| ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠᠨ ᠤ ᠲᠠᠲᠠᠪᠠᠯᠵᠠᠬᠤ ᠭᠡᠮ ᠭᠡᠵᠤ ᠨᠢᠭᠡ ᠵᠤᠶᠢᠯ ᠤᠨ ᠰᠢᠮᠡ ᠲᠡᠵᠢᠭᠡᠯ ᠤᠨ | ᠰᠣᠯᠢᠯᠴᠠᠭᠠᠨ ᠤ ᠰᠠᠭᠠᠲᠠᠯ ᠤᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠮᠦᠨ᠃ ᠡᠮᠴᠢᠯᠡᠭᠡᠨ ᠳᠠᠬᠢ ᠭᠤᠣᠯ ᠣᠨᠴᠠᠯᠢᠭ ᠨᠢ | ᠮᠡᠳᠡᠷᠡᠯ ᠤᠨ ᠬᠡᠪ ᠤᠨ ᠪᠣᠰᠤ ᠢᠯᠡᠷᠡᠯ ᠪᠣᠯᠤᠨᠠ᠃ ᠣᠯᠠᠩᠬᠢ ᠳᠠᠭᠠᠨ 3-7 ᠬᠤᠨᠤᠭ ᠤᠨ ᠬᠤᠷᠠᠭᠠ ᠳᠤ ᠣᠯᠠᠨ | ᠢᠯᠡᠷᠡᠵᠤ᠂ 10 ᠬᠤᠨᠤᠭ ᠠᠴᠠ ᠳᠡᠭᠡᠭᠰᠢᠬᠢ ᠬᠤᠷᠠᠭᠠᠨ ᠳᠤ ᠳᠣᠬᠢᠶᠠᠯᠳᠤᠬᠤ ᠨᠢ ᠴᠦᠭᠡᠨ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠡᠪᠡᠳᠴᠢᠨ ᠤ ᠰᠢᠯᠲᠠᠭᠠᠨ | 1.ᠰᠢᠮᠡ ᠲᠡᠵᠢᠭᠡᠯ ᠳᠤᠲᠠᠮᠠᠭ᠃ ᠡᠮᠡ ᠬᠤᠨᠢᠨ ᠤ ᠭᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠨᠢ ᠶᠠᠭ ᠰᠠᠶᠢᠬᠠᠨ ᠰᠢᠨᠡ | ᠰᠤᠷᠭᠤᠭ ᠡᠪᠡᠰᠤ ᠪᠣᠷᠳᠤᠭᠠ ᠳᠤᠲᠠᠮᠠᠭ ᠤᠯᠠᠷᠢᠯ ᠪᠠᠶᠢᠵᠤ᠂ ᠡᠭᠦᠨ ᠤ ᠬᠠᠮᠲᠤ ᠵᠢᠯ ᠤᠨ ᠦᠩᠭᠡ ᠠᠨᠠᠢ ᠪᠣᠯᠪᠠᠯ | ᠡᠪᠡᠰᠤ ᠪᠣᠷᠳᠤᠭᠠᠨ ᠤ ᠤᠷᠭᠤᠯᠲᠠ ᠮᠠᠭᠤ᠂ ᠡᠪᠡᠰᠤ ᠪᠣᠷᠳᠤᠭᠠᠨ ᠳᠠᠬᠢ ᠸᠢᠲ᠋ᠠᠮᠢᠨ᠂ ᠡᠷᠤᠳᠡᠰᠤ ᠪᠣᠳᠠᠰ᠂ ᠪᠢᠴᠢᠯ | ᠡᠯᠧᠮᠧᠨ᠋ᠲ ᠤᠨ ᠠᠭᠤᠯᠤᠭᠳᠠᠴᠠ ᠨᠢ ᠭᠦᠢᠴᠡᠳ ᠦᠭᠡᠢ ᠠᠴᠠ ᠪᠣᠯᠵᠤ ᠭᠡᠭᠡᠯ ᠲᠠᠢ ᠬᠤᠨᠢ ᠰᠢᠮᠡ ᠲᠡᠵᠢᠭᠡᠯ | ᠳᠤᠲᠠᠭᠳᠠᠨ᠂ ᠬᠡᠪᠡᠯᠢ ᠳᠠᠬᠢ ᠲᠦᠯ ᠤᠨ ᠪᠣᠶᠢᠵᠢᠯᠲᠠ ᠨᠢ ᠨᠦᠯᠦᠭᠡᠯᠡᠭᠳᠡᠵᠦ᠂ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠ ᠨᠢ | ᠲᠦᠷᠤᠯᠬᠢ ᠶᠢᠨ ᠰᠢᠮᠡ ᠲᠡᠵᠢᠭᠡᠯ ᠳᠤᠲᠠᠮᠠᠭ ᠪᠦᠭᠡᠳ ᠡᠬᠡ ᠶᠢᠨ ᠰᠦᠨ ᠠᠴᠠ ᠭᠦᠢᠴᠡᠳ ᠰᠢᠮᠡ ᠲᠡᠵᠢᠭᠡᠯᠲᠤ | ᠪᠣᠳᠠᠰ ᠣᠯᠵᠤ ᠨᠦᠬᠦᠪᠦᠷᠢᠯᠡᠬᠦ ᠦᠭᠡᠢ ᠠᠴᠠ ᠪᠣᠯᠵᠤ ᠬᠤᠷᠠᠭᠠ ᠶᠢᠨ ᠳᠣᠳᠤᠭᠠᠳᠤ ᠱᠦᠭᠦᠷᠡᠯ ᠨᠢ | ᠲᠣᠬᠢᠷᠠᠯᠴᠠᠭᠠ ᠪᠠᠨ ᠠᠯᠳᠠᠵᠤ᠂ ᠰᠣᠯᠢᠯᠴᠠᠭᠠ ᠰᠠᠮᠠᠭᠤᠷᠠᠵᠤ᠂ ᠮᠡᠳᠡᠷᠡᠯ ᠤᠨ ᠴᠢᠨᠠᠷᠲᠠᠢ ᠲᠠᠲᠠᠪᠠᠯᠵᠠᠬᠤ ᠢᠯᠡᠷᠡᠯ ᠪᠣᠢ | ᠪᠣᠯᠤᠨᠠ᠃ | 2.ᠡᠬᠡ ᠶᠢᠨ ᠰᠦᠨ ᠳᠡᠭᠡᠨ ᠴᠠᠳᠬᠤ ᠦᠭᠡᠢ᠃ ᠡᠬᠡ ᠶᠢᠨ ᠰᠦ ᠨᠢ ᠭᠦᠢᠴᠡᠳ ᠦᠭᠡᠢ ᠪᠣᠶᠣ ᠰᠦ ᠦᠭᠡᠢ᠂ | ᠡᠰᠡᠭᠦᠯᠡ ᠡᠬᠡ ᠮᠠᠯ ᠨᠢ ᠲᠦᠯᠰᠡᠭ ᠴᠢᠨᠠᠷ ᠢᠶᠠᠷ ᠠᠨᠠᠢ ᠪᠣᠶᠣ ᠳᠠᠯᠠᠩ ᠤᠨ ᠦᠷᠪᠢᠰᠤᠯ ᠲᠠᠢ ᠭᠡᠬᠦ ᠵᠡᠷᠭᠡ | ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ᠂ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠ ᠪᠠᠨ ᠬᠦᠬᠦᠭᠦᠯᠬᠦ ᠦᠭᠡᠢ ᠪᠠᠶᠢᠵᠤ᠂ ᠬᠤᠷᠠᠭᠠ ᠶᠢᠨ | ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠲᠤᠩ ᠠᠨᠠᠢ᠂ ᠦᠪᠡᠷᠲᠡᠭᠡᠨ ᠬᠦᠬᠦᠵᠦ ᠴᠢᠳᠠᠬᠤ ᠦᠭᠡᠢ ᠠᠴᠠ ᠬᠤᠷᠠᠭᠠ ᠨᠢ ᠳᠠᠷᠤᠶᠢᠬᠠᠨ | ᠤᠭᠤᠷᠠᠭ ᠰᠦ ᠪᠠᠨ ᠣᠯᠵᠤ ᠬᠦᠬᠦᠬᠦ ᠦᠭᠡᠢ᠂ ᠦᠰᠤᠯᠲᠡ ᠪᠣᠶᠢᠵᠢᠯᠲᠠ ᠳᠤ ᠬᠡᠷᠡᠭᠰᠡᠬᠦ ᠰᠢᠮᠡ ᠲᠡᠵᠢᠭᠡᠯᠲᠤ ᠪᠣᠳᠠᠰ | ᠳᠤᠲᠠᠭᠳᠠᠬᠤ ᠠᠴᠠ ᠪᠣᠯᠵᠤ᠂ ᠲᠠᠲᠠᠪᠠᠯᠵᠠᠬᠤ ᠭᠡᠮ ᠡᠭᠦᠰᠳᠡᠭ᠃ | 3.ᠠᠷᠬᠠᠭ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠲᠠᠢ᠃ ᠭᠡᠭᠡᠯ ᠲᠠᠢ ᠡᠮᠡ ᠬᠤᠨᠢ ᠨᠢ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ | ᠬᠤᠳᠣᠭᠤᠳᠤᠨ ᠤ ᠡᠪᠡᠳᠴᠢᠨ ᠭᠡᠮ ᠲᠠᠢ ᠪᠠᠶᠢᠵᠤ᠂ ᠵᠣᠬᠢᠰᠲᠠᠢ ᠵᠠᠰᠠᠯᠭᠠ ᠬᠢᠬᠦ ᠦᠭᠡᠢ ᠪᠣᠯ ᠭᠡᠭᠡᠯ ᠲᠠᠢ ᠡᠮᠡ | ᠬᠤᠨᠢᠨ ᠤ ᠪᠡᠶᠡ ᠳᠤ ᠸᠢᠲ᠋ᠠᠮᠢᠨ B ᠳᠤᠲᠠᠭᠳᠠᠬᠤ ᠠᠴᠠ ᠪᠣᠯᠵᠤ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠ ᠳᠤᠨᠢ ᠲᠤᠰ | ᠡᠪᠡᠳᠴᠢᠨ ᠡᠭᠦᠰᠤᠨᠡ᠃ | 4.ᠡᠮᠴᠢᠯᠡᠭᠡᠨ ᠳᠠᠬᠢ ᠢᠯᠡᠷᠡᠯ᠃ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠ ᠨᠢ ᠭᠡᠨᠡᠳᠲᠡ ᠪᠠᠷ ᠡᠪᠡᠳᠴᠢᠨ ᠡᠭᠦᠰᠴᠤ᠂ | ᠰᠢᠯᠢ ᠪᠠᠨ ᠬᠠᠨᠳᠠᠷᠴᠤ᠂ ᠪᠦᠬᠦ ᠪᠡᠶᠡ ᠨᠢ ᠲᠠᠳᠠᠪᠠᠯᠵᠠᠨ᠂ ᠰᠢᠳᠦ ᠪᠠᠨ ᠬᠠᠪᠢᠷᠤᠨ᠂ ᠠᠮᠠᠨ ᠠᠴᠠ ᠨᠢ ᠬᠦᠭᠡᠰᠤ | ᠰᠠᠭᠭᠠᠨᠠ᠂ ᠬᠤᠭᠤᠰᠤᠨ ᠵᠠᠯᠭᠢᠵᠤ᠂ ᠰᠢᠳᠦ ᠪᠠᠨ ᠴᠢᠩᠭᠠ ᠵᠠᠭᠤᠵᠤ᠂ ᠲᠣᠯᠤᠭᠠᠢ ᠪᠠᠨ ᠰᠠᠵᠢᠯᠠᠭᠤᠯᠤᠨ᠂ | ᠨᠢᠳᠤᠷ ᠢᠶᠠᠨ ᠴᠠᠪᠴᠢᠯᠬᠢᠯᠡᠨ᠂ ᠪᠠᠭᠠ ᠲᠠᠷᠢᠬᠢᠨ ᠤ ᠲᠣᠬᠢᠷᠠᠭᠤᠯᠭᠠ ᠨᠢ ᠰᠠᠮᠠᠭᠤᠷᠠᠵᠤ᠂ ᠪᠡᠶᠡ ᠨᠢ ᠶᠡᠷᠤᠳᠡᠭᠡᠨ | ᠠᠷᠤᠨᠰᠢ ᠰᠠᠭᠤᠬᠤ᠂ ᠭᠠᠵᠠᠷ ᠤᠨᠠᠨ ᠲᠠᠲᠠᠪᠠᠯᠵᠠᠬᠤ᠂ ᠳᠦᠷᠪᠡᠨ ᠮᠦᠴᠢ ᠨᠢ ᠳᠤᠷᠠ ᠪᠠᠷ ᠢᠰᠬᠦᠯᠬᠦ᠂ ᠠᠮᠠᠨ | ᠬᠦᠨᠳᠡᠢ ᠶᠢᠨ ᠳᠤᠯᠠᠭᠠᠨ ᠨᠢ ᠦᠨᠳᠤᠷᠵᠢᠬᠦ᠂ ᠬᠡᠯᠡᠨ ᠤ ᠦᠩᠭᠡ ᠨᠢ ᠭᠦᠨ ᠤᠯᠠᠭᠠᠨ᠂ ᠨᠢᠳᠤᠨ ᠤ ᠰᠠᠯᠢᠰᠤᠳᠤ | ᠪᠦᠷᠬᠦᠬᠦᠯ ᠨᠢ ᠴᠢᠰᠤ ᠭᠠᠷᠴᠤ᠂ ᠠᠮᠢᠰᠬᠤᠯ᠂ ᠵᠢᠷᠤᠬᠡᠨ ᠴᠣᠬᠢᠯᠭᠠ ᠨᠢ ᠬᠤᠷᠳᠤᠰᠤᠨ᠂ ᠡᠶᠢᠮᠦᠷᠬᠦᠦ ᠢᠯᠡᠷᠡᠯ ᠨᠢ | 3-5 ᠮᠢᠨᠦ᠋ᠲ ᠦᠷᠬᠦᠯᠵᠢᠯᠡᠨᠡ᠃ ᠮᠡᠳᠡᠷᠡᠯ ᠤᠨ ᠴᠢᠨᠠᠷᠲᠠᠢ ᠬᠦᠭᠡᠷᠤᠯᠲᠡ ᠶᠢᠨ ᠢᠯᠡᠷᠡᠯ ᠠᠴᠠ ᠰᠡᠭᠦᠯᠡᠷ᠂ ᠡᠪᠡᠳᠴᠢᠨ | ᠲᠠᠢ ᠬᠤᠨᠢᠨ ᠤ ᠪᠦᠬᠦ ᠪᠡᠶᠡ ᠠᠴᠠ ᠨᠢ ᠬᠦᠯᠦᠰᠤ ᠭᠠᠷᠴᠤ᠂ ᠶᠠᠳᠠᠷᠠᠵᠤ ᠲᠤᠶᠢᠯᠳᠠᠵᠤ᠂ ᠴᠤᠭ ᠰᠦᠯᠲᠡ ᠦᠭᠡᠢ᠂ | ᠲᠣᠯᠤᠭᠠᠢ ᠪᠠᠨ ᠤᠨᠵᠠᠶᠢᠯᠭᠠᠨ ᠭᠠᠵᠠᠷ ᠬᠡᠪᠲᠡᠭᠡᠳ ᠪᠣᠰᠬᠤ ᠦᠭᠡᠢ᠂ ᠪᠠᠰᠠ ᠰᠡᠭᠦᠳᠡᠷ ᠭᠠᠵᠠᠷ ᠬᠡᠪᠲᠡᠬᠦ ᠳᠤᠷᠠᠲᠠᠢ᠂ | ᠠᠮᠢᠰᠬᠤᠯ ᠬᠢᠭᠡᠳ ᠵᠢᠷᠤᠬᠡᠨ ᠴᠣᠬᠢᠯᠭᠠ ᠨᠢ ᠤᠳᠠᠭᠠᠰᠢᠷᠠᠨᠠ᠃ ᠶᠡᠷᠤᠳᠡᠭᠡᠨ ᠠᠷᠪᠠᠨ ᠬᠡᠳᠤᠨ ᠮᠢᠨᠦ᠋ᠲ ᠡᠰᠡᠭᠦᠯᠡ | ᠬᠠᠭᠠᠰ ᠴᠠᠭ ᠴᠢᠨᠠᠭᠰᠢᠯᠠᠨ ᠨᠡᠩ ᠤᠷᠲᠤ ᠬᠤᠭᠤᠴᠠᠭᠠ ᠠᠯᠤᠰᠯᠠᠨ ᠳᠠᠬᠢᠨᠲᠠ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢᠯᠡᠷᠡᠨᠡ᠃ | ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢᠯᠡᠷᠡᠬᠦ ᠦᠶᠡᠯᠡᠯ ᠤᠨ ᠬᠤᠭᠤᠴᠠᠭᠠ ᠨᠢ ᠶᠠᠪᠤᠬᠤ ᠳᠣᠳᠤᠮ ᠪᠣᠭᠤᠨᠢᠰᠴᠤ᠂ ᠡᠪᠡᠳᠴᠢᠨ ᠤ | ᠶᠠᠪᠤᠴᠠ ᠨᠢ ᠶᠠᠪᠤᠬᠤ ᠳᠣᠳᠤᠮ ᠤᠷᠳᠤᠰᠴᠤ᠂ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠳᠣᠳᠤᠭᠠᠳᠤ ᠱᠦᠭᠦᠷᠡᠯ ᠤᠨ | ᠲᠣᠬᠢᠷᠠᠭᠤᠯᠭᠠ ᠪᠠᠨ ᠠᠯᠳᠠᠬᠤ ᠠᠴᠠ ᠪᠣᠯᠵᠤ᠂ ᠪᠡᠶᠡ ᠶᠢᠨ ᠳᠣᠳᠤᠭᠠᠳᠤ ᠶᠢᠨ ᠰᠣᠯᠢᠯᠴᠠᠭᠠ ᠨᠢ ᠰᠠᠮᠠᠭᠤᠷᠠᠵᠤ᠂ | ᠡᠨᠧᠷᠬᠢ ᠶᠢᠨ ᠵᠠᠷᠤᠴᠠᠭᠤᠯᠤᠭᠠ ᠨᠢ ᠬᠡᠲᠤ ᠶᠡᠭᠡᠰᠴᠤ᠂ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠤᠭᠤᠰᠤᠨ ᠬᠡᠢ ᠵᠠᠯᠭᠢᠬᠤ ᠠᠴᠠ ᠭᠦᠵᠡᠭᠡ | ᠨᠢ ᠬᠡᠢ ᠳᠦᠭᠦᠷᠴᠤ ᠠᠮᠢᠰᠬᠤᠭᠠ ᠬᠤᠷᠢᠭᠳᠠᠨ ᠦᠬᠦᠨᠡ᠃ ᠪᠦᠬᠦ ᠡᠪᠡᠳᠴᠢᠨ ᠤ ᠶᠠᠪᠤᠴᠠ ᠨᠢ 1-3 ᠡᠳᠦᠷ | ᠪᠣᠯᠤᠨᠠ᠃ | ᠬᠤᠶᠠᠷ᠂ ᠵᠠᠰᠠᠬᠤ ᠠᠷᠭᠠ | 1.ᠲᠠᠶᠢᠪᠤᠰᠢᠷᠠᠭᠤᠯᠬᠤ᠃ ᠡᠪᠡᠳᠴᠢᠨ ᠲᠠᠢ ᠬᠤᠷᠠᠭᠠ ᠶᠢ ᠲᠠᠶᠢᠪᠤᠰᠢᠷᠠᠭᠤᠯᠤᠨ᠂ ᠪᠣᠳᠠᠭᠠᠯᠢ ᠪᠡᠶᠡ ᠶᠢᠨ | ᠰᠣᠯᠢᠯᠴᠠᠭᠠᠨ ᠤ ᠰᠠᠭᠠᠲᠠᠯ ᠵᠢᠴᠢ ᠲᠠᠷᠢᠬᠢᠨ ᠤ ᠬᠦᠴᠢᠯᠳᠦ᠋ᠷᠦᠭᠴᠢ ᠳᠤᠲᠠᠭᠳᠠᠬᠤ ᠪᠠᠶᠢᠳᠠᠯ ᠢ ᠰᠠᠶᠢᠵᠢᠷᠠᠭᠤᠯᠵᠤ᠂ | ᠡᠪᠡᠳᠴᠢᠨ ᠤ ᠤᠯᠠᠮ ᠴᠢᠨᠠᠭᠰᠢᠲᠠ ᠬᠦᠭᠵᠢᠬᠦ ᠶᠢ ᠬᠤᠷᠢᠭᠯᠠᠬᠤ ᠶᠢᠨ ᠲᠦᠯᠦᠭᠡ᠂ ᠲᠠᠶᠢᠪᠤᠰᠢᠷᠠᠭᠤᠯᠬᠤ ᠡᠮ ᠢ | ᠡᠷᠲᠡᠬᠡᠨ ᠬᠡᠷᠡᠭᠯᠡᠨᠡ᠃ ᠡᠭᠦᠨ ᠳᠤ ᠪᠧᠨ ᠪᠢ ᠲᠦᠸᠧ ᠨᠠ ︵笨比妥钠︶ ᠶᠢ 10-20 | ᠮᠢᠯᠯᠢᠯᠢᠲᠷ ᠢᠶᠠᠷ ᠪᠣᠯᠴᠢᠩ ᠳᠤᠨᠢ ᠲᠠᠷᠢᠵᠤ᠂ ᠬᠤᠷᠠᠭᠠ ᠶᠢ ᠤᠨᠲᠠᠭᠤᠯᠤᠨᠠ᠃ | 2. ᠨᠡᠶᠢᠯᠡᠮᠡᠯ ᠸᠢᠲ᠋ᠠᠮᠢᠨ B ᠨᠦᠬᠦᠪᠦᠷᠢᠯᠡᠬᠦ᠃ ᠨᠡᠶᠢᠯᠡᠮᠡᠯ ᠸᠢᠲ᠋ᠠᠮᠢᠨ B ︵复方维生素Ｂ︶ ᠶᠢ | 0.5 ᠮᠢᠯᠯᠢᠯᠢᠲᠷ ᠢ ᠡᠪᠡᠳᠴᠢᠨ ᠲᠠᠢ ᠬᠤᠷᠠᠭᠠᠨ ᠤ ᠪᠣᠯᠴᠢᠩ ᠳᠤ ᠲᠠᠷᠢᠨᠠ᠂ ᠡᠳᠦᠷ ᠪᠦᠷᠢ ᠬᠤᠶᠠᠷ ᠤᠳᠠᠭᠠ | ᠲᠠᠷᠢᠨᠠ᠃ ᠺᠠᠯᠼ ᠨᠦᠬᠦᠪᠦᠷᠢᠯᠡᠬᠦ ᠳᠡᠭᠡᠨ 10 ℅ ᠤᠨ ᠦᠵᠤᠮ ᠤᠨ ᠰᠢᠬᠢᠷ ᠤᠨ ᠺᠠᠯᠼ 10-15 ᠮᠢᠯᠯᠢᠯᠢᠲᠷ ᠢ | ᠡᠪᠡᠳᠴᠢᠨ ᠲᠠᠢ ᠬᠤᠷᠠᠭᠠᠨ ᠳᠤ ᠸᠧᠨᠡ ᠶᠢᠨ ᠰᠤᠳᠠᠯ ᠢᠶᠠᠷ ᠡᠳᠦᠷ ᠪᠦᠷᠢ ᠬᠤᠶᠠᠷ ᠤᠳᠠᠭᠠ ᠲᠠᠷᠢᠨᠠ᠃ | 3.ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠪᠠᠨ ᠴᠢᠩᠭᠠᠳᠬᠠᠬᠤ᠃ ᠡᠪᠡᠳᠴᠢᠨ ᠲᠠᠢ ᠬᠤᠷᠠᠭᠠ ᠶᠢ ᠪᠠᠶᠢᠨ ᠳᠠᠬᠢᠨ | ᠰᠣᠴᠢᠭᠠᠬᠤ ᠠᠴᠠ ᠬᠢᠴᠢᠶᠡᠵᠦ ᠵᠠᠰᠠᠯᠭᠠ ᠪᠠᠨ ᠲᠦᠪᠯᠡᠷᠡᠭᠦᠯᠵᠦ ᠬᠢᠬᠦ ᠶᠢ ᠰᠠᠨᠠᠭᠠᠴᠢᠯᠠᠨᠠ᠃ ᠠᠮᠠᠨ ᠬᠦᠨᠳᠡᠢ ᠳᠠᠬᠢ | ᠱᠦᠭᠦᠷᠡᠯ ᠪᠣᠳᠠᠰ ᠨᠢ ᠮᠦᠭᠡᠷᠰᠤᠨ ᠬᠤᠭᠤᠯᠠᠢ ᠳᠤ ᠰᠣᠷᠤᠭᠳᠠᠨ ᠣᠷᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠡᠪᠡᠳᠴᠢᠨ ᠲᠠᠢ | ᠬᠤᠷᠠᠭᠠᠨ ᠤ ᠲᠣᠯᠤᠭᠠᠢ ᠶᠢᠨ ᠬᠡᠰᠡᠭ ᠢ ᠵᠢᠭᠠᠬᠠᠨ ᠦᠨᠳᠤᠷ ᠰᠢᠭ ᠪᠠᠶᠢᠯᠭᠠᠨᠠ᠃ ᠡᠬᠡ ᠪᠠᠨ ᠬᠦᠬᠦᠵᠦ ᠴᠢᠳᠠᠬᠤ | ᠦᠭᠡᠢ ᠰᠠᠶ᠋ᠢ ᠲᠦᠷᠤᠭ᠍ᠰᠡᠨ ᠬᠤᠷᠠᠭᠠ ᠶᠢ ᠨᠢ ᠵᠠᠪᠠᠯ ᠬᠦᠮᠦᠨ ᠤ ᠬᠦᠴᠤ ᠪᠠᠷ ᠲᠡᠵᠢᠭᠡᠵᠦ᠂ ᠪᠠᠰᠠ ᠡᠪᠡᠳᠴᠢᠨ ᠲᠠᠢ | ᠬᠤᠷᠠᠭᠠᠨ ᠤ ᠱᠠᠭᠠᠷᠳᠠᠬᠤ ᠡᠨᠧᠷᠬᠢ ᠬᠢᠭᠡᠳ ᠪᠡᠶᠡ ᠶᠢᠨ ᠰᠢᠩᠬᠡᠨ ᠢ ᠨᠦᠬᠦᠪᠦᠷᠢᠯᠡᠬᠦ ᠶᠢᠨ ᠲᠦᠯᠦᠭᠡ᠂ ᠪᠡᠶᠡ ᠶᠢᠨ | ᠺᠢᠯᠤᠭ᠍ᠷᠡᠮ ᠬᠦᠨᠳᠦ ᠪᠦᠷᠢ ᠳᠤ 10℅ ᠤᠨ ᠦᠵᠤᠮ ᠤᠨ ᠰᠢᠬᠢᠷ ᠤᠨ ᠠᠭᠤᠰᠤᠮᠠᠯ 50-70 ᠮᠢᠯᠯᠢᠯᠢᠲᠷ ᠤᠨ | ᠪᠠᠷᠢᠮᠵᠢᠶᠠ ᠪᠠᠷ ᠡᠳᠦᠷ ᠪᠦᠷᠢ ᠨᠢᠭᠡ ᠤᠳᠠᠭᠠ ᠸᠧᠨᠡ ᠶᠢᠨ ᠰᠤᠳᠠᠯ ᠢᠶᠠᠷ ᠲᠠᠷᠢᠨᠠ᠃ | ᠬᠤᠨᠢᠨ ᠰᠦᠷᠦᠭ ᠤᠨ ᠶᠡᠷᠤ ᠶᠢᠨ ᠦᠶᠡᠰ ᠤᠨ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢ ᠴᠢᠩᠭᠠᠳᠬᠠᠨ᠂ ᠲᠡᠵᠢᠭᠡᠯ | ᠪᠣᠷᠳᠤᠭᠠᠨ ᠤ ᠰᠢᠮᠡ ᠲᠡᠵᠢᠭᠡᠯ ᠤᠨ ᠪᠦᠷᠢᠨ ᠲᠦᠭᠦᠷ ᠪᠠᠶᠢᠬᠤ ᠶᠢ ᠪᠠᠲᠤᠯᠠᠨ᠂ ᠨᠡᠩ ᠢᠯᠠᠩᠭᠤᠶᠠ ᠭᠡᠭᠡᠯ ᠲᠠᠢ | ᠮᠠᠯ ᠤᠨ ᠰᠢᠮᠡ ᠲᠡᠵᠢᠭᠡᠯ ᠢ ᠭᠦᠢᠴᠡᠳ ᠬᠠᠩᠭᠠᠵᠤ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠲᠦᠯ ᠲᠣᠰᠬᠤ ᠶᠢ ᠪᠠᠲᠤᠯᠠᠮᠠᠨᠵᠢᠨ ᠰᠠᠶ᠋ᠢ | ᠬᠤᠨᠢᠨ ᠰᠦᠷᠦᠭ ᠤᠨ ᠡᠷᠡᠭᠦᠯ ᠪᠠᠶᠢᠬᠤ ᠶᠢ ᠪᠠᠲᠤᠯᠠᠵᠤ ᠴᠢᠳᠠᠨᠠ᠃ | | | | ᠮᠠᠩᠯᠠᠢ | ᠦᠪᠤᠷ ᠮᠣᠩᠭᠤᠯ ᠤᠨ ᠮᠠᠯ ᠠᠵᠤ ᠠᠬᠤᠢ ᠰᠡᠳᠭᠦᠯ ᠠᠴᠠ ᠪᠠᠭᠤᠯᠭᠠᠪᠠ |