| ᠭᠠᠩᠪᠠᠭᠠᠲᠤᠷ | | ᠡᠪᠤᠯ ᠤᠨ ᠬᠦᠢᠲᠡᠨ ᠢ ᠰᠢᠪᠲᠤᠷᠴᠤ ᠤᠷᠢᠬᠠᠨ ᠬᠠᠪᠤᠷ ᠰᠠᠭᠠᠲᠠᠬᠤ ᠪᠠᠷ ᠮᠠᠯᠴᠢᠳ ᠮᠠᠨᠢ ᠲᠦᠯ ᠲᠣᠰᠬᠤ | ᠶᠠᠭᠠᠷᠠᠯᠲᠠᠢ ᠴᠠᠭ ᠢᠶᠠᠨ ᠤᠭᠲᠤᠨᠠ᠃ ᠣᠷᠴᠢᠮ ᠤᠨ ᠵᠢᠯ ᠤᠳ ᠤᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠬᠤᠪᠢᠷᠠᠯᠲᠠ ᠨᠢ | ᠪᠡᠯᠴᠢᠭᠡᠷ ᠡᠪᠡᠰᠤᠨ ᠤ ᠤᠷᠭᠤᠴᠠ ᠶᠢ ᠶᠡᠭᠡ ᠪᠠᠷ ᠨᠦᠯᠦᠭᠡᠯᠡᠵᠦ᠂ ᠬᠡᠭᠡᠷᠡ ᠲᠠᠯᠠ ᠳᠤ ᠰᠢᠮᠡ ᠲᠡᠵᠢᠭᠡᠯ ᠰᠠᠶᠢᠲᠠᠢ | ᠡᠪᠡᠰᠤ ᠤᠷᠭᠤᠮᠠᠯ ᠤᠳ ᠪᠠᠷᠤᠭ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠡᠪᠡᠰᠤ ᠤᠷᠭᠤᠮᠠᠯ ᠤᠨ ᠰᠢᠮᠡ ᠲᠡᠵᠢᠭᠡᠯ ᠮᠠᠭᠤᠲᠠᠵᠤ | ᠂ ᠪᠡᠯᠴᠢᠭᠡᠷ ᠬᠠᠳᠤᠯᠠᠩ ᠤᠨ ᠭᠠᠴᠢᠭ ᠪᠠᠶᠢᠳᠠᠯ ᠨᠢ ᠮᠠᠯ ᠤᠨ ᠲᠠᠷᠭᠤ ᠬᠦᠴᠤ ᠶᠢ ᠶᠡᠬᠡᠬᠡᠨ ᠨᠦᠯᠦᠭᠡᠯᠡᠵᠦ᠂ ᠭᠡᠭᠡᠯ | ᠬᠠᠶᠠᠬᠤ᠂ ᠲᠦᠯ ᠨᠢ ᠳᠤᠲᠠᠭᠤ ᠭᠠᠷᠬᠤ᠂ ᠰᠤᠶᠢᠲᠦᠬᠦ ᠵᠡᠷᠭᠡ ᠪᠠᠶᠢᠳᠠᠯ ᠵᠦᠩᠳᠡᠭᠡᠨ ᠡᠭᠦᠰᠴᠤ ᠪᠣᠢ᠃ ᠮᠠᠯᠴᠢᠳ | ᠲᠠᠭᠠᠨ ᠦᠴᠦᠭᠡᠨ ᠴᠤ ᠭᠡᠰᠡᠨ ᠲᠤᠰᠠ ᠪᠣᠯᠬᠤ ᠡᠭᠦᠳᠡᠨ ᠠᠴᠠ ᠬᠠᠰᠢᠷ ᠮᠠᠯᠴᠢᠳ ᠤᠨ ᠮᠠᠯ ᠮᠠᠯᠵᠢᠬᠤ ᠠᠷᠭᠠ | ᠲᠣᠷᠰᠢᠯᠭᠠ ᠶᠢ ᠳᠣᠣᠷᠠᠬᠢ ᠬᠡᠳᠤᠨ ᠵᠣᠷᠪᠤᠰ ᠲᠤ ᠬᠤᠷᠢᠶᠠᠩᠭᠤᠶᠢᠯᠠᠶᠠ᠄ | ᠨᠢᠭᠡ᠂ ᠬᠤᠨᠢ ᠦᠬᠡᠷ ᠤᠨ ᠬᠤᠷᠤᠬᠠᠢ ᠲᠠᠭᠤᠬᠤ ᠠᠵᠢᠯ ᠢ ᠬᠠᠮᠤᠭ ᠲᠦᠷᠦᠭᠦᠣ ᠪᠡᠶᠡᠯᠡᠭᠦᠯᠦᠨᠡ᠃ | ᠬᠤᠷᠤᠬᠠᠶᠢᠳᠠᠭᠰᠠᠨ ᠮᠠᠯ ᠡᠪᠡᠰᠤ ᠪᠣᠷᠳᠤᠭᠠᠨ ᠤ ᠰᠢᠮᠡ ᠲᠡᠵᠢᠭᠡᠯ ᠢ ᠭᠦᠢᠴᠡᠳ ᠬᠦᠷᠲᠡᠵᠤ ᠳᠡᠶᠢᠯᠬᠦ ᠦᠭᠡᠢ᠃ | ᠬᠤᠶᠠᠷ᠂ ᠡᠯᠡ ᠵᠤᠶᠢᠯ ᠤᠨ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠶᠢ ᠴᠠᠭ ᠲᠣᠬᠠᠢ ᠳᠤᠨᠢ ᠲᠠᠷᠢᠭᠤᠯᠬᠤ ᠬᠡᠷᠡᠭᠲᠡᠢ᠃ | ᠡᠬᠡ ᠮᠠᠯ ᠳᠤ ᠬᠢᠵᠢᠭ ᠡᠪᠡᠳᠴᠢᠨ ᠤ ᠵᠤᠶᠢᠯ ᠨᠢᠭᠤᠭᠳᠠᠵᠤ ᠪᠠᠶᠢᠪᠠᠯ ᠲᠠᠷᠭᠤ ᠠᠪᠬᠤ ᠦᠭᠡᠢ ᠮᠦᠷᠲᠡᠭᠡᠨ ᠭᠡᠮ ᠲᠠᠢ | ᠲᠦᠯ ᠭᠠᠷᠭᠠᠳᠠᠭ᠃ | ᠭᠤᠷᠪᠠ᠂ ᠲᠦᠯᠯᠡᠬᠦ ᠮᠠᠯ ᠢ ᠡᠷᠲᠡᠨ ᠠᠴᠠ ᠨᠢ ᠰᠠᠶᠢᠳᠤᠷ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠬᠡᠷᠡᠭᠲᠡᠢ᠃ ᠲᠦᠯᠯᠡᠬᠦ ᠠᠴᠠ | ᠨᠢᠭᠡ ᠰᠠᠷᠠ ᠪᠣᠶᠣ ᠬᠤᠶᠠᠷ ᠰᠠᠷᠠ ᠶᠢᠨ ᠡᠮᠦᠨᠡ ᠡᠬᠢᠯᠡᠵᠦ ᠡᠪᠡᠰᠤ ᠪᠣᠷᠳᠤᠭᠠ ᠶᠢ ᠲᠣᠬᠢᠷᠠᠭᠤᠯᠤᠨ ᠲᠦᠯ ᠲᠣᠰᠬᠤ | ᠠᠵᠢᠯ ᠤᠨ ᠪᠡᠯᠡᠳᠭᠡᠯ ᠢᠶᠠᠨ ᠰᠠᠶᠢᠳᠤᠷ ᠬᠢᠬᠦ ᠬᠡᠷᠡᠭᠲᠡᠢ᠃ ᠮᠠᠯ ᠢᠶᠠᠨ ᠲᠦᠯᠯᠡᠬᠦ ᠠᠴᠠ ᠨᠢ ᠡᠮᠦᠨᠡ ᠰᠠᠶᠢᠳᠤᠷ | ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠨᠢ ᠮᠠᠯ ᠤᠨ ᠰᠦ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠲᠦᠯ ᠮᠠᠯ ᠤᠨ ᠦᠰᠦᠯᠲᠡ ᠶᠢ ᠲᠦᠷᠭᠡᠳᠭᠡᠳᠡᠭ᠃ | ᠬᠠᠰᠢᠷ ᠮᠠᠯᠴᠢᠳ ᠲᠦᠯᠯᠡᠬᠦ ᠮᠠᠯ ᠳᠤ ᠡᠳᠦᠷ ᠪᠦᠷᠢ ᠨᠢᠭᠡ ᠤᠳᠠᠭᠠ ᠡᠷᠳᠡᠨᠢ ᠰᠢᠰᠢ᠂ ᠬᠤᠶᠠᠷ ᠤᠳᠠᠭᠠ ᠬᠦᠬᠡ | ᠡᠪᠡᠰᠤ ᠦᠭᠴᠦ᠂ ᠲᠦᠯᠯᠡᠭᠰᠡᠨ ᠤ ᠬᠤᠶᠢᠨᠠ ᠡᠬᠡ ᠮᠠᠯ ᠳᠤ ᠡᠳᠦᠷ ᠪᠦᠷᠢ ᠬᠤᠶᠠᠷ ᠴᠠᠭ ᠢᠶᠠᠷ ᠡᠷᠳᠡᠨᠢ ᠰᠢᠰᠢ᠂ | ᠬᠦᠬᠡ ᠡᠪᠡᠰᠤ ᠦᠭᠳᠡᠭ᠃ | ᠳᠥᠷᠪᠡ᠂ ᠮᠠᠯ ᠢᠶᠠᠨ ᠰᠠᠯᠭᠠᠵᠤ ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ ᠬᠤᠨᠢ ᠢᠮᠠᠭᠠ ᠬᠤᠶᠠᠷ ᠢ ᠠᠰ ᠠᠰ ᠲᠤᠨᠢ ᠲᠡᠵᠢᠭᠡᠬᠦ | ᠬᠡᠷᠡᠭᠲᠡᠢ᠃ ᠢᠮᠠᠭᠠ ᠬᠤᠨᠢ ᠶᠢ ᠪᠣᠳᠤᠪᠠᠯ ᠪᠣᠱᠢᠭᠤ ᠲᠦᠷᠭᠡᠨ ᠵᠠᠩ ᠲᠠᠢ ᠪᠠᠶᠢᠵᠤ᠂ ᠡᠪᠡᠰᠤ ᠪᠣᠷᠳᠤᠭᠠ ᠶᠢ ᠲᠦᠷᠭᠡᠨ | ᠢᠳᠡᠳᠡᠭ᠃ ᠡᠶᠢᠮᠦ ᠠᠴᠠ ᠬᠤᠨᠢ ᠢᠮᠠᠭᠠ ᠶᠢ ᠨᠡᠶᠢᠯᠡᠭᠦᠯᠵᠦ ᠲᠡᠵᠢᠭᠡᠪᠡᠯ ᠡᠳᠦᠷ ᠤᠨ ᠤᠳᠠᠭᠠᠨ ᠳᠤ ᠬᠤᠨᠢᠨ ᠤ | ᠲᠠᠷᠭᠤ ᠬᠦᠴᠤ ᠨᠢ ᠪᠠᠭᠤᠷᠠᠬᠤ ᠦᠵᠡᠭᠳᠡᠯ ᠵᠦᠩᠳᠡᠭᠡᠨ ᠭᠠᠷᠳᠠᠭ᠃ ᠳᠠᠬᠢᠪᠠᠯ ᠡᠬᠡ ᠲᠦᠯ ᠢ ᠰᠠᠯᠭᠠᠵᠤ ᠲᠡᠵᠢᠭᠡᠬᠦ ᠶᠢ | ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠡᠬᠡ ᠲᠦᠯ ᠢ ᠡᠳᠦᠷᠵᠢᠨ ᠬᠠᠮᠲᠤ ᠳᠤᠨᠢ ᠲᠡᠵᠢᠭᠡᠪᠡᠯ ᠬᠤᠷᠠᠭᠠ ᠢᠰᠢᠭᠡ ᠴᠠᠭ | ᠢᠮᠠᠭᠲᠠ ᠡᠬᠡ ᠪᠠᠨ ᠬᠦᠬᠦᠵᠦ᠂ ᠰᠦ ᠬᠦᠢᠴᠡᠳ ᠪᠠᠭᠤᠬᠤ ᠠᠴᠠ ᠡᠮᠦᠨᠡ ᠬᠤᠭᠤᠰᠤᠨ ᠰᠢᠮᠡᠵᠦ᠂ ᠡᠬᠡ ᠮᠠᠯ ᠤᠨ | ᠰᠢᠮᠡ ᠲᠡᠵᠢᠭᠡᠯ ᠤᠨ ᠠᠪᠬᠤ ᠪᠦᠭᠡᠳ ᠬᠤᠷᠠᠭᠠ ᠢᠰᠢᠭᠡ ᠴᠤ ᠰᠦ ᠳᠡᠭᠡᠨ ᠴᠠᠳᠬᠤ ᠦᠭᠡᠢ ᠪᠣᠯᠤᠨᠠ᠃ | ᠲᠠᠪᠤ᠂ ᠬᠠᠪᠤᠷ ᠤᠨ ᠲᠦᠯ ᠲᠣᠰᠬᠤ ᠲᠣᠬᠢᠷᠠᠮᠵᠢᠲᠠᠢ ᠴᠠᠭ ᠪᠣᠯ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠠᠴᠠ | ᠳᠦᠷᠪᠡᠳᠤᠭᠡᠷ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠣᠯᠲᠠᠯᠠᠬᠢ ᠬᠤᠭᠤᠴᠠᠭᠠ᠃ ᠡᠨᠡ ᠦᠶᠡᠰ ᠬᠦᠳᠡᠭᠡ ᠨᠤᠲᠤᠭ ᠲᠤ ᠤᠷᠢ | ᠣᠷᠤᠵᠤ ᠲᠦᠯ ᠤᠨ ᠪᠣᠶᠢᠵᠢᠯᠲᠠ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ | ᠵᠢᠷᠭᠤᠭᠠ᠂ ᠵᠤᠨ ᠤ ᠡᠬᠢ ᠪᠠᠷ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠳᠠᠭᠠᠨ ᠲᠦᠯ ᠤᠨ ᠮᠠᠯ ᠢ ᠡᠬᠡ ᠮᠠᠯ ᠠᠴᠠ | ᠨᠢ ᠰᠠᠯᠭᠠᠵᠤ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠦᠷᠪᠡᠰᠢᠵᠤ ᠠᠮᠵᠢᠭᠠ ᠦᠭᠡᠢ ᠲᠦᠯ ᠤᠳ ᠰᠦᠷᠦᠭ ᠳᠠᠭᠠᠪᠠᠯ | ᠬᠦᠴᠤᠨ ᠴᠢᠳᠠᠯ ᠨᠢ ᠪᠠᠷᠠᠭᠳᠠᠵᠤ᠂ ᠤᠳᠠᠭᠠᠨ ᠳᠠᠭᠠᠨ ᠠᠭᠤᠰᠬᠢᠨ ᠳᠤᠨᠢ ᠭᠡᠮ ᠰᠠᠭᠤᠵᠤ ᠲᠦᠷᠭᠡᠨ ᠦᠩᠭᠡ | ᠠᠯᠳᠠᠳᠠᠭ᠃ |