ᠭᠠᠷᠠᠭ ᠤᠨ ᠠᠮᠠᠷᠠᠯᠲᠠ ᠳᠤ ᠪᠢ ᠰᠠᠭᠠᠯᠢ ᠰᠦ ᠪᠠᠷ ᠭᠡᠳᠡᠰᠦ ᠪᠠᠨ ᠴᠠᠶᠢᠯᠭᠠᠬᠤ ᠰᠠᠨᠠᠭᠠ ᠲᠠᠢ ᠮᠣᠲ᠋ᠣᠷ ᠢᠶᠠᠷ | ᠠᠬᠠ ᠶᠢᠨ ᠬᠢ ᠶᠢ ᠴᠢᠭᠯᠡᠯᠡ᠃ ᠬᠠᠯᠠᠭᠤᠨ ᠳᠤ ᠮᠤᠲ᠋ᠤᠷ ᠢᠶᠠᠷ ᠶᠠᠪᠤᠬᠤ ᠳᠤ ᠰᠡᠷᠢᠭᠦᠨ ᠰᠠᠯᠬᠢ ᠰᠡᠪᠡᠯᠵᠡᠭᠡᠳ | ᠠᠶᠠᠲᠠᠶᠢᠬᠠᠨ᠃ ︽ᠰᠡᠷᠢᠭᠦᠨ ᠮᠠᠯᠠᠭᠠᠢ︾ ᠶᠢ ᠠᠯᠳᠠᠭ ᠤᠨᠤᠭ ᠠᠶᠠᠯᠤᠨ ᠳᠠᠪᠬᠢᠵᠤ ᠶᠠᠪᠤᠳᠠᠯᠠ ᠮᠤᠲ᠋ᠤᠷ | ᠮᠤᠰᠬᠢᠯᠳᠤᠨ ᠡᠰᠡ ᠯᠡ ᠲᠤᠩᠭᠤ ᠬᠠᠳᠠᠪᠠ᠃ ᠪᠤᠯᠤ ᠬᠠᠭᠠᠷᠠᠴᠢᠬᠠᠵᠠᠢ᠃ ᠪᠤᠯᠤ ᠶᠢ ᠨᠢ ᠪᠠᠭᠤᠯᠭᠠᠬᠤ ᠪᠠᠭᠠᠵᠢ ᠴᠦ | ᠠᠯᠠᠭᠠ᠃ ᠪᠦᠳᠦᠨ ᠪᠤᠯ ᠮᠤᠲ᠋ᠤᠷ ᠰᠢᠭ᠋ ᠬᠦᠩᠭᠡᠨ ᠤᠨᠤᠭᠠ ᠬᠤᠪᠤᠷ ᠭᠡᠬᠦ ᠳᠤ ᠡᠪᠳᠡᠷᠡᠴᠢᠬᠡᠪᠡᠯ ᠮᠤᠲ᠋ᠤᠷ ᠰᠢᠭ᠋ | ᠬᠠᠱᠠᠩ ᠤᠨᠤᠭᠠ ᠴᠦ ᠬᠤᠪᠤᠷ ᠪᠤᠯᠤᠯᠲᠠᠢ᠂ ᠰᠡᠭᠦᠵᠢ ᠪᠠᠨ ᠴᠢᠷᠦᠭᠡᠳ ᠳᠦᠬᠦᠬᠦ ᠶᠠᠭᠤᠮᠠ ᠪᠢᠰᠢ᠃ ᠠᠱᠢᠭᠦᠢ | ᠪᠤᠷᠪᠢ ᠶᠢᠨ ᠤᠪᠤᠭᠠᠨ ᠤ ᠪᠠᠨ ᠠᠷᠤ ᠳᠡᠭᠡᠷᠡ ᠶᠠᠪᠠᠭᠠᠷᠠᠵᠠᠢ᠃ ᠤᠨᠠᠭᠠᠨ ᠨᠠᠶᠢᠵᠠ ᠴᠢᠮᠡᠭ ᠤᠨ ᠳᠤ ᠪᠠᠨ ᠤᠴᠢᠵᠤ | ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠠᠳᠢᠷᠯᠠᠬᠤ ᠪᠠᠷ ᠠᠯᠬᠤᠯᠠ᠃ ᠪᠠᠭᠠ ᠶᠢᠨ ᠮᠢᠨᠢ ᠲᠤᠭᠯᠠᠵᠤ ᠦᠰᠦᠭᠰᠡᠨ ᠲᠠᠨᠢᠯ ᠲᠤᠯᠤᠭᠠᠳ | ᠶᠠᠪᠠᠭᠠᠨ ᠵᠡᠷᠭᠡᠯᠭᠡᠨ ᠳᠤ ᠪᠤᠰᠤᠨ ᠰᠠᠭᠤᠨ ᠦᠨᠳᠡᠯᠵᠡᠵᠦ ᠬᠤᠯᠠᠳᠠᠵᠤ ᠤᠶᠢᠷᠠᠳᠤᠨ ᠰᠠᠷᠠᠪᠴᠢᠯᠠᠨᠠ᠃ ᠤᠯᠤᠰ ᠤᠨ | ᠵᠢᠷ ᠤᠨ ᠠᠯᠪᠠᠨ ᠳᠤ ᠬᠢᠷᠢ ᠳᠤ ᠪᠠᠨ ᠶᠠᠭᠠᠷᠠᠤ ᠪᠢ ᠴᠢᠨᠢ ᠨᠤᠳᠤᠭ ᠲᠠᠭᠠᠨ ᠤᠶᠢᠷᠠ ᠨᠢ ᠢᠷᠡᠭᠡ ᠦᠭᠡᠢ ᠤᠳᠠᠵᠤ | ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠲᠤᠮᠤ ᠲᠤᠮᠤ ᠴᠠᠬᠢᠯᠭᠠᠨ ᠰᠡᠩᠰᠡ ᠬᠠᠨᠠᠷᠠᠨ ᠳᠤᠮᠳᠠ ᠨᠢ ᠬᠦᠨᠳᠡᠯᠡᠨ ᠭᠤᠯᠳᠤ ᠦᠷᠭᠡᠨ ᠬᠠᠯᠴᠠᠭᠠᠢ ᠵᠠᠮ | ᠰᠦᠯᠵᠢᠯᠳᠦᠭᠡᠳ ᠴᠡᠯ ᠨᠤᠭᠤᠭᠠᠨ ᠨᠤᠳᠤᠭ ᠮᠢᠨᠢ ᠬᠡᠬᠦᠳᠡᠭ ᠴᠡᠭᠡᠵᠢ ᠪᠠᠨ ᠤᠯᠠᠭᠠᠨ ᠤᠯᠤᠰᠤ ᠪᠠᠷ ᠬᠡᠷᠦᠭᠦᠯᠦᠭᠰᠡᠨ | ᠶᠤᠮ ᠰᠢᠭ ᠴᠠᠭᠠᠨᠠ ᠪᠠᠨ ᠨᠢᠭᠡ ᠯᠡ ᠤᠶᠢᠳᠬᠠᠷᠲᠠᠢ᠃ ᠤᠯᠠᠨ ᠠᠶᠢᠯ ᠤᠨ ᠵᠤᠰᠠᠯᠠᠩ ᠤᠨ ᠪᠡᠯᠴᠢᠭᠡᠷ ᠡᠶᠢᠨᠬᠦ | ᠬᠦᠷᠦᠰᠦ ᠪᠠᠨ ᠬᠠᠭᠤᠯᠤᠭᠤᠯᠵᠠᠢ᠃ | ᠲᠠᠭᠠᠨᠠᠳᠤ ᠶᠢᠨ ᠬᠦᠨᠳᠡᠢ ᠳᠤ ᠬᠤᠶᠠᠷ ᠲᠠᠪᠬᠤᠷ ᠴᠠᠭᠠᠨ ᠠᠰᠠᠷ ᠪᠤᠰᠤᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠲᠠᠭᠠᠨᠠ | ᠭᠤᠤᠯᠲᠠᠢ ᠤᠷᠭᠤᠳᠠᠭ ᠠᠴᠠ ᠲᠠᠭᠠᠨᠠᠳᠤ ᠶᠢᠨ ᠬᠦᠨᠳᠡᠢ ᠭᠡᠳᠡᠭ ᠪᠣᠯᠤᠭᠰᠠᠨ ᠡᠨᠡ ᠬᠦᠨᠳᠡᠢ ᠳᠤ ᠵᠤᠨ ᠳᠤ ᠪᠠᠨ ᠮᠠᠯ | ᠭᠠᠰᠢᠭᠤᠳᠠᠭᠠᠳ ᠲᠤᠭᠳᠠᠭᠤᠷᠢ ᠮᠠᠭᠤᠲᠠᠢ᠂ ᠬᠠᠷᠢᠨ ᠨᠠᠮᠤᠷ ᠤᠨ ᠰᠢᠷᠠ ᠲᠠᠭᠠᠨᠠ ᠶᠢ ᠨᠢ ᠢᠳᠡᠵᠤ ᠮᠠᠯ ᠰᠠᠶᠢᠬᠠᠨ | ᠲᠠᠷᠭᠤᠯᠠᠨᠠ᠃ ᠶᠠᠮᠠᠷ ᠰᠠᠶᠢᠨ ᠳᠤ ᠪᠠᠨ ᠲᠡᠷᠡ ᠵᠢᠯ ᠨᠢᠭᠡ ᠢᠷᠭᠡᠨ ᠠᠶᠢᠯ ᠠᠳᠡ ᠤᠳᠤᠷ ᠢᠶᠠᠷ ᠢᠷᠡᠵᠦ ᠵᠤᠰᠠᠬᠤ ᠳᠤ | ᠪᠠᠨ ᠡᠳᠦᠷ ᠡᠳᠦᠷ ᠦᠷᠯᠦᠭᠡ ᠡᠷᠳᠡ ᠮᠠᠯ ᠢᠶᠠᠨ ᠲᠠᠭᠠᠨᠠᠳᠤ ᠶᠢᠨ ᠬᠦᠨᠳᠡᠢ ᠳᠤ ᠬᠦᠭᠡᠭᠡᠵᠦ ᠤᠷᠤᠭᠤᠯᠤᠨ ᠬᠤᠷᠢᠨᠠ᠂ | ᠪᠢᠳᠠᠨ ᠠᠴᠠ ᠠᠮᠵᠢᠵᠤ ᠮᠠᠯ ᠢᠶᠠᠨ ᠤᠷᠤᠭᠤᠯᠤᠨ ᠨᠤᠭᠤᠭᠠᠨ ᠪᠡᠯᠴᠢᠭᠡᠷ ᠢᠳᠡᠭᠦᠯᠵᠦ ᠪᠠᠶᠢᠭᠠ ᠶᠤᠷᠤ ᠨᠢ ᠲᠡᠷᠡ ᠶᠤᠮ | ᠪᠠᠶᠢᠬᠠ᠃ ᠭᠡᠳᠡᠯᠡ ᠬᠤᠯᠢᠴᠠᠭᠠ ᠦᠭᠡᠢ ᠲᠠᠭᠠᠨᠠᠨ ᠳᠤ ᠮᠠᠯ ᠨᠢ ᠲᠠᠭᠠᠨᠠᠲᠠᠵᠤ ᠨᠤᠭᠤᠭᠠᠨ ᠰᠢᠯᠤᠰᠤ ᠰᠠᠪᠢᠷᠠᠭᠤᠯᠤᠨ | ᠬᠡᠴᠡᠭᠦᠳᠡᠵᠦ ᠪᠠᠶᠢᠵᠤ ᠪᠢᠯᠡ᠃ ᠶᠠᠭᠤᠮᠠ ᠪᠤᠯᠭᠠᠨ ᠢ ᠡᠵᠡᠷᠬᠡᠵᠦ ᠪᠠᠶᠢᠳᠠᠭ ᠵᠡᠷᠯᠢᠭ ᠰᠠᠨᠠᠭᠠ ᠨᠢ ᠲᠡᠭᠡᠵᠦ ᠤᠷᠤᠢ ᠪᠠᠷ | ᠨᠢ ᠲᠤᠰᠴᠤ ᠪᠠᠶᠢᠭᠠ ᠨᠢ ᠲᠡᠷᠡ᠃ ᠤᠳᠤ ᠲᠠᠭᠠᠨᠠᠳᠤ ᠶᠢᠨ ᠬᠦᠨᠳᠡᠢ ᠳᠤ ᠰᠠᠯᠬᠢᠨ ᠡᠨᠧᠷᠬᠢ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢᠨ | ᠠᠰᠠᠷ ᠪᠤᠰᠴᠤ ᠲᠡᠷᠭᠡ ᠮᠠᠰᠢᠨ ᠴᠥᠷᠬᠦᠯᠡᠭᠳᠡᠭᠰᠡᠨ ᠠᠴᠠ ᠲᠠᠭᠠᠨᠠ ᠨᠢ ᠴᠦ ᠰᠡᠶᠢᠷᠡᠭᠵᠢᠵᠠᠢ᠃ ᠲᠠᠭᠠᠨᠠᠳᠤ ᠶᠢᠨ | ᠬᠦᠨᠳᠡᠢ ᠶᠢᠨ ᠵᠡᠭᠦᠬᠡᠨ ᠬᠤᠶᠢᠨᠠ ᠬᠥᠬᠡ ᠲᠡᠭᠡᠯᠢ ᠲᠡᠪᠦᠷᠡ ᠶᠢᠨ ᠲᠤᠭ ᠰᠢᠭ᠋ ᠲᠤᠪᠤᠶᠢᠵᠤ ᠬᠠᠷᠠᠭᠳᠠᠯᠠ᠃ ᠨᠢᠭᠡᠨᠳᠡ | ᠶᠠᠪᠠᠭᠠᠷᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠶᠠᠭᠠᠷᠠᠭᠰᠠᠨ᠂ ᠡᠰᠡ ᠶᠠᠭᠠᠷᠠᠭᠰᠠᠨ ᠶᠠᠮᠠᠷ ᠢᠯᠭᠠᠭᠠ ᠲᠠᠢ ᠶᠤᠮ ᠭᠡᠵᠦ ᠰᠢᠢᠳᠦᠨ | ᠬᠦᠬᠡ ᠲᠡᠭᠡᠯᠢ ᠳᠡᠭᠡᠷᠡ ᠭᠠᠷᠪᠠ᠃ | ᠴᠢᠮᠡᠭ ᠤᠨ᠂ ᠮᠠᠨ ᠤ ᠬᠤᠶᠠᠷ ᠠᠶᠢᠯ ᠤᠨ ᠵᠤᠰᠠᠯᠠᠩ ᠤᠨ ᠪᠡᠯᠴᠢᠭᠡᠷ ᠲᠤ ᠲᠠᠪᠤ ᠵᠢᠷᠭᠤᠭᠠᠨ ᠠᠶᠢᠯ ᠤᠨ | ᠰᠠᠭᠤᠷᠢᠰᠢᠯ ᠨᠡᠮᠡᠭᠳᠡᠭᠰᠡᠨ ᠴᠦ ᠮᠠᠯ ᠤᠨᠤᠭᠠ ᠡᠰᠡ ᠬᠠᠷᠠᠭᠳᠠᠨᠠ᠃ ᠬᠦᠬᠡ ᠲᠡᠭᠡᠯᠢ ᠶᠢᠨ ᠡᠪᠦᠷ ᠲᠤ ᠴᠢᠮᠡᠭ ᠤᠨ ᠭᠡᠷ | ︵ᠨᠠᠭᠠᠳᠤᠮ ᠤᠨ ᠭᠡᠷ︶ ᠤᠨ ᠴᠢᠯᠠᠭᠤ ᠱᠠᠭᠠᠵᠠᠩ ᠨᠢ ᠲᠠᠷᠠᠵᠤ ᠪᠤᠳᠠᠷᠠᠭᠰᠠᠨ ᠦᠭᠡᠢ ᠬᠡᠪ ᠢᠶᠠᠷ ᠢᠶᠠᠨ ᠰᠢᠬᠠᠮ | ᠪᠠᠶᠢᠯᠠ᠂ ᠴᠢᠮᠡᠭ ᠮᠢᠨᠢ ᠢᠷᠡᠭᠡᠳ ᠵᠠᠰᠠᠵᠤ ᠳᠤᠳᠤᠮᠳᠠᠳᠠᠭ ᠴᠦ ᠶᠤᠮ ᠪᠢᠵᠡ ᠶᠠᠭᠤ ᠮᠠᠭᠠᠳ᠂ ᠠᠯᠢ ᠡᠰᠡᠬᠦᠯᠡ | ᠬᠡᠦᠬᠡᠳ ᠪᠠᠭᠠᠴᠤᠤᠯ ᠨᠢ ᠴᠦ ᠨᠠᠭᠠᠳᠳᠠᠭ ᠶᠤᠮ ᠪᠢᠯᠢᠤ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠤᠢ᠂ ᠶᠠᠭᠤ ᠴᠦ ᠭᠡᠰᠡᠨ ᠪᠠᠭᠠ ᠶᠢᠨ | ᠮᠢᠨᠢ ᠨᠠᠭᠠᠳᠤᠮ ᠪᠠᠯᠠᠷᠠᠭᠠ ᠦᠭᠡᠢ ᠪᠠᠶᠢᠭᠠ ᠨᠢ ᠠᠵᠠ ᠶᠤᠮ᠃ | ᠪᠢ ᠴᠢᠮᠡᠭ ᠤᠨ ᠭᠡᠷ ︽ᠭᠡᠷ︾ ᠲᠤ ᠤᠷᠤᠵᠤ ᠬᠤᠶᠢᠮᠤᠷ ᠲᠤ ᠨᠢ ᠵᠠᠪᠢᠯᠠᠨ ᠰᠠᠭᠤᠯᠠ᠃ ᠨᠢᠭᠡᠨ ᠴᠠᠭ ᠲᠤ | ᠣᠯᠠᠨ ᠡᠮᠨᠢᠭ ᠰᠤᠷᠭᠠᠵᠤ ᠤᠨᠤᠭᠠ ᠲᠠᠢ ᠶᠠᠪᠤᠭᠤᠯᠤᠨᠠ ᠭᠡᠵᠦ ᠠᠮᠠᠯᠠᠵᠤ ᠰᠠᠭᠤᠭᠰᠠᠨ ᠢᠶᠠᠨ ᠡᠷᠭᠢᠨ ᠰᠠᠨᠠᠪᠠ᠃ | | ᠴᠠᠭ ᠤᠨ ᠤᠷᠤᠰᠬᠠᠯ ᠨᠡᠶᠢᠭᠡᠮ ᠤᠨ ᠬᠤᠪᠢᠷᠠᠯᠲᠠ ᠶᠢ ᠳᠠᠭᠠᠭᠠᠳ ᠬᠡᠦᠬᠡᠳ ᠪᠠᠭᠠᠴᠤᠤᠳ ᠤᠨ ᠨᠠᠭᠠᠳᠴᠤ | ᠲᠤᠭᠯᠠᠬᠤ ᠨᠠᠭᠠᠳᠣᠮ ᠲᠤᠭᠯᠠᠭᠠᠮ ᠨᠢ ᠴᠦ ᠦᠭᠡᠷᠡ ᠦᠭᠡᠷᠡ ᠪᠠᠶᠢᠬᠤ ᠶᠤᠮ᠃ ᠤᠳᠤ ᠶᠢᠨ ᠬᠡᠦᠬᠡᠳ ᠲᠤᠮᠤ ᠵᠢᠵᠢᠭ | ᠲᠠᠭᠤ ᠲᠠᠢ ᠲᠠᠭᠤ ᠦᠭᠡᠢ ᠲᠡᠷᠭᠡ ᠮᠤᠲ᠋ᠤᠷ ᠢᠶᠠᠷ ᠲᠤᠭᠯᠠᠵᠤ ᠪᠠᠶᠢᠬᠤ ᠳᠤ ᠪᠢᠳᠠᠨ ᠤ ᠪᠠᠭᠠ ᠳᠤ ᠤᠷᠲᠤ ᠤᠬᠤᠷ | ᠰᠢᠯᠪᠢᠭᠦᠷ ᠰᠤᠬᠠᠢ ᠵᠠᠶᠢᠳᠠᠯᠠᠨ ᠳᠠᠪᠬᠢᠯᠳᠤᠵᠤ ᠪᠠᠶᠢᠯᠠ᠃ | ᠠᠬᠠᠮᠠᠳ ᠨᠠᠰᠤᠳᠠᠳ ᠦᠷᠯᠦᠭᠡ ᠳᠤ ᠪᠠᠨ ᠬᠤᠯᠠ ᠤᠶᠢᠷᠠ ᠶᠢᠨ ᠰᠤᠨᠢᠨ ᠢ ᠬᠠᠭᠤᠴᠢᠯᠠᠨ ᠲᠠᠶᠢᠪᠤᠩ | ᠴᠠᠶᠢᠯᠠᠨᠠ᠃ ᠪᠠᠭᠠᠴᠤᠤᠯ ᠪᠢᠳᠠᠨ ᠳᠤ ᠬᠦᠭᠰᠢᠴᠤᠤᠯ ᠤᠨ ᠠᠮᠠ ᠴᠢᠩᠨᠠᠵᠤ ᠰᠠᠭᠤᠬᠤ ᠴᠢᠯᠦᠭᠡ ᠬᠠᠮᠢᠭᠠ ᠪᠠᠶᠢᠬᠤᠪ᠂ | ᠪᠤᠰᠤᠭᠠ ᠰᠠᠭᠤᠭᠠ ᠶᠢᠨ ᠲᠤᠮᠳᠠ ᠠᠶᠢᠷᠠᠭ ᠬᠤᠭᠤᠷᠮᠠᠭ ᠤᠤᠭᠤᠬᠤ ᠶᠤᠮ ᠤᠤ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠪᠠᠷᠢᠭᠠᠳ ᠮᠠᠯ | ᠤᠨ ᠬᠤᠶᠢᠨᠠ ᠠᠴᠠ ᠭᠦᠶᠦᠬᠦ ᠶᠤᠮ ᠤᠤ᠂ ᠲᠦᠯᠡᠭᠡ ᠮᠤᠳᠤ ᠴᠦᠮᠦᠬᠦ᠂ ᠠᠷᠭᠠᠯ ᠬᠤᠷᠭᠤᠯ ᠬᠠᠮᠤᠬᠤ᠂ ᠮᠣᠷᠢ ᠮᠠᠯ | ᠪᠠᠷᠢᠬᠤ ᠁ ᠮᠡᠳᠤ ᠶᠢᠨ ᠬᠢᠷᠢ ᠬᠢᠷᠢ ᠳᠤ ᠪᠠᠨ ᠲᠤᠬᠢᠷᠠᠭᠰᠠᠨ ᠠᠵᠢᠯ ᠳᠤ ᠪᠠᠨ ᠬᠦᠶᠦᠯᠴᠡᠨᠠ᠃ | ᠦᠷᠯᠦᠭᠡ ᠶᠢᠨ ᠴᠠᠢ ᠳᠡᠭᠡᠷᠠ ᠨᠠᠷᠢᠨ ᠬᠡᠭᠡᠷ ᠢ ᠪᠠᠷᠢᠬᠤ ᠡᠭᠦᠷᠭᠡ ᠨᠠᠳᠠ ᠤᠨᠤᠭᠳᠠᠪᠠ᠃ ᠨᠠᠷᠢᠨ ᠬᠡᠭᠡᠷ | ᠪᠠᠷᠢᠭᠠᠵᠢᠭᠠ ᠪᠠᠷ ᠴᠢᠳᠦᠷ ᠲᠤ ᠲᠤᠭᠲᠠᠳᠠᠭ ᠦᠭᠡᠢ᠂ ᠪᠤᠷᠤᠭᠤ ᠬᠤᠶᠢᠰᠢᠯᠠᠬᠤ ᠶᠤᠮ ᠤᠤ᠂ ᠪᠤᠷᠪᠢᠴᠢᠯᠠᠭᠰᠠᠨ ᠴᠦ | ᠢᠵᠢᠯᠢ ᠳᠤ ᠪᠠᠨ ᠬᠦᠷᠴᠦ ᠠᠮᠠᠷᠠᠨᠠ᠃ ᠬᠠᠷᠢᠨ ᠬᠡᠳᠤ ᠬᠤᠨᠤᠪᠠᠯ ᠴᠢᠳᠦᠷᠰᠢᠵᠦ ᠶᠠᠪᠤᠬᠤ ᠪᠠᠨ ᠪᠤᠯᠢᠨᠠ᠃ | ᠪᠢ ᠮᠤᠷᠢ ᠤᠨᠤᠬᠤ ᠬᠠᠴᠢᠨ ᠲᠤᠷᠠᠲᠠᠢ ᠬᠡᠦᠬᠡᠳ ᠪᠠᠶᠢᠭᠰᠠᠨ ᠶᠤᠮ᠃ ᠶᠡᠷᠦ ᠨᠢ ᠮᠤᠷᠢᠨ ᠳᠤ ᠲᠤᠷᠠ ᠦᠭᠡᠢ | ᠬᠡᠦᠬᠡᠳ ᠪᠠᠶᠢᠭᠠ ᠦᠭᠡᠢ᠃ ᠵᠡᠭᠦᠨ ᠪᠠᠷᠠᠭᠤᠨ ᠠᠶᠢᠯ ᠤᠨ ᠬᠡᠦᠬᠡᠳ ᠤᠳ ᠳᠠᠭᠠ ᠵᠠᠶᠢᠳᠠᠯᠠᠭᠠᠳ ᠶᠠᠪᠤᠵᠤ ᠪᠠᠶᠢᠬᠤ | ᠨᠢ ᠴᠦ ᠰᠠᠶᠢᠬᠠᠨ ᠬᠠᠷᠠᠭᠳᠠᠨᠠ᠃ ᠨᠠᠷᠢᠨ ᠬᠡᠬᠡᠷ ᠢ ᠥᠴᠦᠭᠡᠳᠦᠷ ᠰᠠᠶ᠋ᠢ ᠪᠠᠷᠢᠭᠰᠠᠨ ᠶᠤᠮ᠃ ᠢᠵᠢᠯᠢ ᠳᠤ ᠪᠠᠨ | ᠬᠦᠷᠬᠦ ᠠᠴᠠ ᠨᠢ ᠡᠮᠦᠨᠡ ᠬᠦᠢᠴᠡᠨᠡ ᠭᠡᠵᠦ ᠰᠠᠨᠠᠯᠲᠠ ᠦᠭᠡᠢ ᠭᠡᠵᠦ ᠪᠤᠳᠤᠨ ᠬᠤᠶᠠᠷ ᠭᠦᠪᠡᠭᠡ ᠲᠠᠪᠠᠲᠠᠯᠠ ᠴᠠᠭᠠᠳᠤ | ᠲᠤᠤᠷᠠ ᠨᠢ ᠢᠵᠢᠯᠢ ᠲᠠᠢ ᠪᠠᠨ ᠬᠠᠮᠳᠤ ᠪᠠᠶᠢᠨᠠ᠃ ᠦᠴᠦᠭᠡᠳᠦᠷ ᠠᠳᠤᠭᠤ ᠤᠰᠤᠨ ᠳᠡᠭᠡᠷᠡ ᠤᠳᠠᠭᠠᠨ | ᠵᠤᠭᠰᠤᠭᠰᠠᠨ ᠠᠴᠠ ᠬᠤᠯᠠᠳᠠᠭᠰᠠᠨ ᠦᠭᠡᠢ ᠤᠶᠢᠷᠠ ᠬᠤᠨᠤᠵᠠᠢ᠃ ᠨᠠᠷᠢᠨ ᠬᠡᠬᠡᠷ ᠢ ᠡᠶᠢᠮᠤ ᠤᠶᠢᠷᠠᠬᠠᠨ ᠪᠠᠶᠢᠬᠤ ᠶᠤᠮ | ᠭᠡᠵᠦ ᠰᠠᠨᠠᠭᠰᠠᠨ ᠦᠭᠡᠢ ᠪᠢ ᠪᠠᠶᠠᠷᠯᠠᠨ ᠨᠠᠷᠠ ᠶᠢ ᠬᠠᠷᠠᠪᠠ᠃ ᠦᠳᠡ ᠪᠤᠯᠬᠤ ᠶᠠᠭᠠᠬᠢᠭᠠ ᠴᠦ ᠦᠭᠡᠢ ᠪᠠᠶᠢᠨᠠ᠃ ︽ | ᠨᠠᠷᠢᠨ ᠬᠡᠬᠡᠷ ᠤᠨ ᠴᠢᠳᠦᠷ ᠲᠤ ᠭᠤᠯᠭᠤᠮᠠᠳᠠᠭᠠᠢ ᠶᠢ ᠶᠠᠮᠠᠷ ᠮᠡᠳᠡᠬᠦ ᠦᠭᠡᠢ ᠶᠤᠮ ᠪᠢᠰᠢ᠂ ᠶᠡᠬᠡᠴᠦᠦᠯ ᠨᠠᠳᠠ ᠶᠢ | ᠨᠠᠷᠢᠨ ᠬᠡᠬᠡᠷ ᠤᠨ ᠮᠦᠷ ᠢ ᠱᠠᠭᠠᠶᠢᠭᠠᠳ ᠦᠴᠦᠭᠡᠨᠡᠵᠦ ᠶᠠᠪᠤᠭᠠ ᠭᠡᠵᠦ ᠪᠤᠳᠤᠨᠠ ᠪᠠᠶᠢᠬᠤ ᠡ︾ ᠭᠡᠵᠦ ᠪᠤᠳᠤᠨ | ᠡᠰᠢ ᠲᠡᠰᠢ ᠬᠠᠷᠠᠪᠠ᠃ ᠴᠢᠮᠡᠭ ᠤᠨ ᠮᠠᠯ ᠡᠮᠦᠨᠡ ᠬᠤᠭᠤᠯᠠᠢ ᠳᠤ ᠴᠠᠶᠢᠯᠵᠠᠨᠠ᠃ ᠴᠢᠮᠡᠭ ᠴᠦ ᠬᠦᠬᠡ ᠲᠡᠭᠡᠯᠢ | ᠭᠡᠳᠡᠭ ᠵᠢᠭᠠᠬᠠᠨ ᠪᠤᠷᠤ ᠲᠤᠯᠤᠭᠠᠢ ᠶᠢᠨ ᠵᠡᠭᠦᠨ ᠡᠩᠭᠡᠷ ᠲᠤ ᠨᠠᠭᠠᠳᠤᠮ ᠤᠨ ᠭᠡᠷ ᠲᠤ ᠪᠠᠨ ᠲᠤᠭᠯᠠᠵᠤ ᠰᠠᠭᠤᠭᠠ ᠯᠠ | ᠳ᠋ᠠ᠃ ᠶᠡᠷᠦ ᠨᠢ ᠲᠡᠭᠦᠨ ᠳᠤ ᠮᠤᠷᠢ ᠤᠨᠤᠵᠤ ᠶᠠᠪᠤᠭᠠ ᠪᠠᠨ ᠬᠠᠷᠠᠭᠤᠯᠤᠶᠠ ᠪᠠᠶᠢᠵᠠ ᠭᠡᠵᠦ ᠪᠤᠳᠤᠨ ᠨᠠᠷᠢᠨ ᠬᠡᠭᠡᠷ | ᠤᠨ ᠢᠶᠠᠨ ᠴᠢᠳᠦᠷ ᠢ ᠨᠢ ᠠᠪᠤᠨ ᠠᠯᠠᠪᠬᠢᠨ ᠮᠤᠷᠳᠠᠪᠠ᠃ ᠰᠡᠪᠡᠯᠵᠡᠳᠡᠯᠡ ᠰᠠᠶᠢᠬᠠᠨ ᠠᠯᠬᠤᠯᠠᠨᠠ᠂ ᠠᠮᠠ ᠶᠢ ᠨᠢ | ᠲᠠᠲᠠᠰᠬᠢᠨ ᠴᠤᠯᠪᠤᠭᠤᠷ ᠢᠶᠠᠷ ᠢᠶᠠᠨ ᠬᠡᠢ ᠭᠤᠶᠠᠳᠠᠬᠤ ᠲᠦᠷᠢ ᠦᠵᠡᠭᠦᠯᠬᠦ ᠳᠤ ᠰᠡᠮᠪᠡᠯᠵᠡᠲᠡᠯᠡ ᠰᠠᠶᠢᠪᠤᠷᠯᠠᠪᠠ᠃ | ᠡᠪᠦᠳᠦᠭ ᠢᠶᠠᠷ ᠢᠶᠠᠨ ᠬᠠᠪᠴᠢᠨ ᠦᠨᠳᠡᠰᠬᠢᠳᠡᠯᠡ ᠵᠢᠷᠡᠶᠢᠳᠡᠯᠡ ᠬᠠᠳᠠᠷᠢᠯᠠ᠃ ᠬᠤᠨᠢᠨ ᠤ ᠬᠡᠦᠬᠡᠳ ᠤᠨ ᠤᠨᠤᠭᠠ ᠭᠡᠬᠦ | ᠪᠠᠷ ᠦᠭᠡᠢ ᠬᠦᠯ ᠬᠦᠩᠭᠡᠨ ᠮᠤᠷᠢ ᠯᠠ ᠳ᠋ᠠ᠃ ᠴᠢᠮᠡᠭ ᠠᠶᠢᠬᠤᠪᠳᠤᠷ ᠠᠮᠠᠨᠴᠢᠷ᠂ ᠠᠶᠠᠭᠦᠢ ᠪᠤᠯ ︽ᠵᠠ᠂ ᠴᠢ ᠴᠢᠨᠢ | ᠭᠠᠮᠢᠩ ᠳᠤ ᠬᠦᠭᠡᠭᠡᠭᠳᠡᠵᠦ ᠶᠠᠪᠤᠭᠠ ᠶᠤᠮ ᠤᠤ᠂ ᠠᠯᠢ ᠡᠰᠡᠬᠦᠯᠡ ᠴᠠᠭᠠᠨ ᠮᠠᠯᠠᠭᠠᠶᠢᠲᠣ ᠳᠤ ᠲᠠᠭᠤᠭᠳᠠᠵᠦ ᠶᠠᠪᠤᠭᠠ | ᠶᠤᠮ ᠤᠤ︖︾ ᠭᠡᠴᠢᠬᠡᠭᠰᠡᠨ ᠵᠤᠭᠰᠤᠵᠤ ᠪᠠᠶᠢᠬᠤ ᠪᠠᠨ ᠶᠠᠳᠠᠬᠤ ᠦᠭᠡᠢ ᠭᠡᠳ ᠮᠤᠷᠢᠨ ᠤ ᠪᠠᠨ ᠠᠮᠠ ᠶᠢ ᠲᠠᠲᠠᠯᠠ᠃ | | ᠴᠢᠮᠡᠭ ᠤᠨ ᠬᠤᠨᠢ ᠵᠤᠯᠠᠭᠰᠠᠨ ᠨᠤᠤᠰᠤ ᠰᠢᠭ᠋ ᠨᠠᠯᠠᠶᠢᠨᠠ᠃ ᠴᠢᠮᠡᠭ ᠴᠢᠯᠠᠭᠤ ᠲᠤᠭᠤᠶᠢᠯᠠᠭᠰᠠᠨ ᠭᠡᠷ ᠲᠤ | ᠪᠠᠨ ᠤᠷᠤᠵᠤ ᠭᠠᠷᠤᠨᠠ᠃ ᠪᠢ ᠬᠤᠶᠠᠷ ᠪᠤᠲᠠᠨ ᠤ ᠳᠤᠮᠳᠠ ᠠᠷᠤᠭ ᠤᠨ ᠤᠭᠤᠰᠤᠷ ᠢᠶᠠᠷ ᠲᠠᠳᠠᠭᠰᠠᠨ ᠵᠡᠯᠡᠨ ᠤ | ᠬᠢᠨᠢ ᠬᠠᠵᠠᠭᠤ ᠳᠤ ᠪᠠᠭᠤᠯᠠ᠃ ᠴᠢᠮᠡᠭ ᠬᠤᠶᠠᠷ ᠬᠡᠭᠡᠷ ᠮᠤᠷᠢ ︵ᠰᠤᠷ ᠤᠭᠤᠰᠤᠷ ᠲᠠᠢ ᠰᠤᠬᠠᠢ ᠰᠢᠯᠪᠢᠭᠦᠷ︶ ᠪᠠᠨ | ᠵᠡᠯᠡᠨ ᠠᠴᠠ ᠪᠠᠨ ᠤᠶᠠᠵᠠᠢ᠃ ᠬᠤᠨᠢᠨ ᠤ ᠵᠠᠬᠠ ᠳᠤ ᠰᠤᠯᠠ ᠲᠠᠯᠪᠢᠭᠠᠳ ᠰᠤᠷᠴᠢᠬᠠᠭᠰᠠᠨ ᠨᠠᠷᠢᠨ ᠬᠡᠬᠡᠷ ᠤᠨ ᠢᠶᠠᠨ | ᠴᠤᠯᠪᠤᠭᠤᠷ ᠢ ᠨᠢ ᠨᠤᠭᠤᠯᠤᠨ ᠨᠢᠷᠤᠭᠤᠨ ᠳᠡᠭᠡᠭᠦᠷ ᠨᠢ ᠲᠤᠬᠤᠴᠢᠬᠠᠭᠠᠳ ︽ᠬᠤᠨᠢ ᠲᠤᠭᠲᠠᠭᠤᠷᠢ ᠲᠠᠢ ᠤᠤ︖︾ | ᠭᠡᠳ ᠤᠷᠤᠲᠠᠯᠠ ︽ᠰᠢᠪᠠᠭᠤ ᠪᠠᠶᠢᠨᠠᠤ︖ ᠲᠤᠭᠤᠨᠤ ᠪᠠᠷ ᠤᠷᠤᠵᠤ ᠪᠠᠶᠢᠬᠤ ᠁︾ ᠭᠡᠯᠡ᠃ ᠪᠢ ᠴᠢᠯᠠᠭᠤᠨ | ᠭᠡᠷ ᠳᠡᠭᠡᠭᠦᠷ ᠨᠢ ᠠᠯᠬᠤᠨ ᠤᠷᠤᠵᠤ ᠯᠠ ᠳ᠋ᠠ᠃ ᠪᠤᠴᠠᠨ ᠭᠠᠷᠴᠤ ᠡᠭᠦᠳᠡ ᠪᠠᠷ ᠨᠢ ᠤᠷᠤᠪᠠ᠃ | ︽ᠴᠠᠢ ᠵᠤᠭᠤᠭᠯᠠ︕︾ ᠭᠡᠳ ᠬᠠᠪᠲᠠᠭᠠᠢ ᠴᠢᠯᠠᠭᠤᠨ ᠳᠡᠭᠡᠷᠡ ᠵᠢᠵᠢᠭ ᠴᠠᠭᠠᠨ ᠴᠢᠯᠠᠭᠤ ᠤᠪᠤᠭᠠᠯᠠᠨ | ᠪᠠᠷᠢᠯᠠ᠃ ᠪᠢ ᠲᠤᠰᠴᠤ ᠠᠪᠤᠭᠠᠳ ᠣᠭᠤᠴᠢᠭᠰᠠᠨ ᠪᠤᠯᠵᠤ ᠡᠮᠦᠨᠡ ᠪᠠᠨ ᠲᠠᠯᠪᠢᠪᠠ᠃ ᠤᠯᠠᠨ ᠬᠠᠪᠲᠠᠭᠠᠢ | ᠴᠢᠯᠠᠭᠤᠨ ᠳᠡᠭᠡᠷᠡ ᠲᠠᠭᠠᠨᠠ ᠶᠢᠨ ᠤᠷᠤᠢ᠂ ᠪᠠᠵᠢᠭᠤᠨᠠ ᠶᠢᠨ ᠨᠠᠪᠴᠢ᠂ ᠬᠤᠶᠢᠷᠠᠭ ᠤᠨ ᠪᠤᠶᠢᠳᠤᠭ ᠁ ᠵᠡᠷᠭᠡ | ᠶᠢ ᠤᠪᠤᠭᠠᠯᠠᠨ ︽ᠠᠭᠠᠷᠤᠤᠯ᠂ ᠬᠤᠷᠤᠳ᠂ ᠰᠢᠷᠠ ᠲᠣᠰᠤ ᠁ ︾ ᠭᠡᠮᠡᠨ ᠨᠡᠷᠡᠯᠡᠵᠦ ᠡᠮᠦᠨᠡ ᠮᠢᠨᠢ ᠦᠷᠦᠯᠡ᠃ | ︽ᠶᠠᠭᠠᠬᠢᠭᠰᠠᠨ ᠠᠷᠪᠢᠨ ᠬᠢᠴᠡ ᠪᠤᠢ︖︾ ᠭᠡᠰᠡᠨ ᠳᠤ᠄ | — ᠮᠢᠨᠤ ᠡᠵᠢ ︽ᠡᠮᠡᠭᠲᠠᠢ ᠬᠦᠮᠦᠨ ᠴᠠᠢ ᠤᠮᠳᠠ ᠮᠠᠭᠤ ᠪᠤᠯ ᠠᠶᠢᠯ ᠭᠡᠷ ᠤᠨ ᠰᠦᠷ ᠰᠦᠯᠳᠡ ᠳᠠᠷᠤᠭᠳᠠᠵᠤ | ᠂ ᠠᠮᠢᠳᠠᠨ ᠬᠦᠮᠦᠨ ︿ᠭᠡᠷ ᠲᠤ ᠪᠠᠨ ᠬᠠᠪᠤᠷ᠂ ᠠᠶᠢᠯ ᠳᠤ ᠨᠠᠮᠤᠷ﹀ ᠭᠡᠯᠴᠡᠳᠡᠭ︾ ᠭᠡᠰᠡᠨ | — ᠲᠡᠭᠡᠪᠡᠯ ᠲᠠᠨ ᠤ ᠬᠢ ᠭᠡᠵᠦ ᠤᠮᠳᠠ ᠰᠠᠶᠢᠲᠠᠢ ᠠᠶᠢᠯ ᠭᠠᠷᠬᠤ ᠨᠢ ᠳ᠋ᠠ︕ | — ᠨᠠᠷᠢᠨ ᠬᠡᠭᠡᠷ ᠴᠢᠨᠢ ᠶᠠᠮᠠᠷ ᠰᠠᠶᠢᠬᠠᠨ ᠲᠠᠷᠭᠤᠯᠠᠭᠰᠠᠨ ᠶᠤᠮ︖ | — ᠤᠨᠤᠵᠤ ᠦᠵᠡᠯ ᠳ᠋ᠡ︕ | — ᠲᠡᠭᠡᠶᠡ︕ ᠭᠡᠳ ︽ᠭᠡᠷ︾ ᠳᠡᠭᠡᠭᠦᠷ ᠢᠶᠠᠨ ᠠᠯᠬᠤᠬᠤ ᠳᠤ ᠨᠢ ︽ᠵᠢᠭᠦᠷ ᠤᠷᠭᠤᠴᠢᠬᠠᠪᠠ ᠤᠤ︖︾ | ᠭᠡᠰᠡᠨ ᠳᠤ ᠬᠡᠯᠡ ᠪᠠᠨ ᠪᠣᠯᠲᠠᠰ ᠬᠢᠯᠭᠡᠨ ᠪᠤᠴᠠᠨ ᠣᠷᠤᠵᠤ ᠡᠭᠦᠳᠡ ᠪᠠᠷ ᠢᠶᠠᠨ ᠭᠠᠷᠤᠯᠠ᠃ | ᠨᠠᠷᠢᠨ ᠬᠡᠭᠡᠷ ᠢ ᠲᠡᠷᠡᠰᠤᠨ ᠤ ᠬᠠᠵᠠᠭᠤ ᠳᠤ ᠵᠤᠭᠰᠤᠭᠠᠨ ᠴᠢᠮᠡᠭ ᠢ ᠮᠤᠷᠳᠠᠭᠤᠯᠪᠠ᠃ ᠲᠡᠷᠡ ᠵᠡᠭᠦᠨ ᠤᠬᠠᠭᠠ | ᠦᠭᠡᠳᠡ ᠦᠭᠰᠦᠬᠦ ᠳᠤ ᠨᠢ ︽ᠪᠢᠳᠡᠭᠡᠢ ᠤᠷᠤᠢ ᠳᠡᠭᠡᠷᠡ ᠭᠠᠷ︕ ᠠᠪᠤ ᠡᠵᠢ ᠬᠠᠷᠠᠴᠢᠬᠠᠨᠠ︾ ᠭᠡᠵᠦ ᠠᠷᠤ ᠠᠴᠠ | ᠨᠢ ᠬᠠᠰᠬᠢᠷᠪᠠ᠃ ︽ᠮᠤᠷᠢ ᠤᠨᠤᠬᠤ ᠦᠨᠡᠬᠡᠷ ᠰᠠᠶᠢᠬᠠᠨ᠂ ᠬᠡᠵᠢᠶᠡ ᠦᠪᠡᠷ ᠤᠨ ᠭᠡᠰᠡᠨ ᠮᠤᠷᠢ ᠲᠠᠢ ᠪᠤᠯᠳᠠᠭ ᠪᠤᠯ︕ | ︾ ᠭᠡᠳ ᠪᠠᠭᠤᠬᠤ ᠳᠤ ᠨᠢ ︽ᠪᠢ ᠶᠡᠭᠡ ᠪᠤᠯᠤᠭᠠᠳ ᠴᠢᠮᠠ ᠳᠤ ᠤᠯᠠᠨ ᠡᠮᠨᠢᠭ ᠰᠤᠷᠭᠠᠵᠤ ᠦᠭᠭᠦᠨᠠ︕︾ | ᠭᠡᠵᠦ ᠠᠮᠠᠯᠠᠪᠠ᠃ ᠲᠡᠷᠡ ᠴᠦ ︽ᠪᠢ ᠰᠠᠶᠢᠬᠠᠨ ᠴᠠᠢ ᠴᠢᠨᠠᠭᠠᠳ ᠬᠦᠯᠢᠶᠡᠵᠦ ᠰᠠᠭᠤᠨᠠ︾ ᠭᠡᠵᠦ ᠪᠢᠯᠡ᠃ | ᠥᠨᠦ ᠡᠮᠨᠢᠭᠴᠢᠨ ᠬᠠᠷᠠ ᠬᠦᠦ ᠨᠢ ᠮᠤᠲ᠋ᠤᠷᠴᠢᠨ ᠪᠤᠯᠴᠢᠬᠠᠭᠠᠳ ᠵᠠᠮ ᠤᠨ ᠲᠤᠮᠳᠠ ᠭᠠᠭ᠋ᠠᠢ ᠶᠠᠪᠠᠭᠠᠷᠠᠨ | ᠲᠡᠨᠦᠵᠦ ᠶᠠᠪᠤᠭᠠ ᠪᠠᠨ ᠪᠤᠳᠤᠬᠤ ᠠᠴᠠ ᠪᠤᠴᠠᠭᠠᠳ ᠠᠯᠬᠤᠴᠢᠬᠠᠮᠠᠷ ᠰᠠᠨᠠᠭᠳᠠᠨᠠ᠃ | ︽ᠦᠨᠦᠳᠦᠷ ᠤᠨ ᠰᠠᠯᠬᠢ ᠬᠠᠮᠢᠭᠠ ᠠᠴᠠ ᠪᠠᠶᠢᠨᠠ ᠪᠤᠢ︕ ᠢᠷᠡᠳᠡᠭ ᠦᠭᠡᠢ ᠬᠦᠮᠦᠨ ᠢᠷᠡᠵᠦ ᠪᠠᠶᠢᠬᠤ | ᠴᠢᠨᠢ ᠁︾ ᠭᠡᠳ ᠴᠠᠢ ᠠᠶᠠᠭᠠᠯᠠᠪᠠ᠃ ᠭᠤᠯᠢᠷ ᠬᠤᠯᠢᠭᠰᠠᠨ ᠠᠭᠠᠷᠤᠤᠯ᠂ ᠭᠠᠭ᠋ᠠᠢ ᠶᠢᠨ ᠲᠣᠰᠤ ᠬᠤᠯᠢᠭᠰᠠᠨ | ᠰᠢᠷᠡ ᠲᠤᠰᠣ᠂ ᠤᠰᠤ ᠲᠤᠨᠤᠭᠰᠠᠨ ᠠᠶᠢᠷᠠᠭ ᠠᠴᠠ ᠥᠭᠰᠦᠭᠦᠯᠦᠨ ᠶᠠᠭᠤᠮᠠ ᠶᠠᠭᠤᠮᠠᠨ ᠠᠴᠠ ᠰᠢᠷᠡᠭᠡ ᠳᠦᠭᠦᠷᠡᠩ | ᠦᠷᠦᠭᠰᠡᠨ ᠴᠦ ᠵᠢᠩᠬᠢᠨᠢ ᠰᠠᠭᠠᠯᠢ ᠰᠦ ᠶᠢᠨ ᠵᠦᠢᠯ ᠠᠯᠠᠭᠠ᠃ ︽ᠴᠢ ᠴᠦ ᠬᠤᠲᠠ ᠪᠠᠯᠭᠠᠰᠤᠨ ᠤ ᠪᠢᠳᠠᠨ ᠲᠠᠢ | ᠪᠠᠨ ᠠᠳᠠᠯᠢ ᠬᠤᠳᠠᠯᠳᠤᠭᠠ ᠬᠤᠷᠤᠳ ᠠᠭᠠᠷᠤᠤᠯ ᠢᠳᠡᠳᠡᠭ ᠪᠤᠯᠤᠭᠰᠠᠨ ᠤᠤ︖︾ ᠭᠡᠰᠡᠨ ᠳᠤ ︽ᠪᠡᠯᠴᠢᠭᠡᠷ ᠢᠶᠠᠨ | ᠪᠢᠳᠡᠭᠦᠮᠵᠢᠯᠡᠭᠦᠯᠵᠦ ᠮᠠᠯ ᠢᠶᠠᠨ ᠪᠠᠷᠠᠭᠰᠠᠨ ᠪᠢᠳᠠ ᠨᠤᠬᠠᠢ ᠪᠠᠨ ᠰᠠᠭᠠᠬᠤ ᠦᠭᠡᠢ ᠶᠤᠮ ᠪᠤᠯ ᠶᠠᠭᠤ ᠪᠠᠷ ᠢᠶᠠᠨ | ᠰᠠᠭᠠᠯᠢᠯᠠᠳᠠᠭ ᠶᠤᠮ⁈︾ ᠭᠡᠯᠡ᠃ ᠦᠨᠡᠬᠡᠷ ᠴᠦ ᠲᠡᠶᠢᠮᠦ ᠳ᠋ᠡ︕ | ᠬᠦᠯᠳᠡᠭᠡᠭᠦᠷ᠂ ᠲᠧᠯᠸᠢᠰ᠂ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠮᠠᠰᠢᠨ ᠁ ᠵᠡᠷᠭᠡ ᠶᠢ ᠡᠪᠲᠡᠢ ᠰᠠᠶᠢᠬᠠᠨ | ᠪᠠᠶᠢᠷᠢᠰᠢᠭᠤᠯᠤᠭᠰᠠᠨ ᠰᠢᠨᠡ ᠴᠠᠭ ᠤᠨ ᠲᠤᠬᠢᠯᠢᠭ ᠠᠶᠢᠯ ᠪᠠᠶᠢᠨᠠ᠃ ᠭᠠᠳᠠᠨᠠ ᠨᠢ ᠭᠤᠷᠪᠠᠨ ᠵᠠᠭᠤᠨ ᠸᠠᠲ ᠤᠨ | ᠴᠠᠬᠢᠯᠭᠠᠨ ᠰᠡᠩᠰᠠ ᠵᠢᠭᠦᠷ ᠢᠶᠠᠨ ᠬᠤᠭᠤᠯᠠᠭᠤᠯᠤᠭᠰᠠᠨ ᠡᠯᠢᠶᠡ ᠰᠢᠭ ᠲᠡᠯᠪᠡᠭᠡᠨᠡᠨᠡ᠃ ᠲᠠᠯᠠ ᠪᠠᠷ ᠲᠦᠭᠦᠷᠡᠩ | ᠬᠠᠨᠠᠷᠠᠭᠰᠠᠨ ᠲᠡᠳᠡᠭᠡᠷ ᠰᠡᠩᠰᠠ ᠶᠢᠨ ᠲᠡᠷᠭᠡᠳᠡ ᠵᠠᠭᠪᠤᠷ ᠨᠢ ᠶᠤᠮ ᠰᠢᠭ᠋ ᠵᠢᠵᠢᠭᠬᠡᠨ ᠬᠠᠷᠠᠭᠳᠠᠨᠠ᠃ ᠴᠢᠮᠡᠭ ᠡᠨᠡ | ᠰᠡᠩᠰᠠᠨ ᠳᠤ ᠪᠠᠨ ᠲᠦᠰᠢᠭᠯᠡᠵᠦ ᠴᠠᠬᠢᠯᠭᠠᠨ ᠬᠡᠷᠡᠭᠰᠡᠯ ᠤᠳ ᠢᠶᠠᠨ ᠬᠦᠳᠡᠯᠭᠡᠳᠡᠭ ᠭᠡᠨᠡ᠃ ᠲᠤᠮᠤ ᠬᠡᠯᠪᠡᠷᠢ ᠶᠢᠨ | ᠴᠠᠬᠢᠯᠭᠠᠨ ᠰᠡᠩᠰᠠ ᠰᠦᠷ ᠪᠠᠷᠠ ᠲᠠᠢ ᠡᠷᠭᠢᠯᠳᠦᠨ ᠮᠤᠨᠳᠠᠭ ᠶᠡᠭᠡ ᠴᠠᠬᠢᠯᠭᠠᠨ ᠬᠤᠷᠢᠶᠠᠵᠤ ᠪᠠᠶᠢᠭᠠ ᠴᠦ ᠲᠤᠬᠠᠢ ᠶᠢᠨ | ᠭᠠᠵᠠᠷ ᠤᠨ ᠨᠤᠳᠤᠭ ᠤᠨ ᠬᠦᠮᠦᠰ ᠠᠰᠢᠭ ᠢ ᠨᠢ ᠤᠯᠵᠤ ᠬᠦᠷᠳᠡᠭᠡ ᠦᠭᠡᠢ ᠯᠠ ᠶᠤᠮ ᠪᠠᠶᠢᠨᠠ ᠳ᠋ᠠ᠃ ᠨᠤᠳᠤᠭ ᠢ | ᠨᠢ ᠡᠵᠡᠯᠡᠵᠦ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢ ᠨᠢ ᠵᠤᠭᠰᠤᠭᠠᠨ ᠬᠦᠷᠦᠰᠦ ᠶᠢ ᠨᠢ ᠴᠤᠭᠤᠴᠢᠨ ᠪᠠᠶᠢᠭᠤᠯᠤᠭᠰᠠᠨ ᠡᠨᠡᠬᠦ | ᠴᠠᠬᠢᠯᠭᠠᠨ ᠨᠡᠭᠡᠭᠡᠯᠳᠡ ᠨᠢ ᠲᠤᠰ ᠨᠤᠳᠤᠭ ᠤᠨ ᠮᠠᠯᠴᠢᠳ ᠲᠤ ᠴᠤᠬᠤᠮ ᠶᠠᠮᠠᠷ ᠠᠰᠢᠭ ᠬᠦᠷᠲᠡᠭᠡᠵᠦ ᠪᠠᠶᠢᠭᠠ ᠶᠢ ᠡᠨᠡ | ᠠᠶᠢᠯ ᠤᠨ ᠪᠠᠶᠢᠳᠠᠯ ᠠᠴᠠ ᠶᠠᠭ ᠤᠯᠵᠦ ᠬᠠᠷᠠᠭᠰᠠᠨ ᠦᠭᠡᠢ᠃ | ᠶᠠᠭ ᠯᠠ ︽ᠠᠶᠠᠭᠠ ᠲᠠᠢ ᠴᠠᠢ︾ ᠶᠢ ᠨᠢ ᠲᠤᠰᠤᠭᠠᠳ ᠤᠨᠤᠭᠠ ᠲᠠᠢ ᠪᠤᠯᠭᠠᠨᠠ ᠭᠡᠵᠤ ᠬᠤᠭᠤᠰᠤᠨ | ᠠᠮᠠᠯᠳᠠᠵᠤ ᠪᠠᠶᠢᠭᠰᠠᠨ ᠰᠢᠭ᠋ ᠪᠠᠭᠠ ᠰᠠᠭᠠ ᠵᠤᠭᠤᠰ ᠪᠠᠷᠢᠭᠤᠯᠴᠢᠬᠠᠭᠠᠳ ᠬᠡᠴᠢᠨᠡᠨ ᠦᠶᠡ ᠪᠠᠷ ᠢᠶᠠᠨ ᠬᠡᠷᠡᠭᠯᠡᠵᠦ | ᠬᠦᠢᠴᠡᠬᠦ ᠨᠤᠳᠤᠭ ᠤᠰᠤ ᠶᠢ ᠨᠢ ᠦᠨᠦᠴᠢᠨ ᠢᠰᠢᠭᠡᠨ ᠤ ᠬᠠᠷᠢᠭᠤ ᠦᠭᠡᠢ ᠲᠠᠯᠬᠢᠳᠠᠵᠤ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠯᠠ᠃ | ᠠᠳᠠᠭ ᠨᠢ ᠲᠤᠭᠤᠷᠢᠭᠰᠠᠨ ᠮᠠᠯᠴᠢᠳ ᠲᠤ ᠨᠢ ᠴᠠᠬᠢᠯᠭᠠᠨ ᠬᠠᠩᠭᠠᠳᠠᠭ ᠴᠦ ᠪᠠᠶᠢᠭᠠᠰᠠᠢ︕ ᠵᠠᠶᠢᠳᠠᠯᠠᠭᠰᠠᠨ | ᠮᠣᠲ᠋ᠤᠷ ᠲᠤ ᠪᠠᠨ ᠵᠦᠪ ᠦᠭᠡᠢ ᠪᠢ ᠭᠠᠰᠠᠯᠵᠤ ᠰᠠᠭᠤᠬᠤ ᠠᠴᠠ ᠴᠠᠰᠢ ᠦᠭᠡᠢ᠃ ᠬᠠᠷᠢᠨ ᠡᠷᠭᠡ ᠮᠡᠳᠡᠯ ᠲᠠᠢ ᠨᠢ ︽ | ᠨᠤᠳᠤᠭ ᠤᠰᠤ ᠮᠢᠨᠢ᠂ ᠬᠠᠶᠢᠷᠠᠨ︕︾ ᠭᠡᠵᠦ ᠤᠬᠠᠭᠠᠷᠠᠳᠠᠭ ᠴᠦ ᠪᠣᠯᠤᠭᠠᠰᠠᠢ⁈ | | | ︵ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︶ | | | ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠡ ᠤ ᠰᠤᠨᠢᠠ ᠮᠠᠳᠡᠭᠡ ᠶᠢᠨ ᠰᠦᠯᠵᠢᠶᠠ | |