| ᠰᠢᠨᠡ ᠮᠢᠩᠭᠠᠨ᠂ ᠰᠢᠨᠡ ᠵᠠᠭᠤᠨ ᠤ ᠬᠦᠭᠵᠢᠯᠲᠡ ᠶᠢᠨ ᠪᠤᠷᠤ ᠬᠦᠷᠦᠰᠦ ᠶᠢ ᠭᠢᠰᠭᠢᠯᠡᠵᠤ ᠶᠠᠪᠤᠭᠠ ᠤᠳᠤ | ᠦᠶᠡ ᠶᠢᠨ ᠬᠦᠮᠦᠰ᠂ ᠠᠯᠢ ᠡᠰᠡᠭᠦᠯᠡ ᠤᠳᠤ ᠦᠶᠡ ᠶᠢᠨ ᠬᠦᠮᠦᠰ᠂ ᠠᠯᠢ ᠡᠰᠡᠭᠦᠯᠡ ᠤᠶᠤᠲᠠᠨ ᠤ ᠡᠩᠨᠡᠭᠡᠨ | ᠳᠤ ᠮᠦᠷᠦᠯᠡᠵᠤ ᠶᠠᠪᠤᠭᠠ ᠪᠢᠳᠠᠨ ᠤ ᠠᠮᠢᠳᠤᠷᠠᠯ ᠳᠤ ᠴᠠᠭ ᠢᠮᠠᠭᠲᠠ ᠦᠭᠡᠢ ᠱᠠᠭᠠᠷᠳᠠᠭᠳᠠᠬᠤ ᠪᠤᠳᠠᠰ ᠤᠨ ᠪᠠ | ᠤᠶᠤᠨ ᠤ ᠬᠡᠷᠡᠭᠴᠡᠭᠡ ᠳᠤ ᠭᠠᠷ ᠤᠲᠠᠰᠤ ᠲᠡᠷᠢᠭᠦᠨ ᠪᠠᠶᠢᠷᠠᠨ ᠳᠤ ᠤᠷᠤᠨᠠ ᠬᠡᠬᠦ ᠳᠤ ᠠᠬᠠᠳᠠᠬᠤ ᠦᠭᠡᠢ ᠶᠤᠮᠰᠢᠭ | ᠰᠠᠨᠠᠭᠳᠠᠭᠠᠳ ᠪᠠᠶᠢᠨᠠ︔ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠭᠠᠷ ᠤᠲᠠᠰᠤᠨ ᠤ ᠬᠡᠷᠡᠭᠴᠡᠭᠡᠨ ᠳᠤᠲᠤᠷᠠ ᠪᠠᠨ ᠸᠢᠴᠠᠲ ᠶᠢᠨ | ᠬᠡᠷᠡᠭᠯᠡᠭᠡ ᠬᠠᠮᠤᠭ ᠠᠷᠪᠢᠨ ᠪᠠᠶᠢᠬᠤ ᠡ᠃ | ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠲᠡᠤᠬᠡᠨ ᠬᠦᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠳᠤᠮᠳᠠ ᠪᠠᠨ ᠠᠯᠢ ᠡᠷᠲᠡᠨ ᠠᠴᠠ ᠡᠳᠦᠭᠡ | ᠪᠤᠯᠲᠠᠯᠠ ᠪᠤᠳᠠᠰ ᠤᠨ ᠬᠡᠷᠡᠭᠴᠡᠭᠡᠨ ᠠᠴᠠ ᠢᠯᠡᠭᠦᠦ ᠤᠶᠤᠨ ᠤ ᠶᠠᠮᠠᠷ ᠨᠢᠭᠡᠨ ᠬᠡᠷᠡᠭᠴᠡᠭᠡ ᠶᠢ ᠬᠦᠭᠡᠭᠡᠴᠡᠯᠳᠤᠵᠤ | ᠵᠤᠷᠢᠭᠰᠠᠭᠠᠷ ᠡᠳᠦᠭᠡ ᠳᠤ ᠲᠤᠯᠤᠭᠰᠠᠨ ᠶᠤᠮ᠃ ᠡᠷᠲᠡᠨ ᠤ ᠨᠡᠶᠢᠬᠡᠮ ᠳᠤ ᠬᠦᠮᠦᠰ ᠪᠠᠶᠢᠭᠠᠯᠢ ᠨᠡᠶᠢᠬᠡᠮ ᠤᠨ | ᠤᠯᠠᠩᠬᠢ ᠦᠵᠡᠭᠳᠡᠯ᠂ ᠬᠡᠷᠡᠭ ᠪᠤᠳᠠᠰ ᠢ ᠱᠠᠰᠢᠨ ᠰᠢᠲᠤᠯᠭᠡ᠂ ᠮᠤᠬᠤᠷ ᠪᠢᠰᠢᠷᠡᠯ ᠤᠨ ᠬᠠᠷᠠᠭᠠᠰᠤ ᠪᠠᠷ ᠶᠠᠭᠤᠮᠠ | ᠶᠢ ᠤᠶᠢᠯᠠᠭᠠᠵᠤ᠂ ᠰᠡᠳᠬᠢᠯ ᠤᠶᠤᠨ ᠤ ᠲᠠᠶᠢᠳᠬᠤᠷᠠᠯ ᠵᠶ᠋ᠠᠨᠤᠯᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ | ᠮᠡᠷᠭᠡᠵᠢᠯ ᠤᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠦᠭᠵᠢᠯᠲᠡ ᠠᠴᠠ ᠪᠤᠯᠵᠤ ᠭᠡᠭᠡᠷᠡᠯ ᠰᠡᠩᠬᠡᠬᠡᠷᠡᠯᠲᠡ ᠪᠠᠨ ᠤᠯᠵᠤ᠂ | ᠠᠯᠢᠪᠠ ᠦᠵᠡᠭᠳᠡᠯ ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠬᠠᠷᠠᠬᠤ ᠪᠤᠯᠤᠭᠰᠠᠨ ᠪᠢᠯᠡ᠃ ᠨᠡᠶᠢᠬᠡᠮ ᠬᠦᠭᠵᠢᠯᠲᠡ | ᠶᠢᠨ ᠡᠶᠢᠮᠦᠷᠬᠦᠦ ᠠᠶᠠᠨᠳᠠᠭᠠᠨ ᠤ ᠵᠠᠮ ᠢᠶᠠᠷ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠪᠤᠱᠤᠭᠠ ᠶᠢ ᠳᠠᠪᠠᠭᠰᠠᠨ ᠠᠴᠠ ᠡᠬᠢᠯᠡᠨ | ᠭᠠᠷ ᠤᠲᠠᠰᠤ ᠲᠦᠭᠡᠮᠡᠯ ᠠᠰᠢᠭᠯᠠᠭᠳᠠᠵᠤ ᠲᠡᠭᠦᠨ ᠳᠤᠮᠳᠠ ᠪᠠᠨ ᠸᠢᠴᠠᠲ ᠨᠡᠩ ᠴᠦ ᠦᠷᠭᠡᠨ ᠬᠡᠷᠡᠭᠯᠡᠭᠳᠡᠵᠤ | ᠮᠡᠳᠡᠭᠡ ᠵᠠᠩᠭᠢ ᠰᠤᠯᠢᠯᠴᠠᠬᠤ᠂ ᠬᠠᠷᠢᠯᠴᠠᠭᠠ ᠠᠪᠬᠤ᠂ ᠲᠡᠭᠦᠨᠴᠢᠯᠡᠨ ᠸᠢᠴᠠᠲ ᠶᠢᠨ ᠴᠤᠮᠤᠷᠯᠢᠭ ᠲᠤ ᠭᠠᠷᠴᠤ | ᠢᠳᠡᠭᠰᠡᠨ ᠤᠤᠭᠤᠭᠰᠠᠨ᠂ ᠦᠵᠡᠭᠰᠡᠨ ᠰᠤᠨᠤᠰᠤᠭᠰᠠᠨ᠂ ᠶᠠᠪᠤᠭᠰᠠᠨ ᠰᠠᠭᠤᠭᠰᠠᠨ ᠠᠯᠢ ᠪᠦᠬᠦᠨ ᠢᠶᠠᠨ ᠳᠡᠯᠭᠡᠵᠤ | ᠂ ᠭᠤᠮᠤᠳᠠᠯ ᠪᠠᠶᠠᠷ᠂ ᠠᠭᠤᠷ ᠬᠢᠯᠢᠩ᠂ ᠦᠵᠡᠯᠲᠡ ᠰᠡᠳᠬᠢᠯᠭᠡᠨ ᠤ ᠪᠦᠬᠦ ᠶᠠᠭᠤᠮᠠ ᠪᠠᠨ ᠲᠤᠭᠠᠴᠢᠵᠤ ᠪᠠᠶᠢᠬᠤ | ᠪᠤᠯᠤᠯᠠ᠃ ᠢᠩᠬᠢᠵᠤ ᠪᠤᠰᠤᠳ ᠤᠨ ᠨᠢᠳᠦᠨ ᠳᠤ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠢᠯᠡ ᠲᠤᠳᠤ ᠦᠵᠡᠭᠦᠯᠬᠦ | ᠨᠢ ᠦᠨᠡᠬᠡᠷ ᠲᠡᠶᠢᠮᠦ ᠰᠠᠶᠢᠬᠠᠨ ᠭᠡᠵᠤ ᠦᠦ︖ ᠡᠭᠦᠨ ᠠᠴᠠ ᠠᠰᠳᠠᠭᠠᠨ ᠤᠷᠴᠢᠮᠬᠠᠨ ᠠᠴᠠ ᠸᠢᠴᠠᠲ ᠶᠢᠨ | ᠠᠷᠠᠯᠵᠢᠶᠠ ᠦᠷᠭᠡᠵᠢᠵᠤ᠂ ᠰᠤᠷᠠᠭ ᠵᠠᠩᠭᠢ᠂ ᠵᠠᠬᠠ ᠳᠡᠯᠭᠡᠭᠦᠷ᠂ ᠲᠡᠤᠬᠡ ᠰᠤᠶᠤᠯ᠂ ᠦᠩᠭᠡᠷᠡᠭᠰᠡᠨ ᠢᠷᠡᠭᠡᠳᠦᠢ ᠭᠡᠬᠦ | ᠮᠡᠲᠦᠴᠢᠯᠡᠨ ᠠᠯᠢᠪᠠ ᠪᠠᠨ ᠪᠢᠳᠡ ᠭᠠᠷ ᠤᠲᠠᠰᠤᠨ ᠳᠤ ᠪᠠᠨ ᠠᠪᠴᠤ ᠶᠠᠪᠤᠵᠤ ᠪᠠᠶᠢᠭᠠ ᠪᠢᠯᠡ᠃ ᠦᠨᠡᠨ ᠪᠤᠳᠠᠲᠠᠢ ᠢ | ᠬᠡᠨᠡᠰᠡ ᠮᠡᠳᠡᠯᠡ᠃ | ᠨᠡᠭᠡᠷᠡᠨ᠂ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠬᠦᠭᠵᠢᠯᠲᠡ ᠭᠡᠵᠤ ᠢᠢᠮᠤ ᠰᠠᠶᠢᠬᠠᠨ ᠪᠠᠶᠢᠭᠠ᠃ ᠵᠠᠬᠠ ᠳᠤ ᠭᠠᠷᠴᠤ | ᠪᠠᠷᠠᠭᠠ ᠠᠪᠬᠤ ᠴᠢᠬᠤᠯᠠ ᠦᠭᠡᠢ᠂ ᠲᠧᠯᠸᠢᠰ ᠱᠠᠭᠠᠶᠢᠵᠤ ᠮᠡᠳᠡᠭᠡ ᠰᠤᠨᠤᠰᠬᠤ ᠬᠡᠷᠡᠭ ᠦᠭᠡᠢ᠂ ᠢᠳᠡᠵᠤ ᠤᠤᠭᠤᠬᠤ | ᠠᠴᠠ ᠡᠬᠢᠯᠡᠭᠡᠳ ᠰᠤᠷᠤᠯᠴᠠᠬᠤ ᠬᠦᠷᠲᠡᠯᠡ ᠪᠠᠨ ᠪᠦᠬᠦ ᠶᠠᠭᠤᠮᠠ ᠪᠠᠨ ᠪᠢᠳᠡ ᠭᠠᠭᠴᠠᠬᠠᠨ ᠭᠠᠷ ᠤᠲᠠᠰᠤ᠂ ᠸᠢᠴᠠᠲ | ᠪᠠᠷ ᠢᠶᠠᠨ ᠪᠡᠶᠡᠯᠡᠭᠦᠯᠵᠤ ᠪᠤᠯᠳᠠᠭ᠂ ᠡᠨᠡ ᠪᠦᠬᠦᠨ ᠢ ᠰᠠᠶᠢᠬᠠᠨ ᠢᠶᠠᠷ ᠬᠡᠯᠡᠪᠡᠯ ᠴᠠᠭ᠂ ᠵᠤᠭᠤᠰ ᠠᠷᠪᠢᠯᠠᠵᠤ ᠪᠠᠶᠢᠨᠠ | ᠭᠡᠵᠦ ᠬᠡᠯᠡᠵᠤ ᠪᠤᠯᠤᠨᠠ᠃ ᠭᠡᠲᠡᠯᠡ ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠡᠰᠡᠭ ᠶᠠᠭᠤᠮᠠ ᠳᠤᠲᠠᠭᠲᠠᠭᠠᠳ ᠪᠠᠶᠢᠭᠠ ᠪᠢᠰᠢ ᠤᠤ︖ | ᠡᠨᠡ ᠨᠢ ᠪᠢᠳᠠᠨ ᠳᠤ᠂ ᠨᠡᠶᠢᠬᠡᠮ ᠳᠤ ᠮᠠᠰᠢ ᠳᠦᠭᠦᠮ ᠪᠤᠯᠤᠭᠰᠠᠨ ᠨᠢ ᠭᠠᠷᠴᠠᠭᠠ ᠦᠭᠡᠢ ᠰᠠᠶᠢᠨ ᠲᠠᠯᠠ ᠶᠤᠮ᠃ | ᠭᠡᠪᠡᠴᠤ ᠨᠦᠭᠦᠭᠡ ᠲᠠᠯᠠ ᠪᠠᠷ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ ᠢᠶᠠᠷ ᠤᠶᠤᠨᠴᠢ ᠰᠡᠩᠬᠡᠬᠡᠷᠡᠯ ᠢ ᠤᠯᠬᠤ ᠭᠡᠵᠤ | ᠵᠢᠳᠬᠦᠭᠡᠳ᠂ ᠬᠠᠭᠤᠴᠢᠨ ᠤ ᠰᠢᠲᠦᠯᠭᠡ᠂ ᠮᠤᠬᠤᠷ ᠪᠢᠰᠢᠷᠡᠯ ᠢ ᠨᠠᠵᠠᠭᠠᠢ ᠳᠤ ᠲᠤᠭᠠᠴᠢᠵᠤ ᠲᠠᠶᠠᠭᠳᠠᠵᠤ ᠪᠠᠶᠢᠭᠠᠳ | ᠤᠳᠤ ᠪᠤᠯᠬᠤ ᠳᠤ ᠡᠷᠭᠢᠭᠡᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠮᠡᠷᠭᠡᠵᠢᠯ ᠤᠨ ᠭᠦᠨ ᠮᠤᠩᠬᠠᠷᠠᠯ ᠳᠤ ᠤᠷᠤᠭᠰᠠᠨ ᠭᠡᠯᠲᠡᠢ᠃ | ᠪᠢᠳᠡ ᠨᠢᠭᠡ ᠴᠠᠭ᠂ ᠨᠢᠭᠡ ᠮᠦᠴᠡ ᠳᠤ ᠭᠠᠷ ᠤᠳᠠᠰᠤ ᠦᠭᠡᠢ᠂ ᠸᠢᠴᠠᠲ ᠪᠠᠨ ᠨᠡᠭᠡᠭᠡᠬᠦ ᠦᠭᠡᠢ ᠪᠠᠶᠢᠵᠤ | ᠴᠢᠳᠠᠬᠤ ᠪᠠᠨ ᠪᠤᠯᠢᠯᠠ᠃ ᠪᠢᠳᠠᠨ ᠤ ᠤᠶᠤᠨ ᠲᠠᠷᠢᠬᠢ᠂ ᠦᠵᠡᠯ ᠪᠤᠳᠤᠯ ᠪᠦᠷ ᠸᠢᠴᠠᠲ ᠶᠢᠨ ᠵᠢᠵᠢᠭᠬᠡᠨ ᠴᠠᠭᠠᠷᠢᠭ | ᠠᠴᠠ ᠳᠠᠪᠠᠵᠤ ᠳᠡᠶᠢᠯᠬᠦ ᠪᠠᠨ ᠪᠠᠶᠢᠯᠠ᠃ ᠸᠢᠴᠠᠲ ᠪᠠᠶᠢᠬᠤ ᠦᠭᠡᠢ ᠦᠶᠡ ᠳᠤ ᠰᠦᠨᠡᠰᠦ ᠪᠠᠨ ᠭᠡᠭᠡᠭᠰᠡᠨ ᠠᠳᠠᠯᠢ | ᠡᠨᠡ ᠨᠢ ᠱᠠᠰᠢᠨ ᠤ ᠪᠢᠰᠢ ᠴᠦ ᠭᠡᠰᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠮᠤᠬᠤᠷ ᠪᠢᠰᠢᠷᠡᠯ ᠳᠤ ᠠᠪᠲᠠᠭᠲᠠᠭᠰᠠᠨ ᠭᠡᠵᠦ | ᠬᠡᠯᠡᠬᠦ ᠳᠤ ᠶᠠᠮᠠᠷ ᠴᠦ ᠪᠤᠷᠤᠭᠤ ᠦᠭᠡᠢ ᠶᠤᠮᠰᠢᠭ᠃ ᠡᠴᠢᠬᠡ ᠡᠬᠡ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠪᠠᠨ ᠢᠯᠡᠭᠦᠦ | ᠸᠢᠴᠠᠲ ᠢᠶᠠᠨ ᠠᠩᠬᠠᠷᠴᠤ ᠸᠢᠴᠠᠲ ᠲᠤ ᠪᠠᠨ ᠪᠠᠷᠢᠭᠳᠠᠵᠤ ᠶᠠᠪᠤᠭᠠ ᠤᠳᠤ ᠦᠶᠡ ᠶᠢᠨ ᠬᠦᠮᠦᠰ ᠲᠤ ᠰᠡᠭᠬᠡᠬᠡᠷᠡᠯ | ᠭᠡᠳᠡᠭ ᠴᠢᠨᠢ ᠡᠭᠦᠨ ᠠᠴᠠ ᠪᠠᠨ ᠵᠠᠶᠢᠳᠠᠵᠤ᠂ ᠭᠠᠷᠴᠤ ᠴᠢᠳᠠᠬᠤ ᠳᠤ ᠪᠠᠶᠢᠭᠠ ᠪᠢᠵᠡ᠃ | ᠠᠷᠪᠠᠨ ᠨᠢᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯ ᠬᠠᠭᠠᠰ ᠠᠴᠠ ᠡᠬᠢᠯᠡᠨ ᠪᠦᠬᠦ ᠨᠡᠶᠢᠬᠡᠮ᠂ ᠤᠯᠤᠰ ᠳᠠᠶᠠᠭᠠᠷ | ᠰᠢᠨᠡᠴᠢᠯᠡᠯ᠂ ᠰᠡᠩᠬᠡᠬᠡᠷᠡᠯ ᠳᠤ ᠤᠷᠤᠶᠠ ᠭᠡᠵᠤ ᠬᠦᠰᠡᠵᠤ ᠬᠦᠭᠡᠭᠡᠴᠡᠯᠳᠤᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠳᠡᠭᠡᠳᠦᠯᠡᠵᠤ | ᠪᠠᠶᠢᠭᠰᠠᠨ ᠪᠤᠯ ᠦᠨᠦᠳᠦᠷ ᠪᠤᠯᠬᠤ ᠳᠤ ᠠᠯᠲᠠ ᠮᠡᠲᠦ ᠴᠠᠭ ᠢ ᠮᠢᠨᠢ ᠭᠠᠵᠠᠷᠳᠠᠭᠤᠯᠵᠤ ᠪᠠᠶᠢᠳᠠᠭ ᠭᠠᠷ ᠤᠲᠠᠰᠤᠨ | ᠤ ᠸᠢᠴᠠᠲ ᠮᠡᠲᠦ ᠡᠯᠧᠭᠲᠷᠤᠨ ᠪᠤᠳᠠᠰ ᠤᠨ ᠮᠤᠩᠬᠠᠷᠠᠭᠤᠯᠤᠯ ᠠᠴᠠ ᠪᠠᠨ ᠭᠠᠷᠴᠤ ᠰᠡᠩᠬᠡᠬᠡᠷᠡᠯ ᠢᠶᠠᠨ ᠤᠯᠤᠮᠠᠷ | ᠪᠠᠶᠢᠨᠠ ᠭᠡᠵᠤ ᠤᠷᠢᠶᠠᠯᠠᠮᠠᠷ ᠪᠤᠳᠤᠭᠳᠠᠬᠤ ᠶᠤᠮ᠃ | ᠸᠢᠴᠠᠲ ᠲᠤ ᠤᠨᠠᠭᠰᠠᠨ ᠪᠳᠠᠨ ᠤ ᠠᠮᠢᠳᠤᠷᠠᠯ᠂ ᠪᠠᠶᠠᠯᠢᠭ ᠠᠴᠠ ᠪᠠᠨ ᠢᠯᠡᠭᠦᠦ ᠤᠶᠤᠲᠠᠨ ᠤ ᠭᠦᠨ | ᠨᠦᠬᠡᠨ ᠳᠤ ᠤᠨᠠᠭᠰᠠᠨ ᠪᠠᠶᠢᠨᠠ ᠭᠡᠵᠤ ᠦᠵᠡᠳᠡᠭ ᠢᠶᠠᠷ᠂ ᠡᠨᠡ ᠵᠠᠭᠤᠨ ᠳᠤ ᠪᠠᠰᠠ ᠰᠡᠩᠬᠡᠬᠡᠷᠡᠯ ᠰᠢᠨᠡᠴᠢᠯᠡᠯᠲᠡ | ᠬᠡᠷᠡᠭᠲᠠᠢ ᠪᠠᠶᠢᠨᠠ᠃ |