| | ᠮᠣᠩᠭᠤᠯ ᠡᠮᠨᠡᠯᠭᠡ ᠳᠤ ᠰᠢᠷᠠ ᠲᠣᠰᠤ ᠶᠢ ︽ᠢᠳᠡᠭᠡᠨ ᠤ ᠳᠡᠭᠡᠳᠤ ᠣᠬᠢ ᠮᠠᠩᠯᠠᠢ︾ ᠭᠡᠵᠦ ᠦᠵᠡᠳᠡᠭ᠃ | ᠰᠣᠳᠤᠷ ᠲᠤ ︽ᠰᠢᠷᠠ ᠲᠣᠰᠤ ᠶᠢ ᠲᠣᠭᠲᠠᠮᠠᠯ ᠢᠳᠡᠪᠡᠯ ᠵᠢᠷᠤᠬᠡᠨ ᠤ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠠᠭᠤᠰᠬᠢᠨ ᠤ | ᠬᠠᠳᠠᠩᠬᠢᠷ ᠢ ᠠᠷᠢᠯᠭᠠᠵᠤ᠂ ᠦᠰᠤ ᠭᠡᠵᠢᠭᠡ ᠶᠢ ᠰᠢᠮᠡᠵᠢᠭᠦᠯᠦᠭᠡᠳ ᠴᠢᠷᠠᠢ ᠳᠤ ᠦᠩᠭᠡ ᠨᠡᠮᠡᠭᠳᠡᠭᠦᠯᠵᠦ᠂ ᠨᠢᠳᠤᠨ ᠤ | ᠬᠠᠷᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠬᠦᠢᠲᠡᠨ ᠳᠤ ᠦᠯᠴᠢᠷ᠂ ᠬᠠᠯᠠᠭᠤᠨ ᠳᠤ ᠠᠩᠭᠠᠭᠠ ᠴᠠᠩᠭᠠᠭᠠ ᠰᠠᠶᠢᠨ | ᠲᠠᠭᠠᠭᠠᠳᠠᠭ ᠪᠣᠯᠭᠠᠭᠠᠳ ᠨᠠᠰᠤᠨ ᠬᠤᠳᠤᠭ ᠢ ᠤᠷᠳᠤᠳᠬᠠᠳᠠᠭ︾ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ | ᠰᠢᠷᠠ ᠲᠣᠰᠤᠨ ᠳᠤ ᠸᠢᠲ᠋ᠠᠮᠢᠨ A᠂ E ᠵᠡᠷᠭᠡ ᠰᠢᠮᠡ ᠲᠡᠵᠢᠭᠡᠯ ᠠᠴᠠ ᠭᠠᠳᠠᠨᠠ ᠢᠰᠦᠯᠳᠦᠭᠦᠯᠦᠭᠴᠢ ᠶᠢ | ᠡᠰᠡᠷᠭᠦᠴᠡᠭᠴᠢ ᠮᠠᠰᠢ ᠪᠠᠶᠠᠯᠢᠭ ᠠᠭᠤᠯᠵᠤ ᠪᠣᠢ᠃ 10 ᠭᠷᠡᠮ ᠰᠢᠷᠠ ᠲᠣᠰᠤ ᠬᠡᠥᠭᠡᠳ ᠤᠨ ᠨᠢᠭᠡ ᠡᠳᠦᠷ ᠤᠨ | ᠬᠡᠷᠡᠭᠰᠡᠬᠦ ᠸᠢᠲ᠋ᠠᠮᠢᠨ A ᠶᠢᠨ 15% ᠢ ᠬᠠᠩᠭᠠᠵᠤ ᠴᠢᠳᠠᠨᠠ᠃ ᠪᠠᠰᠠ ᠸᠢᠲ᠋ᠠᠮᠢᠨ D ᠪᠦᠷᠢᠯᠳᠦᠬᠦ ᠶᠢᠨ ᠡᠬᠢ | ᠪᠣᠯᠠᠭ ᠪᠠᠶᠢᠵᠤ᠂ ᠸᠢᠲ᠋ᠠᠮᠢᠨ D ᠨᠢ ᠶᠠᠰᠤᠨ ᠤ ᠺᠠᠯᠼ ᠰᠢᠮᠡᠳᠭᠡᠬᠦ ᠶᠢ ᠬᠠᠪᠰᠤᠷᠳᠠᠭ᠃ ᠢᠰᠦᠯᠳᠦᠭᠦᠯᠦᠭᠴᠢ ᠶᠢ | ᠡᠰᠡᠷᠭᠦᠴᠡᠭᠴᠢ ᠨᠢ ᠴᠢᠯᠦᠭᠡᠲᠦ ᠪᠦᠯᠦᠭ ᠲᠠᠢ ᠲᠡᠮᠡᠴᠡᠵᠦ᠂ ᠵᠢᠷᠤᠬᠡᠨ ᠰᠤᠳᠠᠰᠤ᠂ ᠦᠯᠦ ᠬᠠᠯᠳᠠᠭᠠᠬᠤ ᠰᠢᠰᠲ᠋ᠧᠮ ᠳᠤ | ᠰᠠᠶᠢᠨ ᠢᠶᠠᠷ ᠨᠦᠯᠦᠭᠡᠯᠡᠳᠡᠭ ᠪᠠᠶᠢᠨᠠ᠃ ᠮᠦᠨ ᠬᠡᠢ ᠶᠢ ᠳᠠᠷᠤᠵᠤ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠠᠷᠠᠰᠤᠨ ᠤ ᠨᠦᠭᠦᠨ | ᠲᠦᠯᠵᠢᠯᠲᠡ ᠶᠢ ᠲᠦᠷᠭᠡᠳᠭᠡᠳᠡᠭ ᠵᠡᠷᠭᠡ ᠣᠯᠠᠨ ᠵᠤᠶᠢᠯ ᠤᠨ ᠤᠶᠢᠯᠡᠳᠤᠯ ᠲᠠᠢ᠃ | ᠰᠢᠷᠠ ᠲᠣᠰᠤ ᠶᠢ ᠪᠠᠰᠠ ᠡᠮ ᠲᠠᠢ ᠴᠤᠭ ᠬᠡᠷᠡᠭᠯᠡᠳᠡᠭ᠃ ᠰᠢᠷᠠ ᠲᠣᠰᠤ ᠶᠢ ᠢᠯᠢᠵᠤ ᠨᠤᠬᠤᠯᠠᠬᠤ ᠵᠠᠰᠠᠯ ᠳᠤ | ᠶᠡᠷᠤᠳᠡᠭᠡᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠵᠢᠱᠢᠶᠡᠯᠡᠪᠡᠯ᠂ ᠡᠮᠡᠭᠲᠡᠢ ᠶᠢᠨ ᠰᠠᠪᠠᠨ ᠤ ᠬᠡᠢ᠂ ᠪᠦᠭᠡᠷᠡ ᠨᠢᠷᠤᠭᠤᠨ ᠤ | ᠬᠡᠢ᠂ ᠦᠶᠡ ᠭᠡᠰᠢᠭᠦᠨ ᠤ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ᠂ ᠲᠣᠯᠤᠭᠠᠢ ᠶᠢᠨ ᠬᠡᠢ᠂ ᠣᠯᠤᠭᠠᠢ ᠶᠢᠨ ᠬᠡᠢ ᠳᠤ ᠰᠢᠷᠠ | ᠲᠣᠰᠤ ᠲᠦᠷᠬᠢᠵᠤ ᠢᠯᠢᠵᠤ ᠨᠤᠬᠤᠯᠳᠠᠭ᠃ ᠮᠦᠨ ᠣᠨ ᠤᠳᠠᠭᠰᠠᠨ ᠰᠢᠷᠠ ᠲᠣᠰᠤ ᠶᠢ ᠦᠬᠡᠷ ᠢᠯᠢᠳᠤ ᠵᠡᠷᠭᠡ | ᠠᠷᠠᠰᠤ ᠮᠢᠬᠠᠨ ᠤ ᠡᠯᠳᠡᠪ ᠡᠪᠡᠳᠴᠢᠨ᠂ ᠶᠠᠷᠠ ᠰᠢᠷᠬᠠᠨ ᠳᠤ ᠲᠦᠷᠬᠢᠳᠡᠭ᠃ ᠨᠢᠯᠬᠠ ᠬᠡᠥᠭᠡᠳ ᠤᠨ ᠵᠤᠯᠠᠢ ᠳᠡᠭᠡᠷᠡ | ᠲᠦᠷᠬᠢᠬᠦ ᠨᠢ ᠬᠠᠭ ᠤᠨᠠᠬᠤ᠂ ᠬᠠᠮᠠᠷ ᠪᠢᠲᠡᠭᠦᠷᠡᠨ ᠪᠦᠭᠯᠡᠷᠡᠬᠦ ᠳᠤ ᠲᠤᠰᠠᠲᠠᠢ᠂ ᠬᠠᠮᠠᠷ ᠶᠠᠷᠰᠢᠬᠤ᠂ ᠤᠷᠤᠭᠤᠯ | ᠦᠷᠦᠮᠳᠡᠬᠦ᠂ ᠬᠠᠯᠠᠭᠠᠭᠰᠠᠨ ᠰᠢᠷᠬᠠᠨ ᠳᠤ ᠰᠢᠷᠠ ᠲᠣᠰᠤ ᠲᠦᠷᠬᠢᠪᠡᠯ ᠢᠯᠡᠷᠢ ᠪᠣᠯᠳᠠᠭ᠃ | | ᠵᠤᠯᠠ |