| ᠡᠷᠢᠶᠡᠬᠡᠨ ᠰᠤᠯᠤᠩᠭᠠ | ᠮᠢᠨᠤ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠮᠠᠨ ᠤ ᠭᠡᠷ ᠤᠨ ᠴᠡᠭᠡᠷ ᠶᠣᠰᠣᠨ᠄ | 1.ᠦᠷᠯᠤᠭᠡ ᠳᠡᠭᠡᠨ ᠨᠠᠷᠠ ᠭᠠᠷᠲᠠᠯᠠ ᠤᠨᠲᠠᠬᠤ ᠶᠢ ᠲᠤᠩ ᠬᠡᠴᠢᠶᠡᠳᠡᠭ᠃ ᠵᠠᠪᠠᠯ ᠨᠠᠷᠠᠨ ᠠᠴᠠ ᠡᠮᠤᠨᠡ | ᠪᠣᠰᠳᠠᠭ᠃ | 2.ᠨᠠᠷᠠᠨ ᠤ ᠡᠰᠡᠷᠭᠦ ᠦᠨᠡᠰᠦ ᠬᠤᠭ ᠭᠡᠭᠡᠳᠡᠭ ᠦᠭᠡᠢ᠃ ᠤᠰᠤ ᠤᠭᠠᠳᠠᠰᠤ ᠴᠠᠴᠤᠳᠠᠭ ᠦᠭᠡᠢ᠃ | 3.ᠭᠤᠯᠤᠮᠲᠠ ᠪᠠᠨ ᠲᠦᠷᠤᠭᠡᠳᠡᠵᠦ ᠪᠣᠶᠤ ᠢᠰᠭᠦᠯᠵᠦ ᠰᠠᠭᠤᠳᠠᠭ ᠦᠭᠡᠢ᠃ ᠡᠰᠡᠷᠭᠦ ᠨᠢ ᠨᠢᠯᠪᠤᠬᠤ ᠶᠢ ᠲᠠᠰᠤ | ᠴᠡᠭᠡᠷᠯᠡᠨᠡ᠃ ᠳᠡᠭᠡᠭᠦᠷ ᠨᠢ ᠠᠯᠬᠤᠬᠤ ᠶᠢ ᠨᠡᠩ ᠴᠡᠭᠡᠷᠯᠡᠨᠡ᠃ ᠭᠠᠯ ᠤᠨ ᠬᠠᠶᠢᠴᠢ᠂ ᠬᠤᠰᠤᠭᠤᠷ᠂ ᠮᠠᠯᠲᠠᠭᠤᠷ ᠤᠨ | ᠳᠡᠭᠡᠭᠦᠷ ᠠᠯᠬᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠭᠠᠯ ᠬᠢᠵᠤ ᠪᠠᠶᠢᠭᠠ ᠵᠤᠬᠠ ᠲᠤᠯᠭᠠ ᠳᠤ ᠤᠰᠤ ᠣᠷᠤᠬᠤ ᠶᠢ ᠲᠤᠶᠢᠯ ᠢᠶᠠᠷ | ᠬᠢᠴᠢᠶᠡᠳᠡᠭ᠃ | 4.ᠠᠷᠭᠠᠯ ᠲᠦᠯᠡᠭᠡᠨ ᠳᠣᠲᠤᠷᠠ ᠪᠣᠵᠠᠷ ᠮᠠᠭᠤ ᠵᠤᠶᠢᠯᠡᠰ ᠣᠷᠤᠵᠤ ᠲᠦᠯᠡᠳᠡᠭᠳᠡᠬᠦ ᠶᠢ ᠣᠨᠴᠠ ᠬᠡᠴᠢᠶᠡᠨᠡ᠃ | 5.