ᠰᠦᠯᠳᠡ ᠨᠤᠲᠤᠭ ᠮᠢᠨᠢ | | ᠴᠢ᠊ · ᠤᠯᠠᠭᠠᠨ | | | ᠤᠩᠭᠤᠨ ᠰᠢᠯᠢ ᠰᠦᠨᠳᠡᠷᠯᠡᠭᠰᠡᠨ | ᠤᠨᠠᠭᠠᠨ ᠪᠠᠶᠢᠭᠠᠯᠢ ᠶᠢᠨ ᠪᠥᠷᠢᠳᠦ ᠲᠠᠢ | ᠡᠩᠬᠡ ᠬᠥᠬᠡᠮᠳᠦᠭ ᠪᠣᠷᠤᠲᠣᠯᠤᠭᠠᠢ ᠨᠢ | ᠢᠷᠦᠭᠡᠯ ᠢᠪᠡᠭᠡᠭᠰᠡᠨ ᠰᠢᠨᠵᠢ ᠲᠠᠢ | ᠲᠣᠭᠤᠨᠤ ᠲᠡᠷᠭᠡᠯ ᠬᠦᠳᠥᠯ ᠳᠤᠨᠢ | ᠲᠣᠭᠤᠷᠢᠮ ᠤᠨ ᠰᠦᠮᠡ ᠶᠢᠨ ᠬᠠᠶᠢᠯᠠᠰᠦ ᠲᠠᠢ | ᠲᠡᠦᠬᠡᠨ ᠳᠤ ᠦᠯᠡᠳᠡᠭᠰᠡᠨ ᠰᠤᠶᠤᠯ ᠨᠢ | ᠲᠤᠯᠭᠠ ᠶᠢᠨ ᠭᠠᠯ ᠤᠨ ᠲᠦᠷᠡᠯᠵᠡᠭᠡᠨ ᠲᠠᠢ | ᠴᠠᠭᠠᠨ ᠲᠡᠷᠡᠰᠦᠨ ᠴᠠᠶᠢᠳᠠᠮ ᠲᠠᠢ | ᠴᠠᠬᠤᠯᠡᠢ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡᠨ ᠲᠠᠢ | ᠴᠠᠯᠭᠢᠯᠠᠨ ᠲᠣᠯᠭᠢᠶᠠᠯᠠᠬᠤ ᠪᠥᠷᠢᠳᠦ ᠲᠠᠢ | ᠴᠠᠭᠠᠨ ᠰᠦᠯᠳᠡ ᠶᠢᠨ ᠲᠠᠬᠢᠯᠭᠠ ᠲᠠᠢ | ᠤᠯᠠᠭᠠᠨᠴᠠᠶᠢᠳᠠᠮ ᠤᠨ ᠥᠯᠦᠭᠡᠢ ᠳᠤᠨᠢ | ᠤᠰᠤᠷᠬᠠᠭ ᠬᠤᠷᠠ ᠶᠢᠨ ᠨᠠᠮᠢᠷᠠᠭᠠᠨ ᠲᠠᠢ | ᠦᠷᠭᠡᠨ ᠲᠠᠯᠠ ᠶᠢᠨ ᠰᠦ ᠰᠠᠭᠠᠯᠢ ᠨᠢ | ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢᠨ ᠪᠡᠯᠭᠡᠳᠡᠯ ᠲᠠᠢ | ᠭᠤᠷᠪᠠᠨ ᠰᠠᠯᠠᠭᠠᠨ ᠲᠣᠬᠤᠢ ᠳᠤᠨᠢ | ᠭᠤᠪᠢ ᠶᠢᠨ ᠬᠥᠳᠦᠯ ᠠᠭᠤᠯᠠ ᠲᠠᠢ | ᠭᠤᠪᠢ ᠪᠠᠨ ᠴᠢᠮᠡᠭᠰᠡᠨ ᠬᠥᠳᠡᠭᠡ ᠳᠤᠨᠢ | ᠭᠤᠯᠢᠶᠠ ᠰᠢᠪᠠᠭᠤᠳ ᠤᠨ ᠲᠣᠩᠭᠤᠳᠤᠯᠲᠡᠢ | ᠴᠠᠮᠬᠠᠭ ᠨᠤᠲᠤᠭ ᠤᠨ ᠡᠯᠢᠭᠡᠨ ᠳᠤᠨᠢ | ᠰᠢᠷᠠ ᠤᠰᠤᠨ ᠭᠤᠣᠯ ᠤᠨ ᠤᠷᠤᠰᠬᠠᠯ ᠲᠠᠢ | ᠴᠠᠭᠠᠨ ᠰᠦᠨ ᠤ ᠪᠠᠨ ᠰᠠᠴᠤᠯᠭᠠ ᠪᠠᠷ | ᠰᠢᠪᠡᠷ ᠪᠥᠷᠢᠳᠦ ᠶᠢ ᠨᠢ ᠮᠢᠯᠢᠶᠠᠯᠲᠡᠢ | ᠤᠩᠭᠤᠨ ᠲᠡᠭᠷᠢ ᠶᠢᠨ ᠢᠪᠡᠭᠡᠯᠲᠦ | ᠤᠰᠤᠨ ᠴᠡᠶᠢᠳᠠᠮ ᠤᠨ ᠨᠤᠲᠤᠭ ᠲᠠᠢ | ᠭᠡᠰᠢᠭᠪᠡᠲᠦ ᠶᠢᠨ ᠰᠠᠬᠢᠭᠤᠯᠰᠦᠨ ᠣᠷᠣᠰᠢᠭᠰᠠᠨ | ᠬᠡᠶᠢᠮᠣᠷᠢ ᠲᠠᠯᠠᠯᠬᠤ ᠰᠢᠲᠤᠭᠡᠨ ᠲᠠᠢ | ᠪᠤᠶᠠᠨᠲᠤ ᠪᠤᠭᠤᠷᠤᠯᠴᠤᠳ ᠤᠨ ᠦᠯᠢᠭᠡᠷᠯᠡᠳᠡᠭ | ᠪᠤᠷᠤᠬᠦ᠋ᠳᠡᠭᠡ ᠨᠤᠲᠤᠭ ᠮᠢᠨᠢ ᠢᠨᠢᠶᠡᠯᠲᠡᠢ | ᠰᠤᠶᠤᠯ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠲᠦ | ᠰᠦᠯᠳᠡ ᠨᠤᠲᠤᠭ ᠮᠢᠨᠢ ᠰᠢᠯᠤᠭ᠍ᠯᠡᠯ ᠲᠠᠢ | ᠰᠢᠷᠠ ᠡᠯᠢᠭᠡ ᠶᠢᠨ ᠦᠷᠦᠴᠡᠨ ᠳᠤᠨᠢ | ᠱᠠᠷᠯᠢᠭ ᠤᠨ ᠰᠦᠮᠡ ᠶᠢᠨ ᠰᠦᠨᠳᠡᠷᠯᠡᠭᠡ ᠲᠠᠢ | ᠰᠢᠨᠡ ᠵᠠᠭᠤᠨ ᠤ ᠰᠦᠯᠳᠡ ᠨᠤᠲᠤᠭ ᠮᠢᠨᠢ | ᠰᠤᠶᠤᠯ ᠤᠷᠠᠯᠢᠭ ᠤᠨ ᠬᠢᠯᠠᠯᠵᠠᠭᠠᠨ ᠲᠠᠢ | ᠪᠤᠶᠠᠨ ᠬᠤᠷᠠᠭᠰᠠᠨ ᠰᠦᠯᠳᠡ ᠶᠢᠨ ᠲᠠᠬᠢᠯᠭᠠ ᠲᠠᠢ | ᠪᠤᠷᠬᠠᠨ ᠨᠤᠲᠤᠭ ᠰᠦᠯᠳᠡ ᠮᠢᠨᠢ | ᠪᠤᠮᠠᠨ ᠣᠨ ᠤ ᠵᠦᠩ ᠪᠡᠯᠭᠡ ᠲᠠᠢ | ᠪᠤᠭᠤᠷᠤᠯ ᠨᠤᠲᠤᠭ ᠰᠦᠯᠳᠡ ᠮᠢᠨᠢ᠃ | ︵ᠠᠷᠠᠳ ᠤᠨ ᠰᠥᠯᠵᠢᠶᠡ ᠠᠴᠠ︶ |