—— ᠨᠠᠮᠲᠠᠶᠢᠰᠦ᠋ᠷᠥᠩ | | ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠪᠤᠷᠤᠬᠤᠳᠠ ᠪᠠᠯᠭᠠᠰᠤ ᠶᠢᠨ ᠭᠦᠪ ᠤᠨ ᠠᠶᠢᠯ ᠤᠨ ᠤᠩᠭᠢ ᠶᠢᠨ ᠠᠭᠤᠯᠠ ᠶᠢᠨ | ᠪᠠᠷᠠᠭᠤᠨ ᠡᠮᠤᠨᠡ ᠳᠤᠤᠷᠠ ᠨᠢᠭᠡ ︿︿ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ﹀﹀ ᠪᠠᠶᠢᠳᠠᠭ᠂ ᠡᠨᠡ ᠪᠤᠯ ᠡᠷᠳᠡᠨ ᠤ | ᠡᠳ᠋ ᠦᠷᠯᠦᠭ ᠤᠨ ᠭᠤᠤᠯᠳᠠᠯᠠᠭᠠ ᠲᠠᠢ ᠬᠠᠮᠠᠭᠠᠯᠠᠬᠤ ᠲᠦᠷᠦᠯ ᠵᠦᠢᠯ ᠤᠨ ᠨᠢᠭᠡᠨ ᠮᠥᠨ᠃ 6000 ᠵᠢᠯ ᠤᠨ | ᠡᠮᠦᠨᠡ᠂ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠠᠳᠡ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢ ᠳᠠᠭᠢᠵᠤ ᠪᠠᠶᠢᠭᠰᠠᠨ ᠠᠵᠠᠢ᠃ ᠡᠨᠡ ᠨᠢ ᠮᠥᠨ | ᠴᠤ ᠪᠦᠭᠡ ᠶᠢᠨ ᠱᠠᠰᠢᠨᠲᠠᠨ ᠤ ᠱᠠᠰᠢᠨ ᠤ ᠭᠦᠳᠡᠯᠭᠡᠭᠡᠨ ᠭᠢᠵᠤ ᠪᠠᠶᠢᠭᠰᠠᠨ ᠲᠠᠯᠠᠪᠤᠷ ᠶᠤᠮ᠃ ᠡᠶᠢᠮᠦ ᠠᠴᠠ ᠡᠨᠡ | ᠬᠠᠳᠠᠨ ᠵᠢᠷᠤᠭ ᠨᠢ ᠮᠠᠰᠢ ᠶᠡᠭᠡ ᠰᠤᠳᠤᠯᠭᠠᠨ ᠤ ᠦᠨᠡ ᠦᠷᠳᠡᠭ ᠪᠠ ᠭᠡᠷᠡᠭᠯᠡᠭᠡᠨ ᠤ ᠦᠨᠡ ᠦᠷᠳᠡᠭ ᠲᠠᠢ ᠶᠤᠮ᠃ | ᠲᠦᠮᠡᠨ ᠪᠤᠳᠠᠰ ᠦᠰᠦᠨ ᠪᠤᠶᠢᠵᠢᠬᠤ ᠳᠤ ᠨᠠᠷᠠᠨ ᠤ ᠭᠡᠷᠡᠯ ᠢ ᠲᠦᠰᠢᠭᠯᠡᠨᠡ᠃ ᠨᠠᠷᠠ ᠪᠤᠯ ᠭᠦᠮᠦᠨ | ᠲᠦᠷᠦᠯᠭᠢᠳᠡᠨ ᠳᠤ ᠭᠡᠷᠡᠯ ᠭᠡᠭᠡ ᠶᠢ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ ᠶᠤᠮ᠃ ᠡᠶᠢᠮᠦ ᠪᠤᠯᠬᠤᠷ ᠲᠡᠯᠡᠭᠡᠢ ᠶᠢᠨ ᠡᠯᠡ | ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠳᠤ ᠪᠠᠷᠤᠭ ᠪᠦᠷ ᠯᠡ ᠨᠠᠷᠠ ᠶᠢ ᠰᠦᠰᠦᠭᠯᠡᠨ ᠳᠠᠭᠢᠵᠤ ᠰᠢᠳᠦᠵᠤ ᠪᠠᠶᠢᠭᠰᠠᠨ | ᠵᠠᠩ ᠵᠠᠩᠰᠢᠯ ᠤᠨ ᠲᠡᠤᠭᠡ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ ᠮᠠᠨ ᠤ ᠤᠯᠤᠰ ᠤᠨ ᠲᠡᠤᠭᠡᠨ ᠳᠡᠭᠡᠷᠡ ᠶᠢᠨ ᠭᠦᠮᠦᠨ | ᠦᠷᠯᠦᠭᠡ ᠤᠷᠤᠢ ᠬᠤᠶᠠᠷ ᠴᠠᠭ ᠢᠶᠠᠷ ᠨᠠᠷᠠ ᠶᠢ ᠳᠠᠭᠢᠵᠤ ᠪᠠᠶᠢᠯᠠ ᠭᠡᠳᠡᠭ᠃ ᠾᠦᠩᠨᠤ ᠶᠢᠨ ᠡᠵᠡᠨ ᠴᠠᠨ ᠢᠦᠢ | ᠦᠷᠯᠦᠭᠡ ᠪᠤᠯᠭᠠᠨ ᠭᠠᠳᠠᠨᠠ ᠭᠠᠷᠴᠤ ᠨᠠᠷᠠ ᠮᠠᠨᠳᠤᠬᠤ ᠶᠢ ᠤᠭᠳᠤᠨ ᠠᠪᠬᠤ ᠳᠠᠭᠢᠯᠠᠭᠠ ᠶᠢᠨ ᠶᠤᠰᠤᠯᠠᠯ | ᠶᠠᠪᠤᠭᠤᠯᠳᠠᠭ ᠭᠡᠨᠡ᠃ ᠮᠠᠨ ᠤ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠳᠤ ᠤᠩᠭᠢ ᠶᠢᠨ ᠠᠭᠤᠯᠠ ᠪᠤᠯᠤᠨ ᠵᠠᠷᠠᠭᠠ ᠶᠢᠨ | ᠠᠭᠤᠯᠠᠨ ᠳᠤ ︿︿ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ﹀﹀ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠪᠢᠳᠡ᠂ ᠲᠡᠤᠭᠡᠨ | ᠳᠡᠭᠡᠷᠡ ᠮᠠᠨ ᠤ ᠠᠳᠡᠭᠢ ᠡᠪᠦᠭᠡ ᠳᠡᠭᠡᠳᠦᠰ ᠠᠳᠡ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢ ᠰᠢᠳᠦᠨ ᠳᠠᠭᠢᠵᠤ ᠪᠠᠶᠢᠯᠠ ᠭᠡᠳᠡᠭ ᠢ | ᠮᠡᠳᠡᠵᠤ ᠪᠤᠯᠤᠨᠠ᠃ ᠤᠳᠤ ᠮᠠᠨ ᠤ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠭᠦᠳᠡᠭᠡ ᠲᠤᠰᠬᠤᠨ ᠳᠤ ᠨᠠᠷᠠ ᠭᠭᠢᠷᠳᠦᠭᠦ ᠪᠠ | ᠰᠠᠷᠠ ᠭᠭᠢᠷᠳᠦᠭᠦ ᠦᠶᠡ ᠳᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠪᠠᠰᠠ ᠭᠠᠤᠯᠢᠨ ᠲᠦᠩᠫᠦᠨ ᠤ ᠢᠷᠤᠭᠠᠯ ᠢ ᠲᠤᠭᠰᠢᠵᠤ ︿︿ᠷᠠᠬᠤ | ᠨᠠᠷᠠ ᠰᠠᠷᠠ ᠶᠢ ᠢᠳᠡᠭᠦ ﹀﹀ ᠶᠢ ᠰᠡᠷᠭᠡᠶᠢᠯᠡᠵᠤ ᠪᠠᠶᠢᠨᠡ ᠭᠡᠵᠤ ᠲᠤᠮ ᠲᠤᠭᠢᠶᠠ ᠭᠢᠳᠡᠭ ᠡᠷᠳᠡᠨ ᠤ ᠵᠠᠩ ᠵᠠᠩᠰᠢᠯ | ᠢᠶᠠᠨ ᠪᠠᠷᠢᠮᠲᠠᠯᠠᠵᠤ ᠪᠠᠶᠢᠳᠠᠭ᠃ ᠮᠠᠯᠵᠢᠬᠤ ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠪᠠᠰᠠ ᠨᠠᠷᠠ ᠭᠠᠷᠬᠤ ᠦᠶᠡ ᠳᠤ ᠨᠠᠷᠠᠨ ᠳᠤ | ᠰᠦ ᠶᠢᠨ ᠰᠠᠴᠤᠯᠢ ᠡᠷᠭᠦᠵᠤ᠂ ᠨᠠᠷᠠ ᠶᠢ ᠤᠭᠳᠤᠨ ᠠᠪᠴᠤ ᠪᠠᠶᠢᠬᠤ ᠰᠡᠳᠭᠢᠯᠭᠡ ᠪᠠᠨ ᠢᠯᠡᠳᠭᠡᠵᠤ ᠪᠠᠶᠢᠳᠠᠭ᠃ | ᠨᠠᠷᠠ ᠶᠢ ᠳᠠᠭᠢᠬᠤ ᠶᠤᠰᠤᠯᠠᠯ ᠢ ᠡᠳᠦᠷ ᠪᠤᠯᠭᠠᠨ ᠤ ᠦᠷᠯᠦᠭᠡ ᠤᠷᠤᠢ ᠶᠠᠪᠤᠭᠳᠠᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ | ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠ ᠶᠢᠰᠦᠨ ᠤ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠤᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ | ᠢ ᠲᠤᠭᠢᠶᠠᠯᠳᠤᠭᠤᠯᠤᠨ ᠳᠠᠭᠢᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠡᠳᠦᠷ ᠤᠨ ᠨᠠᠷᠠ ᠭᠠᠷᠬᠤ ᠠᠴᠠ ᠡᠮᠦᠨᠡ᠃ ᠭᠦᠮᠦᠰ ᠨᠠᠷᠠᠨ | ᠰᠠᠭᠢᠭᠤᠯᠰᠤ ᠶᠢᠨ ᠬᠠᠲᠠᠨ ᠵᠢᠷᠤᠭ ᠤᠨ ᠲᠡᠷᠭᠡᠳᠡ ᠴᠤᠭᠯᠠᠷᠠᠵᠤ ᠨᠠᠷᠠ ᠶᠢ ᠳᠠᠭᠢᠵᠤ᠂ ᠬᠤᠷᠠ ᠪᠤᠷᠤᠭᠠᠨ ᠲᠡᠭᠰᠢᠷᠡᠵᠤ᠂ | ᠰᠠᠯᠭᠢᠨ ᠭᠠᠮᠰᠢᠭ ᠠᠷᠢᠯᠤᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠦᠨᠢᠷ ᠦᠰᠴᠦ᠂ ᠲᠠᠪᠤᠨ ᠲᠠᠷᠢᠶᠠ ᠡᠯᠪᠡᠭ ᠬᠤᠷᠢᠶᠠᠯᠳᠠ | ᠤᠯᠵᠤ᠂ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠠᠷᠢᠯᠤᠨ᠂ ᠤᠯᠤᠰ ᠭᠡᠷ ᠲᠠᠶᠢᠪᠤᠩ᠂ ᠭᠦᠮᠦᠨ ᠠᠷᠠᠳ ᠠᠮᠤᠭᠤᠯᠠᠩ ᠪᠠᠶᠢᠬᠤ ᠶᠢ | ᠳᠠᠭᠠᠳᠬᠠᠨ ᠵᠠᠯᠪᠢᠷᠠᠵᠤ᠂ ᠬᠠᠮᠳᠤᠪᠠᠷ ᠢᠶᠠᠨ ᠲᠡᠷᠡ ᠡᠳᠦᠷ ᠨᠠᠷᠠᠨ ᠪᠤᠤᠪᠤ ᠬᠠᠭᠠᠷᠢᠵᠤ ᠢᠳᠡᠳᠡᠭ ᠪᠠᠶᠢᠵᠠᠢ᠃ | | | ᠨᠢᠭᠡ᠂ ᠨᠠᠷᠠ ᠳᠠᠭᠢᠬᠤ ᠪᠡᠯᠡᠳᠭᠡᠯ ᠠᠵᠢᠯ ᠤᠳ ᠢ ᠭᠢᠨᠡ | | 1᠂ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠢ ᠰᠠᠶᠢᠳᠤᠷ | ᠭᠢᠨᠡ᠃ ᠬᠠᠳᠠᠨ ᠵᠢᠷᠤᠭ ᠪᠠᠨ ᠵᠦᠯᠭᠦᠵᠤ ᠠᠷᠴᠢᠨ ᠭᠦᠵᠢ ᠪᠠᠷ ᠠᠷᠢᠭᠤᠯᠵᠤ᠂ ᠳᠡᠭᠡᠷᠡ ᠨᠢ ᠰᠢᠷᠠ᠂ ᠭᠦᠭᠡ ᠦᠩᠭᠡ | ᠶᠢᠨ ᠬᠠᠳᠠᠭ ᠵᠡᠭᠦᠯᠭᠡᠵᠤ ᠴᠢᠮᠡᠨᠡ᠃ | 2᠂ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠳᠠᠭᠢᠯᠭᠠ ᠶᠢᠨ ᠰᠢᠷᠡᠭᠡ ᠵᠠᠰᠠᠵᠤ᠂ | ᠳᠡᠭᠡᠷᠡ ᠨᠢ ᠳᠠᠭᠢᠯᠭᠠ ᠶᠢᠨ ᠶᠠᠭᠤᠮᠠ ᠪᠠᠨ ᠲᠦᠭᠦᠷᠡᠳᠡᠯᠡ ᠲᠠᠯᠪᠢᠨᠠ᠃ ᠳᠠᠭᠢᠯᠭᠠ ᠶᠢᠨ ᠶᠠᠭᠤᠮᠠ ᠳᠤ ᠴᠠᠭᠠᠨ | ᠭᠤᠯᠢᠷ ᠢᠶᠠᠷ ᠬᠠᠭᠠᠷᠢᠭᠰᠠᠨ ᠨᠠᠷᠠᠨ ᠪᠤᠤᠪᠤ᠂ ᠰᠦ ᠴᠠᠭᠠ ᠶᠢᠨ ᠵᠦᠢᠯ᠂ ᠠᠯᠢᠮᠠ ᠵᠢᠮᠢᠰ ᠤᠨ ᠵᠤᠶᠢᠯ ᠢ ᠲᠠᠯᠪᠢᠨᠠ᠃ | 3᠂ ᠳᠠᠭᠢᠯᠭᠠ ᠶᠢᠨ ᠰᠢᠷᠡᠭᠡ ᠶᠢᠨ ᠡᠮᠦᠨᠡ ᠲᠠᠯᠠ ᠳᠤ ᠱᠠᠩᠯᠦ ᠪᠤᠶᠤ ᠬᠤᠪᠤᠩ ᠲᠠᠯᠪᠢᠵᠤ᠂ ᠳᠤᠳᠤᠷᠠ ᠨᠢ | ᠭᠦᠵᠢ᠂ ᠠᠷᠴᠠ᠂ ᠭᠦᠭᠦᠯ ᠵᠡᠷᠭᠡ ᠶᠢ ᠤᠩᠭᠠᠰᠬᠠᠨ ᠰᠠᠩ ᠲᠠᠯᠪᠢᠨᠠ᠃ | | | ᠬᠤᠶᠠᠷ᠂ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢ ᠳᠠᠭᠢᠬᠤ ᠠᠯᠬᠤᠮ ᠳᠠᠷᠠᠭᠠ | | 1᠂ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠢᠷᠡᠯᠳᠡ ᠶᠢᠨ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠭᠠ ᠭᠢᠵᠤ᠂ ᠡᠭᠦᠨ | ᠢ ᠬᠠᠮᠠᠭᠠᠯᠠᠨ ᠠᠰᠢᠭᠯᠠᠬᠤ ᠶᠢᠨ ᠠᠴᠢ ᠬᠤᠯᠪᠤᠭᠳᠠᠯ ᠤᠨ ᠲᠤᠬᠠᠢ ᠶᠠᠷᠢᠶᠠ ᠲᠠᠯᠪᠢᠨᠠ᠃ | 2᠂ ᠭᠠᠴᠠᠭᠠ ᠶᠢᠨ ᠵᠦᠪᠯᠡᠯ ᠤᠨ ︿︿ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ ᠢ ᠬᠠᠮᠠᠭᠠᠯᠠᠨ ᠠᠰᠢᠭᠯᠠᠬᠤ | ᠲᠤᠬᠠᠢ ᠲᠤᠭᠳᠠᠭᠠᠯ﹀﹀ ᠢ ᠨᠡᠶᠢᠳᠡᠯᠡᠨᠡ᠃ | 3᠂ ᠢᠷᠦᠭᠡᠯᠴᠢ ᠠᠴᠠ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠢ ᠤᠩᠰᠢᠵᠤ᠂ ᠤᠯᠠᠨ ᠢᠶᠠᠷ ᠢᠶᠠᠨ | ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠬᠠᠳᠠᠨ ᠵᠢᠷᠤᠭ ᠲᠤ ᠮᠦᠷᠭᠦᠵᠤ ᠵᠠᠯᠪᠢᠷᠠᠨ ᠳᠠᠭᠠᠳᠬᠠᠨᠠ᠃ | | | ᠨᠠᠷᠠᠨ ᠰᠠᠭᠢᠭᠤᠯᠰᠤ ᠶᠢᠨ ᠢᠷᠦᠭᠡᠯ ᠮᠠᠭᠳᠠᠭᠠᠯ | ᠵᠧ︕ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠨᠠᠷᠠᠨ ᠰᠠᠭᠢᠭᠤᠯᠰᠤ ᠦᠷᠦᠰᠢᠶᠡᠨ ᠲᠤᠰᠠᠯᠠᠬᠤ ᠪᠤᠯᠳᠤᠭᠠᠢ︕ | ᠤᠷᠢᠬᠠᠨ ᠲᠤᠯᠠᠭᠠᠨ ᠭᠡᠭᠡᠨ ᠭᠡᠷᠡᠯ ᠲᠤᠷᠤᠨᠠ ᠠᠴᠠ ᠰᠠᠴᠤᠷᠠᠨ ᠮᠠᠨᠳᠤᠵᠤ | ᠮᠠᠨ ᠤ ᠭᠡᠷᠡᠰᠡᠭᠡ ᠪᠤᠯᠤᠨ ᠰᠠᠭᠢᠭᠤᠰᠤᠨ ᠭᠠᠯᠪᠠᠷᠠᠭᠴᠠ ᠮᠤᠳᠤ ᠶᠢ ᠭᠡᠷᠡᠯᠳᠦᠭᠦᠯᠪᠡ᠃ | ᠠᠷᠢᠭᠤᠨᠴᠠᠭᠠᠨ ᠰᠠᠷᠠ ᠲᠠᠢ ᠰᠦᠨᠢ ᠲᠡᠭᠷᠢ ᠭᠡᠭᠡᠷᠡᠭᠦ ᠦᠶᠡ ᠪᠠᠷ | ᠠᠭᠳᠠ ᠮᠤᠷᠢ ᠶᠢ ᠭᠦᠩᠭᠡᠨ ᠲᠦᠰᠢᠭᠰᠡᠭᠡᠷ ᠨᠠᠰᠢ ᠪᠠᠨ ᠢᠨᠢᠶᠡᠮᠰᠦᠭᠯᠡᠨ ᠢᠷᠡᠯᠡ᠃ | ᠠᠪᠤᠷᠭᠤ ᠤᠰᠤᠨ ᠭᠦᠷᠳᠦ ᠶᠢ ᠭᠦᠯᠢᠭᠯᠡᠨ ᠠᠶᠤᠩᠭᠠ ᠶᠢᠨ ᠲᠠᠭᠤᠨ ᠢ ᠵᠢᠭᠡᠯᠡᠭᠰᠡᠭᠡᠷ | ᠡᠭᠦᠯᠡ ᠭᠦᠯᠦᠭᠯᠡᠨ ᠭᠦᠪᠪᠦᠨ ᠲᠡᠭᠳᠡᠭᠰᠡᠭᠡᠷ ᠮᠠᠨ ᠤ ᠠᠳᠡ ᠢᠷᠡᠯᠡ᠃ | ᠰᠡᠳᠭᠢᠯ ᠰᠠᠨᠠᠭᠠᠨ ᠳᠠᠭᠠᠨ ᠳᠤᠷᠠᠰᠤᠨ ᠡᠩ ᠮᠠᠩ ᠭᠡᠭᠰᠡᠭᠡᠷ | ᠰᠠᠨᠠᠭᠠ ᠠᠯᠳᠠᠭᠰᠠᠭᠠᠷ ᠪᠢ ᠤᠭᠳᠤᠷᠭᠤᠢ ᠳᠤ ᠨᠢᠰᠤᠨ ᠭᠠᠷᠴᠤ ᠪᠢᠯᠡ᠃ | ᠲᠠᠭᠤᠨ ᠪᠤᠯᠤᠨ ᠦᠩᠭᠡ ᠶᠢᠨ ᠰᠠᠶᠢᠬᠠᠨ ᠨᠢ ᠨᠠᠳᠠ ᠶᠢ ᠨᠢᠭᠡᠮᠦᠰᠦᠨ ᠪᠠᠶᠠᠰᠬᠠᠪᠠᠢ᠂ | ᠲᠤᠭᠤᠷᠢᠨ ᠦᠵᠡᠭᠴᠢᠳ ᠡᠨᠡᠭᠦ ᠦᠵᠡᠮᠵᠢ ᠳᠤ ᠠᠮᠤᠷᠵᠢᠨ ᠮᠠᠷᠳᠠᠰᠢ ᠦᠭᠡᠢ᠃ | ᠶᠠᠳᠤᠭᠠ ᠶᠢᠨ ᠭᠦᠪᠴᠢ ᠶᠢ ᠴᠢᠩᠭᠠᠯᠠᠵᠤ ᠲᠤᠮᠤ ᠭᠡᠩᠭᠡᠷᠭᠡ ᠶᠢ ᠳᠡᠯᠡᠳᠤᠨ ᠪᠠᠶᠢᠵᠤ | ᠵᠦᠩ ᠶᠢ ᠪᠠᠨ ᠭᠦᠴᠦᠯᠡᠨ ᠴᠤᠭᠢᠵᠤ ᠵᠦᠩ ᠤᠨ ᠲᠤᠯᠭᠠᠭᠤᠷᠢ ᠶᠢ ᠭᠤᠶᠢᠪᠠᠯᠵᠢᠨ ᠭᠦᠳᠡᠯᠭᠡᠪᠡ᠃ | ᠭᠤᠤᠷᠰᠤᠨ ᠪᠢᠰᠭᠢᠭᠦᠷ ᠢ ᠭᠦᠭᠵᠢᠮᠳᠡᠨ ᠪᠠᠭᠴᠠ ᠪᠢᠰᠭᠢᠭᠦᠷ ᠢ ᠪᠠᠰᠠ ᠦᠯᠢᠶᠡᠨ | ᠲᠡᠷᠡ ᠭᠤᠸᠠ ᠰᠠᠶᠢᠬᠠᠨ ᠯᠠᠶᠢᠴᠠᠩ ᠤᠨ ᠪᠦᠭᠡᠯᠡᠭᠦ ᠶᠢ ᠪᠤᠳᠤᠵᠤ ᠤᠯᠤᠯᠠ᠃ | ᠰᠤᠯᠤᠩᠭᠠᠨ ᠰᠢᠪᠠᠭᠤ ᠰᠢᠭ ᠭᠦᠩᠭᠡᠭᠡᠨ ᠳᠡᠷᠪᠡᠵᠤ ᠨᠢᠰᠴᠦ ᠪᠦᠵᠢᠨ | ᠰᠢᠯᠦᠭ ᠲᠠᠭᠤᠨ ᠤ ᠠᠶᠠ ᠶᠢ ᠳᠠᠭᠠᠵᠤ ᠬᠠᠮᠳᠤᠪᠠᠷ ᠪᠠᠶᠠᠰᠤᠨ ᠪᠦᠵᠢᠭᠯᠡᠶᠡ᠃ | ᠠᠶᠠᠯᠠᠭᠤ ᠠᠶᠢᠵᠢᠮ ᠢ ᠨᠡᠶᠢᠯᠡᠭᠦᠯᠦᠨ ᠠᠯᠬᠤᠭᠠ ᠲᠠᠭᠠᠷᠠᠭᠤᠯᠵᠤ ᠡᠶᠡ ᠵᠤᠭᠢᠴᠠᠭᠤᠯᠠᠨ | ᠤᠯᠠᠨ ᠰᠠᠭᠢᠭᠤᠯᠰᠤᠨ ᠲᠡᠭᠷᠢ ᠤᠨ ᠳᠠᠯᠳᠠ ᠨᠠᠷᠠ ᠶᠢ ᠬᠠᠯᠬᠠᠯᠠᠵᠤ ᠢᠷᠡᠵᠡᠭᠡᠯᠡ᠃ | ᠭᠦᠭᠡ ᠡᠭᠦᠯᠡ ᠪᠠᠷ ᠬᠤᠪᠴᠠᠰᠤ ᠪᠤᠯᠭᠠᠨ ᠰᠤᠯᠤᠩᠭᠠᠴᠢᠷ ᠢᠶᠠᠷ ᠬᠤᠷᠮᠤᠶᠢᠪᠴᠢ ᠭᠢᠵᠤ | ᠨᠤᠮᠤ ᠳᠡᠯᠢᠨ ᠰᠤᠮᠤ ᠤᠨᠢᠯᠠᠨ ᠬᠤᠪᠳᠤᠭ ᠷᠠᠬᠤ ᠶᠢ ᠬᠠᠷᠪᠤᠨᠠᠮ᠃ | ᠪᠢ ᠲᠡᠭᠷᠢ ᠶᠢᠨ ᠨᠤᠮᠤ ᠶᠢ ᠠᠳᠬᠤᠨ ᠭᠠᠢ ᠭᠠᠮᠰᠢᠭ ᠢ ᠬᠤᠷᠢᠭᠯᠠᠨ | ᠠᠯᠳᠠᠨ ᠭᠠᠳᠠᠰᠤ ᠳᠤ ᠭᠠᠪᠢᠷᠠ ᠶᠢᠨ ᠠᠮᠳᠠᠳᠤ ᠰᠠᠷᠬᠤᠳ ᠢ ᠭᠡᠮᠨᠡᠯᠡ᠃ | ᠴᠤᠯᠪᠤᠭᠤᠷ ᠢᠶᠠᠨ ᠭᠦᠩᠭᠡᠭᠡᠨ ᠳᠠᠳᠠᠵᠤ ᠦᠨᠳᠦᠷ ᠤᠭᠳᠤᠷᠭᠤᠢ ᠳᠤ ᠬᠠᠯᠢᠨ ᠨᠢᠰᠴᠤ | ᠲᠦᠨᠢᠷ ᠬᠠᠷᠠᠩᠭᠤᠢ ᠰᠦᠨᠢ ᠶᠢ ᠲᠤᠭᠤᠯᠠᠵᠤ ᠲᠤᠷᠤᠨᠡ ᠵᠦᠭ ᠢ ᠴᠢᠭᠯᠡᠯᠡ᠃ | ᠵᠧ︕ | ᠡᠩᠭᠡ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠨᠠᠷᠠᠨ ᠰᠠᠭᠢᠭᠤᠯᠰᠤ ᠦᠷᠦᠰᠢᠶᠡᠨ ᠲᠤᠰᠠᠯᠠᠬᠤ ᠪᠤᠯᠳᠤᠭᠠᠢ︕ | ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠷᠦᠭᠡᠯᠴᠢ᠄ ᠮᠠᠨ ᠢ ᠦᠷᠦᠰᠢᠶᠡᠨ ᠰᠠᠯᠭᠢ ᠬᠤᠷᠠ ᠲᠡᠭᠰᠢ ᠪᠤᠯᠭᠠᠳᠤᠭᠠᠢ︕ | ᠤᠯᠠᠨ᠄ ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠷᠦᠭᠡᠯᠴᠢ᠄ ᠮᠠᠨ ᠢ ᠦᠷᠦᠰᠢᠶᠡᠨ ᠲᠠᠪᠤᠨ ᠲᠠᠷᠢᠶᠠ ᠶᠢ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠤᠯᠬᠤ ᠪᠤᠯᠭᠠᠰᠤᠭᠠᠢ︕ | ᠤᠯᠠᠨ᠄ ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠷᠦᠭᠡᠯᠴᠢ᠄ ᠮᠠᠨ ᠶᠢᠨ ᠦᠷᠦᠰᠢᠶᠡᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠦᠨᠢᠷ ᠦᠰᠭᠦ ᠪᠤᠯᠭᠠᠰᠤᠭᠠᠢ︕ | ᠤᠯᠠᠨ᠄ ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠷᠦᠭᠡᠯᠴᠢ᠄ ᠮᠠᠨ ᠢ ᠦᠷᠦᠰᠢᠶᠡᠨ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠵᠤ᠂ ᠠᠷᠠᠳ ᠲᠦᠮᠡᠨ ᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ | ᠪᠤᠯᠭᠠᠰᠤᠭᠠᠢ︕ | ᠤᠯᠠᠨ᠄ ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠷᠦᠭᠡᠯᠴᠢ᠄ ᠤᠯᠤᠰ ᠭᠡᠷ ᠠᠮᠤᠷ ᠲᠠᠶᠢᠪᠤᠩ ᠂ ᠠᠷᠠᠳ ᠲᠦᠮᠡᠨ ᠢ ᠠᠮᠤᠷ ᠮᠡᠨᠳᠤ ᠪᠤᠯᠭᠠᠰᠤᠭᠠᠢ︕ | ᠤᠯᠠᠨ᠄ ᠬᠤᠷᠤᠢ ᠂ ᠬᠤᠷᠤᠢ᠂ ᠬᠤᠷᠤᠢ︕ | | | ᠭᠤᠷᠪᠠ᠂ ᠳᠠᠭᠢᠯᠭᠠ ᠶᠢᠨ ᠳᠠᠷᠠᠭᠠ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠨᠡᠭᠡᠭᠡᠵᠤ᠂ ᠨᠤᠳᠤᠭ ᠤᠨ ᠭᠠᠷᠤᠯᠳᠠ ᠢᠶᠠᠨ | ᠲᠡᠯᠭᠡᠨ ᠦᠵᠡᠭᠦᠯᠵᠤ᠂ ᠪᠤᠳᠠᠰ ᠤᠨ ᠰᠤᠯᠢᠯᠴᠠᠭᠠ ᠭᠢᠨᠡ᠃ | | ᠲᠤᠳᠤᠷᠬᠠᠶᠢᠯᠠᠯ᠄ ᠲᠤᠰ ᠲᠦᠰᠦᠯ ᠢ ᠤᠩᠨᠢᠭᠤᠳ ᠤᠨ ᠰᠢᠷᠠᠲᠠᠯᠠ ᠶᠢᠨ ᠵᠠᠷᠠᠭᠠ ᠶᠢᠨ ᠠᠭᠤᠯᠠᠨ ᠤ ᠨᠠᠷᠠᠨ | ᠰᠠᠭᠢᠭᠤᠯᠰᠤ ᠵᠡᠷᠭᠡ ᠨᠠᠷᠠ ᠶᠢ ᠲᠠᠭᠢᠬᠤ ᠳᠤ ᠪᠦᠷ ᠭᠡᠷᠡᠭᠯᠡᠵᠤ ᠪᠤᠯᠤᠨᠠ᠃ ᠨᠠᠷᠠ ᠶᠢ ᠲᠠᠭᠢᠬᠤ ᠪᠤᠯ ᠡᠷᠳᠡᠨ ᠤ ᠰᠠᠮᠠᠨ | ᠪᠦᠭᠡ ᠶᠢᠨ ᠰᠢᠳᠦᠯᠭᠡ ᠶᠢᠨ ᠵᠠᠩᠰᠢᠯ ᠪᠤᠯᠤᠨᠠ᠃ ᠮᠠᠨ ᠤ ᠤᠯᠤᠰ ᠤᠨ ᠠᠯᠳᠠᠷᠳᠤ ᠮᠤᠩᠭᠤᠯ ᠭᠡᠯᠡᠨ ᠵᠦᠢ ᠪᠤᠯᠤᠨ | ᠮᠤᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠡᠷᠳᠡᠮᠳᠡᠨ ᠲᠤᠭᠤᠷᠴᠠᠭ ᠲᠠᠶᠢᠵᠢ ᠪᠤᠷᠵᠢᠭᠢᠨ ᠪᠦᠷᠢᠨᠲᠡᠭᠦᠰ ᠭᠤᠸᠠᠢ ᠶᠢᠨ ᠨᠠᠶᠢᠳᠠᠯᠭᠠ | ᠪᠠᠷ ᠡᠨᠡ ᠲᠦᠰᠦᠯ ᠢ ᠪᠢᠴᠢᠭᠰᠡᠨ ᠢᠶᠠᠨ ᠠᠳᠡ ᠲᠡᠮᠳᠡᠭᠯᠡᠶᠡ᠃ | | |