ᠶᠠᠳᠠᠭᠤ ᠳᠤᠰᠬᠤᠨ ᠢ ᠪᠠᠶᠠᠵᠢᠯ ᠳᠤ ᠭᠦᠳᠦᠯᠦᠭᠰᠡᠨ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠦᠢᠯᠡᠰ — ᠵᠤᠤ | ᠹᠸᠢ ᠶᠢᠨ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠲᠡᠵᠢᠭᠡᠭᠦ ᠤᠨᠴᠠᠯᠢᠭᠳᠤ ᠦᠢᠯᠡ ᠠᠵᠢᠯᠯᠠᠭᠠ ᠠᠴᠠ | ᠶᠦᠨᠨᠠᠨ ᠮᠤᠵᠢ ᠶᠢᠨ ᠬᠤᠩ ᠾᠧ ᠵᠸᠤ ᠶᠢᠨ ᠴᠠᠨᠦ᠋ᠩ ᠳᠤᠰᠬᠤᠨ ᠤ ᠤᠯᠠᠩᠭᠢ ᠭᠠᠵᠠᠷ ᠨᠢ ᠪᠦᠷ | ᠠᠭᠤᠯᠠᠷᠬᠠᠭ ᠭᠠᠵᠠᠷ ᠪᠠᠶᠢᠵᠤ᠂ ᠳᠠᠯᠠ ᠭᠠᠵᠠᠷ ᠭᠡᠵᠤ ᠪᠠᠷᠤᠭ ᠦᠭᠡᠢ ᠪᠤᠯᠬᠤᠷ ᠳᠠᠷᠢᠶᠠ ᠳᠠᠷᠢᠬᠤ ᠳᠤ ᠳᠠᠮᠠᠢ | ᠳᠤᠭᠢᠷᠠᠳᠠᠭ ᠦᠭᠡᠢ᠃ ᠳᠤᠰ ᠳᠤᠰᠬᠤᠨ ᠤ 100 ᠭᠠᠷᠤᠢ ᠡᠷᠤᠭᠡ ᠶᠢᠨ ᠠᠮᠢᠳᠤᠷᠠᠯ ᠨᠢ ᠪᠦᠷ ᠭᠦᠴᠢᠷᠳᠡᠯᠳᠠᠢ | ᠪᠠᠶᠢᠵᠤ᠂ ᠳᠤᠰᠬᠤᠨ ᠤ ᠤᠯᠠᠩᠭᠢ ᠡᠷᠡᠭᠳᠠᠶᠢᠴᠤᠳ ᠨᠢ ᠪᠦᠷ ᠭᠠᠳᠠᠬᠰᠢ ᠭᠠᠷᠴᠤ ᠭᠦᠴᠦᠨ ᠤ ᠠᠵᠢᠯ ᠭᠢᠵᠤ | ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠳᠠᠭ ᠪᠠᠶᠢᠯᠠ᠃ ᠭᠡᠳᠡᠯᠡ ᠪᠤᠰᠤᠳ ᠭᠠᠵᠠᠷ ᠠᠴᠠ ᠡᠨᠡ ᠳᠤᠰᠬᠤᠨ ᠳᠤ ᠵᠤᠤ ᠹᠸᠢ | ᠭᠡᠳᠡᠭ ᠨᠢᠭᠡᠨ ᠪᠠᠷᠢ ᠮᠤᠷᠳᠠᠵᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠳᠤᠰ ᠳᠤᠰᠬᠤᠨ ᠳᠤ ᠰᠢᠨᠡ ᠨᠢᠭᠡᠨ ᠬᠤᠪᠢᠷᠠᠯᠳᠠ ᠶᠢ | ᠠᠪᠴᠢᠷᠠᠬᠰᠠᠨ ᠶᠤᠮ᠃ ᠳᠡᠷᠡ ᠦᠢᠯᠡᠰ ᠪᠤᠰᠬᠠᠬᠤ ᠪᠠᠷ ᠤᠯᠠᠨ ᠳᠠᠭᠢᠨ ᠴᠢᠷᠮᠠᠶᠢᠬᠰᠠᠨ ᠤ ᠡᠴᠤᠰ ᠲᠤ ᠭᠡᠭᠡᠷᠡ ᠶᠢᠨ | ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠦᠢᠯᠡᠰ ᠢ ᠭᠦᠭᠵᠢᠭᠦᠯᠦᠨ ᠦᠪᠡᠷ ᠢᠶᠠᠨ ᠪᠠᠶᠠᠵᠢᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠳᠤᠰᠬᠤᠨ ᠤ | ᠠᠷᠠᠳ ᠢᠶᠠᠨ ᠴᠤ ᠪᠠᠶᠠᠵᠢᠯ ᠤᠨ ᠵᠠᠮ ᠢᠶᠠᠷ ᠵᠠᠮᠨᠠᠭᠤᠯᠤᠬᠰᠠᠨ ᠪᠠᠶᠢᠨᠠ᠃ | 2008 ᠤᠨ ᠳᠤ ᠵᠤᠤ ᠹᠸᠢ ᠦᠪᠡᠷ ᠤᠨ ᠶᠠᠳᠠᠭᠤ ᠭᠦᠴᠢᠷᠳᠠᠯᠳᠠᠢ ᠠᠮᠢᠳᠤᠷᠠᠯ ᠢᠶᠠᠨ ᠬᠤᠪᠢᠷᠠᠭᠤᠯᠬᠤ ᠪᠠᠷ | ᠵᠤᠷᠢᠭ ᠰᠢᠭᠤᠳᠤᠨ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠳᠠᠯᠠᠪᠤᠷ ᠪᠠᠶᠢᠭᠤᠯᠵᠤ ᠳᠤᠰ ᠨᠤᠳᠤᠭ ᠤᠨ ᠭᠠᠭ᠋ᠠᠢ ᠪᠤᠯᠬᠤ ᠬᠠᠨᠢ ᠬᠠᠷᠠ | ᠭᠠᠭ᠋ᠠᠢ ᠶᠢ 100 ᠶᠢ ᠤᠷᠤᠭᠤᠯᠵᠤ ᠳᠡᠵᠢᠭᠡᠭᠰᠡᠨ ᠪᠠᠶᠢᠨᠠ᠃ ᠨᠢᠭᠡ ᠵᠢᠯ ᠤᠨ ᠳᠠᠷᠠᠭᠠ ᠳᠡᠷᠡ ᠡᠳᠡᠭᠡᠷ ᠭᠠᠭ᠋ᠠᠢ ᠪᠠᠨ | ᠬᠤᠳᠠᠯᠳᠤᠵᠤ 10 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠤᠬᠰᠠᠨ ᠪᠠᠶᠢᠨᠠ᠃ ᠵᠢᠯ ᠳᠡᠭᠡᠨ 10 ᠲᠦᠮᠡᠨ | ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠤᠨᠠ ᠭᠡᠳᠡᠭ ᠴᠢᠨᠢ ᠳᠤᠰ ᠳᠤᠰᠬᠤᠨ ᠳᠤ ᠠᠪᠴᠤ ᠭᠡᠯᠡᠪᠡᠯ ᠶᠤᠰᠤᠳᠠᠢ ᠶᠡᠭᠡ | ᠤᠷᠤᠯᠭᠠ ᠭᠡᠵᠤ ᠮᠡᠳᠡ᠃ ᠭᠡᠪᠡᠴᠤ ᠭᠠᠭ᠋ᠠᠢ ᠳᠡᠵᠢᠭᠡᠭᠡᠳ ᠡᠳᠤᠢ ᠶᠡᠭᠡ ᠤᠷᠤᠯᠭᠠ ᠤᠯᠤᠬᠰᠠᠨ ᠴᠤ ᠵᠤᠤ ᠹᠸᠢ | ᠬᠠᠷᠢᠨ ᠪᠠᠶᠠᠷᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠯᠠ᠃ ᠭᠦᠮᠦᠰ ᠳᠡᠭᠦᠨ ᠠᠴᠠ ︽ᠴᠢ ᠳᠡᠳᠤᠢ ᠶᠡᠭᠡ ᠤᠷᠤᠯᠭᠠ | ᠤᠯᠴᠢᠬᠠᠭᠠᠳ ᠶᠠᠭᠤᠨ ᠳᠤ ᠪᠠᠶᠠᠷᠯᠠᠬᠤ ᠦᠭᠡᠢ ᠪᠠᠶᠢᠭᠠ ᠪᠤᠢ︖︾ ᠭᠡᠭᠦ ᠳᠤ ᠳᠡᠷᠡ ︽ᠪᠢ ᠦᠪᠡᠷ ᠢᠶᠠᠨ ᠦᠢᠯᠡᠰ | ᠪᠤᠰᠬᠠᠨ ᠤᠷᠤᠯᠭᠠ ᠡᠭᠦᠳᠴᠤ ᠪᠠᠶᠢᠭᠠ ᠨᠢ ᠭᠠᠳᠠᠬᠰᠢ ᠭᠠᠷᠴᠤ ᠠᠵᠢᠯ ᠭᠢᠵᠤ ᠪᠠᠶᠢᠭᠠ ᠡᠷᠡ ᠨᠦᠭᠦᠷ ᠢᠶᠠᠨ ᠡᠷᠳᠡ | ᠨᠢᠭᠡ ᠡᠳᠤᠷ ᠬᠠᠷᠢᠵᠤ ᠢᠷᠡᠭᠦᠯᠭᠦ ᠶᠢᠨ ᠲᠦᠯᠦᠭᠡ ᠶᠤᠮ᠃ ᠭᠡᠳᠡᠯᠡ ᠳᠡᠷᠡ ᠦᠪᠡᠷ ᠤᠨ ᠠᠵᠢᠯ ᠭᠢᠵᠤ ᠪᠠᠶᠢᠭᠠ | ᠦᠢᠯᠡᠳᠪᠦᠷᠢ ᠳᠡᠭᠡᠨ ᠪᠠᠰᠠ ᠪᠠᠭᠠ ᠵᠡᠷᠭᠡ ᠳᠤᠰᠢᠶᠠᠯ ᠲᠠᠢ ᠪᠤᠯᠤᠬᠰᠠᠨ ᠠᠴᠠ ᠳᠡᠭᠦᠨ ᠤ ᠵᠢᠯ ᠳᠡᠭᠡᠨ ᠤᠯᠬᠤ | ᠤᠷᠤᠯᠭᠠ ᠨᠢ ᠨᠠᠳᠠ ᠠᠴᠠ ᠢᠯᠡᠭᠦᠦ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠳᠡᠷᠡ ᠪᠠᠰᠠ ᠬᠠᠷᠢᠵᠤ ᠢᠷᠡᠬᠦ ᠳᠤᠷᠠ ᠦᠭᠡᠢ ᠪᠠᠶᠢᠬᠰᠠᠭᠠᠷ | ︾ ᠭᠡᠳᠡᠭ ᠪᠠᠶᠢᠯᠠ᠃ ︽ᠡᠷᠡ ᠨᠦᠭᠦᠷ ᠢᠶᠠᠨ ᠡᠷᠳᠡ ᠨᠢᠭᠡ ᠡᠳᠤᠷ ᠨᠤᠳᠤᠭ ᠪᠤᠴᠠᠭᠤᠯᠵᠤ ᠨᠢᠭᠡ ᠭᠡᠷ | ᠪᠦᠯᠢ ᠪᠠᠷ ᠢᠶᠠᠨ ᠵᠤᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠶᠠ ᠭᠡᠪᠡᠯ ᠡᠷᠭᠡᠪᠰᠢ ᠳᠡᠭᠦᠨ ᠠᠴᠠ ᠢᠯᠡᠭᠦᠦ ᠤᠷᠤᠯᠭᠠ ᠤᠯᠬᠤ | ᠭᠡᠷᠡᠭᠳᠠᠢ︾ ᠭᠡᠳᠡᠭ ᠪᠤᠯ ᠵᠤᠤ ᠹᠸᠢ ᠶᠢᠨ ᠪᠤᠳᠤᠯ᠃ ᠢᠡᠭᠭᠢᠭᠡᠳ ᠳᠡᠷᠡ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠦᠢᠯᠡᠰ ᠠᠴᠠ ᠪᠠᠨ ᠨᠡᠩ | ᠶᠡᠭᠡ ᠠᠰᠢᠬ ᠤᠷᠤᠯᠭᠠ ᠤᠯᠬᠤ ᠶᠢᠨ ᠲᠦᠯᠦᠭᠡ ᠰᠤᠷᠤᠯᠴᠠᠯᠭᠠ ᠪᠤᠯᠪᠠᠰᠤᠷᠠᠯ ᠳᠤ ᠢᠯᠡᠭᠦᠭᠡᠨ ᠤᠷᠤᠯᠴᠠᠬᠤ | ᠵᠡᠷᠭᠡ ᠪᠠᠷ ᠦᠪᠡᠷ ᠤᠨ ᠮᠡᠳᠡᠯᠭᠡ ᠪᠠᠨ ᠨᠡᠮᠡᠭᠳᠡᠭᠦᠯᠭᠦ ᠪᠡ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠰᠤᠷᠠᠭ ᠵᠠᠩᠭᠢ ᠶᠢ ᠤᠯᠳᠠᠭ ᠪᠠᠶᠢᠯᠠ᠃ | ᠨᠢᠭᠡ ᠤᠳᠠᠭᠠ ᠳᠡᠷᠡ ᠰᠤᠷᠤᠯᠴᠠᠯᠭᠠ ᠳᠤ ᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠨ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠳᠡᠵᠢᠭᠡᠪᠡᠯ ᠤᠯᠬᠤ | ᠠᠰᠢᠬ ᠤᠷᠤᠯᠭᠠ ᠨᠢ ᠡᠩ ᠤᠨ ᠭᠠᠭ᠋ᠠᠢ ᠳᠡᠵᠢᠭᠡᠭᠰᠡᠨ ᠠᠴᠠ 10 ᠳᠠᠭᠢᠨ ᠢᠯᠡᠭᠦᠦ ᠪᠠᠶᠢᠳᠠᠭ ᠭᠡᠰᠡᠨ ᠢ ᠮᠡᠳᠡᠭᠰᠡᠨ ᠤ | ᠳᠠᠷᠠᠭᠠ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠪᠠᠷ ᠵᠤᠷᠢᠭ ᠰᠢᠭᠤᠳᠴᠤ᠂ ᠪᠤᠰᠤᠳ ᠭᠠᠵᠠᠷ ᠢᠶᠠᠷ ᠭᠦᠷᠴᠤ ᠭᠡᠭᠡᠷᠡ ᠶᠢᠨ | ᠭᠠᠭ᠋ᠠᠢ ᠳᠡᠵᠢᠭᠡᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠦᠵᠡᠭᠰᠡᠨ ᠤ ᠪᠠᠨ ᠳᠠᠷᠠᠭᠠ 26 ᠮᠦ ᠭᠠᠵᠠᠷ ᠳᠠᠭᠠᠭᠠᠴᠢᠯᠠᠨ ᠠᠪᠴᠤ᠂ | ᠭᠠᠳᠠᠨᠠ ᠠᠴᠠ 160 ᠭᠠᠷᠤᠢ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠤᠷᠤᠭᠤᠯᠵᠤ ᠠᠪᠴᠢᠷᠠᠬᠰᠠᠨ ᠪᠠᠶᠢᠨᠠ᠃ ᠳᠡᠭᠦᠨ ᠤ ᠡᠷᠡ | ᠨᠦᠭᠦᠷ ᠨᠢ ᠨᠢᠭᠡ ᠤᠳᠠᠭᠠ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠭᠡᠳ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠵᠡᠷᠯᠢᠭ ᠪᠠᠶᠢᠵᠤ᠂ | ᠬᠤᠭᠤᠷᠤᠨᠳᠤ ᠪᠠᠨ ᠵᠤᠳᠤᠯᠳᠤᠵᠤ ᠨᠤᠴᠤᠯᠳᠤᠬᠤ ᠨᠢ ᠴᠤ ᠭᠡᠴᠡᠭᠦᠦ ᠪᠠᠶᠢᠳᠠᠭ ᠪᠤᠯᠬᠤᠷ ᠨᠢᠭᠡ ᠡᠮᠡᠭᠳᠠᠢ ᠭᠦᠮᠦᠨ | ᠳᠡᠭᠦᠨ ᠢ ᠳᠡᠵᠢᠭᠡᠨᠡ ᠭᠡᠳᠡᠭ ᠮᠦᠨ ᠭᠡᠴᠡᠭᠦᠦ ᠭᠡᠮᠡᠨ ᠪᠤᠳᠤᠭᠠᠳ ᠨᠤᠳᠤᠭ ᠲᠠᠭᠠᠨ ᠦᠯᠡᠳᠡᠵᠤ ᠪᠦᠰᠡᠭᠦᠢ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠪᠠᠷ ᠵᠤᠷᠢᠭ ᠰᠢᠭᠤᠳᠴᠠᠢ᠃ ᠨᠦᠭᠦᠷ ᠨᠢ ᠳᠡᠭᠦᠨ ᠢ ᠬᠠᠪᠰᠤᠷᠬᠤ ᠪᠠᠷ | ᠪᠤᠯᠤᠬᠰᠠᠨ ᠳᠤ ᠵᠤᠤ ᠹᠸᠢ ᠶᠢᠨ ᠢᠳᠡᠭᠡᠯ ᠵᠤᠷᠢᠭ ᠤᠯᠠᠮ ᠭᠦᠪᠴᠢᠯᠡᠭᠳᠡᠨ ᠳᠡᠷᠡ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠳᠠᠯᠠᠪᠤᠷ ᠢᠶᠠᠨ | ᠨᠦᠭᠦᠷ ᠲᠡᠭᠡᠨ ᠳᠤᠰᠢᠶᠠᠵᠤ ᠦᠭᠭᠦᠭᠰᠡᠨ ᠤ ᠳᠠᠷᠠᠭᠠ ᠦᠪᠡᠷ ᠢᠶᠠᠨ ᠳᠠᠷᠢᠶᠠᠴᠢᠨ ᠠᠶᠢᠯ ᠢᠶᠠᠷ ᠳᠤᠭᠤᠷᠢᠵᠤ ᠬᠤᠪᠤᠷ | ᠴᠤᠬᠠᠭ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠡᠷᠢᠵᠤ ᠶᠠᠪᠤᠵᠠᠢ᠃ ᠭᠤᠷᠪᠠᠨ ᠰᠠᠷᠠ ᠭᠠᠷᠤᠢ ᠡᠷᠢᠵᠤ ᠪᠠᠶᠢᠭᠠᠳ ᠳᠡᠷᠡ ᠶᠦᠨᠨᠠᠨ | ᠮᠤᠵᠢ ᠶᠢᠨ ᠨᠢᠭᠡᠨ ᠪᠤᠶᠢᠳᠠ ᠳᠤᠰᠬᠤᠨ ᠠᠴᠠ ︽ᠳ᠋ᠢᠶᠠᠨ ᠨᠠᠨ ᠵᠢᠵᠢᠭ ᠴᠢᠭᠢᠳᠤ ᠭᠠᠭ᠋ᠠᠢ︾ ᠭᠡᠳᠡᠰᠤ ᠨᠢ ᠪᠦᠳᠦᠭᠦᠨ | ᠴᠢᠭᠢ ᠨᠢ ᠪᠠᠭᠠ ᠭᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠶᠢ ᠤᠯᠵᠤ ᠠᠪᠤᠬᠰᠠᠨ ᠪᠠᠶᠢᠯᠠ᠃ ᠳᠡᠷᠡ ᠡᠶᠢᠮᠤ ᠭᠠᠭ᠋ᠠᠢ ᠶᠢ ᠲᠦᠷᠪᠡ ᠶᠢ | ᠤᠯᠵᠤ ᠠᠪᠤᠭᠠᠳ ᠦᠪᠡᠷ ᠤᠨ ᠭᠠᠭ᠋ᠠᠢ ᠲᠠᠢ ᠪᠠᠨ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ 2012 ᠤᠨ ᠤ 2 ᠳ᠋ᠤᠭᠠᠷ | ᠰᠠᠷᠠ ᠳᠤ ᠠᠩᠬᠠᠨ ᠤ ᠪᠦᠯᠦᠭ ᠡᠷᠯᠢᠰᠡ ᠲᠤᠷᠤᠢ ᠨᠢ ᠭᠠᠷᠤᠬᠰᠠᠨ ᠳᠤ ᠳᠡᠷᠡ ᠶᠡᠭᠡᠳᠡ ᠪᠠᠶᠠᠷᠯᠠᠵᠠᠢ᠃ ᠳᠡᠷᠡ | ᠭᠠᠭ᠋ᠠᠢ ᠶᠢᠨ ᠰᠦᠷᠦᠭ ᠤᠨ ᠢᠶᠠᠨ ᠵᠡᠷᠯᠢᠭ ᠴᠢᠨᠠᠷ ᠢ ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠡᠳᠤᠷ ᠨᠢ ᠭᠡᠭᠡᠷᠡ ᠠᠪᠠᠴᠢᠵᠤ | ᠬᠠᠷᠢᠭᠤᠯᠤᠨ ᠤᠷᠤᠢ ᠨᠢ ᠠᠪᠴᠢᠷᠠᠵᠤ ᠬᠤᠷᠢᠳᠠᠭ᠃ ᠭᠡᠳᠡᠯᠡ ᠡᠨᠡ ᠦᠶᠡ ᠳᠤ ᠬᠠᠷᠢᠨ ᠬᠠᠴᠢᠨ ᠰᠤᠨᠢᠨ ᠤᠴᠢᠷ | ᠭᠠᠷᠴᠤ᠂ ᠲᠤᠷᠤᠢ ᠨᠢ ᠶᠠᠮᠠᠷ ᠴᠤ ᠤᠴᠢᠷ ᠰᠢᠯᠳᠠᠭᠠᠨ ᠦᠭᠡᠢ ᠪᠠᠷ ᠠᠯᠠᠭᠠ ᠪᠤᠯᠴᠢᠬᠠᠪᠠ᠃ ᠪᠢᠴᠢᠬᠠᠨ ᠳᠤᠷᠤᠢ | ᠶᠠᠭᠠᠭᠢᠭᠠᠳ ᠠᠯᠠᠭᠠ ᠪᠤᠯᠴᠢᠬᠠᠪᠠ︖ ᠳᠡᠷᠡ ᠡᠭᠦᠨ ᠤ ᠰᠢᠯᠳᠠᠭᠠᠨ ᠢ ᠤᠯᠬᠤ ᠶᠢᠨ ᠳᠤᠰᠠᠳᠠ 4 ᠳ᠋ᠤᠭᠡᠷ ᠰᠠᠷᠠ ᠳᠤ | ᠨᠢᠭᠡᠨ ᠮᠡᠭᠡᠵᠢ ᠨᠢ ᠵᠤᠯᠵᠠᠭᠠᠯᠠᠬᠰᠠᠨ ᠤ ᠳᠠᠷᠠᠭᠠ ᠳᠡᠷᠡ ᠠᠭᠤᠯᠠᠨ ᠳᠤ ᠭᠠᠭ᠋ᠠᠢ ᠪᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠬᠤ | ᠳᠤᠮᠳᠠ ᠪᠠᠨ ᠰᠡᠮᠡᠭᠡᠷ ᠭᠡᠳᠡᠵᠤ ᠪᠠᠶᠢᠭᠠᠳ ᠦᠷᠡ ᠶᠢᠨ ᠭᠠᠭ᠋ᠠᠢ ᠨᠢ ᠵᠤᠯᠵᠠᠭᠠ ᠪᠠᠨ ᠪᠠᠷᠢᠵᠤ ᠢᠳᠡᠵᠤ ᠪᠠᠶᠢᠬᠤ ᠶᠢ | ᠤᠯᠵᠤ ᠮᠡᠳᠡᠵᠠᠢ᠃ ᠳᠡᠭᠡᠭᠡᠳ ᠳᠡᠷᠡ ᠵᠤᠯᠵᠠᠭᠠ ᠪᠠᠨ ᠬᠤᠴᠤᠷᠭᠠᠨ ᠨᠡᠯᠢᠶᠡᠳ ᠳᠤᠮᠤ ᠪᠤᠯᠤᠬᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ | ᠪᠦᠳᠦᠭᠦᠨ ᠭᠠᠭ᠋ᠠᠢ ᠲᠠᠢ ᠴᠤᠭ ᠭᠡᠭᠡᠷᠡ ᠬᠠᠷᠢᠭᠤᠯᠳᠠᠭ ᠪᠤᠯᠤᠬᠰᠠᠨ ᠠᠴᠠ ᠳᠠᠭᠢᠵᠤ ᠲᠤᠷᠤᠢ ᠪᠠᠨ ᠪᠠᠷᠢᠵᠤ ᠢᠳᠡᠭᠦ | ᠦᠵᠡᠭᠳᠡᠯ ᠭᠠᠷᠤᠬᠰᠠᠨ ᠦᠭᠡᠢ ᠪᠢᠯᠡ᠃ | 2013 ᠤᠨ ᠳᠤ ᠳᠡᠷᠡ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠭᠠᠭ᠋ᠠᠢ ᠪᠠᠨ ᠪᠤᠷᠤᠯᠠᠭᠤᠯᠬᠤ ᠳᠤ ᠤᠯᠠᠨ ᠠᠷᠪᠢᠨ | ᠬᠤᠳᠠᠯᠳᠤᠭᠠᠴᠢᠳ ᠢᠷᠡᠵᠤ᠂ ᠳᠡᠳᠡᠨ ᠲᠠᠢ ᠭᠡᠷᠡ ᠳᠤᠬᠳᠠᠨ ᠬᠤᠳᠠᠯᠳᠤᠵᠤ ᠠᠪᠤᠬᠰᠠᠨ ᠠᠴᠠ ᠳᠡᠷᠡ ᠡᠨᠡ ᠵᠢᠯ 80 | ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠤᠬᠰᠠᠨ ᠪᠠᠶᠢᠨᠠ᠃ ᠳᠡᠭᠦᠨ ᠤ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠭᠠᠭ᠋ᠠᠢ ᠶᠢᠨ ᠮᠢᠬᠠ ᠨᠢ | ᠰᠠᠶᠢᠬᠠᠨ ᠠᠯᠠᠬᠯᠠᠬᠰᠠᠨ ᠪᠠᠶᠢᠳᠠᠭ ᠪᠤᠯᠬᠤᠷ ᠭᠠᠭ᠋ᠠᠢ ᠶᠢᠨ ᠮᠢᠬᠠ ᠰᠢᠷᠠᠵᠤ ᠢᠳᠡᠭᠦ ᠳᠤᠷᠠᠳᠠᠢ ᠶᠦᠨᠨᠡᠨ ᠤᠷᠤᠨ ᠤ | ᠭᠦᠮᠦᠰ ᠤᠨ ᠦᠨᠦᠷ ᠠᠮᠳᠠ ᠳᠤ ᠶᠠᠬ ᠳᠠᠭᠠᠷᠠᠬᠰᠠᠨ ᠪᠠᠶᠢᠯᠠ᠃ ᠳᠡᠷᠡ ᠭᠠᠭ᠋ᠠᠢ ᠳᠡᠵᠢᠭᠡᠭᠦ ᠪᠠᠶᠠᠵᠢᠯ ᠤᠨ ᠵᠠᠮ ᠢ | ᠨᠡᠭᠡᠭᠡᠭᠰᠡᠨ ᠤ ᠪᠠᠨ ᠳᠠᠷᠠᠭᠠ ᠳᠤᠰᠬᠤᠨ ᠤ ᠪᠠᠨ ᠠᠷᠠᠳ ᠢ ᠳᠠᠶᠢᠴᠢᠯᠠᠨ ᠳᠠᠭᠠᠭᠤᠯᠵᠤ ᠬᠤᠷᠰᠢᠶᠠᠵᠢᠯ ᠪᠠᠶᠢᠭᠤᠯᠤᠨ | ᠬᠠᠮᠳᠤ ᠪᠠᠷ ᠪᠠᠶᠠᠵᠢᠯ ᠤᠨ ᠵᠠᠮ ᠢ ᠵᠠᠮᠨᠠᠵᠤ ᠶᠠᠪᠤᠨᠠ᠃ | ︵︽ᠲᠦᠪ ᠲᠧᠯᠸᠢᠰ ᠤᠨ ᠲᠤᠤᠷ ᠰᠦᠯᠵᠢᠶᠡ︾ ᠠᠴᠠ ᠢᠷᠭᠤᠢ ᠤᠷᠴᠢᠭᠤᠯᠤᠨ ᠠᠪᠤᠪᠠ︶ |