ᠬᠠᠶᠢᠴᠢ ᠬᠢᠲᠤᠭᠠ ᠵᠡᠷᠭᠡ ᠶᠢᠨ ᠢᠷ ᠮᠦᠷᠤ ᠲᠠᠢ ᠵᠡᠪᠰᠡᠭ ᠤᠨ ᠳᠡᠭᠡᠭᠦᠷ ᠠᠯᠬᠤᠳᠠᠭ ᠦᠭᠡᠢ᠂ ᠡᠶᠢᠮᠤᠷᠬᠦ | ᠵᠤᠶᠢᠯᠡᠰ ᠢ ᠬᠦᠮᠦᠨ ᠳᠤ ᠦᠭᠭᠦᠬᠦ ᠳᠡᠭᠡᠨ ᠢᠷ ᠢ ᠨᠢ ᠦᠪᠡᠷ ᠤᠨ ᠪᠡᠶᠡ ᠵᠦᠭ ᠢᠶᠠᠨ ᠬᠠᠨᠳᠤᠭᠤᠯᠵᠤ᠂ ᠡᠰᠢ ᠪᠣᠶᠤ | ᠮᠦᠷᠤ ᠶᠢ ᠨᠢ ᠦᠭᠭᠦᠬᠦ ᠬᠦᠮᠦᠨ ᠤ ᠵᠦᠭ ᠲᠤ ᠬᠠᠨᠳᠤᠭᠤᠯᠵᠤ ᠦᠭᠭᠦᠳᠡᠭ᠃ | 6.ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠨᠣᠭᠲᠣ ᠴᠢᠳᠤᠷ᠂ ᠤᠷᠭᠠ ᠲᠠᠰᠢᠭᠤᠷ ᠤᠨ ᠳᠡᠭᠡᠭᠦᠷ ᠠᠯᠬᠤᠳᠠᠭ ᠦᠭᠡᠢ᠃ ᠬᠠᠩᠭᠠᠢ | ᠡᠮᠡᠭᠡᠯ ᠤᠨᠤᠭᠤᠯᠳᠠᠭ ᠦᠭᠡᠢ᠃ ᠨᠣᠭᠲᠣ ᠬᠠᠵᠠᠭᠠᠷ ᠤᠨ ᠲᠣᠯᠤᠭᠠᠢ ᠶᠢ ᠲᠣᠩᠭᠤᠷᠤᠭᠤᠯᠤᠨ ᠡᠯᠭᠦᠬᠦ ᠶᠢ ᠴᠡᠭᠡᠷᠯᠡᠨᠡ᠃ | ᠴᠢᠳᠦᠷ ᠢ ᠪᠣᠷᠤᠭᠤ ᠬᠠᠨᠳᠤᠭᠤᠯᠵᠤ ᠴᠢᠳᠤᠷᠯᠡᠬᠦ ᠪᠣᠶᠤ ᠭᠤᠶᠠᠨ ᠤ ᠠᠯᠠᠭᠠ ᠠᠴᠠ ᠭᠠᠨᠵᠤᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | 7.ᠪᠡᠶᠡ ᠬᠦᠨᠳᠦ ᠬᠦᠮᠦᠨ ᠤ ᠡᠮᠤᠨᠡᠭᠦᠷ ᠭᠡᠷᠤᠵᠤ ᠭᠠᠷᠤᠳᠠᠭ ᠦᠭᠡᠢ᠃ | 8.ᠬᠤᠨᠢ ᠬᠤᠷᠠᠭᠠ ᠪᠠᠷᠢᠵᠤ ᠠᠪᠬᠤ ᠳᠠᠭᠠᠨ ᠤᠩᠭᠠᠰᠤ ᠬᠢᠯᠭᠠᠰᠤ ᠠᠴᠠ ᠨᠢ ᠪᠠᠵᠠᠭᠳᠠᠨ ᠪᠠᠷᠢᠳᠠᠭ ᠦᠭᠡᠢ᠃ | ᠵᠠᠪᠠᠯ ᠰᠢᠬᠢᠷᠡᠳᠡᠵᠦ ᠪᠠᠷᠢᠵᠤ ᠠᠪᠳᠠᠭ᠃ | 9.ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠠᠮᠤᠯᠠᠬᠤ ᠪᠣᠶᠤ ᠬᠠᠷᠢᠶᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ | 10.ᠮᠠᠯ ᠤᠨ ᠬᠠᠰᠢᠶᠠ ᠬᠤᠷᠤᠭᠠ ᠪᠣᠶᠤ ᠭᠡᠷ ᠤᠨ ᠳᠡᠭᠡᠷᠡ ᠲᠠᠯᠠ ᠳᠤ ᠦᠳᠭᠡᠨ ᠰᠢᠩᠬᠡᠨ ᠮᠦᠷ ᠦᠵᠡᠬᠦ ᠶᠢ | ᠲᠠᠰᠤ ᠴᠡᠭᠡᠷᠯᠡᠨᠡ᠃ | 11.ᠦᠨᠡᠰᠤ ᠬᠤᠭ ᠢ ᠨᠡᠶᠢᠯᠡᠭᠦᠯᠵᠦ ᠭᠡᠭᠡᠳᠡᠭ ᠦᠭᠡᠢ᠃ ᠨᠡᠩ ᠬᠦᠮᠦᠨ ᠤ ᠡᠰᠡᠷᠭᠦ ᠬᠠᠶᠠᠳᠠᠭ ᠦᠭᠡᠢ᠃ | 12.ᠬᠤᠳᠳᠤᠭ᠂ ᠭᠤᠣᠯ ᠤᠰᠤᠨ ᠳᠤ ᠮᠠᠭᠤ ᠶᠠᠭᠤᠮᠠ ᠣᠷᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | 13.ᠬᠦᠮᠦᠨ ᠤ ᠵᠦᠭ ᠬᠤᠷᠤᠭᠤ ᠪᠠᠷ ᠵᠢᠭᠠᠳᠠᠭ ᠦᠭᠡᠢ᠃ | 14.ᠬᠦᠮᠦᠨ ᠳᠤ ᠶᠠᠭᠤᠮᠠ ᠦᠭᠭᠦᠬᠦ ᠪᠣᠶᠤ ᠠᠪᠬᠤ ᠳᠠᠭᠠᠨ ᠵᠠᠪᠠᠯ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠦᠭᠴᠦ | ᠠᠪᠳᠠᠭ᠃ | 15.ᠠᠬᠠᠮᠠᠳ ᠲᠣᠮᠤᠭᠠᠲᠠᠨ ᠤ ᠲᠠᠯᠠ ᠳᠤ ᠬᠡᠥᠭᠡᠳ ᠬᠦᠮᠦᠨ ᠤᠷᠢᠳᠠᠪᠠᠷ ᠣᠷᠣ ᠡᠵᠡᠯᠡᠳᠡᠭ ᠦᠭᠡᠢ᠃ | 16.ᠨᠣᠭᠲᠣ ᠴᠢᠳᠤᠷ᠂ ᠳᠡᠭᠡᠰᠤ ᠲᠦᠷᠤ ᠬᠠᠷᠭᠤᠬᠤ ᠳᠤ ᠠᠪᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠭᠤ ᠪᠡᠯᠭᠡ ᠭᠡᠳᠡᠭ᠃ | 17.ᠳᠡᠪᠡᠯ ᠤᠨ ᠡᠩᠭᠡᠷ ᠢ ᠵᠠᠳᠠᠭᠠᠢ ᠶᠠᠪᠤᠳᠠᠭ ᠦᠭᠡᠢ᠃ ᠲᠣᠪᠴᠢ ᠰᠢᠯᠪᠢ ᠶᠢ ᠨᠢ ᠳᠤᠲᠠᠭᠤ ᠳᠣᠭᠤᠯᠠᠩ | ᠶᠠᠪᠤᠭᠤᠯᠳᠠᠭ ᠦᠭᠡᠢ᠃ ᠲᠣᠪᠴᠢ ᠶᠢ ᠵᠠᠪᠠᠯ ᠵᠠᠭᠠᠮᠠ ᠶᠢᠨ ᠲᠣᠪᠴᠢ ᠠᠴᠠ ᠡᠬᠢᠯᠡᠵᠦ ᠲᠣᠪᠴᠢᠯᠠᠳᠠᠭ᠃ | 18.ᠠᠪᠤ᠂ ᠠᠬᠠ ᠠᠴᠠ ᠤᠷᠢᠲᠠᠵᠦ ᠬᠡᠥᠭᠡᠳ ᠳᠡᠭᠦᠦᠨᠠᠷ ᠰᠠᠬᠠᠯ ᠲᠠᠯᠪᠢᠳᠠᠭ ᠦᠭᠡᠢ᠃ | 19.ᠶᠠᠮᠠᠷ ᠴᠤ ᠬᠦᠮᠦᠨ ᠤ ᠡᠰᠡᠷᠭᠦ ᠬᠤᠭᠤᠰᠤᠨ ᠰᠠᠪᠠ ᠠᠪᠴᠤ ᠭᠠᠷᠳᠠᠭ ᠦᠭᠡᠢ᠃ ᠬᠡᠷᠪᠡ ᠭᠠᠷᠤᠭᠰᠠᠨ ᠨᠢ | ᠬᠠᠷᠭᠤᠴᠢᠬᠠᠭᠰᠠᠨ ᠪᠣᠯ ᠰᠠᠪᠠ ᠪᠠᠨ ᠪᠣᠰᠢᠭᠤ ᠭᠠᠵᠠᠷ ᠬᠦᠮᠤᠷᠢᠵᠤ ᠲᠠᠯᠪᠢᠵᠤ ᠬᠦᠮᠦᠨ ᠬᠠᠷᠠ ᠶᠢ ᠦᠩᠭᠡᠷᠡᠵᠦ | ᠭᠠᠷᠤᠭᠰᠠᠨ ᠬᠤᠶᠢᠨᠠ ᠠᠪᠴᠤ ᠶᠠᠪᠤᠳᠠᠭ᠃ | 20.ᠮᠠᠯ ᠰᠦᠷᠦᠭ ᠤᠨ ᠡᠰᠡᠷᠭᠦ ᠤᠰᠤ ᠤᠭᠠᠳᠠᠰᠤ᠂ ᠦᠨᠡᠰᠤ᠂ ᠬᠤᠭ ᠴᠠᠴᠤᠵᠤ ᠭᠡᠭᠡᠳᠡᠭ ᠢ ᠴᠡᠭᠡᠷᠯᠡᠨᠡ᠃ | 21.ᠨᠣᠮ ᠰᠣᠳᠤᠷ ᠢᠶᠠᠷ ᠬᠡᠥᠭᠡᠳ ᠲᠤ ᠨᠠᠭᠠᠳᠤᠭᠤᠯᠳᠠᠭ ᠦᠭᠡᠢ᠃ ᠬᠦᠰᠡᠷ ᠳᠣᠣᠷᠠ ᠲᠠᠯᠪᠢᠳᠠᠭ ᠦᠭᠡᠢ᠃ | 22. ᠠᠬᠠᠮᠠᠳ ᠲᠣᠮᠤᠭᠠᠲᠠᠨ ᠳᠤ ᠮᠠᠯᠠᠭᠠᠢ ᠦᠭᠡᠢ ᠮᠦᠷᠭᠦᠬᠦ ᠶᠢ ᠬᠡᠴᠢᠶᠡᠨᠡ᠃ ᠱᠠᠰᠢᠨ ᠰᠢᠳᠤᠯᠭᠡ ᠲᠠᠬᠢᠯ | ᠲᠠᠶᠢᠯᠠᠭᠠ ᠳᠤ ᠮᠠᠯᠠᠭᠠᠢ ᠲᠠᠢ ᠮᠦᠷᠭᠦᠳᠡᠭ ᠦᠭᠡᠢ᠃ | 23.ᠶᠠᠮᠠᠷ ᠴᠤ ᠬᠦᠮᠦᠨ ᠳᠤ ᠬᠠᠳᠠᠭ ᠪᠠᠷᠢᠬᠤ ᠳᠠᠭᠠᠨ ᠬᠠᠳᠠᠭ ᠤᠨ ᠠᠮᠠ ᠶᠢ ᠦᠭᠭᠦᠬᠦ ᠬᠦᠮᠦᠨ ᠤ ᠵᠦᠭ ᠲᠤ | ᠬᠠᠨᠳᠤᠭᠤᠯᠵᠤ ᠪᠠᠷᠢᠳᠠᠭ᠃ ᠬᠠᠳᠠᠭ ᠲᠤᠰᠬᠤ ᠬᠦᠮᠦᠨ᠂ ᠡᠷᠡᠭᠲᠡᠢ ᠪᠣᠯ ᠲᠣᠰᠴᠤ ᠠᠪᠤᠭᠰᠠᠨ ᠬᠠᠳᠠᠭ ᠢᠶᠠᠨ ᠵᠡᠭᠦᠨ | ᠲᠣᠬᠤᠢ ᠲᠠᠯᠪᠢᠵᠤ᠂ ᠡᠮᠡᠭᠲᠡᠢ ᠬᠦᠮᠦᠨ ᠪᠣᠯ ᠪᠠᠷᠠᠭᠤᠨ ᠲᠣᠬᠤᠢ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠳᠠᠭ᠃ ᠬᠦᠵᠦᠭᠦᠨ ᠳᠡᠭᠡᠨ | ᠲᠠᠯᠪᠢᠳᠠᠭ ᠵᠠᠩᠰᠢᠯ ᠮᠣᠩᠭᠤᠯᠴᠤᠳ ᠲᠤ ᠪᠠᠶᠢᠳᠠᠭ ᠦᠭᠡᠢ᠃ | 24.ᠨᠠᠷᠠ ᠰᠠᠷᠠ ᠰᠤᠯᠤᠩᠭᠠ ᠶᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠵᠢᠭᠠᠳᠠᠭ ᠦᠭᠡᠢ᠃ ᠭᠠᠯ ᠢᠶᠠᠷ ᠨᠠᠭᠠᠳᠤᠬᠤ ᠶᠢ ᠲᠠᠰᠤ | ᠴᠡᠭᠡᠷᠯᠡᠳᠡᠭ᠃ | 25. ᠪᠣᠰᠤᠳ ᠤᠨ ᠮᠠᠯᠠᠭᠠᠢ ᠲᠣᠯᠤᠭᠠᠢ ᠳᠤ ᠭᠠᠷ ᠬᠦᠷᠭᠡᠳᠡᠭ ᠦᠭᠡᠢ᠃ | 26.ᠳᠡᠭᠡᠷᠡ ᠳᠣᠣᠷᠠ ᠪᠡᠶᠡ ᠶᠢᠨ ᠬᠤᠪᠴᠠᠰᠤ ᠶᠢ ᠨᠢᠭᠡ ᠳᠣᠣᠷᠠ ᠨᠡᠶᠢᠯᠡᠭᠦᠯᠵᠦ ᠲᠠᠯᠪᠢᠳᠠᠭ ᠦᠭᠡᠢ᠃ | 27.ᠭᠤᠲᠤᠯ ᠱᠠᠬᠠᠢ ᠶᠢᠨ ᠬᠤᠩᠰᠢᠶᠠᠷ ᠢ ᠣᠷᠣ ᠶᠢᠨ ᠲᠣᠯᠤᠭᠠᠢ ᠵᠦᠭ ᠬᠠᠷᠠᠭᠤᠯᠵᠤ ᠲᠠᠯᠪᠢᠳᠠᠭ ᠦᠭᠡᠢ᠃ | 28. ᠡᠯᠢᠭᠡ ᠪᠠᠨ ᠲᠡᠪᠡᠷᠢᠵᠦ᠂ ᠨᠢᠷᠤᠭᠤ ᠪᠠᠨ ᠡᠭᠦᠷᠴᠤ᠂ ᠰᠦᠪᠡᠭᠡ ᠪᠠᠨ ᠲᠤᠯᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠨᠡ᠃ | ᠵᠠᠳᠠᠭᠠᠢ ᠠᠯᠴᠠᠶᠢᠵᠦ ᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 29. ᠳᠡᠪᠢᠭᠦᠷ ᠱᠦᠬᠦᠷ ᠤᠨ ᠢᠷ ᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠳᠠᠭ ᠦᠭᠡᠢ᠃ | 30. ᠬᠠᠭᠠᠯᠭᠠᠨ ᠵᠠᠪᠰᠠᠷ ᠢᠶᠠᠷ ᠱᠠᠭᠠᠶᠢᠳᠠᠭ ᠦᠭᠡᠢ᠃ ᠬᠠᠪᠳᠠᠰᠤᠯᠠᠵᠤ ᠵᠣᠭᠰᠤᠳᠠᠭ ᠦᠭᠡᠢ᠃ ᠬᠠᠪᠲᠠᠰᠤᠨ | ᠳᠣᠲᠤᠷᠠ ᠠᠴᠠ ᠭᠠᠳᠠᠭᠰᠢ ᠶᠠᠭᠤᠮᠠ ᠰᠠᠴᠤᠳᠠᠭ ᠦᠭᠡᠢ᠃ | 31. ᠬᠡᠥᠭᠡᠳ ᠲᠤ ᠰᠠᠮ᠂ ᠱᠦᠭᠦᠷ ᠢᠶᠠᠷ ᠨᠠᠭᠠᠳᠤᠭᠤᠯᠳᠠᠭ ᠦᠭᠡᠢ᠃ | 32.ᠬᠡᠷᠢᠶᠡ᠂ ᠲᠡᠭᠡᠯᠡᠢ ᠶᠢ ᠨᠠᠮᠨᠠᠭᠤᠯᠳᠠᠭ ᠦᠭᠡᠢ᠂ ᠬᠤᠷᠤᠭᠤ ᠪᠠᠷ ᠢᠶᠠᠨ ᠵᠢᠭᠠᠬᠤ ᠶᠢ ᠴᠤ ᠴᠡᠭᠡᠷᠯᠡᠳᠡᠭ᠃ | 33. ᠬᠠᠷᠠ ᠰᠢᠷᠠ ᠪᠦᠷᠤᠢ ᠶᠢᠨ ᠦᠶᠡ ᠪᠠᠷ ᠳᠠᠭᠤᠯᠠᠵᠤ ᠭᠡᠩᠰᠢᠬᠦ ᠶᠢ ᠴᠡᠭᠡᠷᠯᠡᠨᠡ᠃ | 34. ᠲᠣᠭᠤᠭᠠ ᠪᠠᠨ ᠵᠣᠣᠬᠠᠨ ᠳᠡᠭᠡᠷᠡ ᠬᠡᠯᠲᠡᠭᠡᠢ ᠲᠠᠯᠪᠢᠬᠤ ᠶᠢ ᠬᠡᠴᠢᠶᠡᠨᠡ᠃ ᠠᠶᠠᠭᠠ ᠰᠠᠪᠬᠠ | ᠲᠣᠭᠰᠢᠬᠤ ᠶᠢ ᠬᠡᠴᠢᠶᠡᠨᠡ᠃ ᠰᠠᠪᠬᠠ ᠪᠠᠷ ᠬᠦᠮᠦᠨ ᠢ ᠵᠣᠳᠤᠬᠤ᠂ ᠴᠣᠬᠢᠬᠤ᠂ ᠵᠢᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠰᠠᠪᠬᠠ ᠶᠢ ᠭᠠᠯ ᠳᠤ ᠣᠷᠤᠭᠤᠯᠬᠤ ᠶᠢ ᠬᠡᠴᠢᠶᠡᠨᠡ᠃ | 35. ᠬᠤᠨᠢ᠂ ᠦᠬᠡᠷ ᠵᠠᠷᠤᠵᠤ ᠭᠠᠷᠭᠠᠬᠤ ᠳᠠᠭᠠᠨ ᠪᠠᠭᠠᠯᠵᠤᠤᠷ ᠬᠦᠵᠤᠭᠦᠦ ᠣᠭᠲᠤᠯᠵᠤ ᠵᠠᠷᠤᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠦᠷᠤᠴᠡ ᠶᠢ ᠨᠢ ᠬᠠᠭᠠᠯᠵᠤ᠂ ᠭᠤᠣᠯ ᠢ ᠨᠢ ᠲᠠᠰᠤᠯᠠᠵᠤ ᠵᠠᠷᠤᠳᠠᠭ᠃ | |