ᠮᠣᠩᠭᠤᠯᠴᠤᠳ ᠤᠨ ᠠᠰᠠᠷᠠᠵᠤ ᠡᠨᠡᠷᠢᠬᠦ ᠶᠣᠰᠤᠨ ᠨᠢ ᠡᠴᠢᠭᠡ ᠡᠬᠡ ᠪᠠᠨ ᠬᠦᠨᠳᠤᠯᠡᠵᠦ ᠠᠰᠠᠷᠠᠬᠤ ᠪᠠ ᠦᠷᠡ | ᠬᠡᠥᠭᠡᠳ ᠢᠶᠠᠨ ᠡᠨᠡᠷᠢᠨ ᠬᠠᠶᠢᠷᠠᠯᠠᠬᠤ ᠵᠠᠩᠰᠢᠯ ᠪᠣᠯᠤᠨᠠ᠃ ᠮᠣᠩᠭᠤᠯᠴᠤᠳ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠡᠨᠡᠷᠢᠯ | ᠬᠠᠶᠢᠷᠠ ᠶᠢ ᠡᠭᠦᠷᠢᠳᠡ ᠰᠠᠨᠠᠵᠤ ᠶᠠᠪᠤᠳᠠᠭ᠃ ᠦᠷᠡ ᠬᠡᠥᠭᠡᠳ ᠨᠢ ᠡᠴᠢᠭᠡ ᠡᠬᠡ ᠪᠠᠨ ᠠᠰᠠᠷᠠᠨ ᠬᠦᠨᠳᠤᠯᠡᠬᠦ ᠶᠢ ᠨᠢᠭᠡ | ᠨᠠᠰᠤᠨ ᠤ ᠪᠠᠨ ᠶᠣᠰᠤ ᠵᠢᠷᠤᠮ ᠪᠣᠯᠭᠠᠨ ᠴᠢᠩᠭᠠ ᠪᠠᠷᠢᠮᠳᠠᠯᠠᠳᠠᠭ᠃ ᠡᠴᠢᠬᠡ ᠡᠬᠡ ᠶᠢᠨ ᠢᠶᠠᠨ ᠦᠭᠡ ᠶᠢ ᠬᠢᠴᠢᠶᠡᠩᠭᠦᠢ | ᠰᠣᠨᠤᠰᠴᠤ᠂ ᠵᠠᠬᠢᠶᠠ ᠰᠤᠷᠭᠠᠯ ᠢᠶᠠᠷ ᠨᠢ ᠶᠠᠪᠤᠬᠤ ᠶᠢ ᠡᠷᠬᠢᠮ ᠶᠣᠰᠤ ᠪᠣᠯᠭᠠᠳᠠᠭ᠃ ᠡᠴᠢᠭᠡ ᠡᠬᠡ ᠶᠢᠨ | ᠦᠭᠡᠳᠡ ᠠᠴᠠ ᠶᠡᠬᠡᠷᠯᠡᠵᠦ ᠶᠠᠷᠭᠢᠬᠤ᠂ ᠬᠢᠯᠤᠶᠢᠵᠤ ᠬᠠᠷᠠᠬᠤ᠂ ᠴᠢᠷᠠᠢ ᠦᠵᠡᠭᠦᠯᠬᠦ ᠶᠢ ᠴᠡᠭᠡᠷᠯᠡᠵᠦ᠂ ᠡᠴᠢᠭᠡ | ᠡᠬᠡ ᠪᠠᠨ ᠠᠲᠠ ᠦᠵᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ︽ᠡᠷᠬᠢ ᠠᠴᠠ ᠲᠦᠷᠤᠵᠤ ᠡᠯᠡᠰᠤᠨ ᠠᠴᠠ ᠤᠷᠭᠤᠭᠰᠠᠨ ᠪᠢᠰᠢ︾ | ᠲᠤᠯᠠ ᠡᠴᠢᠭᠡ ᠡᠬᠡ ᠪᠠᠨ ᠬᠦᠨᠳᠤᠯᠡᠨ ᠠᠰᠠᠷᠠᠵᠤ᠂ ᠦᠭᠡ ᠰᠤᠷᠭᠠᠯ ᠢ ᠨᠢ ᠰᠣᠨᠤᠰᠴᠤ ᠲᠠᠭᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ | ᠡᠴᠢᠭᠡ ᠡᠬᠡ ᠶᠢᠨ ᠳᠡᠷᠭᠡᠳᠡ ᠠᠮᠠᠷᠠᠭ ᠢᠨᠠᠭ ᠠᠯᠢᠶᠠ ᠱᠠᠯᠢᠭ ᠶᠠᠪᠤᠳᠠᠯ ᠤᠨ ᠲᠣᠬᠠᠢ ᠶᠠᠷᠢᠬᠤ᠂ ᠬᠠᠷᠢᠶᠠᠯ | ᠵᠦᠭᠡᠯ ᠲᠠᠯᠪᠢᠬᠤ ᠪᠠ ᠠᠷᠢᠬᠢ ᠤᠤᠭᠤᠬᠤ᠂ ᠳᠠᠮᠠᠬᠢ ᠲᠠᠲᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠶᠢᠯ ᠭᠡᠷ ᠪᠣᠰᠬᠠᠵᠤ ᠦᠷᠡ | ᠬᠡᠥᠭᠡᠳ ᠲᠠᠢ ᠪᠣᠯᠤᠭᠠᠳ ᠡᠴᠢᠭᠡ ᠡᠬᠡ ᠨᠢ ᠠᠷᠢᠬᠢ ᠳᠠᠮᠠᠬᠢᠨ ᠤ ᠴᠡᠭᠡᠷ ᠲᠠᠶᠢᠯᠵᠤ ᠴᠢᠯᠤᠭᠡ ᠦᠭᠭᠦᠭᠰᠡᠨ ᠤ ᠳᠠᠷᠠᠭᠠ | ᠰᠠᠶ᠋ᠢ ᠲᠠᠮᠠᠬᠢ ᠲᠠᠲᠠᠬᠤ ᠪᠣᠶᠤ ᠪᠠᠭᠠ ᠰᠠᠭᠠ ᠠᠷᠢᠬᠢ ᠣᠣᠭᠤᠵᠤ ᠪᠣᠯᠳᠠᠭ᠃ ᠠᠷᠢᠬᠢᠨ ᠤ ᠴᠢᠯᠤᠭᠡ ᠶᠢ ᠶᠡᠷᠤᠩᠬᠡᠢ | ᠳᠡᠭᠡᠨ ᠵᠢᠯ ᠴᠠᠭᠠᠨ ᠰᠠᠷᠠ ᠪᠣᠶᠥ ᠬᠤᠷᠢᠮ ᠨᠠᠶᠢᠷ ᠢ ᠳᠣᠬᠢᠶᠠᠯᠳᠤᠭᠤᠯᠵᠤ᠂ ᠡᠴᠢᠭᠡ ᠡᠬᠡ ᠨᠢ ᠠᠷᠢᠬᠢ ᠭᠡᠮᠨᠡᠭᠡᠳ | ᠬᠦᠦ ᠳᠡᠭᠡᠨ ᠦᠭᠴᠦ᠂ ︽ᠵᠠ᠂ ᠠᠷᠢᠬᠢᠨ ᠴᠢᠯᠤᠭᠡ ᠦᠭᠭᠦᠶᠡ᠂ ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢ ᠰᠠᠷᠬᠤᠳ ᠢ ᠰᠠᠶᠢᠬᠠᠨ | ᠡᠳ᠋ᠯᠡᠵᠦ ᠶᠠᠪᠤ︾ ᠭᠡᠬᠦ ᠮᠡᠲᠤ ᠪᠠᠷ ᠰᠤᠷᠭᠠᠳᠠᠭ᠃ ᠠᠷᠢᠬᠢᠨ ᠴᠢᠯᠤᠭᠡ ᠣᠯᠤᠭᠰᠠᠨ ᠬᠡᠥᠭᠡᠳ ᠨᠢ ᠪᠣᠰᠴᠤ ᠡᠴᠢᠭᠡ | ᠡᠬᠡ ᠶᠢᠨ ᠢᠶᠠᠨ ᠱᠠᠩᠨᠠᠭᠰᠠᠨ ᠠᠷᠢᠬᠢ ᠶᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠬᠢᠴᠢᠶᠡᠩᠭᠦᠶᠢᠯᠡᠨ ᠲᠣᠰᠴᠤ ᠮᠦᠷᠭᠦᠭᠡᠳ | ᠠᠮᠰᠠᠭᠰᠠᠨ ᠤ ᠳᠠᠷᠠᠭᠠ ᠡᠴᠢᠭᠡ ᠡᠬᠡ ᠳᠡᠭᠡᠨ ᠪᠣᠴᠠᠭᠠᠨ ᠪᠠᠷᠢᠳᠠᠭ ᠶᠣᠰᠤ ᠲᠠᠢ᠃ ᠳᠠᠮᠠᠬᠢᠨ ᠴᠢᠯᠤᠭᠡ ᠦᠭᠬᠦ ᠳᠤ᠂ | ᠡᠴᠢᠭᠡ ᠡᠬᠡ ᠨᠢ ᠭᠠᠩᠰᠠ ᠳᠠᠮᠠᠬᠢ ᠪᠠᠨ ᠪᠣᠶᠤ ᠨᠢᠭᠡ ᠭᠤᠲᠤᠯᠢ ᠲᠠᠮᠠᠬᠢ ᠨᠣᠴᠤᠭᠠᠵᠤ ᠳᠠᠮᠠᠬᠢᠨ ᠴᠢᠯᠤᠭᠡ ᠣᠯᠵᠤ | ᠪᠠᠶᠢᠭᠠ ᠬᠡᠥᠭᠡᠳ ᠲᠡᠭᠡᠨ ᠦᠭᠳᠡᠭ ᠃ ᠡᠶᠢᠮᠤᠷᠬᠦ ᠶᠣᠰᠤᠯᠠᠯ ᠢᠶᠠᠷ ᠳᠠᠮᠵᠢᠪᠠᠯ ᠰᠠᠶ᠋ᠢ ᠦᠷᠡ ᠬᠡᠥᠭᠡᠳ ᠨᠢ ᠡᠴᠢᠭᠡ | ᠡᠬᠡ ᠠᠴᠠ ᠪᠠᠨ ᠠᠷᠢᠬᠢ᠂ ᠲᠠᠮᠠᠬᠢᠨ ᠴᠢᠯᠤᠭᠡ ᠣᠯᠤᠭᠰᠠᠨ ᠳᠤ ᠲᠣᠭᠠᠴᠠᠭᠳᠠᠨᠠ᠃ | ᠦᠷᠡ ᠬᠡᠥᠭᠡᠳ ᠨᠢ ᠡᠴᠢᠭᠡ ᠡᠬᠡ ᠠᠴᠠ ᠪᠠᠨ ᠡᠷᠲᠡ ᠪᠣᠰᠴᠤ ᠣᠷᠤᠢ ᠤᠨᠲᠠᠨ᠂ ᠦᠷᠯᠤᠭᠡ ᠭᠠᠯ ᠢ ᠨᠢ | ᠨᠣᠴᠤᠭᠠᠵᠤ᠂ ᠣᠷᠤᠢ ᠣᠷᠣ ᠳᠡᠪᠢᠰᠭᠡᠷ ᠢ ᠨᠢ ᠵᠠᠰᠠᠵᠤ ᠦᠭᠳᠡᠭ᠃ ᠡᠩ ᠤᠨ ᠦᠶᠡ ᠳᠤ ᠢᠳᠡᠵᠦ ᠡᠮᠤᠰᠬᠦ ᠶᠢ ᠨᠢ | ᠵᠣᠬᠢᠴᠠᠭᠤᠯᠤᠨ ᠴᠠᠭ ᠴᠠᠭ ᠤᠨ ᠴᠠᠢ ᠬᠤᠭᠤᠯᠠ ᠪᠠᠵᠠᠭᠠᠬᠤ ᠳᠠᠭᠠᠨ ᠡᠴᠢᠭᠡ ᠡᠬᠡ ᠠᠴᠠ ᠪᠠᠨ ᠶᠠᠭᠤ ᠢᠳᠡᠬᠦ ᠶᠢ | ᠠᠰᠠᠭᠤᠵᠤ ᠠᠯᠢ ᠳᠤᠷᠠᠲᠠᠢ ᠬᠤᠭᠤᠯᠠ ᠤᠮᠳᠠ ᠶᠢ ᠨᠢ ᠪᠡᠯᠡᠳᠭᠡᠵᠦ ᠦᠭᠳᠡᠭ᠃ ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠬᠤ ᠳᠠᠭᠠᠨ | ᠡᠴᠢᠭᠡ ᠡᠬᠡ ᠳᠡᠭᠡᠨ ᠳᠡᠭᠡᠵᠢ ᠶᠢ ᠨᠢ ᠠᠶᠠᠭᠠᠯᠠᠵᠤ᠂ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠬᠢᠴᠢᠶᠡᠩᠭᠦᠶᠢᠯᠡᠨ ᠪᠠᠷᠢᠳᠠᠭ᠃ ᠦᠷᠡ | ᠬᠡᠥᠭᠡᠳ ᠨᠢ ᠡᠴᠢᠬᠡ ᠡᠬᠡ ᠶᠢᠨ ᠳᠡᠷᠭᠡᠳᠡ ᠵᠠᠪᠢᠯᠠᠵᠤ ᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠨ ᠴᠣᠮᠴᠤᠶᠢᠵᠤ ᠰᠠᠭᠤᠳᠠᠭ᠃ ᠬᠦᠦ᠂ | ᠬᠦᠷᠭᠡᠨ ᠮᠣᠩᠭᠤᠯ ᠭᠡᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠰᠠᠭᠤᠵᠤ᠂ ᠬᠡᠥᠬᠡᠨ᠂ ᠪᠡᠷᠢ ᠨᠢ ᠵᠡᠭᠦᠨ ᠲᠠᠯᠠ ᠪᠠᠷ ᠰᠠᠭᠤᠳᠠᠭ᠃ | ᠦᠷᠡ ᠬᠡᠥᠭᠡᠳ ᠨᠢ ᠠᠰ ᠲᠠᠭᠠᠨ ᠠᠶᠢᠯ ᠪᠣᠯᠵᠤ ᠭᠡᠷ ᠡᠷᠤᠬᠡ ᠪᠣᠰᠬᠠᠭᠠᠳ ᠡᠴᠢᠭᠡ ᠡᠬᠡ ᠠᠴᠠ ᠪᠠᠨ | ᠵᠠᠶᠢᠳᠠᠭᠤ ᠰᠠᠭᠤᠵᠤ ᠪᠠᠶᠢᠭᠠ ᠪᠣᠯ ᠦᠷᠬᠦᠯᠵᠢ ᠡᠷᠬᠢᠵᠤ ᠦᠵᠡᠳᠡᠭ᠃ ᠦᠷᠡ ᠬᠡᠥᠭᠡᠳ ᠨᠢ ᠶᠠᠮᠠᠷ ᠨᠢᠭᠡᠨ ᠠᠵᠢᠯ | ᠶᠠᠪᠤᠳᠠᠯ ᠬᠢᠬᠦ᠂ ᠬᠡᠷᠡᠭ ᠤᠴᠢᠷ ᠢ ᠰᠢᠢᠳᠪᠤᠷᠢᠯᠡᠬᠦ ᠳᠡᠭᠡᠨ ᠤᠷᠢᠳᠠᠪᠠᠷ ᠡᠴᠢᠭᠡ ᠡᠬᠡ ᠳᠡᠭᠡᠨ ᠬᠡᠯᠡᠵᠦ ᠲᠡᠳᠡᠨ ᠤ ᠰᠠᠨᠠᠯ | ᠰᠤᠷᠭᠠᠯ ᠢ ᠠᠪᠳᠠᠭ᠃ ᠠᠶᠠᠨ ᠵᠢᠩ ᠳᠤ ᠶᠠᠪᠤᠬᠤ ᠪᠣᠶᠤ ᠬᠤᠯᠠ ᠶᠢᠨ ᠵᠠᠮ ᠳᠤ ᠮᠣᠷᠳᠠᠬᠤ ᠳᠠᠭᠠᠨ ᠡᠴᠢᠭᠡ | ᠡᠬᠡ ᠶᠢᠨ ᠢᠶᠠᠨ ᠰᠤᠷᠭᠠᠯ ᠵᠠᠬᠢᠶᠠ᠂ ᠢᠷᠤᠭᠡᠯ ᠪᠡᠯᠭᠡ ᠶᠢ ᠰᠣᠨᠤᠰᠳᠠᠭ᠃ | ᠡᠪᠦᠭᠡ ᠳᠡᠭᠡᠳᠤᠰ᠂ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠨᠡᠷᠡ ᠶᠢ ᠬᠡᠯᠡᠵᠦ ᠳᠠᠭᠤᠳᠠᠬᠤ ᠦᠭᠡᠢ᠃ ᠡᠴᠢᠭᠡ ᠡᠬᠡ ᠲᠠᠢ | ᠢᠵᠢᠯ ᠨᠡᠷᠡᠲᠡᠨ ᠢ ︽ᠠᠪᠤ ᠶᠢᠨ ᠨᠡᠷᠡᠲᠤ︾᠂ ︽ᠡᠵᠢ ᠶᠢᠨ ᠨᠡᠷᠡᠲᠤ︾ ᠭᠡᠬᠦ ᠮᠡᠲᠤ ᠪᠠᠷ ᠳᠠᠭᠤᠳᠠᠳᠠᠭ᠃ ᠬᠡᠥᠭᠡᠳ | ᠲᠡᠭᠡᠨ ᠨᠡᠷᠡ ᠦᠭᠬᠦ ᠳᠤ ᠡᠪᠦᠭᠡ ᠳᠡᠭᠡᠳᠤᠰ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠲᠠᠢ ᠪᠠᠨ ᠠᠳᠠᠯᠢ ᠨᠡᠷᠡ ᠦᠭᠬᠦ ᠶᠢ ᠴᠢᠩᠭᠠ | ᠴᠡᠭᠡᠷᠯᠡᠳᠡᠭ᠃ ᠡᠴᠢᠭᠡ ᠡᠬᠡ᠂ ᠠᠬᠠᠮᠠᠳ ᠨᠠᠰᠤᠲᠠᠨ᠂ ᠠᠬᠠᠰ ᠵᠠᠬᠠᠰ ᠲᠤ ᠬᠠᠨᠳᠤᠨ ᠬᠡᠯᠡᠬᠦ ᠳᠡᠭᠡᠨ ︽ᠴᠢ︾ ᠭᠡᠬᠦ | ᠦᠭᠡᠢ᠂ ︽ᠲᠠ︾ ᠬᠡᠵᠤ ᠬᠦᠨᠳᠤᠳᠭᠡᠨ ᠶᠠᠷᠢᠳᠠᠭ᠃ ᠡᠴᠢᠭᠡ ᠡᠬᠡ ᠳᠡᠭᠡᠨ ᠶᠣᠰᠤᠷᠬᠠᠭ ᠬᠢᠴᠢᠶᠡᠩᠭᠦᠢ ᠳᠠᠷᠤᠤ | ᠨᠣᠮᠤᠬᠠᠨ ᠬᠠᠨᠳᠤᠵᠤ᠂ ᠦᠭᠡ ᠶᠠᠷᠢᠶᠠ᠂ ᠤᠶᠢᠯᠡ ᠬᠦᠳᠡᠯᠭᠡᠭᠡᠨ ᠤ ᠠᠯᠢ ᠴᠤ ᠲᠠᠯᠠ ᠪᠠᠷ ᠢᠶᠠᠨ ᠪᠣᠯᠪᠠᠰᠤᠨ | ᠪᠠᠶᠢᠬᠤ ᠶᠢ ᠪᠠᠷᠢᠮᠳᠠᠯᠠᠳᠠᠭ᠃ ᠠᠶᠢᠯ ᠭᠡᠷ ᠪᠣᠯᠵᠤ᠂ ᠦᠷᠡ ᠬᠡᠥᠭᠡᠳ ᠲᠠᠢ ᠪᠣᠯᠤᠭᠰᠠᠨ ᠴᠤ ᠡᠴᠢᠭᠡ ᠶᠢᠨ | ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠣᠯ ᠰᠠᠬᠠᠯ ᠲᠠᠯᠪᠢᠵᠤ ᠪᠣᠯᠳᠠᠭ ᠦᠭᠡᠢ᠃ | ᠮᠣᠩᠭᠤᠯᠴᠤᠳ ᠤᠨ ᠠᠰᠠᠷᠠᠵᠤ ᠡᠨᠡᠷᠢᠬᠦ ᠶᠣᠰᠤᠨ ᠡᠴᠢᠭᠡ ᠡᠬᠡ ᠳᠤ ᠬᠠᠨᠳᠤᠬᠤ ᠲᠠᠯᠠ ᠪᠠᠷ ᠢᠩᠭᠢᠵᠦ | ᠢᠯᠡᠷᠡᠳᠡᠭ ᠤᠨ ᠬᠠᠮᠲᠤ ᠡᠴᠢᠭᠡ ᠡᠬᠡ ᠪᠣᠯᠤᠭᠰᠠᠳ ᠦᠷᠡ ᠬᠡᠥᠭᠡᠳ ᠢᠶᠠᠨ ᠡᠨᠡᠷᠢᠵᠤ ᠬᠠᠶᠢᠷᠠᠯᠠᠬᠤ᠂ ᠰᠤᠷᠭᠠᠵᠤ | ᠬᠦᠮᠤᠵᠢᠭᠦᠯᠬᠦ ᠲᠠᠯᠠ ᠪᠠᠷ ᠴᠤ ᠮᠦᠨ ᠪᠣᠳᠠᠳᠤ ᠪᠡᠶᠡᠯᠡᠯ ᠢᠶᠠᠨ ᠣᠯᠳᠠᠭ᠃ ᠡᠴᠢᠭᠡ ᠡᠬᠡ ᠪᠣᠯᠤᠭᠰᠠᠳ ᠦᠷᠡ | ᠬᠡᠥᠭᠡᠳ ᠢᠶᠠᠨ ᠪᠠᠯᠴᠢᠷ ᠪᠠᠭᠠ ᠠᠴᠠ ᠨᠢ ᠡᠬᠢᠯᠡᠨ ᠤᠬᠠᠭᠠᠨ ᠮᠡᠳᠡᠯᠭᠡ᠂ ᠠᠵᠢᠯ ᠬᠦᠳᠡᠯᠮᠤᠷᠢ ᠶᠢᠨ ᠬᠦᠮᠤᠵᠢᠯ | ᠬᠦᠷᠲᠡᠭᠡᠵᠦ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠢ ᠬᠦᠨᠳᠤᠳᠭᠡᠬᠦ᠂ ᠠᠬᠠᠰ ᠵᠠᠬᠠᠰ ᠤᠨ ᠦᠭᠡ ᠶᠢ ᠰᠣᠨᠤᠰᠬᠤ᠂ ᠬᠦᠳᠡᠯᠮᠤᠷᠢ ᠳᠤ | ᠳᠤᠷᠠᠲᠠᠢ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠳᠤ ᠬᠠᠶᠢᠷᠠᠲᠠᠢ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢ ᠳᠡᠭᠡᠳᠤᠯᠡᠬᠦ ᠪᠣᠯᠭᠠᠨ | ᠬᠦᠮᠤᠵᠢᠭᠦᠯᠳᠡᠭ᠃ ᠪᠠᠭᠠ ᠬᠡᠥᠭᠡᠳ ᠢ ᠠᠩᠬᠠᠯᠠᠨ ᠲᠤᠭᠠ ᠲᠣᠭᠠᠯᠠᠬᠤ᠂ ᠮᠠᠯ ᠤᠨ ᠵᠢᠰᠦ ᠲᠠᠨᠢᠭᠤᠯᠬᠤ ᠪᠠ ᠵᠢᠯ᠂ | ᠰᠠᠷᠠ᠂ ᠡᠳᠦᠷ᠂ ᠵᠦᠭ ᠴᠢᠭ ᠢ ᠮᠡᠳᠡᠭᠦᠯᠬᠦ ᠳᠤ ᠬᠦᠲᠤᠯᠬᠦ ᠶᠢᠨ ᠤᠯᠠᠮ ᠢᠶᠠᠷ ᠬᠦᠦ᠂ ᠦᠬᠢᠨ ᠤ ᠢᠯᠭᠠᠪᠤᠷᠢ ᠪᠠᠷ | ᠠᠵᠢᠯ ᠤᠶᠢᠯᠡ ᠳᠤ ᠳᠠᠰᠬᠠᠳᠠᠭ᠃ ᠲᠣᠬᠠᠶᠢᠯᠠᠪᠠᠯ ᠪᠦᠰᠡᠳᠡᠢ ᠬᠡᠥᠭᠡᠳ ᠡᠴᠢᠭᠡ ᠡᠬᠡ᠂ ᠠᠬᠠ ᠨᠠᠷ ᠤᠨ | ᠲᠠᠭᠠᠭᠤᠯᠭᠠ ᠪᠠᠷ ᠮᠣᠷᠢ ᠤᠨᠤᠬᠤ᠂ ᠨᠣᠮᠤ ᠰᠣᠮᠣ ᠬᠠᠷᠪᠤᠬᠤ ᠶᠢ ᠰᠤᠷᠴᠤ᠂ ᠪᠦᠰᠡᠭᠦᠢ ᠬᠡᠥᠭᠡᠳ ᠡᠬᠡ᠂ ᠡᠭᠡᠴᠢ ᠶᠢᠨ | ᠳᠡᠷᠭᠡᠲᠡ ᠤᠶᠢᠯᠡ ᠣᠶᠤᠬᠤ᠂ ᠬᠤᠭᠤᠯᠠ ᠴᠠᠢ ᠪᠠᠵᠠᠭᠠᠬᠤ᠂ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠦᠨᠢᠶᠡ ᠰᠠᠭᠠᠬᠤ | ᠮᠡᠲᠤ ᠶᠢᠨ ᠠᠵᠢᠯ ᠳᠤ ᠳᠠᠳᠬᠠᠯᠰᠢᠳᠠᠭ᠃ | ᠬᠡᠥᠭᠡᠳ ᠢ ᠪᠠᠭᠠ ᠠᠴᠠ ᠨᠢ ᠡᠴᠢᠭᠡ ᠡᠬᠡ ᠶᠢᠨ ᠬᠡᠯᠡᠭᠰᠡᠨ ᠵᠠᠬᠢᠭᠰᠠᠨ ᠢ ᠪᠡᠶᠡᠯᠡᠭᠦᠯᠬᠦ ᠪᠠᠷ ᠱᠠᠭᠠᠷᠳᠠᠵᠤ᠂ | ᠭᠡᠶᠢᠴᠢᠨ ᠵᠣᠴᠢᠨ ᠤ ᠳᠡᠷᠭᠡᠲᠡ ᠱᠣᠣᠬᠢᠬᠤ᠂ ᠭᠦᠶᠤᠯᠳᠤᠬᠦ᠂ ᠬᠦᠮᠦᠨ ᠤ ᠶᠠᠷᠢᠶᠠᠨ ᠳᠤ ᠣᠷᠤᠯᠴᠠᠬᠤ ᠵᠡᠷᠬᠡ ᠶᠢ | ᠴᠡᠭᠡᠷᠯᠡᠭᠦᠯᠳᠡᠭ᠃ ᠡᠴᠢᠭᠡ ᠡᠬᠡ ᠨᠢ ᠬᠡᠥᠭᠡᠳ ᠢᠶᠠᠨ ᠴᠢᠩᠭᠠ ᠶᠣᠰᠤ ᠵᠢᠷᠤᠮ ᠢᠶᠠᠷ ᠱᠠᠭᠠᠷᠳᠠᠨ ᠰᠤᠷᠭᠠᠬᠤ ᠳᠠᠭᠠᠨ | ᠳᠣᠭᠰᠢᠨ ᠳᠣᠯᠬᠢᠨ ᠬᠠᠨᠳᠤᠬᠤ ᠪᠢᠰᠢ᠂ ᠬᠠᠷᠢᠨ ᠲᠤᠩ ᠡᠶᠡᠯᠳᠡᠭ ᠵᠦᠭᠡᠯᠡᠨ ᠣᠪᠤᠷ ᠢᠶᠠᠷ ︽ᠮᠢᠨᠤ ᠬᠦᠦ ᠢᠩᠭᠢᠵᠦ | ᠬᠢ︾ ︽ᠮᠢᠨᠤ ᠦᠬᠢᠨ ᠴᠢᠩᠭᠢᠵᠦ ᠰᠤᠷ︾ ᠭᠡᠬᠦ ᠮᠡᠲᠤ ᠪᠠᠷ ᠵᠢᠭᠠᠵᠤ ᠵᠠᠬᠢᠵᠤ ᠰᠤᠷᠭᠠᠳᠠᠭ᠃ ᠡᠶᠢᠮᠤ ᠠᠴᠠ | ᠮᠣᠩᠭᠤᠯᠴᠤᠳ ᠭᠡᠶᠢᠴᠢᠨ ᠵᠣᠴᠢᠨ ᠤ ᠳᠡᠷᠭᠡᠲᠡ ᠬᠡᠥᠭᠡᠳ ᠢᠶᠠᠨ ᠵᠠᠯᠬᠠᠭᠠᠨ ᠵᠠᠩᠳᠤᠷᠬᠤ᠂ ᠵᠢᠮᠡᠯᠡᠨ ᠬᠡᠯᠡᠬᠦ᠂ ᠴᠣᠬᠢᠵᠤ | ᠵᠠᠨᠴᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠵᠠᠪᠠᠯ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠪᠣᠯ ᠵᠦᠭᠡᠯᠡᠨ ᠳᠠᠭᠤ ᠪᠠᠷ ᠰᠠᠨᠠᠭᠤᠯᠬᠤ ᠪᠣᠶᠤ ᠨᠢᠳᠤᠨ | ᠬᠠᠷᠠᠴᠠ ᠪᠠᠷ ᠢᠶᠠᠨ ᠳᠣᠬᠢᠶᠠ ᠦᠭᠳᠡᠭ᠃ ᠠᠬᠠᠮᠠᠳ ᠨᠠᠰᠤᠲᠠᠢ ᠬᠦᠮᠤᠨ᠂ ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠲᠠᠢ ᠠᠷᠢᠬᠢ | ᠳᠠᠷᠠᠰᠤ ᠣᠣᠭᠤᠬᠤ᠂ ᠲᠠᠮᠠᠬᠢᠯᠠᠬᠤ᠂ ᠠᠯᠢᠶᠠ ᠱᠠᠯᠢᠭ ᠦᠭᠡ ᠬᠡᠯᠡᠴᠡᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠵᠦᠷᠢᠴᠡᠪᠡᠯ ᠬᠦᠨᠳᠦ ᠪᠠᠨ | ᠠᠯᠳᠠᠵᠤ ᠨᠡᠷᠡ ᠨᠢᠭᠤᠷ ᠦᠭᠡᠢ ᠪᠣᠯᠤᠨᠠ ᠭᠡᠳᠡᠭ᠃ ᠢᠩᠭᠢᠵᠦ ᠴᠢᠩᠭᠠ ᠶᠣᠰᠤ ᠪᠠᠷ ᠱᠠᠭᠠᠷᠳᠠᠵᠤ ᠳᠣᠬᠢᠲᠠᠢ | ᠠᠷᠭᠠ ᠪᠠᠷ ᠰᠤᠷᠭᠠᠳᠠᠭ ᠨᠢ ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠤᠨ ᠨᠢᠭᠡᠨ ᠬᠡᠪ ᠵᠣᠷᠰᠢᠯ ᠪᠣᠯᠤᠨ | ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠶᠤᠮ᠃ | | ᠢᠷᠡᠯᠲᠡ᠄ ᠦᠪᠤᠷ ᠮᠣᠩᠭᠤᠯ ᠤᠨ ᠠᠮᠢᠳᠤᠷᠠᠯ ᠭᠠᠷᠠᠭ ᠤᠨ ᠰᠣᠨᠢᠨ |