| ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠢ ᠶᠡᠷᠦᠩᠬᠡᠢ ᠳᠡᠭᠡᠨ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ᠂ ᠲᠡᠷᠯᠢᠭ᠂ ᠪᠦᠰᠡ᠂ | ᠭᠤᠳᠣᠯ ᠭᠡᠵᠤ ᠳᠥᠷᠪᠡᠨ ᠭᠤᠣᠯ ᠬᠡᠰᠡᠭ ᠲᠤ ᠬᠤᠪᠢᠶᠠᠨᠠ᠃ | ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ᠄ ᠮᠣᠩᠭᠤᠯ ᠡᠮᠡᠭᠲᠡᠶᠢᠴᠦᠳ ᠴᠠᠭᠠᠨ ᠰᠠᠷᠠ᠂ ᠪᠠᠶᠠᠷ ᠨᠠᠶᠢᠷ ᠪᠤᠶᠤ ᠳᠠᠶᠢᠯᠠᠯᠭᠠ ᠳᠤ | ᠣᠷᠣᠯᠴᠠᠬᠤ᠂ ᠲᠥᠷᠥᠯ ᠰᠠᠳᠤᠨ ᠳᠠᠭᠠᠨ ᠭᠡᠶᠢᠴᠢᠯᠡᠬᠦ ᠪᠤᠶᠤ ᠠᠨᠳᠠ ᠨᠥᠬᠦᠳ ᠢᠶᠠᠨ ᠡᠷᠭᠢᠵᠦ ᠦᠵᠡᠬᠦ ᠦᠶᠡ ᠳᠤ | ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠨ ᠵᠠᠰᠠᠯ ᠵᠡᠭᠦᠳᠡᠭ᠃ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠤᠨ ᠲᠥᠷᠥᠯ ᠵᠦᠢᠯ ᠣᠪᠣᠭᠠ ᠠᠷᠪᠢᠨ ᠪᠠᠶᠢᠳᠠᠭ | ᠃ ᠨᠡᠯᠢᠶᠡᠳ ᠰᠠᠶᠢᠨ ᠰᠢᠭ᠋ ᠢ ᠨᠢ ᠮᠠᠨᠤ᠂ ᠰᠤᠪᠤᠳ᠂ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ᠂ ᠠᠯᠲᠠ ᠮᠥᠩᠭᠦ ᠪᠠᠷ ᠬᠢᠳᠡᠭ᠃ | ᠡᠩ ᠤᠨ ᠦᠶᠡ ᠳᠤ᠂ ᠮᠠᠯᠵᠢᠬᠤ ᠣᠷᠣᠨ ᠤ ᠡᠮᠡᠭᠲᠡᠶᠢᠴᠦᠳ ᠮᠠᠯᠠᠭᠠᠢ ᠵᠡᠭᠦᠳᠡᠭ ᠦᠭᠡᠢ᠂ ᠣᠯᠠᠩᠬᠢ ᠳᠠᠭᠠᠨ | ᠤᠯᠠᠭᠠᠨ ᠨᠣᠭᠤᠭᠠᠨ ᠥᠩᠭᠡ ᠶᠢᠨ ᠲᠣᠷᠭᠠ ᠳᠤᠷᠳᠤᠩ ᠢᠶᠠᠷ ᠲᠣᠯᠣᠭᠠᠢ ᠪᠠᠨ ᠣᠷᠢᠶᠠᠳᠠᠭ ᠪᠢᠯᠡ᠃ ᠡᠷᠡᠭᠲᠡᠶᠢᠴᠦᠳ | ᠨᠢ ᠣᠯᠠᠩᠬᠢ ᠳᠠᠭᠠᠨ ᠡᠪᠦᠯ ᠤᠨ ᠴᠠᠭ ᠲᠤ ᠱᠣᠪᠣᠭᠤᠷ ᠣᠷᠣᠢ ᠲᠠᠢ ᠲᠣᠮᠣ ᠴᠢᠬᠢ ᠲᠠᠢ ᠬᠤᠨᠢᠨ ᠠᠷᠠᠰᠤᠨ ᠮᠠᠯᠠᠭᠠᠢ | ᠡᠮᠦᠰᠴᠦ᠂ ᠵᠣᠨ ᠳᠠᠭᠠᠨ ᠰᠠᠷᠠᠪᠴᠢ ᠲᠠᠢ ᠳᠠᠩ ᠮᠠᠯᠠᠭᠠᠢ ᠡᠮᠦᠰᠳᠡᠭ᠃ | ᠲᠡᠷᠯᠢᠭ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢᠶᠠᠨ ᠲᠡᠷᠯᠢᠭ | ᠡᠮᠦᠰᠬᠦ ᠳᠤᠷᠠᠲᠠᠢ ᠪᠠᠶᠢᠳᠠᠭ᠂ ᠲᠡᠷᠯᠢᠭ ᠨᠢ ᠠᠭᠤᠵᠢᠭᠤ ᠡᠯᠪᠡᠭ ᠪᠥᠭᠡᠳ ᠤᠷᠲᠤ ᠬᠠᠨᠴᠤᠢ ᠲᠠᠢ ᠪᠠᠶᠢᠵᠤ᠂ | ᠶᠡᠷᠦᠩᠬᠡᠢ ᠳᠡᠭᠡᠨ ᠣᠨᠣᠭᠤ ᠭᠠᠷᠭᠠᠳᠠᠭ ᠦᠭᠡᠢ᠂ ᠪᠣᠰᠤᠭᠠ ᠵᠠᠭᠠᠮᠠ ᠲᠠᠢ᠂ ᠪᠠᠷᠠᠭᠤᠨ ᠲᠠᠯᠠ ᠳᠠᠭᠠᠨ ᠲᠣᠪᠴᠢ ᠲᠠᠢ | ᠪᠠᠶᠢᠳᠠᠭ᠃ ᠲᠡᠷᠯᠢᠭ ᠤᠨ ᠵᠠᠭᠠᠮᠠ᠂ ᠬᠠᠨᠴᠤᠢ᠂ ᠬᠥᠪᠡᠭᠡ ᠶᠢ ᠨᠢ ᠬᠤᠷᠭᠤᠢ ᠪᠠᠷ ᠡᠮᠵᠢᠶᠡᠷᠢᠯᠡᠵᠦ᠂ | ᠲᠡᠷᠯᠢᠭ ᠤᠨ ᠢᠶᠠᠨ ᠥᠩᠭᠡ ᠶᠢ ᠭᠠᠵᠠᠷ ᠣᠷᠣᠨ ᠪᠣᠯᠣᠨ ᠬᠥᠮᠥᠨ ᠤ ᠪᠠᠶᠢᠳᠠᠯ ᠳᠠᠭᠠᠨ ᠲᠠᠭᠠᠷᠠᠭᠤᠯᠵᠤ ᠬᠢᠳᠡᠭ᠃ | ᠡᠷᠡᠭᠲᠡᠶᠢᠴᠦᠳ ᠨᠢ ᠬᠥᠬᠡ ᠪᠤᠶᠤ ᠬᠠᠷᠠ ᠬᠦᠷᠡᠩ ᠥᠩᠭᠡᠨ ᠳᠤ ᠳᠤᠷᠠᠲᠠᠢ᠂ ᠡᠮᠡᠭᠲᠡᠶᠢᠴᠦᠳ ᠨᠢ ᠤᠯᠠᠭᠠᠨ᠂ | ᠨᠣᠭᠤᠭᠠᠨ᠂ ᠶᠠᠭᠠᠨ ᠥᠩᠭᠡᠨ ᠳᠤ ᠳᠤᠷᠠᠲᠠᠢ ᠪᠥᠭᠡᠳ ᠵᠣᠨ ᠤ ᠳᠠᠩ ᠳᠠᠪᠬᠤᠷ ᠲᠡᠷᠯᠢᠭ ᠨᠢ ᠶᠡᠷᠦᠩᠬᠡᠢ ᠳᠡᠭᠡᠨ | ᠴᠡᠩᠬᠡᠷ ᠨᠣᠭᠤᠭᠠᠨ᠂ ᠶᠠᠭᠠᠨ᠂ ᠴᠡᠩᠬᠡᠷ ᠂ ᠰᠦᠨ ᠴᠠᠭᠠᠨ ᠵᠡᠷᠭᠡ ᠬᠦᠶᠤᠬᠡᠨ ᠥᠩᠭᠡ ᠲᠠᠢ ᠪᠠᠶᠢᠳᠠᠭ᠃ ᠡᠪᠦᠯ | ᠡᠮᠦᠰᠳᠡᠭ ᠨᠡᠬᠡᠢ ᠳᠡᠪᠡᠯ ᠢᠶᠠᠨ ᠣᠯᠠᠩᠬᠢ ᠳᠠᠭᠠᠨ ᠬᠠᠷᠠ᠂ ᠪᠣᠷᠣ᠂ ᠭᠦᠨ ᠬᠥᠬᠡ ᠥᠩᠭᠡ ᠪᠠᠷ ᠭᠠᠳᠠᠷᠯᠠᠳᠠᠭ᠃ | ᠲᠡᠷᠯᠢᠭ ᠨᠢ ᠮᠠᠯᠵᠢᠬᠤ ᠣᠷᠣᠨ ᠤ ᠠᠮᠢᠳᠤᠷᠠᠯ ᠤᠨ ᠣᠷᠴᠢᠨ ᠳᠤ ᠲᠤᠩ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ | ᠠᠭᠤᠵᠢᠭᠤ ᠡᠯᠪᠡᠭ ᠪᠥᠭᠡᠳ ᠣᠨᠣᠭᠤ ᠦᠭᠡᠢ ᠪᠣᠯᠬᠤᠷ᠂ ᠮᠣᠷᠢ ᠣᠨᠣᠵᠤ ᠮᠠᠯ ᠮᠠᠯᠵᠢᠬᠤ ᠳᠤ ᠡᠪᠦᠳᠦᠭ ᠢ ᠳᠠᠷᠤᠵᠤ | ᠂ ᠬᠦᠢᠲᠡᠨ ᠰᠠᠯᠬᠢᠨ ᠢ ᠬᠠᠯᠬᠠᠯᠠᠵᠤ᠂ ᠵᠣᠨ ᠤ ᠡᠳᠦᠷ ᠪᠠᠲᠠᠭᠠᠨᠠ ᠶᠢ ᠰᠡᠷᠭᠡᠶᠢᠯᠡᠳᠡᠭ᠃ ᠲᠡᠷᠯᠢᠭ ᠢ ᠪᠠᠰᠠ ᠴᠠᠮᠴᠠ᠂ | ᠤᠭᠤᠴᠠᠷ᠂ ᠴᠤᠪᠠ ᠁ ᠭᠡᠵᠤ ᠬᠤᠪᠢᠶᠠᠳᠠᠭ᠃ | ᠪᠦᠰᠡ᠄ ᠪᠦᠰᠡ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠲᠡᠷᠯᠢᠭ ᠡᠮᠦᠰᠬᠦ ᠳᠤ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠶᠠᠭᠤᠮᠠ | ᠮᠥᠨ ᠃ ᠲᠡᠭᠦᠨ ᠢ ᠪᠥᠰ ᠪᠤᠶᠤ ᠲᠣᠷᠭᠠ ᠳᠤᠷᠳᠤᠩ ᠢᠶᠠᠷ ᠬᠢᠳᠡᠭ ᠪᠥᠭᠡᠳ ᠥᠩᠭᠡ ᠶᠢ ᠨᠢ ᠲᠡᠷᠯᠢᠭ ᠲᠠᠢ ᠪᠠᠨ | ᠵᠣᠬᠢᠴᠠᠭᠤᠯᠳᠠᠭ ᠪᠠᠶᠢᠨᠠ᠃ ᠡᠷᠡᠭᠲᠡᠶᠢᠴᠦᠳ ᠨᠢ ᠣᠯᠠᠩᠬᠢ ᠳᠠᠭᠠᠨ ᠲᠡᠷᠯᠢᠭ ᠢᠶᠠᠨ ᠠᠭᠰᠠᠨ ᠪᠦᠰᠡᠯᠡᠳᠡᠭ ᠪᠣᠯᠬᠤᠷ | ᠴᠠᠭ ᠵᠢᠪᠬᠤᠭᠠ ᠲᠠᠢ ᠪᠥᠭᠡᠳ ᠲᠥᠪ ᠶᠡᠬᠡᠮᠰᠦᠭ ᠬᠠᠷᠠᠭᠳᠠᠵᠤ᠂ ᠮᠣᠷᠢ ᠤᠨᠤᠬᠤ ᠳᠤ ᠴᠦ ᠲᠥᠬᠦᠮ ᠪᠠᠶᠢᠳᠠᠭ᠃ | ᠡᠮᠡᠭᠲᠡᠶᠢᠴᠦᠳ ᠨᠢ ᠡᠭᠦᠨ ᠤ ᠡᠰᠡᠷᠭᠦ ᠪᠠᠷ᠂ ᠲᠡᠷᠯᠢᠭ ᠢᠶᠠᠨ ᠳᠠᠷᠤᠵᠤ ᠪᠦᠰᠡᠯᠡᠭᠡᠳ ᠢᠳᠡᠷᠡᠭᠦᠨ ᠭᠤᠸᠠᠯᠢᠭ | ᠪᠡᠶᠡ ᠪᠠᠨ ᠢᠯᠡᠷᠡᠭᠦᠯᠳᠡᠭ ᠪᠠᠶᠢᠨᠠ᠃ ᠲᠡᠷᠯᠢᠭ ᠳᠡᠭᠡᠷᠡ ᠪᠦᠰᠡ ᠪᠦᠰᠡᠯᠡᠬᠦ ᠨᠢ ᠮᠣᠷᠢ ᠣᠨᠣᠬᠤ ᠳᠤ ᠮᠣᠷᠢᠨ ᠳᠡᠭᠡᠷᠡ | ᠪᠡᠶᠡ ᠪᠠᠨ ᠯᠠᠪᠳᠠᠭᠤᠨ ᠪᠥᠭᠡᠳ ᠲᠡᠭᠰᠢᠬᠡᠨ ᠪᠠᠶᠢᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠶᠤᠮ᠂ ᠡᠭᠦᠨ ᠤ ᠬᠠᠮᠲᠤ ᠡᠪᠦᠯ ᠳᠡᠭᠡᠨ | ᠳᠤᠯᠠᠭᠠᠨ ᠪᠠᠶᠢᠵᠤ᠂ ᠵᠤᠨ ᠳᠠᠭᠠᠨ ᠪᠠᠲᠠᠭᠠᠨᠠ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠃ ᠣᠨᠴᠠ ᠵᠠᠷᠢᠮ ᠣᠷᠣᠨ ᠤ | ᠡᠮᠡᠭᠲᠡᠶᠢᠴᠦᠳ ᠪᠠᠰᠠ ᠲᠡᠷᠯᠢᠭ ᠡᠮᠦᠰᠬᠦ ᠳᠡᠭᠡᠨ ᠪᠦᠰᠡ ᠪᠦᠰᠡᠯᠡᠳᠡᠭ ᠦᠭᠡᠢ ︵ᠪᠦᠰᠡᠭᠦᠢ ᠭᠡᠰᠡᠨ ᠦᠭᠡ | ᠡᠭᠦᠨ ᠠᠴᠠ ᠢᠷᠡᠯᠳᠠᠢ︶᠃ | ᠭᠤᠳᠣᠯ᠄ ᠮᠣᠩᠭᠤᠯ ᠭᠤᠳᠣᠯ ᠢ ᠪᠥᠰ ᠭᠤᠳᠣᠯ ᠪᠣᠯᠣᠨ ᠪᠣᠯᠭᠠᠷᠢᠨ ᠭᠤᠳᠣᠯ ᠭᠡᠵᠤ ᠬᠤᠶᠠᠷ ᠵᠦᠢᠯ | ᠬᠤᠪᠢᠶᠠᠳᠠᠭ᠃ ᠪᠥᠰ ᠭᠤᠳᠣᠯ ᠢ ᠪᠣᠯ ᠵᠤᠵᠠᠭᠠᠨ ᠪᠥᠰ ᠪᠤᠶᠤ ᠹᠠᠨᠪᠦ᠋ ᠪᠥᠰ ᠢᠶᠠᠷ ᠬᠢᠳᠡᠭ ᠪᠣᠯᠬᠤᠷ᠂ ᠡᠮᠦᠰᠬᠦ ᠳᠤ | ᠵᠥᠭᠡᠯᠡᠨ ᠮᠥᠷᠲᠡᠭᠡᠨ ᠬᠥᠩᠭᠡᠨ ᠪᠠᠶᠢᠳᠠᠭ︔ ᠪᠣᠯᠭᠠᠷᠢᠨ ᠭᠤᠳᠣᠯ ᠢ ᠪᠣᠯ ᠦᠬᠡᠷ ᠤᠨ ᠠᠷᠠᠰᠤ᠂ ᠮᠣᠷᠢᠨ ᠠᠷᠠᠰᠤ | ᠪᠤᠶᠤ ᠡᠯᠵᠢᠭᠡᠨ ᠠᠷᠠᠰᠤ ᠪᠠᠷ ᠬᠢᠳᠡᠭ ᠪᠣᠯᠬᠤᠷ ᠪᠠᠬᠢᠯᠢᠭ᠌ ᠮᠥᠷᠲᠡᠭᠡᠨ ᠬᠦᠢᠲᠡᠨ ᠪᠠ ᠤᠰᠤ ᠶᠢ ᠰᠡᠷᠭᠡᠶᠢᠯᠡᠵᠦ | ᠴᠢᠳᠠᠳᠠᠭ᠃ ᠮᠣᠩᠭᠤᠯ ᠭᠤᠳᠣᠯ ᠳᠤ ᠡᠭᠡᠳᠡᠩ ᠬᠤᠩᠰᠢᠶᠠᠷ ᠲᠠᠢ ᠭᠤᠳᠣᠯ ᠪᠠᠶᠢᠳᠠᠭ᠂ ᠲᠦᠷᠡᠢ ᠳᠡᠭᠡᠷᠡ ᠨᠢ | ᠶᠡᠷᠤᠳᠡᠭᠡᠨ ᠬᠡ ᠤᠭᠠᠯᠵᠠ ᠲᠠᠢ ᠪᠥᠭᠡᠳ ᠵᠠᠷᠢᠮ ᠨᠢ ᠠᠷᠠᠰᠤᠨ ᠳᠣᠲᠣᠷ ᠲᠠᠢ᠂ ᠵᠠᠷᠢᠮ ᠨᠢ ᠢᠰᠡᠭᠡᠢ ᠳᠣᠲᠣᠷ ᠲᠠᠢ | ᠭᠤᠳᠣᠯ ᠴᠦ ᠪᠠᠶᠢᠳᠠᠭ᠃ ᠡᠶᠢᠮᠦ ᠭᠤᠳᠣᠯ ᠨᠢ ᠠᠭᠤᠵᠢᠭᠤ ᠶᠡᠭᠡ ᠪᠣᠯᠬᠤᠷ ᠬᠦᠪᠤᠩ ᠣᠶᠢᠮᠤᠰᠤ ᠪᠤᠶᠤ ᠢᠰᠡᠭᠡᠢ | ᠣᠶᠢᠮᠤᠰᠤ ᠲᠠᠢ ᠡᠮᠦᠰᠴᠦ ᠪᠣᠯᠣᠨᠠ᠃ ᠮᠠᠯᠴᠢᠳ ᠵᠢᠯ ᠤᠨ ᠳᠥᠷᠪᠡᠨ ᠤᠯᠠᠷᠢᠯ ᠳᠤ ᠪᠦᠷ ᠭᠤᠳᠣᠯ ᠡᠮᠦᠰᠦᠭᠡᠳ᠂ | ᠮᠣᠷᠢ ᠤᠨᠤᠬᠤ ᠳᠠᠭᠠᠨ ᠱᠠᠭᠠ ᠪᠠᠷ ᠬᠠᠮᠠᠭᠠᠯᠠᠵᠤ᠂ ᠵᠣᠨ ᠳᠠᠭᠠᠨ ᠪᠠᠲᠠᠭᠠᠨᠠ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠡᠪᠦᠯ ᠳᠡᠭᠡᠨ | ᠬᠦᠢᠲᠡᠨ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ ᠪᠠᠶᠢᠨᠠ᠃ ᠣᠳᠣ ᠮᠠᠯᠵᠢᠬᠤ ᠣᠷᠣᠨ ᠤ ᠨᠠᠰᠤᠲᠠᠶᠢᠴᠤᠳ ᠮᠥᠨ ᠮᠣᠩᠭᠤᠯ | ᠭᠤᠳᠣᠯ ᠢᠶᠠᠨ ᠡᠮᠦᠰᠬᠦ ᠳᠤᠷᠠᠲᠠᠢ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠵᠠᠯᠠᠭᠤᠴᠤᠳ ᠤᠨ ᠣᠯᠠᠩᠬᠢ ᠨᠢ ᠰᠡᠪᠬᠢᠨ ᠭᠤᠳᠣᠯ | ᠡᠮᠦᠰᠬᠦ ᠳᠤᠷᠠᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ |