ᠣᠪᠤᠭᠠ ᠪᠣᠯ ᠡᠷᠲᠡ ᠲᠡᠥᠬᠡᠨ ᠠᠴᠠ ᠪᠠᠨ ᠮᠣᠩᠭᠤᠯᠴᠤᠳ ᠤᠨ ᠬᠡᠶᠢᠮᠣᠷᠢ ᠶᠢᠨ ᠰᠦᠯᠳᠡ ᠲᠡᠮᠲᠡᠭ᠂ ᠭᠠᠵᠠᠷ | ᠤᠰᠤᠨ ᠤ ᠡᠵᠡᠨ ᠰᠠᠬᠢᠭᠤᠰᠤ᠂ ᠠᠮᠢᠳᠤᠷᠠᠯ ᠤᠶᠢᠯᠡᠰ ᠤᠨ ᠴᠤᠭ ᠵᠢᠪᠬᠤᠭᠠ ᠪᠣᠯᠵᠤ ᠲᠠᠭᠠᠷᠠᠬᠤ ᠶᠤᠮ᠃ | ᠣᠳᠣ ᠠᠴᠠ ᠬᠤᠶᠠᠷ ᠮᠢᠩᠭᠠ ᠲᠠᠪᠤᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠡᠮᠤᠨᠡ ᠱᠠᠭᠵᠠᠮᠤᠨᠢ ᠪᠣᠷᠬᠠᠨ ᠽᠠᠮᠪᠤᠲᠢᠪ ᠲᠤ | ᠵᠠᠶᠠᠭᠠᠵᠤ᠂ ᠪᠣᠷᠬᠠᠨ ᠤ ᠱᠠᠰᠢᠨ ᠢ ᠡᠭᠦᠳᠡᠨ ᠪᠦᠲᠤᠭᠡᠭᠡᠳ ᠠᠷᠢᠭᠤᠨ ᠨᠠᠨᠳᠢᠨ ᠨᠣᠮ ᠤᠨ ᠠᠶᠠᠰ ᠢ | ᠰᠣᠶᠣᠷᠬᠠᠬᠤ ᠳᠠᠭᠠᠨ ︽ᠲᠡᠭᠷᠢ᠂ ᠭᠠᠵᠠᠷ᠂ ᠠᠭᠤᠯᠠ᠂ ᠤᠰᠤ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠲᠦᠮᠡᠨ ᠪᠣᠳᠠᠰ | ᠲᠤ ᠴᠦᠮ ᠨᠠᠪᠳᠠᠭ ᠰᠠᠪᠳᠠᠭ ᠲᠠᠢ ᠠᠮᠤᠢ᠂ ᠣᠷᠴᠢᠯᠠᠩ ᠤᠨ ᠬᠦᠮᠦᠰ ᠤᠨ ᠲᠦᠷᠦᠬᠦ᠂ ᠦᠬᠦᠬᠦ᠂ ᠡᠪᠡᠳᠬᠦ᠂ | ᠵᠣᠪᠠᠭ᠋ᠤ ᠪᠠ ᠨᠢᠭᠡ ᠨᠠᠰᠤᠨ ᠤ ᠤᠶᠢᠯᠡ ᠶᠠᠪᠤᠳᠠᠯ ᠨᠢ ᠪᠦᠷ ᠲᠡᠭᠷᠢ ᠶᠢᠨ ᠵᠠᠶᠠᠭᠠ᠂ ᠬᠤᠷᠮᠤᠰᠲᠠ ᠲᠡᠭᠷᠢ ᠠᠴᠠ | ᠲᠣᠬᠢᠷᠠᠭᠤᠯᠳᠠᠭ︾ ᠭᠡᠰᠡᠨ ᠨᠣᠮᠯᠠᠯ ᠤᠨ ᠶᠣᠰᠤᠭᠠᠷ ᠣᠷᠴᠢᠯᠠᠩ ᠤᠨ ᠬᠦᠮᠦᠰ ᠬᠡᠳᠤᠨ ᠮᠢᠩᠭᠠᠨ ᠵᠢᠯ ᠤᠨ ᠲᠣᠷᠰᠢ | ᠦᠨᠳᠤᠰᠤᠲᠡᠨ ᠤᠭᠰᠠᠭᠠᠳᠠᠨ ᠤ ᠢᠯᠭᠠᠯ ᠦᠭᠡᠢ ᠪᠠᠷ ᠣᠷᠤᠰᠢᠵᠤ ᠪᠦᠬᠦᠢ ᠭᠠᠵᠠᠷ ᠰᠢᠷᠤᠢ᠂ ᠠᠭᠤᠯᠠ ᠤᠰᠤᠨ | ᠤ ᠪᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠲᠠᠬᠢᠵᠤ᠂ ᠪᠠᠶᠠᠰᠬᠠᠨ ᠪᠠᠶᠠᠷᠯᠠᠭᠤᠯᠵᠤ᠂ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠭᠠᠢ ᠪᠠᠷᠴᠢᠳ ᠢᠶᠠᠨ | ᠵᠠᠶᠢᠯᠠᠭᠤᠯᠵᠤ᠂ ᠦᠬᠦᠵᠤ ᠵᠣᠪᠠᠭ᠋ᠤ ᠶᠢᠨ ᠠᠶᠤᠯ ᠠᠴᠠ ᠮᠣᠯᠲᠤᠷᠬᠤ ᠪᠠᠷ ᠲᠡᠭᠷᠢ ᠭᠠᠵᠠᠷ ᠲᠠᠭᠠᠨ ᠳᠠᠭᠠᠳᠬᠠᠳᠠᠭ᠃ | ᠣᠪᠤᠭᠠᠨ ᠲᠠᠬᠢᠯᠭᠠ ᠨᠢ ᠴᠤ ᠡᠭᠦᠨ ᠤ ᠳᠣᠳᠤᠷᠠᠬᠢ ᠨᠢᠭᠡ ᠳᠣᠪᠤᠶᠢᠮᠡ ᠢᠯᠡᠷᠡᠯ ᠪᠣᠯᠤᠨᠠ᠃ ᠤᠷᠢᠳᠤ ᠴᠢᠩᠬᠢᠰ | ᠬᠠᠭᠠᠨ ᠮᠡᠷᠭᠡᠳ ᠠᠶᠢᠮᠠᠭ ᠤᠨ ᠰᠢᠷᠤᠭᠦᠨ ᠳᠠᠭᠠᠷᠢᠯᠲᠠ ᠠᠴᠠ ᠪᠣᠷᠤᠭᠤᠯᠤᠨ ᠵᠠᠶᠢᠯᠠᠵᠤ ᠪᠣᠷᠬᠠᠨ ᠬᠠᠯᠲᠤᠨ ᠠᠭᠤᠯᠠᠨ | ᠳᠤ ᠪᠡᠶᠡ ᠳᠠᠯᠳᠠᠯᠠᠨ ᠠᠮᠢ ᠬᠤᠷᠭᠤᠳᠠᠵᠤ ᠭᠠᠷᠤᠭᠰᠠᠨ ᠳᠡᠥᠭᠡ ᠲᠠᠢ᠂ ᠡᠶᠢᠮᠦ ᠠᠴᠠ ᠴᠢᠩᠬᠢᠰ ᠬᠠᠭᠠᠨ ᠡᠨᠡᠬᠦ ᠠᠮᠢ | ᠠᠪᠤᠷᠠᠭᠰᠠᠨ ᠠᠭᠤᠯᠠᠨ ᠳᠤ ᠲᠠᠯᠠᠷᠬᠠᠵᠤ᠄ ︽ ᠪᠣᠷᠬᠠᠨ ᠬᠠᠯᠲᠤᠨ ᠢ ᠦᠷᠯᠤᠭᠡ ᠪᠦᠷᠢ ᠮᠢᠯᠢᠶᠠᠰᠤᠭᠠᠢ᠂ ᠡᠳᠦᠷ ᠪᠦᠷᠢ | ᠣᠴᠢᠶᠠ᠂ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠦᠨᠢᠲᠡ ᠲᠠᠬᠢᠮᠤ︾ ᠭᠡᠵᠦ ᠠᠮᠠᠯᠠᠭᠰᠠᠨ ᠢᠶᠠᠷ ᠪᠣᠷᠬᠠᠨ ᠬᠠᠯᠲᠤᠨ ᠠᠭᠤᠯᠠ ᠨᠢ | ᠬᠠᠮᠤᠭ ᠮᠣᠩᠭᠤᠯ ᠤᠨ ᠰᠢᠲᠤᠭᠡᠨ ᠠᠭᠤᠯᠠ ᠪᠣᠯᠵᠤ ᠳᠡᠭᠡᠳᠤᠯᠡᠭᠳᠡᠨ ᠰᠢᠳᠤᠭ᠍ᠳᠡᠵᠡᠢ ᠭᠡᠵᠦ ᠡᠷᠳᠡᠮᠲᠡᠨ ᠮᠡᠷᠭᠡᠳ | ᠦᠵᠡᠵᠡᠭᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠠᠯᠢ ᠡᠷᠲᠡᠨ ᠠᠴᠠ ᠣᠪᠤᠭᠠ ᠪᠣᠰᠬᠠᠵᠤ ᠲᠠᠬᠢᠬᠤ ᠵᠠᠩᠰᠢᠯ ᠲᠠᠢ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ ᠣᠪᠤᠭᠠ ᠪᠠᠨ ᠪᠣᠮᠪᠠᠯᠠᠵᠦ ᠵᠣᠩᠰᠢᠯᠠᠬᠤ ᠪᠣᠶᠤ ᠪᠣᠰᠬᠠᠵᠤ ᠲᠠᠬᠢᠬᠤ ᠳᠠᠭᠠᠨ ᠪᠦᠷ ᠲᠣᠭᠳᠠᠭᠰᠠᠨ ᠶᠣᠰᠤ | ᠭᠤᠷᠢᠮ ᠲᠠᠢ ᠪᠠᠶᠢᠳᠠᠭ᠃ ᠶᠡᠷᠤ ᠶᠢᠨ ᠪᠠᠶᠢᠳᠠᠯ ᠳᠣᠣᠷᠠ ᠭᠠᠵᠠᠷ ᠤᠨ ᠦᠨᠳᠤᠷ᠂ ᠤᠰᠤᠨ ᠰᠣᠷᠪᠤᠯᠵᠢ᠂ ᠵᠠᠮ ᠤᠨ | ᠬᠠᠵᠠᠭᠤ᠂ ᠬᠦᠮᠦᠨ ᠠᠮᠢᠲᠠᠨ ᠤ ᠬᠦᠯ ᠤᠶᠢᠮᠡᠭᠡᠨ ᠪᠠᠭᠠ ᠴᠡᠪᠡᠷ ᠭᠠᠵᠠᠷ ᠢ ᠰᠤᠩᠭᠤᠵᠤ ᠣᠪᠤᠭᠠ ᠪᠣᠰᠬᠠᠵᠤ | ᠬᠡᠶᠢᠮᠣᠷᠢ ᠪᠠᠨ ᠬᠡᠶᠢᠰᠭᠡᠵᠦ᠂ ᠠᠮᠤᠷ ᠲᠠᠶᠢᠪᠤᠩ ᠠᠵᠤ ᠲᠦᠷᠤᠨ ᠬᠠᠷᠢ ᠶᠢᠨ ᠳᠠᠶᠢᠰᠤᠨ ᠤ ᠳᠦᠷᠢᠮᠡᠬᠡᠶᠢᠯᠡᠯ ᠳᠤ | ᠬᠠᠯᠬᠠᠯᠠᠭᠠ ᠳᠠᠷᠤᠯᠭᠠ ᠪᠣᠯᠭᠠᠬᠤ ᠤᠶᠤᠨ ᠰᠠᠨᠠᠭᠠᠨ ᠤ ᠰᠦᠵᠢᠭ ᠪᠢᠰᠢᠷᠡᠯ ᠤᠨ ᠡᠭᠦᠳᠡᠨ ᠠᠴᠠ ᠠᠭᠤᠯᠠ ᠤᠰᠤᠨ | ᠤ ᠪᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠳᠡᠭᠡᠳᠤᠯᠡᠨ ᠲᠠᠬᠢᠵᠤ᠂ ᠵᠠᠯᠪᠠᠷᠢᠯ ᠳᠠᠭᠠᠳᠬᠠᠯ ᠢᠶᠠᠨ ᠬᠢᠳᠡᠭ ᠪᠦᠭᠡᠳ ᠠᠷᠢᠭᠤᠨ ᠰᠠᠩ | ᠠᠮᠲᠠᠲᠤ ᠢᠳᠡᠭᠡᠨ ᠢᠶᠠᠨ ᠡᠷᠭᠦᠳᠡᠭ᠃ ᠣᠪᠤᠭᠠ ᠪᠣᠰᠬᠠᠬᠤ ᠳᠠᠭᠠᠨ ᠣᠷᠴᠢᠨ ᠲᠣᠭᠤᠷᠢᠨ ᠤ ᠪᠠᠨ ᠪᠠᠶᠢᠭᠠᠯᠢ ᠶᠢᠨ | ᠨᠦᠭᠦᠴᠡᠯ ᠪᠠᠶᠢᠳᠠᠯ ᠢᠶᠠᠨ ᠦᠨᠳᠤᠰᠤᠯᠡᠵᠦ ᠴᠢᠯᠠᠭᠤ᠂ ᠮᠣᠳᠤ᠂ ᠪᠣᠲᠠ ᠪᠣᠷᠢᠶᠠ ᠶᠢ ᠠᠰᠢᠭᠯᠠᠨ ᠪᠦᠲᠤᠭᠡᠳᠡᠭ᠃ | ᠭᠡᠬᠦ ᠳᠡᠭᠡᠨ ᠬᠤᠰᠢᠭᠤ ᠵᠠᠰᠠᠭ᠂ ᠠᠶᠢᠮᠠᠭ ᠣᠪᠤᠭ ᠤᠨ ᠣᠪᠤᠭᠠ᠂ ᠰᠦᠮᠡ ᠭᠡᠶᠢᠳ ᠤᠨ ᠣᠪᠤᠭᠠ᠂ ᠠᠶᠢᠯ ᠤᠰᠤᠨ | ᠤ ᠣᠪᠤᠭᠠ ᠵᠡᠷᠭᠡ ᠪᠦᠲᠤᠭᠡᠯ ᠲᠠᠢ ᠣᠪᠤᠭᠠ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠭᠠᠵᠠᠷ ᠨᠤᠲᠤᠭ ᠤᠨ ᠲᠡᠮᠲᠡᠭ᠂ ᠵᠠᠬᠠ | ᠬᠢᠯᠢ ᠶᠢᠨ ᠲᠡᠮᠲᠡᠭ᠂ ᠵᠠᠮ ᠤᠨ ᠲᠡᠮᠲᠡᠭ᠂ ᠡᠷᠲᠡ ᠤᠷᠢᠳᠤ ᠶᠢᠨ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠳᠣᠬᠢᠶᠠ ᠴᠢᠮᠡᠭᠡ | ᠠᠪᠤᠯᠴᠠᠬᠤ ᠵᠡᠷᠭᠡ ᠪᠦᠲᠦᠭᠡᠯ ᠦᠭᠡᠢ ᠣᠪᠤᠭᠠ ᠪᠠᠰᠠ ᠠᠷᠪᠢᠨ ᠪᠠᠶᠢᠳᠠᠭ᠃ | ᠪᠦᠲᠤᠭᠡᠯ ᠲᠠᠢ ᠣᠪᠤᠭᠠ ᠨᠢ ᠶᠢᠰᠤᠨ ᠡᠷᠳᠡᠨᠢᠰ ᠤᠨ ᠵᠤᠶᠢᠯᠡᠰ᠂ ᠶᠢᠰᠤᠨ ᠵᠤᠶᠢᠯ ᠤᠨ ᠲᠠᠷᠢᠶᠠ ᠲᠦᠮᠤᠰᠤ᠂ | ᠲᠠᠪᠤᠨ ᠦᠩᠭᠡ ᠶᠢᠨ ᠪᠦᠰ ᠳᠠᠪᠤᠤ᠂ ᠲᠡᠵᠢ ᠮᠠᠩᠨᠤᠭ᠂ ᠲᠣᠷᠭᠠ ᠳᠣᠷᠳᠤᠩ᠂ ᠬᠡᠪ ᠤᠨ ᠴᠠᠢ᠂ ᠮᠦᠩᠭᠦ | ᠵᠣᠭᠤᠰ ᠢᠶᠠᠷ ᠵᠣᠩᠰᠢᠯᠠᠨ ᠠᠳᠢᠰᠯᠠᠵᠦ ᠨᠣᠮ ᠲᠠᠬᠢᠯᠭᠠ ᠠᠶᠢᠯᠠᠳᠴᠤ ᠪᠠᠲᠤ ᠪᠠᠬᠢ ᠣᠷᠤᠰᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ | ᠳᠡᠭᠡᠷᠡ ᠨᠢ ᠣᠪᠤᠭᠠ ᠪᠣᠰᠬᠠᠳᠠᠭ᠃ ᠣᠪᠤᠭᠠᠨ ᠤ ᠪᠠᠷᠢᠮᠵᠢᠶᠠ ᠨᠢ ᠪᠠᠷᠤᠭ ᠲᠠᠭᠠᠨ ᠰᠠᠭᠤᠷᠢ ᠶᠢ ᠨᠢ ᠶᠢᠰᠤᠨ ᠲᠣᠬᠤᠢ | ᠶᠡᠭᠡ ᠲᠠᠯᠪᠢᠵᠦ᠂ ᠦᠨᠳᠤᠷ ᠢ ᠨᠢ ᠵᠢᠳᠠ ᠰᠡᠷᠭᠡ ᠲᠠᠢ ᠪᠠᠨ ᠶᠢᠰᠦᠨ ᠲᠣᠬᠤᠢ ᠪᠣᠯᠭᠠᠬᠤ ᠶᠢ ᠪᠠᠲᠤᠯᠠᠨᠠ᠃ ᠴᠢᠯᠠᠭᠤ | ᠪᠣᠶᠤ ᠰᠢᠪᠠᠷ ᠢᠶᠠᠷ ︵ᠨᠦᠭᠦᠴᠡᠯ ᠲᠠᠢ ᠪᠣᠯ ᠲᠣᠭᠤᠰᠬᠠ︶ ᠭᠤᠷᠪᠠ ᠠᠴᠠ ᠲᠠᠪᠤᠨ ᠳᠡᠭᠲᠡᠷ ᠱᠠᠲᠤᠨ ᠰᠠᠭᠤᠷᠢ | ᠪᠠᠷᠢᠵᠤ᠂ ᠳᠡᠭᠡᠷᠡ ᠨᠢ ᠰᠢᠪᠠᠷ ᠬᠦᠷᠢᠶᠡ ᠪᠣᠰᠬᠠᠵᠤ ᠴᠠᠭᠠᠨ ᠴᠣᠬᠤᠢ ᠪᠠᠷ ᠴᠠᠶᠢᠯᠭᠠᠭᠠᠳ ᠳᠤᠮᠳᠠ ᠨᠢ ᠮᠣᠳᠤ ᠪᠠᠷ | ᠰᠡᠶᠢᠯᠵᠦ ᠪᠣᠳᠤᠵᠤ ᠪᠦᠲᠤᠭᠡᠭᠰᠡᠨ ᠵᠠᠮᠽᠠᠨ ᠨᠠᠷᠠ ᠰᠠᠷᠠ ᠶᠢ ᠬᠠᠳᠬᠤᠵᠤ᠂ ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠵᠢᠲᠡ | ᠰᠡᠯᠡᠮᠡ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠤ ᠬᠡᠯᠪᠡᠷᠢ ᠳᠦᠷᠰᠤ ᠶᠢ ᠳᠠᠭᠤᠷᠢᠶᠠᠯᠭᠠᠭᠰᠠᠨ ᠵᠡᠪᠰᠡᠭ ᠢ ᠲᠣᠭᠤᠷᠢᠭᠤᠯᠤᠨ | ᠰᠠᠷᠪᠠᠶᠢᠯᠭᠠᠵᠤ ᠬᠠᠳᠬᠤᠭᠰᠠᠨ ᠪᠠᠶᠢᠳᠠᠭ᠃ ᠣᠯᠠᠩᠬᠢ ᠣᠪᠤᠭᠠᠳ ᠨᠢ ᠭᠠᠵᠠᠷ ᠤᠨ ᠪᠠᠶᠢᠴᠠ ᠳᠠᠭᠠᠨ ᠲᠣᠬᠢᠷᠠᠭᠤᠯᠤᠨ | ᠭᠤᠣᠯ ᠣᠪᠤᠭᠠ ᠠᠴᠠ ᠪᠠᠨ ᠵᠢᠰᠢᠭᠦᠦ ᠲᠡᠰᠢ ᠵᠠᠯᠭᠠᠭᠤᠯᠤᠨ ᠲᠠᠶᠢᠰᠤᠨ ᠲᠡᠭᠷᠢ ᠶᠢᠨ ᠰᠠᠯᠲᠠᠰ ᠢ ᠬᠠᠷᠠᠭᠤᠯᠤᠭᠰᠠᠨ | ᠠᠷᠪᠠᠨ ᠭᠤᠷᠪᠠᠨ ᠰᠢᠪᠡᠭᠡ ︵ᠵᠢᠵᠢᠭ ᠣᠪᠤᠭᠠ︶ ᠶᠢ ᠴᠢᠯᠠᠭᠤ ᠪᠠᠷ ᠰᠣᠪᠤᠷᠠᠭᠤᠯᠤᠨ ᠵᠢᠭᠰᠠᠭᠠᠵᠤ ᠪᠣᠰᠬᠠᠭᠰᠠᠨ | ᠪᠠᠶᠢᠳᠠᠭ᠃ ᠣᠪᠤᠭᠠᠨ ᠭᠤᠣᠯ ᠠᠴᠠ ᠳᠦᠷᠪᠡᠨ ᠲᠡᠰᠢ ᠵᠠᠯᠠ ᠲᠠᠲᠠᠵᠤ ᠲᠠᠪᠤᠨ ᠮᠠᠬᠠᠪᠤᠳ ︵ᠭᠠᠯ᠂ ᠰᠢᠷᠤᠢ᠂ | ᠲᠡᠮᠤᠷ᠂ ᠤᠰᠤ᠂ ᠮᠣᠳᠤ︶ ᠢ ᠲᠦᠯᠦᠭᠡᠯᠡᠭᠰᠡᠨ ᠲᠠᠪᠤᠨ ᠦᠩᠭᠡ ᠶᠢᠨ ᠳᠣᠷᠳᠤᠩ ᠳᠡᠭᠡᠷᠡ ᠳᠦᠷᠪᠡᠨ ᠬᠦᠴᠤᠲᠡᠨ᠂ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠵᠡᠷᠭᠡ ᠶᠢᠨ ᠪᠠᠷᠠᠮᠠᠯ ᠢ ᠳᠠᠷᠴᠤᠭᠯᠠᠨ ᠬᠠᠳᠠᠳᠠᠭ᠃ ᠪᠣᠢ | ᠪᠦᠬᠦᠢ ᠪᠠᠷᠢᠯᠭᠠ ᠪᠦᠲᠤᠭᠡᠯ ᠤᠨ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠭᠰᠠᠨ ᠤ ᠳᠠᠷᠠᠭᠠ᠂ ᠵᠢᠯ ᠪᠦᠷᠢ ᠶᠢᠨ ᠲᠠᠬᠢᠯᠭᠠ ᠶᠢᠨ ᠡᠳᠤᠷ | ᠲᠡᠭᠡᠨ ᠵᠣᠬᠢᠴᠠᠭᠤᠯᠤᠨ ᠯᠠᠮᠠ ᠬᠤᠸᠠᠷᠠᠭ ᠤᠳ ᠢ ᠵᠠᠯᠠᠵᠤ ᠨᠣᠮ ᠠᠶᠢᠯᠠᠳᠤᠭᠤᠯᠤᠨ᠂ ᠬᠤᠩᠬᠤ ᠳᠠᠮᠠᠷᠤ᠂ ᠴᠠᠩ | ᠬᠡᠩᠭᠡᠷᠭᠡ᠂ ᠪᠦᠷᠢᠶᠡ ᠪᠢᠰᠬᠢᠭᠦᠷ ᠤᠨ ᠳᠠᠭᠤᠨ ᠤ ᠳᠤᠮᠳᠠ ᠰᠠᠩ ᠰᠠᠷᠴᠢᠮ ᠢ ᠲᠠᠰᠤᠯᠭᠠᠨ ᠦᠭᠡᠢ ᠡᠷᠭᠦᠨ ︽ | ᠫᠣᠩᠴᠤᠭᠳᠠᠰᠢ︾ ᠠᠶᠢᠯᠠᠳᠤᠨ ᠳᠠᠯᠠᠯᠭᠠ ᠠᠪᠴᠤ ᠦᠪᠡᠳᠡᠭᠰᠢ ᠶᠡᠭᠡ ᠷᠠᠪᠨᠠᠢ ᠪᠣᠯᠳᠠᠭ᠃ ᠡᠨᠡᠬᠦ ᠨᠣᠮ ᠬᠤᠷᠠᠯ ᠤᠨ | ᠶᠣᠰᠤᠨ ᠳᠤ ᠵᠣᠬᠢᠴᠠᠭᠤᠯᠤᠨ ᠰᠢᠷᠠ ᠬᠠᠷᠠ ᠨᠣᠶᠠᠳ ᠠᠯᠪᠠᠲᠠᠨ ᠣᠯᠠᠨ ᠲᠠᠶᠠᠭᠠᠷ ᠬᠤᠨᠢᠨ ᠰᠢᠭᠦᠰᠤ᠂ ᠴᠠᠭᠠᠨ | ᠢᠳᠡᠭᠡ᠂ ᠦᠷᠤᠮᠡ ᠲᠣᠰᠤ᠂ ᠰᠢᠬᠢᠷ ᠪᠣᠣᠪᠤ᠂ ᠵᠢᠮᠢᠰ ᠰᠠᠷᠬᠤᠳ ᠢᠶᠠᠨ ᠣᠪᠤᠭᠠᠨ ᠳᠠᠭᠠᠨ ᠡᠷᠭᠦᠨ ᠪᠠᠷᠢᠵᠤ᠂ ᠲᠦᠷᠤ | ᠲᠦᠪᠰᠢᠨ ᠲᠦᠮᠡᠨ ᠠᠮᠤᠭᠤᠯᠠᠩ᠂ ᠬᠤᠷᠠ ᠪᠣᠷᠤᠭᠠᠨ ᠡᠯᠪᠡᠭᠰᠢᠭᠦᠯᠵᠦ᠂ ᠭᠠᠵᠠᠷ ᠨᠤᠲᠤᠭ ᠦᠩᠰᠢᠭᠦᠨ᠂ | ᠡᠪᠡᠳᠴᠢᠨ ᠵᠣᠪᠠᠯᠠᠩ ᠠᠶᠤᠯ ᠲᠦᠭᠰᠢᠭᠦᠷᠢ ᠠᠷᠢᠯᠵᠤ᠂ ᠡᠷᠡᠭᠦᠯ ᠡᠩᠬᠡ ᠰᠠᠶᠢᠨ ᠰᠠᠶᠢᠬᠠᠨ᠂ ᠬᠡᠶᠢᠮᠣᠷᠢ ᠬᠡᠰᠢᠭ | ᠪᠣᠶᠠᠨ ᠲᠠᠢ ᠶᠠᠪᠤᠬᠤ ᠶᠢ ᠪᠡᠯᠭᠡᠳᠡᠨ ᠬᠤᠪᠢ ᠶᠢᠨ ᠬᠦᠰᠡᠯ ᠨᠠᠶᠢᠳᠠᠯᠭᠠ ᠪᠠᠨ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠵᠤ ᠮᠦᠷᠭᠦᠳᠡᠭ᠃ | ᠡᠭᠦᠨ ᠤ ᠬᠠᠮᠲᠤ ᠰᠠᠭᠠᠯᠢ ᠰᠠᠷᠴᠢᠮ ᠢᠶᠠᠨ ᠡᠷᠭᠦᠨ᠂ ᠪᠤᠶᠠᠨ ᠬᠡᠰᠢᠭ ᠢᠶᠠᠨ ᠬᠤᠷᠤᠶᠢᠯᠠᠨ᠂ ᠨᠠᠷᠠᠨ ᠵᠦᠪ ᠴᠢᠭᠯᠡᠯ ᠢᠶᠠᠷ | ᠭᠤᠷᠪᠠ ᠭᠤᠷᠪᠠ ᠶᠢᠰᠤᠨ ᠡᠷᠬᠢᠴᠡ ᠡᠷᠭᠢᠭᠡᠳ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢᠶᠠᠷ ᠴᠡᠩᠭᠡᠯ ᠪᠠᠷᠢᠳᠠᠭ᠃ | ᠣᠪᠤᠭᠠᠨ ᠰᠣᠶᠤᠯ ᠤᠨ ᠡᠶᠢᠮᠤᠷᠬᠡᠥ ᠵᠢᠮᠡ ᠶᠣᠰᠤ ᠨᠢ ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠲᠡᠥᠭᠡᠨ ᠠᠴᠠ ᠪᠠᠨ | ᠨᠡᠶᠢᠳᠡᠮ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭᠠ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠠᠯᠠᠱᠠ ᠳᠤ ᠬᠠᠷᠢᠨ ᠨᠡᠩ ᠬᠦᠨᠳᠤᠳᠭᠡᠨ ᠦᠵᠡᠭᠰᠡᠭᠡᠷ | ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠠᠯᠠᠱᠠ ᠶᠢᠨ ᠣᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠵᠠᠩᠰᠢᠯ ᠳᠤ ᠪᠠᠰᠠ ︽ᠴᠠᠭᠠᠨ ᠢᠶᠠᠷ ᠲᠠᠬᠢᠬᠤ︾ | ᠪᠣᠶᠤ ︽ᠤᠯᠠᠭᠠᠨ ᠢᠶᠠᠷ ᠲᠠᠬᠢᠬᠤ︾ ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠴᠠᠭᠠᠨ ᠢᠶᠠᠷ ᠲᠠᠬᠢᠬᠤ ᠭᠡᠳᠡᠭ ᠨᠢ ᠱᠠᠰᠢᠨ ᠨᠣᠮ ᠤᠨ | ᠶᠣᠰᠤᠨ ᠳᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠦᠷᠪᠡᠳᠤᠭᠡᠷ ᠰᠠᠷᠠ ᠶᠢ ︽ᠮᠠᠨᠢ ᠶᠢᠨ ᠰᠠᠷᠠ︾ ᠭᠡᠵᠦ ᠦᠵᠡᠳᠡᠭ ᠤᠴᠢᠷ | ᠠᠮᠢ ᠭᠤᠣᠯ ᠲᠠᠢ ᠠᠮᠢᠲᠠᠨ ᠪᠦᠬᠦᠨ ᠢ ᠬᠤᠷᠤᠭᠠᠵᠤ ᠨᠢᠳᠤᠯᠬᠤ ᠴᠡᠭᠡᠷ ᠲᠠᠢ ᠲᠤᠯᠠ ᠣᠪᠤᠭᠠᠨ ᠲᠠᠬᠢᠯᠭᠠ ᠳᠠᠭᠠᠨ | ᠮᠢᠬᠠ ᠰᠢᠭᠦᠰᠤ ᠶᠢ ᠴᠡᠭᠡᠷᠯᠡᠨ ᠰᠦ ᠴᠠᠭᠠ᠂ ᠦᠷᠤᠮᠡ᠂ ᠲᠣᠰᠤ᠂ ᠰᠢᠬᠢᠷ ᠪᠣᠷᠠᠮ᠂ ᠦᠵᠤᠮ᠂ ᠴᠢᠪᠠᠭᠠ ᠪᠠᠷ | ᠲᠠᠬᠢᠯᠭᠠ ᠡᠷᠭᠦᠳᠡᠭ᠃ ᠤᠯᠠᠭᠠᠨ ᠢᠶᠠᠷ ᠲᠠᠬᠢᠬᠤ ᠭᠡᠳᠡᠭ ᠨᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠦᠷᠪᠡᠳᠤᠭᠡᠷ ᠰᠠᠷᠠ ᠠᠴᠠ | ᠪᠣᠰᠤᠳ ᠠᠯᠢ ᠰᠠᠷᠠ ᠳᠤ ᠴᠤ ᠭᠡᠰᠡᠨ ᠮᠠᠯ ᠤᠨ ᠪᠦᠬᠦᠯᠢ ᠰᠢᠭᠦᠰᠤ ︵ᠤᠭᠤᠴᠠ︶ ᠪᠠᠷ ᠢᠶᠠᠨ ᠳᠡᠭᠡᠵᠢ ᠪᠠᠷᠢᠵᠤ | ᠲᠠᠬᠢᠯᠭᠠ ᠡᠷᠭᠦᠳᠡᠭ᠃ ᠭᠡᠬᠦ ᠳᠡᠭᠡᠨ ᠣᠯᠠᠩᠬᠢ ᠳᠠᠭᠠᠨ ᠨᠠᠷᠠ ᠨᠣᠭᠤᠭᠠᠨ ᠤ ᠴᠠᠭ ᠲᠤ ᠲᠠᠭᠠᠷᠠᠭᠤᠯᠵᠤ ᠬᠠᠪᠤᠷ᠂ ᠵᠤᠨ | ᠂ ᠨᠠᠮᠤᠷ ᠭᠤᠷᠪᠠᠨ ᠤᠯᠠᠷᠢᠯ ᠤᠨ ᠳᠣᠲᠤᠷᠠ ᠣᠪᠤᠭᠠ ᠪᠦᠷᠢ ᠶᠢᠨ ᠲᠡᠥᠭᠡᠨ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ | ᠲᠣᠭᠲᠠᠭᠠᠯ ᠲᠠᠢ ᠲᠣᠭᠲᠠᠭᠰᠠᠨ ᠡᠳᠦᠷ ᠲᠤᠨᠢ ᠲᠠᠬᠢᠳᠠᠭ᠃ ᠪᠠᠰᠠ ᠵᠠᠷᠢᠮ ᠣᠪᠤᠭᠠ ᠶᠢ ᠵᠢᠯ ᠪᠦᠷᠢ ᠬᠤᠶᠠᠷ ᠤᠳᠠᠭᠠ | ᠲᠠᠬᠢᠳᠠᠭ ᠴᠦ ᠪᠠᠶᠢᠳᠠᠭ ᠪᠦᠭᠡᠳ ᠵᠠᠷᠢᠮ ᠣᠪᠤᠭᠠ ᠨᠢ ᠲᠣᠭᠲᠠᠭᠠᠯ ᠲᠠᠢ ᠲᠠᠬᠢᠬᠤ ᠡᠳᠦᠷ ᠪᠠᠶᠢᠳᠠᠭ ᠦᠭᠡᠢ ᠂ ᠵᠢᠯ | ᠪᠦᠷᠢ ᠡᠳᠦᠷ ᠦᠵᠡᠭᠦᠯᠵᠦ ᠪᠠᠶᠢᠭᠠᠳ ᠲᠠᠬᠢᠳᠠᠭ᠃ | ᠣᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠣᠩᠰᠢᠯᠭᠠ ᠶᠢᠨ ᠲᠠᠯᠠ ᠠᠴᠠ ᠠᠪᠴᠤ ᠬᠡᠯᠡᠪᠡᠯ ᠡᠯᠡ ᠣᠪᠤᠭᠠᠳ | ᠬᠤᠭᠤᠷᠤᠨᠳᠤ ᠪᠠᠨ ᠪᠠᠰᠠ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠵᠦᠷᠢᠶᠡ ᠲᠠᠢ ᠪᠠᠶᠢᠳᠠᠭ᠃ ᠭᠡᠪᠡᠴᠤ ᠠᠯᠠᠱᠠ ᠨᠤᠲᠤᠭ | ᠳᠣᠲᠤᠷᠠ ᠪᠠᠨ ︽ᠠᠯᠠᠱᠠ ᠰᠠᠬᠢᠭᠤᠯᠰᠤ︾ ᠶᠢ ᠭᠤᠣᠯᠴᠢᠯᠠᠨ ᠲᠠᠬᠢᠵᠤ᠂ ᠡᠯᠡ ᠵᠤᠶᠢᠯ ᠤᠨ ᠢᠷᠤᠭᠡᠯ ᠮᠠᠭᠲᠠᠭᠠᠯ᠂ | ᠬᠡᠶᠢᠮᠣᠷᠢ ᠶᠢᠨ ᠰᠠᠩ᠂ ᠠᠯᠠᠱᠠ ᠰᠠᠩ ᠵᠡᠷᠭᠡ ᠶᠢ ᠬᠠᠪᠰᠤᠷᠭᠠᠳᠠᠭ᠃ ᠵᠠᠷᠢᠮ ᠣᠪᠤᠭᠠᠨ ᠤ ᠡᠵᠡᠳ ᠠᠷᠪᠢᠨ ᠪᠠᠶᠢᠵᠤ | ᠣᠩᠰᠢᠯᠭᠠ ᠶᠢᠨ ᠠᠭᠤᠯᠭᠠ ᠨᠢ ᠴᠤ ᠨᠡᠩ ᠪᠠᠶᠠᠯᠢᠭ ᠪᠣᠯᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠨᠣᠶᠠᠨ ᠣᠪᠤᠭᠠ ᠶᠢ ᠲᠠᠬᠢᠬᠤ ᠳᠤ | ︽ᠠᠯᠠᠱᠠ᠂ ᠳᠡᠯ— ᠯᠾᠠ᠂ ᠵᠠᠩᠭᠠᠯᠾᠡᠰᠤᠮ︾ ᠢ ᠣᠩᠰᠢᠵᠤ᠂ ᠢᠷᠤᠭᠡᠯ ᠮᠠᠭᠲᠠᠭᠠᠯ᠂ ᠰᠠᠩ ᠬᠠᠪᠰᠤᠷᠭᠠᠳᠠᠭ | ᠵᠠᠩᠰᠢᠯ ᠲᠠᠢ᠃ ᠬᠡᠷᠪᠡ ᠠᠯᠢ ᠴᠤ ᠭᠡᠰᠡᠨ ᠣᠪᠤᠭᠠᠨ ᠤ ᠣᠩᠰᠢᠯᠭᠠ ᠨᠢ ᠭᠦᠢᠴᠡᠳ ᠪᠣᠯᠤᠭᠰᠠᠨ ᠦᠭᠡᠢ ᠪᠣᠶᠤ | ᠲᠠᠭᠠᠷᠠᠭᠰᠠᠨ ᠦᠭᠡᠢ ᠪᠣᠯ ᠨᠤᠲᠤᠭ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠲᠣᠭᠰᠢᠷᠠᠵᠤ ᠠᠮᠢᠲᠠᠨ ᠬᠦᠮᠦᠨ ᠳᠤ ᠮᠠᠭᠤ ᠢᠯᠡᠷᠢ | ᠮᠡᠳᠡᠭᠳᠡᠳᠡᠭ ᠭᠡᠵᠦ ᠵᠢᠷᠤᠬᠠᠶᠢᠴᠢ᠂ ᠲᠦᠯᠭᠡᠴᠢ ᠪᠠ ᠨᠤᠲᠤᠭ ᠤᠨ ᠪᠣᠭᠤᠷᠤᠯᠴᠤᠳ ᠠᠴᠠ ᠠᠷᠪᠢᠨ ᠰᠣᠨᠤᠰᠴᠤ | ᠦᠩᠭᠡᠷᠡᠭᠰᠡᠨ᠃ | ᠲᠡᠥᠭᠡ ᠶᠢᠨ ᠡᠰᠢ ᠪᠠᠷᠢᠮᠲᠠ ᠠᠴᠠ ᠦᠵᠡᠪᠡᠯ ᠬᠦᠣᠰᠢ ᠬᠠᠭᠠᠨ ᠲᠦᠷᠤᠪᠠᠶᠢᠬᠤ ᠶᠢᠨ ᠲᠦᠷᠤᠭ᠍ᠰᠡᠨ ᠣᠮᠪᠤᠯᠤ᠂ | ᠪᠠᠶᠠᠨ ᠠᠪᠤᠬᠠᠢ ᠠᠶᠤᠰᠢ ᠶᠢᠨ ᠳᠦᠷᠪᠡᠳᠤᠭᠡᠷ ᠬᠦᠪᠡᠭᠦᠨ ᠬᠤᠷᠤᠯᠠᠢ ᠪᠠᠭᠠᠲᠤᠷ ᠡᠷᠬᠡ ᠵᠢᠨᠤᠩ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠣᠨ ︵1677︶᠂ ᠠᠷᠪᠠᠨ ᠨᠢᠭᠡᠳᠤᠭᠡᠷ ᠵᠢᠷᠠᠨ ᠤ ᠭᠠᠯ ᠮᠣᠭᠠᠢ ᠵᠢᠯ ᠭᠠᠯᠳᠠᠨ | ᠪᠣᠱᠤᠭᠲᠤ ᠶᠢᠨ ᠰᠢᠬᠠᠯᠲᠠ ᠪᠠᠷ ᠠᠶᠢᠮᠠᠭ ᠣᠯᠠᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠠᠯᠠᠱᠠ ᠳᠤ ᠢᠷᠡᠵᠤ᠂ ᠮᠠᠨᠵᠤ ᠶᠢᠨ ᠬᠠᠭᠠᠨ ᠳᠤ | ᠡᠷᠭᠦᠴᠡ ᠪᠠᠷᠢᠨ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠨᠤᠲᠤᠭ ᠪᠡᠯᠴᠢᠭᠡᠷ ᠭᠤᠶᠤᠴᠢᠯᠠᠨ ᠲᠣᠭᠲᠠᠪᠤᠷᠢ | ᠦᠭᠡᠢ ᠨᠡᠭᠦᠳᠡᠯᠯᠡᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠲᠠᠪᠤᠳᠤᠭᠠᠷ ᠣᠨ ︵1686︶ | ᠳᠤ ᠴᠢᠩ ᠤᠨ ᠵᠠᠰᠠᠭ ᠠᠴᠠ ᠲᠤᠰᠬᠠᠢ ᠲᠦᠰᠢᠮᠡᠯ ᠲᠣᠮᠢᠯᠠᠨ ᠲᠣᠭᠲᠠᠪᠤᠷᠢ ᠲᠠᠢ ᠰᠠᠭᠤᠷᠢᠰᠢᠬᠤ ᠦᠷᠭᠡᠨ ᠠᠭᠤᠳᠠᠮ | ᠨᠤᠲᠤᠭ ᠪᠡᠯᠴᠢᠭᠡᠷ ᠢ ᠲᠣᠳᠤᠷᠬᠠᠢ ᠵᠠᠭᠠᠭᠯᠠᠨ ᠦᠭᠭᠦᠭᠰᠡᠨ ᠪᠦᠭᠡᠳ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠵᠢᠷᠭᠤᠳᠤᠭᠠᠷ | ᠣᠨ ︵1697︶᠂ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠵᠢᠷᠠᠨ ᠤ ᠭᠠᠯ ᠦᠬᠡᠷ ᠵᠢᠯ ᠤᠨ ᠠᠷᠪᠠᠨ ᠨᠢᠭᠡᠳᠤᠭᠡᠷ ᠰᠠᠷᠠ ᠶᠢᠨ ᠠᠷᠪᠠᠨ | ᠳᠦᠷᠪᠡᠨ ᠤ ᠡᠳᠤᠷ᠂ ᠶᠡᠭᠡ ᠵᠣᠣ ᠶᠢᠨ ᠴᠢᠭᠤᠯᠭᠠᠨ ᠤ ᠬᠠᠩᠬᠢᠨ ᠪᠠᠶᠢᠰᠠ ᠶᠢᠨ ᠬᠤᠰᠢᠭᠤᠨ ᠤ ᠲᠦᠩ ᠰᠤᠬᠠᠢ ᠬᠡᠮᠡᠬᠦ | ᠭᠠᠵᠠᠷ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠠᠴᠠ ᠬᠤᠷᠤᠯᠠᠢ ᠳᠤ ᠲᠦᠷᠤ ᠶᠢᠨ ᠪᠠᠶᠢᠯᠠ ᠶᠢᠨ ᠬᠡᠷᠬᠡᠮ ᠢ ᠬᠦᠷᠲᠡᠭᠡᠵᠦ᠂ | ᠵᠠᠰᠠᠭ ᠲᠠᠮᠠᠭᠠ ᠱᠠᠩᠨᠠᠨ᠂ ᠬᠤᠰᠢᠭᠤ ᠵᠠᠰᠠᠭ ᠪᠠᠶᠢᠭᠤᠯᠬᠤ ᠶᠢ ᠵᠦᠪᠰᠢᠶᠡᠷᠡᠭᠰᠡᠨ ᠤᠴᠢᠷ ᠪᠠᠶᠠᠨ ᠠᠭᠤᠯᠠ ᠶᠢᠨ ᠠᠷᠤ | ᠪᠡᠯ ᠳᠠᠬᠢ ᠵᠠᠯᠠ ᠮᠣᠳᠣᠨ ᠬᠡᠮᠡᠭᠦ ᠭᠠᠵᠠᠷ ︽ᠠᠯᠠᠱᠠ ᠬᠤᠱᠤᠳ ᠬᠤᠰᠢᠭᠤ︾ ᠬᠡᠮᠡᠨ ᠬᠠᠮᠤᠭ ᠠᠩᠬᠠᠨ ᠤ ᠬᠤᠰᠢᠭᠤ | ᠵᠠᠰᠠᠭ ᠢᠶᠠᠨ ᠪᠠᠶᠢᠭᠤᠯᠵᠠᠢ᠃ | ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠳᠦᠴᠢᠨ ᠬᠤᠶᠠᠳᠤᠭᠠᠷ ᠣᠨ ︵1703︶᠂ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠵᠢᠷᠠᠨ ᠤ | ᠤᠰᠤᠨ ᠬᠤᠨᠢᠨ ᠵᠢᠯ ᠬᠤᠷᠤᠯᠠᠢ ᠨᠣᠶᠠᠨ ᠵᠠᠯᠠ ᠮᠣᠳᠤᠨ ᠳᠤ ᠪᠠᠶᠢᠭᠠ ᠬᠤᠰᠢᠭᠤ ᠶᠠᠮᠤᠨ ᠢᠶᠠᠨ ᠰᠢᠷᠠᠪᠤᠷᠢᠳᠤ ᠶᠢᠨ | ᠭᠤᠣᠯ ᠤᠨ ᠡᠬᠢᠨ ᠳᠤ ᠨᠡᠭᠦᠯᠭᠡᠨ ᠠᠪᠴᠢᠷᠠᠭᠠᠳ ︽ᠬᠠᠨᠨᠤᠤ ᠮᠠᠨᠳᠤᠯ ᠶᠡᠭᠡ ᠶᠠᠮᠤᠨ︾ ᠬᠡᠮᠡᠨ ᠪᠠᠶᠢᠭᠤᠯᠤᠭᠠᠳ᠂ | ᠶᠠᠮᠤᠨ ᠠᠴᠠ ᠪᠠᠷᠠᠭᠤᠨ ᠡᠮᠤᠨᠡᠰᠢ ᠬᠤᠶᠠᠷ ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠭᠤᠣᠯ ᠤᠨ ᠪᠠᠷᠠᠭᠤᠨ ᠦᠨᠳᠤᠷ ᠰᠢᠯᠢ ︵ᠣᠳᠤ | ᠪᠠᠶᠢᠭᠠ ᠬᠠᠷᠠ ᠪᠣᠯᠠᠭ ᠤᠨ ᠪᠠᠷᠠᠭᠤᠨ ᠳᠡᠨᠵᠢ︶ ᠳᠡᠭᠡᠷᠡ ᠨᠢᠭᠡᠨ ᠣᠪᠤᠭᠠ ᠪᠣᠰᠬᠠᠵᠤ ︽ᠦᠯᠵᠡᠢ ᠮᠠᠨᠳᠤᠯ ᠣᠪᠤᠭᠠ︾ | ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠪᠦᠭᠡᠳ ᠬᠤᠰᠢᠭᠤ ᠶᠠᠮᠤᠨ ᠠᠴᠠ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠲᠠᠪᠤᠨ ᠰᠠᠷᠠ ᠶᠢᠨ | ᠠᠷᠪᠠᠨ ᠭᠤᠷᠪᠠᠨ ᠳᠤ ᠤᠯᠠᠭᠠᠨ ᠢᠶᠠᠷ ᠲᠠᠬᠢᠬᠤ ᠵᠣᠷᠰᠢᠯ ᠢ ᠪᠣᠢ ᠪᠣᠯᠭᠠᠵᠠᠢ᠃ ᠬᠤᠵᠢᠮ ᠨᠢ ᠠᠯᠠᠱᠠ ᠬᠤᠱᠤᠳ | ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠨᠣᠶᠠᠨ ᠠᠪᠤᠣ ᠡᠴᠢᠭᠡ ᠶᠢᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ | ᠳᠠᠷᠠᠭᠠ ︽ᠬᠠᠨᠨᠤᠤ ᠮᠠᠨᠳᠤᠯ ᠶᠡᠭᠡ ᠶᠠᠮᠤᠨ︾ ᠢᠶᠠᠨ ᠲᠢᠩ ᠶᠤᠸᠠᠨ ᠢᠩ ︵ᠣᠳᠤ ᠶᠢᠨ ᠪᠠᠶᠠᠨᠬᠤᠲᠠ︶ ᠳᠤ | ᠨᠡᠭᠦᠯᠭᠡᠵᠦ ᠢᠷᠡᠬᠦ ᠳᠡᠭᠡᠨ ᠲᠤᠰ ᠣᠪᠤᠭᠠ ᠶᠢ ᠪᠠᠭ ᠲᠤ ᠦᠭᠴᠦ᠂ ᠪᠠᠭ ᠤᠨ ᠲᠠᠭᠠᠭᠠᠮᠠᠯ ᠡᠵᠡᠨ ᠪᠣᠯᠵᠤ ᠲᠠᠬᠢᠵᠤ | ᠡᠬᠢᠯᠡᠭᠰᠡᠨ ᠠᠴᠠ ᠬᠦᠮᠦᠰ ︽ᠡᠬᠢᠨ ᠶᠠᠮᠤᠨ ᠤ ᠣᠪᠤᠭᠠ︾᠂ ︽ᠰᠢᠷᠠᠪᠤᠷᠢᠳᠤ ᠶᠢᠨ ᠣᠪᠤᠭᠠ︾ ᠭᠡᠬᠦ ᠮᠡᠲᠤ | ᠠᠳᠠᠯᠢ ᠪᠣᠰᠤ ᠨᠡᠷᠡ ᠳᠠᠭᠤᠳᠠᠯᠭᠠ ᠶᠢ ᠬᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠵᠦ ᠣᠳᠤ ᠪᠣᠯᠵᠠᠢ᠃ ᠲᠣᠬᠠᠢ ᠶᠢᠨ ᠦᠶᠡ ᠠᠴᠠ | ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 1964 ᠣᠨ ᠬᠦᠷᠲᠡᠯᠡ ᠰᠢᠷᠠᠪᠦᠷᠢᠳᠤ ᠶᠢᠨ ᠮᠠᠯᠴᠢᠨ ᠲᠦᠮᠡᠨ ᠡᠷᠡ ᠶᠢᠨ | ᠭᠤᠷᠪᠠᠨ ᠨᠠᠭᠠᠳᠤᠮ ᠢᠶᠠᠷ ᠴᠡᠩᠬᠡᠯ ᠪᠠᠷᠢᠵᠤ ᠬᠡᠳᠤᠨ ᠡᠳᠦᠷ ᠤᠨ ᠲᠠᠬᠢᠯᠭᠠ ᠬᠢᠳᠡᠭ ᠪᠠᠶᠢᠭᠰᠠᠨ᠃ ᠭᠡᠬᠦ ᠳᠡᠭᠡᠨ ᠲᠤᠰ | ᠣᠪᠤᠭᠠ ᠨᠢ ᠬᠠᠮᠤᠭ ᠠᠩᠬᠠ ᠬᠤᠰᠢᠭᠤ ᠵᠠᠰᠠᠭ ᠤᠨ ᠨᠣᠶᠠᠨ ᠣᠪᠤᠭᠠ ᠪᠣᠯᠬᠤ ᠤᠴᠢᠷ ᠪᠠᠭ ᠲᠤ | ᠬᠠᠷᠢᠶᠠᠯᠠᠭᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠠᠩᠬᠠᠨ ᠤ ᠪᠠᠭ ᠤᠨ ᠳᠠᠭᠠᠭᠠᠮᠠᠯ ᠠᠴᠠ ᠣᠳᠤ ᠶᠢᠨ ᠣᠪᠤᠭᠠᠨ ᠳᠠᠭᠠᠭᠠᠮᠠᠯ | ᠬᠦᠷᠳᠡᠯᠡ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠳᠣᠲᠤᠷᠠ ᠭᠡᠶᠢᠳ ᠠᠴᠠ ᠡᠳᠦᠷ ᠦᠵᠡᠭᠦᠯᠵᠦ ᠪᠠᠶᠢᠭᠠᠳ | ᠲᠠᠬᠢᠬᠤ ᠪᠣᠯᠤᠭᠰᠠᠨ ᠭᠡᠳᠡᠭ᠃ | ᠠᠯᠠᠱᠠ ᠬᠤᠱᠤᠳ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠨᠣᠶᠠᠨ ᠠᠪᠤᠤ ᠶᠢᠨ ᠦᠶᠡ ᠳᠤ᠂ | ᠳᠠᠷᠤᠢ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠲᠠᠪᠤᠳᠤᠭᠠᠷ ᠣᠨ ︵1716 ᠣᠨ︶ ᠳᠤ᠂ ᠠᠷᠪᠠᠨ ᠬᠤᠶᠠᠳᠤᠭᠠᠷ | ᠵᠢᠷᠠᠨ ᠤ ᠭᠠᠯ ᠪᠡᠴᠢᠨ ᠵᠢᠯ ᠵᠢᠷᠭᠤᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠯᠣᠪᠰᠠᠩᠷᠢᠨᠴᠢᠨᠽᠠᠩᠶᠠᠩᠵᠠᠮᠰᠤ ︵ᠳᠡᠭᠡᠲᠤ ᠶᠢᠨ | ᠦᠨᠳᠤᠷ ᠭᠡᠭᠡᠨ︶ ᠪᠠᠷᠠᠭᠤᠨ ᠲᠦᠪᠡᠳ ᠠᠴᠠ ᠭᠠᠷᠴᠤ᠂ ᠬᠠᠭᠤᠴᠢᠨ ᠰᠢᠷᠠ ᠵᠠᠮ ᠢ ᠲᠠᠭᠠᠨ ᠠᠯᠠᠱᠠ ᠶᠢᠨ | ᠬᠠᠮᠤᠭ ᠤᠨ ᠪᠠᠷᠠᠭᠤᠨ ᠵᠠᠬᠠ ᠶᠢᠨ ᠴᠣᠬᠤᠷ ᠲᠣᠯᠤᠭᠠᠢ ᠬᠡᠮᠡᠭᠴᠢ ᠭᠠᠵᠠᠷ ᠢᠶᠠᠷ ᠣᠷᠤᠵᠤ ᠢᠷᠡᠭᠡᠳ ᠦᠷᠭᠦᠯᠵᠢᠯᠡᠨ | ᠵᠡᠭᠦᠨᠰᠢ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠠᠭᠤᠯᠠ ᠣᠷᠤᠢ᠂ ᠦᠨᠳᠤᠷ ᠰᠢᠯᠢ ᠲᠤᠯᠤᠭᠠᠳ ᠢᠶᠠᠷ ᠭᠠᠷᠴᠤ ᠠᠯᠤᠰ ᠢ ᠪᠠᠷᠠᠯᠠᠨ᠂ | ᠰᠠᠩ ᠲᠠᠯᠪᠢᠵᠤ᠂ ᠭᠠᠯ ᠬᠦᠭᠵᠢᠭᠡᠵᠦ ᠴᠠᠢ ᠴᠢᠨᠠᠵᠤ ᠣᠣᠭᠤᠬᠤ ᠵᠡᠷᠭᠡ ᠤᠶᠢᠯᠡ ᠶᠠᠪᠤᠳᠠᠯ ᠢᠶᠠᠷ ᠢᠶᠠᠨ ᠬᠦᠮᠦᠰ ᠲᠤ | ᠭᠦᠨ ᠰᠠᠭᠤᠭᠳᠠᠯ ᠲᠠᠢ ᠲᠡᠥᠭᠡ ᠶᠢᠨ ᠤᠯᠠ ᠮᠦᠷ ᠦᠯᠡᠳᠡᠭᠡᠭᠰᠡᠨ ᠠᠴᠠ ᠬᠤᠵᠢᠮ ᠤᠨ ᠬᠦᠮᠦᠰ ᠡᠨᠡᠬᠦ ᠲᠡᠥᠭᠡ ᠶᠢᠨ | ᠠᠯᠳᠠᠷᠲᠤ ᠬᠦᠮᠦᠨ ᠤ ᠤᠯᠠ ᠮᠦᠷ ᠢ ᠲᠠᠭᠠᠨ ᠣᠪᠤᠭᠠ ᠪᠣᠰᠬᠠᠵᠤ ᠳᠤᠷᠠᠰᠬᠠᠭᠰᠠᠨ ᠤᠴᠢᠷ ᠲᠠᠢ᠃ ᠪᠣᠲᠠᠲᠠᠢ ᠪᠠᠷ | ᠬᠡᠯᠡᠪᠡᠯ ᠠᠯᠠᠱᠠ ᠬᠤᠱᠤᠳ ᠬᠤᠰᠢᠭᠤᠨ ᠤ ᠠᠩᠬᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠨᠣᠶᠠᠨ ᠬᠤᠷᠤᠯᠠᠢ ᠪᠣᠯᠤᠨ ᠠᠯᠠᠱᠠ | ᠬᠤᠱᠤᠳ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠨᠣᠶᠠᠨ ᠠᠪᠤᠤ ᠵᠢᠴᠢ ᠵᠢᠷᠭᠤᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ | ᠯᠠᠮᠠ ᠯᠣᠪᠰᠠᠩᠷᠢᠨᠴᠢᠨᠽᠠᠩᠶᠠᠩᠵᠠᠮᠰᠤ ᠂ ᠠᠩᠬᠠ ᠬᠤᠷᠤᠯᠠᠢ ᠨᠣᠶᠠᠨ ᠢ ᠳᠠᠭᠠᠵᠤ ᠠᠯᠠᠱᠠ ᠳᠤ ᠢᠷᠡᠭᠰᠡᠨ ᠲᠠᠬᠢᠯᠴᠢ | ᠳᠡᠳᠭᠦᠭᠴᠢ ᠶᠢᠨ ᠡᠴᠤᠰ ᠬᠦᠷᠲᠡᠯᠡᠬᠢ ᠵᠠᠭᠤᠭᠠᠳ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠠᠯᠠᠱᠠ ᠶᠢᠨ ᠦᠷᠭᠡᠨ ᠠᠭᠤᠳᠠᠮ | ᠨᠤᠲᠤᠭ ᠳᠡᠪᠢᠰᠭᠡᠷ ᠳᠡᠭᠡᠷᠡ ᠶᠡᠭᠡ ᠪᠠᠭᠠ ᠣᠪᠤᠭᠠ ᠰᠢᠪᠡᠭᠡ ᠣᠳᠤᠨ ᠮᠡᠴᠢᠨ ᠮᠡᠲᠤ ᠪᠣᠰᠬᠠᠭᠳᠠᠨ᠂ ᠨᠤᠲᠤᠭ | ᠣᠷᠳᠣᠨ ᠢᠶᠠᠨ ᠡᠵᠡᠯᠡᠨ ᠬᠠᠮᠠᠭᠠᠯᠠᠵᠤ᠂ ᠬᠠᠯᠳᠠᠬᠤ ᠳᠠᠶᠢᠰᠤᠨ ᠦᠭᠡᠢ᠂ ᠳᠦᠷᠢᠮᠡᠬᠡᠶᠢᠯᠡᠬᠦ ᠳᠡᠭᠡᠷᠡᠮ ᠦᠭᠡᠢ᠂ ᠠᠭᠤᠯᠠ | ᠤᠰᠤᠨ ᠤ ᠪᠠᠨ ᠡᠵᠡᠳ ᠨᠠᠪᠳᠠᠭ ᠰᠠᠪᠳᠠᠭ ᠢ ᠪᠠᠶᠠᠰᠬᠠᠨ᠂ ᠬᠤᠷᠠ ᠪᠣᠷᠤᠭᠠᠨ ᠡᠯᠪᠡᠭ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠦᠩᠰᠡᠭ | ᠂ ᠠᠵᠦ ᠠᠮᠢᠳᠤᠷᠠᠯ ᠪᠠᠶᠠᠨ ᠴᠢᠨᠡᠭᠡᠯᠢᠭ᠂ ᠠᠵᠢᠯ ᠤᠶᠢᠯᠡᠰ ᠦᠭᠡᠳᠡ ᠡᠰᠡᠷᠡᠭ᠂ ᠬᠡᠶᠢᠮᠣᠷᠢ ᠴᠤᠭ ᠰᠦᠯᠳᠡ ᠲᠠᠢ | ᠣᠷᠤᠰᠢᠨ ᠠᠮᠢᠳᠤᠷᠠᠬᠤ ᠠᠷᠠᠳ ᠢᠷᠭᠡᠳ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ ᠰᠦᠷ ᠵᠢᠪᠬᠤᠭᠠ ᠪᠣᠯᠵᠤ ᠲᠣᠭᠲᠠᠭᠰᠠᠨ ᠪᠦᠭᠡᠳ | ᠢᠰᠡᠭᠡᠢ ᠲᠣᠭᠤᠷᠭᠠᠲᠠᠨ ᠤ ᠰᠣᠶᠣᠯ ᠤᠨ ᠦᠪ ᠢ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠲᠡᠥᠭᠡ ᠲᠠᠢ᠃ | ᠡᠳᠡᠭᠡᠷ ᠣᠪᠤᠭᠠᠳ ᠢ ᠲᠠᠮᠠᠭᠠ ᠶᠢᠨ ᠶᠠᠮᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠨᠣᠶᠠᠨ ᠣᠪᠤᠭᠠ᠂ ᠰᠦᠮᠡ ᠳᠤ | ᠬᠠᠷᠢᠶᠠᠯᠠᠭᠳᠠᠬᠤ ᠭᠡᠶᠢᠳ ᠤᠨ ᠣᠪᠤᠭᠠ᠂ ᠪᠠᠭ ᠤᠨ ᠣᠪᠤᠭᠠ᠂ ᠬᠠᠷᠠᠭᠤᠯ ᠤᠨ ᠣᠪᠤᠭᠠ᠂ ᠣᠪᠤᠭ ᠤᠨ ᠣᠪᠤᠭᠠ᠂ | ᠠᠶᠢᠯ ᠤᠨ ᠣᠪᠤᠭᠠ ᠭᠡᠵᠦ ᠬᠤᠪᠢᠶᠠᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠠᠷᠢᠶᠠᠯᠠᠭᠳᠠᠬᠤ ᠪᠣᠢ ᠪᠦᠬᠦᠢ ᠲᠠᠯᠠ ᠠᠴᠠ ᠨᠢ | ᠡᠵᠡᠨ ᠪᠣᠯᠵᠤ ᠲᠠᠬᠢᠬᠤ ᠤᠴᠢᠷ ᠲᠠᠢ ᠪᠠᠶᠢᠵᠠᠢ᠃ ᠣᠪᠤᠭᠠᠳ ᠤᠨ ᠨᠡᠷᠡ ᠨᠢ ᠣᠯᠠᠩᠬᠢ ᠳᠠᠭᠠᠨ ᠭᠠᠵᠠᠷ ᠤᠨ ᠨᠡᠷᠡ᠂ | ᠬᠦᠮᠦᠨ ᠤ ᠨᠡᠷᠡ ᠪᠣᠶᠤ ᠲᠡᠥᠭᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠨᠡᠷᠡ ᠲᠣᠮᠢᠶᠠ ᠠᠴᠠ ᠢᠷᠡᠯᠲᠡ ᠲᠠᠢ ᠪᠠᠶᠢᠳᠠᠭ᠃ ᠡᠮᠵᠢᠭ ᠲᠠᠢ | ᠲᠠᠯᠠ ᠨᠢ ᠭᠡᠪᠡᠯ ᠡᠳᠡᠭᠡᠷ ᠣᠪᠤᠭᠠᠳ ᠤᠨ ᠪᠣᠰᠬᠠᠭᠳᠠᠭᠰᠠᠨ ᠣᠨ ᠵᠢᠯ᠂ ᠴᠠᠭ ᠬᠤᠭᠤᠴᠠᠭᠠ᠂ ᠲᠡᠥᠭᠡ ᠳᠣᠮᠤᠭ | ᠲᠤᠩ ᠪᠠᠯᠠᠷᠬᠠᠢ ᠪᠠᠶᠢᠵᠤ᠂ ᠲᠡᠥᠭᠡ ᠱᠠᠰᠳᠢᠷ ᠳᠡᠭᠡᠷᠡ ᠲᠡᠮᠲᠡᠭᠯᠡᠭᠳᠡᠭᠰᠡᠨ ᠨᠡᠷᠡ ᠲᠦᠷᠤ ᠲᠠᠢ ᠣᠪᠤᠭᠠᠳ ᠢ ᠭᠠᠷᠭᠠᠪᠠᠯ | ᠣᠯᠠᠩᠬᠢ ᠲᠣᠭᠠᠨ ᠤ ᠣᠪᠤᠭᠠᠳ ᠤᠨ ᠲᠡᠥᠭᠡ ᠨᠠᠮᠳᠠᠷ ᠨᠢ ᠵᠦᠪᠬᠡᠨ ᠪᠦᠷᠢᠨ ᠪᠣᠰᠤ ᠦᠯᠢᠭᠡᠷ ᠳᠣᠮᠤᠭ ᠲᠡᠳᠤᠢ | ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | | ᠤᠯᠠᠭᠠᠨᠬᠠᠳᠠ ᠡᠳᠦᠷ ᠤᠨ ᠰᠣᠨᠢᠨ ᠠᠴᠠ |