◇ᠡᠪᠡᠰᠦ ᠤᠷᠭᠤᠮᠠᠯ ᠢ ᠲᠤᠷᠠ ᠪᠠᠷ ᠢᠶᠠᠨ ᠬᠤᠭᠤᠯᠵᠤ ᠰᠦᠢᠳᠬᠡᠪᠡᠯ ᠨᠠᠰᠤᠨ ᠤ ᠲᠤᠭᠠ ᠤᠬᠤᠷ ᠪᠤᠯᠤᠨᠠ | ᠬᠡᠲᠡᠭ᠃ | ◇ ᠵᠤᠯᠠ ᠶᠢᠨ ᠭᠠᠯ ᠢ ᠦᠯᠢᠶᠡᠵᠦ ᠤᠨᠲᠠᠷᠠᠭᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠪᠤᠷᠬᠠᠨ ᠠᠭᠤᠷᠯᠠᠵᠤ᠂ ᠪᠤᠶᠠᠨ | ᠪᠠᠭᠤᠷᠠᠨᠠ ᠬᠡᠲᠡᠭ᠃ | ◇ ᠬᠡᠷ ᠲᠤ ᠲᠤᠷᠠ ᠪᠠᠷ ᠢᠶᠠᠨ ᠢᠰᠬᠡᠷᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠶᠤᠰᠤ ᠮᠤᠷᠠᠯ ᠦᠬᠡᠢ ᠳᠤ ᠲᠤᠭᠠᠴᠠᠭᠲᠠᠨᠠ᠃ | ᠵᠤᠨ ᠬᠡᠷ ᠲᠤ ᠢᠰᠬᠡᠷᠪᠡᠯ ᠮᠤᠭᠠᠢ ᠤᠷᠤᠵᠤ ᠢᠷᠡᠨᠡ ᠬᠡᠲᠡᠭ᠃ | ◇ ᠬᠤᠭᠤᠯᠠ ᠢᠲᠡᠵᠦ ᠪᠠᠷᠠᠮᠠᠭᠴᠠ ᠰᠤᠨᠢᠶᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠦᠯᠦᠨ ᠲᠠᠵᠢᠨ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠨᠤᠮ ᠦᠵᠡᠵᠦ ᠪᠠᠶᠢᠭᠠᠳ ᠰᠤᠨᠢᠶᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ ︽ᠰᠤᠷᠤᠭᠰᠠᠨ ᠨᠢ ᠰᠤᠭᠤ ᠪᠠᠷ ᠭᠠᠷᠤᠨᠠ︾ | ᠬᠡᠲᠡᠭ᠃ | ◇ ᠡᠷᠡᠦ ᠪᠠᠨ ᠲᠤᠯᠤᠵᠤ ᠰᠠᠭᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠡᠵᠢ ᠠᠪᠤ ᠳᠤ ᠪᠠᠨ ᠬᠠᠵᠢᠷ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠦᠷᠯᠦᠬᠡ ᠤᠷᠤᠢ ᠳᠤ ᠪᠠᠨ ᠤᠬᠢᠯᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠮᠠᠭᠤ ᠢᠷᠸᠠ ᠬᠡᠲᠡᠭ᠃ | ◇ ᠬᠤᠯᠠᠭᠠᠢ ᠬᠢᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠬᠤᠮᠤᠬᠠᠢ ᠬᠤᠷᠤᠭᠤ ᠲᠡᠬᠡᠷᠡ ᠨᠢ ᠶᠡᠷᠡ ᠭᠠᠷᠤᠨᠠ ᠬᠡᠲᠡᠭ᠃ | ◇ ᠬᠤᠲᠠᠯ ᠬᠡᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠬᠡᠯᠡ ᠮᠠᠭᠤ ᠲᠠᠢ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠬᠡᠪᠲᠡᠭᠡ ᠪᠠᠷ ᠲᠠᠭᠤᠯᠠᠵᠤ ᠬᠢᠨᠭᠰᠢᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠬᠤᠵᠢᠮ ᠳᠤ ᠪᠠᠨ ᠰᠡᠳᠬᠢᠯ ᠰᠠᠨᠠᠭᠠ ᠲᠡᠪᠡᠷᠡᠨᠡ | ᠬᠡᠲᠡᠭ᠃ | ◇ ᠮᠤᠭᠠᠢ᠂ ᠮᠡᠯᠡᠬᠡᠢ᠂ ᠵᠢᠭᠠᠰᠤ ᠠᠯᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠯᠤᠤᠰ ᠤᠨ ᠬᠤᠤᠷᠯᠠᠯ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠠᠬᠠᠮᠠᠳ ᠨᠠᠰᠤᠲᠠᠨ ᠤ ᠲᠡᠬᠡᠲᠦ ᠲᠡᠯᠡ ᠳᠤ ᠰᠠᠭᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠶᠤᠰᠤ ᠮᠤᠷᠠᠯ ᠦᠬᠡᠢ ᠳᠤ | ᠲᠤᠭᠠᠴᠠᠭᠳᠠᠬᠤ ᠪᠤᠶᠤ ᠪᠤᠶᠠᠨ ᠢᠶᠠᠨ ᠪᠠᠷᠠᠨᠠ ᠬᠡᠲᠡᠭ᠃ | ◇ ᠬᠦᠯ ᠢᠶᠠᠨ ᠵᠢᠬᠢᠬᠦ ᠪᠤᠶᠤ ᠠᠯᠴᠡᠶᠢᠵᠦ ᠰᠠᠭᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠰᠤᠷᠲᠠᠯ ᠦᠬᠡᠢ ᠠᠶᠢᠯ ᠤᠨ ᠬᠡᠦᠬᠡᠳ ᠢ | ᠰᠠᠭᠤᠲᠠᠯ ᠢᠶᠠᠷ ᠨᠢ ᠰᠢᠨᠵᠢ ᠬᠡᠲᠡᠭ ᠦᠬᠡ ᠪᠤᠢ᠃ | ◇ ᠡᠯᠢᠬᠡ ᠪᠠᠨ ᠲᠡᠪᠡᠷᠢᠬᠦ ᠪᠤᠶᠤ ᠡᠩᠬᠡᠷ ᠢᠶᠠᠨ ᠵᠦᠷᠢᠬᠦᠯᠵᠦ ᠶᠠᠪᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠬᠡᠶᠢᠮᠤᠷᠢ ᠰᠦᠯᠲᠡ | ᠪᠠᠨ ᠪᠠᠷᠠᠨᠠ ᠬᠡᠲᠡᠭ᠃ | ◇ ᠪᠤᠰᠤᠳ ᠤᠨ ᠮᠠᠯᠠᠭᠠᠢ ᠶᠢ ᠠᠪᠴᠤ ᠵᠡᠬᠦᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠮᠠᠯᠠᠭᠠᠢ ᠲᠠᠷᠤᠨᠠ ᠬᠡᠲᠡᠭ᠃ | ◇ ᠰᠠᠪᠬᠠ ᠪᠠᠨ ᠠᠶᠠᠭᠠ ᠲᠡᠬᠡᠷᠡ ᠲᠤᠨᠤᠯᠵᠢᠯᠠᠵᠤ ᠲᠠᠯᠪᠢᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠠᠮᠠᠨ ᠬᠡᠰᠢᠭ ᠢᠶᠠᠨ ᠪᠠᠷᠠᠨᠠ | ᠬᠡᠲᠡᠭ᠃ | ◇ ᠪᠤᠱᠤᠭᠠᠨ ᠲᠡᠭᠡᠷᠡ ᠵᠤᠭᠰᠤᠬᠤ ᠪᠤᠶᠤ ᠰᠠᠭᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠪᠤᠲᠠᠭᠠ ᠤᠯᠵᠤ ᠢᠲᠡᠬᠦ ᠦᠬᠡᠢ | ᠪᠤᠯᠤᠨᠠ ᠬᠡᠲᠡᠭ᠃ | ◇ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠰᠢᠬᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠨᠢᠲᠦᠨ ᠳᠤ ᠡᠪᠦᠲᠦᠭ ᠭᠠᠷᠤᠨᠠ ᠬᠡᠲᠡᠭ᠃ | ◇ ᠬᠦᠮᠦᠨ ᠤ ᠦᠬᠡᠲᠡ ᠨᠢᠯᠪᠤᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠠᠮᠠᠨ ᠬᠡᠰᠢᠭ ᠢᠶᠠᠨ ᠪᠠᠷᠠᠨᠠ ᠬᠡᠲᠡᠭ᠃ | ◇ ᠰᠢᠪᠠᠭᠤᠨ ᠤ ᠦᠨᠲᠡᠭᠡ ᠬᠠᠭᠠᠯᠬᠤ ᠶᠢ ᠴᠡᠬᠡᠷᠯᠡᠨᠡ᠃ ᠨᠢᠬᠦᠯ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠦᠬᠢᠨ ᠬᠦᠮᠦᠨ ᠰᠢᠪᠠᠭᠤᠨ ᠦᠨᠲᠡᠭᠡ ᠬᠠᠭᠠᠯᠪᠠᠯ ᠤᠯᠲᠤᠢ ᠪᠤᠯᠤᠨᠠ ᠬᠡᠲᠡᠭ᠃ | ◇ ᠠᠩᠭᠠᠬᠠᠢ ᠠᠯᠠᠪᠠᠯ ᠰᠢᠪᠠᠭᠤᠨ ᠤ ᠬᠠᠷᠢᠶᠠᠯ ᠬᠦᠷᠦᠨᠡ ᠬᠡᠵᠦ ᠴᠡᠬᠡᠷᠯᠡᠲᠡᠭ᠃ | |