| | ᠱᠠᠭᠲᠠᠷᠵᠠᠪ ᠤᠨ ᠰᠤᠶᠤᠯᠪᠠᠭᠠᠲᠤᠷ | | | ᠬᠡᠷᠦᠯᠦᠨ ᠭᠤᠤᠯ ᠤᠨ ᠬᠡᠭᠡᠨᠴᠢᠷ ᠬᠡᠦᠬᠡᠨ ᠴᠢᠮᠠᠢᠢ ᠪᠠᠨ | ᠬᠡᠮᠵᠢᠶᠡ ᠦᠬᠡᠢ ᠶᠡᠭᠡ ᠪᠠᠷ ᠬᠠᠶᠢᠷᠠᠯᠠᠵᠤ ᠶᠠᠪᠤᠯᠠ | ᠬᠡᠭᠦᠳᠡᠭ ᠵᠢᠷᠦᠬᠡᠨ ᠤ ᠬᠠᠶᠢᠷᠠ ᠶᠢᠨ ᠲᠠᠭᠤᠤ ᠪᠦᠬᠦᠨ ᠢᠶᠠᠨ | ᠬᠦᠰᠡᠭᠰᠡᠨ ᠶᠤᠰᠤᠭᠠᠷ ᠨᠢ ᠲᠠᠭᠤᠯᠠᠵᠤ ᠶᠠᠪᠤᠯᠠ | ᠬᠡᠷᠦᠯᠦᠨ ᠭᠤᠤᠯ ᠤᠨ ᠬᠦᠭᠡᠷᠦᠬᠦᠨ ᠬᠡᠦᠬᠡᠨ ᠴᠢ | ᠬᠠᠴᠨᠷ ᠲᠡᠭᠡᠷᠡ ᠮᠢᠨᠢ ᠦᠨᠦᠰᠴᠦ ᠠᠪᠤᠭᠰᠠᠨ ᠢᠶᠠᠨ | ᠬᠠᠵᠠᠭᠤ ᠶᠢᠨ ᠬᠦᠮᠦᠰ ᠬᠠᠷᠠᠴᠢᠬᠠᠭᠰᠠᠨ ᠴᠦ ᠪᠤᠯᠪᠠᠤ ᠬᠡᠳ | ᠬᠠᠪᠢ ᠦᠬᠡᠢ ᠶᠡᠭᠡ ᠪᠠᠷ ᠰᠢᠷᠪᠡᠬᠡᠳᠦᠵᠦ ᠪᠠᠶᠢᠯᠠ᠃ | ᠤᠷᠬᠤᠨ ᠭᠤᠤᠯ ᠤᠨ ᠤᠬᠠᠭᠠᠯᠢᠭ ᠬᠡᠦᠬᠡᠨ ᠴᠢᠮᠠ ᠳᠠᠭᠠᠨ | ᠤᠬᠠᠭᠠᠨ ᠦᠬᠡᠢ ᠶᠡᠭᠡ ᠪᠠᠷ ᠲᠤᠷᠠᠯᠠᠵᠤ ᠶᠠᠪᠤᠯᠠ | ᠠᠭᠤᠰᠬᠢ ᠵᠢᠷᠦᠬᠡᠨ ᠤ ᠨᠠᠨᠳᠢᠨ ᠦᠬᠡ ᠪᠦᠬᠦᠨ ᠢᠶᠠᠨ | ᠠᠰᠠᠭᠤᠭᠰᠠᠨ ᠶᠤᠰᠤᠭᠠᠷ ᠨᠢ ᠲᠤᠰᠢᠶᠠᠵᠤ ᠶᠠᠪᠤᠯᠠ | ᠤᠷᠬᠤᠨ ᠭᠤᠤᠯ ᠤᠨ ᠤᠬᠠᠭᠠᠯᠢᠭ ᠬᠡᠤᠬᠡᠨ ᠴᠢ | ᠤᠷᠤᠭᠤᠯ ᠲᠡᠭᠡᠷᠡ ᠮᠢᠨᠢ ᠲᠠᠭᠠᠯᠠᠵᠤ ᠠᠪᠤᠭᠰᠠᠨ ᠢᠶᠠᠨ | ᠦᠶᠡ ᠶᠢᠨ ᠨᠦᠬᠦᠳ ᠮᠢᠨᠢ ᠬᠠᠷᠠᠴᠢᠬᠠᠬᠰᠠᠨ ᠴᠦ ᠪᠤᠯᠪᠠᠤ ᠬᠡᠳ | ᠤᠴᠢᠷ ᠦᠬᠡᠢ ᠶᠡᠭᠡ ᠪᠠᠷ ᠢᠴᠢᠩᠬᠦᠷᠡᠵᠤ ᠪᠠᠶᠢᠯᠠ᠃ | ᠪᠠᠶᠠᠨ ᠪᠠᠷᠭᠤ ᠶᠢᠨ ᠭᠤᠪᠤᠷᠬᠠᠨ ᠬᠡᠦᠬᠡᠨ ᠴᠢᠮᠠᠢᠢ ᠪᠠᠨ | ᠪᠡᠶᠡ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠲᠤᠷᠠᠯᠠᠵᠤ ᠶᠠᠪᠤᠯᠠ | ᠪᠤᠯᠪᠠᠷᠠᠢ ᠬᠦᠭᠡᠷᠦᠬᠦᠨ ᠰᠢᠩᠬᠤᠨ ᠤᠷᠤᠭᠤᠯ ᠲᠡᠭᠡᠷᠡ ᠨᠢ | ᠪᠤᠷᠤᠭᠠᠨ ᠤ ᠲᠤᠰᠦᠯ ᠪᠤᠯᠵᠤ ᠪᠦᠮᠪᠦᠷᠢᠵᠤ ᠶᠠᠪᠤᠯᠠ | ᠪᠠᠶᠠᠨ ᠪᠠᠷᠭᠤ ᠶᠢᠨ ᠭᠤᠪᠤᠷᠬᠠᠨ ᠬᠡᠦᠬᠡᠨ ᠴᠢ | ᠪᠤᠷᠤᠬᠠᠨ ᠨᠢᠳᠦ ᠶᠢ ᠮᠢᠨᠢ ᠰᠢᠷᠳᠡᠵᠤ ᠠᠪᠤᠭᠰᠠᠨ ᠢᠶᠠᠨ | ᠪᠤᠰᠤᠳ ᠤᠯᠤᠰ ᠮᠢᠨᠢ ᠡᠯᠡᠭᠯᠡᠭᠰᠡᠨ ᠴᠦ ᠪᠤᠯᠪᠠᠤ ᠬᠡᠳ | ᠪᠤᠯᠬᠢᠯᠠᠭᠰᠠᠨ ᠵᠢᠷᠦᠬᠡ ᠪᠠᠨ ᠲᠠᠷᠤᠰᠬᠢᠵᠤ ᠪᠠᠶᠢᠯᠠ᠃ | ᠬᠡᠷᠦᠯᠤᠨ ᠤᠷᠬᠤᠨ ᠤ ᠤᠰᠤ ᠪᠠᠷ ᠤᠮᠳᠠᠯᠠᠵᠤ | ᠪᠠᠶᠠᠨ ᠪᠠᠷᠭᠤ ᠶᠢᠨ ᠲᠠᠯᠠ ᠳᠤ ᠲᠤᠭᠯᠠᠭᠰᠠᠨ | ᠪᠤᠭᠳᠠ ᠠᠭᠤᠯᠠ ᠶᠢᠨ ᠬᠤᠷᠮᠦᠢ ᠳᠤ ᠲᠡᠯᠭᠡᠷᠡᠭᠰᠡᠨ | ᠪᠦᠷᠳᠡᠭᠡᠯᠵᠢᠨ ᠬᠠᠳᠤᠨ ᠰᠢᠭ᠋ ᠮᠤᠩᠭᠤᠯ ᠬᠡᠦᠬᠡᠨ ᠢ | ᠪᠦᠰᠡᠬᠦᠢ ᠪᠠᠨ ᠪᠤᠯᠭᠠᠵᠤ ᠠᠪᠤᠶᠠ ᠬᠡᠳ | ᠪᠤᠳᠤᠯ ᠵᠢᠷᠦᠬᠡᠨ ᠳᠡᠭᠡᠨ ᠲᠠᠩᠭᠠᠷᠢᠭ ᠲᠠᠯᠪᠢᠨ | ᠪᠦᠯᠢᠶᠡᠬᠡᠨ ᠵᠦᠭᠡᠯᠡᠬᠡᠨ ᠴᠡᠭᠡᠵᠢᠨ ᠲᠡᠭᠡᠷᠡ ᠨᠢ | ᠪᠤᠯᠵᠤᠮᠤᠷ ᠰᠢᠪᠠᠭᠤᠬᠠᠢ ᠪᠤᠯᠵᠤ ᠵᠢᠷᠬᠢᠵᠦ ᠰᠠᠭᠤᠯᠠ᠃ |