᠵᠢᠭᠠᠰᠤ᠂ ᠲᠤᠰᠪᠦᠷᠢ ᠲᠠᠭᠤᠳᠠᠭᠠᠳ ᠪᠠᠰᠠ ᠲᠡᠶᠢᠮᠦ ᠶᠡᠭᠡ ᠦᠨᠡ ᠦᠷᠲᠡᠭ ᠵᠠᠷᠤᠴᠠᠭᠤᠯᠤᠭᠰᠠᠨ ᠦᠭᠡᠢ ᠪᠢᠯᠡ᠃ | ᠲᠡᠷᠡ ᠲᠤᠳᠤᠷᠠ ᠪᠠᠨ ᠲᠤᠪ ᠲᠤᠳᠤᠷᠬᠠᠢ ᠮᠡᠳᠡᠵᠤ ᠪᠠᠶᠢᠨᠠ᠂ ᠶᠠᠮᠠᠷ ᠨᠢᠭᠡᠨ ᠬᠦᠮᠦᠨ ᠭᠡᠳ ᠪᠤᠰᠤᠳ ᠢ ᠵᠤᠴᠢᠯᠠᠬᠤ | ᠳᠤ ᠬᠡᠳᠦᠢ ᠶᠡᠭᠡ ᠲᠠᠩᠭᠠᠶᠢᠮᠠᠯ ᠪᠤᠯᠤᠭᠰᠠᠨ ᠴᠦ᠂ ᠤᠯᠠᠨ ᠤ ᠵᠤᠭᠤᠰ ᠢ ᠵᠠᠷᠤᠴᠠᠭᠤᠯᠵᠤ ᠦᠭᠡᠢ ᠶᠤᠮ ᠴᠢᠨᠢ | ᠪᠦᠷᠢᠯᠭᠡᠬᠦ ᠶᠢ ᠪᠦᠷ ᠲᠤᠷᠠ ᠦᠭᠡᠢ ᠶᠤᠮ᠃ ᠲᠡᠷᠡ ᠡᠳᠡᠭᠡᠷ ᠨᠤᠭᠤᠭᠠ ᠶᠢ ᠲᠠᠭᠤᠳᠠᠵᠤ ᠪᠠᠷᠠᠭᠠᠳ ᠠᠮᠤᠷᠰᠠᠨᠠᠭᠠ ᠶᠢᠨ | ᠵᠦᠭ ᠬᠠᠨᠳᠤᠵᠤ᠄ ᠡᠳᠡᠭᠡᠷ ᠨᠤᠭᠤᠭᠠ ᠪᠤᠯ ᠲᠠᠷᠤᠢ ᠮᠠᠨ ᠳᠤ ᠢᠳᠡᠵᠤ ᠭᠦᠢᠴᠡᠬᠦ ᠶᠤᠮ ᠂ ᠪᠠᠰᠠ ᠨᠡᠯᠢᠶᠡᠳ ᠲᠡᠭᠡᠳᠦ | ᠵᠡᠷᠭᠡ ᠶᠢᠨ ᠨᠤᠭᠤᠭᠠ ᠳᠤ ᠲᠤᠭᠠᠴᠠᠭᠳᠠᠨᠠ ᠃ | ᠠᠮᠤᠷᠰᠠᠨᠠᠭᠠ ᠬᠠᠷᠢᠨ ᠤᠶᠢᠯᠡᠴᠢᠯᠷᠭᠴᠢ ᠶᠢᠨ ᠭᠠᠷ ᠠᠴᠠ ᠨᠤᠭᠤᠭᠠᠨ ᠺᠠᠷᠲ ᠶᠢ ᠨᠢ ᠠᠪᠴᠤ᠂ ᠨᠢᠭᠡ | ᠮᠦᠷ ᠦᠵᠡᠭᠡᠳ ᠲᠡᠮᠦᠷ ᠤᠨ ᠵᠦᠭ ᠬᠠᠨᠳᠤᠵᠤ᠄ ᠲᠡᠮᠦᠷ ᠴᠢ ᠨᠠᠳᠠ ᠳᠤ ᠵᠤᠭᠤᠰ ᠠᠷᠪᠢᠯᠠᠵᠤ ᠦᠭᠴᠡᠢ᠃ ᠡᠳᠡᠭᠡᠷ | ᠡᠭᠡ ᠬᠠᠭᠤᠷᠠᠢ ᠶᠢᠨ ᠨᠤᠭᠤᠭᠠ ᠬᠡᠷᠬᠢᠨ ᠮᠢᠨᠦ ᠬᠠᠮᠳᠤ ᠰᠤᠷᠤᠭᠴᠢᠳ ᠲᠤ ᠲᠡᠶᠢᠯᠡᠵᠤ ᠴᠢᠳᠠᠬᠤ ᠠᠵᠠᠢ ᠭᠡᠳ | ᠤᠶᠢᠯᠡᠴᠢᠯᠡᠭᠴᠢ ᠳᠤ᠄ ᠰᠢᠷᠠᠭᠰᠠᠨ ᠲᠤᠮᠤᠵᠢᠭᠠᠳ ᠤᠯᠠᠭᠠᠨ ᠵᠢᠭᠠᠰᠤ ᠨᠢᠭᠡ ᠫᠢᠯᠡ᠂ ᠰᠠᠮ ᠬᠤᠷᠤᠬᠠᠢ ᠨᠢᠭᠡ ᠫᠢᠯᠡ | ᠭᠡᠵᠤ ᠨᠦᠬᠦᠪᠦᠷᠢᠯᠡᠪᠡ ᠃ | ᠲᠡᠮᠦᠷ ᠠᠮᠤᠷᠰᠠᠨᠠᠭᠠ ᠶᠢᠨ ᠵᠦᠭ ᠬᠠᠨᠳᠤᠭᠠᠳ ᠬᠠᠷᠢᠨ ᠶᠠᠭᠤ ᠴᠦ ᠲᠤᠥᠭᠠᠷᠤᠭᠰᠠᠨ ᠦᠭᠡᠢ ᠶᠤᠮ᠂ | ᠵᠠᠷᠢᠮ ᠦᠶᠡᠰ ᠲᠤ ᠬᠡᠷᠡᠭ ᠦᠭᠡᠢ ᠦᠭᠡ ᠶᠠᠷᠢᠪᠠᠯ ᠪᠤᠳᠠᠭᠠᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠤᠯᠠᠨ ᠤ ᠤᠷᠮᠠᠰ ᠪᠠᠭᠤᠷᠠᠵᠤ | ᠮᠡᠳᠡᠭᠦ ᠶᠢ ᠲᠡᠷᠡ ᠲᠤᠳᠤᠷᠠ ᠪᠠᠨ ᠮᠡᠳᠡᠬᠦ ᠲᠤᠯᠠ ᠵᠠᠯᠭᠠᠭᠠᠳ ᠤᠯᠠᠨ ᠢ ᠤᠷᠠᠶᠢᠯᠠᠨ ᠲᠤᠶᠢᠯ ᠤᠨ ᠪᠠᠶᠠᠷ ᠭᠦᠥᠷ | ᠲᠠᠢ ᠪᠠᠶᠢᠪᠠ᠂ ᠪᠠᠳᠤ ᠬᠡᠳᠦᠶᠢᠪᠡᠷ ᠲᠡᠮᠦᠷ ᠤᠨ ᠮᠡᠳᠦ ᠵᠡᠷᠭᠡ ᠲᠡᠰ ᠦᠨᠳᠦᠷ ᠪᠢᠰᠢ ᠴᠦ᠂ ᠲᠡᠭᠦᠨ ᠤ ᠪᠤᠳᠠᠭᠠᠨ | ᠰᠢᠷᠡᠭᠡᠨ ᠲᠡᠭᠡᠷᠡ ᠬᠢ ᠦᠩᠭᠡᠷᠡᠯᠳᠡ ᠨᠢ ᠬᠠᠷᠢᠨ ᠲᠡᠮᠦᠷ ᠠᠴᠠ ᠴᠦ ᠲᠡᠮᠡᠢ ᠲᠤᠳᠠᠭᠤ ᠪᠢᠰᠢ ᠶᠤᠮ᠃ ᠲᠠᠷᠤᠢ ᠡᠭᠦᠨ | ᠠᠴᠠ ᠬᠤᠯᠠ ᠶᠡᠭᠡ ᠪᠠᠶᠠᠷ ᠨᠠᠶᠢᠷ ᠤᠨ ᠲᠠᠶᠢᠯᠠᠯᠭᠠ ᠢ ᠴᠦ ᠤᠯᠠᠨ ᠦᠩᠭᠡᠷᠡᠭᠦᠯᠦᠭᠰᠡᠨ ᠤᠴᠢᠷ ᠠᠴᠠ | ᠲᠤᠳᠤᠷᠠ ᠨᠢ ᠲᠡᠶᠢᠮᠦ ᠯᠡ ᠬᠠᠴᠢᠨ ᠰᠤᠨᠢᠨ ᠰᠠᠨᠠᠭᠳᠠᠬᠤ ᠦᠭᠡᠢ ᠠᠵᠠᠢ᠃ ᠬᠠᠷᠢᠨ ᠲᠡᠷᠭᠡᠯ ᠪᠤᠯ ᠨᠢᠭᠡᠨ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠲᠤᠮᠳᠠ ᠵᠡᠷᠭᠡ ᠶᠢᠨ ᠲᠤᠰᠢᠶᠠᠯ ᠲᠠᠢ ᠪᠠᠭᠰᠢ᠂ ᠲᠤᠯᠮᠠ ᠨᠢ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ | ᠪᠠᠭᠰᠢ ᠲᠤᠯᠠ ᠤᠳᠤ ᠶᠢᠨ ᠮᠡᠳᠦ ᠡᠶᠢᠮᠦᠷᠭᠦ ᠦᠨᠳᠦᠷ ᠲᠦᠪᠰᠢᠨ ᠤ ᠲᠠᠶᠢᠯᠠᠯᠭᠠ ᠳᠤ ᠪᠠᠷᠤᠭ ᠠᠩᠬᠠ ᠤᠳᠠᠭᠠ | ᠲᠤᠬᠢᠶᠠᠯᠳᠤᠵᠤ ᠪᠠᠶᠢᠬᠤ ᠨᠢ ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ᠃ ᠲᠡᠳᠡᠨ ᠢ ᠵᠠᠷᠢᠮ ᠬᠦᠮᠦᠨ ᠢᠩᠭᠢᠵᠤ ᠵᠤᠴᠢᠯᠠᠭᠰᠠᠨ ᠴᠦ᠂ | ᠪᠠᠰᠠ ᠯᠡ ᠲᠡᠳᠡᠨᠡᠷ ᠤᠨ ᠬᠡᠥᠬᠡᠳ᠂ ᠬᠤᠳᠠ ᠬᠤᠳᠠᠭᠠᠢ ᠨᠠᠷ ᠤᠨ ᠲᠠᠯᠠ ᠠᠴᠠ ᠵᠤᠴᠢᠯᠠᠵᠤ ᠮᠡᠳᠡᠨᠡ᠃ ᠲᠡᠷᠡ ᠨᠢ | ᠴᠦ ᠭᠡᠳ ᠨᠢᠭᠡ ᠰᠢᠷᠡᠭᠡ ᠪᠤᠳᠠᠭᠠ ᠠᠷᠠᠢ 300 ᠲᠦᠭᠦᠷᠢᠭ ᠠᠴᠠ ᠲᠡᠮᠡᠢ ᠲᠠᠪᠬᠠᠤ ᠦᠭᠡᠢ ᠲᠤᠯᠠ ᠤᠳᠤ ᠶᠢᠨ | ᠡᠨᠡᠬᠦ ᠲᠤᠮᠳᠠᠳᠤ ᠭᠠᠳᠠᠭᠠᠳᠤ ᠮᠠᠶ᠋ᠢᠭ ᠤᠨ ᠨᠢᠭᠡ ᠵᠢᠭᠠᠰᠤ ᠶᠢᠨ ᠦᠨᠡ ᠠᠴᠠ ᠴᠦ ᠬᠡᠳᠦᠷᠭᠦ ᠦᠭᠡᠢ ᠶᠤᠮ᠃ | ᠭᠡᠪᠡᠴᠦ ᠲᠡᠳᠡᠨᠡᠷ ᠪᠤᠯ ᠠᠷᠠᠳ ᠤᠨ ᠪᠠᠭᠰᠢ ᠲᠤᠯᠠ ᠤᠯᠠᠨ ᠳᠤ ᠶᠠᠭᠠᠬᠢᠭᠰᠠᠨ ᠴᠦ ᠲᠡᠶᠢᠮᠦ ᠯᠡ ᠭᠠᠶᠢᠬᠠᠯ ᠪᠤᠯᠵᠤ᠂ | ᠤᠯᠠᠨ ᠳᠤ ᠰᠤᠨᠢᠨ ᠭᠠᠶᠢᠬᠠᠯ ᠲᠦᠷᠦᠭᠳᠡᠯ ᠦᠯᠡᠳᠡᠭᠡᠵᠤ᠂ ᠪᠤᠰᠤᠳ ᠲᠤ ᠮᠠᠭᠤ ᠨᠦᠯᠦᠭᠡ ᠦᠵᠡᠭᠦᠯᠬᠦ ᠦᠭᠡᠢ | ᠪᠠᠶᠢᠬᠠ︖ | ᠤᠶᠤᠨᠠ ᠠᠵᠢᠯ ᠤᠨ ᠪᠠᠶᠢᠷᠢ ᠲᠡᠭᠡᠷᠡ ᠠᠴᠠ ᠪᠠᠨ ᠪᠠᠭᠤᠭᠰᠠᠨ ᠠᠴᠠ ᠨᠠᠰᠢ ᠦᠳᠡᠰᠢ ᠪᠦᠷᠢ ᠵᠡᠭᠡᠯᠢ | ᠲᠡᠭᠡᠷᠡ ᠡᠳ᠋ ᠪᠠᠷᠠᠭᠠ ᠪᠠᠨ ᠬᠤᠳᠠᠯᠳᠤᠵᠤ᠂ ᠡᠳᠦᠢ ᠲᠡᠳᠦᠢ ᠤᠷᠤᠯᠭᠠ ᠤᠯᠵᠤ ᠠᠮᠢ ᠭᠤᠥᠯ ᠢᠶᠠᠨ ᠵᠡᠬᠦᠵᠤ | ᠶᠠᠪᠤᠳᠠᠭ᠃ ᠬᠤᠳᠠ ᠵᠡᠭᠡᠯᠢ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠭᠠᠵᠠᠷ ᠤᠨ ᠬᠦᠮᠦᠰ ᠡᠷᠢᠬᠦ ᠦᠭᠡᠢ ᠯᠡ ᠶᠤᠮ ᠪᠤᠯ᠂ ᠵᠢᠷᠦᠬᠡ | ᠪᠠᠨ ᠭᠠᠷ ᠲᠠᠭᠠᠨ ᠪᠠᠷᠢᠵᠤ᠂ ᠨᠢᠭᠤᠨ ᠲᠠᠯᠳᠠᠯᠠᠵᠤ ᠪᠠᠷᠠᠭᠠ ᠪᠠᠨ ᠬᠤᠳᠠᠯᠳᠤᠵᠤ᠂ ᠬᠤᠳᠠᠯᠳᠤᠵᠤ ᠪᠠᠶᠢᠳᠠᠯᠠ ᠬᠤᠳᠠ | ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠬᠦᠮᠦᠰ ᠢᠷᠡᠭᠦ ᠶᠢ ᠤᠯᠵᠤ ᠦᠵᠡᠪᠡᠯ ᠶᠤᠰᠤᠳᠠᠢ ᠯᠡ ᠮᠤᠥᠷ ᠦᠵᠡᠭᠰᠡᠨ ᠬᠤᠯᠤᠭᠠᠨᠠ | ᠮᠡᠳᠦ ᠪᠠᠷ ᠭᠤᠳ ᠭᠠᠷᠤᠭᠠᠳ ᠲᠤᠳᠠᠭᠠᠳᠠᠭ ᠰᠠᠨ᠃ ᠲᠡᠭᠡᠭᠡᠳ ᠡᠳᠦᠷ ᠪᠦᠷᠢ ᠪᠠᠰᠠ ᠯᠡ ᠲᠤᠶᠢᠯ ᠤᠨ ᠶᠠᠭᠠᠷᠠᠯᠳᠠᠢ | ᠪᠠᠶᠢᠵᠤ᠂ ᠪᠦᠬᠦ ᠭᠡᠷ ᠤᠨ ᠬᠦᠮᠦᠰ ᠤᠨ ᠢᠶᠠᠨ ᠢᠳᠡᠵᠤ ᠤᠥᠭᠤᠬᠤ ᠶᠢ ᠨᠢ ᠠᠷᠭᠠᠴᠠᠨ ᠪᠠᠶᠢᠵᠤ ᠡᠳᠦᠷ ᠪᠦᠷᠢ ᠶᠢ | ᠦᠩᠭᠡᠷᠡᠭᠡᠳᠡᠭ ᠲᠤᠯᠠ ᠬᠠᠨᠠᠰᠠ ᠪᠠᠰᠠ ᠡᠶᠢᠮᠦ ᠶᠡᠭᠡ ᠲᠠᠶᠢᠯᠠᠯᠭᠠ ᠲᠠᠭᠠᠷᠠᠬᠤ ᠪᠤᠢ︖ ᠡᠶᠢᠮᠦᠷᠭᠦ ᠦᠨᠡᠳᠦ ᠵᠢᠭᠠᠰᠤ᠂ | ᠰᠢᠷᠠᠭᠰᠠᠨ ᠬᠤᠨᠢᠨ ᠮᠢᠬᠠ ᠶᠢ ᠴᠦ ᠪᠠᠷᠤᠭ ᠠᠩᠬᠠ ᠲᠤᠬᠢᠶᠠᠯᠳᠤᠵᠤ ᠡᠭ ᠮᠡᠭ ᠭᠡᠵᠤ ᠪᠠᠶᠢᠳᠠᠯᠠ ᠦᠢᠯᠡᠴᠢᠯᠡᠭᠴᠢ | ᠬᠡᠥᠬᠡᠨ ᠨᠢᠭᠡᠨ ᠲᠤᠮᠤ ᠫᠢᠯᠠ ᠲᠠᠢ ᠵᠢᠭᠠᠰᠤ ᠶᠢ ᠠᠪᠴᠤ ᠤᠷᠤᠵᠤ ᠢᠷᠡᠨ᠂ ᠵᠢᠭᠠᠰᠤ ᠶᠢᠨ ᠳᠡᠭᠡᠷᠡᠬᠢ ᠪᠦᠷᠭᠦᠭᠡᠰᠦ ᠶᠢ | ᠨᠢ ᠢᠷᠠᠬᠤ ᠳᠤ ᠲᠡᠷᠡ ᠬᠠᠷᠢᠨ ᠫᠢᠯᠠ ᠳᠤᠳᠤᠷᠠ ᠨᠢ ᠴᠤᠬᠤᠮ ᠶᠠᠭᠤ ᠪᠠᠶᠢᠬᠤ ᠶᠢ ᠴᠦ ᠮᠡᠳᠡᠬᠦ ᠦᠭᠡᠢ ᠮᠡᠯ | ᠭᠠᠶᠢᠬᠠᠵᠤ᠄ ᠨᠡᠡ ᠨᠢ ᠴᠤᠬᠤᠮ ᠶᠠᠭᠤ ᠪᠤᠢ︖ ᠪᠢ ᠴᠦ ᠰᠠᠶ᠋ᠢ ᠤᠯᠵᠤ ᠦᠵᠡᠵᠤ ᠪᠠᠶᠢᠨᠠ ᠳ᠋ᠠ︕ ᠭᠡᠪᠡ ᠃ | ᠲᠡᠷᠭᠡᠯ ᠲᠤᠯᠮᠠ ᠬᠤᠶᠠᠷ ᠬᠡᠳᠦᠶᠢᠪᠡᠷ ᠡᠶᠢᠮᠦᠷᠬᠦ ᠲᠤᠮᠤ ᠶᠡᠭᠡ ᠲᠠᠶᠢᠯᠠᠯᠭᠠ ᠳᠤ ᠠᠩᠬᠠ ᠤᠷᠤᠯᠴᠠᠵᠤ | ᠪᠠᠶᠢᠪᠠᠴᠤ᠂ ᠲᠡᠳᠡᠭᠡᠷ ᠦᠨᠡᠳᠦ ᠵᠢᠭᠠᠰᠤ᠂ ᠰᠠᠮ ᠬᠤᠷᠤᠬᠠᠢ ᠶᠢ ᠬᠠᠷᠢᠨ ᠦᠩᠭᠡᠷᠡᠭᠰᠡᠨ ᠳᠤ ᠤᠯᠵᠤ ᠦᠵᠡᠭᠰᠡᠨ | ᠲᠤᠯᠠ ᠲᠤᠳᠤᠷᠠ ᠪᠠᠨ ᠶᠠᠭ ᠯᠡ ᠶᠡᠷᠦ ᠳᠡᠭᠡᠨ ᠢᠳᠡᠵᠤ ᠪᠠᠶᠢᠭᠰᠠᠨ ᠮᠡᠳᠦ ᠴᠢᠷᠠᠶᠢᠯᠠᠵᠤ ᠲᠡᠮᠡᠢ ᠦᠭᠡ ᠲᠤᠥᠭᠠᠷᠬᠤ | ᠦᠭᠡᠢ ᠪᠠᠶᠢᠯᠠ ᠃ ᠲᠡᠮᠦᠷ ᠪᠤᠯᠤᠨ ᠪᠠᠳᠤ ᠬᠠᠷᠢᠨ ᠦᠷᠭᠦᠯᠵᠢ ᠡᠶᠢᠮᠦ ᠲᠠᠶᠢᠯᠠᠯᠭᠠ ᠳᠤ ᠰᠠᠭᠠᠳᠠᠵᠤ ᠪᠠᠶᠢᠬᠤ ᠲᠤᠯᠠ | ᠲᠠᠳᠬᠠᠯ ᠶᠤᠰᠤᠭᠠᠷ ᠠᠮᠳᠠᠯᠠᠵᠤ ᠯᠡ ᠪᠠᠶᠢᠪᠠ᠃ ᠭᠡᠶᠡ᠂ ᠡᠭᠦᠨ ᠢ ᠤᠶᠤᠨᠠ ᠳᠤ ᠨᠠᠷᠢᠨ ᠨᠢᠭᠳᠠ ᠲᠠᠶᠢᠯᠪᠤᠷᠢᠯᠠᠨ | ᠦᠭᠬᠦ ᠳᠤ ᠠᠷᠠᠢ ᠡᠪ ᠦᠭᠡᠢ ᠰᠢᠭ ᠪᠤᠳᠤᠬᠤ ᠳᠠᠭᠠᠨ ᠲᠡᠮᠡᠢ ᠴᠦ ᠲᠤᠥᠭᠠᠷᠬᠤ ᠦᠭᠡᠢ ᠪᠠᠶᠢᠯᠠ᠃ ᠬᠠᠷᠢᠨ | ᠠᠮᠤᠷᠰᠠᠨᠠᠭᠠ ᠪᠤᠯ ᠶᠡᠭᠡ ᠲᠠᠭᠠᠭᠠᠮᠠᠯ ᠪᠦᠭᠡᠳ ᠦᠪᠡᠷ ᠤᠨ ᠵᠤᠭᠤᠰ ᠢᠶᠠᠨ ᠵᠠᠷᠤᠴᠠᠭᠤᠯᠵᠤ᠂ ᠦᠪᠡᠷ ᠤᠨ ᠶᠠᠭᠤᠮᠠ | ᠪᠠᠨ ᠦᠪᠡᠷ ᠢᠶᠠᠨ ᠬᠡᠷᠡᠭᠯᠡᠵᠤ ᠪᠠᠶᠢᠬᠤ ᠲᠤᠯᠠ ᠲᠡᠭᠦᠨ ᠢ ᠬᠡᠯᠡᠬᠦ ᠬᠦᠮᠦᠨ ᠬᠡᠵᠤ ᠦᠭᠡᠢ᠂ ᠡᠶᠢᠮᠦ ᠠᠴᠠ ᠲᠡᠭᠦᠨ ᠤ | ᠰᠠᠨᠠᠭᠠ ᠰᠡᠳᠭᠢᠯ ᠨᠢ ᠤᠯᠠᠮ ᠴᠦ ᠲᠦᠪ ᠶᠡᠬᠡᠮᠰᠦᠭ ᠪᠠᠶᠢᠵᠤ᠂ ᠬᠠᠷᠢᠨ ᠤᠶᠤᠨᠠ ᠶᠢᠨ ᠵᠦᠭ᠄ ᠡᠨᠡ ᠪᠤᠯ ᠲᠠᠷᠤᠢ | ᠡᠮᠦᠨᠡᠳᠦ ᠤᠷᠤᠨ ᠤ ᠵᠢᠭᠠᠰᠤ ᠰᠢᠦ︕ ᠪᠦᠬᠦ ᠲᠡᠯᠡᠭᠡᠢ ᠲᠡᠭᠡᠷᠡ ᠬᠠᠮᠤᠭ ᠤᠨ ᠠᠮᠳᠠᠳᠠᠢ ᠵᠢᠭᠠᠰᠤ ᠪᠤᠯᠬᠤ ᠶᠤᠮ ᠭᠡᠪᠡ᠃ | | ᠤᠶᠤᠨᠠ᠄ ᠡᠨᠡᠬᠦ ᠵᠢᠭᠠᠰᠤ ᠨᠢ ᠴᠤᠬᠤᠮ ᠬᠡᠳᠦᠢ ᠵᠤᠭᠤᠰ ᠬᠦᠷᠬᠦ ᠶᠤᠮ︖ | ᠲᠡᠷᠭᠡᠯ᠄ ᠲᠠᠪᠤᠨ ᠵᠠᠭᠤ ᠲᠠᠪᠢᠨ ᠨᠠᠢᠮᠠᠨ ᠲᠦᠭᠦᠷᠢᠭ ᠭᠡᠵᠤ ᠨᠢᠭᠡ ᠲᠠᠯᠠ ᠪᠠᠷ ᠬᠡᠯᠡᠵᠤ ᠨᠦᠭᠦᠭᠡ ᠲᠠᠯᠠ ᠪᠠᠷ | ᠰᠠᠯᠠᠭᠠ ᠲᠠᠢ ᠬᠠᠪᠠᠯᠭᠠ ᠪᠠᠷᠢᠵᠤ᠂ ᠤᠷᠢᠳᠠᠪᠡᠷ ᠵᠢᠭᠠᠰᠤᠨ ᠤ ᠨᠢᠭᠡ ᠬᠡᠰᠡᠭ ᠢ ᠤᠶᠤᠨᠠ ᠶᠢᠨ ᠠᠶᠠᠭᠠᠨ ᠳᠤ ᠬᠢᠵᠤ | ᠦᠭᠬᠦᠭᠡᠳ ᠴᠢ ᠡᠬᠦᠨ ᠢ ᠦᠷᠭᠦᠯᠵᠢ ᠤᠯᠵᠤ ᠢᠳᠡᠭᠦ ᠦᠭᠡᠢ ᠲᠤᠯᠠ ᠮᠢᠨᠦ ᠡᠨᠡᠬᠦ ᠬᠡᠰᠡᠭ ᠢ ᠪᠠᠰᠠ ᠴᠢ ᠢᠳᠡᠭᠡᠷᠡᠢ | ᠭᠡᠵᠤ ᠬᠡᠯᠡᠬᠦ ᠬᠠᠮᠳᠤ ᠦᠪᠡᠷ ᠤᠨ ᠠᠶᠠᠭᠠᠨ ᠲᠠᠬᠢ ᠨᠢᠭᠡ ᠬᠡᠰᠡᠭ ᠵᠢᠭᠠᠰᠤ ᠪᠠᠨ ᠪᠠᠰᠠ ᠲᠡᠭᠦᠨ ᠳᠤ ᠦᠭᠪᠡ ᠃ | ᠤᠶᠤᠨᠠ ᠴᠦ ᠭᠠᠶᠢᠬᠠᠰᠢ ᠠᠯᠳᠠᠨ ᠪᠠᠶᠢᠵᠤ᠂ ᠰᠤᠨᠢᠨ ᠡ︕ ᠡᠶᠢᠮᠦ ᠬᠡᠳᠦᠬᠡᠨ ᠬᠡᠰᠡᠭ ᠢ ᠢᠳᠡᠪᠡᠯ ᠢ | ᠲᠠᠷᠤᠢ ᠲᠠᠪᠤᠨ ᠵᠠᠭᠤ ᠢᠯᠡᠭᠦᠥ ᠲᠦᠭᠦᠷᠢᠭ ᠢ ᠢᠳᠡᠴᠢᠭᠡᠨᠡ᠃ ᠮᠢᠨᠦ ᠬᠤᠳᠠᠯᠳᠤᠭᠠ ᠶᠢᠨ ᠨᠢᠭᠡ ᠬᠡᠯᠬᠢᠶᠡ ᠨᠤᠭᠤᠭᠠ | ᠰᠠᠶ᠋ᠢ ᠲᠠᠪᠢᠨ ᠮᠦᠩᠭᠦ ᠃ ᠮᠦᠭᠦ ᠰᠠᠶ᠋ᠢ ᠵᠢᠩ ᠪᠦᠷᠢ ᠳᠤ ᠲᠦᠷᠪᠡᠨ ᠲᠦᠭᠦᠷᠢᠭ᠂ ᠬᠠᠷᠢᠨ ᠵᠦᠪᠬᠡᠨ ᠨᠢᠭᠡᠨ | ᠲᠠᠬᠢᠶᠠᠨ ᠲᠠᠯᠠᠪᠴᠢ ᠶᠢᠨ ᠬᠢᠷᠢ ᠵᠢᠵᠢᠭ ᠵᠢᠭᠠᠰᠤ ᠬᠠᠷᠢᠨ ᠲᠠᠪᠤᠨ ᠵᠠᠭᠤ ᠭᠠᠷᠤᠢ ᠲᠦᠭᠦᠷᠢᠭ ᠲᠤᠯᠠ ᠲᠡᠷᠡ ᠨᠢ | ᠬᠠᠷᠢᠨ ᠮᠢᠨᠦ ᠨᠢᠭᠡ ᠤᠳᠠᠭᠠ ᠶᠢᠨ ᠡᠭᠦᠷᠦᠬᠦ ᠨᠤᠭᠤᠭᠠᠨ ᠠᠴᠠ ᠬᠤᠯᠠ ᠦᠨᠡᠳᠡᠢ ᠳ᠋ᠡ︕ ᠡᠭᠦᠨ ᠢ ᠢᠳᠡᠪᠡᠯ | ᠶᠤᠰᠤᠳᠠᠢ ᠮᠢᠨᠦ ᠬᠠᠭᠠᠰ ᠰᠠᠷᠠ ᠶᠢᠨ ᠤᠯᠬᠤ ᠵᠤᠭᠤᠰ ᠢ ᠵᠠᠯᠭᠢᠭᠠᠳ ᠤᠷᠤᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠰᠢᠦ ᠳ᠋ᠠ︕ | ᠪᠠᠳᠤ᠄ ᠤᠶᠤᠨᠠ ᠡ︕ ᠠᠳᠡ ᠪᠢᠳᠡᠬᠡᠢ ᠨᠢᠭᠤᠷ ᠢᠶᠠᠨ ᠤᠷᠬᠢᠭᠠᠳ ᠯᠠ ᠪᠠᠢ︕ ᠴᠢᠨᠦ ᠲᠡᠷᠡᠬᠦ | ᠬᠤᠳᠠᠯᠳᠤᠳᠠᠭ ᠨᠤᠳᠤᠭ ᠤᠨ ᠨᠤᠭᠤᠭᠠ ᠶᠢ ᠬᠡᠷᠬᠢᠨ ᠦᠨᠦ ᠶᠢᠨ ᠡᠳᠡᠭᠡᠷ ᠭᠠᠳᠠᠭᠠᠳᠤ ᠮᠠᠶ᠋ᠢᠭ ᠤᠨ ᠨᠤᠭᠤᠭᠠ ᠲᠠᠢ | ᠬᠠᠷᠢᠴᠠᠭᠤᠯᠵᠤ ᠪᠤᠯᠬᠤ ᠪᠤᠢ︖ ᠴᠠᠭ ᠤᠨ ᠦᠡᠭᠭᠡ ᠶᠢ ᠲᠠᠭᠠᠵᠤ ᠲᠡᠶᠢᠯᠬᠦ ᠬᠦᠮᠦᠨ ᠴᠢᠨᠦ ᠲᠡᠷᠡ ᠨᠤᠭᠤᠭᠠ ᠶᠢ | ᠢᠳᠡᠬᠦ ᠦᠭᠡᠢ ᠪᠦᠭᠡᠳ ᠵᠠᠷᠢᠮ ᠬᠦᠮᠦᠰ ᠲᠡᠳᠡᠭᠡᠷ ᠨᠤᠭᠤᠭᠠ ᠶᠢ ᠴᠨᠢ ᠠᠳᠠᠭ ᠲᠠᠭᠠᠨ ᠬᠠᠷᠠᠵᠤ ᠦᠵᠡᠬᠦ ᠦᠭᠡᠢ ᠶᠤᠮ | ᠰᠢᠦ︕ | ᠤᠶᠤᠨᠠ᠄ ᠲᠡᠶᠢᠮᠦ ᠡ︕ ᠮᠢᠨᠦ ᠲᠡᠷᠡ ᠭᠠᠰᠢᠭᠤᠨ ᠱᠦᠯᠦ ᠶᠢ ᠬᠤᠳᠠᠯᠳᠤᠨ ᠠᠪᠬᠤ ᠬᠦᠮᠦᠰ ᠴᠦᠮ | ᠡᠶᠢᠮᠦᠷᠬᠦ ᠭᠠᠳᠠᠭᠠᠳᠤ ᠮᠠᠶ᠋ᠢᠭ ᠤᠨ ᠵᠢᠭᠠᠰᠤ ᠶᠢ ᠢᠳᠡᠬᠦ ᠬᠦᠮᠦᠰ ᠪᠢᠰᠢ ᠶᠤᠮ ᠳ᠋ᠡ︕ ᠲᠠᠪᠤᠰᠤ ᠢᠳᠡᠭᠰᠡᠨ ᠠᠮᠠ | ᠭᠡᠳᠡᠭ ᠴᠢᠨᠢ ᠶᠠᠩᠵᠤ ᠶᠢᠨ ᠦᠭᠡ ᠶᠢ ᠬᠡᠯᠡᠬᠦ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠶᠠᠩᠵᠤ ᠶᠢᠨ ᠠᠮᠢᠳᠠᠨ ᠤᠷᠭᠤᠮᠠᠯ ᠢ ᠴᠦ | ᠢᠳᠡᠳᠡᠭ ᠰᠠᠨ︕ ᠲᠡᠶᠢᠮᠦ ᠦᠨᠡᠳᠡᠢ ᠶᠢ ᠨᠢ ᠤᠯᠵᠤ ᠢᠳᠡᠭᠦ ᠦᠭᠡᠢ ᠳᠤ ᠬᠢᠮᠳᠠ ᠬᠢᠯᠪᠠᠷ ᠢ ᠨᠢ ᠤᠯᠵᠤ ᠢᠳᠡᠳᠡᠭ | ᠪᠢᠯᠡ᠂ ᠲᠡᠷᠡ ᠬᠡᠯᠡᠵᠤ ᠪᠠᠷᠠᠬᠤ ᠶᠢᠨ ᠲᠠᠭᠠᠥ ᠰᠠᠯᠠᠭᠠᠳᠤ ᠬᠠᠯᠪᠠᠭᠠ ᠪᠠᠷ ᠨᠢᠭᠡᠨ ᠬᠡᠰᠡᠭ ᠵᠢᠭᠠᠰᠤᠨ ᠮᠢᠬᠠ ᠶᠢ | ᠠᠮᠠᠨ ᠳᠠᠭᠠᠨ ᠬᠢᠵᠤ ᠲᠤᠳᠤᠭᠰᠢ ᠪᠠᠨ ᠵᠠᠯᠭᠢᠬᠤ ᠳᠠᠭᠠᠨ᠄ ᠪᠦᠷ ᠲᠡᠭᠷᠢ ᠠᠪᠤ ᠮᠡᠳᠡᠭ ᠳ᠋ᠡ︕ ᠲᠡᠭᠷᠢ ᠶᠢᠨ ᠬᠠᠨᠭ᠍ᠰᠢ | ᠪᠠᠶᠢᠨᠠ ᠳ᠋ᠠ︕ ᠲᠠᠪᠤᠨ ᠵᠠᠭᠤ ᠢᠯᠡᠭᠦᠥ ᠲᠦᠭᠦᠷᠢᠭ ᠡ︕ | ᠠᠮᠤᠷᠰᠠᠨᠠᠭᠠ ᠠᠴᠠ ᠤᠶᠤᠨᠠ ᠶᠢᠨ ᠵᠦᠭ᠄ ᠪᠢᠳᠡ ᠤᠳᠤ ᠠᠷᠢᠬᠢ ᠪᠠᠨ ᠡᠬᠢᠯᠡᠵᠤ ᠤᠥᠭᠤᠶᠠ︕ | ᠭᠡᠵᠤ ᠬᠡᠯᠡᠵᠤ ᠪᠠᠷᠠᠩᠭᠤᠳᠠ ᠤᠶᠢᠯᠡᠴᠢᠯᠡᠭᠴᠢ ᠬᠡᠥᠬᠡᠨ ᠢ ᠲᠤᠬᠢᠵᠤ᠂ ᠠᠷᠢᠬᠢ ᠶᠡᠭᠦᠯᠡᠵᠤ ᠡᠬᠢᠯᠡᠪᠡ᠃ ᠠᠮᠤᠷᠰᠠᠨᠠᠭᠠ | ᠠᠴᠠ ᠡᠬᠢᠯᠡᠨ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠡᠷᠭᠦᠨ ᠲᠡᠮᠦᠷ ᠤᠨ ᠵᠦᠭ ᠬᠠᠨᠳᠤᠵᠤ᠂ ᠴᠢ ᠤᠳᠤ ᠮᠠᠨ ᠤ ᠬᠠᠮᠳᠤ | ᠰᠤᠷᠤᠭᠴᠢᠳ ᠤᠨ ᠡᠮᠦᠨᠡ ᠠᠴᠠ ᠬᠡᠳᠦᠨ ᠦᠭᠡ ᠬᠡᠯᠡᠪᠡᠯ ᠵᠤᠶᠢᠲᠡᠢ︕ ᠲᠡᠮᠦᠷ ᠬᠠᠷᠢᠨ ᠬᠠᠵᠠᠭᠤ ᠳᠠᠬᠢ ᠲᠡᠷᠭᠡᠯ ᠢ | ᠰᠢᠷᠳᠡᠵᠤ᠂ ᠬᠠᠰᠢᠯᠡ ᠠᠩᠭᠢ ᠶᠢᠨ ᠲᠠᠷᠤᠭᠠ ᠠᠴᠠ ᠬᠡᠳᠦᠨ ᠦᠭᠡ ᠬᠡᠯᠡᠪᠡᠯ ᠵᠤᠶᠢᠲᠠᠢ︕ ᠠᠮᠤᠷᠰᠠᠨᠠᠭᠠ ᠲᠡᠷᠭᠡᠯ | ᠤᠨ ᠵᠦᠭ ᠬᠠᠨᠳᠤᠵᠤ᠄ ᠴᠢ ᠮᠠᠨ ᠤ ᠡᠮᠦᠨᠡ ᠠᠴᠠ ᠪᠦᠬᠦ ᠨᠦᠬᠦᠳ ᠲᠤ ᠬᠡᠳᠦᠨ ᠦᠭᠡ ᠬᠡᠯᠡᠭᠡᠷᠡᠢ︕ ᠶᠠᠭ ᠡᠨᠡ | ᠦᠶᠡᠰ ᠲᠤ ᠲᠡᠷᠭᠡᠯ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠪᠠᠷᠢᠨ ᠲᠦᠪ ᠵᠤᠭᠰᠤᠨ᠄ ᠠᠮᠤᠷᠰᠠᠨᠠᠭᠠ ᠶᠢᠨ ᠦᠨᠦᠳᠦᠷ ᠤᠨ | ᠮᠠᠨ ᠤ ᠬᠠᠮᠳᠤ ᠰᠤᠷᠤᠭᠴᠢᠳ ᠢ ᠤᠷᠢᠨ ᠴᠤᠭᠯᠠᠭᠤᠯᠤᠭᠰᠠᠨ ᠤ ᠭᠤᠥᠯ ᠵᠤᠷᠢᠯᠭᠠ ᠨᠢ ᠲᠠᠷᠤᠢ ᠤᠯᠠᠨ ᠲᠠᠢ | ᠬᠠᠮᠳᠤ ᠪᠠᠷ ᠮᠠᠨ ᠤ ᠤᠥᠯ ᠤᠨ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠤᠥ ᠪᠠᠭᠰᠢ ᠪᠠᠨ ᠡᠷᠢᠬᠦ ᠶᠢ ᠵᠦᠪᠳᠡᠯᠡᠯᠴᠡᠬᠦ ᠭᠡᠰᠡᠨ ᠶᠤᠮ | ᠂ ᠪᠢᠳᠡ ᠲᠡᠭᠡᠳᠦ ᠲᠤᠮᠳᠠᠳᠤ ᠶᠢᠨ ᠰᠤᠷᠤᠭᠴᠢ ᠶᠢᠨ ᠦᠶᠡᠰ ᠲᠤ ᠪᠤᠥ ᠪᠠᠭᠰᠢ ᠪᠠᠨ ᠬᠠᠷᠠ ᠬᠤᠥᠷᠲᠢ ᠪᠠᠷ | ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠵᠤ᠂ ᠲᠡᠮᠡᠴᠡᠵᠤ᠂ ᠬᠦᠨᠳᠦᠳᠦ ᠪᠤᠥ ᠪᠠᠭᠰᠢ ᠪᠠᠨ ᠪᠠᠰᠠ ᠴᠤᠬᠢᠵᠤ ᠦᠡᠭᠭᠡᠷᠡᠭᠰᠡᠨ ᠲᠤᠯᠠ | ᠦᠨᠦᠳᠦᠷ ᠪᠢᠳᠡ ᠵᠠᠪᠠᠯ ᠪᠠᠭᠰᠢ ᠳᠠᠭᠠᠨ ᠪᠤᠷᠤᠭᠤ ᠪᠠᠨ ᠮᠡᠳᠡᠷᠡᠬᠦ ᠶᠤᠰᠤᠳᠠᠢ︕ ᠡᠶᠢᠮᠦ ᠠᠴᠠ ᠪᠢ ᠠᠳᠡ ᠰᠠᠭᠤᠭᠠ | ᠤᠯᠠᠨ ᠢ ᠤᠷᠠᠶᠢᠯᠠᠨ ᠨᠢᠭᠡᠳᠦᠭᠡᠷ ᠬᠤᠨᠳᠠᠭᠠ ᠶᠢ ᠶᠠᠭᠤᠨ ᠤ ᠡᠮᠦᠨᠡ ᠪᠤᠥ ᠪᠠᠭᠰᠢ ᠳᠠᠭᠠᠨ ᠡᠷᠭᠦᠵᠤ᠂ ᠡᠷᠬᠢᠮ | ᠬᠦᠨᠳᠦᠳᠦ ᠪᠤᠥ ᠪᠠᠭᠰᠢ ᠪᠠᠨ ᠰᠠᠨᠠᠭᠠᠯᠵᠠᠨ ᠬᠦᠨᠳᠦᠳᠭᠡᠭᠦ ᠰᠡᠳᠬᠢᠯᠭᠡ ᠪᠠᠷ ᠪᠠᠭᠰᠢ ᠳᠠᠭᠠᠨ ᠭᠦᠨ ᠵᠤᠵᠠᠭᠠᠨ | ᠬᠠᠶᠢᠷᠠ ᠪᠠᠨ ᠲᠡᠪᠰᠢᠭᠦᠯᠦᠶᠡ︕ | ᠪᠠᠳᠤ᠄ ᠮᠠᠨ ᠤ ᠪᠤᠥ ᠪᠠᠭᠰᠢ ᠴᠤᠬᠤᠮ ᠠᠮᠢᠳᠤ ᠰᠡᠷᠢᠭᠦᠨ ᠪᠠᠶᠢᠬᠤ ᠶᠤᠮ ᠤᠤ︖ ᠡᠰᠡᠭᠦᠯᠡ ᠨᠢᠭᠡᠨᠳᠡ | ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ ᠤᠤ︖ ᠬᠡᠷᠪᠡ ᠠᠮᠢᠳᠦ ᠰᠡᠷᠢᠭᠦᠨ ᠪᠠᠶᠢᠬᠤ ᠶᠤᠮ ᠪᠤᠯ ᠪᠢᠳᠡ ᠬᠡᠷᠬᠢᠬᠦ ᠪᠤᠢ︖ | ᠤᠶᠤᠨᠠ᠄ ᠮᠢᠨᠦ ᠮᠡᠳᠡᠭᠡᠵᠢ ᠪᠠᠷ ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠡᠬᠢᠯᠡᠬᠦ ᠲᠡᠷᠡ ᠵᠢᠯ ᠳᠤ ᠮᠠᠨ ᠤ ᠪᠤᠥ | ᠪᠠᠭᠰᠢ 57 ᠨᠠᠰᠤᠳᠠᠢ ᠪᠠᠶᠢᠪᠠ᠂ ᠬᠡᠷᠪᠡ ᠪᠤᠥ ᠪᠠᠭᠰᠢ ᠤᠳᠤ ᠳᠤ ᠪᠤᠯᠳᠠᠯᠠ ᠠᠮᠢᠳᠤ ᠰᠡᠷᠢᠭᠦᠨ ᠪᠠᠶᠢᠪᠠᠯ 103 | ᠨᠠᠰᠤᠳᠠᠢ ᠪᠤᠯ ᠰᠠᠶ᠋ᠢ ᠲᠠᠭᠠᠷᠠᠨᠠ ᠃ | ᠠᠮᠤᠷᠰᠠᠨᠠᠭᠠ᠄ ᠮᠢᠨᠦ ᠦᠵᠡᠭᠦ ᠪᠠᠷ ᠮᠠᠨ ᠤ ᠪᠤᠥ ᠪᠠᠭᠰᠢ ᠯᠠᠪ ᠠᠮᠢᠳᠤ ᠰᠡᠷᠢᠭᠦᠨ ᠪᠠᠶᠢᠬᠤ ᠦᠭᠡᠢ ᠪᠠᠶᠢᠬᠠ︕ | ᠡᠶᠢᠮᠦ ᠠᠴᠠ ᠪᠢᠳᠡᠨᠡᠷ ᠨᠠᠰᠤ ᠨᠦᠭᠴᠢᠭᠰᠡᠨ ᠬᠦᠮᠦᠨ ᠳᠤ ᠠᠷᠢᠬᠢ ᠰᠡᠷᠵᠢᠮᠯᠡᠬᠦ ᠶᠤᠰᠤᠭᠠᠷ ᠪᠤᠥ ᠪᠠᠭᠰᠢ ᠳᠠᠭᠠᠨ | ᠠᠷᠢᠬᠢ ᠡᠷᠭᠦᠶᠡ︕ ᠭᠡᠳ ᠨᠢᠭᠡ ᠲᠡᠯᠡ ᠪᠠᠷ ᠬᠡᠯᠡᠵᠤ᠂ ᠨᠦᠬᠦᠭᠡ ᠲᠡᠯᠡ ᠪᠠᠷ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ | ᠭᠠᠵᠠᠷ ᠤᠷᠤᠭᠤ ᠴᠢᠳᠬᠤᠵᠤ ᠪᠠᠶᠢᠯᠠ ᠃ | ᠲᠡᠷᠭᠡᠯ᠄ ᠠᠮᠤᠷᠰᠠᠨᠠᠭᠠ ᠡ︕ ᠪᠢᠳᠡ ᠤᠷᠢᠳᠠᠪᠡᠷ ᠬᠡᠳᠦᠷᠭᠡᠢ ᠶᠠᠭᠠᠷᠠᠭᠰᠠᠨ ᠤ ᠬᠡᠷᠡᠭ ᠦᠭᠡᠢ︕ ᠪᠢᠳᠡ | ᠪᠤᠥ ᠪᠠᠭᠰᠢ ᠳᠠᠭᠠᠨ ᠠᠷᠢᠬᠢ ᠡᠷᠭᠦᠬᠦ ᠳᠡᠭᠡᠨ ᠵᠠᠪᠠᠯ ᠬᠦᠮᠦᠨ ᠨᠢᠭᠡᠪᠦᠷᠢ ᠬᠡᠳᠦᠨ ᠦᠭᠡ ᠬᠡᠯᠡᠵᠤ ᠪᠡᠶᠢᠭᠠᠳ ᠠᠷᠢᠬᠢ | ᠪᠠᠨ ᠡᠷᠭᠦᠶᠡ︕ ᠲᠤᠬᠠᠢ ᠶᠢᠨ ᠵᠢᠯ ᠳᠤ ᠪᠢ ᠠᠩᠭᠢ ᠶᠢᠨ ᠲᠠᠷᠤᠭᠠ ᠪᠠᠶᠢᠭᠰᠠᠨ ᠲᠤᠯᠠ ᠪᠢ ᠲᠡᠷᠢᠭᠦᠯᠡᠨ | ᠭᠦᠢᠴᠡᠳᠭᠡᠶᠡ ︕ ᠭᠡᠵᠤ ᠬᠡᠯᠡᠵᠤ ᠪᠠᠷᠠᠩᠭᠤᠳᠠ ᠲᠠᠷᠠ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠲᠡᠷᠢᠭᠦᠨ ᠲᠡᠭᠡᠷᠡ ᠪᠠᠨ | ᠪᠠᠷᠢᠵᠤ᠂ ᠲᠤᠯᠤᠭᠠᠢ ᠶᠢᠨ ᠲᠡᠭᠡᠷᠡ ᠲᠡᠯᠡ ᠳᠠᠭᠠᠨ ᠬᠡᠳᠦᠨᠳᠡ ᠡᠷᠭᠢᠭᠦᠯᠵᠤ ᠲᠦᠪ ᠶᠤᠰᠤᠷᠬᠠᠭ᠂ᠰᠦᠷ ᠵᠢᠪᠬᠤᠯᠠᠩᠲᠠᠢ | ᠪᠠᠷ᠄ ᠪᠠᠭᠰᠢ ᠮᠢᠨᠢ ᠡ︕ ᠰᠤᠷᠤᠭᠴᠢ ᠴᠢᠨᠢ ᠲᠡᠷᠭᠡᠯ ᠠᠴᠠ ᠲᠡᠨ ᠳᠤ ᠠᠷᠢᠬᠢ ᠪᠠᠷᠢᠵᠤ ᠪᠠᠶᠢᠨᠠ︕ ᠪᠢ ᠲᠠᠨ | ᠲᠠᠢ ᠰᠠᠶ᠋ᠢ ᠲᠠᠨᠢᠯᠴᠠᠬᠤ ᠦᠶᠡᠰ ᠲᠤ ᠪᠠᠶᠢᠷᠢ ᠳᠤ ᠰᠠᠭᠤᠵᠤ᠂ ᠭᠡᠷ ᠪᠦᠯᠢ ᠲᠤᠶᠢᠯ ᠤᠨ ᠬᠦᠴᠢᠷᠲᠡᠢ ᠪᠠᠶᠢᠵᠤ᠂ | ᠬᠠᠭᠠᠰ ᠰᠠᠷᠠ ᠪᠠᠷ ᠵᠠᠷᠤᠬᠤ ᠵᠤᠭᠤᠰ ᠦᠭᠡᠢ ᠲᠤᠯᠠ ᠴᠠᠭ ᠤᠨ ᠬᠤᠭᠤᠯᠠ ᠪᠠᠨ ᠴᠦ ᠤᠯᠵᠤ ᠢᠳᠡᠭᠦ ᠦᠭᠡᠢ ᠪᠠᠶᠢᠬᠤ | ᠳᠤ ᠪᠠᠭᠰᠢ ᠲᠠ ᠬᠠᠷᠢᠨ ᠲᠤᠬᠠᠢ ᠶᠢᠨ ᠦᠶᠡᠰ ᠨᠠᠳᠠ ᠶᠢ ᠬᠠᠶᠢᠷᠠᠯᠠᠨ ᠬᠠᠯᠠᠮᠵᠢᠯᠠᠵᠤ᠂ ᠦᠪᠡᠷ ᠤᠨ ᠢᠳᠡᠭᠦ ᠭᠡᠵᠤ | ᠪᠠᠶᠢᠭᠰᠠᠨ ᠨᠤᠭᠤᠭᠠ ᠪᠠᠨ ᠮᠢᠨᠦ ᠠᠶᠠᠭᠠᠨ ᠳᠤ ᠬᠢᠵᠤ ᠦᠭᠳᠡᠭ ᠰᠡᠨ︕ ᠭᠡᠶᠡ︕ ᠮᠤᠩᠬᠠᠭ ᠰᠤᠷᠤᠭᠴᠢ ᠴᠢᠨᠢ | ᠪᠢ ᠠᠴᠢᠯᠠᠯ ᠦᠭᠡᠢ ᠶᠠᠪᠤᠵᠤ᠂ ᠴᠠᠭ ᠤᠨ ᠦᠡᠭᠭᠡ ᠶᠢ ᠲᠠᠭᠠᠨ ᠪᠤᠷᠤᠩᠬᠠᠶᠢᠯᠠᠨ ᠠᠭᠠᠰᠢᠯᠠᠵᠤ᠂ ᠬᠦᠨᠳᠦᠳᠦ ᠴᠢᠮᠠᠶᠢ | ᠶᠢ ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠬᠦ ᠶᠡᠭᠡ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠵᠤ᠂ ᠪᠠᠰᠠ ᠴᠢᠮᠠᠶᠢ ᠶᠢ ᠨᠢᠭᠡ ᠢᠰᠭᠦᠯᠦᠭᠰᠡᠨ | ᠶᠤᠮ᠃ ᠰᠤᠷᠤᠭᠴᠢ ᠶᠢᠨ ᠴᠢᠨᠢ ᠬᠢᠭᠰᠡᠨ ᠡᠨᠡᠬᠦ ᠲᠡᠭᠷᠢ ᠲᠤᠯᠤᠮᠠ ᠶᠠᠯᠳᠤ ᠠᠵᠢᠯᠯᠠᠭᠠ ᠪᠠᠨ ᠲᠡᠨᠡᠭ ᠰᠤᠷᠤᠭᠴᠢ ᠴᠢᠨᠢ | ᠪᠢ ᠬᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠲᠤᠷᠰᠢ ᠡᠨᠡᠬᠦ ᠤᠰᠤᠯ ᠪᠤᠷᠤᠭᠤ ᠶᠢᠨ ᠢᠶᠠᠨ ᠲᠦᠯᠦᠭᠡ ᠰᠠᠨᠠᠭᠠ ᠠᠯᠳᠠᠨ ᠬᠠᠷᠠᠮᠰᠠᠵᠤ | ᠢᠷᠡᠵᠡᠢ᠂ ᠡᠨᠡᠬᠦ ᠬᠤᠨᠳᠠᠭᠠ ᠠᠷᠢᠬᠢ ᠶᠢ ᠨᠠᠰᠤᠳᠠᠨ ᠲᠠᠨ ᠳᠤ ᠡᠷᠭᠦᠨ ᠪᠠᠷᠢᠵᠤ ᠰᠤᠷᠤᠭᠴᠢ ᠴᠢᠨᠢ ᠪᠢ ᠤᠰᠤᠯ | ᠪᠤᠷᠤᠭᠤ ᠪᠠᠨ ᠬᠦᠯᠢᠶᠠᠵᠤ ᠪᠠᠶᠢᠨᠠ ᠭᠡᠵᠤ ᠬᠡᠯᠡᠵᠤ ᠪᠠᠷᠠᠭᠠᠳ ᠪᠡᠶᠡ ᠮᠡᠬᠦᠶᠢᠨ ᠭᠠᠵᠠᠷ ᠤᠷᠤᠭᠤ ᠬᠤᠨᠳᠠᠭᠠ ᠲᠠᠢ | ᠠᠷᠢᠬᠢ ᠪᠠᠨ ᠪᠦᠬᠦᠨ ᠢ ᠴᠢᠳᠬᠤᠪᠠ᠃ | ᠲᠡᠮᠦᠷ ᠪᠠᠰᠠ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠲᠤᠯᠤᠭᠠᠢ ᠲᠡᠭᠡᠷᠡ ᠪᠠᠨ ᠬᠡᠳᠦᠨᠳᠡ ᠡᠷᠭᠢᠭᠦᠯᠦᠨ ᠲᠦᠪ | ᠬᠢᠴᠢᠶᠡᠩᠭᠦᠢ ᠪᠠᠷ ᠨᠠᠰᠤᠳᠠᠨ ᠪᠤᠭᠤᠷᠣᠯ ᠪᠠᠭᠰᠢ ᠮᠢᠨᠢ ᠡ︕ ᠰᠤᠷᠤᠭᠴᠢ ᠴᠢᠨᠢ ᠲᠡᠮᠦᠷ ᠠᠴᠠ ᠴᠢᠮᠠᠶᠢ ᠳᠠᠭᠠᠨ | ᠠᠷᠢᠬᠢ ᠪᠠᠷᠢᠨ ᠡᠷᠭᠦᠵᠤ ᠪᠠᠶᠢᠨᠠ᠂ ᠲᠤᠬᠠᠢ ᠶᠢᠨ ᠦᠶᠡᠰ ᠲᠠᠬᠢ ᠨᠢᠭᠡᠨ ᠡᠳᠦᠷ ᠪᠢ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ | ᠡᠮᠦᠨᠡ ᠶᠢᠨ ᠰᠠᠷᠠᠪᠴᠢᠨ ᠲᠤᠥᠷᠠ᠂ ᠰᠢᠷᠦᠭᠦᠨ ᠪᠤᠷᠤᠭᠠᠨ ᠳᠤ ᠬᠠᠰᠢᠭᠳᠠᠨ ᠵᠤᠭᠰᠤᠵᠤ ᠴᠤᠬᠤᠮ ᠬᠠᠮᠢᠭᠠᠰᠢ ᠪᠠᠨ | ᠶᠠᠪᠤᠬᠤ ᠪᠠᠨ ᠴᠦ ᠤᠯᠵᠤ ᠶᠠᠳᠠᠨ ᠪᠠᠶᠢᠬᠤ ᠳᠤ ᠨᠢᠭᠡᠨᠳᠡ ᠬᠢᠴᠢᠶᠡᠯ ᠤᠨ ᠪᠡᠯᠡᠳᠭᠡᠯ ᠤᠨ ᠬᠤᠨᠭ᠍ᠬᠠ ᠲᠤᠥᠭᠠᠷᠴᠤ | ᠪᠠᠶᠢᠯᠠ᠂ ᠰᠢᠷᠦᠭᠦᠨ ᠪᠤᠷᠤᠭᠠᠨ ᠮᠦᠨ ᠯᠡ ᠦᠷᠭᠦᠯᠵᠢᠯᠡᠵᠤ ᠯᠡ ᠪᠠᠶᠢᠪᠠ᠂ ᠭᠡᠶᠡ᠂ ᠶᠠᠭ ᠡᠨᠡ ᠦᠶᠡᠰ ᠲᠤ ᠴᠢ | ᠬᠠᠷᠢᠨ ᠪᠤᠷᠤᠭᠠᠨ ᠤ ᠰᠢᠭᠦᠷ ᠪᠠᠷᠢᠨ ᠰᠢᠷᠦᠭᠦᠨ ᠪᠤᠷᠤᠭᠠᠨ ᠤ ᠲᠤᠮᠳᠠᠭᠤᠷ ᠮᠢᠨᠦ ᠵᠦᠭ ᠬᠦᠶᠦᠨ ᠢᠷᠡᠵᠤ᠂ ᠨᠠᠳᠠ ᠶᠢ | ᠬᠠᠮᠵᠢᠨ ᠠᠩᠭᠢ ᠶᠢᠨ ᠭᠡᠷ ᠲᠤ ᠤᠷᠤᠭᠤᠯᠪᠠ᠂ ᠲᠡᠷᠡ ᠦᠶᠡᠰ ᠲᠤ ᠮᠢᠨᠦ ᠪᠠᠶᠠ ᠬᠡᠳᠦᠶᠢᠪᠡᠷ ᠨᠢᠭᠡᠴᠦ ᠪᠤᠷᠤᠭᠠᠨ ᠳᠤ | ᠨᠤᠷᠤᠭᠳᠠᠭᠰᠠᠨ ᠦᠭᠡᠢ ᠪᠤᠯᠪᠠᠴᠤ᠂ ᠲᠠᠨ ᠤ ᠲᠠᠯᠠ ᠪᠡᠶᠡ ᠴᠢᠨᠢ ᠬᠠᠷᠢᠨ ᠪᠤᠷᠤᠭᠠᠨ ᠳᠤ ᠨᠤᠷᠴᠢᠬᠠᠭᠰᠠᠨ ᠪᠠᠶᠢᠯᠠ᠂ | ᠪᠢ ᠬᠡᠳᠦᠶᠢᠪᠡᠷ ᠲᠠᠨ ᠤ ᠰᠠᠶᠢᠨ ᠲᠠᠯᠠ ᠶᠢ ᠤᠯᠠᠨ ᠴᠡᠭᠡᠵᠢᠯᠡᠭᠰᠡᠨ ᠪᠤᠯᠪᠠᠴᠤ᠂ ᠬᠠᠷᠢᠨ ᠲᠠᠨ ᠲᠠᠢ ᠠᠰ ᠲᠤᠯᠤᠨ | ᠠᠪᠤᠨ ᠬᠠᠷᠢᠭᠤᠴᠠᠵᠤ᠂ ᠲᠠᠨ ᠤ ᠬᠠᠴᠠᠷ ᠢ ᠴᠢᠨᠢ ᠨᠢᠭᠡ ᠠᠯᠠᠭᠠᠳᠠᠭᠠᠳ ᠵᠤᠭᠰᠤᠭᠰᠠᠨ ᠦᠭᠡᠢ᠂ ᠪᠠᠰᠠ ᠲᠠᠨ ᠤ | ᠪᠦᠭᠰᠡ ᠤᠷᠤᠭᠤ ᠬᠡᠳᠦᠨᠳᠡ ᠢᠰᠭᠦᠯᠦᠭᠰᠡᠨ ᠶᠤᠮ᠂ ᠲᠡᠷᠡ ᠪᠤᠷᠤᠭᠤ ᠪᠠᠨ ᠮᠡᠳᠡᠵᠤ ᠰᠤᠷᠤᠭᠴᠢ ᠴᠢᠨᠢ ᠪᠢ ᠰᠦᠨᠢ | ᠤᠨᠳᠠᠭᠠᠳ ᠨᠤᠶᠢᠷ ᠦᠭᠡᠢ ᠁ | ᠲᠤᠯᠮᠠ ᠴᠦ ᠲᠡᠳᠡᠨ ᠤ ᠬᠡᠳᠦ ᠶᠢᠨ ᠬᠡᠯᠡᠭᠰᠡᠨ ᠶᠠᠩᠵᠤ ᠪᠠᠷ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠲᠤᠯᠤᠭᠠᠢ | ᠲᠡᠭᠡᠷᠡ ᠪᠠᠨ ᠬᠡᠳᠦᠨᠳᠡ ᠡᠷᠭᠢᠭᠦᠯᠵᠤ᠂ ᠤᠯᠠᠨ ᠢ ᠰᠢᠷᠲᠡᠨ᠄ ᠪᠤᠥ ᠪᠠᠭᠰᠢ ᠮᠢᠨᠢ ᠡ︕ ᠪᠢ ᠪᠤᠯ ᠴᠢᠨᠦ ᠰᠤᠷᠤᠭᠴᠢ | ᠲᠤᠯᠮᠠ ᠪᠠᠶᠢᠨᠠ᠂ ᠪᠢ ᠴᠢᠨᠦ ᠰᠤᠷᠤᠭᠴᠢ ᠪᠤᠯᠵᠤ ᠶᠠᠪᠤᠭᠰᠠᠨ ᠲᠡᠷᠡᠭᠦ ᠤᠨ ᠰᠠᠷᠠ ᠳᠤ ᠮᠠᠨ ᠤ ᠭᠡᠷ ᠪᠦᠯᠢ ᠲᠤᠶᠢᠯ | ᠤᠨ ᠬᠦᠴᠢᠷ ᠲᠦᠪᠡᠭ ᠲᠠᠢ ᠲᠤᠯᠠ᠂ ᠠᠪᠤ ᠡᠵᠢ ᠠᠴᠠ ᠬᠡᠥᠬᠡᠨ ᠨᠠᠳᠠ ᠪᠠᠨ ᠪᠢᠴᠢᠭ ᠦᠵᠡᠭᠦᠯᠬᠦ ᠰᠠᠨᠠᠭᠠ ᠦᠭᠡᠢ | ᠪᠠᠶᠢᠭᠰᠠᠨ ᠶᠤᠮ᠂ ᠶᠠᠭ ᠡᠨᠡ ᠦᠶᠡᠰ ᠲᠤ ᠬᠦᠨᠳᠦᠳᠦ ᠲᠠ ᠮᠠᠨ ᠤ ᠭᠡᠷ ᠲᠤ ᠬᠦᠷᠴᠦ᠂ ᠮᠢᠨᠦ ᠠᠪᠤ ᠡᠵᠢ ᠶᠢ | ᠢᠳᠬᠠᠵᠤ ᠪᠠᠶᠢᠭᠠᠳ ᠨᠠᠳᠠ ᠶᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠪᠤᠱᠤᠭᠠ ᠶᠢ ᠲᠠᠪᠠᠭᠤᠯᠤᠭᠰᠠᠨ ᠠᠴᠢᠳᠤ | ᠶᠡᠭᠡ ᠪᠠᠭᠰᠢ ᠪᠤᠯᠬᠤ ᠶᠤᠮ᠂ ᠲᠤᠬᠠᠢ ᠶᠢᠨ ᠵᠢᠯ ᠳᠤ ᠲᠠᠨ ᠢ ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠬᠦ ᠳᠤ ᠪᠢ ᠪᠠᠰᠠ ᠲᠠᠶᠢᠰᠠᠨ | ᠤ ᠲᠤᠥᠷᠠ ᠲᠠᠯᠠ ᠠᠴᠠ ᠴᠢᠨᠡᠭᠡ ᠮᠡᠳᠡᠨ ᠤᠷᠢᠶᠠ ᠬᠠᠰᠭᠢᠷᠤᠨ᠂ ᠬᠦᠨᠳᠦᠳᠦ ᠲᠠᠨ ᠢ ︽ᠨᠤᠬᠠᠢ ᠶᠢᠨ ᠲᠤᠯᠤᠭᠠᠢ ᠶᠢ | ᠴᠢᠨᠢ ᠲᠡᠯᠪᠡᠴᠢᠶᠡ︕︾ ᠬᠡᠮᠡᠨ ᠪᠠᠷᠬᠢᠷᠠᠵᠤ ᠪᠠᠶᠢᠭᠰᠠᠨ ᠶᠤᠮ᠂ ᠰᠤᠷᠤᠭᠴᠢ ᠴᠢᠨᠢ ᠤᠳᠤ ᠶᠠᠭ ᠲᠠᠨ ᠤ ᠲᠡᠷᠡ | ᠦᠶᠡᠰ ᠤᠨ ᠨᠠᠰᠤ ᠵᠢᠯ ᠤᠨ ᠬᠡᠮᠵᠢᠶᠡ ᠲᠠᠢ ᠠᠳᠠᠯᠢ ᠪᠤᠯᠵᠤ᠂ ᠨᠢᠭᠡᠨᠳᠡ ᠶᠠᠪᠤᠳᠠᠯ ᠤᠴᠢᠷ ᠤᠨ ᠮᠦᠨ ᠴᠢᠨᠠᠷ ᠢ | ᠰᠦᠪᠡᠭᠴᠢᠯᠡᠨ ᠤᠶᠢᠯᠭᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠂ ᠦᠨᠦ ᠪᠢ ᠪᠤᠷᠤᠭᠤ ᠪᠠᠨ ᠮᠡᠳᠡᠷᠡᠵᠤ᠂ ᠡᠨᠡᠬᠦ ᠬᠤᠨᠳᠠᠭᠠ | ᠠᠷᠢᠬᠢ ᠪᠠᠷ ᠰᠡᠳᠭᠢᠯ ᠢᠶᠠᠨ ᠤᠷᠤᠯᠠᠨ ᠪᠠᠶᠢᠵᠤ᠂ ᠨᠠᠰᠤᠳᠠᠨ ᠲᠠᠨ ᠳᠤ ᠤᠰᠤᠯ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠠᠵᠤ ᠪᠠᠶᠢᠨᠠ᠃ | | ᠤᠶᠤᠨᠠ ᠵᠠᠯᠭᠠᠭᠠᠳ᠄ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠮᠦᠨ ᠯᠡ ᠲᠤᠯᠤᠭᠠᠢ ᠲᠡᠭᠡᠷᠡ ᠪᠠᠨ ᠡᠷᠭᠦᠨ | ᠪᠠᠷᠢᠵᠤ᠂ ᠪᠤᠥ ᠪᠠᠭᠰᠢ ᠮᠢᠨᠢ ᠡ︕ ᠪᠢ ᠰᠤᠷᠭᠠᠭᠤᠯᠢ ᠳᠤ ᠠᠩᠬᠠ ᠤᠷᠤᠬᠤ ᠳᠤ ᠰᠤᠷᠤᠯᠭᠠ ᠠᠨᠠᠢ ᠪᠦᠭᠡᠳ | ᠪᠠᠰᠠ ᠲᠤᠶᠢᠯ ᠤᠨ ᠠᠯᠢᠶᠠ ᠲᠡᠭᠵᠢᠨ ᠪᠠᠶᠢᠭᠰᠠᠨ ᠶᠤᠮ᠂ ᠲᠤᠬᠠᠢ ᠶᠢᠨ ᠦᠶᠡᠰ ᠲᠤ᠂ ᠪᠠᠭᠰᠢ ᠲᠠ ᠨᠠᠳᠠ ᠶᠢ ᠤᠯᠠᠨ | ᠲᠠᠯᠠ ᠪᠠᠷ ᠰᠢᠭᠦᠮᠵᠢᠯᠡᠨ ᠰᠤᠷᠭᠠᠭᠠᠵᠤ᠂ ᠲᠠ ᠠᠷᠭᠠ ᠪᠠᠷᠠᠬᠤ ᠳᠠᠭᠠᠨ ᠮᠢᠨᠦ ᠴᠢᠬᠢᠨ ᠠᠴᠠ ᠴᠢᠩᠭᠠᠭᠠᠵᠤ ᠪᠦᠬᠦ | ᠬᠦᠴᠦ ᠪᠠᠨ ᠰᠢᠪᠬᠠᠨ ᠨᠠᠳᠠ ᠶᠢ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠶᠤᠮ᠂ ᠲᠡᠷᠡ ᠡᠳᠦᠷ᠂ ᠪᠢ ᠤᠯᠠᠨ ᠠᠴᠠ ᠡᠮᠦᠨᠡ | ᠲᠠᠶᠢᠰᠠᠨ ᠳᠤ ᠬᠦᠶᠦᠨ ᠭᠠᠷᠴᠤ ᠲᠠᠨ ᠢ ᠬᠦᠴᠦᠲᠡᠢ ᠨᠢᠭᠡ ᠢᠰᠭᠦᠯᠦᠭᠰᠡᠨ ᠶᠤᠮ᠂ ᠭᠡᠳᠡᠯᠡ ᠴᠢ ᠲᠡᠷᠡᠭᠦ ᠮᠦᠴᠡ ᠳᠤ | ᠬᠦᠰᠡᠷ ᠤᠨᠠᠬᠤ ᠳᠠᠭᠠᠨ ᠨᠠᠳᠠ ᠤᠷᠤᠭᠤ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠨ ᠰᠢᠷᠲᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠬᠡᠥᠬᠡ ᠡ︕ | ᠪᠢ ᠴᠢᠮᠠᠶᠢ ᠳᠤ ᠬᠤᠷᠤᠰᠬᠤ ᠦᠭᠡᠢ᠂ ᠴᠢ ᠬᠤᠵᠢᠮ ᠵᠠᠪᠠᠯ ᠰᠠᠶᠢᠨ ᠰᠤᠷᠤᠯᠴᠠᠬᠤ ᠬᠡᠷᠡᠭᠳᠡᠢ᠂ ᠪᠢᠴᠢᠭ ᠢᠶᠠᠨ | ᠰᠠᠶᠢᠳᠤᠷ ᠰᠤᠷᠤᠯᠴᠠᠬᠤ ᠦᠭᠡᠢ ᠶᠤᠮ ᠪᠤᠯ ᠬᠤᠵᠢᠮ ᠴᠢᠳᠠᠪᠤᠷᠢᠳᠠᠨ ᠪᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ ᠰᠢᠦ︕ ᠡᠨᠡ | ᠪᠦᠬᠦᠨ ᠢ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤᠯᠠ ᠰᠤᠷᠤᠭᠴᠢ ᠴᠢᠨᠢ ᠲᠤᠶᠢᠯ ᠢᠶᠠᠷ ᠬᠠᠷᠠᠮᠰᠠᠵᠤ ᠪᠠᠶᠢᠨᠠ᠂ ᠪᠢ ᠬᠡᠷᠪᠡ ᠲᠤᠬᠠᠢ | ᠶᠢᠨ ᠴᠠᠭ ᠠᠴᠠ ᠡᠬᠢᠯᠡᠨ ᠡᠷᠬᠢᠮ ᠬᠦᠨᠳᠦᠳᠦ ᠲᠡᠨ ᠤ ᠬᠡᠯᠡᠭᠰᠡᠨ ᠰᠤᠷᠭᠠᠯ ᠢ ᠠᠪᠤᠭᠰᠠᠨ ᠶᠤᠮ ᠪᠤᠯ ᠪᠦᠬᠦ ᠤᠯᠤᠰ | ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠢᠯᠭᠠᠯᠳᠠ ᠶᠢᠨ ᠲᠦᠷᠢᠮ ᠢ ᠰᠡᠷᠭᠦᠭᠡᠭᠰᠡᠨ ᠲᠡᠷᠡᠬᠦ ᠵᠠᠪᠰᠢᠶᠠᠨ ᠢᠶᠠᠷ ᠯᠠᠪᠳᠠᠢ ᠶᠡᠭᠡ | ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠲᠡᠶᠢᠯᠬᠦ ᠶᠤᠮ᠂ ᠢᠡᠭᠭᠢᠭᠰᠡᠨ ᠶᠤᠮ ᠪᠤᠯ ᠲᠠᠩᠬᠢᠮ ᠤᠨ ᠲᠡᠰ ᠤᠨ ᠲᠠᠷᠤᠭᠠ ᠴᠦ | ᠪᠤᠯᠤᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠡ᠂ ᠤᠳᠤ ᠪᠢ ᠴᠢᠨᠢ ᠲᠡᠷᠡᠭᠢ ᠭᠠᠳᠠᠭᠠᠳᠤ ᠮᠠᠶ᠋ᠢᠭ ᠤᠨ ᠵᠢᠭᠠᠰᠤ ᠶᠢ ᠴᠦ ᠰᠠᠶ᠋ᠢ ᠤᠯᠵᠤ | ᠦᠵᠡᠨ᠂ ᠶᠤᠰᠤᠳᠠᠢ ᠤᠷᠤᠨ ᠳᠠᠭᠠᠨ ᠰᠠᠭᠤᠭᠰᠠᠨ ᠮᠤᠩᠬᠠᠭ ᠪᠤᠯᠵᠠᠢ ᠃ | ᠤᠶᠤᠨᠠ ᠬᠡᠯᠡᠵᠤ ᠪᠠᠷᠠᠬᠤ ᠳᠤ ᠪᠠᠳᠤ ᠵᠠᠯᠭᠠᠭᠠᠳ ᠬᠦᠨᠳᠦᠳᠦ ᠪᠠᠭᠰᠢ ᠳᠠᠭᠠᠨ ᠠᠷᠢᠬᠢ ᠬᠡᠮᠨᠡᠨ ᠁ | | ᠶᠠᠭ ᠡᠨᠡ ᠦᠶᠡᠰ ᠲᠤ᠂ ᠬᠤᠭᠤᠯᠠᠨ ᠭᠡᠷ ᠤᠨ ᠳ᠋ᠧᠩ ᠴᠦ ᠠᠯᠭᠤᠷ ᠢᠶᠠᠷ ᠪᠤᠳᠤᠩᠭᠤᠶᠢᠷᠠᠵᠤ᠂ ᠭᠠᠳᠠᠨᠠ | ᠫᠠᠳ ᠬᠠᠷᠠᠩᠭᠤᠢ ᠪᠤᠯᠵᠤ᠂ ᠬᠠᠷᠠ ᠡᠬᠦᠯᠡ ᠬᠤᠳᠠ ᠶᠢ ᠪᠦᠷᠬᠦᠨ ᠬᠤᠮᠠᠭ ᠰᠢᠷᠤᠢ ᠤᠭᠳᠠᠷᠭᠤᠢ ᠳᠤ ᠲᠡᠭᠳᠡᠵᠤ᠂ | ᠲᠡᠭᠷᠢ ᠭᠠᠵᠠᠷ ᠢ ᠲᠤᠩᠰᠤᠯᠭᠠᠬᠤ ᠲᠠᠭᠤᠨ ᠭᠠᠷᠬᠤ ᠮᠡᠳᠦ ᠰᠠᠨᠠᠭᠳᠠᠵᠤ ᠢᠷᠡᠯᠡ᠂ ᠲᠤᠬᠠᠢ ᠶᠢᠨ ᠵᠢᠯ ᠲᠡᠭᠡᠳᠦ | ᠲᠤᠮᠳᠠᠳᠤ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠭᠰᠠᠨ ᠡᠨᠡᠬᠦ ᠬᠡᠳᠦᠨ ᠬᠠᠮᠳᠤ ᠰᠤᠷᠤᠭᠴᠢᠳ ᠤᠨ ᠪᠤᠳᠤᠯ ᠰᠡᠳᠭᠢᠭᠦᠢ ᠶᠢᠨ ᠲᠦᠴᠢ | ᠭᠠᠷᠤᠢ ᠵᠢᠯ ᠤᠨ ᠡᠮᠦᠨᠡᠬᠢ ᠠᠬᠤᠢ ᠤᠷᠴᠢᠨ ᠳᠤ ᠬᠦᠷᠴᠦ᠂ ᠴᠤᠬᠤᠮ ᠶᠠᠭᠤᠨ ᠳᠤ ᠪᠤᠥ ᠪᠠᠭᠰᠢ ᠪᠠᠨ ᠲᠡᠮᠡᠴᠡᠵᠤ᠂ | ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠴᠦ ᠤᠳᠤ ᠪᠤᠳᠤᠪᠠᠯ ᠵᠢᠩᠭᠢᠨᠢ ᠤᠴᠢᠷ ᠤᠳᠬᠠ ᠶᠢ ᠨᠢ ᠤᠯᠬᠤ | ᠦᠭᠡᠢ ᠪᠠᠶᠢᠯᠠ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠴᠢᠪ ᠬᠡᠮᠡᠨ ᠬᠠᠮᠳᠤ ᠰᠤᠷᠤᠭᠴᠢᠳ ᠭᠡᠬᠦᠳᠡᠭ ᠲᠦᠭᠦᠷᠡᠩ ᠤᠮᠤᠭ | ᠪᠠᠭ᠋ᠠᠳᠤᠯᠳᠤ ᠰᠡᠳᠭᠢᠯᠭᠡ ᠶᠢ ᠡᠪᠦᠷᠯᠡᠨ ᠰᠡᠵᠢᠭᠯᠡᠬᠦ᠂ᠤᠷᠪᠠᠯᠭᠠ ᠭᠠᠷᠭᠠᠬᠤ᠂ ᠨᠤᠴᠤᠯᠳᠤᠨ ᠦᠵᠡᠯᠴᠡᠬᠦ᠂ ᠰᠢᠭᠦᠮᠵᠢᠯᠡᠨ | ᠢᠯᠡᠴᠢᠯᠡᠬᠦ᠂ ᠬᠤᠷᠤᠰᠤᠨ ᠬᠢᠯᠢᠩᠨᠡᠬᠦ ᠵᠡᠷᠭᠡ ᠤᠯᠠᠨ ᠵᠤᠶᠢᠯ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠵᠤ ᠪᠠᠶᠢᠯᠠ᠂ ᠤᠯᠤᠰ | ᠲᠠᠶᠠᠭᠠᠷ ᠤᠯᠠᠭᠠᠨ ᠢᠶᠠᠷ ᠤᠷᠪᠠᠯᠵᠠᠵᠤ᠂ ᠭᠠᠵᠠᠷ ᠰᠠᠢ ᠦᠭᠡᠢ ᠶᠡᠭᠡ ᠦᠰᠦᠭᠳᠦ ᠰᠤᠨᠢᠨ ᠨᠠᠭᠠᠵᠤ᠂ ᠬᠤᠪᠢᠰᠬᠠᠯ ᠤᠨ | ᠤᠯᠠᠭᠠᠨ ᠰᠠᠯᠬᠢ ᠲᠠᠪᠠᠯᠭᠠᠯᠠᠨ ᠲᠤᠯᠭᠢᠶᠠᠯᠠᠵᠤ᠂ ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠳᠦ ᠤᠯᠠᠨ ᠬᠦᠮᠦᠨ ᠬᠠᠰᠭᠢᠷᠠᠯᠳᠤᠵᠤ᠂ ᠬᠤᠳᠠ | ᠬᠦᠳᠡᠭᠡ ᠦᠭᠡᠢ ᠤᠯᠠᠨ ᠬᠦᠮᠦᠨ ᠤ ᠬᠠᠰᠭᠢᠷᠠᠬᠤ ᠲᠠᠭᠤᠨ ᠦᠷᠭᠦᠯᠵᠢᠯᠡᠨ᠂ ᠰᠦᠷ ᠶᠡᠬᠡᠳᠡᠢ ᠪᠤᠷᠤᠭᠤᠰᠢᠶᠠᠨ | ᠰᠢᠭᠦᠮᠵᠢᠯᠡᠬᠦ᠂ ᠬᠠᠷᠢᠯᠴᠠᠨ ᠦᠵᠡᠯᠴᠡᠬᠦ᠂ ᠵᠡᠭᠦᠨ ᠭᠠᠷ ᠤᠨ ᠠᠳᠬᠬᠠᠯ ᠲᠡᠭᠡᠷᠡ ᠪᠠᠨ ᠵᠤᠶᠢᠯ ᠪᠦᠷᠢ ᠶᠢᠨ ᠦᠰᠦᠭ | ᠲᠠᠢ ᠤᠯᠠᠭᠠᠨ ᠪᠦᠴᠡ ᠵᠡᠭᠦᠵᠤ᠂ ᠬᠦᠮᠦᠨ ᠤ ᠲᠠᠯᠠᠢ ᠲᠤᠯᠬᠢᠶᠠᠯᠠᠵᠤ ᠪᠠᠶᠢᠯᠠ ᠂ ᠨᠡᠷᠡ ᠲᠡᠭᠡᠷᠡ ᠪᠠᠨ ᠠᠭᠤᠥ ᠨᠠᠮ | ᠳᠠᠭᠠᠨ ᠦᠨᠡᠨᠴᠢ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠰᠢᠳᠤᠷᠭᠤ ᠭᠡᠬᠦ ᠬᠠᠯᠬᠠᠪᠴᠢ ᠶᠢ ᠡᠷᠭᠦᠨ᠂ ᠲᠤᠬᠠᠢ ᠶᠢᠨ ᠴᠠᠭ ᠲᠤ ᠡᠶᠡ | ᠵᠤᠬᠢᠴᠠᠩᠭᠤᠢ᠂ ᠬᠠᠯᠠᠭᠤᠨ ᠲᠤᠳᠤᠨᠤᠰᠤᠭ᠂ ᠡᠯᠪᠡᠷᠢᠯ ᠵᠢᠷᠦᠮ᠂ ᠨᠠᠮ ᠬᠦᠮ ᠪᠠᠶᠢᠬᠤ ᠨᠢ ᠬᠠᠷᠢᠨ ᠲᠡᠷᠰᠯᠡᠭᠦᠥ | ᠪᠤᠯᠵᠤ᠂ ᠬᠡᠪ ᠢᠶᠠᠨ ᠰᠠᠬᠢᠵᠤ᠂ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠲᠠᠳᠬᠠᠯ ᠢᠶᠠᠨ ᠵᠢᠷᠦᠮᠯᠡᠬᠦ ᠨᠢ ᠬᠠᠷᠢᠨ ᠵᠠᠰᠠᠪᠤᠷᠢᠯᠠᠬᠤ | ᠦᠵᠡᠯᠳᠡᠨ ᠪᠤᠯᠵᠤ᠂ ᠬᠦᠷᠦᠩᠭᠡᠳᠦ ᠶᠤᠰᠤᠨ ᠤ ᠵᠠᠮ ᠢᠶᠠᠷ ᠶᠠᠪᠤᠭᠴᠢ ᠪᠤᠯᠳᠠᠭ ᠰᠠᠨ ᠃ ᠡᠶᠢᠮᠦ ᠠᠴᠠ ᠲᠦᠷᠦᠭᠰᠡᠨ | ᠦᠷᠡ ᠬᠡᠥᠭᠡᠳ ᠨᠢ ᠬᠦᠷᠦᠳᠡᠯᠡ ᠠᠪᠤ ᠡᠵᠢ ᠶᠡᠭᠡ ᠬᠤᠷᠠᠯ ᠲᠡᠭᠡᠷᠡ ᠬᠤᠭᠤᠯᠠᠢ ᠪᠠᠨ ᠬᠠᠭᠠᠷᠠᠳᠠᠯᠠ ᠪᠠᠷᠬᠢᠷᠠᠨ | ᠪᠠᠶᠢᠵᠤ ᠢᠯᠡᠴᠢᠯᠡᠵᠤ᠂ ᠭᠡᠷ ᠪᠦᠯᠢ ᠲᠤᠳᠤᠷᠠ ᠪᠠᠨ ᠠᠩᠭᠢ ᠶᠢᠨ ᠵᠠᠭᠠᠭ ᠱᠤᠭᠤᠮ ᠢᠶᠠᠨ ᠢᠯᠠᠭᠠᠵᠤ᠂ ᠰᠤᠷᠤᠭᠴᠢᠳ | ᠨᠢ ᠪᠠᠭᠰᠢ ᠲᠠᠢ ᠪᠠᠨ ᠲᠡᠮᠡᠴᠡᠯᠳᠣᠬᠦ ᠂ ᠲᠤᠥᠷᠠ ᠱᠠᠳᠤ ᠨᠢ ᠲᠡᠭᠡᠷᠡ ᠱᠠᠳᠤ ᠲᠠᠢ ᠪᠠᠷ ᠲᠡᠮᠡᠴᠡᠯᠳᠣᠭᠦ ᠨᠢ ᠬᠠᠷᠢᠨ | ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠴᠠᠭ ᠦᠶᠡ ᠶᠢᠨ ᠤᠷᠤᠰᠬᠠᠯ ᠪᠤᠯᠵᠤ ᠢᠷᠡᠯᠡ ᠃ ᠲᠡᠳᠡᠨᠡᠷ ᠡᠨᠡᠬᠦ ᠭᠡᠨᠡᠳᠳᠡ | ᠪᠠᠷ ᠢᠷᠡᠭᠰᠡᠨ ᠭᠤᠥᠯ ᠪᠤᠯᠬᠤ ᠤᠷᠤᠰᠬᠠᠯ ᠤᠨ ᠲᠤᠮᠳᠠ᠂ ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠭᠤᠥᠯ ᠬᠦᠴᠦᠨ | ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠪᠠᠭᠰᠢ ᠪᠠᠨ ᠲᠠᠶᠢᠰᠠᠨ ᠲᠡᠭᠡᠷᠡ ᠴᠢᠷᠤᠨ ᠭᠠᠷᠭᠠᠵᠤ᠂ ᠠᠷᠦ ᠨᠢᠷᠤᠭᠤᠨ ᠲᠡᠭᠡᠷᠡ ᠨᠢ | ᠬᠠᠷᠠ ᠦᠰᠦᠭ ᠲᠠᠢ ᠴᠠᠭᠠᠨ ᠪᠦᠰᠡ ᠶᠢ ᠨᠠᠭᠠᠵᠤ᠂ ᠭᠡᠵᠢᠭᠡ ᠦᠰᠦ ᠶᠢ ᠨᠢ ᠠᠳᠬᠤᠨ ᠠᠪᠴᠤ᠂ ᠲᠤᠯᠤᠭᠠᠢ | ᠲᠦᠷᠦᠭᠦᠥ ᠶᠢ ᠨᠢ ᠵᠢᠭᠠᠵᠤ᠂ ᠦᠨᠳᠦᠷ ᠲᠠᠭᠤᠨ ᠢᠶᠠᠷ ᠤᠯᠠᠨ ᠢ ᠤᠷᠠᠶᠢᠯᠠᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ ᠪᠠᠶᠢᠯᠠ ᠃ | ᠡᠨᠡᠬᠦ ᠴᠠᠭ ᠲᠦᠷᠦ ᠶᠢᠨ ᠤᠷᠤᠭᠠ ᠪᠤᠰᠤᠭᠠ ᠤᠨ ᠵᠢᠯ ᠨᠢᠭᠡᠨᠳᠡ ᠲᠦᠴᠢ ᠭᠠᠷᠤᠢ ᠵᠢᠯ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ᠂ | ᠲᠤᠬᠠᠢ ᠶᠢᠨ ᠦᠶᠡᠰ ᠲᠠᠬᠢ ᠰᠤᠷᠤᠭᠴᠢ ᠪᠠᠶᠢᠭᠰᠠᠨ ᠲᠡᠳᠡᠭᠡᠷ ᠵᠠᠯᠠᠭᠤᠰ ᠦᠡᠭᠭᠡᠷᠡᠭᠰᠡᠨ ᠢᠶᠠᠨ ᠡᠷᠭᠢᠴᠡᠭᠦᠯᠬᠦ ᠪᠦᠷᠢ | ᠲᠡᠳᠡᠨᠡᠷ ᠤᠨ ᠲᠡᠥᠬᠡᠨ ᠤᠯᠠ ᠮᠦᠷ ᠨᠢ ᠮᠦᠨ ᠯᠡ ᠲᠡᠭᠡᠵᠤ ᠲᠤᠷᠠᠶᠢᠵᠤ ᠪᠠᠶᠢᠯᠠ ᠂ ᠤᠳᠤ ᠡᠳᠡᠭᠡᠷ ᠵᠠᠯᠠᠭᠤᠰ ᠤᠳ | ᠨᠠᠰᠤᠨ ᠤ ᠨᠠᠮᠤᠷ ᠲᠠᠭᠠᠨ ᠤᠷᠤᠵᠤ᠂ ᠶᠠᠪᠤᠳᠠᠯ ᠤᠴᠢᠷ ᠲᠤ ᠯᠠᠪᠳᠠᠭᠤᠨ ᠲᠤᠭᠳᠠᠭᠤᠨ ᠢᠶᠠᠷ ᠲᠤᠩᠭᠠᠬᠤ | ᠤᠬᠠᠭᠠᠨ ᠤᠷᠤᠵᠤ᠂ ᠤᠳᠤ ᠨᠢᠭᠡᠨᠳᠡ ᠶᠢᠷᠳᠢᠨᠴᠦ ᠶᠢᠨ ᠬᠠᠯᠠᠭᠤᠨ ᠬᠦᠢᠳᠡᠨ ᠤ ᠲᠤᠮᠳᠠ ᠬᠦᠮᠦᠨ ᠤ ᠵᠡᠷᠭᠡ ᠳᠤ | ᠬᠦᠷᠦᠭᠰᠡᠨ ᠪᠤᠯᠪᠠᠴᠤ᠂ ᠡᠨᠡᠬᠦ ᠲᠡᠥᠭᠡᠨ ᠤᠯᠠ ᠮᠦᠷ ᠢᠶᠠᠨ ᠡᠷᠭᠢᠴᠡᠭᠦᠯᠵᠤ᠂ ᠲᠡᠳᠡᠨ ᠤ ᠬᠢᠭᠰᠡᠨ ᠲᠡᠳᠡᠭᠡᠷ ᠶᠠᠯᠳᠤ | ᠠᠵᠢᠯᠯᠠᠭᠠ ᠪᠠᠨ ᠪᠤᠳᠤᠬᠤ ᠪᠦᠷᠢ ᠲᠤᠰ ᠲᠤᠰ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠬᠠᠷᠠᠮᠰᠠᠨ ᠭᠡᠮᠰᠢᠵᠤ᠂ ᠶᠠᠭ ᠯᠡ ᠬᠦᠮᠦᠨ | ᠤ ᠵᠢᠷᠦᠬᠡ ᠶᠢ ᠵᠡᠭᠦᠥ ᠪᠡᠷᠰᠢᠪᠡᠵᠤ ᠪᠠᠶᠢᠬᠤ ᠮᠡᠳᠦ ᠲᠤᠶᠢᠯ ᠢᠶᠠᠷ ᠭᠤᠳᠤᠷᠠᠨ ᠭᠤᠨᠢᠳᠠᠭ ᠰᠠᠨ ᠃ | ᠤᠳᠤ ᠲᠡᠳᠡᠨᠡᠷ ᠪᠤᠥ ᠪᠠᠭᠰᠢ ᠳᠠᠭᠠᠨ ᠠᠷᠢᠬᠢ ᠪᠠᠨ ᠪᠠᠷᠢᠵᠤ ᠪᠠᠷᠠᠭᠠᠳ᠂ ᠵᠠᠯᠭᠠᠭᠠᠳ ᠬᠤᠪᠢ ᠬᠤᠪᠢᠨ ᠤ | ᠠᠷᠢᠬᠢ ᠪᠠᠨ ᠡᠬᠢᠯᠡᠵᠤ ᠤᠥᠭᠤᠵᠤ ᠡᠬᠢᠯᠡᠯᠡ᠂ ᠠᠷᠢᠬᠢ ᠤᠥᠭᠤᠭᠠᠳ ᠨᠢᠭᠡᠨᠳᠡ ᠭᠤᠷᠪᠠ ᠡᠷᠭᠢᠬᠦ ᠳᠤ ᠤᠳᠤ ᠶᠡᠭᠡ | ᠴᠢᠯᠦᠭᠡ ᠲᠠᠢ ᠪᠠᠷ ᠶᠠᠷᠢᠯᠴᠠᠵᠤ ᠡᠬᠢᠯᠡᠯᠡ᠂ ᠲᠡᠮᠦᠷ ᠠᠴᠠ ᠲᠡᠷᠭᠡᠯ ᠤᠨ ᠵᠦᠭ ᠬᠠᠨᠳᠤᠵᠤ᠄ ᠤᠳᠤ ᠡᠳᠡᠭᠡᠷ ᠬᠠᠮᠳᠤ | ᠰᠤᠷᠤᠭᠴᠢᠳ ᠤᠨ ᠴᠤᠭᠯᠠᠷᠠᠭᠰᠠᠨ ᠡᠨᠡᠬᠦ ᠵᠠᠪᠰᠢᠶᠠᠨ ᠢ ᠠᠰᠢᠭᠯᠠᠨ᠂ ᠦᠪᠡᠷ ᠤᠨ ᠪᠤᠳᠤᠯᠭᠠ ᠪᠠᠨ ᠤᠯᠠᠨ ᠳᠤ | ᠬᠡᠯᠡᠵᠤ᠂ ᠤᠯᠠᠨ ᠤ ᠰᠠᠨᠠᠯ ᠵᠦᠪᠯᠡᠯᠭᠡ ᠶᠢ ᠠᠪᠤᠭᠠᠷᠠᠢ ᠪᠤᠯᠬᠤ︖ | ᠲᠡᠷᠭᠡᠯ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠲᠡᠭᠡᠷᠡ ᠡᠷᠭᠦᠨ ᠪᠠᠷᠢᠵᠤ᠂ ᠲᠦᠪ ᠵᠤᠭᠰᠤᠨ᠄ ᠪᠢ ᠶᠠᠭᠤᠨ ᠤ | ᠡᠮᠦᠨᠡ ᠤᠷᠢᠳᠠᠪᠡᠷ ᠮᠠᠨ ᠤ ᠤᠯᠠᠨ ᠬᠠᠮᠳᠤ ᠰᠤᠷᠤᠭᠴᠢᠳ ᠲᠠᠢ ᠪᠠᠨ ᠨᠢᠬᠡ ᠬᠤᠨᠳᠠᠭᠠ ᠡᠷᠭᠦᠶᠡ︕ ᠲᠠᠷᠠᠭᠠ ᠪᠠᠷ | ᠤᠯᠠᠨ ᠲᠠᠢ ᠰᠠᠨᠠᠯ ᠵᠦᠪᠳᠡᠯᠡᠯᠴᠡᠶᠡ︕ ᠭᠡᠵᠤ ᠬᠡᠯᠡᠵᠤ ᠪᠠᠷᠠᠭᠠᠳ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠨᠢᠭᠡ ᠯᠡ | ᠬᠦᠨᠳᠦᠷᠴᠢᠭᠡᠪᠡ ᠃ | ᠤᠯᠠᠨ ᠢᠶᠠᠷ ᠢᠶᠠᠨ ᠨᠢᠵᠢᠬᠢᠨᠡᠳᠡᠯᠡ ᠪᠠᠨ ᠭᠠᠷ ᠠᠯᠠᠭᠠᠳᠠᠨ ᠦᠨᠳᠦᠷ ᠲᠠᠭᠤᠨ ᠢᠶᠠᠷ᠄ ᠬᠠᠰᠢᠯᠠ ᠮᠠᠨ ᠤ | ᠠᠩᠭᠢ ᠶᠢᠨ ᠲᠠᠷᠤᠭᠠ ᠦᠨᠡᠨᠴᠢ ᠰᠢᠳᠤᠷᠭᠤ᠂ ᠠᠰᠠᠪᠤᠷᠢ ᠴᠠᠭᠠᠪᠤᠷᠢ ᠪᠠᠶᠢᠨᠠ ᠳ᠋ᠠ︕ ᠠᠩᠭᠢ ᠶᠢᠨ ᠲᠠᠷᠤᠭᠠ ᠶᠠᠮᠠᠷ | ᠰᠠᠨᠠᠯ ᠵᠦᠪᠯᠡᠯᠭᠡ ᠪᠠᠶᠢᠪᠠᠯ ᠪᠢᠳᠡ ᠲᠠᠷᠤᠢ ᠲᠡᠷᠡ ᠶᠤᠰᠤ ᠪᠠᠷ ᠨᠢ ᠰᠠᠨᠠᠯ ᠨᠢᠭᠡᠳᠡᠢ ᠲᠡᠮᠵᠢᠨᠡ︕ ᠤᠴᠢᠷ ᠨᠢ ᠪᠢᠳᠡ | ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠶᠤᠮ ᠴᠢᠨᠢ ᠬᠠᠷᠢᠯᠴᠠᠨ ᠬᠠᠮᠵᠢᠯᠴᠠᠬᠤ ᠦᠭᠡᠢ ᠦᠭᠡᠷᠡ ᠬᠡᠨ ᠬᠠᠮᠵᠢᠯᠴᠠᠬᠤ ᠶᠤᠮ ᠳ᠋ᠠ︕ | ᠲᠡᠷᠭᠡᠯ᠄ ᠦᠨᠦ ᠰᠠᠶ᠋ᠢ ᠤᠯᠠᠨ ᠢᠶᠠᠷ ᠢᠶᠠᠨ ᠮᠠᠨ ᠤ ᠪᠤᠥ ᠪᠠᠭᠰᠢ ᠳᠤ ᠠᠷᠢᠬᠢ ᠪᠠᠷᠢᠵᠤ ᠲᠤᠰ ᠲᠤᠰ ᠤᠨ | ᠪᠤᠷᠤᠭᠤ ᠪᠠᠨ ᠮᠡᠳᠡᠷᠡᠭᠰᠡᠨ ᠪᠢᠯᠡ ᠂ ᠮᠢᠨᠦ ᠦᠵᠡᠬᠦ ᠪᠠᠷ ᠡᠨᠡ ᠵᠢᠯ ᠤᠨ ᠵᠤᠨ ᠤ ᠠᠮᠠᠷᠠᠯᠳᠠ ᠶᠢ ᠠᠰᠢᠭᠯᠠᠨ ᠮᠠᠨ ᠤ | ᠬᠡᠳᠦᠨ ᠬᠠᠮᠳᠤ ᠰᠤᠷᠤᠭᠴᠢᠳ ᠪᠤᠥ ᠪᠠᠭᠰᠢ ᠶᠢᠨ ᠠᠷᠤ ᠭᠡᠷ ᠲᠤᠨᠢ ᠬᠦᠷᠴᠦ᠂ ᠪᠠᠭᠰᠢ ᠪᠠᠨ ᠡᠷᠢᠵᠤ ᠠᠪᠤᠶᠠ︕ | ᠬᠡᠷᠪᠡ ᠬᠦᠨᠳᠦᠳᠦ ᠪᠠᠭᠰᠢ ᠮᠢᠨᠢ ᠨᠢᠭᠡᠨᠳᠡ ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ ᠪᠤᠯ ᠲᠡᠭᠦᠨ ᠤ ᠤᠡᠭᠭᠤᠨ ᠢ ᠨᠢ ᠡᠷᠢᠵᠤ | ᠤᠯᠤᠭᠠᠳ ᠪᠡᠯᠪᠡᠰᠡᠷᠡᠯ ᠤᠨ ᠴᠠᠭᠠᠰᠤ ᠰᠢᠳᠠᠭᠠᠨ ᠦᠭᠴᠦ᠂ ᠪᠤᠥ ᠪᠠᠭᠰᠢ ᠶᠢᠨ ᠦᠷᠡ ᠬᠡᠥᠬᠡᠳ ᠲᠤᠨᠢ ᠲᠠᠷᠤᠢ | ᠮᠠᠨ ᠤ ᠬᠢᠭᠰᠡᠨ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠪᠡᠯ ᠰᠠᠶ᠋ᠢ ᠲᠠᠭᠠᠷᠠᠨᠠ᠂ ᠢᠡᠭᠭᠢᠪᠡᠯ ᠰᠠᠶ᠋ᠢ ᠨᠠᠰᠤᠳᠠᠨ ᠪᠠᠭᠰᠢ ᠮᠢᠨᠢ ᠶᠢᠰᠦᠨ | ᠪᠤᠯᠠᠭ ᠤᠨ ᠲᠤᠥᠷᠠ ᠠᠮᠤᠷ ᠲᠦᠪᠰᠢᠨ ᠵᠢᠷᠭᠠᠵᠤ᠂ ᠰᠠᠨᠠᠭᠠ ᠰᠡᠳᠬᠢᠯ ᠪᠠᠶᠠᠰᠬᠤ ᠶᠤᠮ ᠡ︕ ᠲᠠ ᠨᠠᠷ ᠶᠠᠮᠠᠷ | ᠪᠤᠳᠤᠯᠭᠠ ᠪᠠᠶᠢᠨᠠ︖ ᠭᠡᠵᠤ ᠬᠡᠯᠡᠵᠤ ᠪᠠᠷᠠᠭᠠᠳ ᠤᠯᠠᠨ ᠢᠶᠠᠨ ᠬᠠᠷᠠᠵᠤ᠂ ᠬᠠᠮᠳᠤ ᠨᠦᠬᠦᠳ ᠠᠴᠠ ᠪᠠᠨ ᠰᠠᠨᠠᠯ | ᠵᠦᠪᠯᠡᠯᠭᠡ ᠬᠦᠯᠢᠶᠡᠪᠡ᠃ | ᠪᠠᠳᠤ᠄ ᠲᠡᠷᠭᠡᠯ ᠤᠨ ᠦᠭᠡᠨ ᠤ ᠬᠠᠷᠢᠭᠤ ᠳᠤ ᠡᠨᠡ ᠪᠤᠯ ᠶᠠᠭ ᠲᠭᠠᠷᠠᠵᠤ ᠪᠠᠶᠢᠨᠠ᠂ ᠲᠠᠷᠤᠢ ᠮᠠᠨ ᠤ | ᠬᠠᠮᠳᠤ ᠰᠤᠷᠤᠭᠴᠢᠳ ᠤᠳᠤ ᠳᠤ ᠪᠤᠯ ᠴᠦᠮ ᠠᠵᠢᠯ ᠤᠨ ᠪᠠᠶᠢᠷᠢ ᠲᠡᠭᠡᠷᠡ ᠪᠠᠨ ᠪᠠᠶᠢᠬᠤ ᠶᠤᠮ ᠴᠢᠨᠢ ᠬᠡᠳᠦᠨ ᠡᠳᠦᠷ | ᠤᠨ ᠰᠠᠭᠠᠳᠠᠯ ᠭᠠᠷᠭᠠᠪᠠᠯ ᠪᠠᠰᠠ ᠠᠰᠢᠭ ᠦᠭᠡᠢ ᠶᠤᠮ᠂ ᠮᠢᠨᠦ ᠦᠵᠡᠬᠦ ᠪᠠᠷ ᠤᠳᠤ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠰᠠᠨᠠᠯ | ᠨᠢᠭᠡᠳᠡᠢ ᠪᠠᠷ ᠪᠤᠥ ᠪᠠᠭᠰᠢ ᠳᠠᠭᠠᠨ ᠠᠷᠢᠬᠢ ᠡᠷᠭᠦᠨ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠵᠡᠢ᠂ ᠡᠨᠡ ᠪᠠᠰᠠ ᠨᠢᠭᠡ ᠲᠠᠯᠠ ᠪᠠᠷ | ᠤᠰᠤᠯ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠵᠤ ᠪᠠᠶᠢᠭᠠ ᠪᠤᠳᠠᠳᠤ ᠢᠯᠡᠷᠡᠯ ᠪᠤᠯᠤᠨᠠ᠃ ᠭᠡᠪᠡᠴᠦ ᠵᠠᠪᠠᠯ ᠪᠤᠥ ᠪᠠᠭᠰᠢ ᠶᠢᠨ | ᠲᠤᠬᠠᠢ ᠶᠢᠨ ᠭᠠᠵᠠᠷ ᠲᠤᠨᠢ ᠬᠦᠷᠴᠦ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠬᠦ ᠬᠡᠯᠪᠡᠷᠢ ᠮᠠᠶ᠋ᠢᠭ ᠢ ᠯᠡ ᠬᠦᠭᠡᠴᠡᠯᠳᠦᠭᠰᠡᠨ ᠤ | ᠴᠢᠬᠤᠯᠠ ᠦᠭᠡᠢ ᠪᠠ ︖ | | | ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠡ ᠤ ᠰᠤᠨᠢᠠ ᠮᠠᠳᠡᠭᠡ ᠶᠢᠨ ᠰᠦᠯᠵᠢᠶᠠ | | |