ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠭᠡᠳᠡᠭ ᠨᠢ ᠬᠤᠨᠢᠨ ᠤ ᠬᠤᠶᠢᠴᠢ ᠦᠶᠡ ᠪᠠᠨ ᠦᠷᠡᠵᠢᠭᠦᠯᠬᠦ | ᠴᠢᠳᠠᠪᠦᠷᠢ ᠶᠢ ᠵᠢᠭᠠᠨᠠ᠃ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠨᠢ ᠤᠳᠤᠮᠰᠢᠯ᠂ ᠰᠢᠮᠡ ᠲᠡᠵᠢᠭᠡᠯ᠂ ᠨᠠᠰᠤ ᠵᠢᠴᠢ | ᠪᠣᠰᠤᠳ ᠭᠠᠳᠠᠭᠠᠲᠤ ᠣᠷᠴᠢᠨ ᠤ ᠨᠦᠭᠦᠴᠡᠯ ︵ ᠵᠢᠱᠢᠶᠡᠯᠡᠪᠡᠯ ᠭᠡᠷᠡᠯ ᠤᠨ ᠳᠤᠰᠤᠯᠲᠠ᠂ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ︶ | ᠤᠨ ᠨᠦᠯᠦᠭᠡᠯᠡᠯ ᠢ ᠬᠦᠷᠲᠡᠨᠡ᠃ ᠡᠶᠢᠮᠦ ᠠᠴᠠ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠳᠤ᠂ | ᠡᠭᠦᠯᠳᠡᠷ ᠰᠤᠩᠭᠤᠨ ᠬᠡᠬᠡᠯᠳᠦᠭᠦᠯᠬᠦ ᠂ ᠡᠷᠯᠢᠰᠡᠵᠢᠭᠦᠯᠦᠨ ᠡᠭᠦᠯᠳᠡᠷ ᠰᠠᠶᠢᠵᠢᠷᠠᠭᠤᠯᠬᠤ ᠪᠣᠯᠤᠨ ᠤᠳᠤᠮᠰᠢᠯ ᠤᠨ | ᠦᠪᠡᠷᠮᠢᠴᠡ ᠴᠢᠨᠠᠷ ᠢ ᠨᠢ ᠦᠭᠡᠷᠡᠴᠢᠯᠡᠬᠦ ᠪᠠᠷ ᠳᠠᠮᠵᠢᠨ ᠶᠠᠪᠤᠭᠳᠠᠭᠤᠯᠬᠤ ᠶᠢᠨ ᠬᠠᠮᠲᠤ ᠪᠠᠰᠠ ᠠᠷᠠᠴᠢᠯᠠᠭᠠ | ᠬᠠᠮᠢᠶᠠᠷᠤᠯᠲᠠ᠂ ᠦᠷᠡᠵᠢᠭᠦᠯᠦᠭᠡ ᠶᠢᠨ ᠮᠡᠷᠭᠡᠵᠢᠯ ᠪᠣᠯᠤᠨ ᠭᠠᠳᠠᠭᠠᠳᠤ ᠣᠷᠴᠢᠨ ᠲᠣᠭᠤᠷᠢᠨ ᠤ ᠨᠦᠬᠦᠴᠡᠯ ᠢ | ᠬᠤᠪᠢᠷᠠᠭᠤᠯᠬᠤ ᠶᠢ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠬᠦ ᠬᠡᠷᠡᠭᠲᠡᠢ᠃ | ᠨᠢᠭᠡ᠂ ᠨᠦᠯᠦᠭᠡᠯᠡᠬᠦ ᠡᠯᠧᠮᠧᠨ᠋ᠲ | 1.ᠤᠳᠤᠮᠰᠢᠯ | ᠠᠳᠠᠯᠢ ᠪᠣᠰᠤ ᠡᠭᠦᠯᠳᠡᠷ ᠤᠨ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢᠨ ᠵᠦᠷᠢᠶᠡ ᠨᠢ ᠨᠡᠯᠢᠶᠡᠳ ᠶᠡᠭᠡ ᠪᠠᠶᠢᠳᠠᠭ | ᠃ ᠶᠡᠷᠤᠳᠡᠭᠡᠨ ᠤᠮᠠᠷᠠᠳᠤ ᠣᠷᠤᠨ ᠤ ᠮᠠᠯᠵᠢᠬᠤ ᠣᠷᠤᠨ ᠳᠤ ᠬᠤᠨᠢ ᠨᠢᠭᠡ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠲᠦᠯᠯᠡᠨᠡ᠂ | ᠭᠡᠲᠡᠯᠡ ᠬᠤᠶᠠᠩ ᠬᠤᠨᠢ᠂ ᠪᠠᠭᠠ ᠰᠡᠭᠦᠯᠲᠦ ᠬᠤᠶᠠᠩ ᠬᠤᠨᠢ ᠨᠢ ᠨᠢᠭᠡ ᠵᠢᠯ ᠳᠤ ᠨᠢᠭᠡ ᠬᠤᠶᠠᠷ ᠤᠳᠠᠭᠠ ᠲᠦᠯᠯᠡᠬᠦ | ᠪᠣᠶᠣ ᠬᠤᠶᠠᠷ ᠵᠢᠯ ᠳᠤ ᠭᠤᠷᠪᠠ ᠤᠳᠠᠭᠠ ᠲᠦᠯᠯᠡᠨᠡ᠂ ᠣᠯᠠᠩᠬᠢ ᠳᠠᠭᠠᠨ ᠢᠭᠡᠷᠡ ᠲᠦᠯ ᠲᠦᠯᠯᠡᠵᠦ᠂ ᠵᠠᠷᠢᠮ ᠨᠢ | ᠨᠢᠭᠡ ᠤᠳᠠᠭᠠ ᠳᠤ 4-5 ᠲᠦᠯ ᠲᠦᠯᠯᠡᠨᠡ᠃ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠪᠠᠷ ᠳᠠᠮᠵᠢᠨ ᠬᠤᠨᠢᠨ ᠤ ᠣᠯᠠᠨ ᠲᠦᠯᠲᠤ | ᠴᠢᠨᠠᠷ ᠢ ᠪᠦᠲᠤᠮᠵᠢᠲᠠᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠳᠡᠶᠢᠯᠤᠨᠡ᠃ | 2.ᠰᠢᠮᠡ ᠲᠡᠵᠢᠭᠡᠯ | ᠰᠢᠮᠡ ᠲᠡᠵᠢᠭᠡᠯ ᠤᠨ ᠨᠦᠬᠦᠴᠡᠯ ᠨᠢ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ | ᠨᠦᠯᠦᠭᠡᠯᠡᠨᠡ᠃ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢ ᠴᠢᠩᠭᠠᠳᠬᠠᠬᠤ ᠪᠣᠯ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ | ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠦᠲᠤᠮᠵᠢᠲᠡᠢ ᠠᠷᠭᠠ ᠬᠡᠮᠵᠢᠶᠡ ᠪᠣᠯᠤᠨᠠ᠃ ᠬᠡᠬᠡᠯᠳᠦᠭᠦᠯᠬᠦ ᠠᠴᠠ ᠡᠮᠦᠨᠡ 2-3 ᠭᠠᠷᠠᠭ ᠲᠤ ᠡᠮᠡ | ᠬᠤᠨᠢ ᠶᠢ ᠤᠬᠤᠷᠬᠠᠨ ᠬᠤᠭᠤᠴᠠᠭᠠ ᠨᠠᠷᠢᠯᠢᠭ ᠠᠷᠠᠴᠢᠯᠠᠪᠠᠯ᠂ ᠡᠮᠡ ᠬᠤᠨᠢᠨ ᠤ ᠦᠨᠳᠡᠭᠡ ᠭᠠᠳᠠᠭᠰᠢᠯᠠᠭᠤᠯᠬᠤ | ᠨᠤᠷᠮᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠳᠡᠶᠢᠯᠦᠨᠡ᠃ ᠪᠡᠶᠡ ᠬᠦᠢᠴᠡᠭᠰᠡᠨ ᠡᠮᠡ ᠬᠤᠨᠢᠨ ᠳᠤ ᠸᠢᠲ᠋ᠠᠮᠢᠨ ᠳᠤᠲᠠᠪᠠᠯ ᠦᠨᠳᠡᠭᠡ | ᠭᠠᠳᠠᠭᠰᠢᠯᠠᠭᠤᠯᠬᠤ ᠲᠤᠭᠠ ᠶᠢ ᠪᠠᠭᠠᠰᠬᠠᠨᠠ᠃ | 3.ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ | ᠵᠤᠨ ᠤ ᠤᠯᠠᠷᠢᠯ ᠳᠤ ᠠᠭᠤᠷ ᠠᠮᠢᠰᠬᠤᠯ ᠠᠭᠠᠬᠢᠮᠠ ᠬᠠᠯᠠᠭᠤᠨ ᠦᠶᠡᠰ ᠵᠠᠷᠢᠮ ᠡᠭᠦᠯᠳᠡᠷ ᠤᠨ ᠬᠤᠴᠠ ᠨᠢ | ᠪᠦᠷᠢᠮᠦᠰᠤᠨ ᠦᠷᠡᠵᠢᠬᠦ ᠦᠭᠡᠢ ᠪᠣᠶᠣ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠨᠢ ᠳᠣᠷᠤᠭᠰᠢᠯᠠᠬᠤ ᠦᠵᠡᠭᠳᠡᠯ ᠲᠠᠢ ᠪᠣᠯᠵᠤ᠂ | ᠢᠯᠡᠷᠡᠯ ᠨᠢ ᠦᠷᠡ ᠬᠠᠷᠪᠤᠬᠤ ᠬᠡᠮᠵᠢᠶᠡ ᠨᠢ ᠪᠠᠭᠠᠰᠬᠤ᠂ ᠦᠷᠡ ᠶᠢᠨ ᠠᠮᠢᠳᠤᠷᠠᠬᠤ ᠨᠤᠷᠮᠠ ᠨᠢ ᠳᠣᠷᠤᠭᠰᠢᠯᠠᠬᠤ᠂ | ᠲᠤᠭᠠ ᠬᠡᠮᠵᠢᠶᠡ ᠨᠢ ᠪᠠᠭᠠᠰᠬᠤ᠂ ᠵᠠᠷᠠᠮᠳᠡᠭ ᠦᠷᠡ ᠪᠣᠶᠣ ᠦᠬᠦᠭᠰᠡᠨ ᠦᠷᠡ ᠶᠢᠨ ᠬᠠᠷᠢᠴᠠᠯ ᠨᠢ ᠳᠡᠭᠡᠭᠰᠢᠯᠡᠳᠡᠭ᠃ | 4.ᠨᠠᠰᠤ | ᠡᠮᠡ ᠬᠤᠨᠢᠨ ᠤ ᠲᠦᠯᠯᠡᠬᠦ ᠨᠤᠷᠮᠠ ᠨᠢ ᠣᠯᠠᠩᠬᠢ ᠳᠠᠭᠠᠨ ᠨᠠᠰᠤ ᠶᠢ ᠳᠠᠭᠠᠯᠳᠤᠨ ᠳᠡᠭᠡᠭᠰᠢᠯᠡᠨᠡ᠂ 3-6 | ᠨᠠᠰᠤᠨ ᠤ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠨᠢ ᠬᠠᠮᠤᠭ ᠦᠨᠳᠤᠷ᠃ ᠬᠤᠴᠠ ᠶᠢᠨ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ | ᠨᠢ ᠶᠡᠷᠤᠳᠡᠭᠡᠨ 5-6 ᠨᠠᠰᠤᠨ ᠤ ᠦᠶᠡᠰ ᠣᠷᠬᠢᠯ ᠳᠠᠭᠠᠨ ᠬᠦᠷᠤᠨᠡ᠃ ᠡᠮᠡ ᠬᠤᠨᠢ ᠪᠣᠶᠣ ᠬᠤᠴᠠ ᠶᠢᠨ ᠠᠯᠢ ᠨᠢ | ᠴᠤ 7 ᠨᠠᠰᠤ ᠠᠴᠠ ᠳᠡᠭᠡᠭᠰᠢ ᠪᠣᠯᠪᠠᠯ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠨᠢ ᠢᠳᠡᠭ ᠢᠳᠡᠭ ᠢᠶᠠᠷ ᠳᠣᠷᠤᠭᠰᠢᠯᠠᠨᠠ᠃ | ᠬᠤᠶᠠᠷ᠂ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠠᠷᠭᠠ | 1.ᠠᠷᠠᠴᠢᠯᠠᠭᠠ ᠬᠠᠮᠢᠶᠠᠷᠤᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ | ᠰᠢᠮᠡ ᠲᠡᠵᠢᠭᠡᠯ ᠤᠨ ᠨᠦᠬᠦᠴᠡᠯ ᠤᠨ ᠬᠤᠨᠢᠨ ᠰᠦᠷᠦᠭ ᠤᠨ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠳᠤ ᠦᠵᠡᠭᠦᠯᠬᠦ | ᠨᠦᠯᠦᠭᠡ ᠨᠢ ᠨᠡᠯᠢᠶᠡᠳ ᠢᠯᠡᠷᠬᠡᠢ ᠪᠠᠶᠢᠳᠠᠭ᠃ ᠬᠤᠨᠢᠨ ᠤ ᠰᠢᠮᠡ ᠲᠡᠵᠢᠭᠡᠯ ᠤᠨ ᠪᠠᠶᠢᠳᠠᠯ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠣᠯ | ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠦᠲᠤᠮᠵᠢᠲᠠᠢ ᠠᠷᠭᠠ ᠮᠦᠨ᠃ ᠬᠡᠬᠡᠯᠳᠦᠭᠦᠯᠬᠦ ᠠᠴᠠ ᠡᠮᠦᠨᠡ ᠬᠢᠭᠡᠳ | ᠬᠡᠬᠡᠯᠳᠦᠭᠦᠯᠬᠦ ᠬᠤᠭᠤᠴᠠᠭᠠᠨ ᠳᠤ᠂ ᠬᠤᠨᠢᠨ ᠳᠤ ᠤᠭᠤᠷᠠᠭ᠂ ᠸᠢᠲ᠋ᠠᠮᠢᠨ ᠬᠢᠭᠡᠳ ᠪᠢᠴᠢᠯ ᠡᠯᠧᠮᠧᠨ᠋ᠲ ᠵᠡᠷᠭᠡ ᠶᠢᠨ | ᠬᠠᠩᠭᠠᠯᠭᠠ ᠶᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ᠃ ᠡᠭᠦᠯᠳᠡᠷ ᠤᠨ ᠬᠤᠴᠠ ᠶᠢᠨ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠡᠮᠵᠢᠶᠡ ᠨᠢ ᠬᠡᠬᠡᠯᠳᠦᠬᠦ | ᠨᠣᠷᠮᠠ᠂ ᠲᠦᠯᠯᠡᠬᠦ ᠨᠤᠷᠮᠠ ᠪᠠ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠲᠦᠯ ᠤᠨ ᠬᠦᠨᠳᠦ ᠪᠣᠯᠤᠨ ᠬᠤᠷᠠᠭᠠᠨ ᠤ ᠰᠦ ᠠᠴᠠ ᠰᠠᠯᠬᠤ | ᠦᠶᠡ ᠶᠢᠨ ᠬᠦᠨᠳᠦ ᠳᠤ ᠪᠦᠷ ᠨᠦᠯᠦᠭᠡ ᠪᠣᠯᠳᠠᠭ᠃ ᠡᠭᠦᠯᠳᠡᠷ ᠤᠨ ᠬᠤᠴᠠ ᠶᠢᠨ ᠰᠢᠮᠡ ᠲᠡᠵᠢᠭᠡᠯ ᠢ ᠬᠡᠬᠡᠯᠳᠦᠭᠦᠯᠭᠡ | ᠬᠢᠬᠦ ᠠᠴᠠ ᠰᠠᠷᠠ ᠬᠠᠭᠠᠰ ᠤᠨ ᠡᠮᠦᠨᠡ ᠡᠬᠢᠯᠡᠵᠦ ᠪᠡᠯᠡᠳᠭᠡᠬᠦ ᠬᠡᠷᠡᠭᠲᠡᠢ᠃ ᠪᠦᠷᠢᠨ ᠦᠷᠳᠡᠭᠲᠦ᠂ ᠰᠢᠮᠡ | ᠲᠡᠵᠢᠭᠡᠯ ᠤᠨ ᠪᠣᠳᠠᠰ ᠢᠶᠠᠷ ᠬᠤᠴᠠ ᠶᠢ ᠲᠡᠵᠢᠭᠡᠪᠡᠯ᠂ ᠭᠡᠭᠡᠯ ᠲᠣᠭᠲᠠᠬᠤ ᠨᠤᠷᠮᠠ᠂ ᠲᠦᠯᠯᠡᠬᠦ ᠨᠤᠷᠮᠠ ᠨᠢ ᠪᠦᠷ | ᠦᠨᠳᠤᠷ ᠪᠠᠶᠢᠳᠠᠭ᠃ ᠡᠮᠡ ᠬᠤᠨᠢ ᠶᠢ ᠬᠡᠬᠡᠯᠳᠦᠭᠦᠯᠬᠦ ᠠᠴᠠ ᠡᠮᠦᠨᠡ 2-3 ᠭᠠᠷᠠᠭ ᠲᠤ ᠰᠢᠮᠡ ᠲᠡᠵᠢᠭᠡᠯ ᠢ ᠨᠢ | ᠴᠢᠩᠭᠠᠳᠬᠠᠪᠠᠯ᠂ ᠡᠮᠡ ᠬᠤᠨᠢᠨ ᠤ ᠣᠷᠤᠭᠠ ᠣᠷᠤᠬᠤ ᠨᠢ ᠵᠢᠭᠲᠡ ᠮᠦᠷᠲᠡᠭᠡᠨ ᠪᠠᠰᠠ ᠦᠨᠳᠡᠭᠡ ᠭᠠᠳᠠᠭᠰᠢᠯᠠᠬᠤ | ᠲᠤᠭᠠ ᠨᠢ ᠨᠡᠮᠡᠭᠳᠡᠨ᠂ ᠬᠡᠬᠡᠯᠳᠦᠬᠦ ᠨᠣᠷᠮᠠ ᠨᠢ ᠴᠤ ᠳᠡᠭᠡᠭᠰᠢᠯᠡᠨᠡ᠃ ᠠᠯᠢ ᠨᠢᠭᠡᠨ ᠪᠢᠴᠢᠯ ᠡᠯᠧᠮᠧᠨ᠋ᠲ ᠨᠢ ᠬᠡᠳᠤ | ᠳᠤᠲᠠᠭᠳᠠᠪᠠᠯ᠂ ᠬᠤᠨᠢᠨ ᠤ ᠡᠯᠡ ᠵᠤᠶᠢᠯ ᠤᠨ ᠦᠨᠳᠤᠰᠤᠨ ᠴᠢᠳᠠᠪᠦᠷᠢ ᠶᠢ ᠪᠦᠷ ᠨᠦᠯᠦᠭᠡᠯᠡᠨᠡ ᠂ ᠡᠭᠦᠨ ᠳᠤ | ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠵᠡᠷᠭᠡ ᠶᠢ ᠪᠠᠭᠲᠠᠭᠠᠨᠠ᠃ | 2.ᠡᠭᠦᠯᠳᠡᠷ ᠤᠨ ᠰᠤᠩᠭᠤᠯᠲᠠ ᠪᠠ ᠰᠤᠩᠭᠤᠨ ᠬᠡᠬᠡᠯᠳᠦᠭᠦᠯᠬᠦ ᠶᠢ ᠴᠢᠩᠭᠠᠳᠬᠠᠬᠤ | ᠡᠭᠦᠯᠳᠡᠷ ᠤᠨ ᠬᠤᠴᠠ ᠶᠢ ᠰᠤᠩᠭᠤᠬᠤ ᠳᠠᠭᠠᠨ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠪᠠᠷ ᠦᠨᠳᠤᠷ ᠡᠮᠡ ᠬᠤᠨᠢᠨ ᠤ ᠬᠤᠶᠢᠴᠢ | ᠦᠶᠡ ᠶᠢ ᠰᠤᠩᠭᠤᠨᠠ︔ ᠡᠮᠡ ᠬᠤᠨᠢᠨ ᠤ ᠰᠤᠩᠭᠤᠯᠲᠠ ᠶᠢ ᠴᠢᠩᠭᠠᠳᠬᠠᠨ᠂ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠨᠢ | ᠴᠢᠩᠭᠠ ᠡᠮᠡ ᠬᠤᠨᠢ ᠶᠢ ᠰᠤᠩᠭᠤᠨᠠ᠃ ᠡᠮᠡ ᠬᠤᠨᠢᠨ ᠤ ᠲᠦᠯᠯᠡᠬᠦ ᠨᠤᠷᠮᠠ ᠨᠢ ᠨᠠᠰᠤ ᠶᠢ ᠳᠠᠭᠠᠯᠳᠤᠨ | ᠬᠤᠪᠢᠷᠠᠨᠠ᠃ ᠣᠯᠠᠩᠬᠢ ᠳᠠᠭᠠᠨ 4-5 ᠨᠠᠰᠤ ᠶᠢᠨ ᠦᠶᠡᠰ ᠢᠭᠡᠷᠡᠯᠡᠬᠦ ᠨᠤᠷᠮᠠ ᠨᠢ ᠬᠠᠮᠤᠭ ᠦᠨᠳᠤᠷ ᠪᠠᠶᠢᠵᠤ᠂ | 2-3 ᠨᠠᠰᠤ ᠶᠢᠨ ᠦᠶᠡᠰ ᠨᠡᠯᠢᠶᠡᠳ ᠳᠣᠣᠷᠠ᠂ ᠠᠩᠬᠠ ᠲᠦᠯᠯᠡᠬᠦ ᠦᠶᠡ ᠳᠤ ᠬᠠᠮᠤᠭ ᠳᠣᠣᠷᠠ ᠶᠤᠮ᠃ ᠠᠩᠬᠠ | ᠲᠦᠯᠯᠡᠬᠦ ᠳᠡᠭᠡᠨ ᠢᠭᠡᠷᠡ ᠬᠤᠷᠠᠭᠠ ᠭᠠᠷᠤᠭᠰᠠᠨ ᠡᠮᠡ ᠬᠤᠨᠢ ᠶᠢ ᠰᠤᠩᠭᠤᠪᠠᠯ᠂ ᠡᠮᠡ ᠬᠤᠨᠢᠨ ᠤ ᠢᠭᠡᠷᠡ | ᠲᠦᠯ ᠤᠨ ᠨᠤᠷᠮᠠ ᠪᠣᠯᠤᠨ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠨᠠ᠃ ᠪᠠᠰᠠ ᠢᠭᠡᠷᠡ ᠲᠦᠯᠲᠤ | ᠬᠤᠴᠠ ᠪᠠᠷ ᠢᠭᠡᠷᠡ ᠲᠦᠯᠲᠤ ᠡᠮᠡ ᠬᠤᠨᠢ ᠶᠢ ᠭᠡᠭᠡᠯᠳᠦᠭᠦᠯᠪᠡᠯ ᠢᠭᠡᠷᠡ ᠲᠦᠯ ᠲᠦᠯᠯᠡᠬᠦ ᠨᠤᠷᠮᠠ ᠶᠢ ᠢᠯᠡᠷᠬᠡᠢ | ᠳᠡᠭᠡᠭᠰᠢᠯᠡᠭᠦᠯᠵᠦ ᠳᠡᠶᠢᠯᠦᠨᠡ᠃ | 3 .ᠳᠠᠪᠰᠢᠭᠰᠠᠨ ᠦᠷᠡ ᠳᠠᠮᠵᠢᠭᠤᠯᠬᠤ ᠮᠡᠷᠭᠡᠵᠢᠯ ᠢ ᠬᠡᠷᠡᠭᠯᠡᠬᠦ xk-2 ᠬᠡᠯᠪᠡᠷᠢ ᠶᠢᠨ ᠦᠷᠡ ᠳᠠᠮᠵᠢᠭᠤᠯᠬᠤ | ᠪᠠᠭᠠᠵᠢ ᠶᠢᠨ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠨᠢ ᠰᠠᠶᠢᠨ᠂ ᠠᠵᠢᠯᠯᠠᠬᠤ ᠳᠤ ᠳᠦᠭᠦᠮ᠂ ᠠᠶᠤᠯᠭᠦᠢ ᠪᠠᠬᠢᠯᠢᠭ᠌᠂ ᠭᠦᠨ ᠬᠡᠰᠡᠭ ᠲᠤ | ᠦᠷᠡ ᠳᠠᠮᠵᠢᠭᠤᠯᠬᠤ ᠳᠤ ᠠᠰᠢᠭᠲᠠᠢ᠂ ᠡᠩ ᠤᠨ ᠦᠷᠡ ᠳᠠᠮᠵᠢᠭᠤᠯᠬᠤ ᠪᠠᠭᠠᠵᠢ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠭᠡᠭᠡᠯ | ᠲᠣᠭᠲᠠᠬᠤ ᠨᠤᠷᠮᠠ ᠨᠢ 10% ᠢᠶᠠᠷ ᠳᠡᠭᠡᠭᠰᠢᠯᠡᠵᠦ ᠳᠡᠶᠢᠯᠦᠨᠡ᠃ ᠬᠡᠪᠡᠯᠢ ᠶᠢᠨ ᠳᠤᠷᠠᠨ ᠢᠶᠠᠷ ᠰᠠᠪᠠ ᠶᠢᠨ | ᠡᠪᠡᠷ ᠤᠨ ᠭᠦᠨ ᠬᠡᠰᠡᠭ ᠲᠤ ᠦᠷᠡ ᠳᠠᠮᠵᠢᠭᠤᠯᠪᠠᠯ᠂ ᠬᠤᠨᠢᠨ ᠤ ᠢᠴᠡᠭᠡᠯ ᠦᠷᠡ ᠶᠢᠨ ᠭᠡᠭᠡᠯ ᠲᠣᠭᠲᠠᠬᠤ | ᠨᠤᠷᠮᠠ ᠶᠢ ᠳᠣᠪᠤᠶᠢᠮᠠ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠨᠠ᠃ LRH-3 ︵ᠪᠠᠰᠠ ᠦᠨᠳᠡᠭᠡ ᠭᠠᠳᠠᠭᠰᠢᠯᠠᠭᠤᠯᠬᠤ ᠶᠢ | ᠠᠬᠢᠭᠤᠯᠬᠤ 3 ᠨᠣᠮᠧᠷᠲᠤ ᠭᠡᠳᠡᠭ︶ ᠢ ᠪᠣᠯᠴᠢᠩ ᠳᠤᠨᠢ ᠵᠡᠭᠦᠯᠡᠪᠡᠯ᠂ ᠣᠷᠤᠭᠠᠨ ᠤ ᠬᠤᠭᠤᠴᠠᠭᠠᠨ ᠳᠠᠬᠢ ᠭᠡᠭᠡᠯ | ᠲᠣᠭᠲᠠᠬᠤ ᠨᠤᠷᠮᠠ ᠶᠢ 93.5% ᠲᠤ ᠬᠦᠷᠭᠡᠵᠦ ᠴᠢᠳᠠᠨᠠ᠃ | 4.ᠬᠦᠪᠦᠷᠡᠯ ᠰᠢᠯᠵᠢᠭᠦᠯᠬᠦ ᠮᠡᠷᠭᠡᠵᠢᠯ ᠢ ᠬᠡᠷᠡᠭᠯᠡᠬᠦ | ᠬᠦᠪᠦᠷᠡᠯ ᠰᠢᠯᠵᠢᠭᠦᠯᠬᠦ ᠮᠡᠷᠭᠡᠵᠢᠯ ᠢ ᠬᠡᠷᠡᠭᠯᠡᠬᠦ ᠨᠢ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠬᠤᠨᠢᠨ ᠰᠦᠷᠦᠭ ᠤᠨ ᠦᠰᠤᠯᠲᠡ ᠶᠢ | ᠲᠦᠷᠭᠡᠳᠭᠡᠨ᠂ ᠡᠮᠡ ᠬᠤᠨᠢᠨ ᠤ ᠦᠷᠡᠵᠢᠯ ᠤᠨ ᠴᠢᠳᠠᠪᠦᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠳᠡᠶᠢᠯᠦᠨᠡ᠃ | | ᠤᠳ᠋ᠪᠠᠯᠠ | ᠦᠪᠤᠷ ᠮᠣᠩᠭᠤᠯ ᠤᠨ ᠮᠠᠯ ᠠᠵᠤ ᠠᠬᠤᠢ ᠰᠡᠳᠭᠦᠯ ᠠᠴᠠ ᠪᠠᠭᠤᠯᠭᠠᠪᠠ |