ᠮᠣᠩᠭᠤᠯ ᠭᠡᠷ ᠲᠤ ᠪᠠᠭᠤᠵᠤ ᠰᠠᠭᠤᠬᠤ ᠳᠤ ᠤᠯᠠᠮᠵᠢᠯᠠᠯᠲᠤ ᠶᠣᠰᠣ ᠵᠠᠩᠰᠢᠯ ᠣᠯᠠᠨ ᠪᠠᠶᠢᠳᠠᠭ ᠶᠤᠮ ᠃ | ᠮᠣᠩᠭᠤᠯᠴᠤᠳ ᠡᠨᠡᠬᠦ ᠶᠣᠰᠣ ᠵᠠᠩᠰᠢᠯ ᠢᠶᠠᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ᠂ ᠰᠠᠶᠢᠨ ᠰᠠᠶᠢᠬᠠᠨ ᠭᠡᠵᠤ ᠦᠵᠡᠳᠡᠭ᠃ | ᠡᠶᠢᠮᠦ ᠠᠴᠠ ᠡᠳᠡᠭᠡᠷ ᠵᠠᠩ ᠦᠢᠯᠡ ᠨᠢ ᠮᠣᠩᠭᠤᠯ ᠬᠥᠮᠥᠨ ᠳᠤ ᠬᠠᠯᠠᠭᠤᠨ ᠳᠣᠲᠣᠨᠣ᠂ ᠡᠯᠢᠭᠡᠰᠡᠭ ᠰᠠᠨᠠᠭᠳᠠᠳᠠᠭ᠃ | ᠬᠡᠷᠪᠡ ᠶᠠᠮᠠᠷ ᠨᠢᠭᠡᠨ ᠬᠥᠮᠥᠨ ᠡᠨᠡᠬᠦ ᠶᠣᠰᠣ ᠵᠠᠩᠰᠢᠯ ᠢ ᠡᠪᠳᠡᠬᠦ ᠳᠤ ᠬᠦᠷᠪᠡᠯ ᠲᠡᠷᠡ ᠨᠢ ᠮᠣᠩᠭᠤᠯᠴᠤᠳ ᠤᠨ | ᠡᠭᠳᠡᠭᠦᠦ ᠶᠢ ᠬᠦᠷᠭᠡᠨ᠂ ᠰᠡᠳᠬᠢᠯ ᠢ ᠬᠥᠨᠳᠡᠳᠡᠭ᠃ | ᠮᠣᠩᠭᠤᠯ ᠭᠡᠷ ᠲᠤ ᠣᠷᠣᠬᠤ ᠳᠠᠭᠠᠨ ᠢᠰᠡᠭᠡᠢ ᠡᠭᠦᠳᠡ ᠶᠢ ᠨᠢ ᠵᠡᠭᠦᠨ᠂ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠨᠢ ᠰᠡᠬᠦᠬᠦ | ᠪᠣᠯᠣᠮᠵᠢ ᠪᠦᠷ ᠪᠣᠢ᠃ ᠭᠡᠬᠦ ᠳᠡᠭᠡᠨ ᠡᠭᠦᠳᠡᠨ ᠤ ᠵᠡᠭᠦᠨ ᠲᠠᠯᠠ ᠶᠢ ︽ᠵᠥᠪ︾ ᠲᠠᠯᠠ ᠭᠡᠳᠡᠭ ᠪᠣᠯᠬᠤᠷ ᠡᠷᠬᠡᠪᠰᠢ | ᠵᠥᠪ ᠲᠠᠯᠠ ᠠᠴᠠ ᠨᠢ ᠰᠡᠬᠦᠬᠦ ᠶᠣᠰᠣ ᠲᠠᠢ᠃ ᠪᠤᠷᠤᠭᠤ ᠲᠠᠯᠠ ᠠᠴᠠ ᠨᠢ ᠰᠡᠬᠦᠪᠡᠯ ᠪᠡᠯᠭᠡ ᠳᠡᠮᠪᠡᠷᠢᠯ ᠮᠠᠭᠤᠲᠠᠢ | ᠭᠡᠵᠤ ᠳᠤᠷᠠ ᠦᠭᠡᠶᠢᠴᠡᠳᠡᠭ᠃ ᠵᠠᠷᠢᠮ ᠳᠠᠭᠠᠨ ᠢᠰᠡᠭᠡᠢ ᠡᠭᠦᠳᠡ ᠶᠢ ᠵᠡᠭᠦᠨ ᠲᠠᠯᠠ ᠠᠴᠠ ᠨᠢ ᠰᠡᠬᠦᠭᠡᠳ | ᠲᠣᠲᠣᠭᠤ ᠶᠢᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠳᠠᠭ ᠶᠣᠰᠣ ᠴᠦ ᠪᠠᠶᠢᠳᠠᠭ᠃ | ᠮᠣᠩᠭᠤᠯ ᠭᠡᠷ ᠤᠨ ᠲᠤᠯᠭᠠ᠂ ᠲᠣᠲᠣᠭᠤ᠂ ᠪᠣᠱᠤᠭᠠ ᠭᠤᠷᠪᠠ ᠪᠣᠯ ᠳᠠᠷᠬᠠᠨ ᠬᠦᠨᠳᠦᠲᠡᠢ᠂ ᠶᠠᠮᠠᠷ ᠴᠦ | ᠬᠥᠮᠥᠨ ᠭᠡᠳ ᠡᠨᠡ ᠭᠤᠷᠪᠠ ᠶᠢ ᠬᠥᠨᠳᠡᠵᠦ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠰᠠᠨᠠᠮᠰᠠᠷ ᠦᠭᠡᠢ ᠭᠠᠷ ᠬᠥᠯ ᠢᠶᠠᠨ | ᠬᠦᠷᠭᠡᠬᠦ ᠳᠤ ᠬᠦᠷᠪᠡᠯ ᠭᠡᠷ ᠤᠨ ᠡᠵᠡᠨ ᠢ ᠳᠣᠷᠣᠮᠵᠢᠯᠠᠭᠰᠠᠨ ᠳᠤ ᠲᠣᠭᠠᠴᠢᠭᠳᠠᠨᠠ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯ | ᠭᠡᠷ ᠲᠤ ᠣᠷᠣᠬᠤ ᠳᠤ ᠡᠨᠡ ᠭᠤᠷᠪᠠ ᠳᠤ ᠭᠠᠯ ᠬᠥᠯ ᠬᠦᠷᠭᠡᠬᠦ ᠠᠴᠠ ᠪᠠᠨ ᠪᠣᠯᠭᠤᠮᠵᠢᠯᠠᠳᠠᠭ᠃ | ᠬᠡᠨ ᠴᠦ ᠭᠡᠰᠡᠨ ᠭᠡᠷ ᠲᠤ ᠣᠷᠣᠬᠤ ᠳᠠᠭᠠᠨ ᠲᠣᠯᠣᠭᠠᠢ ᠪᠠᠨ ᠪᠥᠬᠦᠶᠢᠵᠦ ᠪᠠᠶᠢᠳᠠᠭ ᠶᠣᠰᠣᠨ ᠪᠣᠢ᠃ ᠡᠨᠡ | ᠨᠢ ᠲᠣᠲᠣᠭᠤ᠂ ᠭᠠᠯ ᠭᠤᠯᠣᠮᠲᠠ᠂ ᠰᠢᠲᠦᠭᠡᠨ ᠪᠤᠷᠬᠠᠨ ᠳᠤᠨᠢ ᠪᠥᠬᠦᠶᠢᠨ ᠶᠣᠰᠣᠯᠠᠵᠤ᠂ ᠭᠡᠷ ᠤᠨ ᠡᠵᠡᠨ ᠢ | ᠬᠦᠨᠳᠦᠳᠬᠡᠵᠦ ᠪᠠᠶᠢᠭᠠ ᠤᠳᠬᠠ ᠲᠠᠢ᠃ ᠵᠠᠷᠢᠮ ᠬᠥᠮᠥᠨ ᠭᠡᠷ ᠲᠤ ᠣᠷᠣᠬᠤ ᠳᠠᠭᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠨ | ᠰᠤᠩᠭᠠᠨ ᠲᠣᠲᠣᠭᠤ ᠠᠴᠠ ᠨᠢ ᠠᠳᠢᠰ ᠠᠪᠴᠤ ᠮᠠᠩᠨᠠᠢ ᠳᠠᠭᠠᠨ ᠲᠦᠷᠬᠢᠨ ᠭᠡᠷ ᠤᠨ ᠡᠵᠡᠨ ᠳᠤ ᠬᠦᠨᠳᠦᠳᠬᠡᠯ | ᠳᠡᠪᠰᠢᠭᠦᠯᠦᠨ᠂ ᠭᠡᠷ ᠤᠨ ᠡᠵᠡᠨ ᠢ ᠨᠢ ᠬᠦᠨᠳᠦᠳᠬᠡᠵᠦ ᠪᠠᠶᠢᠭᠠ ᠪᠠᠨ ᠢᠯᠡᠳᠬᠡᠳᠡᠭ᠃ | ᠭᠡᠷ ᠤᠨ ᠪᠣᠱᠤᠭᠠ ᠶᠢ ᠠᠯᠬᠤᠬᠤ ᠳᠠᠭᠠᠨ ᠬᠠᠲᠠᠪᠴᠢ ᠳᠤ ᠬᠥᠯ ᠬᠦᠷᠬᠦ ᠠᠴᠠ ᠪᠣᠯᠭᠤᠮᠵᠢᠯᠠᠨ᠂ | ᠬᠠᠲᠠᠪᠴᠢ ᠶᠢᠨ ᠵᠡᠭᠦᠨ ᠬᠠᠭᠠᠰ ᠲᠠᠯᠠ ᠪᠠᠷ ᠠᠯᠬᠤᠨ ᠣᠷᠣᠨᠠ᠃ ᠥᠨᠳᠥᠷ ᠨᠠᠰᠤᠲᠠᠨ᠂ ᠲᠣᠮᠤᠭᠠ ᠲᠠᠢ ᠬᠥᠮᠥᠨ ᠢ | ᠬᠠᠲᠠᠪᠴᠢ ᠶᠢᠨ ᠪᠠᠷᠠᠭᠤᠨ ᠬᠠᠭᠠᠰ ᠲᠠᠯᠠ ᠪᠠᠷ ᠤᠷᠢᠨ ᠣᠷᠣᠭᠤᠯᠳᠠᠭ᠃ ᠲᠥᠷᠥ ᠶᠢᠨ ᠶᠡᠭᠡ ᠲᠤᠰᠢᠶᠠᠯᠲᠠᠨ | ᠬᠥᠮᠥᠨ ᠢ ᠤᠷᠢᠬᠤ ᠳᠠᠭᠠᠨ ᠬᠠᠲᠠᠪᠴᠢ ᠶᠢᠨ ᠲᠥᠪ ᠳᠤᠮᠳᠠᠭᠤᠷ ᠠᠯᠬᠤᠨ ᠣᠷᠣᠭᠤᠯᠳᠠᠭ᠃ ᠡᠩ ᠤᠨ ᠦᠶᠡ ᠳᠤ | ᠪᠠᠷᠠᠭᠤᠨ ᠬᠠᠲᠠᠪᠴᠢ ᠪᠠᠷ ᠠᠯᠬᠤᠨ ᠣᠷᠣᠭᠰᠠᠳ ᠢ ᠪᠡᠶᠡ ᠪᠠᠨ ᠳᠡᠭᠡᠭᠦᠷ ᠦᠵᠡᠵᠦ᠂ ᠭᠡᠷ ᠤᠨ ᠡᠵᠡᠨ ᠢ ᠳᠣᠣᠷᠠ | ᠦᠵᠡᠨ ᠳᠣᠷᠣᠮᠵᠢᠯᠠᠭᠰᠠᠨ ᠳᠤ ᠲᠣᠭᠠᠴᠢᠳᠠᠭ᠃ | ᠭᠡᠷ ᠲᠤ ᠣᠷᠣᠭᠰᠠᠨ ᠤ ᠳᠠᠷᠠᠭᠠ ᠪᠦᠰᠡᠲᠡᠶᠢᠴᠦᠳ ᠲᠤᠯᠭᠠ ᠶᠢᠨ ᠪᠠᠷᠠᠭᠤᠨ ᠢᠶᠠᠷ᠂ ᠪᠦᠰᠡᠭᠦᠶᠢᠴᠦᠳ | ᠲᠤᠯᠭᠠ ᠶᠢᠨ ᠵᠡᠭᠦᠨ ᠢᠶᠠᠷ ᠰᠠᠭᠤᠳᠠᠭ᠃ ᠲᠤᠯᠭᠠ ᠵᠤᠤᠬᠠ ᠠᠴᠠ ᠵᠠᠶᠢᠲᠠᠢ ᠰᠢᠭ᠋ ᠪᠠᠶᠢᠵᠤ᠂ ᠬᠤᠷᠮᠣᠢ ᠭᠤᠳᠣᠯ᠂ | ᠬᠥᠯ ᠭᠠᠷ ᠢᠶᠠᠨ ᠲᠤᠯᠭᠠ ᠵᠤᠤᠬᠠᠨ ᠳᠤ ᠬᠦᠷᠭᠡᠬᠦ ᠠᠴᠠ ᠬᠢᠴᠢᠶᠡᠨᠡ᠃ | ᠣᠯᠠᠨ ᠬᠥᠮᠥᠨ ᠬᠠᠮᠲᠤ ᠪᠠᠷ ᠮᠣᠩᠭᠤᠯ ᠭᠡᠷ ᠲᠤ ᠣᠷᠣᠬᠤ ᠳᠤ᠂ ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠳᠤ ᠥᠨᠳᠥᠷ | ᠨᠠᠰᠤᠲᠠᠨ ᠢ ᠤᠷᠢᠨ ᠣᠷᠣᠭᠤᠯᠵᠤ᠂ ᠪᠤᠰᠤᠳ ᠨᠢ ᠨᠠᠰᠤᠨ ᠤ ᠪᠠᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠣᠷᠣᠳᠠᠭ ᠶᠣᠰᠣ ᠲᠠᠢ᠃ | ᠮᠣᠩᠭᠤᠯ ᠭᠡᠷ ᠠᠴᠠ ᠭᠠᠷᠬᠤ ᠳᠠᠭᠠᠨ ᠬᠠᠶᠠᠭᠠ ᠶᠢ ᠲᠠᠭᠠᠨ ᠭᠠᠷᠳᠠᠭ᠃ ᠲᠤᠯᠭᠠ ᠵᠤᠤᠬᠠ᠂ ᠲᠣᠭᠤᠭᠠ | ᠰᠢᠨᠠᠭᠠ᠂ ᠡᠷᠭᠢᠨᠡᠭ ᠳᠠᠮᠵᠢᠭᠤᠷᠭᠠ ᠳᠤ ᠬᠤᠷᠮᠣᠢ ᠭᠤᠳᠣᠯ ᠢᠶᠠᠨ ᠬᠦᠷᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠭᠠᠯ ᠤᠨ ᠬᠠᠶᠢᠴᠢ | ᠰᠢᠯᠡᠭᠡᠪᠦᠷ ᠳᠡᠭᠡᠷᠡ ᠭᠢᠰᠬᠢᠬᠦ ᠪᠤᠶᠤ ᠳᠡᠭᠡᠭᠦᠷ ᠨᠢ ᠠᠯᠬᠤᠬᠤ ᠶᠢ ᠮᠥᠨ ᠴᠡᠭᠡᠷᠯᠡᠳᠡᠭ᠃ ᠲᠤᠯᠭᠠ ᠵᠤᠤᠬᠠ ᠶᠢ | ᠪᠦᠷᠢᠨ ᠡᠷᠭᠢᠵᠦ ᠭᠠᠷᠳᠠᠭ ᠦᠭᠡᠢ᠃ ᠪᠠᠭᠠᠴᠤᠳ ᠬᠡᠦᠬᠡᠳ᠂ ᠪᠦᠰᠡᠭᠦᠶᠢᠴᠦᠳ ᠤᠷᠢᠳᠠᠪᠠᠷ ᠭᠠᠷᠤᠨᠠ᠃ | ᠭᠡᠬᠦ ᠳᠡᠭᠡᠨ ᠠᠷᠤ ᠪᠠᠷ ᠢᠶᠠᠨ ᠪᠤᠶᠤ ᠪᠡᠶᠡ ᠪᠠᠨ ᠬᠠᠵᠠᠭᠤᠯᠰᠬᠢᠨ ᠤᠬᠤᠷᠢᠵᠤ ᠭᠠᠷᠳᠠᠭ ᠪᠠᠶᠢᠨᠠ᠃ ᠬᠤᠯᠠ ᠵᠠᠮ | ᠶᠠᠪᠤᠬᠤ ᠬᠥᠮᠥᠨ ᠪᠤᠶᠤ ᠵᠣᠴᠢᠨ ᠭᠡᠷ ᠠᠴᠠ ᠭᠠᠷᠬᠤ ᠳᠤ ᠰᠢᠨᠠᠭᠠ ᠶᠢ ᠵᠠᠪᠠᠯ ᠲᠣᠭᠤᠭᠠ ᠠᠴᠠ ᠰᠠᠯᠭᠠᠬᠤ ᠶᠣᠰᠣ | ᠲᠠᠢ ᠡᠰᠡᠪᠡᠯ ᠵᠠᠮ ᠳᠤ ᠰᠠᠭᠠᠳ ᠭᠠᠷᠤᠨᠠ ᠭᠡᠳᠡᠭ᠃ | ᠭᠡᠷ ᠠᠴᠠ ᠭᠠᠷᠬᠤ ᠳᠠᠭᠠᠨ ᠪᠡᠯᠭᠡ ᠲᠠᠮᠪᠡᠷᠢᠯ ᠲᠠᠢ ᠦᠭᠡ ᠬᠡᠯᠡᠵᠦ ᠢᠷᠦᠭᠡᠯ ᠲᠠᠯᠪᠢᠳᠠᠭ᠃ ᠴᠠᠭᠠᠨ ᠢᠳᠡᠭᠡ | ᠠᠮᠰᠠᠵᠤ᠂ ︽ᠵᠠᠮ ᠴᠠᠭᠠᠨ ᠪᠣᠯᠲᠤᠭᠠᠢ︕︾ ᠭᠡᠳᠡᠭ᠃ ᠭᠡᠷ ᠤᠨ ᠡᠵᠡᠨ ᠳᠤᠨᠢ ︽ᠲᠠ ᠨᠠᠷ ᠰᠠᠶᠢᠨ ᠰᠠᠭᠠᠲᠠᠵᠤ | ᠪᠠᠶᠢᠭᠠᠷᠠᠢ︕︾ ᠭᠡᠵᠤ ᠬᠡᠯᠡᠭᠡᠳ ᠠᠭᠠᠵᠢᠮ ᠢᠶᠠᠷ ᠠᠶᠠᠷᠯᠠᠨ ᠭᠠᠷᠳᠠᠭ᠃ ︽ᠠᠮᠠᠨ ᠪᠡᠯᠭᠡ ᠬᠠᠮᠢᠭᠠᠰᠢ ᠪᠠᠨ ᠪᠣᠯ | ᠠᠯᠤᠰ ᠤᠨ ᠪᠡᠯᠭᠡ ᠲᠡᠰᠢ ᠪᠠᠨ︾ ᠭᠡᠵᠤ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠮᠣᠷᠳᠠᠨ ᠭᠠᠷᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ ︵ᠰᠠᠮᠫᠢᠯᠨᠤᠷᠪᠤ | ︶ |