| —— ᠨᠠᠮᠳᠡᠶᠢᠰᠦ᠋ᠷᠦᠩ | | | ᠨᠢᠭᠡ᠂ ᠰᠢᠭᠦᠰᠦ ᠴᠢᠨᠠᠬᠤ | | ᠤᠩᠨᠢᠭᠤᠳ ᠤᠨ ᠬᠢᠨ ᠬᠤᠨᠢ ᠪᠠᠨ ᠦᠷᠦᠴᠢᠯᠡᠨ ᠠᠯᠠᠵᠤ᠂ ᠮᠤᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠡᠪᠲᠡᠵᠤ | ᠲᠤᠶᠠᠴᠢᠨ᠂ ᠭᠡᠳᠡᠰᠦ ᠲᠤᠳᠤᠷ ᠢ ᠨᠢ ᠭᠦᠷᠳᠡᠯᠡ ᠰᠠᠶᠢᠬᠠᠨᠠᠷᠢᠯᠭᠠᠳᠠᠭ᠃ ᠬᠤᠷᠢᠮ ᠨᠠᠶᠢᠷ᠂ ᠪᠡᠯᠡᠭ ᠳᠤ ᠵᠠᠷᠤᠬᠤ | ᠪᠦᠭᠦᠯᠢ ᠬᠤᠨᠢ ᠶᠢ ᠡᠪᠴᠡᠭᠦᠦ ᠶᠢ ᠨᠢ ᠬᠠᠳᠤᠵᠤ ᠠᠪᠤᠭᠠᠳ ᠬᠠᠪᠢᠷᠭᠠ ᠶᠢᠨ ᠪᠤᠷᠠ ᠶᠢ ᠤᠨᠠᠭᠠᠨ ᠳᠡᠯᠭᠡᠭᠡᠳ᠂ | ᠤᠭᠤᠴᠠᠨ ᠤ ᠨᠢᠷᠤᠭᠤᠨ ᠦᠶᠡ ᠪᠠᠷ ᠨᠤᠭᠤᠯᠤᠨ᠂ ᠴᠡᠭᠡᠵᠢ ᠤᠭᠤᠴᠠ ᠶᠢ ᠬᠠᠪᠰᠤᠷᠤᠨ ᠲᠠᠯᠪᠢᠳᠠᠭ᠃ ᠢᠳᠡᠰᠢᠨ | ᠳᠤ ᠭᠡᠷᠡᠭᠯᠡᠭᠦ ᠮᠢᠬᠠ ᠶᠢ ᠶᠠᠰᠤ ᠶᠢ ᠨᠢ ᠭᠡᠮᠭᠡᠯᠡᠵᠤ ᠪᠠᠯᠠᠪᠠᠯᠠᠬᠤ ᠦᠭᠡᠢ ᠪᠠᠷ ᠦᠶᠡᠯᠡᠨ ᠰᠠᠯᠭᠠᠳᠠᠭ᠃ | ᠰᠢᠭᠦᠰᠦ ᠴᠢᠨᠠᠬᠤ ᠳᠤ ᠪᠦᠭᠦᠯᠢ ᠬᠤᠨᠢᠨ ᠤ ᠨᠢᠷᠤᠭᠤᠨ ᠤ ᠲᠤᠯᠤᠳᠤᠭᠠᠷ ᠦᠶᠡ ᠪᠠᠷ ᠪᠤᠯᠭᠤᠯᠠᠵᠤ᠂ ᠰᠡᠭᠦᠯ | ᠤᠨ ᠦᠵᠦᠭᠦᠷ ᠤᠨ ᠤᠷᠤᠭ ᠰᠡᠭᠦᠯ ᠢ ᠠᠪᠤᠭᠰᠠᠨ ᠤᠭᠤᠴᠠ ᠪᠠ ᠲᠠᠯᠤ᠂ ᠬᠠᠷᠢᠳᠤ᠂ ᠰᠡᠭᠦᠵᠢ᠂ ᠲᠤᠮᠳᠠ ᠴᠢᠮᠦᠭᠡ | ᠂ ᠱᠠᠭᠠᠨᠳᠤ᠂ ᠰᠡᠭᠡᠷ ᠢ ᠲᠤᠭᠤᠭᠠ ᠲᠠᠢ ᠭᠦᠢᠳᠡᠨ ᠤᠰᠤᠨ ᠳᠤ ᠭᠢᠵᠤ ᠵᠦᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨ᠂ ᠨᠢᠳᠭᠡᠯ | ᠢ ᠨᠢ ᠰᠠᠶᠢᠬᠠᠨ ᠱᠦᠭᠦᠵᠤ ᠠᠷᠢᠯᠭᠠᠨᠠ᠃ ᠮᠢᠬᠠ ᠴᠢᠨᠠᠵᠤ ᠪᠠᠶᠢᠭᠠ ᠤᠰᠤ ᠪᠠᠨ ᠪᠤᠴᠠᠯᠠᠭᠰᠠᠨ ᠤ ᠲᠠᠷᠠᠭᠠ ᠲᠠᠪᠤᠰᠤ | ᠂ ᠴᠠᠭᠠ᠂ ᠰᠤᠩᠭᠢᠨᠠ᠂ ᠬᠤᠸᠠᠵᠤᠤ ᠭᠢᠵᠤ ᠠᠮᠳᠠ ᠤᠷᠤᠭᠤᠯᠤᠨᠠ᠃ ᠮᠢᠬᠠ ᠶᠢ ᠴᠢᠰᠤ ᠭᠠᠷᠬᠤ ᠦᠭᠡᠢ ᠪᠤᠯᠳᠠᠯᠠ | ᠴᠢᠨᠠᠳᠠᠭ ᠪᠤᠯᠪᠠᠴᠤ᠂ ᠭᠡᠳᠡᠷᠭᠡᠢ ᠨᠤᠯᠳᠠ ᠴᠢᠨᠠᠳᠠᠭ ᠦᠭᠡᠢ᠃ ᠲᠤᠭᠤᠭᠠ ᠲᠠᠢ ᠮᠢᠬᠠ ᠪᠠᠨ ᠪᠤᠷᠤᠯᠠᠭᠤᠯᠤᠭᠰᠠᠨ ᠤ | ᠲᠠᠷᠠᠭᠠ ᠴᠢᠨᠠᠵᠤ ᠪᠠᠶᠢᠭᠠ ᠤᠭᠤᠴᠠ ᠪᠠᠨ ᠭᠠᠷᠭᠠᠵᠤ ᠠᠪᠤᠭᠠᠳ ᠦᠩᠭᠡᠨ ᠲᠠᠯᠠ ᠶᠢᠨ ᠨᠢᠮᠭᠡᠨ ᠬᠠᠯᠢᠰᠤ ᠶᠢ ᠨᠢ | ᠬᠠᠯᠢᠮᠯᠠᠨ ᠠᠪᠴᠤ ᠦᠩᠭᠡᠯᠡᠨᠡ᠃ ᠢᠩᠭᠢᠭᠰᠡᠨ ᠤ ᠲᠠᠷᠠᠭᠠ ᠲᠤᠭᠤᠭᠠᠨ ᠳᠠᠭᠠᠨ ᠤᠭᠤᠴᠠ ᠪᠠᠨ ᠲᠠᠭᠢᠨ ᠭᠢᠵᠤ | ᠦᠷᠭᠦᠯᠵᠢᠯᠡᠨ ᠪᠤᠯᠭᠤᠳᠠᠯᠠ ᠴᠢᠨᠠᠨᠠ᠃ ᠰᠢᠭᠦᠰᠦ ᠳᠤ ᠤᠷᠤᠭᠤᠯᠬᠤ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠠᠰ ᠳᠤ ᠨᠢ | ᠬᠤᠶᠢᠬᠠᠯᠠᠵᠤ ᠴᠢᠨᠠᠨᠠ᠃ | ᠬᠤᠶᠠᠷ᠂ ᠪᠦᠭᠦᠯᠢ ᠰᠢᠭᠦᠰᠦ ᠤᠷᠤᠭᠤᠯᠬᠤ | ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠮᠢᠬᠠ ᠶᠢ ᠲᠤᠭᠤᠭᠠᠨ ᠠᠴᠠ ᠭᠠᠷᠭᠠᠵᠤ ᠭᠠᠤᠯᠢ ᠪᠤᠶᠤ ᠮᠤᠳᠤᠨ ᠲᠠᠪᠰᠢ ᠳᠤ | ᠭᠦᠵᠦᠭᠦᠦ ᠪᠤᠭᠳᠤᠭᠤᠰᠤ ᠪᠠ ᠪᠤᠭᠤᠨᠢ ᠬᠠᠪᠢᠷᠭᠠ ᠶᠢ ᠤᠷᠤᠭᠤᠯᠬᠤ ᠦᠭᠡᠢ ᠪᠠᠷ ᠲᠦᠷᠪᠡᠨ ᠮᠦᠴᠢ ᠶᠢ ᠨᠢ ᠠᠮᠢᠳᠤ | ᠬᠤᠨᠢᠨ ᠤ ᠭᠡᠪᠳᠡᠭᠡ ᠪᠠᠶᠢᠷᠰᠢᠯ ᠢᠶᠠᠷ ᠡᠮᠦᠨᠡ ᠬᠤᠶᠢᠨᠠ ᠵᠡᠭᠦᠨ ᠪᠠᠷᠠᠭᠤᠨ ᠢ ᠢᠯᠭᠠᠨ ᠲᠠᠯᠪᠢᠨᠠ᠃ ᠬᠤᠶᠠᠷ ᠬᠠ | ᠶᠢᠨ ᠬᠤᠭᠤᠷᠤᠨᠳᠤ ᠡᠮᠦᠨᠡ ᠨᠢ ︿︿ᠬᠠᠷᠠ ᠰᠡᠭᠡᠷ᠂ ᠦᠨᠳᠦᠷ ᠰᠡᠭᠡᠷ᠂ ᠪᠤᠭᠤᠨᠢ ᠰᠡᠭᠡᠷ﹀﹀ ᠭᠡᠵᠤ ᠭᠤᠷᠪᠠ | ᠠᠩᠭᠢᠯᠠᠨ ᠬᠤᠪᠢᠶᠠᠵᠤ᠂ ᠪᠤᠶᠠᠨ ᠰᠡᠭᠡᠷ ᠭᠡᠵᠤ ᠰᠡᠷᠪᠡᠭᠡ ᠶᠢ ᠨᠢ ᠳᠤᠳᠤᠭᠰᠢ ᠬᠠᠨᠳᠤᠭᠤᠯᠤᠨ ᠭᠦᠨᠳᠡᠯᠡᠨ ᠢᠶᠠᠷ | ᠠᠳᠠᠷ ᠪᠤᠯᠭᠠᠵᠤ ᠦᠷᠦᠨᠡ᠃ ᠳᠡᠭᠡᠷᠡ ᠨᠢ ᠬᠠᠯᠢᠮᠯᠠᠭᠰᠠᠨ ᠤᠭᠤᠴᠠ ᠪᠠᠨ ᠲᠠᠯᠪᠢᠵᠤ᠂ ᠤᠭᠤᠴᠠᠨ ᠤ ᠳᠡᠭᠡᠷᠡ ᠨᠢ | ᠡᠷᠡᠦ ᠶᠢ ᠨᠢ ᠰᠠᠯᠭᠠᠵᠤ ᠬᠤᠶᠢᠬᠠᠯᠠᠵᠤ ᠴᠢᠨᠠᠭᠰᠠᠨ ᠬᠤᠨᠢᠨ ᠲᠤᠯᠤᠭᠠᠢ ᠪᠠᠨ ᠲᠠᠯᠪᠢᠨᠠ᠃ ᠰᠢᠷᠡᠭᠡᠨ ᠳᠤ | ᠤᠷᠤᠭᠤᠯᠬᠤ ᠳᠠᠭᠠᠨ ᠭᠤᠤᠯᠳᠠᠵᠤ ᠰᠠᠭᠤᠭᠰᠠᠨ ᠵᠤᠴᠢᠨ ᠤ ᠦᠭᠡᠳᠡ ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢ ᠬᠠᠨᠳᠤᠭᠤᠯᠤᠨ᠂ | ᠰᠡᠭᠦᠯ ᠢ ᠨᠢ ᠰᠢᠭᠦᠰᠦ ᠤᠷᠤᠭᠤᠯᠬᠤ ᠭᠦᠮᠦᠨ ᠦᠪᠡᠷ ᠤᠨ ᠪᠡᠶᠡ ᠦᠭᠡᠳᠡ ᠪᠠᠨ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ | ᠰᠢᠭᠦᠰᠦ ᠤᠷᠤᠭᠤᠯᠬᠤ ᠲᠠᠢ ᠵᠡᠷᠭᠡ ᠲᠠᠪᠤᠰᠤ᠂ ᠰᠤᠩᠭᠢᠨᠠ᠂ ᠰᠠᠷᠢᠮᠰᠠᠭ ᠵᠡᠷᠭᠡ ᠲᠠᠢ ᠨᠠᠶᠢᠷᠠᠭᠤᠯᠤᠭᠰᠠᠨ ᠬᠠᠯᠠᠭᠤᠨ | ᠱᠦᠯᠦ ᠶᠢ ᠰᠢᠷᠡᠭᠡᠨ ᠤ ᠲᠦᠷᠪᠡᠨ ᠦᠨᠴᠦᠭ ᠪᠤᠶᠤ ᠬᠤᠶᠠᠷ ᠲᠠᠯᠠ ᠳᠤ ᠠᠶᠠᠭᠠᠯᠠᠵᠤ ᠲᠠᠯᠪᠢᠵᠤ ᠮᠢᠬᠠ ᠲᠦᠷᠦᠵᠤ | ᠢᠳᠡᠭᠦ ᠳᠤ ᠪᠡᠯᠡᠳᠭᠡᠨᠡ᠃ | ᠪᠦᠭᠦᠯᠢ ᠰᠢᠭᠦᠰᠦ ᠶᠢ ᠭᠦᠨᠳᠡᠵᠤ ᠬᠠᠰᠢᠬᠤ᠃ ᠰᠢᠭᠦᠰᠦ ᠶᠢ ᠤᠷᠤᠭᠤᠯᠤᠮᠠᠭᠴᠠ ᠭᠡᠷ ᠤᠨ ᠡᠵᠡᠨ ᠪᠤᠶᠤ | ᠬᠤᠷᠢᠮ ᠨᠠᠶᠢᠷ ᠬᠠᠮᠢᠶᠠᠷᠤᠭᠴᠢ ᠨᠢ ᠵᠤᠴᠢᠳ ᠲᠤ ᠰᠢᠭᠦᠰᠦ ᠶᠢᠨ ᠠᠷᠢᠭᠢ ᠪᠠᠷᠢᠨᠠ᠃ ᠡᠭᠦᠨ ᠲᠠᠢ ᠵᠡᠷᠭᠡ ᠪᠠᠷ ᠨᠠᠶᠢᠷ | ᠤᠨ ᠢᠷᠤᠭᠡᠯᠴᠢ ᠠᠴᠠ ᠠᠷᠢᠭᠢᠨ ᠤ ᠮᠠᠭᠳᠠᠭᠠᠯ ᠭᠡᠯᠠᠨᠡ᠃ ᠮᠠᠭᠳᠠᠭᠠᠯ ᠭᠡᠯᠡᠵᠤ ᠪᠠᠷᠠᠮᠠᠭᠴᠠ ᠲᠠᠭᠤᠴᠢᠨ ᠠᠴᠠ | ᠠᠷᠢᠭᠢᠨ ᠤ ᠲᠠᠭᠤᠤ ᠡᠷᠭᠦᠨᠡ᠃ ᠳᠠᠷᠠᠭᠠ ᠨᠢ ᠰᠢᠭᠦᠰᠦ ᠤᠷᠤᠭᠤᠯᠤᠭᠰᠠᠨ ᠭᠦᠮᠦᠨ ᠨᠢ ᠵᠢᠵᠢᠭ ᠲᠠᠪᠠᠭ ᠤᠨ | ᠲᠤᠳᠤᠷᠠ ᠮᠦᠩᠭᠦᠨ ᠬᠤᠢ ᠲᠠᠢ ᠮᠤᠩᠭᠤᠯ ᠭᠢᠳᠤᠭᠠ ᠶᠢ ᠦᠵᠦᠭᠦᠷ ᠢ ᠨᠢ ᠪᠡᠶᠡ ᠵᠦᠭ ᠢᠶᠠᠨ ᠬᠠᠨᠳᠤᠭᠤᠯᠵᠤ᠂ | ᠡᠰᠢ ᠶᠢ ᠨᠢ ᠲᠦᠷᠦᠭᠦᠦ ᠵᠤᠴᠢᠨ ᠳᠤ ᠪᠠᠷᠢᠨᠠ᠃ ᠲᠦᠷᠦᠭᠦᠦ ᠵᠤᠴᠢᠨ ᠭᠢᠳᠤᠭᠠ ᠶᠢ ᠲᠤᠰᠴᠤ ᠠᠪᠤᠨ ᠬᠤᠨᠢᠨ | ᠲᠤᠯᠤᠭᠠᠢ ᠶᠢᠨ ᠪᠠᠶᠠᠷ ᠮᠠᠩᠨᠠᠢ ᠳᠤᠮᠳᠠ ︿︿+﹀﹀ ᠪᠤᠶᠤ ︿︿ᠬᠠᠰ ᠲᠠᠮᠠᠭᠠ﹀﹀ ᠵᠢᠷᠤᠵᠤ ᠲᠡᠮᠳᠡᠭ ᠲᠠᠯᠪᠢᠨ᠂ ᠲᠠᠭᠢᠨ | ᠬᠤᠨᠢᠨ ᠲᠤᠯᠤᠭᠠᠢ ᠶᠢᠨ ᠪᠠᠷᠠᠭᠤᠨ ᠴᠢᠭᠢ ᠶᠢᠨ ᠠᠷᠤ ᠪᠠᠷ ᠨᠢ ᠪᠠᠭᠠ ᠤᠭᠳᠤᠯᠵᠤ ᠢᠮ ᠭᠠᠷᠭᠠᠨ ᠭᠦᠨᠳᠡᠭᠡᠳ | ᠡᠨᠡ ᠪᠤᠯ ᠮᠢᠨᠤ ᠬᠤᠨᠢ ᠪᠤᠯᠤᠯᠠ ᠭᠡᠳᠡᠭ ᠢ ᠢᠯᠡᠷᠭᠡᠶᠢᠯᠡᠨ᠂ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠵᠢᠵᠢᠭ ᠲᠠᠪᠠᠭ ᠲᠤ ᠭᠢᠵᠤ | ᠰᠢᠭᠦᠰᠦ ᠤᠷᠤᠭᠤᠯᠤᠭᠰᠠᠨ ᠭᠦᠮᠦᠨ ᠳᠤ ᠪᠤᠴᠠᠭᠠᠨᠠ᠃ ᠵᠤᠴᠢᠨ ᠨᠢ ᠰᠢᠭᠦᠰᠦ ᠠᠴᠠ ᠭᠡᠳᠤᠨ ᠵᠢᠰᠦᠮ ᠤᠭᠳᠤᠯᠤᠨ | ᠠᠪᠴᠤ ᠭᠠᠯ ᠭᠤᠯᠤᠮᠳᠠ ᠳᠤ ᠡᠷᠭᠦᠨ᠂ ᠤᠭᠤᠴᠠᠨ ᠤ ᠤᠭᠤᠷᠠᠭ ᠰᠡᠭᠦᠯ ᠢ ᠤᠭᠳᠤᠯᠤᠨ ᠠᠪᠴᠤ᠂ ᠵᠦᠪ ᠲᠠᠯᠠ | ᠶᠢᠨ ᠱᠠᠭᠠᠨᠳᠤ ᠴᠢᠮᠦᠭᠡ ᠶᠢᠨ ᠬᠠᠮᠳᠤ ᠵᠢᠵᠢᠭ ᠫᠢᠯᠠᠨ ᠳᠤ ᠭᠢᠵᠤ ︿︿ᠪᠤᠷᠬᠠᠨ ᠤ ᠲᠠᠭᠢᠯ﹀﹀ ᠭᠡᠵᠤ ᠭᠡᠷ ᠤᠨ ᠡᠵᠡᠨ | ᠪᠤᠶᠤ ᠰᠢᠭᠦᠰᠦ ᠤᠷᠤᠭᠤᠯᠤᠭᠰᠠᠨ ᠭᠦᠮᠦᠨ ᠳᠤ ᠦᠭᠴᠦ᠂ ᠭᠢᠳᠤᠭᠠ ᠶᠢ ᠵᠤᠴᠢᠨ ᠵᠤᠴᠢᠯᠠᠭᠴᠢ ᠳᠤ | ᠭᠠᠷᠳᠠᠭᠤᠯᠤᠨᠠ᠃ ᠵᠤᠴᠢᠨ ᠵᠤᠴᠢᠯᠠᠭᠴᠢ ᠨᠢ ᠭᠢᠳᠤᠭᠠ ᠶᠢ ᠭᠢᠴᠢᠶᠡᠩᠭᠦᠢ ᠪᠠᠷ ᠲᠤᠰᠤᠨ ᠠᠪᠴᠤ ᠤᠭᠤᠴᠠ ᠶᠢ | ᠬᠠᠰᠢᠵᠤ ᠡᠭᠢᠯᠡᠨᠡ᠃ ᠢᠷᠤᠭᠡᠯᠴᠢ ᠨᠢ ᠡᠭᠢᠯᠡᠯᠳᠡ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠤ ᠪᠠᠷᠠᠮᠠᠭᠴᠠ ᠰᠢᠭᠦᠰᠦ ᠲᠠᠯᠪᠢᠬᠤ | ᠬᠤᠨᠢᠨ ᠤ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠢ ᠡᠭᠢᠯᠡᠵᠤ ᠭᠡᠯᠡᠨᠡ᠃ | ᠤᠭᠤᠴᠠ ᠬᠠᠰᠢᠬᠤ᠃ ᠤᠭᠤᠴᠠ ᠬᠠᠰᠢᠬᠤ ᠳᠠᠭᠠᠨ ᠭᠢᠳᠤᠭᠠ ᠶᠢᠨ ᠢᠷ ᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ ᠭᠠᠷ | ᠤᠨ ᠵᠦᠪ ᠢᠶᠠᠷ ᠪᠠᠷᠢᠵᠤ᠂ ᠨᠢᠷᠤᠭᠤ ᠳᠠᠭᠠᠤ ᠦᠶᠡᠯᠡᠨ᠂ ᠲᠠᠭᠢᠨ ᠤᠭᠤᠴᠠ ᠶᠢᠨ ᠵᠦᠪ ᠲᠠᠯᠠ ᠶᠢᠨ ᠰᠡᠭᠦᠯ ᠤᠨ | ᠪᠤᠭᠤᠮᠠ ᠠᠴᠠ ᠡᠭᠢᠯᠡᠨ ᠵᠦᠰᠦᠵᠤ ᠤᠭᠤᠴᠠ ᠶᠢᠨ ᠬᠤᠶᠠᠷ ᠲᠠᠯᠠ ᠶᠢ ᠠᠳᠠᠯᠢᠬᠠᠨ ᠬᠠᠰᠢᠵᠤ ᠵᠦᠰᠦᠨᠡ᠃ ᠡᠨᠡᠭᠦ | ᠵᠢᠰᠦᠮ ᠢ ︿︿ ᠬᠠᠰᠢᠶᠠᠰᠤ﹀﹀ ᠭᠡᠭᠦ ᠪᠤᠶᠤ ︿︿ᠲᠠᠷᠮᠠ﹀﹀ ᠭᠡᠳᠡᠭ᠃ ᠬᠠᠰᠢᠭᠰᠠᠨ ᠬᠠᠰᠢᠶᠠᠰᠤ ᠪᠠᠨ ᠵᠦᠪ ᠲᠠᠯᠠ ᠶᠢᠨ | ᠬᠢ ᠪᠤᠷᠤᠭᠤ ᠲᠠᠯᠠ ᠳᠤ ᠨᠢ ᠲᠠᠯᠪᠢᠵᠤ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠬᠢ ᠵᠦᠪ ᠲᠠᠯᠠ ᠳᠤ ᠨᠢ ᠰᠤᠯᠢᠵᠤ ᠲᠠᠯᠪᠢᠭᠰᠠᠨ ᠤ | ᠲᠠᠷᠠᠭᠠ ᠰᠢᠭᠦᠰᠦ ᠬᠠᠰᠢᠭᠰᠠᠨ ᠭᠦᠮᠦᠨ ᠨᠢ ᠭᠢᠳᠤᠭᠠ ᠤᠨ ᠡᠰᠢ ᠶᠢ ᠭᠤᠤᠯ ᠵᠤᠴᠢᠨ ᠤ ᠵᠦᠭ ᠬᠠᠨᠳᠤᠭᠤᠯᠤᠨ | ᠲᠠᠪᠠᠭ ᠲᠤ ᠭᠢᠵᠤ ᠪᠠᠷᠢᠨᠠ ᠃ ᠭᠤᠤᠯ ᠵᠤᠴᠢᠨ ᠤᠭᠤᠴᠠᠨ ᠤ ᠡᠭᠢᠨ ᠠᠴᠠ ᠨᠢᠭᠡ ᠵᠢᠰᠦᠮ ᠤᠭᠳᠤᠯᠤᠨ ᠠᠪᠴᠤ | ᠦᠪᠡᠷ ᠢᠶᠠᠨ ᠠᠮᠰᠠᠭᠰᠠᠨ ᠤ ᠲᠠᠷᠠᠭᠠ ᠨᠢᠭᠡ ᠲᠠᠯᠠ ᠶᠢᠨ ᠬᠠᠰᠢᠶᠠᠰᠤ ᠪᠤᠶᠤ ᠬᠠ ᠶᠢᠨ ᠮᠢᠬᠠ ᠠᠴᠠ ᠨᠢᠭᠡ ᠭᠡᠰᠡᠭ | ᠤᠭᠳᠤᠯᠤᠨ ᠠᠪᠴᠤ ᠲᠠᠪᠠᠭ ᠲᠤ ᠭᠢᠵᠤ ᠭᠡᠷ ᠤᠨ ᠡᠵᠡᠨ ᠤ ᠬᠤᠪᠢ ᠭᠡᠵᠤ ᠦᠭᠭᠦᠨᠡ᠃ ᠡᠭᠦᠨ ᠤ ᠲᠠᠷᠠᠭᠠ | ᠰᠠᠶ᠋ᠢ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠠ ᠵᠤᠴᠢᠳ ᠭᠠᠷ ᠭᠦᠳᠡᠯᠤᠨ ᠰᠢᠭᠦᠰᠦ ᠵᠤᠭᠤᠭᠯᠠᠨᠠ᠃ ᠪᠦᠭᠦᠯᠢ ᠰᠢᠭᠦᠰᠦ | ᠤᠷᠤᠭᠤᠯᠬᠤ ᠲᠠᠶᠢᠯᠠᠯᠭᠠ ᠳᠤ ᠲᠠᠭᠠᠪᠤᠷᠢ ᠲᠠᠪᠠᠭ ᠲᠠᠪᠰᠢ ᠤᠷᠤᠭᠤᠯᠳᠠᠭ᠃ ᠳᠤᠳᠤᠷ ᠲᠠᠪᠤᠨ ᠴᠤᠯᠤ᠂ | ᠴᠢᠳᠬᠤᠭᠰᠠᠨ ᠭᠡᠳᠡᠰᠦ᠂ ᠬᠤᠰᠭᠢᠨᠠᠭ ᠵᠡᠷᠭᠡ ᠶᠢ ᠲᠠᠪᠠᠭ ᠲᠠᠪᠰᠢ ᠳᠤ ᠦᠷᠦᠵᠤ᠂ ᠠᠰ ᠳᠤ ᠨᠢ ᠰᠠᠪᠠᠯᠠᠵᠤ ᠰᠢᠷᠡᠭᠡ | ᠵᠠᠰᠠᠵᠤ ᠲᠠᠯᠪᠢᠳᠠᠭ᠃ ᠤᠭᠤᠴᠠᠨ ᠰᠢᠭᠦᠰᠦ ᠲᠠᠢ ᠬᠤᠯᠢᠵᠤ ᠭᠡᠳᠡᠰᠦ ᠳᠤᠳᠤᠷ ᠤᠷᠤᠭᠤᠯᠳᠠᠭ ᠦᠭᠡᠢ᠃ | ᠰᠢᠭᠦᠰᠦ ᠶᠢᠨ ᠲᠠᠶᠢᠯᠠᠯᠭᠠ ᠪᠠᠷᠠᠬᠤ ᠳᠤ ᠲᠦᠷᠦᠭᠦᠦ ᠵᠤᠴᠢᠨ ᠠᠴᠠ ᠭᠦᠮᠦᠨ ᠪᠦᠷᠢ ᠠᠮᠰᠠᠭᠰᠠᠨ ᠲᠠᠯᠤ ᠶᠢᠨ | ᠶᠠᠰᠤ ᠶᠢ ᠤᠭ ᠪᠠᠶᠢᠷᠢ ᠳᠤ ᠨᠢ ᠲᠠᠯᠪᠢᠵᠤ᠂ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠲᠠᠭᠢᠨ ᠲᠠᠪᠠᠭ ᠲᠤ ᠭᠢᠵᠤ ᠠᠪᠴᠢᠷᠠᠭᠤᠯᠤᠨ᠂ | ᠮᠦᠨ ᠤᠭ ᠶᠤᠰᠤᠭᠠᠷ ᠤᠭᠤᠴᠠᠨ ᠤ ᠳᠡᠭᠡᠷᠡ ᠨᠢ ᠲᠠᠯᠪᠢᠵᠤ᠂ ᠲᠠᠪᠰᠢ ᠪᠠᠭᠤᠯᠭᠠᠬᠤ ᠶᠢ ᠮᠡᠳᠡᠭᠳᠡᠨ᠂ ᠵᠤᠴᠢᠨ | ᠵᠤᠴᠢᠯᠠᠭᠴᠢ ᠳᠤ ᠨᠠᠷᠠᠨ ᠵᠦᠪ ᠡᠷᠭᠢᠯᠳᠡ ᠪᠠᠷ ᠡᠷᠭᠢᠭᠦᠯᠦᠨ ᠭᠠᠷᠳᠠᠭᠤᠯᠵᠤ ᠪᠤᠴᠠᠭᠠᠨᠠ᠃ ᠭᠦᠯᠢᠶᠡᠨ ᠠᠪᠤᠭᠰᠠᠨ | ᠵᠤᠴᠢᠨ ᠵᠤᠴᠢᠯᠠᠭᠴᠢ ᠨᠢ ᠲᠠᠪᠠᠭ ᠲᠠᠢ ᠮᠢᠬᠠ ᠶᠢ ᠲᠠᠭᠢᠨ ᠵᠦᠪ ᠢᠶᠠᠷ ᠬᠠᠭᠠᠰ ᠡᠷᠭᠢᠭᠦᠯᠦᠨ ᠰᠢᠭᠦᠰᠦ ᠶᠢᠨ | ᠲᠡᠭᠡᠷᠡᠭᠢ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ ︿︿ᠭᠦᠨᠳᠦᠳᠦ ᠵᠤᠴᠢᠳ ᠰᠠᠶᠢᠨ ᠵᠤᠭᠤᠭᠯᠠᠪᠠᠤ︖﹀﹀ | ᠭᠡᠵᠤ ᠶᠤᠰᠤ ᠭᠦᠢᠴᠡᠳᠭᠡᠭᠡᠳ ᠭᠡᠳᠡᠷᠭᠦ ᠤᠬᠤᠷᠢᠨ ᠠᠪᠴᠤ ᠭᠠᠷᠤᠨᠠ᠃ ᠰᠢᠭᠦᠰᠦ ᠪᠠᠭᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ᠂ | ᠵᠤᠴᠢᠳ ᠲᠤ ᠲᠤᠳᠤᠷᠭᠠ ᠪᠤᠶᠤ ᠮᠤᠩᠭᠤᠯ ᠬᠠᠭᠤᠷᠠᠭᠰᠠᠨ ᠪᠤᠲᠠᠭᠠ ᠪᠠᠷ ᠴᠢᠨᠠᠭᠰᠠᠨ ᠰᠢᠩᠭᠡᠨ ᠱᠦᠯᠦ | ᠠᠶᠠᠭᠠᠯᠠᠨᠠ᠃ ᠡᠭᠦᠨ ᠢ ᠱᠦᠯᠦ ᠪᠠᠷᠢᠨᠠ ᠭᠡᠳᠡᠭ᠃ ᠱᠦᠯᠦ ᠤᠤᠭᠤᠵᠤ ᠪᠠᠷᠠᠪᠠᠯ ᠭᠤᠤᠯ ᠵᠤᠴᠢᠨ ᠨᠢ ᠪᠤᠰᠴᠤ | ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠲᠠᠶᠢᠯᠠᠯᠭᠠ ᠶᠢᠨ ᠰᠢᠷᠡᠭᠡ ᠶᠢ ᠭᠦᠩᠭᠡᠨ ᠭᠦᠳᠡᠯᠭᠡᠵᠤ ᠪᠦᠭᠦᠯᠢ ᠰᠢᠭᠦᠰᠦ ᠶᠢᠨ | ᠲᠠᠶᠢᠯᠠᠯᠭᠠ ᠶᠢ ᠦᠨᠳᠦᠷᠯᠡᠭᠦᠯᠳᠡᠭ᠃ | | ᠭᠤᠷᠪᠠ ᠂ ᠰᠢᠭᠦᠰᠦ ᠶᠢᠨ ᠲᠠᠶᠢᠯᠠᠯᠭᠠ ᠶᠢᠨ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠵᠤᠴᠢᠳ ᠤᠨ ᠰᠢᠭᠦᠰᠦ ᠵᠤᠭᠤᠭᠯᠠᠵᠤ | ᠪᠠᠶᠢᠬᠤ ᠦᠶᠡ ᠳᠤ ᠲᠠᠶᠢᠯᠠᠯᠭᠠ ᠶᠢᠨ ᠨᠠᠶᠢᠷ ᠢ ᠭᠦᠭᠵᠢᠶᠡᠨ ᠲᠠᠢ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠰᠠᠷᠬᠤᠳ ᠤᠨ ᠲᠠᠭᠤᠤ | ᠲᠠᠭᠤᠯᠠᠨ᠂ ᠠᠷᠢᠭᠢᠨ ᠤ ᠮᠠᠭᠳᠠᠭᠠᠯ ᠪᠠ ᠰᠢᠭᠦᠰᠦ ᠲᠠᠯᠪᠢᠬᠤ ᠬᠤᠨᠢᠨ ᠤ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠭᠡᠯᠡᠳᠡᠭ᠃ | 1᠂ ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠤ ᠰᠠᠷᠬᠤᠳ ᠤᠨ ᠲᠠᠭᠤᠤ ᠤᠩᠨᠢᠭᠤᠳ ᠮᠤᠩᠭᠤᠯᠴᠤᠳ ᠲᠠᠶᠢᠯᠠᠯᠭᠠ ᠶᠢᠨ ᠨᠠᠶᠢᠷ | ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠢᠷᠡᠭᠰᠡᠨ ᠵᠤᠴᠢᠳ ᠤᠨ ᠢᠶᠠᠨ ᠪᠠᠶᠢᠳᠠᠯ ᠢ ᠦᠵᠡᠵᠤ ︿︿ᠲᠦᠷᠦ ᠶᠢᠨ ᠲᠦᠷᠪᠡᠨ ᠲᠠᠭᠤᠤ﹀﹀ | ᠠᠴᠠ ᠰᠤᠩᠭᠤᠵᠤ ᠲᠠᠭᠤᠤ ᠡᠷᠭᠦᠳᠡᠭ᠃ ᠡᠭᠦᠨ ᠳᠤ ᠴᠢᠷᠢᠭ ᠤᠨ ᠡᠷᠭᠡᠳᠡᠨ ᠵᠠᠩᠵᠤᠨ ᠰᠠᠶᠢᠳ ᠲᠤ ᠪᠤᠯ ︿︿ | ᠡᠭᠦᠯᠡᠨ ᠭᠦᠭᠡ ᠮᠤᠷᠢ﹀﹀ ᠭᠡᠭᠦ ᠲᠠᠭᠤᠤ ᠶᠢ᠂ ᠨᠤᠶᠠᠳ ᠡᠷᠭᠢᠮᠳᠡᠳ ᠲᠤ ᠪᠤᠯ ︿︿ᠪᠤᠭᠳᠠ ᠶᠢᠨ ᠦᠨᠳᠦᠷ﹀﹀ ᠭᠡᠭᠦ | ᠲᠠᠭᠤᠤ ᠶᠢ᠂ ᠭᠡᠭᠡᠨ ᠬᠤᠪᠢᠯᠭᠠᠨ ᠶᠡᠭᠡ ᠯᠠᠮᠠᠬᠠᠶᠢᠳᠠᠨ ᠲᠤ ᠪᠤᠯ ︿︿ᠢᠯᠠᠭᠤᠭᠰᠠᠨ ᠡᠷᠭᠡᠳᠤ﹀﹀ ᠭᠡᠭᠦ ᠲᠠᠭᠤᠤ ᠶᠢ᠂ | ᠤᠷᠤᠭ ᠬᠤᠷᠢᠮ ᠳᠡᠭᠡᠷᠡ ᠪᠤᠯ ︿︿ᠪᠦᠭᠡᠷᠡ ᠶᠢᠨ ᠮᠦᠴᠡᠷ﹀﹀᠂ ︿︿ᠵᠢᠢ ᠲᠠᠯᠠ ᠶᠢᠨ ᠭᠤᠷᠭᠤᠤᠯ﹀﹀᠂ ︿︿ᠴᠢᠩᠽᠠᠢ | ᠬᠤᠸᠠᠷ﹀﹀ ᠭᠡᠭᠦ ᠮᠡᠳᠤ ᠶᠢᠨ ᠤᠷᠳᠤ ᠶᠢᠨ ᠲᠠᠭᠤᠤ ᠪᠠ ︿︿ᠵᠠᠩ ᠮᠦᠷᠢᠨ ᠤ ᠤᠰᠤ﹀﹀᠂ ︿︿ᠨᠠᠮᠤᠭ ᠲᠠᠯᠠ ᠶᠢᠨ | ᠪᠤᠷᠭᠠᠰᠤ﹀﹀ ᠭᠡᠭᠦ ᠮᠡᠳᠤ ᠶᠢᠨ ᠤᠬᠤᠷ ᠲᠠᠭᠤᠤ ᠠᠴᠠ ᠰᠤᠩᠭᠤᠵᠤ ᠲᠠᠭᠤᠯᠠᠳᠠᠭ᠃ ᠢᠩᠭᠢᠭᠦ ᠳᠤ ᠪᠠᠨ ᠨᠠᠶᠢᠷ ᠤᠨ | ᠡᠭᠢᠨ ᠳᠤ ᠪᠠ ᠲᠠᠭᠦᠰᠭᠡᠯ ᠳᠤ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠤ᠂ ᠳᠤᠮᠳᠠ ᠨᠢ ᠤᠬᠤᠷ ᠲᠠᠭᠤᠤ ᠲᠠᠭᠤᠯᠠᠳᠠᠭ᠃ | ᠬᠤᠷᠢᠮ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠠᠬᠠᠮᠠᠳ ᠨᠠᠷ ᠤᠨ ᠳᠡᠷᠭᠡᠳᠡ ᠢᠨᠠᠭ ᠤᠨ ᠲᠠᠭᠤᠤ ᠲᠠᠭᠤᠯᠠᠳᠠᠭ ᠦᠭᠡᠢ᠃ | 2᠂ ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠤ ᠠᠷᠢᠭᠢᠨ ᠤ ᠮᠠᠭᠳᠠᠭᠠᠯ | ᠵᠧ︕ | ᠭᠠᠳᠠᠭᠠᠳᠤ ᠳᠠᠯᠠᠢ ᠮᠡᠳᠤ | ᠳᠤᠳᠤᠷᠠ ᠠᠴᠠ ᠪᠠᠨ ᠪᠤᠯᠭᠢᠯᠠᠵᠤ | ᠭᠠᠯᠪᠠᠷ ᠽᠠᠨᠳᠠᠨ ᠮᠤᠳᠤ ᠮᠡᠳᠤ | ᠦᠨᠳᠤᠰᠤ ᠠᠴᠠ ᠪᠠᠨ ᠲᠡᠯᠭᠡᠷᠡᠵᠤ | ᠰᠦᠨ ᠳᠠᠯᠠᠢ ᠮᠡᠳᠤ | ᠡᠷᠭᠢ ᠠᠴᠠ ᠪᠠᠨ ᠪᠤᠷᠭᠢᠯᠠᠵᠤ | ᠰᠦᠮᠪᠦᠷ ᠠᠭᠤᠯᠠ ᠮᠡᠳᠤ | ᠤᠷᠤᠢ ᠠᠴᠠ ᠪᠠᠨ ᠴᠠᠶᠢᠷᠠᠵᠤ | ᠢᠷᠡᠭᠦ ᠶᠡᠭᠡ ᠵᠤᠴᠢᠨ ᠰᠠᠳᠤᠨ ᠲᠠᠢ | ᠢᠷᠡᠭᠦᠯᠭᠦ ᠭᠡᠰᠢᠭ ᠪᠤᠶᠠᠨ ᠲᠠᠢ | ᠪᠤᠭᠳᠠ ᠴᠢᠩᠭᠢᠰ ᠤᠨ ᠦᠷᠦᠰᠢᠶᠡᠯ ᠲᠠᠢ | ᠪᠤᠶᠠᠨᠳᠤ ᠨᠠᠰᠤᠳᠠᠨ ᠤ ᠵᠦᠪᠰᠢᠶᠡᠷᠡᠯ ᠲᠠᠢ | ᠬᠤᠯᠠ ᠶᠢᠨ ᠵᠤᠴᠢᠨ ᠢ ᠤᠶᠢᠷᠠᠳᠤᠭᠤᠯᠵᠤ | ᠬᠤᠳᠠᠯᠠ ᠤᠯᠠᠨ ᠢ ᠪᠠᠶᠠᠰᠬᠠᠳᠠᠭ | ᠰᠠᠭᠤᠭᠰᠠᠨ ᠪᠦᠭᠦᠳᠡ ᠶᠢ ᠵᠢᠷᠭᠠᠭᠤᠯᠵᠤ | ᠰᠤᠨᠤᠰᠤᠭᠰᠠᠨ ᠪᠦᠭᠦᠨ ᠢ ᠪᠠᠶᠠᠷᠯᠠᠭᠤᠯᠳᠠᠭ | ᠰᠠᠨᠠᠭᠰᠠᠨ ᠦᠢᠯᠡᠰ ᠢ ᠪᠦᠳᠦᠭᠡᠵᠤ | ᠰᠠᠨᠠᠭᠠ ᠰᠡᠳᠭᠢᠯ ᠢ ᠰᠤᠯᠢᠯᠴᠠᠭᠤᠯᠳᠠᠭ | ᠰᠠᠷᠬᠤᠳ ᠴᠢᠮᠠᠶ᠋ᠢ ᠪᠠᠨ ᠡᠷᠭᠦᠨ ᠪᠠᠷᠢᠵᠤ ᠪᠠᠶᠢᠨᠠ | ᠠᠷᠢᠭᠢ ᠲᠠᠨ ᠢ ᠪᠠᠨ ᠮᠠᠭᠳᠠᠵᠤ ᠪᠠᠶᠢᠨᠠ᠃ | ᠢᠷᠡᠭᠰᠡᠨ ᠵᠤᠴᠢᠳ ᠮᠢᠨᠢ ᠨᠠᠶᠢᠷᠯᠠᠯᠳᠤᠨ ᠪᠠᠶᠠᠰᠳᠤᠭᠠᠢ︕ | ᠨᠠᠶᠢᠷ ᠨᠠᠭᠠᠳᠤᠮ ᠭᠦᠭᠵᠢᠶᠡᠨᠳᠠᠢ ᠪᠤᠯᠳᠤᠭᠠᠢ︕ | ᠲᠠᠭᠠᠷᠠᠭᠰᠠᠨ ᠪᠡᠶᠡ ᠨᠢ ᠪᠦᠯᠢᠶᠡᠰᠭᠦ ᠪᠤᠯᠳᠤᠭᠠᠢ︕ | ᠶᠠᠳᠠᠷᠠᠯ ᠵᠦᠳᠡᠷᠡᠯ ᠨᠢ ᠲᠠᠶᠢᠯᠤᠭᠳᠠᠬᠤ ᠪᠤᠯᠳᠤᠭᠠᠢ︕ | ᠰᠠᠭᠠᠳᠠᠨ ᠨᠠᠶᠢᠷᠯᠠᠭᠰᠠᠨ ᠪᠦᠭᠦᠨ ᠤ | ᠰᠠᠶᠢᠨ ᠤ ᠠᠮᠤᠭᠤᠯᠠᠩ ᠢ ᠪᠡᠯᠡᠭᠯᠡᠵᠤ | ᠨᠠᠶᠢᠷ ᠤᠨ ᠲᠡᠷᠢᠭᠦᠨ ᠭᠡᠮ ᠢᠶᠠᠨ | ᠠᠶᠢᠯᠠᠳᠬᠠᠨ ᠲᠡᠪᠰᠢᠭᠦᠯᠵᠤ ᠪᠠᠷᠢᠵᠤ ᠪᠠᠶᠢᠨᠠ︕ | 3᠂ ᠰᠢᠭᠦᠰᠦ ᠲᠠᠯᠪᠢᠬᠤ ᠬᠤᠨᠢᠨ ᠤ ᠢᠷᠦᠭᠡᠯ ᠮᠠᠭᠳᠠᠭᠠᠯ | ᠳᠤᠰ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠢ ᠠᠷᠢᠭᠢᠨ ᠤ ᠡᠭᠢᠨ ᠤ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠤ ᠪᠠᠷᠠᠮᠠᠭᠴᠠ ᠭᠡᠯᠡᠮᠤᠷᠴᠢ ᠭᠠᠷ | ᠲᠠᠭᠠᠨ ᠠᠶᠤᠰᠢ ᠬᠠᠳᠠᠭ ᠡᠷᠭᠦᠭᠰᠡᠭᠡᠷ ᠭᠡᠯᠡᠨᠡ᠃ | ᠵᠧ︕ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠡᠩᠭᠡ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠤᠯᠳᠤᠭᠠᠢ︕ | ᠳᠡᠩᠨᠡᠭᠦᠷ ᠤᠨ ᠭᠤᠤᠯ ᠤᠨ ᠨᠤᠳᠤᠭ ᠢᠶᠠᠷ | ᠪᠡᠯᠴᠢᠭᠡᠷ ᠢᠶᠠᠨ ᠪᠤᠯᠭᠠᠵᠤ | ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠤᠰᠤ ᠪᠠᠷ | ᠤᠮᠳᠠ ᠪᠠᠨ ᠪᠤᠯᠭᠠᠵᠤ | ᠤᠩᠨᠢᠭᠤᠳ ᠮᠠᠩᠬᠠᠨ ᠳᠤᠮᠳᠠ ᠪᠠᠨ | ᠡᠷᠭᠡ ᠳᠤᠷᠠ ᠪᠠᠷ ᠢᠶᠠᠨ ᠪᠡᠯᠴᠢᠭᠡᠷᠯᠡᠵᠤ | ᠴᠦᠨᠳᠦᠪ ᠤᠨ ᠭᠤᠤᠯ ᠤᠨ ᠤᠰᠤ ᠪᠠᠨ | ᠴᠢᠨᠡᠭᠡ ᠪᠠᠷ ᠢᠶᠠᠨ ᠤᠮᠳᠠᠯᠠᠭᠰᠠᠨ | ᠠᠮᠪᠠᠨ ᠠᠳᠠᠯᠢ ᠪᠠᠶᠡ ᠲᠠᠢ | ᠠᠴᠠᠨ ᠲᠦᠷᠪᠡᠨ ᠳᠤᠭᠤᠷᠠᠢ ᠲᠠᠢ | ᠲᠠᠩᠰᠤᠭ ᠰᠠᠶᠢᠬᠠᠨ ᠪᠡᠶᠡ ᠲᠠᠢ | ᠳᠡᠪᠭᠡ ᠲᠦᠷᠪᠡᠨ ᠳᠤᠭᠤᠷᠠᠢ ᠲᠠᠢ | ᠤᠶᠠᠬᠠᠨ ᠰᠠᠶᠢᠬᠠᠨ ᠲᠠᠭᠤᠤ ᠲᠠᠢ | ᠤᠭᠠᠯᠵᠠᠨ ᠬᠤᠶᠠᠷ ᠡᠪᠡᠷ ᠲᠠᠢ | ᠡᠷᠢᠶᠡᠨ ᠠᠯᠠᠭ ᠨᠢᠳᠦ ᠲᠠᠢ | ᠡᠷᠪᠡᠭᠡᠢ ᠬᠤᠶᠠᠷ ᠴᠢᠭᠢ ᠲᠠᠢ | ᠬᠠᠨᠠ ᠶᠢᠨ ᠴᠢᠨᠡᠭᠡ ᠤᠭᠤᠴᠠ ᠲᠠᠢ | ᠬᠠᠪᠬᠠᠰᠤ ᠶᠢᠨ ᠴᠢᠨᠡᠭᠡ ᠰᠡᠭᠦᠯ ᠲᠠᠢ | ᠠᠮᠠ ᠵᠢᠷᠭᠤᠭᠠᠨ ᠭᠦᠵᠦᠭᠦᠦ ᠲᠠᠢ | ᠠᠷᠪᠠᠨ ᠬᠤᠶᠠᠷ ᠰᠡᠭᠡᠷ ᠲᠠᠢ | ᠬᠤᠷᠢᠨ ᠲᠦᠷᠪᠡᠨ ᠬᠠᠪᠢᠷᠭᠠ ᠲᠠᠢ | ᠬᠤᠳᠤᠭᠤᠷ ᠨᠠᠢᠮᠠᠨ ᠨᠢᠷᠤᠭᠤ ᠲᠠᠢ | ᠮᠢᠩᠭᠠᠨ ᠰᠦᠷᠦᠭ ᠤᠨ ᠮᠠᠩᠯᠠᠢ | ᠮᠢᠨᠳᠠᠰᠤᠨ ᠨᠤᠤᠰᠤᠳᠤ ᠶᠢᠨ ᠤᠭᠢ | ᠲᠦᠮᠡᠨ ᠰᠦᠷᠦᠭ ᠤᠨ ᠲᠦᠷᠦᠭᠦᠦ | ᠲᠦᠯᠵᠢᠭᠦ ᠰᠦᠷᠦᠭ ᠤᠨ ᠲᠡᠭᠡᠵᠢ | ᠮᠠᠩᠬᠠᠨ ᠴᠠᠭᠠᠨ ᠬᠤᠨᠢ ᠪᠠᠨ | ᠮᠠᠩᠨᠠᠢ ᠴᠠᠭᠠᠨ ᠵᠤᠯᠮᠠᠵᠤ | ᠵᠠᠭᠠᠳᠠᠰᠤ ᠦᠭᠡᠢ ᠲᠠᠪᠰᠢ ᠳᠤ | ᠵᠠᠰᠠᠵᠤ ᠰᠠᠶᠢᠬᠠᠨ ᠪᠠᠶᠢᠷᠢᠯᠠᠭᠤᠯᠵᠤ | ᠠᠭᠠᠷᠤ ᠽᠠᠨᠳᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ | ᠠᠪᠴᠢᠷᠠᠵᠤ ᠵᠠᠯᠠᠵᠤ ᠲᠠᠯᠪᠢᠯᠠ᠃ | ᠠᠪᠤ ᠲᠡᠭᠡᠳᠤ ᠶᠢᠨ ᠶᠤᠰᠤ ᠪᠠᠶᠢᠨᠠ | ᠠᠷᠢᠭᠤᠨ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠪᠠᠶᠢᠨᠠ | ᠠᠮᠪᠠᠨ ᠴᠠᠭᠠᠨ ᠢᠷᠭᠡ ᠪᠠᠶᠢᠨᠠ | ᠠᠮᠠᠨ ᠰᠢᠷᠡᠭᠡᠨ ᠳᠤ ᠲᠡᠭᠡᠳᠦᠯᠡᠵᠤ ᠪᠠᠶᠢᠨᠠ᠃ | ᠲᠡᠭᠡᠳᠤ ᠲᠡᠭᠷᠢ ᠠᠴᠠ ᠵᠢᠶᠠᠭᠠ ᠲᠠᠢ | ᠲᠡᠭᠰᠢ ᠵᠢᠷᠭᠠᠬᠤ ᠢᠷᠦᠭᠡᠯ ᠲᠠᠢ | ᠪᠤᠭᠤᠷᠤᠯ ᠨᠠᠰᠤᠳᠠᠨ ᠤ ᠦᠷᠦᠰᠢᠶᠡᠯ ᠲᠠᠢ | ᠪᠤᠶᠠᠨ ᠪᠡᠯᠭᠡ ᠶᠢᠨ ᠲᠠᠪᠢᠯᠭᠠ ᠲᠠᠢ | ᠡᠷᠳᠡ ᠲᠡᠭᠡᠳᠤ ᠶᠢᠨ ᠢᠷᠦᠭᠡᠯ ᠢᠶᠠᠷ | ᠠᠳᠡ ᠴᠤᠭᠯᠠᠷᠠᠭᠰᠠᠨ ᠵᠤᠴᠢᠳ ᠳᠠᠭᠠᠨ | ᠡᠵᠡᠨ ᠴᠢᠩᠭᠢᠰ ᠤᠨ ᠵᠠᠩᠰᠢᠯ ᠢᠶᠠᠷ | ᠡᠷᠭᠦᠨ ᠲᠡᠪᠰᠢᠭᠦᠯᠵᠤ ᠲᠠᠯᠪᠢᠯᠠ︕ | ᠠᠯᠤᠰ ᠬᠤᠯᠠ ᠶᠢᠨ ᠵᠠᠮ ᠠᠴᠠ | ᠠᠶᠠᠯᠠᠵᠤ ᠢᠷᠡᠭᠰᠡᠨ ᠵᠤᠴᠢᠳ ᠳᠠᠭᠠᠨ | ᠪᠤᠯᠭᠤᠭᠰᠠᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ᠪᠠᠨ | ᠪᠤᠯᠪᠠᠰᠤᠨ ᠶᠤᠰᠤ ᠪᠠᠷ ᠡᠷᠭᠦᠵᠤ ᠪᠠᠶᠢᠨᠠ᠃ | ᠰᠠᠷᠬᠤᠳ ᠤᠨ ᠰᠠᠶᠢᠨ ᠢ ᠠᠮᠰᠠᠵᠤ | ᠢᠳᠡᠭᠡᠨ ᠤ ᠲᠡᠭᠡᠵᠢ ᠶᠢ ᠵᠤᠭᠤᠭᠯᠠᠵᠤ | ᠬᠤᠨᠳᠠᠭᠠ ᠲᠠᠯᠪᠢᠯ ᠦᠭᠡᠢ ᠤᠤᠭᠤᠵᠤ | ᠭᠢᠳᠤᠭᠠ ᠲᠠᠯᠪᠢᠯ ᠦᠭᠡᠢ ᠢᠳᠡᠮᠦ︕ |