ᠪᠠᠶᠠᠨᠰᠠᠩ | | ᠬᠠᠶᠢᠯᠠᠰᠦ ᠶᠢᠨ ᠠᠭᠤᠯᠠᠨ ᠠᠴᠠ ᠵᠡᠭᠦᠨ ᠡᠮᠤᠨᠡᠰᠢ᠂ ᠰᠢᠷᠠ ᠮᠦᠷᠡᠨ ᠤ ᠡᠮᠤᠨᠡ ᠪᠡᠶᠡ ᠪᠠᠷ ᠨᠢᠭᠡᠨ | ᠵᠤᠷᠪᠤᠰ ᠲᠠᠳᠠᠮᠠᠯ ᠭᠤᠤᠯ ᠳᠤᠯᠭᠢᠶᠠᠯᠠᠨ ᠤᠷᠤᠰᠴᠦ ᠪᠠᠶᠢᠳᠠᠭ᠃ ᠡᠨᠡ ᠭᠤᠤᠯ ᠢ ᠮᠠᠨ ᠤ ᠨᠤᠳᠤᠭ ᠶᠢᠨ ᠬᠢᠨ ᠵᠢᠷᠭᠠᠯ | ᠤᠨ ᠭᠤᠤᠯ ᠬᠡᠮᠡᠨ ᠲᠠᠭᠤᠳᠠᠵᠠᠭᠠᠳᠠᠭ ᠰᠠᠨ᠃ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠭᠠᠵᠠᠷ ᠤᠨ | ᠵᠢᠷᠤᠭ ᠴᠢᠨᠠᠭᠰᠢᠯᠠᠨ ᠤᠡᠭᠨᠢᠭᠤᠳ ᠬᠤᠰᠢᠭᠤᠨ ᠤ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠬᠡᠷᠡ ᠴᠦ ᠡᠷᠢᠭᠡᠳ ᠤᠯᠬᠤ ᠦᠭᠡᠢ | ᠪᠠᠶᠢᠳᠠᠭ᠃ ᠭᠡᠳᠡᠯᠡ ᠮᠢᠨᠤ ᠪᠤᠳᠤᠯ ᠰᠡᠳᠭᠢᠯ᠂ ᠮᠠᠨ ᠤ ᠨᠤᠳᠤᠭ ᠤᠨ ᠬᠦᠮᠦᠨ ᠠᠷᠠᠳ ᠤᠨ ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ | ᠳᠤ ᠠᠯᠠᠭᠠᠨ ᠤ ᠬᠢᠨᠢ ᠵᠢᠷᠤᠭᠠᠰᠤ᠂ ᠠᠭᠤᠰᠬᠢ ᠵᠢᠷᠤᠬᠡᠨ ᠤ ᠬᠢᠨᠢ ᠰᠤᠳᠠᠰᠤ ᠰᠢᠭ᠋ ᠡᠭᠦᠷᠢᠳᠡ ᠳᠤᠳᠤᠷᠬᠠᠢ ᠪᠠᠶᠢᠳᠠᠭ᠃ | | ᠵᠢᠷᠭᠠᠯ ᠤᠨ ᠭᠤᠤᠯ ᠪᠤᠯ ᠬᠠᠶᠢᠯᠠᠰᠤ ᠶᠢᠨ ᠠᠭᠤᠯᠠ᠂ ᠪᠠᠭᠠᠷᠢᠨ ᠬᠠᠯᠵᠠᠨ ᠬᠤᠶᠠᠷ ᠠᠭᠤᠯᠠᠨ ᠤ | ᠬᠤᠭᠤᠷᠤᠨᠳᠤᠬᠢ ᠰᠢᠷᠠ ᠮᠦᠷᠡᠨ ᠠᠴᠠ ᠡᠬᠢ ᠠᠪᠴᠦ᠂ ᠮᠠᠨᠳᠤᠬᠤ ᠨᠠᠷᠠᠨ ᠢ ᠴᠢᠭᠯᠡᠨ ᠰᠢᠷᠠ ᠮᠦᠷᠡᠨ ᠤ ᠡᠮᠤᠨᠡ | ᠳᠡᠨᠵᠢ ᠶᠢᠨ ᠵᠤ ᠲᠠᠯᠠᠩ ᠤᠨ ᠲᠡᠭᠡᠭᠦᠷ᠂ ᠪᠦᠷᠢᠳᠤᠨ ᠳᠠᠯᠠ᠂ ᠲᠠᠩᠭᠤᠳ ᠤᠨ ᠳᠠᠯᠠ᠂ ᠰᠠᠶᠢᠬᠠᠨ ᠳᠠᠯᠠ᠂ ᠪᠠᠶᠠᠨ | ᠳᠠᠯᠠ ᠶᠢᠨ ᠠᠷᠤ ᠬᠦᠪᠡᠭᠡ ᠶᠢ ᠲᠠᠭᠠᠨ ᠤᠷᠤᠰᠴᠤ᠂ ᠪᠠᠶᠠᠡᠳᠣᠬᠤᠢ ᠰᠤᠮᠤ ᠶᠢᠨ ᠵᠡᠭᠦᠨ ᠬᠢᠵᠠᠭᠠᠷ ᠳᠤ ᠬᠦᠷᠤᠭᠡᠳ | ᠰᠢᠷᠠ ᠮᠦᠷᠡᠨ ᠪᠠ ᠯᠤᠤᠬᠠ ᠶᠢᠨ ᠭᠤᠤᠯ ᠤᠨ ᠨᠡᠶᠢᠯᠡᠭᠰᠡᠨ ᠠᠴᠠ ᠰᠠᠯᠠᠭᠠ ᠶᠢᠨ ᠳᠡᠭᠡᠷᠡ ᠳᠠᠯᠠ ᠳᠤ ᠯᠤᠤᠬᠠ ᠶᠢᠨ | ᠭᠤᠤᠯ ᠳᠤ ᠴᠢᠳᠬᠤᠳᠠᠭ᠃ ᠶᠠᠭ ᠯᠠ ᠨᠢᠭᠡᠨ ᠬᠤᠸᠠ ᠰᠢᠷᠭᠠ ᠠᠭᠳᠠ ᠬᠦᠯᠤᠭ᠌ ᠠᠯᠤᠰ ᠬᠤᠯᠠ ᠠᠴᠠ ᠠᠮᠠᠭᠠᠢ | ᠰᠤᠩᠭᠠᠨ ᠲᠡᠯᠡᠮᠡᠭᠦᠯᠦᠨ ᠵᠢᠷᠤᠭᠠᠯᠠᠭᠰᠠᠭᠠᠷ ᠢᠷᠡᠵᠤ ᠰᠦᠷᠤᠭ᠌ ᠠᠳᠤᠭᠤᠨ ᠳᠠᠭᠠᠨ ᠨᠡᠶᠢᠯᠡᠭᠰᠡᠨ ᠠᠳᠠᠯᠢ ᠶᠤᠮ᠃ | ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠤᠰᠤ ᠨᠢ ᠳᠠᠪᠠᠯᠭᠠᠨ ᠬᠠᠶᠠᠯᠠᠨ ᠳᠤᠭᠰᠢᠷᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠲᠦᠯᠭᠡᠬᠡᠨ | ᠳᠤᠯᠭᠢᠶᠠᠯᠠᠨ ᠤᠷᠤᠰᠴᠦ ᠯᠠ ᠪᠠᠶᠢᠳᠠᠭ ᠰᠠᠨ᠃ ᠪᠢ ᠠᠷᠤ ᠲᠡᠨᠵᠢᠨ ᠳᠤ ᠨᠢ ᠲᠦᠷᠤᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ | ᠵᠢᠷᠭᠠᠯ ᠤᠨ ᠭᠤᠤᠯ ᠨᠢ ᠮᠠᠨᠠᠶᠢᠬᠢᠨ ᠤ ᠡᠭᠦᠳᠡ ᠭᠠᠷᠤᠮᠠᠭᠴᠠ ᠲᠤᠭᠤᠯᠵᠤ ᠭᠡᠳᠤᠯᠬᠦ ᠭᠤᠤᠯ ᠪᠤᠯᠵᠤ ᠪᠢᠯᠡ᠃ ᠠᠷᠠᠳ | ᠤᠨ ᠨᠢᠭᠡᠳᠤᠯ ᠳᠡᠭᠡᠷᠡ ᠪᠠᠶᠢᠬᠤ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ᠂ ᠠᠮᠤ ᠪᠤᠳᠠᠭᠠ ᠶᠢᠨ ᠦᠷᠳᠡᠭᠡ᠂ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠ᠂ ᠠᠩᠬᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠡᠭᠡᠯᠵᠢ ᠶᠢᠨ ᠮᠠᠰᠢᠨ ᠲᠡᠷᠭᠡᠨ ᠦᠷᠳᠡᠭᠡ ᠵᠡᠷᠭᠡ ᠭᠠᠵᠠᠷ ᠲᠤ ᠤᠴᠢᠬᠤ | ᠪᠤᠯᠭᠠᠨ ᠳᠤ᠂ ᠠᠯᠢ ᠬᠤᠵᠢᠮ ᠨᠢ ᠠᠵᠢᠯ ᠳᠤ ᠭᠠᠷᠴᠦ᠂ ᠠᠷᠤ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠦᠷᠢ ᠬᠦᠯ ᠨᠢᠴᠤᠬᠦᠨ ᠢᠶᠠᠷ᠂ | ᠬᠦᠯᠤᠭ᠌ ᠮᠤᠷᠢ ᠪᠠᠷ᠂ ᠬᠦᠷᠳᠤᠳᠤ ᠲᠡᠷᠭᠡ ᠪᠠᠷ ᠬᠡᠴᠢᠨᠡᠨᠤᠳᠠᠭᠠ ᠲᠤᠭᠤᠯᠵᠤ ᠭᠡᠳᠤᠯᠤᠭ᠍ᠰᠠᠨ ᠦᠭᠡᠢ ᠪᠤᠢ︕ | ᠵᠢᠷᠭᠠᠯ ᠤᠨ ᠭᠤᠤᠯ ᠮᠢᠨᠢ᠂ ᠦᠨᠤᠳᠤᠷ ᠪᠢ ᠠᠷᠦ ᠭᠡᠷ ᠲᠡᠭᠡᠨ ᠪᠠᠶᠢᠭᠠ ᠨᠠᠰᠤᠳᠠᠨ ᠪᠤᠭᠤᠷᠤᠯ ᠡᠵᠢ ᠪᠠᠨ | ᠦᠵᠡᠬᠦ ᠪᠠᠷ ᠤᠴᠢᠬᠤ ᠵᠠᠮ ᠳᠤ ᠪᠠᠨ ᠴᠢᠨᠤ ᠬᠦᠪᠡᠭᠡᠨ ᠳᠡᠭᠡᠷᠡ ᠬᠦᠷᠴᠦ ᠢᠷᠡᠭᠡᠳ ᠵᠤᠭᠰᠤᠵᠤ ᠪᠠᠶᠢᠨᠠ᠃ ᠡᠵᠢ | ᠶᠢᠨ ᠮᠢᠨᠢ ᠦᠷᠴᠢᠯᠡᠬᠡᠰᠣᠳᠡᠢ ᠴᠢᠷᠠᠢ ᠲᠦᠯᠭᠡᠨ ᠲᠤᠯᠭᠢᠶᠠᠯᠠᠬᠤ ᠤᠰᠤᠨ ᠳᠤ ᠴᠢᠨᠢ ᠦᠵᠡᠭᠳᠡᠵᠤ ᠪᠠᠶᠢᠭᠠ ᠴᠤ ᠬᠡᠮᠡᠷ᠃ | ᠡᠵᠢ ᠮᠢᠨᠢ ᠵᠠᠯᠠᠭᠤ ᠽᠠᠨᠳᠠᠨ ᠦᠶᠡ ᠳᠤ ᠪᠠᠨ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠮᠠᠯᠳᠠᠨ ᠨᠡᠪᠳᠡᠷᠡᠭᠦᠯᠬᠦ ᠠᠵᠢᠯ ᠳᠤ ᠭᠤᠷᠪᠠᠨ | ᠵᠢᠯ ᠳᠠᠷᠠᠭᠠᠯᠠᠨ ᠤᠷᠤᠯᠴᠠᠯᠠ ᠭᠡᠳᠡᠭ᠃ ᠭᠡᠴᠡᠭᠦᠤ ᠯᠡ ᠵᠦᠳᠡᠷᠡᠯᠡ ᠭᠡᠰᠡᠨ ᠶᠤᠮ᠃ ᠭᠤᠴᠢᠭᠠᠳ ᠵᠢᠯ ᠤᠨ ᠡᠮᠤᠨᠡ | ᠪᠠᠶᠢᠵᠤ ᠳ᠋ᠠ᠂ ᠡᠵᠢ ᠮᠢᠨᠢ ᠪᠠᠰᠠ ᠠᠮᠤ ᠪᠤᠳᠠᠭᠠᠨ ᠤ ᠦᠷᠳᠡᠭᠡᠨ ᠠᠴᠠ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠠᠷᠪᠠᠨ ᠵᠢᠩ | ᠴᠠᠭᠠᠨ ᠭᠤᠯᠢᠷ ᠢᠶᠠᠨ ᠳᠡᠷᠭᠡᠨ ᠳᠤ ᠪᠠᠨ ᠳᠡᠭᠡᠭᠡᠪᠡᠯ ᠭᠤᠤᠯ ᠤᠨ ᠤᠰᠤᠨ ᠳᠤ ᠨᠤᠷᠴᠢᠬᠠᠬᠤ ᠠᠴᠠ ᠠᠶᠤᠭᠠᠳ ᠦᠪᠡᠷ | ᠢᠶᠠᠨ ᠮᠦᠷᠤᠪᠴᠢᠯᠡᠨ ᠡᠭᠦᠷᠴᠦ ᠠᠷᠠᠯ ᠳᠠᠪᠠᠭᠰᠠᠨ ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠤᠰᠤ ᠶᠢ ᠲᠤᠭᠤᠯᠵᠤ ᠭᠠᠷᠤᠯᠠ ᠭᠡᠳᠡᠭ᠃ | ᠬᠦᠭᠡᠷᠤᠭᠦᠢ︕ ᠠᠪᠦ ᠮᠢᠨᠢ ᠠᠷᠪᠠᠨ ᠬᠡᠳᠤᠳᠠᠢ ᠨᠠᠮᠠ ᠶᠢ ᠠᠷᠤ ᠳᠠᠭᠠᠨ ᠡᠭᠦᠷᠴᠦ ᠡᠪᠦᠳᠦᠭ ᠳᠠᠪᠠᠭᠰᠠᠨᠵᠢᠷᠭᠠᠯ ᠤᠨ | ᠭᠤᠤᠯ ᠤᠨ ᠬᠦᠢᠳᠡᠨ ᠤᠰᠤ ᠶᠢ ᠳᠤᠭᠤᠯᠵᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠭᠦᠷᠭᠡᠵᠤ ᠦᠭᠭᠦᠭᠡᠳ ᠦᠶᠡ ᠬᠡᠰᠢᠭᠦᠤ | ᠶᠢᠨ ᠡᠪᠡᠳᠴᠢᠨ ᠢᠶᠠᠨ ᠬᠦᠳᠡᠯᠭᠡᠵᠦ ᠪᠠᠶᠢᠭᠰᠠᠨ ᠤᠴᠢᠷ ᠤᠳ ᠢ ᠪᠢ ᠤᠷᠤᠰᠤᠨ ᠤᠳᠬᠤ ᠭᠤᠤᠯ ᠤᠨ ᠤᠰᠤ ᠶᠢ | ᠰᠢᠷᠳᠡᠭᠰᠡᠭᠡᠷ ᠪᠤᠳᠦᠵᠤ ᠵᠤᠭᠰᠤᠯᠠ᠃ ᠠᠶᠢᠯ ᠤᠨ ᠡᠪᠦᠭᠡ ᠠᠷᠢᠬᠢᠨ ᠳᠤ ᠬᠠᠯᠠᠰᠤᠭᠰᠠᠨ ᠤ ᠢᠳᠡᠨ ᠳᠤ ᠬᠡᠬᠡᠷ ᠮᠤᠷᠢ | ᠪᠠᠨ ᠳᠠᠰᠢᠭᠤᠷᠳᠠᠨ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠭᠠᠳᠤᠯᠬᠤ ᠳᠠᠭᠠᠨ ᠬᠦᠮᠤᠨ ᠲᠠᠢ ᠮᠤᠷᠢ ᠲᠠᠢ ᠪᠠᠨ ᠤᠰᠤᠨ ᠳᠤ ᠤᠨᠠᠵᠤ᠂ | ᠳᠡᠭᠡᠷᠡ ᠨᠢ ᠪᠠᠰᠠ ᠬᠠᠰ ᠰᠢᠯᠪᠢ ᠲᠠᠢ ᠲᠠᠮᠠᠬᠢᠨ ᠭᠠᠨᠭ᠍ᠰᠠ ᠪᠠᠨ ᠤᠰᠤᠨ ᠳᠤ ᠤᠨᠠᠭᠠᠭᠰᠠᠨ ᠳᠤ ᠪᠢ ᠡᠷᠢᠵᠤ ᠤᠯᠵᠤ | ᠦᠭᠭᠦᠭᠡᠳ ᠬᠡᠳᠤᠨ ᠰᠢᠬᠢᠷ ᠢᠶᠠᠷ ᠱᠠᠩᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠪᠤᠳᠤᠵᠤ ᠤᠯᠤᠭᠠᠳ ᠢᠨᠢᠶᠡᠳᠤ ᠴᠤ ᠬᠦᠷᠤᠨᠡ᠃ | ᠵᠢᠷᠭᠠᠯ ᠤᠨ ᠭᠤᠤᠯ ᠮᠢᠨᠢ᠂ ᠪᠠᠯᠴᠢᠷ ᠪᠠᠭᠠ ᠨᠠᠰᠤᠨ ᠤ ᠮᠢᠨᠢ ᠪᠠᠭ᠋ᠠᠳᠤᠯ᠂ ᠭᠤᠮᠣᠳᠠᠯ᠂ ᠪᠤᠷᠤ ᠮᠦᠷ ᠴᠢᠨᠤ ᠬᠡᠪᠡᠯᠢ | ᠳᠤ ᠲᠠᠮᠠᠭᠠᠯᠠᠭᠳᠠᠵᠤ ᠂ ᠵᠠᠯᠠᠭᠤ ᠢᠳᠡᠷ ᠨᠠᠰᠤᠨ ᠤ ᠪᠤᠳᠤᠯ ᠰᠡᠳᠭᠢᠯ ᠪᠤᠷᠤᠬᠠᠨ ᠬᠠᠶᠢᠷᠠ ᠴᠢᠨᠤ ᠤᠰᠤᠨ ᠳᠤ | ᠰᠢᠩᠭᠡᠭᠰᠡᠨ ᠪᠢᠯᠡ᠃ | ᠲᠦᠭ ᠲᠦᠮᠡᠨ ᠬᠦᠳᠡᠯᠮᠤᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠤ ᠬᠦᠴᠦ ᠬᠦᠯᠦᠰᠤ ᠬᠦᠰᠡᠯ ᠵᠤᠷᠢᠭ ᠵᠢᠷᠭᠠᠯ ᠤᠨ | ᠭᠤᠤᠯ ᠤᠨ ᠤᠰᠤᠨ ᠳᠤ ᠰᠢᠩᠭᠡᠵᠤ ᠳᠠᠪᠢᠭᠠᠳ ᠵᠢᠯ ᠤᠨ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠶᠢᠨ ᠳᠡᠤᠬᠡ ᠵᠢᠷᠭᠠᠯ ᠤᠨ | ᠭᠤᠤᠯ ᠤᠨ ᠲᠡᠨᠵᠢᠨ ᠳᠡᠭᠡᠷᠡ ᠪᠢᠴᠢᠭᠳᠡᠨᠡ᠃ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠮᠢᠩᠭᠠ ᠶᠢᠰᠤᠨ ᠵᠠᠭᠤ ᠲᠠᠪᠢᠨ ᠨᠠᠢᠮᠠᠨ ᠤᠨ | ᠤ ᠶᠡᠭᠡ ᠦᠰᠤᠷᠤᠩᠭᠦᠢ ᠳᠠᠪᠰᠢᠯᠳᠠ ᠶᠢᠨ ᠦᠶᠡ ᠪᠠᠷ ᠡᠬᠢᠯᠡᠨ ᠮᠠᠯᠳᠠᠵᠤ ᠮᠢᠩᠭᠠ ᠶᠢᠰᠤᠨ ᠵᠠᠭᠤ ᠵᠢᠷᠠᠨ ᠤᠨ ᠳᠤ | ᠳᠠᠭᠤᠰᠬᠠᠵᠠᠢ᠃ ᠤᠡᠭᠨᠢᠭᠤᠳ ᠬᠤᠰᠢᠭᠤᠨ ᠤ ᠲᠦᠷᠪᠡᠨ ᠰᠤᠮᠤ ᠲᠦᠷᠪᠡᠨ ᠳᠠᠯᠠᠪᠠᠢ ᠶᠢᠨ ᠬᠡᠳᠤᠨ ᠮᠢᠩᠭᠠᠨ ᠮᠠᠯᠴᠢᠨ | ᠠᠷᠠᠳ᠂ ᠰᠢᠰᠢ ᠶᠢᠨ ᠭᠤᠯᠢᠷ ᠰᠢᠩᠭᠡᠨ ᠪᠤᠳᠠᠭᠠ ᠪᠠᠷ ᠦᠯ ᠬᠤᠭᠤᠯᠠ ᠬᠢᠵᠤ ᠪᠠᠶᠢᠭᠰᠠᠨ ᠴᠦ ᠦᠪᠡᠷ ᠤᠨ ᠬᠦᠴᠤᠨ | ᠳᠤ ᠪᠠᠨ ᠲᠡᠭᠵᠢᠷᠡᠨ᠂ ᠮᠠᠩᠯᠠᠢ ᠳᠤ ᠨᠢ ᠭᠠᠷᠬᠤ ᠪᠠᠷ ᠮᠠᠷᠠᠶᠢᠨ ᠴᠠᠷᠮᠠᠶᠢᠵᠤ᠂ ᠬᠦᠯ ᠭᠠᠷ ᠬᠦᠷᠵᠡ ᠵᠡᠬᠡᠳᠣᠣ ᠳᠤ | ᠲᠦᠰᠢᠭᠯᠡᠨ ᠭᠤᠷᠪᠠᠨ ᠵᠢᠯ ᠤᠨ ᠲᠤᠳᠤᠷᠠ ᠠᠷᠪᠠᠨ ᠲᠠᠪᠤᠨ ᠮᠧᠲᠷ ᠦᠷᠭᠡᠨ᠂ ᠨᠢᠭᠡ ᠵᠠᠭᠤ ᠨᠠᠶᠠᠨ ᠭᠠᠵᠠᠷ ᠤᠷᠳᠤ | ᠰᠤᠪᠠᠭ ᠢ ᠮᠠᠯᠳᠠᠨ᠂ ᠰᠢᠷᠠ ᠮᠦᠷᠡᠨ ᠤ ᠤᠰᠤ ᠶᠢ ᠲᠠᠳᠠᠨ ᠤᠷᠤᠭᠤᠯᠵᠠᠢ᠃ ᠲᠡᠭᠡᠭᠡᠳ ᠯᠠ ᠲᠦᠮᠡᠨ ᠤᠨ ᠤ ᠰᠢᠷᠠ | ᠮᠦᠷᠡᠨ ᠤ ᠲᠤᠭᠰᠢᠨ ᠤᠷᠤᠰᠬᠠᠯ ᠡᠨᠡ ᠭᠤᠤᠯ ᠢᠶᠠᠷ ᠲᠦᠯᠭᠡᠬᠡᠨ ᠤᠷᠤᠰᠴᠦ᠂ ᠬᠤᠶᠠᠷ ᠬᠦᠪᠡᠭᠡᠨ ᠤ ᠬᠦᠷᠤᠰᠤ | ᠰᠢᠷᠤᠢ ᠠᠮᠢᠳᠠᠨ ᠤᠷᠭᠤᠮᠠᠯ ᠢ ᠤᠮᠳᠠᠯᠠᠵᠤ ᠢᠷᠡᠭᠰᠡᠨ ᠵᠤᠮ᠃ | ᠲᠠᠪᠢᠭᠠᠳ ᠵᠢᠯ ᠤᠨ ᠡᠮᠤᠨᠡ᠂ ᠲᠡᠷᠡᠬᠦ ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ᠂ ᠭᠠᠵᠠᠷ ᠤᠨ ᠵᠦᠢ᠂ ᠬᠦᠭᠵᠢᠯᠳᠡ ᠶᠢᠨ | ᠶᠤᠰᠤ ᠶᠢ ᠦᠯᠦ ᠬᠠᠶᠢᠬᠤᠷᠤᠨ᠂ ᠡᠪ ᠬᠠᠮᠳᠤ ᠶᠢᠨ ᠶᠤᠰᠤᠨ ᠳᠤ ᠦᠰᠤᠷᠤᠨ ᠤᠷᠤᠬᠤ ᠪᠠᠷ ᠤᠯᠤᠰ ᠭᠦᠷᠤᠨ ᠢᠶᠠᠷ | ᠢᠶᠠᠨ ᠬᠦᠭᠡᠷᠤᠨ ᠬᠦᠭᠰᠡᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ᠂ ᠶᠠᠮᠠᠷ ᠡᠭᠦᠷᠭᠡ ᠬᠠᠷᠠᠯᠳᠠ᠂ ᠬᠦᠰᠡᠯ ᠵᠤᠷᠢᠯᠳᠠ ᠠᠴᠠ ᠡᠨᠡ | ᠭᠤᠤᠯ ᠢ ᠤᠬᠤᠵᠤ ᠮᠠᠯᠳᠠᠭᠰᠠᠨ ᠪᠤᠯ︖ ᠶᠡᠷᠤ ᠨᠢ ᠪᠢ ᠡᠶᠢᠮᠤᠷᠬᠦ ᠠᠰᠠᠭᠤᠳᠠᠯ ᠢ ᠪᠤᠳᠤᠯᠬᠢᠯᠠᠵᠤ ᠶᠠᠪᠤᠳᠠᠭ ᠤᠴᠢᠷ | ᠠᠴᠠ ᠡᠨᠡ ᠭᠤᠤᠯ ᠢ ᠮᠠᠯᠳᠠᠬᠤ ᠳᠤ ᠪᠡᠶᠡ ᠪᠠᠷ ᠢᠶᠠᠨ ᠤᠷᠤᠯᠴᠠᠵᠤ ᠶᠠᠪᠤᠭᠰᠠᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ | ᠠᠬᠠᠮᠠᠳ ᠺᠠᠳ᠋ᠷ ᠪᠦᠬᠡᠴᠢᠯᠭᠤ ᠨᠠᠰᠤᠳᠠᠨ ᠠᠴᠠ ᠠᠰᠠᠭᠤᠨ ᠯᠠᠪᠯᠠᠭᠰᠠᠨ ᠳᠤ ᠳᠡᠷᠡ ᠪᠠᠷ ︽ᠭᠤᠤᠯ ᠵᠤᠷᠢᠯᠭᠠ ᠨᠢ | ᠬᠠᠶᠢᠯᠠᠰᠤ ᠶᠢᠨ ᠠᠭᠤᠯᠠᠨ ᠠᠴᠠ ᠵᠡᠭᠦᠨ ᠡᠮᠤᠨᠡᠰᠢᠬᠢ ᠪᠠᠶᠠᠨᠳᠤᠬᠤᠢ ᠰᠤᠮᠤ ᠬᠦᠷᠳᠡᠯᠡᠬᠢ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷ | ᠰᠢᠬᠠᠮ ᠵᠤ ᠭᠠᠵᠠᠷ᠂ ᠡᠩᠬᠦᠯ ᠬᠤᠨᠭ᠍ᠬᠤᠯ ᠬᠤᠵᠢᠷᠳᠤ ᠲᠠᠯᠠ ᠶᠢ ᠪᠤᠷᠵᠠᠩᠳᠤ ᠤᠰᠤ ᠪᠠᠷ ᠪᠤᠷᠳᠤᠨ ᠤᠰᠤᠯᠠᠵᠤ᠂ | ᠨᠤᠳᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠦᠯᠤᠭᠡ ᠶᠤᠮ︾ ᠭᠡᠵᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠶᠠᠮᠠᠷ | ᠶᠡᠭᠡ ᠠᠯᠤᠰ ᠤᠨ ᠪᠤᠳᠤᠯᠭᠠ᠂ ᠠᠬᠤᠶᠢᠴᠢ ᠦᠵᠡᠯᠳᠡ ᠲᠠᠢ ᠬᠦᠮᠤᠰ ᠪᠠᠶᠢᠭᠰᠠᠨ ᠪᠤᠢ︕ ᠶᠡᠭᠡ ᠪᠠᠷ ᠦᠰᠦᠷᠤᠩᠭᠦᠢ | ᠲᠠᠪᠰᠢᠨᠠ ᠭᠡᠵᠤ ᠬᠦᠭᠰᠡᠵᠤ ᠶᠠᠪᠤᠭᠰᠠᠨ ᠤᠯᠠᠩᠬᠢ ᠬᠦᠮᠤᠰ ︽ᠪᠤᠯᠤᠳ ᠲᠡᠮᠤᠷ ᠬᠠᠶᠢᠯᠠᠭᠤᠯᠤᠨᠠ᠂ ᠨᠢᠭᠡ ᠮᠤ᠋ | ᠭᠠᠵᠠᠷ ᠠᠴᠠ ᠲᠦᠮᠡᠨ ᠵᠢᠩ ᠠᠮᠤ ᠪᠤᠳᠠᠭᠠ ᠬᠤᠷᠢᠶᠠᠨᠠ ︾ ᠭᠡᠵᠤ ᠰᠤᠯᠢᠶᠠᠷᠠᠵᠤ ᠶᠠᠪᠤᠭᠰᠠᠳ᠂ ᠪᠦᠷᠢᠯᠭᠡᠭᠰᠡᠨ | ᠤᠴᠢᠷ ᠤᠯᠠᠨ᠂ ᠪᠦᠳᠤᠭᠡᠭᠰᠡᠨ ᠵᠤᠶᠢᠯ ᠮᠠᠰᠢ ᠴᠦᠬᠡᠨ᠃ ᠰᠤᠮᠤ ᠶᠢᠨ ᠬᠤᠷᠠᠯ ᠤᠨ ᠭᠡᠷ ᠢᠶᠠᠨ ᠪᠠᠷᠢᠨᠠ ᠭᠡᠳ | ᠬᠡᠳᠤᠨ ᠵᠠᠭᠤᠨ ᠵᠢᠯ ᠤᠨ ᠲᠡᠤᠬᠡ ᠲᠠᠢ ᠰᠦᠮᠡ ᠬᠡᠶᠢᠳ ᠢ ᠡᠪᠳᠡᠵᠤ ᠲᠤᠭᠤᠰᠬᠠ ᠶᠢ ᠨᠢ ᠲᠡᠭᠡᠭᠡᠯᠡ᠂ ᠪᠤᠯᠤᠳ | ᠲᠡᠮᠤᠷ ᠬᠠᠶᠢᠯᠠᠭᠤᠯᠤᠨᠠ ᠭᠡᠳ ᠬᠡᠳᠤᠨ ᠡᠷᠡ ᠲᠠᠮᠨᠠᠳᠠᠭ ᠮᠠᠩᠵᠠᠨ ᠲᠤᠭᠤᠭᠠ ᠪᠠᠨ ᠬᠠᠭᠠᠴᠢᠭᠰᠠᠨ ᠭᠡᠨᠡ ᠂ | ᠲᠤᠭᠤᠰᠬᠠ ᠰᠢᠳᠠᠭᠠᠨᠠ ᠭᠡᠳ ᠮᠠᠩᠬᠠᠨ ᠴᠦᠡᠭᠬᠦᠷ᠂ ᠭᠤᠤᠯ ᠤᠨ ᠲᠤᠬᠤᠢ ᠶᠢᠨ ᠬᠠᠷᠭᠠᠨᠠ ᠪᠤᠷᠭᠠᠰᠤ ᠪᠠᠨ ᠴᠦᠯᠤᠪ | ᠬᠠᠳᠠᠵᠤ ᠪᠠᠷᠠᠭᠠᠪᠠ ᠂ ᠲᠠᠭᠢᠯᠭᠠ ᠰᠢᠳᠤᠯᠭᠡ ᠲᠠᠢ ᠭᠡᠳ ᠪᠤᠯᠠᠭ ᠱᠠᠩᠳᠠ ᠪᠠᠨ ᠪᠤᠯᠠᠵᠤ ᠬᠠᠶᠠᠭᠰᠠᠨ ᠭᠡᠨᠡ ᠯᠠᠢ᠃ | ᠪᠦᠳᠦᠭᠰᠡᠨ ᠨᠢ ᠬᠡᠳᠦ ᠪᠤᠢ︖ ᠪᠦᠳᠤᠨ ᠬᠡᠪ ᠢᠶᠠᠷ ᠢᠶᠠᠨ ᠦᠯᠡᠳᠡᠭᠰᠡᠨ ᠨᠢ ᠬᠡᠳᠤ ᠪᠠᠶᠢᠬᠤ ᠪᠤᠢ︖ ᠳᠡᠤᠬᠡ | ᠬᠡᠷᠡᠴᠢᠯᠡᠨᠡ᠂ ᠲᠦᠮᠡᠨ ᠨᠢᠳᠤ ᠲᠠᠢ ᠲᠡᠭᠷᠢ ᠮᠡᠳᠡᠨᠡ᠃ ᠲᠡᠭᠡᠬᠦ ᠳᠤ ᠵᠢᠷᠭᠠᠯ ᠤᠨ ᠭᠤᠤᠯ ᠪᠣᠯ ᠲᠡᠷᠡ ᠦᠶᠡ ᠶᠢᠨ | ᠮᠠᠨ ᠤ ᠨᠤᠳᠤᠭ ᠲᠤ ᠬᠢᠵᠤ ᠪᠦᠲᠦᠭᠡᠭᠰᠡᠨ᠂ ᠦᠯᠡᠳᠡᠵᠤ ᠬᠤᠴᠤᠷᠤᠭᠰᠠᠨ ᠭᠠᠭᠴᠠ ᠵᠤᠶᠢᠯ ᠪᠤᠯᠵᠤ ᠲᠡᠤᠬᠡ ᠪᠤᠯᠵᠤ | ᠤᠷᠤᠰᠤᠨᠠ᠂ ᠲᠤᠰᠠ ᠬᠢᠵᠤ ᠤᠷᠤᠰᠤᠨᠠ᠃ | ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠬᠦᠪᠡᠭᠡ ᠲᠡᠭᠡᠭᠦᠷ ᠪᠢ ᠤᠷᠤᠰᠬᠠᠯ ᠢ ᠤᠷᠤᠭᠤᠳᠠᠨ ᠠᠭᠠᠵᠢᠮᠬᠠᠨ ᠠᠯᠬᠤᠯᠠᠯᠠ᠃ | ᠬᠦᠤ ᠶᠢᠨ ᠮᠢᠨᠢ ︽ᠶᠠᠭᠠᠬᠢᠭᠠᠳ ᠵᠢᠷᠭᠠᠯ ᠤᠨ ᠭᠤᠤᠯ ᠭᠡᠵᠤ ᠲᠠᠭᠤᠳᠠᠭᠰᠠᠨ ᠪᠤᠢ︖︾ ᠭᠡᠵᠤ ᠠᠰᠠᠭᠤᠭᠰᠠᠨ | ᠦᠭᠡ ᠪᠤᠳᠤᠭᠳᠠᠵᠤ᠂ ᠡᠨᠡ ᠲᠤᠬᠠᠢ ᠤᠯᠠᠨ ᠵᠤᠶᠢᠯ ᠢ ᠪᠤᠳᠤᠭᠳᠤᠭᠤᠯᠤᠯᠠ᠃ ᠮᠦᠷᠦ ᠨᠢᠴᠦᠬᠦᠨ ᠭᠡᠳᠡᠰᠦ | ᠦᠯᠤᠰᠭᠦᠯᠡᠩ ᠢᠶᠠᠷ ᠡᠪ ᠬᠠᠮᠳᠦ ᠶᠢᠨ ᠨᠡᠶᠢᠭᠡᠮ ᠳᠤ ᠤᠷᠤᠨᠠ ᠭᠡᠵᠤ ᠮᠠᠷᠠᠶᠢᠨ ᠴᠢᠷᠮᠠᠶᠢᠨ ᠬᠦᠭᠡᠷᠤᠨ ᠬᠦᠭᠰᠡᠵᠤ᠂ | ᠶᠠᠳᠠᠭᠤ ᠬᠤᠭᠤᠰᠤᠨ ᠢᠶᠠᠷ ᠠᠮᠢᠳᠤᠷᠠᠨ ᠠᠵᠢᠯᠯᠠᠨ᠂ ᠬᠡᠳᠦᠢ ᠶᠠᠳᠠᠭᠤ ᠪᠣᠯ ᠲᠡᠳᠦᠢ ᠦᠡᠭᠭᠡ ᠭᠡᠷᠡᠯᠳᠠᠢ ᠭᠡᠵᠤ | ᠦᠵᠡᠵᠤ ᠳᠠᠨᠢᠵᠤ ᠪᠠᠶᠢᠭᠰᠠᠨ ᠲᠡᠷᠡ ᠦᠶᠡ ᠳᠤ᠂ ᠡᠨᠡ ᠨᠤᠳᠤᠭ ᠤᠨ ᠠᠬᠠᠮᠠᠳ ᠪᠤᠭᠤᠷᠤᠯᠴᠤᠳ ︵ᠲᠡᠷᠡ ᠦᠶᠡ | ᠳᠤ ᠵᠠᠯᠠᠭᠤ ᠴᠦ ᠪᠠᠶᠢᠯᠠ᠂ ᠮᠢᠨᠤ ᠡᠵᠢ ᠰᠠᠶ᠋ᠢ ᠭᠤᠴᠢᠭᠠᠳ ᠨᠠᠰᠤᠳᠠᠢ ᠪᠠᠶᠢᠯᠠ ᠭᠡᠰᠡᠨ︶ ᠵᠢᠩᠬᠢᠨᠢ ᠵᠤᠯ ᠵᠢᠷᠭᠠᠯ ᠤᠨ | ᠲᠤᠬᠠᠢ ᠶᠠᠮᠠᠷ ᠤᠶᠢᠯᠠᠭᠠᠯᠳᠠ ᠲᠦᠷᠦᠭᠳᠡᠯ ᠲᠠᠢ ᠪᠠᠶᠢᠭᠰᠠᠨ ᠪᠤᠯ︖ ᠵᠤᠯ ᠵᠢᠷᠭᠠᠯ ᠢ ᠦᠵᠡᠯ ᠪᠤᠳᠤᠯ ᠤᠨ | ᠨᠢᠭᠤᠴᠠᠬᠠᠨ ᠳᠠᠭᠠᠨ ᠶᠠᠮᠠᠷ ᠵᠡᠷᠭᠡ ᠬᠦᠰᠡᠨ ᠡᠷᠡᠮᠡᠯᠵᠠᠯᠵᠣ ᠪᠠᠶᠢᠭᠰᠠᠨ ᠪᠤᠯ︖ ᠲᠡᠳᠡ ᠨᠠᠷ ᠦᠪᠡᠷ ᠤᠨ ᠬᠦᠴᠦ | ᠬᠦᠯᠤᠰᠤ᠂ ᠬᠦᠴᠢᠷ ᠵᠤᠪᠡᠭᠤᠷᠢ᠂ ᠡᠷᠴᠢ ᠵᠤᠷᠢᠭ ᠢᠶᠠᠷ ᠢᠶᠠᠨ ᠤᠬᠤᠵᠤ ᠮᠠᠯᠳᠠᠭᠰᠠᠨ ᠡᠨᠡᠬᠦ ᠭᠤᠤᠯ ᠳᠠᠭᠠᠨ ᠴᠠᠭ ᠤᠨ | ᠦᠡᠭᠭᠡ ᠠᠶᠠᠰ ᠢ ᠲᠠᠭᠠᠭᠰᠠᠨ ᠬᠤᠪᠢᠰᠬᠠᠯᠳᠤ ᠳᠠᠭᠤᠳᠠᠯᠭᠠ ᠤᠯᠠᠭᠠᠨ ᠨᠡᠷᠡ ᠦᠭᠭᠦᠭᠡ ᠦᠭᠡᠢ᠂ ᠬᠠᠷᠢᠨ ᠬᠦᠰᠡᠯ | ᠪᠤᠳᠤᠯ ᠢᠶᠠᠨ ᠰᠢᠩᠬᠡᠬᠡᠭᠰᠡᠨ ᠲᠠᠭᠤᠳᠠᠬᠤ ᠳᠤ ᠠᠶᠠᠳᠠᠢ᠂ ᠰᠤᠨᠤᠰᠬᠤ ᠳᠤ ᠲᠤᠯᠠᠭᠠᠬᠠᠨ ᠨᠡᠷᠡ ᠬᠠᠶᠢᠷᠠᠯᠠᠵᠠᠢ᠃ | ᠦᠨᠦ ᠵᠢᠯ ᠨᠠᠶᠠᠨ ᠲᠠᠪᠤᠳᠠᠢ ᠪᠠᠶᠠᠨᠰᠠᠩ ᠨᠠᠰᠤᠳᠠᠨ ᠪᠣᠯ ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠬᠦᠪᠡᠭᠡ ᠪᠠᠷ | ᠲᠦᠴᠢᠨ ᠵᠢᠯ ᠦᠭᠰᠤᠨ ᠤᠷᠤᠭᠤᠳᠠᠵᠤ ᠠᠵᠢᠯᠯᠠᠵᠤ ᠶᠠᠪᠤᠭᠰᠠᠨ ᠤᠰᠤᠨ ᠠᠰᠢᠭᠯᠠᠯᠳᠠ ᠶᠢᠨ ᠪᠠᠶᠢᠭᠤᠯᠤᠯᠳᠠ ᠤᠨ | ᠮᠡᠷᠭᠡᠵᠢᠯᠳᠡᠨ ᠪᠦᠭᠡᠳ ᠵᠢᠳᠬᠦᠯᠳᠡᠨ ᠳᠤ ᠲᠤᠭᠠᠴᠠᠭᠳᠠᠬᠤ ᠬᠦᠮᠦᠨ ᠶᠤᠮ᠃ ᠮᠤᠩᠭᠤᠯᠵᠢᠨ ᠨᠤᠳᠤᠭ ᠲᠤ ᠲᠦᠷᠤᠵᠤ | ᠦᠰᠦᠭᠰᠡᠨ ᠲᠡᠷᠡ ᠬᠤᠷᠢᠨ ᠨᠢᠭᠡᠳᠠᠢ ᠳᠤ ᠪᠠᠨ ᠤᠡᠭᠨᠢᠭᠤᠳ ᠬᠤᠰᠢᠭᠤᠨ ᠳᠤ ᠢᠷᠡᠵᠤ 1957 ᠤᠨ ᠠᠴᠠ ᠡᠬᠢᠯᠡᠨ | ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠵᠠᠮ ᠱᠣᠭᠤᠮ ᠢ ᠬᠡᠮᠵᠢᠨ ᠵᠢᠷᠣᠭᠯᠠᠬᠤ᠂ ᠤᠬᠤᠵᠤ ᠮᠠᠯᠳᠠᠬᠤ᠂ ᠬᠤᠶᠠᠷ ᠬᠦᠪᠡᠭᠡᠨ ᠤ | ᠤᠰᠤᠯᠠᠵᠤ ᠤᠶᠢᠵᠢᠭᠤᠯᠬᠤ ᠠᠵᠢᠯ ᠤᠳ ᠢ ᠪᠡᠶᠡᠳᠡᠨ ᠳᠠᠭᠠᠭᠤᠯᠵᠤ ᠬᠢᠵᠤ ᠶᠠᠪᠤᠵᠠᠢ᠃ ᠬᠡᠳᠤᠨ ᠵᠢᠯ ᠤᠨ ᠡᠮᠤᠨᠡ᠂ | ᠪᠢ ᠨᠠᠰᠤᠳᠠᠨ ᠢ ᠰᠤᠷᠪᠤᠯᠵᠢᠯᠠᠬᠤ ᠳᠠᠭᠠᠨ ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠲᠤᠬᠠᠢ ᠲᠤᠷᠠᠳᠬᠤ ᠳᠤ ᠯᠠ ᠨᠠᠰᠤᠳᠠᠨ | ᠤᠷᠮᠠ ᠰᠡᠷᠭᠦᠨ ᠵᠤᠭᠤᠭ ᠳᠡᠯᠭᠡᠵᠤ ᠢᠡᠭᠬᠢᠵᠤ ᠬᠡᠯᠡᠪᠡ ᠄ | — ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠬᠡᠳᠤᠨ ᠮᠠᠯᠵᠢᠬᠤ ᠰᠤᠮᠤᠨ ᠤ ᠮᠠᠯᠴᠢᠨ ᠲᠦᠮᠡᠨ ᠰᠠᠶᠢᠨ ᠲᠤᠷᠠ ᠠᠴᠠ ᠪᠠᠨ | ᠮᠠᠯᠳᠠᠭᠰᠠᠨ ᠶᠤᠮ᠂ ᠤᠯᠤᠰ ᠠᠴᠠ ᠨᠢᠭᠡ ᠮᠦᠩᠬᠦ ᠴᠦ ᠠᠪᠤᠭᠰᠠᠨ ᠦᠭᠡᠢ᠃ ᠲᠡᠷᠡ ᠦᠶᠡ ᠶᠢᠨ ᠤᠯᠤᠰ ︿ | ᠬᠦᠮᠦᠰ﹀ ᠬᠠᠯᠠᠭᠤᠨ ᠵᠤᠷᠢᠭ ᠲᠠᠢ᠂ ᠶᠠᠮᠠᠷ ᠴᠦ ᠬᠦᠴᠢᠷ ᠠᠴᠠ ᠬᠠᠯᠠᠰᠢᠷᠠᠬᠤ ᠦᠭᠡᠢ᠂ ᠠᠵᠢᠯ ᠤᠨ ᠵᠠᠪᠰᠠᠷ ᠲᠠᠭᠤᠤ | ᠪᠠᠨ ᠲᠠᠭᠤᠯᠠᠴᠢᠬᠠᠨᠠ᠂ ᠪᠦᠬᠡ ᠪᠠᠷᠢᠯᠳᠤᠨᠠ᠂ ᠴᠤᠬᠤᠮ ᠴᠦ ᠪᠠᠶᠠᠷ ᠬᠦᠷ ᠲᠠᠢ ᠠᠵᠢᠯᠯᠠᠵᠤ ᠪᠠᠶᠢᠯᠠ ᠳ᠋ᠠ ᠭᠡᠪᠡ᠃ | ᠨᠠᠰᠤᠳᠠᠨ ᠢᠡᠭᠬᠢᠵᠤ ᠬᠡᠯᠡᠭᠡᠳ ᠢᠨᠢᠶᠡᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠨᠢᠳᠤᠨ ᠳᠤ ᠨᠢ ᠨᠢᠯᠪᠤᠰᠤ ᠭᠦᠶᠤᠯᠭᠡᠨᠡᠵᠤ | ᠪᠠᠶᠢᠯᠠ᠃ ᠵᠠᠯᠭᠠᠭᠠᠳ ᠪᠢ ᠵᠢᠷᠭᠠᠯ ᠤᠨ ᠭᠤᠤᠯ ᠭᠡᠳᠡᠭ ᠨᠡᠷᠡ ᠶᠢᠨ ᠲᠤᠬᠠᠢ ᠤᠬᠤᠴᠢᠯᠠᠨ ᠠᠰᠠᠭᠤᠭᠰᠠᠨ ᠳᠤ ᠨᠡᠩ | ᠴᠦ ᠬᠦᠭᠰᠡᠨ᠂ ᠶᠠᠭ ᠯᠠ ᠲᠡᠷᠡ ᠦᠶᠡ ᠲᠡᠷᠡ ᠭᠠᠵᠠᠷ ᠲᠤ ᠪᠠᠨ ᠪᠤᠴᠠᠴᠢᠬᠠᠭᠰᠠᠨ ᠮᠡᠳᠤ ᠪᠤᠯᠤᠭᠠᠳ᠄ | — 1960 ᠤᠨ ᠤ ᠵᠤᠨ ᠤ ᠨᠢᠭᠡ ᠡᠳᠤᠷ ᠪᠠᠶᠢᠭᠰᠠᠨ ᠳ᠋ᠠ᠂ ᠪᠤᠷᠤᠭᠠᠨ ᠤᠷᠤᠭᠰᠠᠨ ᠠᠴᠠ ᠤᠯᠠᠨ ᠢᠶᠠᠷ | ᠢᠶᠠᠨ ᠮᠠᠶᠢᠬᠠᠨ ᠳᠠᠭᠠᠨ ᠴᠤᠭᠯᠠᠷᠠᠪᠠ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠰᠢᠭᠤᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠬᠠᠮᠢᠶᠠᠳᠠᠢ | ᠠᠵᠢᠯ ᠢ ᠬᠠᠮᠢᠶᠠᠷᠴᠦ ᠪᠠᠶᠢᠭᠰᠠᠨ ᠨᠢᠭᠡ ᠮᠤᠩᠭᠤᠯ ᠳᠠᠷᠤᠭᠠ ᠠᠴᠠ ︽ᠡᠨᠡ ᠭᠤᠤᠯ ᠳᠠᠭᠠᠨ ᠶᠠᠮᠠᠷ ᠨᠡᠷᠡ ᠦᠭᠪᠡᠯ | ᠵᠤᠬᠢᠬᠤ ᠪᠤᠢ︖︾ ᠭᠡᠵᠤ ᠤᠯᠠᠨ ᠲᠠᠢ ᠵᠦᠪᠯᠡᠨ ᠠᠰᠠᠭᠤᠭᠰᠠᠨ ᠳᠤ ᠪᠢ ᠵᠠᠪᠳᠤᠨ ︿ᠵᠢᠷᠭᠠᠯ ᠤᠨ ᠭᠤᠤᠯ﹀ ᠭᠡᠵᠤ | ᠲᠠᠭᠤᠳᠠᠶᠠ︕ ᠤᠯᠠᠨ ᠢᠶᠠᠷ ᠢᠶᠠᠨ ᠬᠦᠴᠢᠷ ᠢ ᠢᠯᠠᠨ ᠴᠢᠷᠮᠠᠶᠢᠵᠣ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠨᠢ ᠪᠦᠷ ᠦᠪᠡᠷ ᠤᠨ | ᠬᠦᠴᠦ ᠪᠠᠷ ᠢᠶᠠᠨ ᠳᠡᠭᠵᠢᠷᠡᠨ᠂ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠬᠤ ᠶᠢᠨ ᠲᠦᠯᠤᠭᠡ ᠶᠤᠮ᠃ ᠪᠢᠳᠡ ᠵᠢᠷᠭᠠᠯ ᠤᠨ ᠭᠤᠤᠯ | ᠢᠶᠠᠷ ᠢᠶᠠᠨ ᠪᠡᠯᠴᠢᠭᠡᠷ ᠢᠶᠠᠨ ᠤᠰᠤᠯᠠᠨᠠ᠂ ᠳᠠᠯᠠ ᠪᠠᠨ ᠪᠤᠷᠳᠤᠨᠠ᠂ ᠮᠠᠯ ᠢᠶᠠᠨ ᠦᠰᠭᠡᠨᠡ ᠭᠡᠵᠤ ᠬᠡᠯᠡᠪᠡ ᠭᠡᠪᠡ᠃ | ᠪᠠᠶᠠᠨᠰᠠᠩ ᠨᠠᠰᠤᠳᠠᠨ ᠤ ᠢᠡᠭᠬᠢᠵᠤ ᠶᠠᠷᠢᠬᠤ ᠦᠶᠡ ᠶᠢᠨ ᠢᠨᠢᠶᠡᠮᠰᠦᠭ ᠴᠠᠷᠠᠢ ᠬᠠᠨᠣᠮᠰᠤᠭ ᠲᠦᠷᠢ ᠶᠢ ᠠᠵᠢᠭᠯᠠᠬᠤ | ᠳᠤ ᠶᠠᠭ ᠰᠠᠶ᠋ᠢ ᠮᠡᠨᠳᠦᠯᠡᠭᠰᠡᠨ ᠬᠡᠤᠬᠡᠳ ᠲᠤ ᠪᠠᠨ ᠨᠢᠭᠡ ᠰᠠᠶᠢᠬᠠᠨ ᠨᠡᠷᠡ ᠬᠠᠶᠢᠷᠠᠯᠠᠭᠰᠠᠨ ᠰᠢᠭ᠋ ᠪᠠᠶᠠᠷᠳᠠᠢ | ᠬᠠᠷᠠᠭᠳᠠᠨᠠ᠃ ᠪᠢ᠂ ᠪᠠᠶᠠᠨᠰᠠᠩ ᠨᠠᠰᠦᠳᠠᠨ ᠢ ᠳᠠᠭᠠᠵᠤ᠂ ᠬᠠᠶᠢᠯᠠᠰᠤ ᠶᠢᠨ ᠠᠭᠤᠯᠠᠨ ᠤ ᠪᠠᠷᠠᠭᠤᠨ ᠰᠤᠭᠤ ᠳᠤ | ᠪᠠᠶᠢᠭᠠ ᠨᠢᠭᠡ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠬᠦᠬᠦᠷᠭᠡ ᠶᠢᠨ ᠵᠠᠬᠠ ᠳᠤ ᠬᠦᠷᠴᠦ ᠢᠷᠡᠪᠡ᠃ ᠯᠠᠪᠯᠠᠨ ᠠᠵᠢᠭᠯᠠᠬᠤ ᠳᠤ | ᠡᠩᠭᠡᠷ ᠲᠠᠯᠠ ᠳᠤ ᠨᠢ ︽ᠵᠢᠷᠭᠠᠯ ᠤᠨ ᠭᠤᠤᠯ︾ ᠭᠡᠰᠡᠨ ᠤᠯᠠᠭᠠᠨ ᠦᠰᠦᠭ ᠪᠠᠯᠠᠷᠬᠠᠢ ᠰᠢᠭ᠋ ᠳᠠᠨᠢᠭᠳᠠᠵᠤ ᠪᠠᠶᠢᠯᠠ᠃ | ᠪᠠᠶᠠᠨᠰᠠᠩ ᠨᠠᠰᠦᠳᠠᠨ᠄ ︽ᠡᠨᠡ ᠬᠦᠭᠦᠷᠭᠡ ᠪᠤᠯ ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠰᠢᠷᠠ ᠮᠦᠷᠡᠨ ᠠᠴᠠ ᠤᠰᠤ ᠠᠪᠤᠭᠰᠠᠨ | ᠬᠤᠶᠠᠳᠤᠭᠠᠷ ᠡᠬᠢ ᠮᠦᠨ᠃ ᠬᠠᠮᠤᠭ ᠲᠦᠷᠦᠬᠦᠨ ᠤ ᠡᠬᠢ ᠨᠢ ᠠᠷᠪᠠᠭᠠᠳ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠪᠠᠶᠢᠭᠠ | ᠤᠡᠭᠨᠢᠭᠤᠳ ᠬᠠᠯᠵᠠᠨ ᠠᠭᠤᠯᠠᠨ ᠤ ᠵᠡᠭᠦᠨ ᠪᠡᠶᠡ ᠳᠤ ᠪᠠᠶᠢᠭᠰᠠᠨ ᠶᠤᠮ︾ ᠭᠡᠵᠤ ᠪᠠᠷᠠᠭᠤᠨᠰᠢ ᠵᠢᠭᠠᠨ ᠬᠡᠯᠡᠭᠡᠳ | ᠳᠤᠭᠤᠢ ᠪᠠᠶᠢᠭᠰᠠᠨ ᠢᠶᠠᠨ ᠳᠤᠭᠤᠭᠰᠢ ᠪᠠᠭᠤᠨ᠂ ᠬᠦᠭᠦᠷᠭᠡᠨ ᠳᠤᠤᠷᠠ ᠠᠴᠠ ᠰᠢᠪᠡᠷᠡᠨ ᠭᠠᠷᠤᠭᠠ ᠴᠡᠪᠡᠷ ᠲᠤᠩᠭᠠᠯᠠᠭ | ᠤᠰᠤᠨ ᠳᠤ ᠭᠠᠷ ᠢᠶᠠᠨ ᠤᠭᠢᠶᠠᠨ ᠨᠢᠭᠤᠷ ᠢᠶᠠᠨ ᠵᠦᠯᠭᠦᠭᠡᠳ ᠤᠷᠤᠰᠬᠠᠯ ᠲᠠᠭᠠᠨ ᠠᠯᠬᠤᠪᠠ ᠁ | ᠪᠠᠶᠠᠨᠰᠠᠩ ᠨᠠᠰᠤᠳᠠᠨ ᠤᠳᠤ ᠠᠷᠤ ᠭᠡᠷ ᠲᠡᠭᠡᠨ ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠵᠤ ᠰᠠᠭᠤᠨᠠ᠃ | ᠪᠢᠳᠡ ᠨᠠᠰᠤᠳᠠᠨ ᠲᠠᠢ ᠴᠤᠭ ᠭᠡᠷ ᠲᠤ ᠨᠢ ᠬᠦᠷᠬᠦ ᠳᠤ ᠲᠡᠷᠡ ᠤᠨᠴᠠᠭᠠᠶᠢᠯᠠᠨ ᠲᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠢᠶᠠᠨ | ᠲᠠᠳᠠᠨ ᠵᠢᠷᠭᠠᠯ ᠤᠨ ᠭᠤᠤᠯ ᠢᠶᠠᠨ ᠮᠠᠭᠳᠠᠭᠰᠠᠨ ᠬᠤᠯᠪᠤᠭᠠ ᠪᠠᠨ ᠬᠡᠯᠡᠵᠤ ᠮᠠᠨ ᠳᠤ ᠰᠤᠨᠤᠰᠬᠠᠵᠤ ᠭᠠᠷᠤᠯᠠ᠃ | ᠨᠠᠰᠣᠳᠠᠨ ᠤ ᠡᠷᠡᠭᠦᠯ ᠲᠡᠩᠬᠡᠯᠡᠭᠦᠨ ᠪᠡᠶᠡ ᠪᠠᠶᠢᠳᠠᠯ᠂ ᠪᠠᠶᠠᠷ ᠬᠦᠷ᠂ ᠱᠤᠭ ᠶᠦᠮᠦᠷᠯᠢᠭ ᠦᠭᠡ ᠶᠠᠷᠢᠶᠠ ᠠᠴᠠ ᠳᠡᠭᠦᠨ | ᠤ ᠦᠳᠡᠯᠤᠭᠡ ᠨᠠᠰᠤ ᠪᠠᠨ ᠵᠤᠯ ᠵᠢᠷᠭᠠᠯ ᠲᠤ ᠦᠩᠬᠡᠷᠡᠬᠡᠵᠣ ᠪᠠᠶᠢᠬᠤ ᠶᠢ ᠦᠵᠡᠵᠤ ᠭᠠᠷᠤᠨᠠ᠃ ᠲᠡᠭᠦᠨ ᠤ | ᠭᠤᠴᠢᠭᠠᠳ ᠵᠢᠯ ᠵᠢᠳᠭᠦᠵᠤ ᠴᠢᠷᠮᠠᠶᠢᠵᠤ ᠶᠠᠪᠤᠭᠰᠠᠨ ᠠᠵᠢᠯ ᠢ ᠨᠢ ᠲᠦᠷᠪᠡᠳᠤᠭᠡᠷ ᠬᠦᠪᠡᠬᠦᠨ ᠱᠤᠸᠠᠩ ᠴᠢᠤᠸᠠᠨ ᠨᠢ | ᠵᠠᠯᠠᠭᠠᠮᠵᠢᠯᠠᠨ ᠬᠢᠵᠤ ᠤᠳᠤ ᠵᠢᠷᠭᠠᠯ ᠤᠨ ᠭᠤᠤᠯ ᠤᠨ ᠤᠰᠤᠯᠠᠯᠳᠠ ᠶᠢᠨ ᠤᠷᠤᠨ ᠤ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠦᠷᠳᠡᠭᠡᠨ | ᠤ ᠳᠠᠷᠤᠭᠠ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ | ᠦᠨᠦ ᠵᠢᠯ ᠨᠠᠶᠠᠨ ᠨᠠᠢᠮᠠᠳᠠᠢ ᠮᠢᠨᠤ ᠡᠵᠢ ᠮᠢᠩᠭᠠ ᠶᠢᠰᠤᠨ ᠵᠠᠭᠤ ᠳᠠᠪᠢ ᠶᠢᠰᠦ ᠵᠢᠷᠠᠨ ᠤᠨ ᠤ ᠬᠤᠶᠠᠷ ᠵᠢᠯ | ᠳᠤ ᠭᠤᠷᠪᠠ ᠲᠦᠷᠪᠡᠬᠡᠨ ᠨᠠᠰᠤᠳᠠᠢ ᠪᠠᠶᠢᠭᠰᠠᠨ ᠡᠭᠡᠴᠢ ᠶᠢ ᠡᠭᠦᠷᠴᠦ ᠪᠠᠶᠢᠭᠠᠳ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠮᠠᠯᠳᠠᠬᠤ | ᠬᠦᠳᠡᠯᠮᠦᠷᠢ ᠳᠤ ᠤᠷᠤᠯᠴᠠᠯᠠ ᠭᠡᠳᠡᠭ᠃ ᠲᠡᠷᠡ ᠦᠶᠡ ᠳᠤ ᠡᠵᠢ ᠬᠦᠳᠡᠯᠮᠤᠷᠢᠯᠡᠬᠦ ᠪᠠᠷ ᠶᠠᠪᠤᠪᠠᠯ ᠡᠭᠡᠴᠢ ᠮᠢᠨᠢ | ᠬᠤᠨᠤᠬᠤ ᠮᠠᠶᠢᠬᠠᠨ ᠤ ᠪᠠᠨ ᠬᠠᠪᠢ ᠪᠠᠷ ᠮᠦᠯᠬᠦᠨ ᠮᠠᠭᠠᠵᠢᠨ ᠪᠠᠶᠢᠵᠤ᠂ ᠬᠡᠭᠡᠷᠡ ᠶᠢᠨ ᠮᠠᠩᠭᠢᠷ ᠭᠤᠭᠤᠳ ᠢ ᠠᠳᠬᠤ | ᠠᠳᠬᠤ ᠪᠠᠷ ᠳᠡᠭᠦᠵᠤ᠂ ᠡᠵᠢ ᠳᠤ ᠴᠠᠭ ᠤᠨ ᠬᠤᠭᠤᠯᠠᠨ ᠤ ᠵᠠᠭᠤᠰᠢ ᠪᠤᠯᠭᠠᠨ ᠦᠭᠳᠡᠭ ᠭᠡᠨᠡ᠃ ᠳᠡᠭᠡᠭᠡᠳ ᠯᠠ | ᠡᠵᠢ ᠮᠢᠨᠢ ᠡᠭᠡᠴᠢ ᠶᠢ ︽ᠡᠷᠳᠡ ᠤᠬᠠᠭᠠᠨ ᠤᠷᠤᠵᠤ᠂ ᠲᠤᠰᠠ ᠬᠢᠭᠰᠡᠨ ᠬᠡᠤᠬᠡᠳ ᠶᠤᠮ︾ ᠭᠡᠵᠤ ᠮᠠᠭᠳᠠᠨ ᠬᠡᠯᠡᠳᠡᠭ | ᠪᠠᠶᠢᠭᠰᠠᠨ᠃ ᠡᠳᠡᠭᠡᠷ ᠦᠡᠭᠭᠡᠷᠡᠭᠰᠡᠨ ᠤᠴᠢᠷ ᠤᠳ ᠺᠢᠨᠤ᠋ ᠵᠢᠷᠤᠭ ᠰᠢᠭ᠋ ᠮᠢᠨᠤ ᠲᠠᠷᠢᠬᠢᠨ ᠳᠤ ᠤᠷᠤᠵᠤ ᠢᠷᠡᠬᠦ ᠳᠤ ᠪᠢ | ᠡᠷᠬᠡ ᠦᠭᠡᠢ ᠯᠠ ᠵᠢᠷᠭᠠᠯ ᠤᠨ ᠭᠤᠤᠯ ᠢ ᠤᠬᠤᠵᠤ ᠮᠠᠯᠳᠠᠬᠤ ᠪᠠᠷ ᠪᠤᠳᠤᠯᠭᠠ ᠰᠡᠶᠢᠳᠪᠦᠷᠢ ᠭᠠᠷᠭᠠᠭᠰᠠᠨ᠂ ᠨᠠᠷᠡ | ᠦᠭᠴᠦ ᠬᠠᠶᠢᠷᠠᠯᠠᠭᠰᠠᠨ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠰᠡᠴᠡᠨ ᠮᠡᠷᠭᠡᠨ ᠬᠦᠮᠦᠰ ᠲᠡᠭᠡᠨ ᠬᠦᠰᠢᠶᠡ ᠪᠤᠰᠬᠠᠨ ᠲᠤᠷᠠᠰᠬᠠᠨ | ᠲᠡᠮᠳᠡᠭᠯᠡᠪᠡᠯ ᠲᠠᠭᠠᠷᠠᠨᠠ᠂ ᠬᠤᠰᠢᠭᠤ ᠨᠤᠳᠤᠭ ᠤᠨ ᠤᠶᠢᠯᠭᠠ ᠲᠡᠤᠬᠡ ᠳᠤ ᠬᠦᠨᠲᠦᠲᠡᠶᠢᠬᠡᠨ ᠲᠡᠮᠳᠡᠭᠯᠡᠵᠤ ᠲᠠᠯᠪᠢᠪᠠᠯ | ᠵᠤᠬᠢᠬᠤ ᠶᠤᠮ ᠭᠡᠵᠤ ᠪᠤᠳᠤᠵᠤ ᠭᠠᠷᠤᠯᠠ᠃ | ᠡᠨᠡᠷᠢᠯᠳᠤ ᠡᠵᠢ ᠶᠢᠨ ᠢᠨᠢᠶᠡᠮᠰᠦᠭ ᠴᠢᠷᠠᠢ | ᠦᠶᠡᠯᠵᠡᠬᠦ ᠤᠷᠤᠰᠬᠠᠯ ᠳᠤ ᠨᠢ ᠰᠢᠩᠭᠡᠭᠡᠰᠤᠳᠠᠢ | | ᠢᠷᠦᠭᠡᠯᠴᠢ ᠠᠪᠤ ᠶᠢᠨ ᠬᠠᠶᠢᠷᠠᠯᠠᠭᠰᠠᠨ ᠨᠡᠷᠡ | ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠳᠠᠭᠤᠷᠢᠰᠤᠯ ᠲᠠᠢ | ᠰᠠᠷᠠᠭᠤᠯ ᠤᠬᠠᠭᠠᠨ ᠤ ᠬᠦᠰᠡᠯ ᠪᠤᠯᠤᠭᠰᠠᠨ | ᠴᠢᠩ ᠬᠠᠶᠢᠷᠠ ᠶᠢᠨ ᠵᠢᠷᠭᠠᠯ ᠤᠨ ᠭᠤᠤᠯ ᠡ | ᠰᠢᠷᠠ ᠮᠦᠷᠡᠨ ᠤ ᠰᠢᠮᠡᠳᠤ ᠤᠷᠤᠰᠬᠠᠯ | ᠰᠠᠶᠢᠬᠠᠨ ᠳᠠᠯᠠ ᠶᠢᠨ ᠲᠤᠷᠭᠠᠨ ᠪᠦᠰᠡ ᠡ᠃ | ★ ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠤᠡᠭᠨᠢᠭᠤᠳ ᠬᠤᠰᠢᠭᠤ ᠶᠢᠨ ᠷᠠᠳᠢᠤ᠋ ᠲᠧᠯᠸᠢᠰ ᠲᠤᠪᠴᠢᠶᠠ | ᠤᠳᠠᠰᠤ᠄ 15947697176 | | |