ᠮᠣᠩᠭᠤᠯᠴᠤᠳ ᠲᠦᠷᠦᠬᠦ ᠠᠴᠠ ᠨᠠᠰᠤ ᠪᠠᠷᠠᠬᠤ ᠬᠦᠷᠲᠡᠯᠡᠬᠢ ᠶᠢ 25 ᠦᠶᠡ ᠵᠠᠭᠠᠭᠯᠠᠨ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠠᠢ᠃ | ᠡᠭᠦᠨ ᠳᠤ ᠲᠦᠷᠦᠬᠦ ᠠᠴᠠ ᠡᠷᠡ ᠶᠢᠨ ᠴᠡᠭᠡᠯ ᠳᠤ ᠬᠦᠷᠬᠦ ᠨᠠᠰᠤ ᠶᠢ 14 ᠦᠶᠡ ᠪᠣᠯᠭᠠᠨ ᠨᠡᠷᠡᠯᠡᠵᠡᠢ᠃ | 1.ᠦᠷᠡ ᠪᠣᠶᠠᠨ ᠤ ᠨᠠᠰᠤ — ᠡᠬᠡ ᠶᠢᠨ ᠠᠷᠢᠭᠤᠨ ᠬᠡᠪᠡᠯᠢ ᠳᠤ ᠪᠦᠷᠢᠯᠳᠦᠬᠦ ᠦᠶᠡ ᠶᠢ ᠬᠡᠯᠡᠨᠡ᠃ | 2.ᠤᠭᠤᠳᠤᠨᠠ ᠰᠡᠭᠦᠯᠯᠡᠬᠦ ᠨᠠᠰᠤ — ᠬᠦᠮᠦᠨ ᠳᠦᠷᠰᠤ ᠣᠯᠬᠤ ᠦᠶᠡ ᠶᠢ ᠬᠡᠯᠡᠨᠡ᠃ | 3.ᠮᠢᠨᠵᠢ ᠪᠣᠯᠠᠭᠠᠨ ᠨᠠᠰᠤ — ᠡᠬᠡ ᠶᠢᠨ ᠤᠰᠤᠨ ᠬᠡᠪᠡᠯᠢ ᠳᠤ ᠮᠢᠨᠵᠢ ᠰᠢᠭ ᠰᠡᠯᠢᠨ ᠦᠰᠬᠦ ᠦᠶᠡ ᠶᠢ | ᠬᠡᠯᠡᠨᠡ᠃ | 4.ᠡᠬᠡ ᠶᠢᠨ ᠨᠠᠰᠤ — ᠡᠬᠡ ᠶᠢᠨ ᠠᠷᠢᠭᠤᠨ ᠬᠡᠪᠡᠯᠢ ᠳᠤ ᠪᠦᠷᠢᠯᠳᠦᠬᠦ ᠠᠴᠠ ᠲᠦᠷᠦᠬᠦ ᠬᠦᠷᠲᠡᠯᠡᠬᠢ | ᠦᠶᠡ ᠶᠢ ᠬᠡᠯᠡᠨᠡ᠃ | 5.ᠮᠡᠨᠳᠦᠯᠡᠬᠦ ᠨᠠᠰᠤ ︵ᠤᠳᠤᠮ ᠤᠨ ᠤᠯᠠᠭᠠᠴᠢ︶ — ᠠᠯᠲᠠᠨ ᠳᠡᠯᠡᠬᠡᠢ ᠳᠤ ᠠᠩᠬᠠᠨ ᠤ ᠳᠠᠭᠤ ᠪᠠᠨ | ᠡᠷᠭᠦᠬᠦ ᠶᠢ ᠬᠡᠯᠡᠨᠡ᠃ | 6.ᠦᠯᠦᠭᠡᠢ ᠲᠠᠢ ᠨᠠᠰᠤ ︵ᠨᠢᠷᠠᠢ ᠨᠠᠰᠤ︶ — ᠦᠯᠦᠭᠡᠢ ᠳᠣᠲᠤᠷᠠ ᠪᠠᠨ ᠮᠠᠷᠢᠶᠠᠯᠠᠬᠤ ᠦᠶᠡ ᠶᠢ ᠬᠡᠯᠡᠨᠡ᠃ | 7.ᠤᠬᠢᠯᠠᠮᠠᠬᠠᠢ ᠨᠠᠰᠤ — ᠬᠡᠥᠬᠡᠳ ᠪᠠᠭᠠ ᠳᠤ ᠪᠠᠨ ᠶᠡᠭᠡ ᠤᠬᠢᠯᠠᠳᠠᠭ᠂ ︽ ᠤᠬᠢᠯᠠᠭᠰᠠᠭᠠᠷ | ᠤᠬᠢᠯᠠᠭᠰᠠᠭᠠᠷ ᠬᠦᠮᠦᠨ ᠪᠣᠯᠤᠨᠠ᠂ ᠮᠠᠶᠢᠯᠠᠭᠰᠠᠭᠠᠷ ᠮᠠᠶᠢᠯᠠᠭᠰᠠᠭᠠᠷ ᠮᠠᠯ ᠪᠣᠯᠤᠨᠠ︾ ᠭᠡᠳᠡᠭ᠃ ᠡᠨᠡ ᠦᠶᠡ ᠶᠢ | ᠬᠡᠯᠡᠨᠡ᠃ | 8.ᠮᠦᠯᠬᠦᠭᠡ ᠨᠠᠰᠤ — ᠠᠪᠤ ᠶᠢᠨ ᠢᠶᠠᠨ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠡᠪᠦᠳᠦᠭ ᠲᠣᠬᠤᠢ ᠪᠠᠷ ᠢᠶᠠᠨ ᠮᠦᠯᠬᠦᠬᠦ | ᠦᠶᠡ ᠶᠢ ᠬᠡᠯᠡᠨᠡ᠃ | 9.ᠬᠦᠯ ᠳᠤ ᠣᠷᠤᠬᠤ ᠨᠠᠰᠤ — ᠲᠡᠭᠰᠢ ᠭᠠᠵᠠᠷ ᠲᠤ ᠲᠡᠩᠴᠡᠨ ᠲᠡᠨᠳᠡᠷ ᠲᠣᠨᠳᠤᠷ ᠠᠯᠬᠤᠬᠤ ᠦᠶᠡ ᠶᠢ | ᠬᠡᠯᠡᠨᠡ᠃ | 10.ᠤᠶᠠᠯᠭᠠ ᠪᠠᠲᠤ ᠨᠠᠰᠤ — ᠬᠦᠯ ᠳᠤ ᠣᠷᠤᠭᠰᠠᠨ ᠬᠡᠥᠬᠡᠳ ᠢ ᠬᠦᠮᠦᠨ ᠤ ᠡᠵᠡᠭᠦᠢ ᠳᠤ ᠠᠶᠤᠯ ᠳᠤ | ᠦᠷᠲᠦᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠠᠨᠠᠨ ᠠᠴᠠ ᠡᠷᠡ ᠰᠦᠷ ᠢᠶᠠᠷ ᠪᠠᠲᠤ ᠤᠶᠠᠵᠤ ᠰᠤᠷᠭᠠᠳᠠᠭ | ᠨᠠᠰᠤ ᠶᠢ ᠬᠡᠯᠡᠨᠡ᠃ ︽ᠤᠶᠠᠭᠰᠠᠨ ᠬᠡᠥᠬᠡᠳ ᠤᠷᠲᠤ ᠨᠠᠰᠤᠯᠠᠳᠠᠭ︾ ᠭᠡᠵᠤ ᠶᠠᠷᠢᠳᠠᠭ᠃ | 11.ᠬᠤᠷᠠᠭᠠᠴᠢᠨ ᠨᠠᠰᠤ — ᠬᠤᠷᠠᠭᠠ ᠲᠠᠢ ᠲᠣᠭᠯᠠᠬᠤ᠂ ᠬᠤᠷᠠᠭᠠ ᠢᠰᠢᠭᠡ ᠲᠠᠯᠪᠢᠬᠤ᠂ ᠭᠡᠷ ᠤᠨ ᠣᠶᠢᠷᠠ | ᠵᠠᠭᠤᠷᠠ ᠬᠤᠷᠠᠭᠠ ᠳᠠᠭᠤᠨ ᠠᠪᠴᠢᠷᠠᠬᠤ ᠵᠡᠷᠭᠡ ᠪᠠᠷ ᠠᠪᠤ ᠡᠵᠢ ᠳᠤ ᠪᠠᠨ ᠲᠤᠰᠠ ᠪᠣᠯᠬᠤ ᠨᠠᠰᠤ ᠶᠢ ᠬᠡᠯᠡᠨᠡ᠃ | ᠮᠣᠩᠭᠤᠯᠴᠤᠳ 4-5 ᠨᠠᠰᠤᠨ ᠤ ᠵᠢᠭᠠᠯ ᠢ ︽ᠲᠠᠨ ᠤ ᠬᠢ ᠭᠠᠶᠢᠭᠤᠢ ᠰᠠᠶᠢᠨ ᠬᠤᠷᠠᠭᠠᠴᠢᠨ ᠲᠠᠢ ᠪᠣᠯᠵᠠᠢ︾ ᠭᠡᠵᠦ | ᠬᠡᠯᠡᠨᠡ᠃ | 12.ᠲᠤᠭᠤᠯᠴᠢᠨ ᠨᠠᠰᠤ — ᠵᠠᠯᠠ ᠠᠴᠠ ᠲᠤᠭᠤᠯ ᠠᠪᠴᠢᠷᠠᠬᠤ᠂ ᠣᠶᠢᠷᠠ ᠵᠠᠭᠤᠷᠠ ᠲᠤᠭᠤᠯ ᠡᠷᠬᠢᠭᠦᠯᠬᠦ | ᠦᠶᠡ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠢ 5-6 ᠨᠠᠰᠤ ᠪᠣᠯᠤᠨᠠ᠃ | 13.ᠪᠣᠳᠤᠭᠤᠴᠢᠨ ᠨᠠᠰᠤ — ᠪᠣᠲᠤᠭᠤ ᠭᠡᠷ ᠠᠴᠠ ᠳᠥᠷᠪᠡ ᠲᠠᠪᠤᠨ ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠶᠠᠪᠤᠳᠠᠭ᠃ | ᠪᠣᠲᠤᠭᠤ ᠡᠷᠭᠢᠭᠦᠯᠬᠦ᠂ ᠢᠩᠭᠡ ᠣᠶᠢᠷᠠᠲᠤᠭᠤᠯᠬᠤ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠬᠡᠥᠬᠡᠳ ᠢ ᠬᠡᠯᠡᠨᠡ᠃ ᠡᠨᠡ ᠨᠢ 6-8 | ᠨᠠᠰᠤ ᠪᠣᠯᠤᠨᠠ᠃ | 14.ᠬᠤᠨᠢᠴᠢᠨ ᠨᠠᠰᠤ — ᠵᠢᠯ ᠤᠨ ᠠᠯᠢ ᠴᠤ ᠤᠯᠠᠷᠢᠯ ᠳᠤ ᠰᠦᠷᠦᠭ ᠬᠠᠷᠢᠭᠤᠯᠬᠤ᠂ ᠲᠦᠯ ᠠᠪᠬᠤ ᠠᠵᠢᠯ | ᠳᠤ ᠣᠷᠤᠬᠤ ᠦᠶᠡ ᠶᠢ ᠬᠡᠯᠡᠨᠡ᠃ | 15.ᠦᠭᠡᠯᠡᠢ ᠨᠠᠰᠤ — ᠬᠡᠥᠭᠡᠳ ᠨᠠᠰᠤᠨ ᠤ ᠳᠠᠪᠠᠭᠠᠨ ᠳᠡᠭᠡᠷᠡ ᠭᠠᠷᠴᠤ᠂ ᠬᠦᠮᠦᠨ ᠶᠣᠰᠤᠨ ᠤ ᠣᠪᠤᠭᠠ | ᠲᠣᠭᠤᠷᠢᠬᠤ ᠶᠢ ᠬᠡᠯᠡᠨᠡ᠃ 12-16 ᠨᠠᠰᠤ ᠪᠣᠯᠤᠨᠠ᠃ | 16.ᠠᠳᠤᠭᠤᠴᠢᠨ ᠨᠠᠰᠤ — ᠦᠷᠯᠦᠭᠡ ᠨᠠᠷᠠ ᠠᠴᠠ ᠦᠷᠢᠰᠦᠨ ᠠᠳᠤᠭᠤ ᠬᠤᠷᠢᠶᠠᠬᠤ᠂ ᠡᠪᠤᠯ ᠤᠨ ᠰᠦᠨᠢ | ᠠᠳᠤᠭᠤ ᠮᠠᠨᠠᠬᠤ ᠦᠶᠡ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠢ ᠳᠤᠮᠳᠠᠴᠢ ᠪᠠᠷ 17 ᠨᠠᠰᠤᠨ ᠠᠴᠠ ᠬᠤᠶᠢᠰᠢᠬᠢ ᠶᠢ ᠬᠡᠯᠡᠨᠡ᠃ | 17.ᠡᠷᠢᠯᠴᠢᠨ ᠨᠠᠰᠤ — ᠰᠣᠮᠣ ᠰᠤᠩᠭᠠᠵᠤ ᠠᠶᠢᠮᠠᠭ ᠠᠯᠤᠰᠯᠠᠵᠤ ᠠᠯᠳᠠᠭᠤᠯ ᠮᠠᠯ ᠬᠠᠶᠢᠬᠤ ᠦᠶᠡ ᠶᠢ | ᠬᠡᠯᠡᠨᠡ᠃ ᠡᠷᠢᠯᠴᠢᠨ ᠨᠠᠰᠤ ᠪᠠᠷ ᠨᠢ ᠬᠡᠥᠭᠡᠳ ᠢ ᠮᠠᠯ ᠣᠯᠬᠤ᠂ ᠡᠷᠳᠡᠮ ᠣᠯᠬᠤ ᠶᠢᠨ ᠠᠯᠢ ᠨᠢ ᠪᠣᠯᠬᠤ ᠶᠢ | ᠰᠢᠨᠵᠢᠳᠡᠭ ᠡᠷᠲᠡᠨ ᠤ ᠶᠣᠰᠤ ᠪᠠᠶᠢᠳᠠᠭ᠃ | 18.ᠤᠷᠢ ᠵᠠᠯᠠᠭᠤ ᠨᠠᠰᠤ — ᠪᠡᠶᠡ᠂ ᠤᠶᠤᠨ᠂ ᠦᠩᠭᠡ ᠵᠢᠰᠦ᠂ ᠴᠤᠭ ᠵᠢᠪᠬᠤᠭᠠ᠂ ᠡᠷᠴᠢᠮ ᠠᠪᠬᠠᠯᠵᠢ᠂ | ᠬᠤᠷᠲᠤ ᠬᠦᠴᠤ ᠵᠠᠭᠰᠠᠬᠤ ᠰᠠᠶᠢᠬᠠᠨ ᠦᠶᠡ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠢ 25-35 ᠨᠠᠰᠤ ᠶᠢ ᠬᠡᠯᠡᠨᠡ᠃ | 19.ᠢᠳᠡᠷ ᠨᠠᠰᠤ — ᠵᠠᠯᠠᠭᠤ ᠨᠠᠰᠤᠨ ᠤ ᠣᠷᠭᠢᠯ ᠦᠶᠡ᠃ 35-45 ᠨᠠᠰᠤ ᠪᠣᠯᠤᠨᠠ᠃ | 20.ᠬᠢᠵᠢᠶᠡᠯᠢ ᠨᠠᠰᠤ — ᠤᠯᠠᠷᠢᠯ ᠢᠶᠠᠷ ᠪᠣᠯ ᠨᠠᠮᠤᠷ᠂ ᠨᠠᠰᠤᠨ ᠤ ᠬᠢ ᠪᠠᠷ ᠪᠣᠯ ᠦᠳᠡ ᠳᠤᠮᠳᠠ ᠠᠴᠠ | ᠬᠠᠵᠠᠶᠢᠭᠰᠠᠨ ᠦᠶᠡ ᠶᠢ ᠬᠡᠯᠡᠨᠡ᠃ ᠲᠠᠪᠢ ᠣᠷᠴᠢᠮ ᠨᠠᠰᠤ ᠶᠢ ᠬᠡᠯᠡᠨᠡ᠃ | 21.ᠦᠨᠳᠦᠷ ᠨᠠᠰᠤ — ᠠᠷᠢᠭ ᠪᠣᠶᠠᠨ ᠢᠶᠠᠨ ᠡᠳ᠋ᠯᠡᠵᠦ᠂ ᠠᠴᠢ ᠭᠤᠴᠢ ᠳᠤ ᠪᠠᠨ ᠬᠦᠨᠳᠦᠯᠡᠭᠳᠡᠬᠦ ᠨᠠᠰᠤ ᠶᠢ | ᠬᠡᠯᠡᠨᠡ᠃ ᠡᠨᠡ ᠨᠢ 60 ᠠᠴᠠ ᠳᠡᠭᠡᠭᠰᠢᠬᠢ ᠨᠠᠰᠤ ᠪᠣᠯᠤᠨᠠ᠃ | 22.ᠶᠡᠭᠡ ᠨᠠᠰᠤ —80 ᠠᠴᠠ ᠳᠡᠭᠡᠭᠰᠢ ᠨᠠᠭᠠᠳᠤᠮ ᠦᠵᠡᠵᠤ᠂ ᠶᠠᠪᠤᠭᠠ ᠪᠣᠶᠠᠨ ᠲᠠᠢ ᠪᠣᠭᠤᠷᠤᠯ ᠢ ᠶᠡᠭᠡ | ᠨᠠᠰᠤᠲᠠᠨ ᠭᠡᠨᠡ᠃ | 23.ᠲᠣᠷᠬᠠᠷᠤ ᠨᠠᠰᠤ — ᠡᠳᠦᠷ ᠠᠴᠠ ᠡᠳᠦᠷ ᠴᠠᠷᠢᠭ ᠮᠠᠭᠤᠲᠠᠵᠤ ᠪᠠᠶᠢᠭᠠ ᠦᠶᠡ ᠶᠢ ᠬᠡᠯᠡᠨᠡ᠃ | 24.ᠮᠣᠶᠢᠬᠤ ᠨᠠᠰᠤ — ᠶᠢᠷᠡ᠂ ᠵᠠᠭᠤ ᠠᠴᠠ ᠳᠡᠭᠡᠭᠰᠢ ᠨᠠᠰᠤᠯᠠᠵᠤ᠂ ᠣᠢ ᠲᠣᠢ ᠨᠢ ᠰᠤᠯᠠᠷᠠᠨ ᠬᠦᠯ ᠳᠤ | ᠣᠷᠤᠵᠤ ᠪᠣᠢ ᠬᠡᠥᠬᠡᠳ᠂ ᠬᠡᠯᠡ ᠳᠤ ᠣᠷᠤᠵᠤ ᠪᠣᠢ ᠵᠢᠭᠠᠯ ᠰᠢᠭ᠋ ᠪᠣᠯᠵᠤ᠂ ᠦᠯᠦᠭᠡᠶᠢᠲᠡᠭᠦᠯᠬᠦ ᠠᠴᠠ ᠨᠠᠭᠠᠭᠤᠷ | ᠠᠰᠠᠷᠠᠭᠤᠯᠬᠤ ᠦᠶᠡ ᠶᠢ ᠬᠡᠯᠡᠨᠡ᠃ | 25.ᠨᠡᠷᠡᠲᠦ ᠠᠴᠠ ᠪᠣᠴᠠᠬᠤ ᠨᠠᠰᠤ — ᠶᠢᠷᠳᠢᠨᠴᠤ ᠶᠢᠨ ᠮᠦᠩᠬᠡ ᠵᠢᠮᠡ ᠠᠴᠠ ᠬᠡᠨ ᠴᠤ ᠪᠣᠯᠳᠠᠵᠤ ᠦᠯᠦ | ᠴᠢᠳᠠᠮᠤᠢ᠃ ᠡᠶᠢᠨ ᠬᠦ ᠦᠲᠡᠯᠡᠭᠡᠳ ᠪᠠᠭᠤᠳᠠᠭ ᠬᠤᠷᠸᠠ ᠠᠴᠠ ᠪᠠᠨ ᠡᠭᠡᠬᠦ ᠶᠢ ᠬᠡᠯᠡᠨᠡ᠃ |