| ᠮᠤᠩᠭᠤᠯᠴᠤᠳ ᠬᠤᠯᠡ ᠤᠶᠢᠷᠡ ᠶᠢᠨ ᠭᠡᠶᠢᠴᠢᠨ ᠵᠤᠴᠢᠨ ᠢᠶᠠᠨ ᠬᠦᠨᠳᠦᠳᠭᠡᠬᠦ ᠳᠤ ᠪᠠᠷᠢᠳᠠᠭ ᠬᠠᠮᠤᠭ ᠤᠨ | ᠡᠷᠬᠢᠮ ᠵᠤᠭᠤᠭ ᠨᠢ ᠬᠤᠨᠢᠨ ᠰᠢᠭᠦᠰᠦ ᠳᠡᠪᠰᠢᠭᠦᠯᠡᠬᠦ᠂ ᠤᠭᠤᠴᠠ ᠬᠠᠰᠢᠬᠤ ︵ᠵᠦᠰᠦᠬᠦ︶ ᠶᠤᠰᠤᠨ ᠶᠤᠮ᠃ ︿︿ | ᠬᠤᠨ ᠴᠠᠭᠠᠨ ᠦᠩᠭᠡᠲᠠᠢ᠂ ᠬᠤᠩᠭᠤᠷ ᠰᠠᠶᠢᠬᠠᠨ ᠳᠠᠭᠤ ᠲᠠᠢ᠂ ᠬᠤᠳᠠ ᠮᠠᠨᠳᠠᠯ ᠤᠨ ᠴᠢᠮᠡᠭ ᠪᠤᠯᠤᠭᠰᠡᠨ ᠬᠠᠯᠠᠭᠤᠨ | ᠬᠤᠰᠢᠭᠤᠳᠤ ᠮᠠᠯ﹀﹀ ᠭᠡᠵᠦ ᠮᠠᠨ ᠤ ᠠᠷᠠᠳ ᠲᠦᠮᠡᠨ ᠬᠤᠨᠢ ᠪᠠᠨ ᠡᠷᠭᠦᠮᠵᠢᠯᠡᠳᠡᠭ᠃ ᠡᠶᠢᠮᠦ ᠠᠴᠠ ᠬᠠᠮᠤᠭ ᠤᠨ | ᠬᠦᠨᠳᠦᠳᠦ ᠵᠤᠴᠢᠳ ᠢᠶᠠᠨ ᠪᠤᠶᠤ ᠶᠡᠭᠡ ᠨᠠᠶᠢᠷ ᠨᠠᠭᠠᠳᠤᠮ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠶᠡᠬᠡᠪᠴᠢᠯᠡᠨ ᠪᠦᠬᠦᠯᠢ | ᠬᠤᠨᠢᠨ ᠤ ᠮᠢᠬᠠ ᠪᠠᠷ ᠢᠳᠡᠭᠡ ᠪᠠᠷᠢᠬᠤ ᠶᠢ ᠰᠢᠭᠦᠰᠦ ᠲᠠᠯᠪᠢᠬᠤ ᠭᠡᠨᠡ᠃ ᠪᠦᠬᠦᠯᠢ ᠬᠤᠨᠢᠨ ᠤ ᠰᠢᠭᠦᠰᠦ ᠳᠤ | ᠤᠭᠤᠴᠠ᠂ ᠳᠦᠷᠪᠡᠨ ᠮᠦᠴᠢ᠂ ᠦᠨᠳᠦᠷ ᠪᠤᠭᠤᠨᠢ ᠬᠠᠪᠢᠷᠠᠭᠠ᠂ ᠰᠡᠭᠡᠷ᠂ ᠡᠷᠡᠦ ᠦᠭᠡᠢ ᠲᠤᠯᠤᠭᠠᠢ ᠤᠷᠤᠨᠠ᠃ | ᠵᠠᠷᠢᠮ ᠨᠤᠳᠤᠭ ᠲᠤ ᠡᠯᠢᠭᠡ᠂ ᠵᠢᠷᠦᠬᠡ᠂ ᠪᠦᠭᠡᠷᠡ᠂ ᠬᠡᠯᠡ᠂ ᠭᠡᠳᠡᠰᠤ ᠶᠢ ᠬᠠᠮᠳᠤ ᠲᠠᠯᠪᠢᠳᠠᠭ᠃ ᠬᠠᠷᠢᠨ ᠬᠤᠷᠢᠨ | ᠨᠢᠭᠡᠨ ᠤᠪ ᠬᠡᠮᠡᠭᠴᠢ ᠮᠢᠬᠠᠨ ᠤ ᠵᠦᠢᠯ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠭᠦᠨ ᠳᠤ ᠲᠦᠭᠰᠢᠭᠦᠷᠢ᠂ ᠪᠦᠳᠡᠷᠬᠡᠢ᠂ | ᠭᠡᠳᠡᠰᠤᠨ ᠤ ᠵᠡᠩᠭᠢᠯᠠᠭᠠ᠂ ᠪᠤᠯᠴᠢᠷᠠᠬᠠᠢ᠂ ᠬᠠᠷᠢᠳᠤ᠂ ᠴᠢᠮᠦᠭᠡ᠂ ᠰᠠᠮᠠᠯᠳᠠᠭ᠂ ᠨᠤᠶᠢᠷ᠂ ᠤᠯᠤᠭᠤᠢ᠂ ᠰᠢᠯᠢ᠂ | ᠨᠤᠭᠤᠰᠤ᠂ ᠲᠠᠩᠨᠠᠢ᠂ ᠲᠡᠯᠢᠭᠦᠦ ᠵᠡᠷᠭᠡ ᠤᠷᠤᠨᠠ᠃ ᠰᠢᠭᠦᠰᠦ ᠶᠢ ᠪᠤᠯᠭᠤᠬᠤ᠂ ᠲᠡᠪᠰᠢᠭᠦᠯᠡᠬᠦ᠂ ᠬᠦᠨᠳᠡᠬᠦ᠂ | ᠡᠷᠭᠢᠭᠦᠯᠡᠬᠦ ᠲᠤᠰ ᠲᠤᠰ ᠶᠤᠰᠤ ᠵᠢᠷᠦᠮ ᠲᠠᠢ᠃ ᠪᠤᠯᠭᠤᠭᠰᠡᠨ ᠬᠤᠨᠢᠨ ᠮᠢᠬᠠ ᠪᠠᠨ ᠳᠦᠷᠪᠡᠨ ᠬᠦᠯᠳᠦ ᠮᠦᠩᠭᠦᠨ | ᠴᠠᠷ ᠪᠤᠶᠤ ᠭᠠᠤᠯᠢᠨ ᠳᠠᠪᠠᠭ᠂ ᠮᠤᠳᠤᠨ ᠲᠠᠪᠰᠢ ᠳᠤ ᠳᠦᠷᠪᠡᠨ ᠮᠦᠴᠢ ᠶᠢ ᠨᠢ ᠠᠮᠢᠳᠦ ᠬᠤᠨᠢᠨ ᠤ ᠬᠡᠪᠳᠡᠭᠡ | ᠬᠡᠯᠪᠡᠷᠢ ᠶᠤᠰᠤᠭᠠᠷ ᠡᠮᠦᠨᠡ᠂ ᠬᠤᠶᠢᠨᠠ᠂ ᠵᠦᠪ ᠪᠤᠷᠤᠭᠤ ᠲᠠᠯᠠ ᠪᠠᠷ ᠨᠢ ᠢᠯᠭᠠᠵᠦ ᠲᠠᠯᠪᠢᠭᠠᠳ ᠳᠤᠮᠳᠠ ᠨᠢ ᠰᠡᠭᠡᠷ | ᠂ ᠬᠦᠵᠦᠬᠦᠦ ᠶᠢ ᠦᠷᠦᠵᠦ᠂ ᠲᠡᠭᠦᠨ ᠤ ᠲᠡᠭᠡᠷᠡ ᠪᠦᠬᠦᠯᠢ ᠤᠭᠤᠴᠠ ᠪᠠᠨ ᠰᠡᠭᠦᠯ ᠢ ᠨᠢ ᠬᠤᠶᠢᠰᠢ ᠬᠠᠨᠳᠤᠭᠤᠯᠤᠨ | ᠲᠠᠯᠪᠢᠵᠦ᠂ ᠤᠭᠤᠴᠠᠨ ᠲᠡᠭᠡᠷᠡ ᠨᠢ ᠪᠠᠶᠠᠷ ᠤᠨ ᠮᠠᠩᠨᠠᠢ ᠪᠤᠶᠤ ᠲᠤᠨᠤᠯᠵᠢᠨ ᠡᠰᠭᠡᠭᠰᠡᠨ ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢ | ᠤᠭᠤᠴᠠ ᠤ ᠪᠠᠨ ᠲᠤᠯᠤᠭᠠᠢ ᠦᠭᠡᠳᠡ ᠬᠠᠨᠳᠤᠭᠤᠯᠤᠨ ᠭᠤᠤᠯᠯᠠᠭᠤᠯᠠᠵᠦ ᠲᠠᠯᠪᠢᠨᠠ᠃ ᠡᠭᠦᠨ ᠢ ᠪᠦᠬᠦᠯᠢ ᠬᠤᠨᠢᠨ ᠤ | ᠰᠢᠭᠦᠰᠦ ᠲᠡᠪᠰᠢᠭᠦᠯᠡᠬᠦ ᠶᠤᠰᠤᠨ ᠭᠡᠨᠡ᠃ ᠵᠠᠷᠢᠮ ᠶᠡᠭᠡ ᠨᠡᠶᠢᠷ ᠲᠤ ᠢᠷᠦᠭᠡᠯᠴᠢ ᠤᠷᠢᠵᠦ ᠢᠷᠦᠭᠡᠭᠰᠡᠨ ᠤ ᠲᠠᠷᠠᠭᠠ | ᠰᠢᠭᠦᠰᠦ ᠶᠢ ᠬᠦᠨᠳᠡᠵᠦ ᠡᠭᠢᠯᠡᠳᠡᠭ᠃ | ᠤᠭᠤᠴᠠ ᠬᠠᠰᠢᠭᠴᠢ ︵ᠵᠦᠰᠦᠭᠴᠢ︶ ᠪᠤᠶᠤ ᠭᠡᠷ ᠡᠵᠡᠨ ᠶᠠᠭᠤᠨ ᠤ ᠡᠮᠦᠨᠡ ᠬᠤᠨᠢᠨ ᠲᠤᠯᠤᠭᠠᠢ ᠶᠢᠨ | ᠳᠤᠬᠤ ᠠᠴᠠ ᠬᠤᠶᠢᠬᠠ ᠶᠢ ᠨᠢ ᠬᠦᠨᠳᠡᠵᠦ ᠭᠠᠯ ᠳᠤ ᠡᠷᠭᠦᠨᠡ᠂ ᠲᠠᠬᠢᠨ ᠪᠠᠷᠠᠭᠤᠨ ᠴᠢᠬᠢᠨ ᠤ ᠠᠷᠦ ᠲᠠᠯᠠ ᠶᠢ | ᠵᠢᠭᠠᠬᠠᠨ ᠬᠦᠨᠳᠡᠵᠦ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠲᠠᠪᠠᠭ ᠲᠠᠪᠰᠢᠨ ᠳᠤ ᠠᠭᠤᠯᠤᠨ ᠨᠢᠭᠡ ᠲᠠᠯᠠ ᠳᠤᠨᠢ ᠲᠠᠯᠪᠢᠭᠠᠳ | ᠤᠭᠤᠴᠠ ᠤ ᠤᠭᠤᠷᠠᠭ ᠰᠡᠭᠦᠯ ᠠᠴᠠ ᠤᠭᠳᠤᠯᠠᠨ ᠠᠪᠴᠦ ᠵᠦᠪ ᠲᠠᠯᠠ ᠶᠢᠨ ᠱᠠᠭᠠᠨᠳᠤ ᠴᠢᠮᠦᠭᠡ ᠶᠢᠨ ᠬᠠᠮᠳᠤ | ᠲᠠᠬᠢᠯᠠᠭᠠ ᠲᠠᠯᠪᠢᠳᠠᠭ᠃ | ᠲᠡᠭᠡᠭᠳ ᠭᠤᠤᠯ ᠵᠤᠴᠢᠳ ᠬᠢᠳᠤᠭᠠ ᠪᠠᠨ ᠰᠢᠯᠵᠢᠭᠦᠯᠡᠬᠦ ᠳᠤ ᠵᠤᠴᠢᠨ ᠤᠭᠤᠴᠠ ᠤ ᠢᠳᠡᠭᠡᠨ ᠠᠴᠠ | ᠣᠭᠳᠤᠯᠤᠨ ᠭᠠᠯ ᠳᠤ ᠡᠷᠭᠦᠭᠡᠳ ᠦᠪᠡᠷ ᠢᠶᠠᠨ ᠢᠳᠡᠭᠰᠡᠨ ᠤ ᠳᠠᠷᠠᠭᠠ ᠪᠤᠰᠤᠳ ᠨᠢ ᠵᠤᠭᠤᠭᠯᠠᠳᠠᠭ᠃ |