| — — ᠨᠣᠳᠤᠭ ᠤᠨ ᠴᠢᠮᠡᠭ ᠢᠶᠠᠨ ᠰᠢᠨᠡ ᠵᠢᠯ ᠳᠤ ᠡᠷᠬᠦᠶᠣ | ᠣᠷᠳᠣ | ᠠᠷᠠᠯᠳᠣ ᠬᠤᠭᠤᠷ ᠢᠶᠠᠨ ᠳᠠᠳᠠᠭᠠᠳ ᠡᠬᠢᠯᠡᠪᠡᠯ ᠠᠮᠠᠨ ᠬᠤᠯᠪᠣᠭᠠ ᠣᠨᠳᠣᠷᠣᠨᠠ | ᠠᠬᠠ ᠳᠡᠬᠦᠣ ᠰᠠᠳᠣᠨ ᠴᠣᠭᠯᠠᠷᠠᠭᠠᠳ ᠰᠠᠭᠤᠪᠠᠯ ᠠᠩᠬᠢᠷ ᠵᠣᠭᠤᠭ ᠳᠡᠯᠭᠡᠭᠳᠡᠨᠡ | ᠠᠯᠳᠠᠨ ᠳᠡᠯᠡᠬᠡᠢ ᠳᠤ ᠭᠠᠭᠴᠠᠬᠠᠨ ᠣᠯᠳᠠᠭᠰᠠᠨ ᠳᠦᠷᠦᠭᠰᠡᠨ ᠨᠣᠳᠤᠭ ᠣᠩᠨᠢᠭᠤᠳ ᠮᠢᠨᠢ | ᠠᠷᠪᠠᠨ ᠵᠦᠭ ᠤᠨ ᠰᠠᠬᠢᠭᠤᠯᠰᠤᠨ ᠬᠤᠷᠠᠭᠰᠠᠨ ᠣᠨᠴᠠ ᠶᠢᠨ ᠰᠠᠶᠢᠬᠠᠨ ᠣᠷᠣᠨ ᠡ᠃ | ᠠᠭᠤᠯᠠ ᠨᠢ ᠠᠠᠭᠤᠯᠠ ᠪᠠᠨ ᠬᠠᠨᠢᠯᠴᠠᠨ ᠳᠦᠰᠢᠬᠡᠳ ᠨᠠᠷᠠᠨ ᠬᠡᠷᠡᠯ ᠣᠭᠳᠣᠨᠠ | ᠣᠰᠣ ᠨᠢ ᠣᠰᠣ ᠪᠠᠨ ᠬᠠᠶᠢᠷᠠ ᠪᠠᠷ ᠠᠷᠭᠠᠳᠠᠵᠣ ᠰᠠᠷᠠᠨ ᠲᠣᠶᠠᠭᠠ ᠰᠠᠭᠠᠳᠠᠭᠤᠯᠣᠨᠠ | ᠠᠭᠤᠳᠠᠮ ᠳᠠᠯᠠ ᠨᠢ ᠵᠡᠷᠬᠡᠯᠬᠡᠨ ᠳᠤ ᠬᠦᠪᠪᠦᠵᠣ ᠣᠰᠣ ᠪᠠᠶᠢᠭᠠᠯᠢ ᠨᠢ ᠰᠢᠳᠢᠳᠠᠢ | ᠣᠷᠭᠠ ᠶᠢᠨ ᠦᠵᠦᠬᠦᠷ ᠲᠤ ᠠᠳᠣᠭᠤᠳ ᠨᠠᠳᠬᠤᠵᠣ ᠬᠦᠮᠦᠨ ᠠᠮᠢᠳᠠᠨ ᠡᠬᠡᠯᠢᠳᠡᠢ᠃ | ᠭᠤᠪᠢ ᠠᠴᠠ ᠰᠡᠪᠢᠯᠵᠡᠬᠦ ᠵᠦᠬᠡᠯᠡᠨ ᠰᠠᠯᠬᠢ ᠨᠢ ᠴᠡᠴᠡᠭ ᠵᠠᠭᠠᠷ ᠢᠶᠠᠷ ᠰᠡᠩᠬᠢᠨᠡᠳᠡᠭ | ᠭᠤᠷᠤᠬᠠ ᠠᠴᠠ ᠳᠡᠪᠲᠡᠷᠢᠬᠦ ᠣᠷᠠᠨ ᠰᠢᠪᠠᠭᠤᠳ ᠨᠢ ᠠᠮᠠᠷᠠᠭ ᠬᠠᠶᠢᠷᠠ ᠪᠠᠷ ᠣᠶᠠᠩᠭᠠᠷᠠᠳᠠᠭ | ᠭᠠᠵᠠᠷ ᠠᠴᠠ ᠮᠠᠨᠳᠣᠬᠤ ᠪᠡᠯᠬᠡᠳᠣ ᠠᠭᠤᠷ ᠨᠢ ᠰᠠᠭᠠᠯᠢ ᠶᠢᠨ ᠦᠨᠦᠷ ᠢᠶᠠᠷ ᠳᠡᠭᠷᠢᠰᠢᠵᠣ | ᠭᠠᠶᠢᠬᠠᠮᠰᠢᠭ ᠠᠴᠠ ᠭᠠᠶᠢᠬᠠᠮᠰᠢᠭ ᠲᠤ ᠪᠦᠬᠦᠨ ᠢ ᠬᠦᠷᠭᠡᠭᠰᠡᠨ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | | | ᠴᠢᠩᠬᠢᠰ ᠤᠨ ᠬᠤᠶᠢᠴᠢᠰ ᠡᠨᠡ ᠨᠣᠳᠤᠭ ᠲᠤ ᠬᠦᠮᠦᠨ ᠤ ᠡᠷᠬᠢᠮ ᠢ ᠡᠷᠬᠦᠵᠣ | ᠴᠡᠷᠢᠭ ᠳᠠᠶᠢᠨ ᠪᠠᠭᠠᠳᠣᠷ ᠳᠡᠣᠬᠡ ᠡᠷᠡᠮᠬᠡᠢ ᠡᠷᠡᠰ ᠢ ᠪᠣᠰᠬᠠᠪᠠ | ᠴᠠᠭᠯᠠᠰᠢ ᠦᠬᠡᠢ ᠦᠬᠡᠷᠡᠴᠢᠯᠡᠯᠳᠡ ᠨᠡᠬᠡᠬᠡᠯᠳᠡ ᠡᠷᠡᠨ ᠤ ᠴᠣᠣᠷᠢᠶᠡ ᠪᠠᠳᠠᠷᠠᠭᠠᠨ | ᠴᠢᠬᠢᠷᠠᠭ ᠠᠴᠠ ᠴᠢᠬᠢᠷᠠᠭ ᠲᠤ ᠳᠠᠪᠰᠢᠨ ᠪᠠᠶᠢᠭᠠ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ | | ᠡᠵᠡᠨ ᠬᠠᠭᠠᠳ ᠤᠨ ᠳᠣᠮᠤᠭ ᠰᠢᠩᠬᠡᠭᠰᠡᠨ ᠡᠷᠳᠡᠨ ᠤ ᠰᠣᠶᠣᠯ ᠳᠡᠣᠬᠡ ᠲᠠᠢ | ᠡᠪ ᠵᠢᠷᠣᠮ ᠤᠨ ᠦᠯᠢᠬᠡᠷ ᠬᠡᠯᠬᠢᠭᠰᠡᠨ ᠪᠠᠭᠠᠳᠣᠷ ᠵᠢᠷᠣᠮᠳᠠᠨ ᠤ ᠲᠤᠤᠯᠢᠰ ᠲᠠᠢ | ᠡᠷᠬᠡᠳᠣ ᠳᠦᠮᠡᠨ ᠨᠢ ᠲᠦᠷᠦ ᠳᠤ ᠪᠠᠨ ᠵᠢᠳᠬᠦᠭᠰᠡᠨ ᠢᠷᠠᠭᠤᠬᠠᠨ ᠠᠭᠤᠣ ᠳᠡᠮᠳᠡᠭᠯᠡᠯ ᠲᠠᠢ | ᠡᠷᠳᠡᠨ ᠡᠳᠣᠬᠡ ᠶᠢᠨ ᠭᠠᠶᠢᠬᠠᠮᠰᠢᠭ ᠪᠣᠯᠣᠭᠰᠠᠨ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠡᠬᠡ ᠶᠢᠨ ᠬᠠᠶᠢᠷᠠ — ᠯᠣᠤᠬᠠ ᠰᠢᠷᠠᠮᠦᠷᠡᠨ ᠨᠢ ᠥᠭᠭᠢᠶᠡᠮᠦᠷ ᠰᠦ ᠪᠠᠷ ᠢᠪᠢᠯᠣᠬᠡᠳ | ᠡᠴᠢᠬᠡ ᠶᠢᠨ ᠰᠦᠷ — ᠬᠠᠨ ᠨᠠᠷᠠᠰᠣᠳᠠᠢ ᠨᠢ ᠦᠩᠰᠢᠭ ᠡᠷᠳᠡᠨᠢ ᠪᠠᠷ ᠰᠦᠮᠪᠦᠷᠯᠡᠭᠡᠳ | ᠡᠷᠢᠶᠡᠨ ᠭᠤᠪᠢ ᠠᠭᠤᠳᠠᠮ ᠬᠦᠨᠳᠡᠢ ᠨᠢ ᠠᠷᠴᠠ ᠽᠠᠨᠳᠠᠨ ᠢᠶᠠᠷ ᠠᠩᠬᠢᠯᠣᠭᠠᠳ | ᠡᠨᠡ ᠪᠡᠶᠡ ᠶᠢᠨ ᠬᠠᠶᠢᠷᠠ ᠶᠢᠨ ᠰᠢᠳᠦᠬᠡᠨ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠳᠡᠩᠨᠡᠬᠦᠷ ᠭᠤᠣᠯ ᠤᠨ ᠮᠢᠩᠭᠠᠨ ᠴᠠᠴᠠᠬᠡᠰ ᠣᠷᠭᠤᠮᠠᠯ ᠤᠨ ᠮᠦᠵᠠᠢ ᠶᠢ ᠭᠠᠶᠢᠬᠠᠭᠤᠯᠵᠣ | ᠳᠡᠭᠷᠢ ᠶᠢᠨ ᠳᠣᠯᠭᠠᠭᠤᠷᠢ ᠪᠦᠬᠡᠷᠡᠩᠬᠡᠢ ᠬᠠᠳᠠ ᠠᠭᠤᠯᠠᠰ ᠤᠨ ᠬᠠᠴᠢᠨ ᠢ ᠢᠯᠡᠷᠡᠬᠦᠯᠦᠮᠣᠢ | ᠳᠡᠷᠡᠰᠣ ᠨᠢ ᠴᠡᠯᠬᠡᠷ ᠨᠣᠭᠤᠭᠠᠨ ᠪᠦᠷᠢᠳᠣᠨ ᠮᠦᠩᠬᠡ ᠶᠢᠨ ᠷᠠᠰᠢᠶᠠᠨ ᠢᠶᠠᠷ ᠠᠮᠢᠯᠠᠵᠣ | ᠳᠡᠬᠡᠳᠣ ᠠᠴᠠ ᠵᠠᠶᠠᠭᠠᠲᠠᠢ ᠦᠵᠡᠮᠵᠢᠳᠣ ᠣᠷᠣᠨ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | | ᠬᠢᠳᠠᠨ ᠯᠢᠶᠣᠣ ᠶᠢᠨ ᠡᠬᠦᠰᠦᠭᠰᠡᠨ ᠮᠦᠷ ᠢ ᠠᠭᠤᠯᠠ ᠣᠰᠣ ᠮᠢᠨᠢ ᠳᠠᠮᠠᠭᠠᠯᠠᠵᠣ | ᠭᠠᠯᠪᠠ ᠶᠢᠨ ᠬᠠᠭᠤᠴᠢ ᠬᠦᠮᠦᠨ ᠤ ᠪᠣᠯᠪᠠᠰᠣᠨ ᠢ ᠬᠠᠳᠠᠨ ᠵᠢᠷᠤᠭ ᠲᠠᠭᠠᠨ ᠳᠡᠯᠬᠡᠬᠡᠳ | ᠭᠠᠵᠠᠷ ᠤᠨ ᠰᠠᠬᠢᠭᠤᠰᠣ ᠵᠦᠭ ᠤᠨ ᠪᠣᠷᠬᠠᠳ ᠢ ᠰᠦᠮᠡ ᠬᠡᠶᠢᠳ ᠲᠡᠭᠡᠨ ᠰᠦᠵᠢᠭᠯᠡᠨ | ᠭᠠᠷᠣᠳᠠᠢ ᠯᠣᠣᠳᠣ ᠰᠣᠶᠣᠯ ᠤᠨ ᠦᠯᠦᠬᠡᠢ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠵᠢᠭᠳᠡᠷᠡᠨ ᠡᠩᠨᠡᠷᠡᠭᠰᠡᠨ ᠬᠠᠰ ᠳ᠋ᠧᠩ ᠤᠳ ᠵᠡᠬᠡᠯᠢ ᠭᠤᠳᠣᠮᠵᠢ ᠪᠠᠨ ᠴᠢᠮᠡᠬᠡᠳ | ᠵᠦᠰᠦᠭᠡᠳ ᠬᠤᠯᠠᠳᠠᠭᠰᠠᠨ ᠳᠣᠯᠢᠨ ᠵᠡᠮ ᠤᠳ ᠬᠤᠳᠠ ᠬᠦᠳᠡᠭᠡ ᠶᠢ ᠬᠤᠯᠪᠣᠭᠠᠳ | ᠵᠢᠬᠦᠷᠯᠡᠨ ᠰᠣᠨᠣᠭᠰᠠᠨ ᠦᠨᠳᠦᠷ ᠴᠠᠬᠢᠯᠭᠠᠨ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠢ ᠳᠠᠯᠠᠯᠵᠣ | ᠵᠡᠭᠦᠳᠦ ᠪᠠᠷᠠᠭᠠᠨ ᠳᠤ ᠬᠤᠨᠣᠭᠰᠢᠳᠠᠭ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠭᠤᠶᠢᠳᠠ ᠠᠰᠠᠷ ᠤᠳ ᠡᠬᠦᠯᠡᠨ ᠳᠤ ᠰᠢᠷᠭᠤᠵᠣ ᠳᠦᠷᠪᠡᠨ ᠣᠯᠠᠷᠢᠯ ᠳᠡᠭᠰᠢᠬᠡᠨ | ᠭᠤᠶᠣ ᠡᠳ᠋ᠯᠡᠯ ᠠᠮᠢᠳᠣᠷᠠᠯ ᠴᠢᠮᠡᠵᠣ ᠬᠦᠭᠰᠢᠨ ᠵᠠᠯᠠᠭᠤᠰ ᠣᠷᠮᠠ ᠲᠠᠢ | ᠭᠤᠪᠢ ᠶᠢᠨ ᠮᠠᠯᠴᠢᠳ ᠬᠤᠳᠠᠨ ᠳᠤ ᠨᠡᠬᠦᠵᠣ ᠡᠷᠡᠨ ᠤ ᠴᠡᠩᠬᠡᠯ ᠢᠶᠠᠷ ᠰᠡᠯᠡᠬᠦᠴᠡᠨ | ᠭᠠᠩᠭᠠᠩ ᠰᠢᠨᠡᠴᠢᠷ ᠬᠡᠬᠡᠮᠰᠦᠭ ᠳᠦᠷᠢ ᠲᠠᠢ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | | ᠳᠠᠮᠣᠷ ᠪᠣᠬᠠ ᠵᠣᠶᠢᠯ ᠤᠨ ᠮᠠᠰᠢᠨ ᠠᠳᠣᠭᠤᠨ ᠴᠣᠪᠣᠭᠠ ᠪᠠᠷ ᠰᠦᠯᠵᠢᠯᠳᠣᠬᠡᠳ | ᠳᠡᠭᠷᠢ ᠶᠢᠨ ᠰᠢᠪᠠᠭᠤ ᠮᠦᠩᠬᠦᠨ ᠨᠢᠰᠬᠡᠯ ᠣᠳᠣᠷ ᠤᠨ ᠰᠦᠷᠦᠭ ᠲᠠᠢ ᠬᠠᠨᠢᠯᠴᠠᠨᠠ | ᠲᠧᠯᠸᠢᠰ ᠰᠦᠯᠵᠢᠶᠡ ᠷᠠᠳᠢᠣ᠋ ᠬᠤᠯᠪᠣᠭᠠ ᠳᠢᠪ ᠬᠦᠷᠦᠨ ᠲᠠᠢ ᠬᠦᠷᠰᠢᠯᠡᠬᠦᠯᠦᠨ | ᠳᠠᠯᠠᠬᠡᠢ ᠶᠢᠨ ᠰᠢᠨᠡ ᠳᠤ ᠳᠠᠪᠰᠢᠨ ᠪᠠᠶᠢᠭᠠ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ | ᠬᠦᠳᠡᠭᠡ ᠶᠢᠨ ᠠᠷᠠᠳ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠡᠷᠡᠬᠦᠯ ᠮᠡᠨᠳᠣ ᠶᠢᠨ ᠪᠠᠳᠣᠯᠭᠠ ᠲᠠᠢ | ᠬᠡᠣᠬᠡᠳ ᠪᠠᠭᠠᠴᠣᠳ ᠰᠣᠶᠣᠯ ᠳᠤ ᠣᠷᠣᠬᠤ ᠰᠣᠷᠭᠠᠨ ᠬᠦᠮᠦᠵᠢᠯ ᠤᠨ ᠪᠠᠳᠣᠯᠭᠠ ᠲᠠᠢ | ᠬᠦᠴᠢᠷ ᠠᠶᠢᠯ ᠪᠠᠭᠤᠷᠠᠢ ᠬᠦᠮᠦᠰ ᠨᠡᠶᠢᠬᠡᠮ ᠠᠮᠢᠳᠣᠷᠠᠯ ᠤᠨ ᠳᠡᠳᠬᠦᠷᠢ ᠲᠠᠢ | ᠬᠦᠮᠦᠨ ᠠᠷᠠᠳ ᠨᠢ ᠡᠷᠬᠡ ᠳᠡᠭᠰᠢ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ | ᠰᠢᠮᠡᠳᠠᠢ ᠬᠦᠷᠦᠰᠣᠨ ᠳᠤ ᠨᠢ ᠠᠯᠳᠠᠨ ᠳᠠᠷᠢᠶᠠ ᠣᠨᠡᠯᠪᠡᠭ ᠬᠤᠷᠢᠶᠠᠳᠠᠭ | ᠰᠢᠯᠢ ᠶᠢᠨ ᠳᠡᠨᠵᠢᠨ ᠳᠤ ᠨᠢ ᠳᠠᠷᠭᠤᠨ ᠰᠦᠷᠦᠭ ᠵᠢᠯ ᠳᠠᠩᠰᠤᠭ ᠵᠣᠰᠠᠳᠠᠭ | ᠰᠢᠨᠡ ᠪᠠᠷ ᠮᠠᠨᠳᠣᠭᠰᠠᠨ ᠬᠦᠴᠦᠷᠬᠡᠭ ᠺᠣᠮᠫᠠᠨᠢ ᠤᠳ ᠪᠠᠶᠠᠵᠢᠯ ᠤᠨ ᠳᠠᠷᠴᠠᠭ ᠬᠤᠷᠣᠶᠢᠯᠠᠭᠰᠠᠨ | ᠰᠠᠷᠠᠨ ᠳᠡᠭᠳᠡᠷ ᠨᠠᠷᠠᠨ ᠢᠨᠳᠡᠷ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠬᠦᠴᠦᠨ ᠤ ᠠᠪᠣᠷᠭᠤ ᠳᠠᠮᠢᠷᠴᠢᠨ ᠦᠷᠡᠰ ᠨᠢ ᠳᠡᠯᠡᠬᠡᠢ ᠶᠢᠨ ᠳᠠᠪᠴᠠᠩ ᠳᠤ ᠨᠡᠷᠡᠳᠠᠢ | ᠬᠦᠯᠦᠭ ᠤᠨ ᠠᠪᠣᠷᠭᠤ ᠰᠠᠶᠢᠨ ᠠᠭᠳᠠ ᠨᠢ ᠠᠷᠠᠳ ᠤᠨ ᠨᠠᠭᠠᠳᠣᠮ ᠳᠤ ᠴᠣᠣᠳᠠᠢ | ᠬᠦᠳᠡᠯᠮᠣᠷᠢ ᠶᠢᠨ ᠠᠪᠣᠷᠭᠤ ᠠᠵᠢᠯᠴᠢ ᠬᠦᠮᠦᠰ ᠨᠢ ᠲᠦᠷᠦ ᠶᠢᠨ ᠵᠢᠱᠢᠶᠡᠴᠢ ᠠᠯᠳᠠᠷᠳᠠᠢ | ᠬᠦᠨᠳᠦᠳᠠᠢ ᠪᠦᠬᠦᠨ ᠤ ᠳᠠᠷᠬᠠᠨ ᠦᠯᠦᠬᠡᠢ ᠣᠩᠨᠢᠭᠤᠳ ᠨᠣᠳᠤᠭ ᠰᠠᠶᠢᠬᠠᠨ ᠳ᠋ᠠ᠃ | ᠣᠶᠠᠩᠭᠠ ᠨᠠᠶᠢᠷᠠᠭ ᠤᠨ ᠠᠯᠳᠠᠨ ᠬᠤᠨᠳᠠᠭᠠ ᠪᠠᠷ ᠬᠦᠮᠦᠨ ᠤ ᠠᠯᠳᠠᠷ ᠢᠶᠠᠨ ᠮᠢᠯᠢᠶᠠᠭᠰᠠᠨ | ᠣᠷᠠᠨ ᠳᠣᠭᠯᠠᠭᠠᠮ ᠤᠨ ᠮᠦᠩᠬᠦᠨ ᠮᠧᠲᠡᠯ ᠢᠶᠠᠷ ᠨᠣᠳᠤᠭ ᠤᠨ ᠰᠦᠷ ᠢᠶᠠᠨ ᠱᠠᠩᠨᠠᠭᠰᠠᠨ | ᠣᠬᠠᠭᠠᠨᠳᠣ ᠬᠡᠣᠬᠡᠳ ᠤᠨ ᠪᠢᠯᠢᠭ ᠠᠪᠢᠶᠠᠰ ᠢᠶᠠᠷ ᠬᠦᠰᠡᠯ ᠤᠨ ᠨᠡᠷᠡ ᠪᠠᠨ ᠳᠠᠭᠤᠳᠠᠭᠤᠯᠣᠭᠰᠠᠨ | ᠣᠩᠭᠤᠨ ᠮᠠᠩᠯᠠᠢ ᠳᠠᠷᠬᠠᠨ ᠦᠯᠦᠬᠡᠢ ᠣᠩᠨᠢᠭᠤᠳ ᠨᠣᠳᠤᠭ ᠮᠢᠨᠢ ᠰᠠᠶᠢᠬᠠᠨ ᠳ᠋ᠠ᠃ | ᠠᠬᠠ ᠳᠡᠬᠦᠣ ᠬᠤᠰᠢᠭᠤ ᠵᠠᠬᠠ ᠶᠢᠨ ᠨᠣᠳᠤᠭ ᠲᠠᠢ ᠨᠦᠬᠦᠷᠯᠡᠯ ᠤᠨ ᠭᠠᠷ ᠢᠶᠠᠨ ᠬᠤᠯᠪᠣᠭᠰᠠᠨ | ᠠᠶᠢᠮᠠᠭ ᠬᠤᠳᠠ ᠬᠤᠯᠠ ᠶᠢᠨ ᠡᠷᠬᠢᠮ ᠤᠳ ᠲᠠᠢ ᠦᠨᠡᠨ ᠰᠡᠳᠬᠢᠯ ᠢᠶᠠᠷ ᠨᠠᠶᠢᠵᠢᠯᠠᠭᠰᠠᠨ | ᠠᠯᠣᠰ ᠬᠤᠯᠠ ᠶᠢᠨ ᠬᠦᠴᠦᠷᠬᠡᠭ ᠪᠣᠳᠣᠯ ᠢᠶᠠᠷ ᠬᠦᠮᠦᠨ ᠠᠷᠠᠳ ᠢᠶᠠᠨ ᠣᠷᠢᠶᠠᠯᠠᠭᠰᠠᠨ | ᠠᠶᠠᠨ ᠬᠠᠷᠭᠤᠢ ᠶᠢᠨ ᠳᠣᠭᠴᠢ ᠪᠣᠯᠣᠭᠰᠠᠨ ᠣᠩᠨᠢᠭᠤᠳ ᠨᠣᠳᠤᠭ ᠰᠠᠶᠢᠬᠠᠨ ᠳ᠋ᠠ᠃ | ᠦᠷᠡ ᠨᠢ ᠪᠣᠯᠵᠣ ᠡᠨᠡ ᠬᠦ ᠨᠣᠳᠤᠭ ᠲᠤ ᠵᠠᠶᠠᠭᠠᠵᠤ ᠳᠦᠷᠦᠬᠦ ᠬᠡᠵᠣ ᠰᠠᠶᠢᠬᠠᠨ ᠳ᠋ᠠ | ᠦᠰᠦᠭ ᠪᠢᠴᠢᠭ ᠲᠠᠢ ᠨᠢ ᠴᠤᠭ ᠳᠠᠪᠠᠷᠢᠵᠣ ᠦᠰᠦᠨ ᠪᠣᠶᠢᠵᠢᠬᠤ ᠬᠡᠵᠣ ᠭᠤᠶᠣᠬᠠᠨ ᠳ᠋ᠠ | ᠡᠪᠡᠰᠣ ᠰᠢᠷᠣᠢ ᠶᠢ ᠨᠢ ᠬᠦᠷᠳᠡᠯᠡ ᠬᠠᠮᠠᠭᠠᠯᠠᠵᠣ ᠶᠠᠪᠣᠪᠠᠯ ᠣᠮᠣᠭᠯᠠᠩ ᠳ᠋ᠠ | ᠡᠬᠦᠯᠡ ᠰᠠᠯᠬᠢ ᠶᠢ ᠨᠢ ᠬᠦᠷᠳᠡᠯᠡ ᠬᠠᠶᠢᠷᠠᠯᠠᠵᠣ ᠴᠢᠳᠠᠪᠠᠯ ᠵᠢᠷᠭᠠᠯᠠᠩ︕ | ᠣᠰᠣᠨ ᠤ ᠮᠡᠯᠮᠡᠢ ᠮᠦᠰᠢᠶᠡᠭᠰᠡᠨ ᠪᠠᠶᠠᠨ ᠳᠣᠩᠭᠠᠯᠠᠭ ᠣᠯᠠᠷᠢᠯ ᠳᠤ | ᠠᠭᠤᠯᠠᠰ ᠤᠨ ᠳᠣᠯᠣᠭᠠᠢ ᠳᠣᠨᠢᠶᠠᠷᠳᠣᠭᠰᠠᠨ ᠣᠨᠢᠶᠡᠷ ᠦᠬᠡᠢ ᠡᠳᠣᠷ | ᠣᠬᠠᠭᠠᠨᠳᠣ ᠳᠠᠨᠠᠷ ᠤᠨ ᠪᠡᠶᠡ ᠰᠡᠳᠬᠢᠯ ᠢ ᠢᠷᠦᠬᠡᠯ ᠤᠨ ᠬᠠᠳᠠᠭ ᠢᠶᠠᠷ ᠳᠠᠯᠠᠯᠶᠠ | ᠣᠷᠮᠠ ᠬᠠᠶᠢᠷᠯᠠᠵᠣ ᠣᠩᠨᠢᠭᠤᠳ ᠨᠣᠳᠤᠭ ᠲᠤ ᠮᠣᠷᠢᠯᠠᠨ ᠰᠠᠭᠠᠳᠠᠬᠤ ᠶᠢ ᠴᠢᠨᠢ ᠣᠭᠳᠣᠶᠣ᠃ | ᠳᠠᠯᠠ ᠶᠢᠨ ᠷᠠᠰᠢᠶᠠᠨ ᠢ ᠰᠦᠯᠡᠵᠣ ᠨᠠᠶᠢᠷᠠᠭᠰᠠᠨ ᠮᠣᠩᠭᠤᠯ ᠴᠠᠢ ᠶᠢ ᠮᠢᠨᠢ ᠠᠮᠰᠠᠭᠠᠴᠢ | ᠳᠠᠷᠠᠭ ᠤᠨ ᠬᠦᠷᠦᠩᠬᠡ ᠶᠢ ᠬᠠᠷᠢᠭᠤᠯᠵᠣ ᠨᠡᠷᠡᠭᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠮᠢᠨᠢ ᠣᠣᠭᠤᠭᠠᠴᠢ | ᠳᠠᠭᠠᠨᠠ ᠶᠢᠨ ᠰᠢᠮᠡ ᠪᠠᠷ ᠳᠠᠷᠭᠤ ᠳᠣᠭᠳᠠᠭᠰᠠᠨ ᠮᠠᠯ ᠤᠨ ᠰᠢᠬᠦᠰᠣ ᠶᠢ ᠮᠢᠨᠢ ᠵᠣᠭᠤᠭᠯᠠᠭᠠᠴᠢ | ᠳᠠᠭᠠᠳᠠᠢ ᠨᠠᠭᠠᠳᠣᠵᠣ ᠣᠷᠮᠠ ᠪᠠᠶᠠᠰᠬᠤ ᠶᠢ ᠣᠩᠨᠢᠭᠤᠳᠴᠣᠳ ᠪᠢᠳᠡᠨᠡᠷ ᠬᠦᠰᠡᠮᠣ᠃ | ᠦᠩ ᠰᠢᠮᠡᠯᠢᠭ ᠡᠨᠡ ᠨᠣᠳᠤᠭ ᠲᠤ ᠵᠦᠢ ᠳᠡᠭᠠᠳᠠᠢ ᠨᠠᠶᠢᠷᠠᠯᠠᠶᠠ | ᠦᠷᠦᠬᠡᠯ ᠬᠡᠬᠦ ᠶᠢᠨ ᠪᠣᠳᠣᠯ ᠦᠬᠡᠢ ᠰᠠᠳᠬᠢᠯ ᠨᠡᠶᠢᠯᠡᠵᠣ ᠨᠠᠭᠠᠳᠣᠶᠠ | ᠡᠷᠦᠬᠡ ᠬᠡᠷ ᠲᠤ ᠪᠠᠨ ᠳᠣᠯᠭᠠ ᠬᠥᠭᠵᠢᠭᠡᠨ ᠦᠣᠷ ᠴᠠᠶᠢᠳᠠᠯᠠ ᠳᠣᠭᠯᠠᠶᠠ | ᠦᠨᠢ ᠮᠦᠩᠬᠡ ᠶᠢᠨ ᠬᠡᠶᠢᠮᠣᠷᠢ ᠳᠠᠯᠠᠯᠣᠨ ᠰᠢᠨᠡ ᠵᠢᠯ ᠳᠡᠭᠡᠨ ᠵᠢᠷᠭᠠᠵᠠᠭᠠᠶᠠ︕ | | 2020.1.1 ᠪᠣᠷᠣᠬᠤᠳᠠᠨᠠ | | ︵ ᠬᠠᠶ᠋ᠢᠭ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ︶ | | | | | | |