| ᠱ᠊᠂ ᠬᠦᠷᠦᠪᠠᠽᠠᠷ | ᠵᠡᠭᠦᠨ ᠠᠭᠤᠯᠠ ᠶᠢᠨ ᠰᠣᠯᠣᠩᠭᠠ ᠨᠢ | ᠪᠠᠷᠠᠭᠤᠨᠠ ᠲᠠᠲᠠᠭᠰᠠᠨ ᠴᠦ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ | ᠵᠡᠭᠦᠳᠦᠯᠡᠭᠡᠳ ᠰᠡᠷᠡᠬᠦ ᠳᠤ ᠡᠵᠢ ᠮᠢᠨᠢ | ᠳᠡᠷᠭᠡᠳᠡ ᠮᠢᠨᠢ ᠯᠠ ᠪᠠᠶᠢᠪᠠᠯ ᠵᠢᠷᠭᠠᠯᠲᠠᠢ | ᠡᠳᠦᠷ ᠡᠳᠦᠷ ᠤᠨ ᠠᠭᠠᠰᠢᠨ ᠳᠤᠨᠢ | ᠣᠬᠢᠯᠠᠵᠤ ᠳᠠᠭᠤᠯᠠᠬᠤ ᠮᠢᠨᠢ ᠴᠦ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ | ᠥᠮᠥᠯᠵᠡᠭᠰᠡᠨ ᠬᠤᠰᠢᠭᠤ ᠪᠠᠨ ᠪᠢ ᠡᠵᠢ ᠳᠡᠭᠡᠨ | ᠦᠨᠦᠷᠯᠡᠭᠦᠯᠵᠦ ᠯᠠ ᠪᠠᠶᠢᠪᠠᠯ ᠬᠦᠦ ᠨᠢ ᠵᠢᠷᠭᠠᠯᠲᠠᠢ | ᠳᠤᠲᠠᠭᠤ ᠲᠠᠢ᠂ ᠬᠠᠲᠠᠭᠤ ᠲᠠᠢ ᠬᠤᠷᠸᠠ ᠳᠤ | ᠪᠦᠲᠦᠨ ᠵᠢᠷᠭᠠᠭᠠ ᠦᠭᠡᠢ ᠴᠦ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ | ᠳᠠᠭᠤᠤ ᠶᠢᠨ ᠮᠦᠩᠬᠡ ᠵᠢᠨᠡᠬᠢᠯᠡᠬᠦ ᠰᠢᠭ ᠮᠢᠨᠤ ᠡᠵᠢ | ᠳᠡᠷᠭᠡᠳᠡ ᠮᠢᠨᠢ ᠯᠠ ᠪᠠᠶᠢᠪᠠᠯ ᠵᠢᠷᠭᠠᠯᠲᠠᠢ | ᠡᠭᠦᠳᠡᠨ ᠭᠤᠷᠪᠠᠨ ᠰᠠᠷᠠ ᠠᠴᠠ ᠨᠢ | ᠨᠢᠭᠡ ᠨᠢ ᠳᠣᠳᠠᠭᠰᠠᠨ ᠴᠦ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ | ᠦᠯᠢᠭᠡᠷ ᠤᠨ ᠲᠡᠭᠦᠰᠬᠡᠯ ᠰᠢᠭ ᠮᠢᠨᠤ ᠡᠵᠢ | ᠦᠷᠡ ᠳᠡᠭᠡᠨ ᠯᠠ ᠬᠠᠷᠠᠭᠳᠠᠵᠤ ᠪᠠᠶᠢᠪᠠᠯ ᠵᠢᠷᠭᠠᠯᠲᠠᠢ | ᠮᠢᠨᠤ ᠡᠵᠢ ᠮᠥᠩᠬᠡ ᠶᠢᠨ ᠡᠨᠡᠷᠢᠯ | ᠰᠠᠨᠠᠭᠠᠨ ᠳᠤ ᠮᠢᠨᠢ ᠭᠡᠶᠢᠭᠦᠭᠰᠡᠨ ᠨᠠᠷᠠᠨ ᠲᠡᠭᠷᠢ | ᠮᠢᠨᠤ ᠡᠵᠢ ᠮᠦᠩᠬᠡ ᠶᠢᠨ ᠡᠯᠪᠡᠷᠢᠯ | ᠨᠠᠷᠠᠨ ᠭᠠᠭᠴᠠᠭᠠᠷᠳᠠᠬᠤ ᠶᠢᠷᠲᠢᠨᠴᠦ᠂ ᠮᠢᠨᠤ ᠡᠵᠢ︕ |